الأربعاء، ديسمبر 01، 2010

مابين شقاوة وشقاوة

وكانت أروقة المجلس شهدت خلافاً بشأن تواجد النائب خالد الطاحوس بين النواب الحضور خلال رفع الجلسة، وعلى الرغم من الطاحوس لم يكن موجوداً في القاعة أثناء رفع الرومي للجلسة، ودخل بعد رفعها مع النائبين رولا دشتي وعبدالرحمن العنجري، فإنه أصر على أنه كان حاضراً، مؤكداً أنه كان داخل القاعة، مشيراً إلى أن تواجد اسمه في الكشف من عدمه أمر يخص الأمانة العامة.
أما النائب خلف دميثير فأكد أن لديه معلومات عن إضافة أسماء نواب إلى كشف حضور جلسة أمس، 'مع أنهم لم يكونوا متواجدين داخل القاعة أثناء رفع الجلسة نهائياً' في إشارة منه إلى النائب الطاحوس، الأمر الذي حسمه رئيس مجلس الأمة بالإنابة عبدالله الرومي الذي أكد أن اسم الطاحوس ليس من بين الأسماء الحضور في كشف الأمانة العامة.


الخلاف حول اسماء الحضور
وغياب البعض وتواجد الآخر
وكشف الحضور
ذكرني بشئ
.
.
.
تذكرون؟
دكتور طاعن بالسن من الأحافير ودفعة الفراعنة
يقرأ كشف الحضور فيجد خمسين اسما
ينظر للقاعه...فيجد عشرين لا اكثر
يتأمل مرة أخرى...يحرك نظارته...ويقرر ان- يجكنا- بذكاء
ولكن هيهات هيهات
شئ من المسؤوليه الاجتماعيه الجماعيه يجعل العشرين طالبه يقلن نعم لانفسهن وولغائبات حولهن
يتنهد الدكتور...يتعزز لنفسه على عمره الذي جعله لا يفرق بين العشرين والخمسين...يبدأ بالشرح
ونشعر بالانتصار
يمضي الكورس...والحضور بينا شفتات...ولا احد لديه انذار ولا تأخير
.
.
.
شقاوتنا كانت جميلة
شقاوة النواب....لا تمت للجمال بصلة

!


هناك 14 تعليقًا:

الليوان يقول...

والله ذكرتيني يا استكانة
يازين ذيج الايام
مستعدة ارجع الجامعة وادرس فيها لين يخلص عمري
كل يوم كان غير الثاني
مادري انا درريسة
والا هالشعور الكل يحسة
بس صج...احلى فترة من فترات عمري
بس يدشون بناتي الجامعة باذن الواحد الاحد بشوف لي تخصص وارجع اقدم على الدراسة معاهم
منها رقابة
؛)
ومنها استعادة للذكريات

:)

chandal/danchal!! يقول...

الشقاوة دايما جميلة

تصرفات النواب لها تعريف ثاني غير الشقاوة


ما كان عندنا حضور وغياب بكليتنا.. كل واحد وكيفه
الدكتور اللي ما افهم من كلامه شي انسي اني احضرله

ضحكتيني على فرعونكم
:)

على فكرة بوقتها كنا نضحك ومستخفين دم بعضنا عالآخر

بس الحين ما اشوف تصرفنا يضحك
لأني ببساطة اصبحت امشي بحذاء امي -شرايج بالترجمة بس-؟


مشكورة على تعليقك السابق, اخجلتيني استكانة

وعودة للرد فيلفت
اختي امس متعشية في b+f
تعظم من اجر رد فيلفتهم
:)

وعلى سالفة فرس فرس مو بس انتي اللي تذكريني لما تسمعينها
:(
ارجوك"ن" تذكر"ن" خواتي لما تسمعونها!

آخر شي
وايد فاقدة فيونكتج
لبسيها وكتبيلنا بوست بالويك اند ولا عليج امر

تلات سلامات وشوية
:*

esTeKaNa يقول...

الليوان
~~~~~~~~~
هلا بالليوان
هلا بالغاليه
:**
تصدقين انتي مثلي
!!
انا كنت اروح الجامعه مستانسه
مستمتعه بكل شي
والدراسه عندي تحدي والنجاح انتصار
والايام تفرق عن بعض
يا حلوها من ايام
.
.
.
لو بتكملين بقولج كملي
بس رقابه...لا لا تقاعدي ونطريهم بالبيت،وبينوونج من باب السكة يسولفون كل شي
وازينهم عسى ربي يبلغج فيهم يارب
:**

ikhalifa يقول...

الله يرحم الجامعة و ايام الجامعة
الحين بصمة و جواسيس عليك بعد

esTeKaNa يقول...

chandal/danchal!!
~~~~~~~~~~~~~~~~~~~
يا هلا برد فالفيت حياتي
:***
تصدقين جندله انا بعد هاليومين لابسه حذاء امي غصبن عني وبمرحله مبكره
!!
انا ماحس اني لابسته
بس اختي المراهقه ام لسان كل ما انتقدت لبسها ولا شي شقالت لي؟
يا كرة الزواج صايره حرمه
:P

وعلى طاري كنا مستخفين دمنا
كان هذا موضوعي مع بنت خالتي
في اشيا كنا نعتقدها ظريفه واهي فعلا مليقه وخطأ لذا فانا اقدر كل مراهق مليق
لانه مايدري ان مليق واعليه
:)))

امس كنتي في بي اف؟
سبحانك ربي القلوب شواهد-مع ان الموضوع ماله علاقه بالقلوب بس ما اقدر اقول شي ثاني-انا بعد كنت
:P

ويا بعد قلبي انتي تذكرين الفيونكه؟
ترا شايلتها لعش الزوجيه وكشخت فيها
بس ردة الفعل خلتني اخشها بالكبت
:)

chandal/danchal!! يقول...

قلبج وقلب اختي, اهي اللي كانت هناك

:)

ضحكتيني على الفيونكة
لووووووووووووووول

لبسيها بس حق البلوق

:)

ARTFUL يقول...

ما ودي أدش بتفاصيل ردج على عيوز البلوقرية

بس للأمانة أضحكني كثيرا

;D

على طاري الجامعه هذا اذا كان فرعوني

يطري علي مره دكتورنا،، والله مادري شلون صاد الطالبة

كاتبة اسم رفيجتها

وهو ما يجيك على الغياب ابد

اليوم بالذات جان يعد الحضور

شاف في فرق واحد

!!!

جان يقول من الأفضل ان اللي مسوي هالشي ايني المكتب

لاني اذا جكيته

ماراح يحصل طيب

!!!

تبريدت مسكينة وراحت
!!!

وعلى طاري الطاعن في العمر

مثل الاخت جندلة

عندنا دكتور شاااايب عايب

وحول

تعالي اخذي ضحك بالكلاس

!!!

واذا كان معاك شلّة قلّة الأدب

ماراح تفهم شي طول الكورس

!!

عندي منظر أخير قبل لا أمشي

تخيلي

عيييييوز ريلها والقبر لابسه حذاءأمها

شراح تطلع؟

هذي جندله

:p

aL-NooR . يقول...

شتااااااااان
بين شقواتهم ...و شقاوتنا
تصدقين ..ساعات احس خلاص انعدمت البراءة بهالجيــل احنا حتى العيارة بريئة الحين ماكو ..روحي المدارس و الجامعات ..تحسينهم امهاتج ..مادري من شنو ؟ .. حتى طريقة كلامهم تحسين سابقينا بقرن ..مادري من اللي يشوفونه ..جدامهم ..و اول شي هالمجلس ..يكافينا الشر
انا اقول ماكو الا نشتغل انا معاج نظام بالمجلس
ونعلم عليهم
هههههه
منها دوام خربوطي و منها برستيج
و عليّ الباجات



جندووووولاااا
ذكرتيني بالفيونكة
صااااااجة ..وينها
فقدناهااااااا ..هالويك اند نبي شي حلو من اناملج الذهبية
ولا نسوي اعتصام يم قبة المجلس

btw
و انا بعد كنت اب اوبن فليم
اشوفه منور و مشتعل امس ..
هههههه

Safeed يقول...

وستظل مثل هالمواقف تتكرر
فالحياة دوامة لولبية .. كل شيء فيها يكرر
نفسه كحدث .. باختلاف الشخصية والمكان

حسافتج يا كويت يقول...

ما اروع تشبيهك

صح والله صح

بس انا اللي باط جبدي الشخصانيه
فالمجلس يضيع جلستين تخص البلد عشان راس نائب

واللي ضيع بلد اكيد مايهمة جلستين

عزيزتي استكانه اسمحيلي بغير عنوان موضوعك واسميه مابين شقاوة وشقاوي


تحياتي

t7l6m.com يقول...

اي شقاوه واي جمال و اي بطيخ بسالفة النواب
فشلونا وفتحوا ازمه يديده الله يكافينا شرها

candle يقول...

أكيد كان دكتور شريعه أو قانون دولي لأن هذول الاحفورتين اللي ممكن يطوف عليهم هالموضوع الباقي ماتطوف عليهم مجربتهم كلهم :)

Sami يقول...

شقاوتنا امتداد لشقاوة نوابنا

|:| DUBAI |:| يقول...

صباح الازيرق
صباح التألق
صباح شارع الخليج
صباح ستاد جابر
صباح من دبي
لأحلى كويت

مبروك . . ألف ألف مبروك
و عقبال الاسيوية و الوصول لكاس العالم

تستاهلون والله
و فرحنالكم من كل قلبنا

: )

عسى هذا الفوز
يخليكم صف واحد
و تبتعد كل المشاحنات
و انتوا واحد
و خليجنا واحد

و الصلاة على خير الانام

: )

بدعت صح؟

خخخخخ