السبت، ديسمبر 12، 2009

صباحات




طريجي أعبره بالشوق والدمعة
وليت اللي جمعنا ما يفرقنا
لاسولف لك عن ضما روحي
..أيا روحي
وأقول اشواقي مدثورة
 بلا معنى
قبل ما أفتح بعيني وأشوف عينك
معاك أنته
أنته
يهل الشوق
وكل معنى
*
..................
صباحنا ورد
صباحنا ياسمين نزرعه في قلوبنا
فيزهر في أراوحنا
ويملأ عبيره كل الدنيا
...
...

الصباح بداية
والبدايات دائما لها معنى واحساس آخر
بخوفها
بخطواتها
بابتساماتها
وخجلها
أتمنى:
لو أني املك في روحي  ذاكرة
تصور
توثق
تحفظ في داخلها كل البدايات
بأحداثها
بأماكنها...بزمانها... وكل تفاصيلها
و
باحساسي المزامن لها
!!
.
.
.
صباح ممطر:
شمس خجولة
غيمات ناعسة
وقطرات مطر تغسل قلب الديرة
تعطيني أمل
بربيع يخضر الديرة
وربيع آخر يزهر في قلبي
.
.
الأمل:
رغبة داخليه
طموح ذاتي
ويقين بالله
قد يفقدون الأمل في لحظة
وانا رغم كل شئ
يتجدد في قلبي الأمل في كل لحظة
.
.
.
صباح الخير
:)



:الكلمات في بداية البوست *
فتحية عجلان

هناك 17 تعليقًا:

جبريت يقول...

صباح النور يا ام النور

انشالله دووم يكون صباحج حلو والبسمه ما تفارقج قولي امين

بس بعد المطره هذي خوش شميسه طقتنا ابشري بالخضار الي يبي يهل علينا

ميمة السبيت يقول...

** صباح الورد عالورد و أحلى صباح للملكة

lawyer يقول...

الصبح اليووووووووم والمطر و الغيووم كان صج مال بوست صباحي يشرح القلب :**






صباااااااحج شوق

Najmah يقول...

ولهت على صباحاتي اهني
ولهت على احساسي
ولهت على حروفي
ولهت على الغيوم الي تمطر على قلبي
ولهت على كل شي
وتعببببت
:"(

Najmah يقول...

ولهت على صباحاتي اهني
ولهت على احساسي
ولهت على حروفي
ولهت على الغيوم الي تمطر على قلبي
ولهت على كل شي
وتعببببت
:"(

Yara يقول...

صباح ما يليق ألا بأحبابي
بوست جميييل

aL-NooR . يقول...

صباح النور و النوير
على استكانة ..و طاري الخير


قريت النص ..ابتسمت ..حسيــت بالفرح يتمشى بين حروف البوست ..حفت ارمش و ما يوصلني الاحساس فيه

بس اشوه وصلني
و طيرني مع نسمة هوا باردة ..بس تصدقين دفتني

كلامج بارد و يسرسح ..بس دفاني


شلونها ؟


*************************

Peace يقول...

الامل
الشي الوحيد اللي يخلي الناس تعيش


الامل بالله كبير

shakshaka يقول...

صباح النور والنوير ...
الامل دايما موجود ولا عاد هالايام بهالجو الحلو

عاشقه وانا مالي حبيييب :P

صباحج سكر

ARTFUL يقول...

صباح الخير أهلا اختي

:)

شلونج عسى مستانسه ومرتاحه؟

:)

بنت الشاميه يقول...

صباح النور على الناس الرااااااااايقه
اللى ريحتهم مطر وغيم وياسمين
وكلهم تفائل بتفائل
صباح الخير

Nikon 8 يقول...

بما أن زامي مسائي في التدوين فمسا الخير والحب يا غالي
:)
الله لا يفرق الأحباب وقلوبهم دون خضرة وأرواحهم مورده
:)

شـقــران يقول...

استكانتنا الغالية

مساؤك جاسميني كما الجاسمين الذي نثرتيه على صباحتنا حينما قرأنا البوست
:))


رقيقة أنتي دائما...وأبدا
:)


وبدايات الأسبوع لها طعم آخر وبعد آخر مع كلماتك العذبة


لكِ منّي أجمل وأرق التحايا المسائية

جبريت يقول...

صباح الخير اختي العزيزه

وترا ولهنا عليج يا استكانتنا الغاليه ولا تقاطعين تعطينا بوست وتختفين وتخلينا متعلقين نحاتي اخبارج يا الغاليه

بو محمد يقول...

يصبحكم و يمسيكم ربي بكل خير و بركة إن شاء الله اختي

من زمان ما شربت لي استكانة جاي سنعة فقلت أمر على اخيتي و الا ما شاء الله الجاي اليوم يا استكانة مخدر عدل و ريحة الهيل فايحة، حتى ماي لقاح حاطه بعد، بوست خنين

:-)

كلمات منعشة و مفعمة بالأمل

دمت و الأهل و الأحبة برعاية الله

esTeKaNa يقول...

يا صباح الخير
ويا مسا الفرح كله
:)
وجودكم يفرح قلبي وينور كل بوست
الله يحفظكم ولا يحرمني من تواصلكم
وشكرا لكل من سئل عن استكانة
انا كاني
:)

ahmed يقول...

Good this is very nice post Excellent post, Thanks for your
www.eg-girl.com