الثلاثاء، أغسطس 25، 2009

بوست مؤقت

شنو إحساسه لو أوقف الحين وأمسك طرفين الغتره وأربطهم على رقبته واسويها فينوكه وأزنطه واقوله :
بس
بس
بس
بس
!!
الله يرضى اسهر الليل اكتب موضوع صعب صعب صعب و يوقف لمده اسبوع على :
شيلي إن حطي لأن
شيلي لكن حطي ثم ان
شيلي حيث..حطي حيث أن
!!
وليش اذا كتبت شي زين قال أنا قايلها
واذا شي ماعرفه قال اهي كتبت
!!
وبعدين
الله يرضى اغير واعدل وبعدين نفس الشخص اللي قالي عدلي يشوف الاوراق
يحك راسه
تفتر عينه
بعدين يقولي:
منو قال نسوي جذي
!!
البارحة لما طلع عيني لي بعد الدوام ،وقمت بس امشي وايمع اوراق معدله كدليل اثبات منو قالي اعدلهم
شافهم
سكت
خمر
وانا اوريه واكلمه موطيه صوتي عشان ما افشله جدام المجتمع
بعطيه فرصه يتذكر منو قالي اعدلهم
تدرون شنو قال؟
قالي:
تصدقين انا مادري شفيني مو قادرة اركز الظاهر السكر نازل
إي صح
!!
شنو صح انا مو مركز يعني؟
لا مركز مركز بس سكرك نازل
:P
يمه ياربي يا حبيبي انا خايفه اصير مينونة ترا
بالي طويل ،اهو يمي يتكلم الحين وانا افكر:
ماذا لو طقيت كلك على هالخشم
وسويت بلوك
ومن ثم ديليت
يختفي؟
!!
!!
ليش ما اقدر اسوي بلوك وديليت ويختفون
الحين اهو ...واهي...والناس كلهم يدرون انا شفيني؟
انا راسي مفتر من شي(ن )فيني
لازم ماابتسم واتعسر وانزر بالناس؟
!!
طبعا اهو جبالي عباله قاعده اكتب الكتاب
بس مو قادره اشوفه
هذي المرحله غريبه لما تعصب لدرجة مو قادر تشوفه
!!
ليش انا الحين قاعده مبتسمه ومسيطرة على الوضع وفوق راسي غيمه وويه معصب
.
.
.
انا معصب
بس :
اللهم اني صائم
:)
.
.
.
شسوي؟
اخلي يوقع على كل كلمه يقولها لي؟
اسجل ؟ امشي معاي شريط تسجيل اسجل كلامه لان ينسى؟
بعطيه فرصه اخيرة اذا ما تذكر منو قايلي اغير هالكتاب للمرة العشرتعش
بستئذن لليوم الثاني على التوالي وبرد البيت انام
اي بنام كثر ماكو بعد
انا هاليومين ودي اخلي الدوام والدراسه واصير ربه منزل
بلا طموح بلا بطيخ
!
وصج:
ومابي اطلع اليوم
واذا لي خاطر بكتب بوست تالي الليل
ولحظة نسيت:
مابي صب القفشه
ماحبها
ماحبها
شي مو محدد مصيره ما تدري اهي تبي تصير لقيمات ولا شي ثاني
وانا ماحب اللي ما يدري شنو يبي
!
وكل يوم اقول ماحبها
وكل يوم يسوونها
ليش ليش؟
عشان ابوي يبي يعلمني ان الدنيا مو دايم تمشي على كيفي
!!
انا قلت لا؟
ياربي اهي دنيتي من غير شي متخصره ومعاسرتني هاليومين وقفت على صب القفشه يا يبه
!
وي
ناداني
عسى ما يقولي غيري اسمج وعدليه
:P
.
.
الله يستر