الاثنين، أغسطس 10، 2009

أسوأ رحلة طيران

اتخذت موقعي بالكرسي الأخير بجانب النافذة
ووضعت حقيبتي في المقعد الفارغ المحجوز لأخي سلفا قبل ان يستجد له ظروف ويتركني اسافر دونه،لم أعتد السفر وحدي ولا احب أن أعتاد عليه ولكن الحياة تجبرك في ظروف استثنائية على مناقضة لما أعتدت عليه
قبل ان اركب الطائرة شطبت على فلوسي كلها في المطار،سلمت أبوي الخط الأجنبي،وهاتفي طفا مع اخر مكالمة من أمي مافيه شحن ومافي مشكله،كلها كم ساعه ونصل للكويت بسلام

.
.
ساعه وربع تأخير على الطائرة ونحن في داخلها من زحمه الركاب ومشاكل الوزن
تسئلني المضيفة بجانبي:
يمج احد؟
لا
ثواني وينتقل لجانبي جدر كبير لابس شيله،مع شاب اميليح لم يتجاوز الثلاثه والعشرين،بمجرد ان اتخذوا مواقعهم ابتسمت لي الجدر ،ثم قطت راسها على من معها،فضم هو الجدر الى قلبه،وجلس يمسح على الانقاض فوق راسها ودار الحوار التالي:
بس نرد الكويت بنروح بيت اهلي
لا بيتكم يتغدون الساعه 12 ويتعشون ست مابي مابي بروح بيتنا
شقصدج؟
قصدي بيتكم واهلك زرازيز..ههههههه
...يا حما
...اسكت يا حيو
تبققت عيوني،وطحت على نفسي أجأجأ بروحي،في ريال يقول حق مرته يا حما؟
وفي بنت تقول حق ريلها يا ...يمكن لو انا مكانها وانسب ،راح انتحر من فوق الطيارة
ايييه ينيازون وانا مالي
!!

التفتت الى النافذه وقررت التشاغل بمصيبة التأخير عنهم،ولكنهم استمرا بالتنكت والحجي الماصخ دون تقدير لاستكانة المرتزه يمهم،للحظة شعرت بأني ذاك الكومبارس الذي يمر ورا البطله بالأفلام وبعدين؟
عيوني كسرتها الشمس،وما زلت مجابله الدريشه الى ان ينتهي الحوار والمصاخة بجانبي وفجأة يلف علي زوج الجدر:
لو سمحتي صكي الدريشه شمس علينا
@@
تحول احساسي من احساس الكومبارس الى السيلانيه:
ان شاء الله والغنيمه
.
.
.
بعد ان ركب كل الركاب ،تم توزيع المشروبات،الأكل ومن ثم إغلاق الأضواء،الناس كلت ونام ونحن ما زلنا في مدرج الطياره
أليس هذا هو السيناريو المقرر للطياره بعد الطيران؟ ليش نسويه الحين؟
وليش ما طرنا؟وليش الناس ساكته وسكرو الستاير؟
وليش انعاد فلم اذا طاحت الطياره شنسوي اربع مرات؟
هذي شكلها فيها موتة
:(
يجاوبني كابتن الطيارة وهو يتأتأ ساعه:
اعزائي المسافرين،نظرا لوجود خلل فني بسيط بسيط سوف ننتقل للمدرج الآخر للطائرة،والى ذاك الحين سوف يتم توزيع الوجبات والمشروبات ويتم اغلاق الطائره خمس ثوان واعاده تشغيلها
!!

ويتكرر ايقاف الطائره كلها واعاده تشيغلها ريستارت ثلاث مرات،كل مرة تنرفزني اكثر،ممكن نطفي ونسكر،ونسحب الواير للاب توب،تلفزيون،فرن ،بس مو طيارة،ياربي طياره يسكرونها ويفجونها كل شوي؟
اتسند وافتح دفتري الصغير وادون مشاعري في هذه اللحظة،وفي المقعد الخلفي طفل في الرابعه من عمره كان يلعب لعبه جميلة جدا:
واحد اثنين ثلاث...ويشوت الكرسي اللي اجلس فيه
فتصفق امه:
شاطر حموووودي
@@
.
.
.
الجدر وزوجها بصحبة اسره كبيرة ،جاء طفل صغير ليطل:
خالتي مشاعل
شتبي يا حما...روح حق امك يا
بكلم عمي
!!
ما زلت في حالة انبهار من الجدر،يعني كل هذه الاناقه ليش لسانج بس يسب؟
ابتسامات متبادله بيني وبينها،ثم حوار من نوع حوارات الطائره عن السفره والحياة بشكل عام،ثم عن التأخير،وحاولت قدر المستطاع الابتعاد عن ما يثيرها البنت المسبة عندها ببلاش وانا حساسه صراحة،الغريب ان خلال سوالفنا زوجها يطل معانا ويسولف معاي
،عادي يسولف معاي؟
ما حسيتها عادي،تذكرت اخواني عندما اسلم على احد ويعطيني ظهره او يبتعد،واذا البنت يعرفها تمتم بجم كلمه يعني مسلم،يالله الناس اطباع،يقطع تفكيري وهو يقول لي :
تدرين انا مرة شايف فلم عن طياره بطيح،وايد طيارات تطيح اصلا،المهم عشان يهدون الركاب حطو فلم طياره طاحت،شكلنا بنطيح بنموت

فينهار الجدر من الضحك،وينظر لها بحب،وتقهقه:
...واي واي الله يقطع ابليسك يا الك
حبيبتي انتي
ههههههه

وانا عباره عن علامة تعجب
وجه ماروكو
!
،هذي سالفة الحين؟ شهالسلاطة؟
.
.
.
تأخرت الطيارة،الناس نامت في كراسيها،وبعد ثلاث ساعات وأخيرا
طارت الطيارة
...
وانا عيوني مبققه اخاف الطيار يدوخ الا انا قاعده،طوال تلك الفتره من اليقظة كل ما لفيت وجهي لناحية اليسار يطل علي شايب من اخر ضحايا التايتنك ويؤشر بيده:
تعالي تعالي
يممممممممممه
!!
فيطيح قلبي بقوايع رجلي وارجع لنافذتي الحبيبة،ياربي اي احد عنده شايب مراهق لا يسافر بروحه
.
.
.
.
وأخيرا وصلنا أجواء الكويت
الطيار بس وصلنا الكويت بدا يبتون يمين يسار،الجناح بجانبي يطقطق،وانا اشعر بالاختناق
مع وصولنا الميمون لأرض الوطن،سحبت شغلي ووخرجت للمطار،انا التي لا اذكر في حياتي اني مسكت جواز سفر او سحبت حقيبه اوحتى عرفت وين ممكن نختم الجوزات،كنت دائما تابع لمتبوع آخر مسؤول عني منذ البداية الى النهاية،كنت افكر حينها:
هل يشرع الرحمن شئ بلا حكمة؟
وجود الرجل في حياة المرأه أمان،قد يختلف معي الكثير ولكنها قناعة شخصية بعدم جواز سفر المرأه بلا محرم الا بالضرورة،طوال السفر كنت خايفه ومتوترة ،واكثر من موقف جعلني اشعر بأني مستباحة دون وجود اخوي معاي
ماهي العبره التي استفدتها من تلك السفرة؟
محاولة تضبيط سفري مع اسرتي او اخوي
وعدم الانتقال من مكان لي آخر دون رجل
لا للجزيرة وربعها ،افشل طيران في الدنيا
لا للخروج دون شحن هاتف
.
.
تجربة
وتبقى الحياة تجارب
:)


هناك 113 تعليقًا:

Traveleer يقول...

للأسف مرت علي هذه الأشكال اللي تسولف مع بنات مع وجود الزوجة الصمنديقة أو السخيفة بجانبه.
أطباعج و أطباع اخونج تذكرني بأسرتنا.
الحمد لله لحد الآن في ناس بالكويت محافظة

نون النساء يقول...

اسمحيلي
ترا ضحكت عليج

عفوا على اللي صار وياج قصدي

ياربي
استغربت من هالمينن اللي كانو يمج


اكود أحد يسولف بالمسبة كأنه يشرب قلاص ماي
وااااااااي يمه يمه




والله يا تكون لازم احد معانا
انا وحده من الناس ما اعرف أروح الطبيب بروحي لازم احد يقصلي الورقة ويسأل متى دوري بدلا عني


ماعرف ماعرف
تعودت على جذي

:P~


ولا للجزيرة

dm3t _almghor يقول...

صباح الخيييييييير

تبين الصج الله يعينج بس عدت الرحلة وصارت ذكرى

بس السفر صراحة بدون ريال معاج مشكله على الأقل يفكج من لوية الجوازات وسحبة الجناط كل شي الله يحطة والله له سبب لما قال المرة ماتسافر إلا مع محرم :)))))))

اما بالنسبة حق الكلام اللي بينها وبين زوجها وايد في ازواج هذي لغة التفاهم بينهم هذي الكلمات كأنها حبيبتي حياتي

:)))))))))

ميمة السبيت يقول...

* لوووووووول الله يعينج شنو هالأشكال استغفر الله و سبحان الله تقولين جمع ووفق نفس التصرفات و الأخلاق الكريمه الله يهنيهم انشالله ، يعني اذا هذي الفاظ الأم و الأبو شلون العيال ؟

يالله حمدالله عالسلامه و نورتي الكويت يالغاليه :)

alwasmi يقول...

وانا عيوني مبققه اخاف الطيار يدوخ الا انا قاعده،طوال تلك الفتره من اليقظة كل ما لفيت وجهي لناحية اليسار يطل علي شايب من اخر ضحايا التايتنك ويؤشر بيده:
تعالي تعالي


لوووووووووووووول كاااااك ماتدرين يمكن يكون خوش نصيب لج
بعدها يفنقش وتورثيين ثروة طائلة
يمكن يطلقون عليج حرم سعادة..

alala يقول...

الله يواليج العافية ... ضحكتيني و انا صاكة فيني الدنيا :)

حمدلله على السلامة و مأجورة ان شاء الله على هالنماين العجيبة اللي معاج
LOL

ARTFUL يقول...

كاااااااااااااااااااااااك الله يغربل ابليسج يا استكانه

والله ذبحتيني ضحك انتي وجدرج


بنت اللذينه شنهو لسانها زفرررررر

خاصه اهي وريلها الحلو بالسالفه انهم يسبون بعض ويضحكون

يا حمار ههههه جبي يا الكلبه هههه

;D

شهالمسخرة

طيارتكم ذكرتني بالنايتندو او السيجا

اذا علقت طفها وانفخ بالشريط ورد شغلها

;D
-------------
فينهار الجدر من الضحك،وينظر لها بحب،وتقهقه:
...واي واي الله يقطع ابليسك يا الك حبيبتي انتي
ههههههه
------------

قاعد اتخيل الموقف واضحك استكانه اخاف قاعد يسون الكاميرا الخفيه

;D

تحياتي لج والله رحلة فظيعه مليئة بالضحك والتكركر والفكاهة

عسى ربي يحفظج بس الشيبه مهو هين

شلون انقشج

;D

ikhalifa.com يقول...

الحمدلله على السلامة أولاً
ثانياً ما أتفق مع الاستنتاج لانج بنيتيه على تجربة وحدة و تعتبر استثنائية بكل المقاييس و خصوصا سالفة الجدر

يعني كم في المئة في حياة البني آدم ممكن يحصل له يقعد جبنه جدر و لسانه طويل؟!!

فااا ما اتفق معاج
تقدرين تسافرين بروحج و تخلصين أمورج و لا يحصل لج شي

أنتي بس كنت خايفة من كل شي تقريباً عشان جذه كانت تجربة سلبية

تكبرين و تنسين :)

طائر بلا وطن يقول...

هذا هو النوع من الأقدار
الذي يقع علينا بالقسر و الأجبار

هههههههه


والله ما قدرت امسك روحي من الضحك

تعيشين و تشوفين يا استكانة
!!


أذكر في مرة كنت مع صديق رادين من دولة
خليجية و على المقاعد اللي اجبالنا ثلاث
أطفال .. كل واحد منهم يقول لإبليس
قوم و أنا اقعد مكانك

واقفين بالمقلوب و يطلطلون علينا

يمسكون جرايدنا و يتلونها

لقافة و قلة أدب

حتى المضيفة اللي تقدم الأكل و تدز المطبخ
المتنقل جدامها قاموا يلحقونها و يسحبون قميصها من ورا


الغريب و اللي أثار فيني التساؤل هو

منو و وين المسؤول عن هذه المخلفات التربوية
الملوثة .. كان ودي أعرف هذول الأطفال
ضحايا من بالضبط
؟!!ا


انصدمت يوم وصلنا .. تخيلي ان اللي جايين
برفقته كان عبارة عن زوج و زوجته بعمر
صغير جدا اتاح لهم على الأقل فرصة التعلم

و لا تنقصهم صحة أو همة أنا متأكد انها متوافرة
عندهم بس مصروفة تجاه أشياء و اهتمامات
أخرى بعيدة عن متابعة ابنائهم و تربيتهم

و كل شي كان يصير بالطيارة كان شوف عينهم
و هم طناش و لا كأن يعرفونهم
!!


يالله صباح خير

بس أهم شيء الشايب

تعالي

تعاااالي

تعاااااااااالي


ههههههه فلم رعب

beezo يقول...

وصلتي بالسلامه؟؟؟

بس هذا اهم شي عندنا

:)

ام الباجي فتجارب تفيدج ومنكم نستفيد


الحمدلله على السلامه

مطعم باكه يقول...

التجارب مفيدة .. :)

اذا ما تعلمنا منها ..

على القليل يكون عندنا قصه نقولها لعيالنا .. :)

..

دوامنا لما يدزونا برحلة عمل يحجزون لنا على الدرجة الأولى .. ومن يومها وانا ما احب اسافر على حسابي ههههههههههه

لأن سعر التذكرة على الأولى يعور القلب والجيب معا .. لكن السفر بالسياحية احيانا يقود للجنون!!

Sweet Revenge يقول...

@@ واي يا طولت بالج
اغير الكرسي علطووول
المهم الحمد الله علي السلامة
بس طيارة تطفي 3 مرات
اممممم اخاف طيارة ميد ان شاينا
من جذي رخيصة تذاكرهم
لا الكويتية ارحم
يا حلوج يا استكانه وحلو سوالفج
ولا الثنائي الي معاج يا حم.. ويا كل. هذا لغة الحب ما يفهمها الا العشااااااااق احنا شعرفنا بالله
علي بالج كلمن يفهم لغة الحب ;)

رزنامـــــة يقول...

طيران الجزيرة ومن على شاكلتها يعتبرون باصات للنقل الجوي

وكونه رخيص فهذا مطب نطيح فيه مرة وحدة بالعمر ولا نفكر نعودها
لأنه سبب يجعل كل من هب ودب ان يسافر ، مثل ما حصل معك:)

لقد تحدثتي عن فئة من المجتمع وهم الجدر والملاس لووول حسب وصفك اقدر اضمهم الى المجموعة التي تكلمت عنهم في مدونتي قبل يومين

عموما من الافضل اختيار الطيران ذو السمعة اللي تبرق برق وتلق لق
مثل البريتيش ، او الوطنية ، او القطرية

وبالنهاية كل طراق بتعلوم
الحمد لله على السلامة

الخيلاء يقول...

هههههههه

هذي شنو لسانها يطشر مسبات

هذا و اهي اتحبه الله اليعين لو ماتحبه

و بعدين اخدشوا شعورج يابعد قلبي قلبج

و انا من شهر اربعه لي يومج

من اركب طياره احس قلبي بيطلع من مكانه بسبه المطبات
:/

و ليش كسرتي بخاطر الشياااااااايب حرام عليج
:p

Mok يقول...

شسالفتكم هالسنة كل من يقول اسوء رحلة الطيران

الاهل ايضا نفس الشيء حاجتهم مطبات عنيفه واستمرت 3 ساعات اول مرة تمر عليهم

أتيت متاخرة يقول...

شوفي استكانة كل ما ايي اكتب هالنزقة اللي يمي يوأوأ
من اخزة يتبوسم
مو عارفة اكتب
يعني قاعد يقولي بالعربي الفصيح
هاي وقت مناغاتي ولعبي وضحكي لا تعلقين عند احد
آقوله هاذي خالتك استكانه يتبوسم فديت قلبه

شوفي الجدر اللي قعدت يمج هاذي حكمة حتى تشوفين ان انتي انسانه حليوة وراقيه وذربة وماكو منج

وفعلا السفر بدون ريال ما يسوى جربتها مرة رديت من السفر بروحي من غير هلي ومنها لا آسافر ولا اروح مكان طابقه ارضي ويالسة

kandroz يقول...

الحمدلله على السلااامة : )
للسفر 7 فوائد :P
استفدتي اكثر منهم :>

New Bride يقول...

اول شي الحمدالله على سلامتج :) تو ما نورت الكويت

و لا تعليق على الفلم اللي كانوا يمج بدعوا

عاد تصدقين احى سفراتي الي صادفت اني اكون بروحي وايد استانس احس بلإستقلالية

جنة الحواس يقول...

الجزيرة ضيم من جميع النواحي ..سافرت فيها مرتين مادري ثلاث و من أول مرة قلت ما راح أطبها مرة ثانية بس أضطر لأني مو بروحي معاي جروب و ما أقدر أتحكم فيهم

حدها تروحين فيها البحرين أو قطر .. وايد عليها

::

أما اللي يمج تحفة ..
أستغرب فعلاً من الناس اللي كل شي عندهم قابل للفرجة المجانية .. يعني اهما راضين يسبون بعض .. كيفهم .. بس ليش جدام الناس

الله لا يبلينا

::

بالرغم من إني من المتساهلين في مسألة السفر بلا رجل أو محرم بشكل أدق

إلا أنني أتفق معك في الشعور بأنك مستباحة .. جربت هالإحساس و كرهته من قلب

another day يقول...

بالأول الحمدلله علــى السلامــه

وثانياهالأشكال بالفتره الأخيرة من سفراتــي واايد زايده
عادي البنت تتكلم بصوت عالي وتطلع شنطة المكياج وتعدل مكياجها

عادي الشاب يسأل أي سؤال بس عشان يسولف عـــادي
الحمدلله والشكـر

وأنا أحاول ماأتكلم بالموبايل أستحــي يسمعون صوتي الناس

بس صـج صـج

وجود المحرم ضروري
بس شسوي أغلبية سفراتي بروحـي مضطرة

ونورتــي الديــرة

الزين يقول...

صباح ممطر من كاردف

صباح يوادع اطراف قدمي

ويحزم حقائبي

وينثر الأشواق الى ارض الوطن



صباح الحب يا استكانه

ويايتج طايرة وكلي شوق

:***


واعتقد لقاؤنا سيكون حااافلا بالسوالف

امبيه عندي سوالف مو طبيعية



وولهت على سوالفج انتي اكثر
ويبي لنا يوم كامل بره مثل يومنا قبل السفر


:))


تعالي نتكلم عن البوست

جيرانج شكلهم يهالوو حدهم

اليوم واهم بالعسل يقول لها يا حماره

واهي تقول له يا حيوان

باجر يتطافخون بالملاس


صبري عليهم

!!

استغفر الله

شنو هالإسلوب


في وحده من رحلاتي لبيروت وكانت سفرتي برمضان

كان جاري لبناني

طول الرحلة واهو يشرب

وانا صايمه

والريحه كفخت براسي

التفت عليه

جان يبتسم لي

قلت له عفوا انا صايمه وريحة اللي قاعد تشربه تجرح صيامي

جان ينحرج حده

ويتأسف مني مليون مره
ونادي المضيفه

وشالت المشروب
وقام غسل تصوري


وييه قعد يمي يسولف معاي عن بيروت
وان اهو يشتغل بالكويت

وشكثر مرتاح

انسان في قمة الذوق

وعطاني كرته اذا احتجت شي

وتصوري لما ييت اطلع اهو سحب لي
جنطتي



في ناس قعدتج يمهم مكسب

وفي ناس الله لا يبلانا

:**



خوووش بوست مفرح

وذبحني ضحك مع اني سامعه نص السالفه منج





احبششششششش
:**

aL-NooR . يقول...

الله يغربل بليسج ... مت و انا اكركر بالدوام .. لا يطلعلي المدير .. بس فئة الجدر زايدين ولا يتراوالي.. المشكلة مستانس عليها .. تسب ريلها @@وخزيااااااااااااا ..باجر عيالها شقولون ..كلمات .. كباار كبااار

والجدر ؟ ليش سميتها جدر ؟
و اهوا شنو ؟ ملاس مثلا؟

بس تجربة حلوة ..تضاف
:D
************************

Sn3a يقول...

اي شي اي شي
وااي شلون عشتي بهالوضع

انا سافرت بروحي عالطيران القطري وااي يهبل
اصلا ممنوع يقعدون بنت بروحها يم ريال
قعد يمي واحد جان يقومونه ولما شافوني بروحي دلعوني بوجبات الفيرست غير انهم كل شوي يطلون علي
وشيله الجناط خو الناس ماقصرو فيهم الخير والله

حبيت التجربه اصلا وماقمت اخاف من السفره بروحي

لكن طياره يسولها ريستارت
يمااا
اشوه وصلتي بالف سلامه


بس بدعتي
جدر
لوووووووووووووول
احس مايلوق عليج

lolo يقول...

هلوو

صج ..ضحكني بوستج ،،حسيت بالقهر اللي حسيتي فيه

ولا وصف الجدر استغفر الله :))

عموما رحلة سعيدة ان شاء الله وموفقة

وحمدالله على السلامة

Common_Sense يقول...

المشكلة اهي مسألة تعود :) ولا الريال ماراح يفيدج الا بسحب الجنطة ولا اذا فيه هوشه مثلا

glomhilda يقول...

السلام عليكم ورحمة الله وبركاته

يا مساء المقالب والفرفشة


بصراحة ضحكت من خاااطر

يعني بالنسبة لي هذي رحلة مضحكة..وليست سيئة

أما بالنسبة لكِ..أعتقد كارثة بأن تقعدي بجانب أناس كأولئك

الطيبون للطيبات..والخبيثون للخبيثات

فظيعة ألسنتهم..الظاهر هذه تربيتهم والله المستعان على الجيل الذي سيأتي من نسلهم

!!!

إستكانة..صدقتي بأن السفر بلا محرم متعب جداً..لكن أوقات الضرورة تكسر مجاديفنا

:/:/

تعيشي وتاكلي غيرها يا استكانة

^___^

عنيف يقول...

انا لو هالاثنين يمي يا ازفهم يا اضغطهم على حسب المزاج براسي

اما طيران الجزيره ما اركبه لو من اول المدرج لي اخر المدرج وانزل خلصت الاماكن اروح الجزيره؟؟؟


المهم انها عدت على خير وسلامه وافتكيتي من الجدر وريلها الك... عدل لوول

مركبنا يقول...

افضل طلاخة بوستات

تصعين الفكرة على نار هادية
تشركيننا فب افكارك معك

تعجنين الحبكة بالعبره


مبدعه يالغاليه مبدعه

Manal يقول...

استكانة الغالية
الله يساعدج
سفر على طيران مثل هذا

وقعدة مع ناس من الهنوعية

:)
ربج يحبج ما صار شي بالطيارة وما تكافخو الي يمج

بس صج
يهال
ولا في علاقة زوجية بهالطريقة

ويوقولون اشفيهم جيل اليهال مو مادبين بهالزمن
من هالام والابو

:)

كوني بخير عزيزتي
:)

*Being One يقول...

كااااااااك امبي بطني قام يعورني من الضحك ×D
بس خرعتيني باجر انا مسافره على الجزيرة :(
الله يستر !

chandal/danchal!! يقول...

LOOOOOOOOOOOOOOOOOOOOOOL

واي مت من الضحك على هالهيلق اللي يمج

احنا ليش جذي حظنا!


:))))


اتفق معاج يا استكانة بمسألة السفر بدون محرم

الهلاقة زايدة ومو ناقصين قلة حيا وناس ما تحشم


بس جان جبرتي بخاطر الشيبة لوووووووووووووول


:)))


وعوووع عل جزيرة عقب شرم الشيخ قلت ما اركبها لو شنو... غير مواعيدها الخربوطة اتحسين جنك راكبة سحارة ميراندا


يالله الحمدلله على سلامتج ومثل ما قلتي

الحياة مدرسة


والله خير حافظ

chandal/danchal!! يقول...

قعدوا يمي ناس هيلق بس بدون مسبات

بدون ذكر الموقف البايخ اللي سووه واللي خلاني احطهم بخانة الهيلق


المرة كانت تلتفت علي وتبتسم وتسولف

وأنا علي ودارة وجه ما صارت ولا استوت

ما فجيت برطم عن برطم معاها ومسويتلها ميوووت


يتروالي تقول شهالودرة اللي قاعدة يمي حتى بنتها ام سنة ما طليت بوييها ولا تحليت عليها وكل ما يت بتخمط قرآني سحبته منها وجكجكت بويها لوووووووووووووووووول


قطيعة جني المانية متطرفة

:)

أحمد الحيدر يقول...

المهم الحمد لله علة سلامتكم :)

Ra-1 يقول...

A9lan a7la shay lama asafer ebro7ee :p

El7emdella 3ala esalama :)

Sheno ya3nee Jeder???

Miss-Q8 يقول...

للأسف الشديد .. شكله الجدر إلي مر عليج جدر من نوع جدور الضفط المضغوطة !

قراءة في كف العشرين يقول...

اهم شي وصلتي بالسلامة


بس تحول احساسي من احساس الكومبا الى" السيلانيه:

وياكثرهم الجدران الي في كل مكان بس وصف الجدار خلاني انفجر من الضحك

Someday يقول...

والله رايج بس انا ماني شايفه عليج قاصر انج تسافرين بروحج مره شزينج متزنه
تعرفين تصرفين

4 يقول...

صح ... مفهوم الحشيمة يتلاشى بمجتمعنا
مع انه من اسمى المفاهيم

واتفق معاج بالنسبة للمحرم
فعلا اشعر اني احتاج إلى سند في مواقف نفس السفر

الحمدلله على نعمة الأهل

أبو الدســتور يقول...

كل اناء بما فيه ينضح

بس لو انا منج اعطيهم تنفس مو طبيعي بروح الاحوال ماتسر
:))

المهم حمدلله على السلامة

Hope يقول...

بالطيارة لازم تشوفين ناس اشكال و الوان
.
.
انا مادري شصاير بالاوادم هالجم يوم
الفاظهم صايره مو صج
يعني اذا انتو عادي عندكم ، استحوا على ويهكم احترموا اللي قاعدين معاكم
الناس هالجم يوم صايرين لا حيا ولا مستحى

o_O

و على قولتج المسبه عندهم ببيزه
و اذا كلمتيهم و حاجيتيهم زعلوا و طنقروا

=@ =@

لا و اللي يبط جبدي اكثر و اكثر لما اتييلج وحده متعلمه و مثقفه و ما شاء الله عليها تهبل و آخر شي تصدمج و تطلع الفاظها جذي
و لي ييتي تنصحينها تقولج انا جذي اسلوبي ، وانا ماقصد الاهانه بس يعني تدرين عادي ميانه
نعم يمه ??!!!
=S =S

شميانته بالله O_o ؟

الناس صايرين ما يعرفون العيب حتى عيزانين يرتقون باسلوبهم بالحوار

آه يا استكانه
يا مالنا بنشوف ناس اشكال و الوان
موقفج ذكرني بكلام ابوي لما قالي لازم تتعلمين تتعاملين مع الناس بمختلف انواعهم لأن مو كل الناس اللي بتواجهينهم بحياتج متربين نفس تربيتج ولا كلهم نفس اخلاقج و اسلوبج

صج زمن اقشر

وين راحو الناس السنعين اللي ما تشوفين منهم العيب ....
آآآه الله يعين


..
...
..

و عن سالفة المحرم
I totally agree with u
يعني صج اهي سالفه متساهلين فيها شوي بس الصراحه هالزمن يخوف ، و على قولتج اذا ما معاج ريال تحسين روحج مستباحه

..
...
..

اكثر شي ضحكني بالبوست كله
الشايب اللي يأشرلج
لوووول من صجه ؟
يحليلهم شيابنا يبون يتشببون مو عارفين شلون

=p

ونستيني بهالبوست خليتيني اطلع كل اللي بقلبي
ربي يوفقج و يحفظج من كل شر قولي آمين

=]

jonoon 3aqel يقول...

لا لا لا..في ناس ما تنطاق صراحه..
جذي!!...

ما علينا..
تجربة من تجارب الدنيا..
و عيش كثير..تشوف كثير
===
أنا أدرس برا..ف دايما في سفر..
تجنبا لكل المواقف و الاهم الملل..
آخذ حبة منوم..و عيني ما تشوف الا النور ليييييييييييييييييين نوصل بالسلامة
=======
حفظك الله من كل سوء..
و ادام عليكي ستره و هدايته..

تحياتي

محـــــارة يقول...

حبيبتي ولهانه عليج قريت كل بوستاتج وماعندي تعليق على كتاباتج غير أني مشتاقتلج حدي وعسى ربي يحفظج

سلام

t.q8 يقول...

شاطر حمودي
لووول
:)
تعيشي وتاكلي غيرها

بخور السوق يقول...

لووووووووووووووووووووووووووووووول
واي استكانه مت مت مت من الضحك على وصفج الجدررررررررررررررر
أصلا تخيلت زولها قطع ويا شين الدلع على هيج خلقه ...
والياهل اللي يشووووووت لا لا لا حسيتج مستر بن....
واللي يعجبني فيج دايما تحليلج للأمور وشلون طلعتي الفوائد من كل تجربه ....
آنا أؤيد كلامج مليون بالمئه رب سبحانه ما شرع شي الا لحكمه والله اعتبر المحرم بودي جارد للمرأه ..الله سبحانه يبيها تعيش ملكه ما تحرك ساكن سبحان الله .....
الحمدلله على سلامتج ونورت الكويت
وهاذي الكويت وخطوطها الرهيبه وصل على النبي

violinist_q8 يقول...

الحمدلله على السلامه بس والله تنرفزت !
المفروض يحمدون ربهم ماكنت يمهم الناس
الي ماعندها احترام اعطيهم زبدة الكلام على طول .

اما بالنسبه لليهال ياكرهي لهم لما اكون معاهم بمكان مغلق وخصوصا بالطياره مره كنا مسافرين لرحلة علاج
وواحد من اليهال يركض من ورا ويمر صوبنا ويصارخ حسسني ان طيارة ابوه
تحملته مره مرتين لما حسيت ان اهلي تضايقوا جان امد ريلي جني ماادري
وماشفته بعدها

فريج سعود يقول...

الحمد لله على السلامة مو على الردة بس على الفكة من الجدرة وريلها الملاس والشايب العايب

أُمْ حَــسَـــنْ يقول...

هههههه والله ضحكتيني
عاد أمس قاعدين نتحلطم على الاهرامات اللي بالكويت :S


المهم الحمدلله على السلامة عزيزتي أهم شي وصلتي سالمة و غانمة
هله هله بالصوايغ يا استكانه :Pp

ZooZ "3grbgr" يقول...

الحمدلله على سلامتج استكنكن
تو ما نورت الديرة حبيبتي



بس ترى انا سؤالي مثل النور

ليش جدر؟؟








وبعدين
احم احم

استانبول إز ذا فيرست كابيتال آي فيزيت إن ماي لايف

ويش يو لايكد ات

:**

As YoU LiKE يقول...

الله يعينج على هالبشر

كنت اتمنى اكون وياج .. الله ياهي بتقزر عليهم

بس اتوقع لو معاج اخوج .. ولا احد فيهم بطل حلجه .. هذي ميزة وجود الأخ او احد من الأهل مع المسافرين

والله اتمنى الله يقطني بمكانج ..

سبمبوت يقول...

بعد الطيارة الدايخة
والأوادم المالقة
والطيار المتوهق
والتأخير الإعتيادي
والوجبات البايتة
والشمس الحارقة

ما أقول إلا الحمدالله على السلامة يا احلى استكانة بالدنيا

esTeKaNa يقول...

Traveleer
~~~~~~~~~~~~~
الف الحمدلله
:)
حياك الله زارتنا البركة

esTeKaNa يقول...

نون النساء
~~~~~~~~~~~~~
افا عليج
انا بكبري ضحكت على عمري
:P
ويا زين الدلال
عسى الله لاي خليج منهم يارب
:)

esTeKaNa يقول...

dm3t _almghor
~~~~~~~~~~~~~~~
صباحج سكر
:)
اي انا لاحظت اهم يقولون هالحجي بحب
ولله في خلقه شئون
:P

esTeKaNa يقول...

ميمة السبيت
~~~~~~~~~~~~~~
الله يسلمج من الشر
وسبحان الله وانا اسمع حوارهم قلت الله صج وفقهم ويا بعض
لايقين على بعض
:P

esTeKaNa يقول...

alwasmi
~~~~~~~~~~~~
يمة اسم الله علي الرحمن الرحيم
:P

esTeKaNa يقول...

alala
~~~~~~~~
ياهلا يا هلا
عساج دوم تضحكين
:)
والله يسلمج من الشر

esTeKaNa يقول...

ARTFUL
~~~~~~~~~

طيارتكم ذكرتني بالنايتندو او السيجا

اذا علقت طفها وانفخ بالشريط ورد شغلها


loooooooooooooooooooool
واي مت من الضحك
:)

esTeKaNa يقول...

ikhalifa.com
~~~~~~~~~~~~~~~~
اهلا وسهلا
:)
تجربة شخصيه
وقناعات عميقة وشخصية
:)
حيالله بن علي

esTeKaNa يقول...

طائر بلا وطن
~~~~~~~~~~~~~~~
طائر انا كان المفروض اغني:
مقادير يادرب العنا مقادير
وش بيدي انا
:P
واي مت من الضحك على المخلفات التربوية الملوثه
لوووووووووول
طائر قبل الام والابو لهم برستيج
الحين صاروا يهال ولا تروالي
:P
اما فلم الرعب
فانا اشهد اني كنت برعب
ما نفعني العمر ولا الوظيفه ولا شي
ما زلت جبانه
:P

esTeKaNa يقول...

beezo
~~~~~~~~~
الله يسلمك من الشر
:))
اي والله تجارب حياتيه مفيده

ikhalifa.com يقول...

ابتسامتج صفرا
و لكن اختلاف الرأي لا يفسد للود قضية
:D

Mai يقول...

LOOOOOOL!

واي لا الي يمج مو صج

eeeeeew

عاد كلش ولا السب !

بس يالله .. تجربة : ))

الله يحفظكم ويخليلج اهلج : )

esTeKaNa يقول...

مطعم باكه
~~~~~~~~~~~~
تعليقك خلاني افكر بعمق انا ليش تعسرت لي هالدرجة؟
متوافر لي تذكرتين على الدرجة الاولى اخذهم في غير المواسم على الكويتية
وتعودت اسافر عليها على الدرجة الاولى من عمر
!!
بس هالمرة ضبطت معاي الجزيره
فمع كل الازمات اللي تعيشها الكويتيه تظل افضل مليون مرة من الجزيره الكئيبه


الحياة تجارب
:)

esTeKaNa يقول...

Sweet Revenge
~~~~~~~~~~~~~~~~~
تصدقين انا لما سمعت لغة الحوار والحب بينهم،عرفت ان موضه السنعين راحت
شخباري الادب انقرض
اي والله شعرفنا لغة العشاق
lol

esTeKaNa يقول...

رزنامـــــة
~~~~~~~~~~~~~~
الجزيرة:
توبة من دي النوبة
:P
فعلا باص جوي
اذا اكل ما عندهم
جنك واقف بمقصف مدرسه
:)

esTeKaNa يقول...

الخيلاء
~~~~~~~~
من ناحية خدشو حيائي
فهم فعلا خدشوه
هههههههههههه
:)
انا كان في عناصر وايد موترتني
الجدر ومرته
الطياره
مطبات
وطيار يتأتأ ويبتون
:P
الله عداني الشر
:)

esTeKaNa يقول...

Mok
~~~~~~~~
وي ثلاث ساعات
!!
الله عداهم الشر
وقرت عينك
:)

esTeKaNa يقول...

أتيت متـأخرة
~~~~~~~~~~~~~~
يمة فديت عيونه انا
حبي لي اياه قولي له من خالتك استكانة
:***
وفعلا انا بجانبها حسيت اني ذربه
:P

esTeKaNa يقول...

kandroz
~~~~~~~~~~~~
الله يسلمك من الشر
انا عديت العشر فوائد
P

esTeKaNa يقول...

New Bride
ّّّ~~~~~~~~~~~~
ياهلا ويا مرحبا
الله يسلمج من الشر ماقصرتي
:)
فعلا فيها نوع من الاستقلاليه
ومع ذلك افضل وجود احد معاي
:)

esTeKaNa يقول...

جنة الحواس
~~~~~~~~~~~~
نفس ملاحظتي
اهي باص جوي حدها البحرين
ودبي ووايد عليها
!!
اللي يمي كانو مسرحية
وانا الجمهور المبتهر
العالم صاير غريب
:(
الاحساس بانك مستباحة احساس مؤذي جدا
الله لا يضعنا فيه ان شاء الله بأي حال من الأحوال

esTeKaNa يقول...

another day
~~~~~~~~~~~~~~~~
ياهلا ويا مرحبا
الله يسلمج من الشر ماقصرتي
:))
اي صح
عادي البنت تطلع جنطة مكياجها وتتحمر وتعدل نفسها جدام الناس؟
انا احسها ذوقيا مو حلوة
مع انها زايده بشكل مو طبيعي
!!

esTeKaNa يقول...

الزين
~~~~~~~~~
ياهلا وأمية هلا
ويا رحب وأمية رحب
:**
زيون ترا انا اللي اوله عليهم ماعرف اكلمهم بس حبيت اقولج هالفكرة
:P~
واللي يمي يا زين خلوني اتسائل:
هل راحت موضه الناس السنعين؟
ريلها ذايب حب فيها واهي تسبه ولا عزاء للأخلاق
:P
اعتقد بسوي لي برنامج حفل وخطة سوالف عشان ما انسى شي
:))
الله يقر عيني بردتج يا الغالية
:**

esTeKaNa يقول...

aL-NooR
~~~~~~~~~~~~
ايييه ليش سميتها جدر
ببساطة البنت مو لابسه قوطي روب فوق راسها
لا
كانت حاطة جدر
راسها ما شاء الله وايد كبير
:P

esTeKaNa يقول...

Sn3a
ّّ~~~~~~~~~
اهلا اهلا
يا زين اللي كاشخة بالقطرية والله
:))
تصدقين وايد يمدحون طيارنهم
انا ما جربته صراحة
:P
واي يا سنعه راحت موضه السنع الظاهر
:)

esTeKaNa يقول...

lolo
~~~~~~~
هلا باللولو
:))
الله يسلمج ماقصرتي
وعسى دوم تضحكين
حياج الله

esTeKaNa يقول...

Common_Sense
~~~~~~~~~~~~~~
ولأسباب كثيرة
أتمنى اني ما اعتاد السفر بروحي
:))
حياك الله

esTeKaNa يقول...

glomhilda
~~~~~~~~~~~~~~
وعليكم السلام ورحمة الله وبركاته
:)
سبحان الله صج الطيبون للطيبات
كانو ماشين ويا بعض
:)
وللضرورة دائما احكامها يا صديقتي

esTeKaNa يقول...

عنيف
~~~~~~~~
الجزيرة ولا ببيزة

وعدل عدل
والله انك عارف لهم
loooool

esTeKaNa يقول...

مركبنا
~~~~~~~
قليل مما عندكم
:)

esTeKaNa يقول...

Manal
~~~~~~~~~~
هالسفره كانت عباره عن جهاد
:)
تصدقين انا بعد كنت افكر
شنو مصير الاجيال القادمة اذا كانت ستربى على ايدي هؤلاء الناس
!!
الله يستر

esTeKaNa يقول...

Being One
~~~~~~~~~~~~~~
الله يحفظج وطمنينا عليج
:)

esTeKaNa يقول...

chandal/danchal!!
~~~~~~~~~~~~~~~~~~~
أعترف لج:
حظي متشرقد بالأرض
بس هالمرة بدع
حتى بالطيارة بدع لما صار حظي يقعدون يمي،ولا انا مخليه كرسي اخوي فاضي جنه كرسي القصبجي الله يرحمه بحفلات ام كلثوم
lol
اما بالنسبه للشيبه:
تخيلي اقول حق جدر وريلها:
لو سمحتي عن اذنج يناديني
لووووووووووووووووووول
انا وايد محيرني اللي ينادون
تعالي تعالي
هاو وين نروح؟
:P
اما بالنسبه للي يمج
لووووووووووووووووول
ما يلوق ما يلوق
انتي وين والدواره وين؟
انا عيل كل شوي فاتحة لا بقى برينجلز لا بقى كندر غذيتهم قلت جود يلهون عن بعض شوي
loooool

esTeKaNa يقول...

أحمد الحيدر
ّّّ~~~~~~~~~~~~
الله يسلمك من الشر
:)

esTeKaNa يقول...

Ra-1
~~~~~~~
اللله يسلمج راسها كان كبير
الناس تحط قوطي روب يصير تفخة
اهي حاطة جدر لان كان في شي ضخم فوق راسها فانا سميتها جدر
لاني حسيت اللي فوق راسها جدر
:))
الله يسلمج ويحفظج

esTeKaNa يقول...

Miss-Q8
~~~~~~~~~~~~~
هذا ما أعتقده انا ايضا
;P

esTeKaNa يقول...

قراءة في كف العشرين
ّ~~~~~~~~~~~~~~~~~~~~
ياهلا ويا مرحبا
انا اشهد يا كثرهم
:))
عسى دوم الابتسامة
وحياج الله

esTeKaNa يقول...

Someday
~~~~~~~~~~
أحترم احترامج لرأيي
وسعيده بنظرتك لي ولاتزاني
ولكن الموضوع قناعه شخصية واعمق من مجرد كيفية التصرف بالنسبة لي
:))
حياج الله

esTeKaNa يقول...

4
~~~~~
الف الحمدلله
:)
عاش من شافج
فقدنا شوفتج من مدة
نتمنى المانع خير
:)

esTeKaNa يقول...

أبو الدســتور
~~~~~~~~~~~~~~~~~
انا اشهد ان الأحوال ما كانت تسر
اكتشفت اني جبانه
خفت اموت
;P
خوش نصيحة سالفه التنفس نستخدمها بالمرات القادمة
:)
الله يسلمك من كل شر

esTeKaNa يقول...

Hope
~~~~~~~
اجمعين يارب
:)
اشرايج نسوي حملة:
لا للسب
لا لقله الادب
:P
ياربي البنات المؤدبات صايرين مثل الديناصورات راح ينقرضون مع الوقت
:)

esTeKaNa يقول...

jonoon 3aqel
~~~~~~~~~~~~~~
عسى ربي يحفظك ويفتح عليك ويوفقك
خوش حل
اعتقد سأستخدمه في السفرات القادمة
:)

esTeKaNa يقول...

محـــــاره
~~~~~~~~~~~~
حبيبتي انتي
ولهت عليج العافية طمنيني عليج
يااااارب تكونين بخير
:***

esTeKaNa يقول...

t.q8
~~~~~~~~~~~
إي والله انا انكسر ظهري واهي تقوله شاطر حمودي
:P

esTeKaNa يقول...

بخور السوق
~~~~~~~~~~~~
هلا بالبخور والزين كله
:)
واي جنج شايفتها
تتدلع وتقط راسها عليه
وانا اللي مستحية
الحين انا شكو مستحية مادري
lol
واتفق معاج تماما
الله يحفظج ويسعد قلبج
تعليقاتج دايم توسع صدري وتفرحني
حياج الله
:)

esTeKaNa يقول...

violinist_q8
~~~~~~~~~~~~~~~~~~
looooool
ما اصدق
!!
عرجبت حق الياهل؟
عيل اشلون باجر بتسافر ويا عيالك؟
:P
بعدين عليك الله لو جدر وريلها يمك شنو ممكن تقول؟
انا من زود السنع جابلتهم ما بقى بطاط ما بقى شي بجنطتي ما عطيتهم ابيهم يلهون شوي
:)

esTeKaNa يقول...

فريج سعود
~~~~~~~~~~~~
الله يسلمك من الشر ماقصرت
:))))

esTeKaNa يقول...

أُمْ حَــسَـــنْ
~~~~~~~~~~~~~~~~
فعلا اهرامات
!!
ياربي انا ارفع شعري راسي كله يعورني
اشلون اهم يرفعون كل هالأثقال فوق روسهم
;P~
الله يسلمج ماقصرتي

esTeKaNa يقول...

zooz
~~~~~~~
وأعيد ذات الاجابه:
الناس تحط قوطي روب
البنت كانت حاطة جدر كبير فوق راسها
so
كان ر اسها حيل كبير وتخيلتها جدر
:))
وخوش سفره استمتعت
هذي ديرتي من كنت ياهل لابد بين فتره وفتره نروح
:)

esTeKaNa يقول...

As YoU LiKE
~~~~~~~~~~~~~~
@@
في أحد يتمنى الشقى؟
:))
يعني عليك الله لو بمكاني شتسوي؟
انا سكت
قمت اوزع بطاط وكاكو ابيهم يصكون حلوجهم شوي،بعدين هديت لما اكتشفت اهم مومعصبين هذا الغزل عندهم
:))

وفعلا اتفق وياك
الله لا يحرمنا من أهلنا

esTeKaNa يقول...

سبمبموت
~~~~~~~~~
هلا بسمبمبوت قلبي والله
:**
الله يسلمج من الشر يا الغالية
:)

esTeKaNa يقول...

ikhalifa.com
~~~~~~~~~~~~~~
hehehehe
لا ماهي صفرا
هذي ابتسامة احترام للرأي المخالف
:)

esTeKaNa يقول...

mai
~~~~~
آمين ماقصرتي
:)

-mate يقول...

حيالله الغالية استكانة

انا لو منك تدرين شسوي؟ أحط الآي بود وأعليه حده منها إني ما أسمع كلام الطيار اللي يخليك تحاتين ومنها ما تسمعين كلام طيور الكناري اللي يمك .. بس والله شي عجيب!! اتصدقين أول مرة أسمع واحد يسب زوجته علبونه غشمرة وترد عليه .. صج قة ذوق وتربية! ذاك اليوم تصدقين سامع إبو يسب ولده وقال له: ايابن الكلب!! انا هني مو امصدق الوضع, الإبو مو ساب ولده إلا ساب نفسه الحمدلله والشكر. وبعدين لما قال الجدر مادري الملاس صكري الجامة .. في قوانين الطائرة عند الإقلاع لازم الدرايش مفتوحة .. لو منك أعانده وأخليه يولي! والجزيرة آآآخ .. كل ما أحجز أتحسف, اتصدقين طارت عني الطيارة قبل 3 أسابيع وقولي شلون طارت؟ تلاسنت مع بواب الطائرة والملعون راح قالهم طيروا الطيارة عنه!!!! أقولك السالفة بسرعة, كنت شاري من كوستا قهوة قبال البوابة .. ولما ييت بدش قاللي موظف الجزيرة تراك متأخر بسرعة دش وقط القهوة اللي بيدك .. قلتله إخوي تراني مو داش سينما ممنوع أكل وشرب .. وثاني شي توني هذا المرة المليون اللي أركب على الجزيرة وكل مرة أدخل وياي كوفي ولا شاي ولا أحد يقولي شي .. ألحين تقوللي ممنوع .. (انا بس متحسف على القهوة) لا أكثر ولا أقل .. جان يقولي أوكي, يعني منت داش .. وركض داخل واختفى, والله ماصارت 30 ثانية قاللي الشرطي لازم تدش ألحين .. حذفت القهوة ودشيت, قالولي آخر باص اللي يودي للطيارة حرك والدري وخروه وهاردلك طارت الطيارة عني ..! المصيبة إن في ناس يايني من آخر الدنيا مطار صبيحة مادري مليحة بدال أتاتورك .. يعني حتن مطارهم خايس. هاليوم وتذكرة الطيارة مو راضين يعوضوني عليها .. كلمت المدير طلع العن من الموظف, ماكو فايدة .. قالولي الأهل روح اشتك عليهم بالطيران المدني, قلت السالفة ماتسوى وإن شاء الله هذي آخر مرة أركب وياهم بس ما أعتقد!! انا وياك في سالفة المحرم .. لكن هالوقت, الناس قامت تشوف إن راكبين طيارة مو راكبين بعارين وكلها ظرف ساعات وتوصلون من سفركم .. مادري والله

الحمدلله على السلامة, وآسفين على الإطالة

{~المباركية~} يقول...

شكلج ستانستي وايد معاهم

fatto يقول...

لووووووووول بعد جبدي والله موتيني من الضحك على هالاشكال الي بالطياره .. وهذيل الي يمك الي طايحين ابعض سب كان عادي الوضع عندهم يعني مازعلو على بعض ؟؟؟ ويلا عادي المسبه عندهم ( زي الورد ) لووووووول الحمدالله والشكر .


شكلج حرمتي اتسافري بروحج مره ثانيه :)

violinist_q8 يقول...

اليهال احبهم من اول ماينولدون لما عمر 3 سنين بس بعدها معاملتي لهم تتغير :p
اي عرجبته لو اهله مو مساكينه بالطياره و لا محترمين العالم الي قاعده اعرجبه واخليه يلجهم ورا
-
اما الي مع زوجها انا فيني طبع بايخ لو الي يمي مو عاجبني النفسيه تصير على الاوف ويبان علي اما اذا ماحسوا تعرفين نظره the rock :P ?

esTeKaNa يقول...

mate
~~~~~
حيالله دكتورنا التركي
:))
في احد يسب ولده؟
!!
انا بعد سالفتك هذي تأكدت ان السنع موضه اندثرت،والسنعين مآلهم الانقراض فلازم نسوي جمعيه لحماية السنعين من الانقراض ولا راح ينقرضون مثل الديناصورات
:)
اما سالفتك مع الجزيره فاصدقها
الجزيره طيران فاشل صراحة من كل النواحي وصج باص جوي حده يا دوب البحرين ودبي
!!
بس صج انا لو مكانك بموت من الحرة
وما تدري شكثر قدرت سالفه القهوة انا اسويها صراحة وتعز علي قهوتي
من حلاة اكلهم عاد
:(
بس يالله سهالات ،الحياه تجارب
وترا صبيحة ان ما خاب ظني بنتك يا اتاتورك
:P

esTeKaNa يقول...

المباركية
~~~~~~~~~~
واااااايد استانست
وتمنيتكم وياي
:P

esTeKaNa يقول...

fatto
ّ~~~~~~~~
هلا بالغالية
:)
بالضبط كان الوضع زي الورد
اهم مستانسين
ماحد متعسر من السب الا أنا
لووول

esTeKaNa يقول...

violinist_q8
~~~~~~~~~~~~~~
اهو اليهال من ثانيه روضه يدش عمر الملاقة الا من رحم ربي
:P
بس صجت ضحكتني على التعرجب
:))
اممممم
انا ويهي كان علامة تعجب
بس ما جربت النظرة
عرفتها عرفتها
:P~
تم اعتماد خططك للتجارب القادمة ان شاء الله
شكرا لتعاونكم
:)

candle يقول...

أبييه استكانه مت من الضحك من قلتي جدر وانا فاجه حلجي :))))) .. الحمدلله و الشكر لازم نحمد ربنا على نعمة الأخلاق والأسلوب والتفكير قبل الكلام :) واااي ولهت عليج .. الشياب المراهقين آخر هبة المجتمع الكويتي مير زايدين مادري شالسالفة

واللي موتني من الضحك بعد تعليق
ARTFUL:
طيارتكم ذكرتني بالنايتندو او السيجا
اذا علقت طفها وانفخ بالشريط ورد شغلها

عبالي بس أنا اللي أنفخ بكل فيديو وشريط و سي دي ودي في دي ومقتنعه من صجي ان هذا الحل في كل الأحوال :))))

عوداً حميداً "الحمدلله على السلامه" وعلى قولة جدتي : يابيتي يا بعد كل البويتات

كبرياء وردة يقول...

اووووف

شفيها الرحلات هالصيف صايرة مأساوية

احنا وقفونا ساعة وربع عشان اثنين نسوا جوازتهم بالمطار

تخيلي السخافة

عموما الحمدلله على السلامة