الخميس، أكتوبر 29، 2009

موسم الخير

رغم ان الشمس تمثل الاشراق والوضوح
الا ان غالبيتنا يعشق الغيم
هل لأنه يواري الحقائق العالقة بالسماء؟
او لأنهي كسر لروتين اشراق الشمس طوال الصيف؟
او لأنه يحمل في قلبه البشرى بموسم الخير؟
.
.
.
انا مخلوق شتوي
كلما اقترب موسم الشتاء شعرت بالانتعاش والفرح
بل انا حتى في تأملي اشعر بأن وجوه الناس تصبح اجمل واشتر بالشتاء
ونصبح جميعنا اكثر اناقة مابين بوالطو طويلة،ودشاديش كحليه جميلة
.
.
.
عقدت اجتماع على مستوى رفيع مابين انا وانا في اكبر قاعات التفكير واكتشفت:
ان هذا المكان مضياف كبير،يسعني ويسع الجميع،سيبقى يفتح ابوابه للجميع على ان يكون لي زوايتي الأخرى المنتقاة لي
واعتقد ان هذا القرار يرضيني ويرضي الجميع
:)
.
.
.
نهاية اسبوع سعيده
تمتعوا بأول نسمات الخير

هناك 30 تعليقًا:

mtfa2el يقول...

قتلج باشتريه منج منتي راضية
:p

esTeKaNa يقول...

متفائل
~~~~~~~~
العروض وايد
والبيع لأعلى سعر
:P

mtfa2el يقول...

نسويها اكتتاب عام عيل
استكانكو للخدمات البلوقية

نسوي البلوق اشتراكات
الدخلة بامية فلس عشان نصد العالم

و اللي بيشوف مواضيع ملوت قبل بربع دينار

و جنه ما ندري بالزاوية نحط رهش و غريبة و سمسمية الطاسة بخمس دنانير

لي شربوا شاي و كلوا رهش و حسوا بحارج و لا واحد معدته قامت تعوره هني جنه ما ندري نطلع بطل المرقدوش المقري عليه و نخلي بطل المرقدوش بعشر دنانير

و اللي توه قاعد من النوم و يبي يفسر حلمه نحط له شيخ بتاع كله تفسير حلم يطلع ينانوة يعالج الاكتئاب اللي يبي

و اللي يبي يعلق على حسب
المتر بخمس دنانير

نص متر باربع دنانير

و الحسابة بتحسب و احنا نستغني
ما يخدم بخيل
و لا شفايدة البلوق البلوشي ؟؟
:p

QiYaDiYa يقول...

اليوم احس مني مركبة فلتر بعيوني
قاعدة اشوف كل الدنيا غير !

من نمت امس على صوت المطر
و انا افكر باليوم !

اشعة الشمس
الغيم و الشوارع
حتى الشجر
كان لونه اخضر جميييييل !

اليوم بس و لاول مرة
اتحسف اني توظفت ;p

باقي من الزمن ساعة و نص ان شاء الله
و اخرج للحرية ;p


و قرار صااائب ;*

ARTFUL يقول...

يا زين المطر ويازن الخير

الغيم بشارة خير

هذا اللي يحببنا فيه

انشالله هالويك اند ترش رششششششش

الله يوفقج على هالقرار

بس وين الزاويه الثانية؟

بتاخذين لج ربعه؟

:)

نون النساء يقول...

صباح الحب وامطاره
صباح اهله وكل داره





هو موسم خير
وقناعات وقرارات



موافقين
مجبورين


:P~

دمعة المقهور يقول...

ياصباح الغيم والمطر

اي والله صدقتي انا اذا صار غيم ما ودي اقعد في البيت اكثر مكان احب اروحله الشالية اقعد واشرب القهوة واستمتع بكل لحظة

:)

Sweet Revenge يقول...

في مزاد انا نازلة جدام متفائل
اذا في احد بيشتري فلازم بنت لان هذا بلوك بناتي مايصلح للشباب
علي زاوية نحط صالون نسائي
وكافيه نسائي يمنع دخول الرجال
وركن مشاكل وحلول للي عندها مشاكل
عاطفية دراسية احنا بالشوفه
استكانة وين اوصلت المزايدات
لو سمحتي

Fantaseyah يقول...

صارلي فتره وانا قارئة صامته
بس من وناستي ما قدرت ما اعلق

مشكووووووووووووورة واااااااااااااااايد :*

violinist_q8 يقول...

خبر بحلاوة المطر

بالتوفيج

ikhalifa يقول...

قرار موفق :)

Hamad يقول...

The Best Choice Sis .. :)

chandal/danchal!! يقول...

أنا عكسك يا استكانة

ما احب الشتاء ويضيق خلقي من النهار القصير

أنا وايد مبراد واذا استبردت ابجي!... ما اواطن البرد واللبس الثقيل يعتني!


أحلى وقت عندي لما يصير المغرب عالساعة سبع الا ربع

واصلي العشاء بالثمان ونص واطلع عالتسع وما ارد الا قريب ال 12
:)

ما احب التخفر مبجر

chandal/danchal!! يقول...

ونهاية اسبوع سعيدة

:)

bent el deera يقول...

:D

Sn3a يقول...

ايي يهبل الجو الشتوي
ماكو احلى من الشتا

خصوصا شتانا
لما نحس بالبرد وبنفس الوقت نقدر نكمل حياتنا ونقضي اشغالنا
الحمدلله لك يارب

ابي مطر بعد
ابي بعد:>

ربي يكتبلنا شرف المكانين;p

SHOOSH يقول...

إنجوي يور ويك إند

و الطر ا أحبه

:/

Common_Sense يقول...

الاشتا بالكويت غير لانه حده شهرين ;)
السؤال الاهم
شلون نتأهل للزاوية الاخرى المنتقاة

الخيلاء يقول...

وي وي وي شهالخبر الي يهبل

ماقصرتي انتي و انتي على هالقرار الحلوو مثلج :)

و الله يجعل ايامج كلها خير و سعاده و فرح

reemas يقول...

كل عام و انتي بخير استكانتنا العزيزه
انا بعد احب الشتا و احب البرد و احب احب المطر
و توني كتبت بوست عن المطر

بس مو بحلاة بوستج
:))

الله يعيده علينا و عليكم بالخير يا رب

تحياتي

t.q8 يقول...

صباح نسمات الهواء البارد
"شكلي تاثرت بشقران"
سوي الي يرضيج لان احنا مايرضينا الا الي يرضيج
:*

*************
انا نفسج كائن شتوي
حتى مزاجبي ونفسيتي ماتعدل الا بالشتاء
واليوم كنت اقول حق وحده من رفيجاتي شنو الي احب بالشتا
احب المطر الي يغرقنا
والهوا الي يطيرنا
وطول اليل مع صوت الريح القوي الي يحرك الشجر
واحب صود الرعد خصوصا لما يكون باليل


فكل هذا يدل اني كائن شتاوي
لي درجه احب شغلات مايحبونها الناس بالشتا وهو البرد الغارص الي يخليج طقطقين بفراشج وما تحركين

EngineRaa يقول...

استكانتي الغاليه ،،، المطر خير والخبر الي يحمله بوستج هم ابشارت خير الله ايديم علينا هالنعم الحلوه : المطر
اطلالتج
الجو الي بدي يحمل تباشير قدوم البراااااد
احب الشتا والخريف والربيع ومااوااااطن القيض
مسااءك سكر ذايب باستكانتك
:)

EngineRaa يقول...

استكانتي الغالية ،،، المطر خير والخبر الي يحمله بوستج هم ابشارت خير ، الله لا يحرمنا من هالخير وهالنعم
المطر
اطلالتج
وتباشير قدووم البراااد
احب الشتا واموووت بالربيع واسعد بالخريف ولا اواااطن القيض

مساءك سكر ذايب باستكانتج
:)

سمو الأميرهـ ..ツ يقول...

اممم ،،أنا أيضاً أعشق فصل الشتاء ا
والخريف

وأهلاً بعودتكـ بين أحبائكـ

:)

دمتِ بود :)

lilly يقول...

أنا عكسج تماما مخلوق صيفي صيفي صيفي :p

معنى الشتا له أجواء خاصه من كستن و هوت شوكليت و خيمه و شاليه .. يعني أجواءه رومانسيه بس ما أحب البرد أحسه يدش بالعظم ;/

BeeDoO يقول...

وين مكان هالزاوية ؟

دلينا عليها

fatto يقول...

وانه قاعده انشر تعليقي فصل النت :( مادري دز ويلا لأ بس راح ادز مره ثانيه

اي كنت اقول الصراحه ونستيني ابقرارج :)

وانه مثلج امووت على لشته وخاصه الغيم والمطر لأن يعيشني ابجو حب :)

وانشاءالله تكون ايامج كلها حب ابحب :)

esTeKaNa يقول...

متفائل وسويت
.
.
.
جنه بلوقي صاير مزاد علني؟
:Pp~
صراحة ابهرتني العروض
راح نفكر جديا
:))


صبحكم الله بالخير جميعا
شكرا لوجودكم هنا
وحياكم الله دوما

جبريت يقول...

انا زعلان عليج

ليش من زمان مو مبينه ولا حس ولا خبر واختفاء فجأه ؟؟؟

بالله وين اقرا كلام فيه خفة الدم والروح الطيبه ؟؟؟

ميمة السبيت يقول...

* فقدناج من غير شر ، عسى المانع خير

صباح الخير حبيت اسأل عنج و انشالله تكونين بخير