السبت، أكتوبر 10، 2009

فوق السحاب

هل جربت في خضم حدث معين أن تغمض عينيك للحظة ،تفصل احساسك بالدنيا،وتختلي بروحك،متذوقا مشاعر قلبك في لحظتها؟
كان لاحساسي في لحظتها طعم الفراولة والسكر
وكنت سعيدة
.
.
و

خذني بيدي ..معك ابتدي

آن الأوان... أنسى اللي كان

حتى لو طال الزمان

لازم أوصل للربيع قبل ما عمري يضيع

و ألقى الحنان

.

.
نعم كنت سعيده

سعيدة لدرجة إني سمعت أطفال قلبي الخائفين في زمن ما،تخلوا عن خوفهم ،انطلقوا بعفويتهم،يقفزون فرحا ويصطفون في داخلي مؤدين رقصة جماعية مجنونه،تسمع صداها في نبرة صوتي وفي اشراق عيني ،وفي ابتسامتي التي تصل لآخر حدود الدنيا
.
.
و
أنا لي مكان بين النجوم
فوق السحاب
أغسل بألوان الفرح كل العذاب
.
.
.
علمتني حياتي أن:
أن أجمل السعادة تلك السعادة التي تكون تحقيقا لانجاز معين،يرد لطموحك اعتباره ولمشاعرك توازنها
وأن اجمل الحب ذاك الحب غير المشروط الذي يجعلهم يفرحون لك فرحة صادقة تبرق في نظرات عيونهم حولك
و
متواعدين أنا و هنا روحي
متواعدين نداوي جروحي
.
.
كان هناك تزامن مابين الأحداث،شئ متوقع،واشياء أخرى غير متوقعه،
ومابين المتوقع والغير المتوقع كنت هنا ،احاول التركيز على الأشياء الجميلة حتى اعيش،واغمض عيني عن اشياء كثيرة تؤلمني لذات السبب لأعيش،وعشت مستمسكة بأمل
وأنا القلب الذي لا يفقد الأمل
.
.
.
ولكن البارحة كان احساسي غريب،وكان لي أمنية:
تمنيت لو اغمض عيني،فتخزن تفاصيل هذه اللحظات بنجاحها،بخوفها،باحساسها،وبكل الحب حولها
تمنيت ان يكون لروحي ذاكرة كاميرا تلتقط الصور وتحفظها داخلي،حتى اذا ما عكرت الدنيا من صفو الفرح ،يكون لي ذاكرة حب وسعادة اتصفحها في وقت الحاجة
:)
.
.
.
بداية اسبوع آخر
وأحد جديد
وصباح يرقص سعيد
واحساس يجعلني أتمنى لو افتح يدي لأحضن هذه الدنيا كلها
ليش ما عندي ايد كبيرة كبر الكويت؟
:)
.
.
.
اسئل الرحمن ان يشرح قلوبكم
ويرزقكم اجمل من كل ما تتمنون
...
وصباحكم سكر

هناك 54 تعليقًا:

ميمة السبيت يقول...

** انشالله دوم انشراح الصدر و السعادة و التفاؤل مع جو حلو و نسمات بارده حلوه ماني قايلة تداعب شعرج بقول تطير حجابج لووول

- الجو لما يتعدل ينعكس على مزاجنا احلى شي لما اطلع من البييت و يلفحني هالهوى الحلو و كل يوم نقول يبيله ريوق بره بس الدوام المليق النحيس

يله استانسي و مسكي كوب القهوه و فتحي الدريشه حق الهوى الحلو مع ابتسامة مثل الحلقات التركية :)

مادري شفيني احس اني قاعده اخربط بس اهم شي

- صباح الخير و الأمل و التفاؤل على ملكة التدوين

aL-NooR . يقول...

صبـــــــاح النور ..و النوير
و سما زرقـــــــا..و طاري الخير


ماراح اقول شي
الا اني امس حلمانه فيج حلم
خيــــــالي..
سبحان الله

ذكريني اقولج اياه
:*


******************

Sweet Revenge يقول...

عسا دووووم هالسعادة
وتكون حياتج كلها انجازات
صباحج صباح الفل
علي فكرة احب هالدعاء وايد
"ربي اني لما انزلت الي من خير فقير "
:**

glomhilda يقول...

الله عليج..الله
صباحكِ تسلل إلي ونور خلجات صدري

يارب..عساها دوم الفرحة والسعادة ماتبارح أبوابك يا استكانة


أتعلمين بأن عقولنا أفضل من أي ذاكرة الكترونية

أغمضي عينيكِ..واسترجعي تلك اللحظات السعيدة من ثنايا الذاكرة

فهي أبداً لا تضيع

على الهامش: استكانة..شفتي ايميلي.؟

^_^

ZooZ "3grbgr" يقول...

وي يا حلو هالصبح الناطع

بوست حسسني بطعم الايس كريم بعد يوم تقضينه بسبا دلع

هههههه

الله يديم فرحتج

ويزيدج من نعيمه

آمين يارب

:**

الحــــر يقول...

الله يجعلج دوم من السعداء
تستاهلين كل خير أخييتي

دمتي فوق السحاب

:)

jonoon 3aqel يقول...

الله يتمم عليكي الفرحة و الخير و السعادة..

ما ندري شاللي صاير..
لكن مبين انه خير..صح؟

الله يهنيكي :)

اش عندهم المدونين ناشرين مواضيعهم على الصبح..و كلهم فرح و أمل و تفاؤل!!!
ليكون متفقين؟

ههههه

تحياتي

|:| DUBAI |:| يقول...

صديقتي استكانة

الله يعيج يا ربي على قد نتيج
و أكثر

: )

SHOOSH يقول...

اللـــــــه

إحساسج غير

و بوستج عجيب .. إستبردت و آنا قراه

صايره رومانسية و عاطفيه آنا وايد الظاهر

:)

ياليت قلبي فيه ميموري كارد

أخزن إلي أبي و أرج أسويله ريبلاي كل شوي

و أمسح إلي ما أبي و أقطه بالتراش كان

مرات لما يكون صاير معاي شي وايد إستانست منه .. أقعد طول اليوم كل شوي أغمض عيني و أرجع أعيش نفس اللحظه بروحي

لو قاعده بسينما ما أحس بلويتها

:*

صباحج خير يا إستكانه

الخيلاء يقول...

ولهااااانه اتعرفين يعني شنو ولهانه

يعني حدي حدي فاقدتج .. و فاقده سوالفج الحلوه :*

و ان شاء الله دوم الفرح و السعاده فالج يارب

و عيونج الحوله اتشع سعاده و امل و حب للدنيا و مافيها

والله يا استكانه اني احبج بالله

:)

واسنع صدى سعادتج بروحي

الخيلاء يقول...

لووووووول سوري يا بعد هالدنيا قصدي عيونج الحلوه اختلطوا الحروف و طلعت كلمه غير مقصوده

عدليها قبل لا اتنزلينها لووول

Manal يقول...

يا حلو هالصبح

:)

اي والله احتاج
انحاش مع نفسي
بس مو مع الفراولة والسكر

مع الكاكاو والفراولة
واذا فيه زيادة كاكاو ماكو مانع
بس يكون دارك شوكوليت
:))

واسمع عصافير قلبي
وافكار مخي

منغير دراسة
من غير تفكير بمشاكل الدنيا

:))

لحظات
ما تضيع وقت الانسان
ولكنها تزيد من انتاجه

حبيبة يا استكانة

تعجبني كلماتج الشعرية


دمتي بالف خير

أهل شرق يقول...

مساء الورد

والجملة الثانية انتي عارفتها

سلة ميوّه يقول...

صــباحج فرح وسرور


صباحج سعاده وحب و ولهه و جمال


ياعسى ربي يسعد هالصباح...


مافي اكبر من الكويت يا استكانه عسى ربي يسعدج كبر الكويت...


حبي واكثر

ARTFUL يقول...

مساءالخير

ما قمت ادش حزت الدوام من كثر الشغل


عسى الله يديم عليج السعاده والفرح والسرور والخير والبركة يا رب


:)

Hope يقول...

مساء النور و السرور

يا حلوج و انتي مستانسه
احس البوست عجيب .. احسه مبتسم لوول
الله يديم عليج الفرح و السعاده

اي والله يا استكانه جان زين نقدر نصور الاحداث الحلوه بحياتنا و نسيفها بمخنا عشان نرجع لها وقت اللي تضيق فينا الدنيا

المفروض لما نحس بضيق او نستاء من حياتنا و نحس ان كل شي حوالينا مو راضي يمشي صح ... نتذكر ايام الفرح و السعاده
نتمسك باالأمل .. و نعيش حياتنا بحلوها و مرها

sometimes u just gotta hold on to hope .. & it shall fill ur life with happiness & satisfaction
just look forward to 2morrow .. think of it as a new opportunity .. appreciate the gift of life 'n 4get abt all of ur miseries

U gotta remember those beautiful moments in ur life .. to get back at them when u're having a tough day & believe & B certain that such days r ahead of u .. just gotta fight the negative & the positive will come sooner or later
gotta believe that the good is ahead of u .. just then u'll keep on going .. cuz u believe something good is waiting 4 ya .. good days are waiting 4 ya

Estekana, I had a tough day .. u're words made me reconsider .. go back 'n remember how beautiful life is .. Ur Beautiful delicate words made what's left of my day

Thanx sweety
الله يحفظج و يوفقج و يخليج لاهلج

=]

dm3t _almghor يقول...

انشاء الله ايامج كلها افراح وسرور

والحزن بعيد عنج

:)

صبا يقول...

صباحج متميز ورايئ
:**


انشالله كل ايامج سعاده ووناسه
وتفائل يا لون الغروب
وانشالله دوم فوق السحاب

يا سلام مزاجنا يتعدل مع نسمات الهوا
ونهاد حداد ...اقصد ...

فــيــروز

خايف أقول اللي في قلبي

~
~
~


و بتقلي بتحبني ما بتعرف قديش
ما زالك بتحبني ليش دخلك ليش

في اغنية بكتب اسمك يا حبيبي
~
~
~


بس انا اسمعهم بالليل
؛)

لما يكون مزاجي رايئ..ومع شاي

لاحظي شاي مو قهوه لاني مدمنه من الدرجه الاولى
:(

والله يتمم عليج السعاده

:***

شـقــران يقول...

استكانتنا الغالية

مساء الجاسمين والكادي


وعساك دوم سعيدة وفرحانة
وربي يجعل حياتك كلها ربيع(ن) في ربيع
:)




اقتباس:"يقفزون فرحا ويصطفون في داخلي مؤدين رقصة جماعية مجنونه"ء

عرضه أو فريسني أو سامري
:))

حددي رجاءا
;p



مع أجمل وأرق التحايا المسائية

خاتون يقول...

اللـــــــــه
شالتصبيحة الحلوة اللي تشرح النفس
ما تحتاجين أيد كبيرة كافيج هالقلب
يسعدي هالصباح إن صح النعبير و يسعد لي أيامك
عاد حدي أحب الفراولة أممممممممـ
و أورفار يا حلوة ^_^

lawyer يقول...

عساااااااااااااج دوم مستانسه ياااااااارب

عندج رفيجه اسمها الزين من تصبح لي تمسي و اهي تدعيلج من اقصى قلبها


جاااااااااااان ابوق دعوتها و اقولها حتى انا ادعيلي مرتكبه جريمه هالويك اند و ابيها تطووووووف على خير
هههههههههههههههههههه

BeeDoO يقول...

وين ما اشوفج

حتى انا فوق السحاب

بس الظاهر انتي منخشة

Inspired Mind.. عقل ملهم .. يقول...

ممم.. مره فالدوام حسيت بنفس الشعوور..
فرحه لا توصف بدون سبب.. وقمت صليت ركعتين شكر لوول.. احيانا .. اخاف من هالشعور..مادري ليش.. اتوقع بيكون شي بيصدمني عقبه..

عسى ايامج دايم افراح وسعاده .. ولو اني ما اعرفج استكانه بس احب مدونتج ودايم اقراها ..

jasem يقول...

ماشاء الله عليج
وعسى الله يديم فرحة قلبج بطعم أجمل من الفراولة والسكر قولاي آمين
لا هالمره بطول صج لأنه وقته اقولج اكرمج الله مرفوعه للأس على هالاستكانات
أول شي أقول ونعم القلب اللي مايفقد الأمل ولايقنط من رحمة الله مهما هجم عليه البلاء..وأصلا ليش البلاء مو عشان نصبر وشنو نهاية صبرنا ؟ ماغير يوصل الانسان الى هذا العمق من قلبه ويستشعر منه هذا الطعم واهنيه اتعجبين اشلون كان اليسر موجود في قلب العسر من غير مااتحسين .. مثل ذاك الكاكاو المدور اللي في بطنه طعم حلو غريب كنا نتصبر إلين ايذوب الكاكاو كله وبعدين نوصله صح .. طبعا نهاية الصبر وايد احلا من هالطعم..
شوفاي ياإختي شاركتينا بحس الشراحه اللي حسيتيه بكل عفوية وكلمتينا عن التزامن وآنا بدوري بردلج إياها بنفس العفويه وشوفاي التزامن الاعجب.. بليله هالاحد اللي طعمه سكر على قلبج آنا سهرت بين امي وابوي أحلا سهره بحياتنا إنتهت بإحساس بشراحة صدر عجيبه.. وأشوه كانت شعره وتضيع مني هالجلسه النادره بسبب كنت على الخط السريع متجه للديوانيه لولا فجأه قلت هاا اروح البيت اكيد امي وابوي قاعدين ليش مااروح لهم ابرك وخل احقق هدف " وصاحبهما في الدنيا معروفا" المهم لقيتهم وقعدت بينهم ساعتين زمان ابروحنا وضحكنا فيها ضحك اللي والله يااختي شفت ويوههم امنوره من الفرحه بسبب اني رجعتهم بالسوالف حتى عن ايام خطبتهم .. وماقربت الجلسه اتخلص الا جك بم حسيت بذيج الشراحه الربانيه تنزل علي واللي الى الحين مفعولها شغال وإللي حتى خلتني اقرالج من شوي وانا افهم الطعم اللي اتكلمين عنه واتذكر دعوتج الطيبه واقول معقوله دعوتها صاروخيه هالاخت ..بس اللي عجبني حيل العنوان اللي اخترتيه وفي الوقت اللي اشرتي فيه للتزامن بين الاحداث ولأنه في نهاية قعدتي وياهم ختمتها بشي ونسهم حيل ..مااتصدقين شنو .. قصيت لهم رؤيا قديمه شايفها ..
كنت شايف اني جالس بخشوع مثل جلسه التحيات في الصلاة ومن وراي بالضبط امي وابوي بنفس الجلسه ونفس الخشوع وكأني في شكل الجلسه كنت إمامهم في صلاة.. بس تدرين وين العجب .. وين كنا جالسين هالجلسه .؟
جالسين فوق سحابه وهي تطير فينا بالسما !!
:))

سبحان الله دشيت ليلة الاثنين القى عنوانج لبوست الاحد اهو نفسه قصتي لهم في نهاية الجلسه "فوق السحاب" لا واتكلمين عن الشراحه وغرابة الاحداث وتزامنها..!!
على أي حال اهي صدفه اهي شنو مو مهم ..
المهم " وهل جزاء الإحسان إلا الإحسان "
هذي مني مشاركة بكل عفويه ارد فيها على البوست وارجو ان تتقبلينها رغم استطالتها من اخو يحس بمعزه لج لله في لله بسبب وضوح روح العطاء منج لكل اللي حولج .. وهي محاولة متواضعه مني عسى يكون يوم الاثنين طعمه على قلبج أحلى من الأحد
وإن شاء الله تستمر كل ايامج هكذا دواليك ..(حبكت الفصحى الحين بدواليك)
-------
طلب أخير
الله يسلمج ابنيتي رهوفه عمرها ثمان اسنين وتحب القراية وكله تسحب فيني من مكتبة جرير الى مكتبة العجيري-على قولتها ودني جرير الصغيره- وبما انها مااتشوفني على الكمبيوتر الا طبت ابحضني عشان تبحث عن افلام كرتون لا وتناشبني لازم اهي اللي اتطقطق على الكي بورد مو آنا ..فا المهم اتوقع خلال جم سنة بتفتح لها بلوق بإذن الله وتصير اصغر مدونه ..فاذا ممكن وقتها اخليها تاخذ حصص في كليه بلوقج إتعلم فيها احاسيس طيبه - قسم ماوراء الطبيعه .. ممكن ابله؟
:)
وسبحان الله يمكن اغط عن الردود بين حين وآخر فلاتنسين انه فيه اخو يقرالج دايما وهو يتبسم بكل اعتزاز
وتمنياتي بآخر هالمعلقه اتحقق لج امنيتج واتصيرين مثل بطل فانتاستيك 4 اللى ايده مطاطيه عشان اتمدينها من العبدلي الى نويصيب
:P

ARTFUL يقول...

لا تنسين تسيرين علينا

:)

بنت الشامية يقول...

صباحك عسل وسكر ومعقود


ان شاء الله دوم تكونين سعيده و ينشرح صدرج وتفرحين
وتحلقين بالفضاء الواسع
تستاهلين

أجمل السعادة : تلك السعادة التي تكون تحقيقا لانجاز معين

صح يستحق الانسان هذه السعاده
اذا انجز هذه المهمه على اكمل وحه

جسلمي لى على اطفال قلبك
وقولولى لهم انهم فى اماااان
مادامهم بقلبج الابيض الطيب
((:

reemas يقول...

صباحج ان شالله عسل و مربى يا استكانتنا العزيزه

بالنسبه للاختلاء اخذ كاميرتي اذا الجو زين و اروح البحر اصور الغروب
انا و الماي و الشمس و الطيور
بدون بشر
ولا اروع :))
و انا توني كاتب عن الحب غير المشروط
فعلا اسمى انواع الحب

و بالنسبه لدعواتج الجميله
اقولج وياج ان شالله و السامعين

تحياتي

فريج سعود يقول...

مع انج ما فرحتينا وياج بالتفاصيل

بس تستاهلين كل خير

esTeKaNa يقول...

ميمة السبيت
~~~~~~~~~~~~
ياهلا وامية هلا
لا ما تخربطين
بالضبط يوم قريت تعليقج كنت ماسكة قهوتي واستمتعت
:)
صباح الورد كله

esTeKaNa يقول...

aL-NooR .
~~~~~~~~~~~~
صباح النوووور كله
حلمانه فيني؟
صايره انام واسير على الناس
يالله ناطره تقولين لي حلمج
:)

esTeKaNa يقول...

Sweet Revenge
~~~~~~~~~~~~~~~
اجمعين يارب
:)
انا بعد وايد احبه
شوفيه حطيته على جنب البلوق

esTeKaNa يقول...

glomhilda
~~~~~~~~~~~~
ياهلا وامية هلا بالغالية
عسى ربي يحفظج ويفرحج دوم
وعلى فكرة ما وصلني شي
:(

esTeKaNa يقول...

ZooZ "3grbgr
~~~~~~~~~~~~~~~~
انتي وينج يا بنيه؟
ترا مشتاقين مشتاقين
:*
صباح الايس كريم

esTeKaNa يقول...

الحــــر
~~~~~~~~~
شكرا عسى ربي يحفظك
:)

esTeKaNa يقول...

jonoon 3aqel
~~~~~~~~~~~~~~`
كل المدونين مستانسين؟
الف الف الحمدلله
عسى ربي يدوم الفرح على الجميع
:)

esTeKaNa يقول...

|:| DUBAI |:|
~~~~~~~~~~~~~~~~
اجمعين ياااارب
:*

esTeKaNa يقول...

SHOOSH
~~~~~~~~~~
صباح البراد كله
يا زين الرومانسية وانا اخيتج
:)
وصاجة
مرات اذا في شي بداخلنا جميل ينعشنا
ينسينا كل شي حولنا
عسى ربي يحفظج ويسعد قليبج يارب
:*

esTeKaNa يقول...

الخيلاء
~~~~~~~
هاو عيوني الحوله؟
قريت التعليق جان احول
لووووووووووووووول
:)))
حياتي انتي حياتي
تمونين تمونين
حوله
حلوة
اللي تبين
:***
انا مو ولهان انا دنيا من الوله
:))
يارب نتلاقى باقرب وقت
عندي حجي وسوالف وااااايد


عسى ربي يحفظج ويسعد قليبيج ويارب تبشريني باخببارج الحلوة باقرب وقت
:*

esTeKaNa يقول...

Manal
~~~~~~~
هلا بالغالية
:)
فعلا نحتاج هذه اللحظات نفصل فيها تفكيرنا عن الواقع
احس اني مزحومه باشيا كثيرة
وفعليا زحمتنا بالدراسه والعمل وهذي الامور تتطلب في مرات كثيرة نرتاح من كل شي ونهدا
مع كاكو وفراوله
:)
الله يحفظج ويفرح قلبج ويحفظ لج كل من يحبج وتحبينه يا الغاليه

esTeKaNa يقول...

أهل شرق
~~~~~~~~~~
صباح الورد
:)
اعرفها؟
مممممم
بس انا ماعرف الغيب
:P~

esTeKaNa يقول...

سلة ميوّه
ّّّ~~~~~~~~~~~
ياهلا ويا مرحبا بسله الميوة الجميلة
:)
عسى ربي يحفظج ويديم السعاده عليج يارب

esTeKaNa يقول...

Hope
~~~~~~~
صباحج سكر
:)
تدرين مرات اقعد فاضيه اقرا البوستات احس بنفسي في بوست عاقد نونته وفي بوست مبوز
وفي بوستات احسها تبتسم
ترقص
تلعب
:)
كان عبالي هذا احساسي الشخصي توني عرفت ان هذا احساسي ويوصل من كلامج في هالتعليق
:)
تذكري الاشيا الجميلة
والمواقف الحلوة
وصدقيني ذكراها راح تعطيج طاقه وقدره تكملين وتستمرين سعيده

الله يحفظج ويسعد قلبج وروحج يارب
:)

esTeKaNa يقول...

dm3t _almghor
~~~~~~~~~~~~~~~~
أجمعين يا الغالية
:)

esTeKaNa يقول...

صبا
~~~~~~
هلا بصبا الجمال كله
:)
الله الله
اول تعليق يغني
تعليقاتج صايره تغني
واحساسج بالدنيا غير
عسى ربي يحفظج ويسعدج ويحقق لج كل الي في بالج قولي امين
:*

esTeKaNa يقول...

شـقــران
~~~~~~~~~~~~
يا صباح الفرح يا ابو راكان
صباح الفرح حسب التوقيت المحلي لمدينة مانهاتن
:P
فريسني طبعا
خبرك الفرح يبيله ردحه اكبر من العرضه والسامري
:)

دمت بخير انت وكل من تحب

esTeKaNa يقول...

خاتون
~~~~~~~~
ياهلا ويا مرحبا بخاتون
عسى ربي يحفظج ويشرح قلبج ويسعدج دوم
:)

esTeKaNa يقول...

lawyer
~~~~~~~~~
وأنا من اصد شوي ارجع القى في جرايم من وراي
:P~
يا بعد قلبي قلبج انتي والزين
لا خلا ولا عدم يا حبايب قلب استكانة
:***

esTeKaNa يقول...

BeeDoO
~~~~~~~~~
hahaha
عسى ربي يتمم عليك يارب وتتم فرحان على طول

esTeKaNa يقول...

Inspired Mind.. عقل ملهم
~~~~~~~~~~~~~~~~~~~~~~~~~~~
ياهلا وامية هلا
ما شاء الله صليتي ركعتين شكر؟
يزاج الله كل خير عسى ربي يحفظج ويبارك لج بعقلج واتزانج
اي والله احتاج اصلي شكر
عسى ربي يديم الفرح يارب
:)

esTeKaNa يقول...

jasem
~~~~~~~~~
ياهلا ويا مرحبا يا ابو محمد
والله انك تنور البوست يا اخي العزيز بتعليقاتك الجميلة والصادقة
:)
بداية:
النية مطية
نية بر الوالدين وإرضائهم،وتحقيقها فعلا امر كبير ورائع،يفتح لك ربي بببرهم الدنيا بما فيها ويسعدك ويبارك بعيالك
ورهوفه الجميلة
بعيوني الثنتين
خلها تكتب لي تعليق
وراح نسولف ويا بعض
وراح تسوي لها بلوق جميل تكتب عن ابوها مثل ما انا ببوست وترك اكتب عن ابوي واتحلى عليه
:)
تعليقك اجمل من البوست
وسامحني فعليا على التقصير في التعقيب على تعليقاتك فكل الكلام لا يوفيك حقك

يعطيك العافية
:)

esTeKaNa يقول...

ARTFUL
~~~~~~~~
إن شاء الله
:)

esTeKaNa يقول...

بنت الشامية
~~~~~~~~~~~~~
أفرح انا بطلتج علي
عسى ربي يحفظج ويسعد قلبج بكل يوم تصبحين فيه وتمسين يا الغاليه
:)

esTeKaNa يقول...

reemas
~~~~~~~~~~
ما شاء الله تبارك الرحمن
اعرض لنا الصور خلنا نستمتع
:)
وفعلا اجمل الحب الحب غير المشروط
لنا طله على كتاباتك باقرب وقت باذن الله

esTeKaNa يقول...

فريج سعود
~~~~~~~~~~~
لو بيدي
اكتب كل التفاصيل
وياما كتبنا
بس في ناس ما ترحم
:)
الله يحفظك ويسعدك يا اخوي العزيز