الخميس، يونيو 17، 2010

الطقس

(1)
عزيزي الطقس:
ثلاثة جدور ماي
اربع بصلات
فص ثوم
بهارات مجدي مشكل
ثلاث خياش عيش
زيت الذرة دلال
واطبخنا...بعد شناطر؟
.
.
.
ضحت على مسج صديقتي متخيله عقده نونتها حين ارسلت هذا المسج،ومع توالي المسجات المتعلقة بالطقس  هناك سؤال يجب ان ننتبه اليه:
من المخاطب في هذا المسج وغيره من المسجات المتعلقه بالطقس؟
فالطقس لم يخلق نفسه ،بل هي أوامر من خالق الكون،
نسئل الله ان يحرم أجسادنا وأجساد والدينا وأهلنا وأحبابنا من النار
للنتبه للمسجات التي نبعثها دون ان نتمعن فيها كل يوم



(2)
بهدف الترشيد،تم إغلاق التكيف في مبنى الوزاره منذ الساعه الواحدة ظهرا ،على ان يتم انتهاء الدوام الرسمي الساعة الثانية والربع ،والسؤال :
ايهما اهم..الترشيد ام ذوبان موظفينا وموظفاتنا تحت ظروف الطقس الحارة؟



(3)
رغم وجود يوم متفق عليه للزوارة،الا اني عودتها في عصرية كل اربعاء ان يكون لقاءنا الخاص مع بعض،أدخل عليها ووجهي محتقن ،وقلبي ذايب من الحر،ومخيخي يعاني من انصهاره تحت اشعه شمس العصر،تنقذني هي عاده بعصير ليمون ونعناع مع ثلج مجروش،وما ان ترد روحي وتعود ملامح وجهي لحالتها الطبيعيه بفعل نسمات براد السنترال حتى ترفع يديها وتدعي:
عساك ياللي سويت لنا هالسنترال بالينه
:)
يضحكني الدعاء
بس من قلب:
آمين



(4)
استمتعوا بالويك اند
بعيدا عن المهايل بالشموس
:)


هناك 52 تعليقًا:

المقوع الشرقي يقول...

ستكانة الجاي المنعنع..سابقا
والليمون بالنعناع بالثلج المجروش حاليا
:)
أنا وحدة ذبت من الحررر
لحقووونى
باتلاشى
:))

esTeKaNa يقول...

المقوع الشرقي
~~~~~~~~~~~~~~
وي يا بعدي انتي
!!
انا اقول خلينا نريهن ببيوتنا نجابل النت ونسوي حملة :
يا زين براد بيتنا
:P

الجودي يقول...

تدرين استكانه لو يسوون هالحركه عندنا في الدوام يتراوالي أسحب جنطتي و أمشي
"
"
"
أي تركيز و أي إنتاجيه في الحر من صجهم
أنا ما قول إلا آمين يعله الينه إلي سوالنا السنترال

:)

ikhalifa يقول...

المفروض الخليج كلها تعطل و ماشي دوامات
قانونياً طبعاً :)

SHOOSH يقول...

احنا اليو بلشوا يسكرون الليتات في الممرات

بس داخل المكاتب شغاله

نون النساء يقول...

توني رادة من مركز سلطان

شميستنا اتهبل
الظاهر مسج رفيجتج وصل لووول..



عسى ربي يرحمنا برحمته ويرزقنا بالغبار السنع لأن خلاص تعودنا عالتنظيف

chandal/danchal!! يقول...

اتفق معاج ام الاستكاين

مافي داعي للتذمر على الطقس


انا مستمعة عالآخر
احب حياة الليل الصيفية
:)

عمرج شفتي وحدة تسفهل بالحر؟... بس تعالي شوفيني اذا صار سحتني... عادي ابجي

:p

انجوي يور ويك اند يا قمر
:*

ميمة السبيت يقول...

** اهم اعتقوا احد بهالمسجات محد سلم منهم

و بصراحة اول مرة بحياتي اعرف قيمة لغبار

سبحانك يا ربي في كل شي حكمة

violinist_q8 يقول...

يسون ترشيد الساعه 1 الظهر ؟
اقدم شكوى لحقوق الانسان :)

يازين جو الكويت بصيفها وبشتاها
الله يبرد علينا وعالعمال الي يشتغلون الظهاري بالشارع

سلة ميوّة يقول...

استكانتنا العزيزة

اليوم انتي ايس تي:***


على هالتدوينة الخفيفة....


اطمح أن أقضي ويك اندي تحت ظل سنترالنا الميمون لا اوقف الله نفخه

و أنا أتمخطر وأتبخطر بنص هدووووم..فضفاضة..واسعه....
اتذكرني بفلونه بجلالة قدرها....

:)


عساه ويك اند بااارد يسرسح
مثل بوستج


على الهامش:

وصلني مسج وانا بالدوام طفو والحمل والخرابيط....


يتني الضحكه على بجوه...

وقررت إني أدز مسج ردا عليهم...

غليظ اللفظ والمستوى..

اتهقين وصلهم:)

لحظه يقول...

anty m3ana b mjma3 alwzarat a7na 9ar lna yomain yskroon al central..ana mn yoom al a7ad ra7 a6alb mn al kelana nsawee a3ti9aam n6la3 mbjer

حقوقي يقول...

1- لوووول مسج يضحك
بس راح نحسن النية براعيه :)

2- هالوزارات والله معوقين
يا يخلون المكيفات شغالة 24 ساعة
يا يطفونها عالموظفين!!

3- لووول اي والله لولا وجود المكيفات جان احنا بخبر كان
الله يجزا اللي سواهم خير :)

4- الحر يخرّب كل شي :/

ARTFUL يقول...

حر حر حر حر
الحمدلله بس حررر

والله مخترع التكييف انقذ هذا الشعب من الهلاك

جزاه الله خير الجزاء

وبعدين اللي بسافر لا يتكلم

نفس الاخت اللي فوق

ام الجنادل

;p

جبريت يقول...

الله ياهو الجو جميل بالبحر الله ياهو يخلي الواحد يفرفش

والصيد حامي والصبي بالطراد مباشرج من الماي البارد والثلج والبيبسي والحركات وبعض الامور

وباجي ايام الاسبوع التنقع بماي الحوض جني بشه

Manal يقول...

استكانة الغالية
سلام من الله عليك غاليتي الجميلة

:)

الله يساعدكم على الحر
ويساعدنا معاكم
لان ردتنا قريبة
وراح نرجع بس علشان نصوم بالديرة مع الاهل


بس الكلام والتذمر عالجو زايد
وانا اراجع نفسي

اقعد مكاني واصوم من الساعة 5 الفجر لي الساعة 10 بالليل

ولا ارجع اصوم بالحر تحت السنترال بين الاهل
ولا نقدر نطلع ولا نتحرك من البيوت؟!

في النهاية شفت ان الحر نعمة
مع وجود اختراع اسمه السنترال


بس تدرين
دايما افكر اقول يعني الحاجة ام الاختراع
وبما ان السنترال شي زين اكيد في شي ثاني نقدر نسويه
وبعد في اشياء وايد ممكن تكتشف

ولا شرايج

يعني مثلاً
نسوي تغطية كاملة على الديرة
الكويت كلها
وتصير كلها تكييف على الطاقة الشمسية

والله يخلي الشمس الي راح نستغلها ويكون لها دور كبير بحياتنا

:))

خيال واسع

بس مافي شي مستحيل
:)

دمتي بالف خير عزيزتي
وعطلة سعيدة

bu-saad يقول...

قانون من منظمة حقوق الانسان

ان زادت درجه الحراره 50 يتوقف العمل



مع تحيات حملة ترشيد الموظفين
؛)

Safeed يقول...

يروى أن الأصمعي على عجوز يعاني من البرد
فكان مما أنشد:
أيا رب إن البرد أصبح كالحاً وانت بحالي ياإلهي أعلم
فإن كنت يوماً في جهنم مدخلي ففي مثل هذا اليوم طابت جهنم

:)

طبيعة الانسان انه يلجأ للسخرية كمحاولة للتغلب على ما ليس بامكانه السيطرة عليه والتحكم به

فالسخرية هي نوع من قبول الواقع، ولكن بطريقة غير مباشرة

.
.

وجهة نظر

وخلصنا من الحر والغبار، يتنا الرطوبة
:)

ReLaaaX يقول...

استكااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااانااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا



وحشاني مووت ياخجي ;**



شلوووونج ؟ شخبااااارج ؟
امبيه والله فاقدتج وداشه بس اسلم واقولج كل حرورة ورطوبة واغبره وانتي بخير ;p



تدرين عاد كان ودي اتكلم عن هالموضوع ؟ لأن يعتبر هالكلام من سب الدهر والدهر هو الله عز وجل .. بمعنى الحديث القدسي :لاتسبوا الدهر وأنا الدهر بيدي الأمر أقلب الليل والنهار


سبحانك ياربي .. وآنا ادري ان عن حسن نية الناس تقول هالكلام .. بس ياجماعة فكرو قبل لا تتحلطموووون والله مايصيييير



ماعلينا انتي شلووونج ؟
:)

بنت الشاميه يقول...

الحين الترشيد بس على الوزارات
ليش ما يسووونه بعد بالمجمعات ....على الاقل يخففون من الاضاءه اللى فى كل محل
ووالاغاني اللى تصك الراس فيها
الظاهر الترشيد بيصير علامه تجاريه مسجله بالكويت

شيئ يضيق الخلق ويحر
هو بس لو يتشددون بتحصيل فواتير الكهرباء جان ما احتجنا لكل هذا الترشيييييد
الناس من نفسهاااا بتخفف اسرافها باستخدمه للكهرباء

انا من انصار الغبار
مع الاعتذار لمرضى الحساسيه والربو


والحمدلله على كل حال
كل من يشتري مهفه
لووووول

مـي يقول...

الله يرضى عليج ويرضيج يا استكانة

عجبني الكلام اللي ذكرتيه في أول البوست

الله يحفظج

Princess Sara يقول...

LOOOL

اي و الله و الشاليعات بعد تلوع
الجبد، سؤال للي يجابلون الشاليه
طول الصيف، مو حر؟
:)
الله يعينكم شلون يصكون التكييف
جذي! خلاص طلعوآ مبجر و سحبوا عليهم
و الله يهديهم بعد على اعمال الكهرباء
الا بالصيف يعني شغلوا عقولكم و فكروا و حلو هالمشاكل بالشتاء!؟

الله يعين
تسلميين :)

Sn3a يقول...

ما حبيت حركه الناس الييديده
بكل مكان قام يكتبون dear weather
وعقبها تحلطم
الف الحمدلله و الشكر والله احنا احسن من غيرنا باميه مره
كافي لا زلازل لا براكين لا عواصف تذبح باهلنا و حبايبنا

صج صج عسااه الينه لول

ردا عالبوست اللي طاف
اصلا انا للحين احلامي بالمدرسه و بيتنا القديم
صج فقدتها ١٢ سنه بين اسوارها مو شويه
و الدوام الحمدلله زين

عروستنا تدرين خفت انج تنشغلين عنا و مايكون لج وقت
بس الحمدلله عسى الله لا يغير عليج الا بالاحسن

esTeKaNa يقول...

الجودي
~~~~~~~
صراحة انا بعد لو يسكرون السنرال يمكن حتى جنطتي اخليها عندهم
المهم اطلع
:P
وعسى ربي يبرد عليه من برد علينا
:)

esTeKaNa يقول...

ikhalifa
~~~~~~~~~~
طبعا
:P

esTeKaNa يقول...

shoosh
~~~~~~~~
انا اليوم شكيت اني مداومه الجمعه
كل الليتات مسكره
جني مسيره على ناس نايمين
:P

esTeKaNa يقول...

نون النساء
~~~~~~~~~~~
ياحلاة مركز سلطان
:P
ربي رزقج بدل الغبار رطوبه
الله المستعان
:)

esTeKaNa يقول...

chandal/danchal!!
~~~~~~~~~~~~~~~~~~
الحين دامج مستانسه بهالحر ليش خليتينا ورحتي من غير شر؟
:(
قلبي عورني وانا اكتب لج الرد
عسى ربي يسمح دربج ويحفظج انتي وعيالج وابيهم ويرزقكم سفره سنعه وحلوة تستمتعون فيها على الاخر
:)

esTeKaNa يقول...

ميمة السبيت
~~~~~~~~~~~~~
اي والله كل شي له حكمة
بس منو يتأمل ويتفكر سبحان الله
:)

esTeKaNa يقول...

violinist_q8
~~~~~~~~~~~~~~
انضم اليك في الشكوى
:)
على طاري العمال:
في واحد يزاه الله خير كل ما صنقلت الشمس وزادت حرارتها ،يروح يفتر بهالشوارع يوزع على العمال رقي وماي بارد
:)
يزاه الله خير
وايد مأثر فيني اختياره للاشياء البارده وفرته على هالعمال
عسى ربي يبرد عليه يارب
:)

esTeKaNa يقول...

سلة ميوة
~~~~~~~~~~~
يا صباح الفستاين الفضفاضه
:)
انا عندي لوك ما يطلع الا بالصيف
تعرفين نفانيف موديل قرظة العافية؟
نفانيف البراد؟
واي يا زينهم ودي حتى طلعه اطلع فيهم،بس احترمت نفسي ليش عروس للحين ما لبستهم بس ناوية
:P
ودزيتيهم لهم مسج؟
واااي يا زين المسج الغليظ اللهجة،يختي ما اتخيل يطلع منج الا الحجي الحلو
:)

esTeKaNa يقول...

لحظة
~~~~~
انا مو معاكم من غير شر
بس الكثير من الضحايا اللي معاكم من حبايب قلبي
واطالبكم باعتصام سلمي
ما تنلامون صراحة
ترشيد وتذوب قلوبكم؟
!!
ناطرة تبشريني باحد البشارتين:
اما فتحوه لي اخر الدوام
او طلعوكم مبجر
:)

esTeKaNa يقول...

حقوقي
~~~~~~~~~
انا اشهد انك زميل
عقبت على البوست نقطة نقطة
تستاهل درجة كامله
:)

esTeKaNa يقول...

ARTFUL
~~~~~~~~~
من غير شر يا ارتفل
جنه اللي مسافره اختي
الله يحفظها ويسمح دربها
.
.
وديرو بالكم على شيوخه بهالحر
رجاء بلا نادي بلا اي مشوار صباحي
حافظو على بشره البنيه
:P

esTeKaNa يقول...

جبريت
~~~~~~~
عليك بالعاااافيه
انا صج بخاطري البحر
بس احنا البنات لويه مو مثلكم سهالة رب العالمين ما شاء الله
:)

Yara يقول...

صدقتي يا عزيزتي

بس المشكلة أن أحنا مستثقلين ال 53 درجة مئوية ،،،يديدة مو متعودين عليها

بس تظل مشكلتنا مشكلة نفوس مو شموس

:)

esTeKaNa يقول...

منال
~~~~~~
يا صباح كارديف الجميلة
:)
بتنور الديرة بردتكم
تبين الصج؟
صج حر بس القعده مع الاهل تسوا الدنيا واللي فيها
.
.
.
ما تتخيلين شكثر انا سرحت مع اقتراحاتج والله خووووش فكرة
ياربي ليش ما يتبنون الناس اللي فاهمة شرواج؟
لازم ندعم الفكرة لازم
:))
وفعلا ماكو شي مستحيل
وايد اشيا ما تخيلناها تصير بس صارت
:P

Antonio يقول...

حررررررر

الحمدالله على كل حال

حتى خطبة يوم اليمعه كانت عن الحر

سبحان الله يالله تخفف علينا حر الدنيا وحر الاخره

ARTFUL يقول...

شوفي شويخه

نص أسمر يا اسمراني

ونص خمري على قولتهم

الاسمر صعب تسويه ابيض

فماكو الا نخلي الخمري أسمر

هذا والله أعلم

;p

esTeKaNa يقول...

bu-saad
~~~~~~~~~~
أنضم معكم في هذه الحملة
:)

esTeKaNa يقول...

Safeed
~~~~~~~~
خوش وجهة نظر
والحمدلله على كل حال
:)

esTeKaNa يقول...

ReLaaaX
~~~~~~~~~
هلا بالطيب الغالي
هلا وغلا بالشيخة ريلاكس
انا بخير يا عساج بخير وولهانه عليج واااايد
يمكن ما اعلق
بس ما تتخيلين شكثر بوستاتج الاخيرة رااااااااائعه
الله يحفظج ويثبتج ولا يحرمنا من وجودج بينا قولي امين
:)))
انتي شخبارج؟

esTeKaNa يقول...

بنت الشاميه
~~~~~~~~~~~~~
هلا وغلا بشيخة الشامية
ابشرج:
يوم الجمعه ابوي قرر ان الزواره في هاجن دز سوق شرق
رحنا الا مع الترشيد مقصرين السنترال
الله لا يوريج الحر
:)))
ويتنا الرطوبه
يالله الحمدلله على كل حال
انا بحط المهفات عند باب التعليقات
:P

esTeKaNa يقول...

مـي
~~~~~~
حياج الله
نورتي
:)

esTeKaNa يقول...

Princess Sara
~~~~~~~~~~~~~~~
على الاقل بالشاليه الواحد يطب بالبحر
يتبرد شوي
:)
يالله الحمدلله على كل حال

esTeKaNa يقول...

Sn3a
~~~~~
حبيبتي يا السنعه
ما اقص عليج الحياه تغيرت حيل
والمشاعر تروح فوق وتحت
والافكار تتغير
والوقت يطير
كل شي يتغير
بس يبقى في ارتباط سري يربطني بهالمكان ما اقدر انشغل عنه
:))
الله يحفظج ويوفقج ويسعدج ويرزقج اجمل من كل ما تتمنين يارب

esTeKaNa يقول...

yara
~~~~~~~
اي والله ثلاثه وخمسين وايد
!!
الله يرزقنا الجنه وبرادها يارب
:)

esTeKaNa يقول...

Antonio
~~~~~~~~~~~
كل من يقولي خطبة الجمعه عن الحر
صج ..الموضوع مأثر على الكل
:)
واميين

esTeKaNa يقول...

ARTFUL
~~~~~~~~~
واختي يا زينها الله يحفظها يارب
:)

Al Pacino يقول...

الله يعينكم إنشالله و يصبركم بس صدقوني مافي أحلى من ديرتنا الله يخليها لنا بأمان ..

أنا إصراحه مو حاس بلي إنتو فيه كوني أنا خارج الكويت بس الحمدلله على النعمه إلي إحنا فيها

دمتي بألف خير

عــــــابره يقول...

الله يرحمنا برحمته

ويرزقناجنته

المفروض مايرسلون مسجات الطناز على الطقس

هذا كل شي بيد الله

عــــــابره يقول...

الله يرحمنا برحمته

ويرزقناجنته

المفروض مايرسلون مسجات الطناز على الطقس

هذا كل شي بيد الله

Catism القطويّة يقول...

أعاذنا الله وإياكم من فيح جهنم.

أظن أن الهدف من إغلاق التكييف هو توفير حمام ساونا للجميع، مما يشجع على طرد السموم، ويزيد الإنتاجية. :)

جعله الله صيفا رقيقا عليكِ وعلى من تحبين.