الأربعاء، ديسمبر 02، 2009

...مزدحمة أنا بك



مزدحمة أنا بك 
بخطواتك الأولى وهي سائرة نحوي 
فتقترب
.
.

وأسمع وقع خطواتك  فيني

هنا..داخلي
مابين قلبي وروحي
اسمعها:
تسير لي
فترتجف اللحظة....وترتبك النبضة

أحبس أنفاسي
وتخجل حتى وجنتي الفرحة


.
.


.


مزدحمة أنا بك
بهيبة اقترابك

وببسمة قلبك

وبنظرة عين صافية أرى في داخلها رقة إحساسك


.
.
.
تقترب وأراك هنا

:
تمد يدي الأمان لقلبي

تبعث الطمأنينة فيني

وتعدني:

ان الدنيا تبدأ وتنتهي هنا

في عيوني


!!


.
.
.


مزدحمة أنا بك
وبعالمك الذي تسرقني اليه فيقف قلبي على مشارفه كطفل

بعيون مشدوهه

وبقلب خائف

وبيد ترتجف

طفل...يخطي خطوات الحياة الأولى :

يقف

يتمسك

ويتعثر

وقبل أن تؤول عثرته للسقوط تمسك يديه

تطمئنه:

انك ستبقى دائما موجودا هنا


.

.

.


مزدحمة أنا بك
لدرجة سفر مشاعري خارج حدود التغطية

هناك
حين أكون مأخوذه باللحظة
بنسمة البرد

بأنفاس الليل
وبنجمة تقف على اخر حدود الأحلام
في سما الفرح

وتبرق نجمة قلبي معك
 وتضوي معها كل عتمة وليل
.
.
.

مزدحمة أنا بك
وبوجودي هناك معك
هناك:


حيث تفتح نوافذ الأمل في حياتي

تعيد ترتيب أبجدية الاحساس فيني

وتغني لي:

يا قمرة 
ويا نجوم أشهدي
اني معك منك ولك
أبرخص لك الغالي النفيس
والليل من فرحو عريس
بليلة خميس
.

.
اسمعك

ابتسم
وينطرب احساسي
ويرقص على فرحتك أطفال قلبي
وتلمع من الفرح عيني


.
.


مزدحمة أنا بك...

ومأخوذة برجولة وجودك الذي يلفني بحنان كشال دافئ في ليلة برد أعقبت نهار طويل

نهار:

كان منهك

متعب

وممل دونك
.
.
.
وجودك....يسرقني مني

ينسيني الوقت

والناس

والعمر

والدنيا

وجودك:

ينسيني....حتى صوتي...وبلاغة احساسي ...حين تسئلني:

مستانسه؟

فأبتسم ..وتخفض كلماتي عيونها خجلة منك

!!


.
.
..
تخيل

حتى كلماتي ..وهي كلماتي

اربكتها زحمة وجودك ففقدت صوتها :

كلمة تهرب مني
الأخرى تغطي عيونها خجلة
وكلمة اسحبها هنا أريدها ان تتكلم
ان تفصح
وتتحدث
فتهرب هي الأخرى منك مرتبكة


!!


مزدحمة أنا بك
بحنانك
بجدك
وبعفويتك حين أباغتك بسؤال أشترط ان يكون جوابه أول كلمة تخطر في بالك وأسئلك:
شنو طموحك؟
فتسرع:

طموحي ان تكوني سعيده


!!


.
.



فتناظرك عيوني :
وبس؟
فتحضن يدي وتضحك:
وهل هذا شي بسيط؟
فتدمع عيني:
طموحك أن أكون سعيده؟


ولا تعلم بأن بين جنبي قلب مختلف :
ابسط من ما تتخيل
أرق من ما تتصور
يقتنص الفرح بالتفاصيل الصغيرة
وبالحياة البسيطة
وبالرضا بكل ما يقدره رب السما
ولا تعلم:
بأن الحياة تعلمنا في كل يوم درس
وعبره
وفكرة
وبأن الفرح قرار
والسعاده انعكاس نور قلوبنا على الأشياء حولنا


ولا تعلم :
اني حين ازدحمت بك نسيت أن أهمس لك
بأني لا أملك الا هذا القلب :
أزرع به بذر احساسي

وارقبه في كل لحظة يزهر بأزهاري
.
.

لا أملك الا هذا القلب:
حيث يكمن نبع احساسي...ورجفة صوتي ..ودمعاتي...ورقة كلماتي

لا أملك الا هذا القلب:
اضعه بين يدي احساسي
ألفه بشرايط الحب
وأمنحه إياك


هدية

وأمانه

فاحفظه
واحفظني


.


.


.

تزدحم الدنيا من حولي
وأنا بعالم آخر:
بصوتك
وضحكاتك
ومتعة اكتشافك
.
.
.
يزدحم العالم من حولي
و

مزدحمة أنا بك











هناك 36 تعليقًا:

أتيت متاخرة يقول...

مزدحمة قلوبنا نحن بفرحك يا استكانة

ربي يتمم عليج الفرح

ويجعله دايم بين خطواتج


آآآآآآآآآآآآآآآآآآآآمين

الخيلاء يقول...

روووعه :)

ليش احس اني اشوف السعاده بين هالكلمات

كلمات رقيقه و ترى فقدتج

و عيدج مبارك

صج ولهانه عليج استكانه

:*

The.One يقول...

كلمة تهرب مني
.والأخرى تغطي عيونها خجلة
وكلمة اسحبها هنا أريدها ان تتكلم ...ان تفصح وتتحدث
فتهرب هي الأخرى منك مرتبكة


مشاعر صادقه وقوية يا استكانه
أبدعتي بالتعبيـر وبطريقه الاسلوب


بالتوفيق :)

ARTFUL يقول...

نلولششش؟؟

الحمدالله انج بخير

وبصحه وسلامه

وينج ؟ طمنينا عليج؟

:)

نون النساء يقول...

كل هالدفا بشهر البرد


حسيت ان المشاعر بهالبوست مثل ناس وسيارات والشارع واحد

والمكان اللي بيروحوله واحد


ادري ماكو علاقة
بس جذي اطلعت معاي



:*




كل سنة وانتي طيبة

Hope يقول...

السلام عليكم و رحمه الله و بركاته

مساء الورد

اول شي ولكم باك .. ولهنا عليج وايد وايد وايد
ما اقول الا الله يديم عليج الفرح و يسعدج و يرزقج بناس صداقين يستحقون مشاعرج النقيه

موفقه يا رب

BeeDoO يقول...

يااااا سلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

كبيرة يا استكانة

mellow يقول...

حبييييييييييييبتي ألف ألف ألف مبروك عليج هالسعادة
الله يتمم عليج ياربي

:********

chandal/danchal!! يقول...

شهالزحمة الأنيسة!


:)

t.q8 يقول...

مزدحمة أنا بك
بحنانك
بجدك
وبعفويتك حين أباغتك بسؤال يشترط ان يكون جوابه أول كلمة تخطر في بالك وأسئلك:
شنو طموحك؟
فتسرع:

طموحي ان تكوني سعيده


استكانه شنو هذا !!

ابدعتي بكلماتج من دون مجامله

بكلماتج هذي راضيتينا على طولة التاخير


تحيات دافئه مع جو بارد
:*

Nikon 8 يقول...

عساك دوم مزدحمة بحبه وحنانه
ومزدحم هو برضاك
كل عام وأنت بالف خير
:)
تأخرتي علينا
ولكن معذورة طالما السبب إزدحام

المقوع الشرقي يقول...

ياااااااامرحبا
بش
وباهلش
وبالجمل اللي رحل بش
مشتاااقييين
:)

باشـــة الغـــيد يقول...

الحمدلله على السلامه
عبالي رايحه تحجين طلعتي فوق النخل :)

الحــــر يقول...

عودة جميلة

ولو أن هاليومين مافي أزدحام

:)

دمتي بسلام أخييتي

شحرورة يقول...

ما احلى الحب

lawyer يقول...

مسجي الصباحي:

هاااااااي استكانه اشوووووونج
باي ذا واي لوسمحتاي ممكن على هالبرد و الج الحلو والنسمه البارده و الشمس الي تغازل الغيوم .. ممكن تكتبين بوووست حلو يدغدغ مشاعري يخليني بس ابي اقرا شي حلو و اكل رهش لذيذ !

ليش الرهش مدري ..


تدرين ان في هالبراد اسمع فيروز و انطر شي جميل منج



لك نكهه الهيل
و لج ريحه الزعفران



ممكن تكتبين






اما الكومنت...




استكااااانه مزدحمه انا بك

ارق و اصدق كلمه تقولينها
لما فجأه بدون مقدماااااان يكون جدولج كله اهووووووو
اولوياتج اهووو

طلعتج اهوو
دخلتج اهووو


الجدول يترتب معاه




استكانه ليوم الصبح حسييييييت اني ابييي فعلااااا احد يلمني حييييييييييل و يسكن قلبي الي احس بطييييييير من مكااااانه


عارفه احساااااااس ان قلبج ما عاد بمكانه من الرجفه و الخفقه

تبييييييييين تنلميييييين عشان يثبت قلبج بمكانه

وتدمع عيون و تقولين انا سعيييييده

انا مستااااااانسه


ابي اطييييييير







هذا الاحساس حسيته الحين اهني



:*

بنت الشاميه يقول...

استكانه لو سمحتى ابي شاي مسكر
بس باستكانه جبيره
اشربه اول وامخمخ راسي
بعدين ارد واعلق

الهوا اليوم شرجي يرد الروح

jonoon 3aqel يقول...

الله يديم عليكي هالازدحام
دام ان انتي مستانسة
====
"وبأن الفرح قرار
والسعاده انعكاس نور قلوبنا على الأشياء حولنا"

صدقتي..و اعجبتني وايد هالجملة..
====

تحياتي

candle يقول...
أزال أحد مشرفي المدونة هذا التعليق.
esTeKaNa يقول...

مسااااء الشوق كله
.
.
.
هل هناك اروع من احساس الانسان حين يغيب ويرجع فيجد القلوب النقية تفتقده
تسئل عنه
وتنتظره؟
فعلا:
احساسي بوجودكم رائع
كل كلمة تجعلني ابتسم
وتجعلني اتمنى لو امد يدي بعد كل تعليق مصافحة صاحبه او صاحبته وشاكره له على رقة وجوده حولي
الله يديم الفرح بقلبي
وقلوبكم
وبقلب الجميع

عيدكم مبارك متأخره
وسامحوني على القصور
:)

esTeKaNa يقول...

candl
~~~~~~~
سامحيني يا الغالية
بنزل تعليقج وانمسح
:(
بس خيره عشان اتحرا منج ايميل
:P
الله يحفظج ويسعد قلبج ويرزقج اجمل واروع من كل ما تتمنين يارب

~ هند ~ يقول...

MisS U
واااااايد
واااااايد
واااااايد

:******

jasem يقول...

بوست يعلو
أعجب من سابق عجايبج ياإستكانه
صج من طول الغيبات ياب الغنايم
هذا الازدحام والا فلا ,, عيل ازدحام الصبح مع روحة الدوام
:)
بجد معلمة احاسيس انتاي
تملكين رؤية ثلاثية الابعاد
ماشاء الله
ودنا دايما انكون مزدحمين بكتاباتج
قبل لايخطفج منا اللي مزدحمه فيه
:)
وكل عام وانتاي بخير وصحة وسعاده

Sn3a يقول...

حسيت ان في كبل حلوين
قاعدين على كرسي خشبي قديم
ووراهم شارع منور من نور السيايير الرايحه والراده
ورخم السيايير
والناس
مافي اي صوت غير دقات قلبهم

مادري ليش حسيت جذيه
ربي يرزقج زحمه وناسه اكثر واكثر واكثر
ويعطيك اكثر من اللي تتمنينه ان شاء الله

ZooZ "3grbgr" يقول...

الهي يارب يتمم عليج بكل خير

ويعطيج حب تستحقينه

وسعاده تكفيج وتغطيج انتي ومن تحبين

وتوصل لي احفاد احفادج يارب

شكلنا لازم نناسبكم على هالدعوه اللي من قلبي

ادعي وابي اشارك
ههههه

وحشتيني والله

واااااااااااايد

عسى زيون توصلج اللي اغرده عليها عنج

:***

Engineer A يقول...

amazing :)

tasty_as_berry يقول...

السلام عليكم ورحمة الله وبركاته ،،،

كلماتج عجيبه ... والأعجب منها التعبير عنها .. أبدعتي ويعطيج العافية :)

تحياتي لج ،،

candle يقول...

يالعياره ،، طحت عليج :)

Sweet Revenge يقول...

صباح الخير استكانه
تعودت اشرب قهوتي الصبح مع كلماتج اللذيذة
اليوم كلماتج دغدغ لوووووول
حدها حنينه وعفوية
زحمة حلوة مافي مانع منها ;)
الله يبلغج كل السعادة انت ومن تحبين
ولاتقاطعين ماتحلي الصبحية الا مع كلماتج
:)

esTeKaNa يقول...

هند
~~~~~~
يا بعد قلبي انتي
:)

esTeKaNa يقول...

jasem
~~~~~~~
ياهلا يا ابو محمد
كل العمر وانت بخير وسعاده
ربي يسعد قلبك مثل ما تسعد قلبي بتعليقاتك الراقية والجميلة
:)

esTeKaNa يقول...

Sn3a
~~~~~~~
بعض الاحاسيس لها صور في داخلنا
لها مشهد جميل
ورائحة عطرة
:))
لوجودك سنع من نوع اخر
عسى ربي يسعدج ويرزقج اجمل واروع من كل ما تتمنين

esTeKaNa يقول...

ZooZ "3grbgr"
~~~~~~~~~~~~~~
تهقين انا اقدر امد ايدي بالتعليق واطلع لج من الشاشه الحين وألمج؟
:))
والله العظيم ان قلبج
واحساسج
وكل كلمة تكتبينها من قلبج احس فيها
عسى ربي يحفظج ويسعدج ويرزقج اجمل من كل ما تتمنين
القلوب الصافيه
النقية
الطيبة
عملة نادره بهالزمن
عسى ربي لا يحرمني من دعواتج الطيبة النقية بنقاوة قلبج
:**

esTeKaNa يقول...

Engineer A
~~~~~~~~~~~
حياج الله
:)







tasty_as_berry
~~~~~~~~~~~~~~~~~
ياهلا ويا مرحبا تو ما نور المكان
:)
هذا قليل مما عندك
مقالاتك الأخيرة وان ما كنت علقت عليها الا انها اثرت فيني اكثر من ما تتصورين
وكانت رائعه كعادتك دايما
:)
حياج الله









candle
~~~~~~~~~
وما زلت انتظر ايميلج
:P

esTeKaNa يقول...

Sweet Revenge
~~~~~~~~~~~~~~~
ياهلا وأمية هلا
أنا ما يحلي اي بوست عندي الا بطلتج
بس علقتي قدرت انزل بوست يديد
فديري بالج تغطين
ترا ما انزل بوست ما اقدر
:)))
تدغدغ؟
لوووول
يا زين التعابير الي لها حس وصوت
:)
نورتي كل المكان يا صديقتي

جبريت يقول...

هالموضوع يا استكانتنا العزيزه قريته بالاقساط المريحه حتى بين فقره وفقره بينهم يوم او يومين لكثرة مشاغلي هاليومين

لكن الي بقوله كلنا نعيش مشغولين بأشخاص يلتفون حولنا لكن الشغل الشاغل من يكون مميزا بين جميع البشر حولنا

كأنج تسردين ما في قلبي حول انسانه ابتسامتها فقط تأسر القلوب
فما بالج لما اسولف معاها؟؟؟

لكن اللسان مربوط