الأحد، مايو 23، 2010

يا طيب القلب

تقول أنغام:
يا أعز وأغلى وأطيب قلب
فسر للعالم معنى الحب
وإن شاوروا وقالو عليك طيب
خليك هنا من قلبي قريب
وكفاية تكون إنسان في زمان
فيه طيبة القلب بتتعيب
!!
.
.
.
يسأل مذيع البرنامج الآذان المصغية للراديو:
ماهي الصفه التي تود تغييرها في نفسك؟
صفة تسبب لك مشاكل وتحاول أن تغيرها فعلا؟

فاصل أعلاني،مقدمة الدعاية تقط بدليات سخيفة،وعوده مع الإتصال الأول:
صوت رقيق جدا،دلع مصنطع،وتنهيده طويلة:
انا الصفه اللي متعبتني حيل....تيبة
آه يا فلان،اكثر من موقف بالدوام ناس تتحبل لي وتجرحني واسامح،ناس تاخذ حقي ماقول شي،
حتى رفيجاتي يقولون لي:
انتي وايد تيبه
!!
.
.
.
شارع دمشق مزدحم،أفكر بتغير خط سيري اكتسابا للوقت،وقبل ان اقرر اتذكر تلك المرات الكثيرة التي اغير  فيها خط سيري تجنبا للزحمه فأقع بزحمه اكبر من الأولى،وحينها أشعر بالحنق على نفسي وفهلوتي اللي مالها سالفة
أحيان إلتزامك بالطرق التي تعرفها أأمن لك من تجربة لا تعرف نتايجها
...
اتصال آخر وصوت رجولي قادم من كهف بعيد واسم المتصل بو يوسف:
إيييييييه يا فلان
يضحك المذيع:
ها شنو الصفة اللي بتغيرها بنفسك؟
يجيب المتصل:
أنا بسرعه اسامح وما أزعل وهالصفة تخلي الناس تتعمد تزعلك
بس شنقول الله كريم
!!
المذيع يتفاعل بطريقة عكسية،حين يضحك المتصل يسكت،حين يسكت يضحك لوحده،هذه المرة يكرر كلام المتصل:
ايييييه الله كريم يا بويوسف،وتسبب لك هالصفه مشاكل؟
يرد المتصل:
إي والله وايد
.
.
.
نصف ساعه في الشارع،كانت كفيلة بأن اسمع فوق السبع  اتصالات كلها تدور في نفس الفكرة:
أنا طيب،اسامح،مسكين،ينقص علي،ومأخوذ حقي
السؤال الذي يطرح نفسه :
هل معقوله اننا كلنا طيبين ومساكين ومأخوذ حقنا؟

إذا كان ذلك مفهوم الطيبة،فأنا شخصيا لست طيبة
!!
فهناك فرق بين الطيبة والسذاجة:
الطيبة لا تعني أبدا ان نسمح لأحد ان يسلبنا حقنا ونلتزم الصمت،ولا تعني الطيبة ان نسامح ظاهريا ويبقى في بواطننا الكثير من الحقد والغضب،ولا تعني اطلاقا ان نكون سلبين متظاهرين بالضعف والوهن
الطيب..هو صاحب القلب النقي الذي يتسامي فوق جروحه برضا،ويحافظ على حقه برقي،ويحب نفسه كما هي دون ان يعتقد ان طيبته سلبيه يجب تغيرها
.
.
.
اذن ما الصفة التي اود لو أغيرها بنفسي ؟
يا ليتها صفة واحده بل هي صفات كثيرة أهما في هذه اللحظة:
أنا قلقه جدا وقلبي حار على حياتي وشغلي
!!
تلازمني ورقة وقلم مكتوب بها كل المهام التي أود انجازها،الأشياء التي تنقصني والأمور التي يجب متابعتها،قمة راحتي حين ارى اني شخطت على قائمتي بشكل كامل تقريبا،لا أعتمد على شخص آخر سواي،وقمة سعادتي حين ارى كل الأمور منجزه بالوقت الصحيح وبالشكل الذي أريد وكلها عشره على عشرة
ذلك امر جيد ولكنه في احيان كثيرة سلبي:
فالتفكير والقلق متعب،يجذب اليك الأمور الغير جيدة ابدا،ثلاث ليال من الأرق المزمن،و طيحة  معتبرة في البيت يجعلني غير قادره على تحريك رجلي اليمين ابدا في اسبوع به مناسبه خاصه مهمه جدا
:(
الحياة تحتم عليك احيانا التقصير بجانب معين،والحياة اجمل مع قليل من الإهمال وترك الأمور تمشي على البركة،وليس كل الأمور في هذه الحياة تحتاج خطة عمل ودراسه جدوى
والقرار النهائي:
انا لاأريد ان اكون قلقه اكثر
وأريد ان اضع بعض من قطع الثلج في قلبي
:)
.
.
ماهي الصفه التي تود تغيرها بنفسك ومتعبتك؟
بعيد عن الطيبة فكلنا طيبون
:)



إستكانة اليوم:
حبيتك أنا مع  أن الحب اللي جمعنا
مبقاش له مكان زي زمان أبدا وله معنى
خد قلبي وهات قلبك هاته
ياابو قلب حياتي بدقاته
الحب دة عقد من الياسمين
وقلوب العشاق حباته
والحب ده عمري وغيرك
مين يقدر يسعدني بأوقاته؟
.
.
.
صباح الياسمين
:)


هناك 34 تعليقًا:

why me يقول...

:)



صباح الحب
صباح الاحساس
وصباح الطيبه

ARTFUL يقول...

صباح الخير

اهلا اهلا

او اللين وسللين على قولة شيوخ

ما تصدقين شكثر سعيد بعودة اختنا استكانه المحموده

:)

انا عندي مشكله بالنسياااااااااان

وبنفس الوقت بمخي مليون فكره

كثير من الايام احس بمخي زحمه ما لها لو تحط 1000 خط سريع والف جسر ما تخلص الزحمه

حتى لو اكتب بريمايندري العزيز هم ماكو فايد تلاقيني اسمع الريماندر

على فكرة انا لو ينمسح الريمايندر اضييييع!!

على سالفة تغيير الطريج بسسب الزحمه انا مرتي دايما تعايرني بهالسالفه

كل ما بغير الدرب تحوشنا زحمه ثانيه
ما تضبط معاي اللي لما اكون بروحي

بس اهي محاوله بالنهايه اهني زحمه واهني زحمه

;p

وبما انج ما تحبين كلمة بلع

شلون بعلج عساه بخير؟

بلغيييه السلام

:)

بنت الشاميه يقول...

صباح الورد للناس الرايقه
صباح السعاده للناس الطيبه

الصفه اللى ابي اغيرها
وقاعده احاول ان اغيرها من زمان
اني واااايد حاره واحب الاتقان
باي عمل او مهمه اقوم فيها
وهذا وااايد صعب بهذه الايام
لانج راح تتصادمين بكل اللى حواليج
وتتعبين قلبج ...لان الكثير لايقدر مدى اتقانك للشيئ
الحين انا تغيرت واااايد عن اول
بس لازال هناك القليل
و ساعات احاسب نفسي واعتبره
هذا التغير اهمال و قصور مني
بس سريعا ما اتخلص من هذا الاحساس
واقنع نفسي ان هذا الافضل لي

خليتين افضفض..... من زماااان ناسيه الفضفضه..... شكرا لك اختي العزيزه

وخلينا مع انغام وكلماتها الجميله
صباح التغير الى الاحسن
:*


(((:

chandal/danchal!! يقول...

على تاري التيبة... تعرفين نكتة "انقتع خيت القتن, وييييييه اربتنه واستتن"

:))))





العصبية اللي على اقل قليل

الله يكافينا شر الغضب


انغام بكبرها تستفزني



بس اعترف اني احب لها اغنية وحدانية... حلوة اوي اوي اوي

:)

Antonio يقول...

يا سلام يا استكانه :)

اي والله كلنا ودنا انطفي هالحرار الي بالقلب والعيلا كله مستعيلين ونبي الشي يخلص بسرعه والله صج هذي مشكلة ، الواحد وده مثل ما قلتي يحط بقلبه ثلج عشان يهدا شوي ، لكن الجو بره حار وغبار يزيد الطيب بله ، ما تشوفين الاوربيين باردين الظاهر من الجو :)



ودي ما اصير طيب يقول الحبيب :)
مساك الله بالخير

تقبلي مروري :)
دمتي بالف خير :)

أحمد الحيدر يقول...

صباح الخير ..


يقولون كل واحد عند عيبه عمي ..

عشان جذي كلنا نشوف نفسنا طيبين :)


والصفات وايدة .. بس تغييرها مو بالتمني ..

تحياتي ..

المقوع الشرقي يقول...

أستكانتنا الغالية
شسالفة هالزحمة اللي تارسةالشوارع وبكل حزة
تنرفز

صاجه كل الناس عند عمرهم طيبين
:)

خفي على عمرج بالحرارة
لا يكلف الله نفسا الا وسعها

مممم..كذا شي بس ودي ما انرفز لما أحد يتأخر بالمواعيد
هالشي كيلر عندي ماحب النطره
واحنا جماعتنا الله خير مالهم شغل بالانقلش تايم على قولة عبدالحسين

ومساج دوعنى

7osen يقول...

مسائ الخير

بوست ممتع كعادة استكانة

بالنسبة لي الصفة اللي ودي تتغير فيني
القلق والتوتر

سلة ميوّة يقول...

صباح الورد والنوير...

امم اصدقين ما حب اسمع برامج فيه متصلين!!

اتنرفز!!

واحس بعصبيه...
خصوصا لما ادق وحده اتنهوص واي يرتفع ضغطي


انا يالله اقرق مع عمري مابطل الراديو..الا نادر...

احسه مستفز:)
المهم....



عن تجربة صوت من القلوب الحاره:)

اقولج قطع الثلج..بتذوب بثواني..وبتزيده حراره صدقيني:)

والحراره بالنسبة لي شي ايجابي...


بوستج مثل ماعوديتنا..

مافقد من رونقه شي..بالعكس زاد..

حبي:*

حقوقي يقول...

اعتقد اني اشاركج نفس الصفة
فأنا قلبي حار على حياتي وشغلي ايضا
واصدقج القول .... صفة متعبة
ودايم تفكيري مشغول
واتمنى اغيرها واستمتع بيومي فقط
واترك ما سواه لحينه
:)

violinist_q8 يقول...

السلام عليكم

للاسف الناس ماتفرق بين الطيبه و ضعف الشخصيه ! اجمل صفه بالانسان الطيبه و المسامحه و - الحلم - لو مسامحتهم للي يتعمدون يزعلونهم حلم فهالشيي من اجمل الاشياء واصعبها لكن اتوقع ومتاكد انها خوف :)

الخيلاء يقول...

صباح الجوري .. :)

ترى قصيده البدر تشلع القلب ;p

انا اعترف انييي كتومه .. ازعل و اتحلطم و اتوعد و ارضى كله بقلبي .. كاسر خاطري هالقلب شايف مني الضيم و متحملني بعد عمري

الاوركيده يقول...

يا مساء الرومانسية

ياقلبي مثل قلبج ودي ابطل الحرارة إذا بغيت اسوي شي لازم ابيه افضل شي وتصير المحاتاه وانقلها حق كل اللي حوالي

حبي لج :*

ميمة السبيت يقول...

** صباح التيب و المشموم و الفل

والله انا كلش مو تيبه و وايد نحيسه و هذا اللي متإبني

الزين يقول...

آآآخ يا استاكنتي

ابي ابطل عصبيه
وابي ابطل عيله
وابي ابطل اشوف الأشياء باللونين الأبيض والأسود
وأبي ابطل اساعد الناس
واشيل همهم واعيش مشاكلهم

ابي انسى حزني
ابي انسى انها راحت
وابي ابطل اوله لحد البكاء
وابي انسى العزله
وابي اقرب من الناس اللي ودهم بقربي

ودي اغير شغلات وايده
بس هذي يبي لها قعده
:)
ومسائج تغيير
:*

عراب الدستور يقول...

كلهم تيبين شعبنا

التيبة زادت في بلدنا

لدرجة انه صرنا تيبين

esTeKaNa يقول...

why me
~~~~~~~~~
يسعد لي مسا هالحب
ويسعد لي صباحه
:)
نورتي المكان

esTeKaNa يقول...

ARTFUL
~~~~~~~~~
ياهلا ويا مرحبا
واختي وزين شيوخة
اللين وسللين
!!
ارتفل انا لو تقولي جذي يمكن اخطفها منكم
:))
عسى ربي يطرح فيها البركة
ويبلغك فيها قول امين
واحلاته والله كبرو البنيات
:)
عيل مشكلتك النسيان؟
اييييه ياهي مشكلة

وصيتي لأم شيخة التالي:

تشتري من هالاوراق الصفره وتكتب نوت بكل مكان عشان بو شيخة ما ينسى
:)
واحنا كلنا بخير
نرسل لكم تحياتنا القلبييه
:)

esTeKaNa يقول...

بنت الشامية
~~~~~~~~~~~~~
ياهلا ويا مرحبا بشيخة الشامية كلها
:*
يقول عليه الصلاه والسلام:
إن الله يحب اذا عمل احدكم عمل ان يتقنه

الاتقان والاخلاص والصدق بكل عمل وخطوة نخطيها امر مرغوب فيه،ولكن لابد ان يكون فيه اتزان حتى ما نصل لمرحلة جلد الذات عن كل تقصير ولو كان غير مقصود
اييييه يا بنت الشامية
عندي وعندج خير
:))

تصدقين؟
طبعنا مريح للناس اللي حولنا
ولكن متعب جدا لنا،مع الوقت تحسين باستنفاذ طاقتج

وطالما قررتي ان يكون صباحج تغير للأحسن،انا واثقه ان التغير سيكون دائما للأحسن والأروع بعد
:**

esTeKaNa يقول...

chandal/danchal
~~~~~~~~~~~~~~~~~~~~~
هلا هلا
هلا بالطش والرش
:**
وااااااي تدرين خرعتيني
!!
قايلنها لي رفيجاتي بنات عم وهذي من القصص التراثيه بعايلتهم مستغربين اني ما سمعتها
والبارحة ابي اعيدها حق ابوي وامي نسيت ماذكرت الا حبل التتن
:)))
يسلمج كتبيها لنا على يوم
:p

عصبية؟
الرسول عليه الصلاه والسلام يوم ان وصى الصحابي شقاله؟
قاله لا تغصب
:)
يختج العصبيه تاخذ من الصحة والراحة طولي بالج ولا تاكلين بيديان
انا قارية ايب الاعصاب
:p
وحدانية يا حافظ؟
على الاقل حبي شنطة سفر
:)))

esTeKaNa يقول...

Antonio
~~~~~~~~~~~~~
ياهلا ويا مرحبا يا طويل العمر
:)
العمر يخلص ..والشغل ما يخلص
الله يطولي بالنا ويرزقنا الرضا والراحة قول امين
:)

esTeKaNa يقول...

أحمد الحيدر
~~~~~~~~~~~~~
يا هلا ويا مرحبا
اي والله صاج
!!
اول مرة اسمع هالمثل بس وايد صحيح وواقعي
:)

esTeKaNa يقول...

المقوع الشرقي
~~~~~~~~~~~~~~~~
أفكر حاليا بإنشائ حملة للبحث في اسباب زحمة الشوارع بسميها:
وين على الله؟
:))
بخاطري انزل اسوي استفتاءات بالشارع الناس مستعيله بكل وقت بكل الايام بكل حزه ودبجة وين بيروحون
!!
وفعلا التأخير بالمواعيد ينرفز
ويؤسفني اقولج:
انا وايد اتأخر على الناس مادري ليش
:(

esTeKaNa يقول...

7osen
~~~~~~~~~~
مساء الراحة
بعيد عن القلق والتوتر
:)
تصدق يا حسين؟
اكتشفت اني طوفت على نفسي العديد من المناسبات الرائعه التي لن تتكرر بسبب القلق والتوتر
قبل عقد قراني:
ما نمت لمده اسبوع
:)
SO:
حاول تبعد عن هذه الصفه حتى تستطيع ان تستمتع بحياتك
:)

esTeKaNa يقول...

سلة ميوّة
~~~~~~~~~~~~~~
يا مساء الرقة والرونق كله
:)
اي يعني ملاحظة التنهوص؟
بعد هابين لج تدق وتغني
اذا غنت عاد انا اغير ..اسكر الراديو..يختج مادري شييني استحي
!!
اشلون يغنون بالراديو جدام خلق الله
:p
والحراره شي ايجابي
بس مو دايم
احيان تكون طريق متعب ومهلك جدا للقلب


حيالله الميوة وسلتها
:*

esTeKaNa يقول...

حقوقي
~~~~~~~
يا مسا الورد يا زميلي الحقوقي
:)
فعلا صفه متعبه
وليش القلق عاد؟
هاللحظة لنا والغيب لله
:)
اتمنى لك حياة جميلة بعيد عن اي تعب

esTeKaNa يقول...

violinist_q8
~~~~~~~~~~~~~~~~~
وعليكم السلام ورحمة الله وبركاته
ياهلا ويا مرحبا بأخي العزيز
:)
الحلم وما أدراك ما الحلم
هذي صفه رائعه مو اي شخص يقدر يوصل لمرتبه الحلم والعفو
وقمة القوة:
العفو عند المقدرة
!!
والناس اللي وصلو هذي المرتبه ما يشعرون انها سلبيه تستحق التغير ابدا
الله يرزقنا وإياك الحلم والقدرة على العفو
:)

esTeKaNa يقول...

الخيلاء
~~~~~~~~~~
يا مسا البدر اللي منور هالليل
:)
حبيتي القصيدة؟
اشوة يعني لا زلتي قرينتي تشاركيني ذوقي ومشاعري
:P
الكتمان أمر متعب لصاحبه
مهلك مع الوقت
ولكن..شوفيها من الناحية الايجابيه:
وبشر الصابرين
:)
هذا نوع من الصبر النادر ،في وقتنا الحالي الكل يشكي ويتحلطم،ونادر نلقى شخص كتوم وصبور

اللله يحفظج ويشرح قلبج اللي احبه ويرزقج كل السعادة قولي امين
:*

esTeKaNa يقول...

الأوركيدة
~~~~~~~~~~~
يا مسا الأوركيد
:)
تصدقين انا ما اتضايق مرات من كوني قلقه،اتضايق من احساسي اني انقل التوتر والقلق للأشخاص حوالي
!!
الله يصلحنا على هالحاله والله
ويريح قلوبنا قولي امين
:)

esTeKaNa يقول...

ميمة السبيت
~~~~~~~~~~~~~~~
يا مسا الورد كله
:)
نحيسه ؟
عاد ما يلوق عليج
:P
تصدقين عاد نحتاج نحاسه هاليومين
:)

esTeKaNa يقول...

الزين
~~~~~~
اخيييه يا الزين اخييه
ترا القعده وايد موزينه عليج
انتي ما يبيلج تعليق
يبيلج لمه من اقصى اقصى القلب
:**
ترا عندي حجي وايد
عندي سوالف شوق
اشلون اوصلها..يا حبيبتي اشلون
:)))
اعتقد يبي لي معاج اجتماع طارئ وعلى مستوى رفيع بعد
::*

esTeKaNa يقول...

عراب الدستور
~~~~~~~~~~~~~
يا مسا التيب كله
:)
اهو من صار الطيب تيب
واحنا رايحين فيها
:P

فيلسوف يقول...

صباح الياسمين

عندي واجب لك :)

http://felsoof.blogspot.com/2010/05/blog-post_31.html

ARTFUL يقول...

كيف حالج اختي


عندج واجب ما عليج امر


http://artful-artful.blogspot.com/2010/05/artful-royal-crown.html

:)