الخميس، أغسطس 13، 2009

صباح مسفر

في مساء ضاحك جمعنا بليلة أحد قلت لها:
الأيام صايرة مملة،ويا غث الأحد
يا ليت أروح الصبح مكتبي وألقى وردتين،وبيت شعر،واسم مجهول يشغل فكري ويعطي للأيام لون
!!
اتسعت عينها واسئلتني:
ليش مجهول؟
ولو يصير شنو بتسوين؟
بتحبينه؟
بتشوفين منو؟
وليش تزوجت ولي يومج ماحد دز لي وردتين؟
وليش اصلا وردتين؟ ليش ما يكونون اربع خمس؟
وليش احنا بالذات ما تواجهنا قصص هالحب؟

ضحكت وقلت لها:
شوي شوي علي،مو كل شي له جواب
ولا كل احساس له عمق آخر
بعض الأماني جنون،أمنية ونقطة وينتهي الموضوع
وبعض الاحساس عابر..خلق ليكون عابر

تنهدت أنا وهي تطالعني:
استكانو شفيج؟
يعني شنو؟ ليش عابر ونقطة ليش انتي جذي؟ ليش تبين ورد وليش؟
يا الله يالله عليج،حلم حلم،حتى بأحلامي مناشبيني
عفستي ابو الاحساس واهله
:P
.
.
.
.


صباح الخميس :
وردة جوري وتيلوب ابيض وكرت صغير:
إهداء لمن
طيبها قسوة جفاها ضحكها هيبة بكاها روحها حدة ذكائها تملائك بالأسئلة

!!
نفس عميق،وافكار تتراكض،وأخرى تتكوكس،واحساس يستهبل ويسوي وقوف على الرأس:
هذا اسمي،وهذا بيت شعر،وهذا مكتبي منو هالعاشق المجهول؟
اقرا الكرت:
مجهول
في احد يعرف بنفسه مجهول؟
!!
اقلب الكرت:
.
.
.
مجهول وفي رواية أخرى :
ابنة خالتج شيخة
:P
.
.
.
ودبغت الأحلام كلها وتكرفست الأماني على جنون واستهبال ابنة خالتي الصباحي
ضحكت بعدها وضحك معي هذا الصباح ،وأرسلت لها:
ذوبتي الصبح رقه ،شهالحركات؟
قليل مما عندك،بس لو ربي يفكك من بوستات حزب التحرير،،وانتقالاتك المجنونة بين بوست وآخر
يا اختي طقي اشاره حقنا
Looooooool
أنا أفكر بصوت عالي،البوست من عقلي لي المدونة هذا يزاي اثقفج شوي؟
ماحب هالسوالف، الحين بوست يديد،ولهت على احساسك وانتي تكتبين
فا
قدة احساسي،ماعدت اقدر اكتب باحساس ولا عاد يحسون فيني هالناس،وعندي مليون شغله الحين مو وقته
!!
عشان خاطري استكانة كتبي لو قصيدة تحبينها
نظرا لوجود طفل مختبأ فيك،وسفر زوجك وبشلتي فيج،راح اكتب لج هالبوست
.
.
.
.
كان الصباح مع مسفر،مسفر،ولقلب مسفر سر صغير له احساس لذيذ جدا:
أنا عندي.. سر صغير
لو سمحتيلي..بقوله
أنا من فتره أحس
شي غامض يملى صدري
ينثر النعناع فيه
والقناديل ب حقوله
شي يخليني أسولف
فيك
..
ويورق النهار
من بعَد موسم ذبوله
شي يخلّيني أصابع .. من حبر
ويملى أوراقي شعِر
والفرح يصير حبيب
والقمر يصير قريب ..حيل
وايديني تطوله

شي غامض
يحتويني
يشعل شموع بحنيني

يرسم اشجار ونوارس
فوق سواحل..في جبيني
تنطرك مع كل موجه
ولك أبد
تشتاق وتوله
كل يوم أفتح بريدي
وأتخيل لون عيدي
أحلم بغيمه تجيني
ولاّ كلمه ..خضرا
عذرا
من بريدك
وأَنكِسِِر لو هو تأخر
يوم بريدك
في وصوله

ولما أشوف رساله منك
يفرح القلب ويهلّي
بالهوى.. وطلة رسوله
كل رساله
من بريدك
تنثر السكّر في كفي
وتحيي في عمري الطفوله

ترسم أبواب ودرايش
في فضا الليل ..وتخلّي
الصباح دايم ينوّخ
في مدى روحي ذلوله
أنا عندي سرّ صغير
من عرفتك
مدري شنهو
وماني عارف
كيف أقوله
.
يالله عليك يا مسفر:
كيف يوصف احساسه الغامض نعناع؟
وكيف يحس ان الفرحة حبيبة،والقمر بيدينه يطوله؟
وكيف يكون الفرح كلها رساله من بريده؟
وان تأخرت الرساله ينكسر كله؟
سر مسفر..اجمل سر
!!
واحساسه بالوله شي ثاني،بقصيدة كامله يسئلها ويشاغب قلبها:
وَلَهْتي لوْ شْوَيّ علي؟
إشْتقتي لي؟
قوليلي:
وشْلون المسا .. مِنْ غيري
وشْلون الصّباح
وشْلون يُمُرّْ.. يومِك عليك
باهِت،وبَرْدان،وحَزين؟
ولاَّ يُمُرّْ مِن بَعْدي رَوعه ومِمْتلي؟
حَسَبْتي إن الفَرقا مابيني وبينك..للأبد
ولاَّ ابْتِسَمْتي في سِرّكْ وقِلْتي هَالزَّعَل
مهما يطُوْل
سحابة صيف أَكيد..أكيد بْتِنْجِلي؟
ولو تِسْمعيْن أَغاني حِنّا نْحِبّها
مايشَاغِبِك قلبك يقول:
عَشَاني إتَّصْلي عَليه
وَحَشْني صُوته
ضحْكِتِه..
حتى جُمِرْ كلامه واحِشْني ..وأَبيْه
عَشَاني إَتّصْلي عَليه
عَشَاني أَرجوك اسْأَلي

حبيْبتي
ماشَاغَبك قلبك عليّْ؟
بالله قوليلي الصّحيح:
إشتقتي لي؟
أَمَانه ودّي أَسْألِك
طُوْل الفُراق ..فَكَّرْتي فيّ؟
قَعَدْتي مَرَّه بْغِرْفِتِك ..تِتْمَنْظَريْن
وكِنْتي بْكامل زيْنِتِكْ
وقلتي لْ غَنَجْ أنُوْثِتِك:
ودّي يشوف تسْريحِتي
نَفْسي يشِمّْ هذا العِطِر
ويقوللّي رايه ف الرُّوج الجديد
وأَيّْ اللّي أَحْلى.. هذا
ولاَّ روجي الأَولي؟

ودّي يشَارِكْني دَلال أنوثتي
ويضُمّني
ويمْسَح على راسي بْحَنان
هوْ يَدري إن لمْسَةْ ايْديه

فيها حياتي ومَقْتلي
حَبيْبتي فَكَّرْتي فيّ
وانتي على تَسْريحتك
اشتقتي لي؟
ما اكذب عليك
أنا كثير إشتقتلك
عُمْري أَحِسّه مِن غيرك خَليْ
لا أرضي أرض
ولا نجوم
تزيّن الليل بْسماي وتعْتِلي
ضايع وينْقِصْني انتِماء
لاني لأَحَدْ .. ولاني لي
أنا كثير اشتقتلك

حبيْبتي

ما اشتقتي لي؟

.

.

.

فقط مسفر الدوسري أقرا كلماته باحساسي فأتمنى في يوم أكون ملهمه شاعر

او انا بكبري شاعر انظم احساسي مثل عقد لولو يزين قلب كل من قراه ويحس فيه

ابي اصير شاعره

شسوي؟

حققت من أحلامي اشيا كثيرة وباقي حلم اكون شاعره شلون الحين؟

:)

.

.

ختاما:

لشيخة القلب:

شكرا لأنك اضحكت هذا الصباح،ورداتك تزين المكتب برائحة محبة من نوع آخر

اقري القصيدة مع التحفظ على كلمة روج لاني ماحبها

:P

تضحكني كلمه روج

:P

للطارق ومنشق:

للحوار معكم ثقافه من نوع آخر شكرا لكم على مشاركتكم في البوست السابق

:)

للجميع:

اليوم خميس،وحيالله الخميس واهله

HApPY WEEK ENd

هناك 77 تعليقًا:

ikhalifa.com يقول...

أنا بصراحة ودي حد يهديني سندويش فلافل

امممم
لا اثنين لان واحد ما يشبع

و بدون طماط

قولي حق بنت خالتج تدزلي الاسبوع الياي


ناطر ...اوكي
:P


و صح لسان مسفر

aL-NooR . يقول...

احببت البوست ..بأحساسه .. بطفولة قلب شيخة .. بخفة طينة استكانة .. باحساس ..مسفر .. اخيـه على حروفه ..عالم ثاني يذكرني بفايق تدرين

:D
استمتعي بالويك اند ..بكل تفاصيله
سلميلي على المجهول
:pP
*************

الطارق يقول...

انتي تصبحين بوردتين وشعر ، وأنا أصبح برد على تعقيبج عن ثلاث بوستات ومتى يوم خميس اليوم الي ما أحب أشغله إلا بالوناسه من الصبح حتى يلفظ أنفاسه الأخيرة من الليل :)

على أي حال العفو ، وكان نقاشا جميلا .

تحياتي

Reem يقول...

واي إستكانة مو قاعده أحس بالويك إند ! .. أقرا " اليوم خميس " .. أجيك .. فعلاً اليوم خميس !

ولهت على لهفتي لـ هاليوم ..
جني دشيت بموضوع بروحي ؟

؛
؛

يازينها من مفاجأة ، مشاغبات صباحية رقيقة جداً .. كـ رقة قلبها

بس كلمة روج .. صح ، مضحكة لسبب ما لول !

يسعد صباحج :*

beezo يقول...

راحت على الويك اند صار دئه اديمه

الهبه هالايام ان كل ايامك ويك اند

:)

عطله سعيده فور يو

beezo يقول...

راحت على الويك اند صار دئه اديمه

الهبه هالايام ان كل ايامك ويك اند

:)

عطله سعيده فور يو

ZooZ "3grbgr" يقول...

يا ليت أروح الصبح مكتبي وألقى وردتين،وبيت شعر،واسم مجهول يشغل فكري ويعطي للأيام لون



لوووووووووووووووووووووول
ههههههههههههههههههه


it took me 15 seconds to realize that

بيت شعر مو بيت شعر
هههههههههههه

وانا اقول علام استكانه تبي بيت شعر

شهالرومانسية

ما تبين ناقه بعد؟!؟!؟
خخخخخخخخخخخخخخخ

ميمة السبيت يقول...

* الله يخليكم حق بعض حلوه الدقات من الصبح لو انا منها ما اقولج منو :)

- عجيبه القصيده كلماتها وايد حلوه وكل البوستات منج حلوه يالملكه

happy weekend

esTeKaNa يقول...

ikhalifa.com
~~~~~~~~~~~~~~~
شنو تشرب بيبسي ولا عصير اخوي بن علي عشان يوصل لك الاوردر كامل؟
:P

esTeKaNa يقول...

aL-NooR .
~~~~~~~~~~
هلا بالنور كله
:)
حبتج العافية
وفعلا كل من فايق ومسفر لكلماتهم احساس شفاف يخترق اقصى القلب
:)
وواصل سلامج للمجهول
وفي قول اخر:
شيخة
:P

esTeKaNa يقول...

الطارق
~~~~~~~~~
اخي الطارق:
وهل تعتقد اني سأشعر بتأنيب الضمير بعد ان شاغلت صباحك بالرد على تعقيبي؟
ابدا ابدا
:P`
اتمنى لك ويك اند سعيد
وخميس مستانس
:)

esTeKaNa يقول...

Reem
~~~~~~~
هلا بالريم
:)
أحب يكون لكل يوم احساسه
لونه
طعمه
متى ما فقدت احساسي بالأيام ايقن اني افقد شئ ما
:)
يا مرحبا بالريم
من غير روج طبعا
ماحبها
احسها حمرة برتقاليه محزرة ليش مادري
:P

esTeKaNa يقول...

beezo
~~~~~~~~~
الشي المتعب:
لما كل الايام تتشابه
!!
وعطله جميلة لك
:)

esTeKaNa يقول...

ZooZ "3grbgr"
~~~~~~~~~~~~~~~~
هذا بلوق استكانة
ولا وضحة ونمر بن عجلان
هههههههههههههههههههههه
هههههههههههههههههههههه

بيت شعر؟
ليش وين اداوم؟
في مضارب بني عبس يا زوز
!!
تصدقين من رديتي من لندن وانتي منتي الأوليه برد اعطيج دورات وين راحت الرومانسية يا حسرتي؟
:)))

esTeKaNa يقول...

ميمة السبيت
~~~~~~~~~~~~~~
شهالرقه يا ميمة؟
انا ذبت من هالتعليق والله
ملكة مرة واحده؟
:))
الله يسعد صباحج ومساج
ويسعدج مثل ما انتي تسعدين قليبي بتعليقاتج

ARTFUL يقول...

شوي شوي علي،مو كل شي له جواب
ولا كل احساس له عمق آخر
بعض الأماني جنون،أمنية ونقطة وينتهي الموضوع
وبعض الاحساس عابر..خلق ليكون عابر
------------------

حكيمة اي والله مهو لازم يكون لكل شي تبعات

:)
---------------
ودبغت الأحلام كلها وتكرفست
-------------

عيل في احساس يستهبل والله في ناس ثانيين يحبون العبط

;p

----------------

عسى الله يطرح فيج البركه يا اختي وعؤبال ما اشوفج ملهمت شاعر يتغنى فيج صبح وليل ومسا

;p

وهابي ويكند

البي في هابي تذكرني باخوي الصغير لانه عشتوا ولد مدارس امريكيه مهو نفسنا يونسني لما ينطق الحرف بكل عفوية لان اهو تعلم الحرف بهالطريقة

البارحه يقولي آرتفل لا تشوف لامبارد شسوا بالمباراة

وابتسم من عفوية نطقه الصحيح واترحم على حالنا اللي بالموت تعلمنا ونص تعلومنا غلط

;p

الطارق يقول...

لا ابدا لم اتوقع تأنيب ضميرك ، الي يشرب جاي بالنعناع وسكر زياده ما يأنبه ضميره ، اصلا يمكن يغيب ضميره :)

اتمنى لك عطلة نهاية اسبوع سعيدة

ikhalifa.com يقول...

بيبسي و لا تنسون المخلل

:P

reemas يقول...

في زيارتي الاولى و تعليقي الاول لمدونتج الكريمه
اهديج باقة ورود من بساتين الموده و الحب و الاحترام
و ان شالله هذي بداية لزيارات و تعليقات قادمه
بوستات جميله و فيها تلقائيه و مشاعر و احاسيس
و ضحكتني وايد قصة الطياره و اللي قاعدين يمج
و ارجو انج تشرفيني في مدونتي المتواضعه اللي توني بديتها من شهرين

تحياتي لج استكانه

أتيت متاخرة يقول...

أخييييييييييييه يا استكانه
ورد وبيت شاعر من المجهول المعلوم


يا ربي انتي بكبرج كتلة احساس هالنوبة بتصيرين شاعرة
رحنا فيها


قريت قصيدة مسفر الدوسري

تعذيب
كل شي فيني رجف

اشتقتله

رزنامـــــة يقول...

من زمان ما صار فيني دقة تضحك لوووول

هي لفتة بسيطة تجعل نهارنا يتغير فوقاني تحتاني

جنة الحواس يقول...

الله على قصيدة سر مسفر

هالشاعر أقرأ له لما أشوف قصايده بالجرايد أو المدونات ..بس ما أدري ليش أنسى لا أدور عليه لما أحس بعطشي للشعر

شكرا لأنج ذكرتيني فيه

::

آنا أبي أصير ..ملهمة و شاعرة و روائية

و الطمع ..أكيد شين .. بس شسوي هذي أمنياتي

Sweet Revenge يقول...

عفستي ابو الاحساس واهله


اي والله بعض الاصحاب يخربون ابو المووود العالي والمزاج ;)
بس عدلتها تالي
ميخالف


تصدقين لما اقرا كلام حلو ودي اكون شاعرة بس يختج شيطان الشعر حالف مايقرب صوبي
شسوي
ماني عارفة اصيده :P

ونهاية اسبوع سعيدة وكلام ولا ارق ولا احلي
من مسفر الدوسري

EngineRaa يقول...

مساء الخير والاحساس والطيبة ، مساء يليق باحبابي والله يااستكانه يسلم الناقل والمنقول على احساسك وتعبيرك الاكثر من رائع وفعلا مرات اتمنى احد يسوى فينى دقه تفرح مو تخبص قلبي من الخرعه:) ، اما بالنسبة للمنقول وهو شعر مسفر الدوسري قال على لسانه الي وده كل واحد يعيشه ويلقاه من محبوبه وحبيت بنت خالتج مثل ما حبيناج الله لا يغير عليكم ويحفظكم.واذا لقيتي احد يدزلج ورد وبيت شعر وصي يدور احد يدزلي ورد وبيت شعر

:)))

أُمْ حَــسَـــنْ يقول...

Have a nice weekend o 3asa doom suprises ;)

الخيلاء يقول...

عجيب

اينن

يشرح القلب هالبوست

و مسفر اخ من مسفر غااايه في الروعه

و أنا اقوله

اشتقت لايام الهوى في جنابك
يوم الشموع بليل الاحباب ضوّن

واشتقت اقول لهاتفك مرحبا بك
وأشتقت لغيوم الصحاري تكوّن

مسائج عسسسسل صافي بصفاء قلبج
:)

dm3t _almghor يقول...

الله يسعد مساج يااستكانة

مساء الأحساس والرومانسية صراحة احنا نفتقد هالشي احساس الرومانسية مرة قلت حق زوجى ليش ماتبادر بالرومانسية كل آنا تييبلي وردة او شي ورحت مرة الدوام والا اشوف باقة وردة وكلام حلو بدون توقيع استغربت رديت البيت ما كلمني وبعد مامر يومين قالي شرايج بالمفاجأة :)))))))
فتله صارلي يومين وانا افكر ومحتارة وفكرة توديني وتييبني

:))))))

monshg | مُنْشَق يقول...

قد ينطق الزهر بعض الأحيان كما أخبر البحتري :
خرس الثرى، وتكلم الزهر

نهاية اسبوع سعيده للجميع

Sn3a يقول...

تصدقين
الوردتين اكثر رومانسيه من بوكيه كامل
خصوصا لما ماتكون مزينه اوفر بشرايط وسولفان وهالحركات
مجرد وردتين تجمعهم شريطه رقيقه

بصراحه
اول مره اقرا اشعار جذيه
لا جد
جنها سوالف من كثر ما اهيا خفيفه وعذبه
صح لسان اللي قال وتسلم ايد اللي كتب
البوست عجيب يريت قاريته الصبح مادري ليش

jonoon 3aqel يقول...

يعني اللي يبي حد ينكتب عنه بوست..
يطرش لك ايميل و لا شي ع الشغل
هههههههه

اضحك معاك..

بوست خفيف و حلو..
و الويك اند ياي..
و باقي لي 10 أيام و اسافر :(
و أرمّض هناك بعد

ليش ذكرتيني!! لكن يا الله..

مو مشكله

دمتي بخير

تحياتي

Barrak يقول...

مسفر


قيثارة مشاعر



وانت



احساس صادق

Chaotic pOsha يقول...

wow
خوش بوست ضحكني وونسني
بالنسبة للورد
كلنا نتمنى أحد يعبرنا ويدزلنا جم ورده كل جم شهر

شكرا

happy weekendz

Manal يقول...

يا حلوج

كل يوم يزيد اشتياقي اكثر
:)
بس ضحكني ردج على زوز

الاخت شافتني وتخسبقت
:)
:)

لا تلومينها

وان شاء الله تقر عينج برجعة الغالية الزين
والله يجمعنا على خير
:)

استمتعي بعطلة نهاية الاسبوع كثر ما تقدرين

وعليج بالف عافية
:)

الحــــٌر يقول...

مساء الخير

خلينة نقول مساء مسفر

الصراحة الكلام حلو

دمتي بخير وسلام

:)

Enter-Q8 يقول...

خوش ناس عيال الخميس

chandal/danchal!! يقول...

اضم صوتي لصوت بنت خالتج وازيد على كلامها

مو بس تطقين اشارة

يبيلج تحطين المثلثة اللي تشب فسفوري ولافتة تغيير المسار وصور عمال يشتغلون



وانا اقرا آخر بوستين... حسيت اني متقلقصة بدوار الشيراتون وبلف على شارع جمال عبدالناصر بس الباصات مو مخليتني الف

:p


الورد والجباتي ينطرج يوم الاحد ونبي صباح الشحرورة


واموت انا في حبيبي وعذابي لحبيبي وحبيبي ما داري بي

وعلشانه اموت انا


هالاغنية كانت تغنيها حق رشدي بيك اباظة

:)

قلب طفله يقول...

صباح الورد و السعاده

لاحلى استكانه منعنعه

:)

و صباح مسفر غيررررر

ربي يخليكم انتي و شيوخ لبعض

تستاهلين الورد

:****

-mate يقول...

صباح الدقات والمقالب السنعة

اي هذي الدقات الحلوة بوكيه ورد ومجهول والاسم ورى, مو ربعي قاطيني بحمام سباحة شهر واحد. الحمدلله والشكر

إن شاء الله تصيرين مو شاعرة بسو إلا شاعرة المليون. قولي آمين
:)

ضـاد يقول...

أثارينا يالبنات كلنا بالنهايه أحلامنا متشابهه..

انا مثلج كنت اتمنى مره بركب سيارتي القى عليها ورقه فيها جم كلمه تشرح الصدر وتخليني أغيـّب


بس ولا مره صارتلي هههههه


بس الشي اللي غير عنج إني مابي أصير شاعرة وعندي ملهم... أبي أصير ملهمة شاعر يقصد فيني صبح وليل

p;

esTeKaNa يقول...

ARTFUL
~~~~~~~~~~~
ياهلا يا مرحبا بابو شيخة
عسى ربي يحفظك ويسعدك ويطرح البركة بشيوخة وبأخوك الصغير
صاج مخارج حروفهم جدا سليمة
نحس فيها احنا اللي مخارج حروفنا الله بالخير
:))

esTeKaNa يقول...

الطارق
~~~~~~~~
يغيب ضميرة مرة واحده؟
hehehehe
:))
حياك الله يا الطارق

esTeKaNa يقول...

ikhalifa.com
~~~~~~~~~~~~~~~
تامر امر
:P

esTeKaNa يقول...

reemas
ّ~~~~~~~~~
يا هلا ويا مرحبا بالريماس
نورت مدونة أختك استكانة وخجلتها بإهدائك الرقيق وبكلماتك الجميلة
حياك الله وهذي الساعه المباركة
:)
تم اضافه مدونتك لقائمة المدونات المميزه عندي وإن شاء الله نعدك بزياره قادمة بإذن الله
:)

esTeKaNa يقول...

أتيت متاخرة
~~~~~~~~~~~~~~~~
مسفر كلماته يا صديقتي غريبه
تخترق القلب
يرتجف معها شي
وتحسينها كأنها كتبت لج انتي وحدج
:)
ما تشوفيني بعد مسفر ابي اصير شاعره؟
:)

esTeKaNa يقول...

رزنامـــــة
~~~~~~~~~~~~~~
هو كذلك
يتغير النهار فوقاني تحتاني
وهذا ما نحتاجه بين الحين والآخر
:)
حيالله الرزنامة

esTeKaNa يقول...

جنة الحواس
~~~~~~~~~~~~
العفو ما سويت شي
:P
ولك الحق ان تحلمين كل هذه الأحلام والأمي وأكثرالأماني ببلاش
;P
وشخصيا أرى بك بوادر كل شئ
خاصه روائيه
:))

esTeKaNa يقول...

Sweet Revenge
~~~~~~~~~~~~~~~~~~
بالضبط تعفس مودي
بس عسل على قلبي
:P
انا عيزت انطر الهام الشعر وشيطانه
اذا ياني بطرشه لج وبددز لج ايميل:
اذا ياج الطارش قضبيه
:P

esTeKaNa يقول...

EngineRaa
~~~~~~~~~~~~~~~
هلا وغلا بمهندستنا
:)
يختج ذابحنا هالورد والشعر
كله من هالروايات والأفلام ماحد عافسنا الااهم
:))
حبتج العافيه يا الغالية
وحياج الله

esTeKaNa يقول...

أُمْ حَــسَـــنْ
~~~~~~~~~~~~~~
حيالله ام حسن
:)

esTeKaNa يقول...

الخيلاء
~~~~~~~~
والله اللي يشرح القلب تعليقج
حسيت براد براد وانا اقراه
:))
واخيه على استكثرك
تعور القلب

esTeKaNa يقول...

dm3t _almghor
~~~~~~~~~~~~~~~~
قولي آمين:
عسى ربي يحفظكم ويسعدكم
:))
يومين ساكته؟
ما شاء الله عليج
لو انا يمكن لو اسكت كل ملامحي تتكلم
:))
نحتاج رومانسيه بين فتره والثانيه
انتي بادري دزي له ورد
وخنشوف هل لكل فعل ردة فعل؟
:P

esTeKaNa يقول...

monshg
~~~~~~~~~~
شكرا لمرورك وزهر كلماتك
:)

esTeKaNa يقول...

Sn3a
~~~~~~~~
يا صباح السنع والرقة
:)
نفس تفكيري
احس وردتين فيهم حميمية واحساس اكثر
ومسفر..كل ما اقراه احسه يسولف
اسمع صوت احساسه
وعشان جذي اتمنى اكون شاعره بكل مرة اقرا له
:))
وانا هاليومين صايرة اغلب البوستات انزلها الصبح وانا اتريق

esTeKaNa يقول...

jonoon 3aqel
~~~~~~~~~~~~~~~
بالضبط هذي اهي الطريقة لنشر بوست على الطلب
:P~
هذي صارت بيتزا مو بوست
:)))
الله يحفظك ويسمح دربك وتوصل بالسلامة يارب

esTeKaNa يقول...

Barrak
~~~~~~~~~~
وانت تملك الاحساس الصادق
والقيثارة


فهنيئا لك بما رزقك الرحمن
:)

esTeKaNa يقول...

Chaotic pOsha
~~~~~~~~~~~~~~~~
عسى دوم تضحكين ومستانسه
:)
والظاهر راح اسوي اشتراك ورد لكل البلوقرات
:)

esTeKaNa يقول...

Manal
~~~~~~~~~
يا هلا ويا مرحبا بالمنال
حلت دنياج قولي امين
:)
شفتي زوز؟
قولي لي شسوي بهالبنيه
بيت شعر مرة واحده؟
والله قريت ردها بالدوام مت من الضحك رديت على كل التعليقات بوقتها على غير العاده بس عشان ارد عليها
!!
شسويتي بزوز؟
الله يستر الزين بعد ما تقولي بيت شعر
:PP~
يا بعد قلبي انتي
الله يحفظج ويطرح فيج البركة ويحفظ لج اسرتج الغاليه يارب

esTeKaNa يقول...

الحــــٌر
~~~~~~~~~~
حلت دنياك قول امين
:)
حياك الله

esTeKaNa يقول...

enter-q8
~~~~~~~~~~~
والنعم والله
:)))

esTeKaNa يقول...

chandal/danchal!!
~~~~~~~~~~~~~~~~~~~
looooooooooooooooool:)))
ياربي يا حبيبي
والله البوست مو لهدرجة
بس انتو ما تعودتو
انا تصدقين بأجر لي لوحة على اخر عاير البلوقات
!!
ناس تقولي بليز استكانة اي شي فيه حب وعوار قلب قولي ما نبي نقرا
وبليز استكانة اي بوست فلسفي قولي لنا ترا ما نفهم
هاو شكتب؟
:PP

في بوست في بوست الاحد بس امخمخها عدل
بس ما ظنتي الشحرورة تعرف الجباتي واننا اخيتج
:P

esTeKaNa يقول...

قلب طفله
~~~~~~~~~~~~
هلا بقلب الطفلة
عاش من شافج نورتي المدونة كلها ياالغاليه
:))

esTeKaNa يقول...

mate
~~~~~
يا صباح الورد الاسطنبولي
:)
واي حمام سباحة وشهر واحد؟
صج شباب
لا دقات البنات غير غير نمونه
:P~
عاد شاعر المليون؟
هههههههه
لا يمكن لو لجنة التحكيم تقولي ردي لي ورا ازعل واطلع
خبرك حساسه
:)

esTeKaNa يقول...

ضاد
~~~~~
الأحلام تتطور
:D~
بالجامعه كنت انطر ورده على سيارتي
بعد الجامعه صرت انطرها بالمكتب
ولا زلت انتظر
:P~
انتي من غير شي شاعره
بس تبين الصج؟
ملهمه بعد لها معنى اخر
:)

عنيف يقول...

انا الود ودي لو احد يصب لي قلاص ماي راضي اغني له بعد اذا يبي


كلمات جميله من عقليه اجمل ذات طابع بإحساس الطفوله والطيش فيها

عنيف يقول...

نسيت اقولج اسمحي لي اني غبت هاليومين عن مدونتج لاني كنت مقرر اخذ اجازه بين تلاطم امواج البحر الكويتي في احد الجزر الكويتيه الخلابه الجنوبيه لكن الجو ما ساعد وتكدر خاطري عقب ما امسكو الارهابيين الله لا يردهم لبيوتهم

ReLaaaX يقول...

صباحنا استكانه ;**

من زماااااااااان قايله بطل وانسى
ذاكرتي لج عليها ;p


عموماً باخذ لي فرة واقرا اللي طافني :)))

Chaotic pOsha يقول...

عنيف
أي جزيره؟ لول

مشكوره استكانه

على فكره منو فاز بجائزه هديل؟ ما أعلنو؟ انتي كنتي مرشحه بشرينا

dm3t _almghor يقول...

حبيبتي استكانة بعد شسوي تحملت وسكت

بس من ناحية اني اجرب الحمدالله لما اجرب القى نتيجة بس تبين الصج انا ريلي يحب الاجواء الرومانسية بس من زحمت شغله والامور اللي يتابعها مافي وقت عندة واذا صار عنده وقت مايقصر

:)))))))))))

ray يقول...

:) استكانة, في شي بمدونتك يخليني أحس اني قاعدة بشهر 11 بخيمة خالتي, جدامي الدوة و الكستنا و قاعدين نسولف و ناكل ايسكريم و نضحك على عمرنا شلون ما نشتاق للآيسكريم الا لي صار شتا


دمتي كما انت

LaDY RaiN يقول...

ودايماً أقراج باحساس غير !

تدرين !
مدونتج استراحة احتاج امر عليها من فترة لي فترة بعد عناء التسكع هنا وهناك !
تغمرني بالراحة، باختصار كلامج مريــــــح وانتي انسانة تدشين القلب :D

ومسفر..
لي معه حكاية عشق أزلية، من زمان وأنا أدمن كتاباته، مرهف هذا المسفر
الله لما يقول:
البارحة اشتقت لك..
البارحة كلي شجر واوردت لك !


وليش تبين تصيرين شاعرة !
تعبير القلم عندج يفوق شعراء وايد، لج القدرة على توصيل احساسج بـ شكل جميل ومبسط.

تصبحين على بوكيه ورد :*

esTeKaNa يقول...

عنيف
~~~~~~~
ياهلا ويا مرحبا عنيف
:)
مسموح ياللي تعذر مامنك قصور
وان شاء الله يتعدل الجو وتسوي كل اللي بخاطرك
:)

esTeKaNa يقول...

ReLaaaX
~~~~~~~~~
حياج الله
الساعه المباركة
:)

esTeKaNa يقول...

Chaotic pOsha
~~~~~~~~~~~~~~~
العفو حياج الله
:)
وبالنسبه لجائزه هديل بعدها ما طلعت النتايج
:)

esTeKaNa يقول...

dm3t _almghor
~~~~~~~~~~~~~~~~~~
عسى ربي يحفظة ويطرح فيه البركة ويبارك لج فيه ولا يحرمج منه قولي امين
:)
واششششششش
لا تقولين جذي جدام احد
عساكم ما تنضلون
:))

esTeKaNa يقول...

ray
~~~~~~
الله الله
وصفتي مشهد من اجمل المشاهد اللي تمر بحياتي
سعيده انا لأن مدونتي تبعث في روحك هذا الاحساس الجميل
:)
دمتي صديقة لاستكانة

esTeKaNa يقول...

LaDY RaiN
~~~~~~~~~~~~
إحساسك انتي غير
نظرتك للأمور مختلفه
رؤيتك للكلمات لها معنى آخر
كل هذا تفسر وتبرر راحتك في مساحات قلبي هنا
:)
لوجودك طعم آخر يفرحني
فلا تحرميني من طلتك هنا
فكلماتك كالورد في مدونتي
اسعدتني جدا
:)
وصباحك حب وخير وورد ونوير
:)

aisha يقول...

تسلفيني شيخه؟

بس تحط لي وردتين واردها

يا حلوكم (L)