الأحد، يوليو 05، 2009

estekana Diary (1)

أوقات..ياخذنا الحكي
وننسى بالحكي أوقات
وأوقات
يا ليت الكلام سكات
يجرحنا الحكي أوقات
وأوقات:
أقصى ما تحتاجه مساحة فضاء،واستلقاء على جنب الحياة،ويدين نائمة تحت خدك،وعيون تتأمل فيها حياتك وكل شئ حولك،فتكتب ايامك
،تكتبها ...وقد تكتبك
.
.
كان فجرا هادئا لا يقطع سكونه إلا صوت السفر والغياب،وحقائب تنتثر هناك وهناك،وأرجلهم تتسحب بصمت خوفا من فزتي من نومي وهروب غفوتي من عيوني، ذهني كان منصتا لأصواتهم ،واذني تتحراهم،وصممت على أن أكون معهم أوصلهم حتى باب السفر،اعتقادا مني أن رؤيتهم يرحلون أرحم من أن أصحى فلا أجد أحد
أسحب الحقائب الثقيله بيدي،أتمزع من الألم،تنظر لي مستغربه:
هذا الكرتون والجناط ثقيله وفي صبي وسايق يسحبهم ليش تسحبينهم انتي؟
مادري
!
عندما أخاف افقد قدرتي على السيطرة على تصرفاتي،وعندما أتوتر اقوم بأشيا بلا معنى،وعندما تخنقني العبرة فالأكيد أني اكون مبتسمة اكثر من اللازم،وخجلي يسكت صوتي ويحولني لمخلوق ثجيل طينة
!!
هكذا الأمور مترابطة بداخلي،ولا يفهمها الا قلب من يعرفني
وهذا ما يفسر ببساطة فزتي من الفجر وسحبي للكرتون والحقائب الثقيله على قلبي وكل تصرفاتي بلا معنى في ذاك الفجر
تسئلني أمي عند بوابة الغياب:
شنو بتسوين بغيابنا؟
أفكر،تفتر سواده عيوني،تلمع عيون العياره واهمس لها:
يمكن انحرف دامكم مو هني ميخالف؟
!!
خزه من خزاتها الناريه وشهقه:
استكانة عيب،شفت بنتك؟
ويضحك هو وأضمها أنا لقلبي:
تخافين علي ولا مني؟
ويلتقط هو طرف الحديث ضاحكا:
خوفج من الساكت ،بنتي مامنها خوف
أدفعهم بيدي،اختصر لحظة الوداع ،استملق،أبلع عبره تصل هنا لبلاعيمي ،يستودعوني الله ويرحلون
أرتدي نظاره تتنكر بها مشاعري،اشتري من( بالي )علاقة للمفاتيح لا تستحق ثمنها
،اتسكع في دبنهامز واشتري بيجامة،
أصل لستاربكس ،وقبل الكراميل مكياتو،تفضحني شهقه وأكتشف :
اني كنت قد بكيت
.
.
.
بيت غارق في الهدؤ،ومابين النومة والنومة نومة،هاتف منسي،واتصالات متجاهله،واعتذارات لكل العائله:
شكرا،انا ماارتاح الا في سريري ،وبيتي ومكاني
حظيظة أنا بقلوب من احب،اهتمامهم،اتصالاتهم تفرحني ،ولكن بعض الاهتمام يخنقني
لما لا يدركون ان أرق الحب ترك من تحب على راحته؟
.
.
يومين اشعر بأن الارض تسحبني اليها،واحيانا اشعر بصداع فظيع وكأن احد يدخلهم يده في راسي ويمجعني للوراء،عيوني تعورني،افقد قدرتي على الانصات لوقت طويل،وأغضب من نفسي كلما فتحت مدونتي فلا اشعر برغبه بكتابه شئ،وهل انا اساسا مجبرة على كتابة اي شئ؟
!
زياره لدكتور دايخ،دكتور يقول جفاف،وآخر يقول ربما قولون،ولكن الأكيد في ضغط،احقر الجميع وأكمل نومة،مع توصيات لأخي كتم الموضوع عن من سافر عني
.
.
.
الأمور تتحسن،يوما بعد يوم
،رغم أن الهدوء الزايد أحيانايحدث في داخلك ضجة فتظل مرهق رغم انك لم تتحرك خطوة
!
اشتكاني الكسل في مساء الغبار،ومليت من استلقائي أمام لاب توبي وحيده مع سبق الاصرار والترصد،التقطت في ذاك المساء مفاتيحي وتركت رسالة لأخي:
أنا في مركز سلطان
ما الرابط بين مركز سلطان ومشاعري؟
تلك أحد تلك الارتباطات غير المفهومه لغيري،يرجع الارتباط لطفولتي حينما كانت الجمعية سبب رئيسي لتشتيت اي توتر،وسبب رئيسي لفرحي وانا اتجول ممسكة بورقه طويله ،يضع ابي ما نحتاجه واشخط بكل فخر على كل ما حصلناه في هذه الرحلة
كبرت،وتطور الأمر من الجمعيه لمركز سلطان
لما مركز سلطان؟
هل الفكرة انك قادر على شراء ما تحتاجه بسهوله؟
أم ان هناك ارتباط ذهني أني في مركز سلطان ربما أجد مالا أجده في مكان غيره؟
وهل أنا احتاج في داخلي لتحصيل كل ما احتاجه بسهوله؟
ام أني احتاج شئ استثنائي لا اجده في رفوف جمعية الحياة؟
.
.
.
!!لن آخذ سلة
كل مرة آخذ سلة وتتعبني،لما اهوى ارهاق نفسي؟
أدفع العربانة وأرقب أب يركب ابنته الصغيره جدا في مقعد العربانه الصغير،اول ما استقرت صفقت بيديها الصغيره سعيده ، فابتسمت معها ،ولوهله تمنيت لو اني اتصفط في المقعد الصغير في العربانه ويدفعني احدهم
.
.
أحب تأمل الخضار والفواكة في مركز سلطان،تغريني الألوان المتضاده،تعبر عن مشاعرنا،عن حياتنا،
عن الجمال في اختلافنا
،أعشق رائحة المانجا التي تعلن بفرح عن موسم الصيف والفرح
ست حبات مانجا،واتجه باتجاه الرقي،اذكر ان جدتي حفظها الرحمن تكفخ الرقية على راسها لتعلم اي الرقيات افضل
بحركه عفوية وجدت نفسي أكفخ راس كل رقية،وأشعر بشئ يضحك في داخلي،كنت سعيده وانا اكرر ضرباتي على صلعه الرقية ،هل ممكن اشيا بهذه البساطة تخلق فيني سعادة؟
، استدركت نفسي فجأة وانا افكر:
وبعد كل هالتكفخ شنو الصوت اللي لازم اسمعه؟
لحظة تأمل وتفكير،وعيوني ترتفع لأرى امامي دشادشه بيضاء داخلها رجل يبتسم
توترت،وقررت
مابي رقية
.
.
جبن الأعشاب الذي أحبه،درسيتج للسلطة،خلطة كيك جاهزه،نوعين قهوة،رافيولي....والدشداشه البيضاء تخرج من بين الارفف فجأة ويؤشر لي تعالي
!!
يمه بسم الله
للحظة،شعرت بأن قلبي سقط لطرف صبع رجلي،وارتجفت،تذكرت أن ابي يوصيني دائما اذا خفتي لا تبينين للآخر انك خائفه،اوهم نفسي اني غير خائفه ،اتجاهله واكمل مشيي،قالت لي صديقتي يوما :
مركز سلطان السالمية مرتع المتسكعين
أعلم ولكن مشكلتي اني احبه،ادفع عربانتي اتأمل الكورن الفليكس وافكر:
هل سيذهب ويتركني لحالي ام سيستمر ؟
هل يعلم هو اني مريضة ولم اكل منذ عشره ايام؟
هل يعلم ان اهلي مسافرين واحتمال في اي لحظة ابكي وانهمر؟
هل يعلم بكل الأحداث المريرة التي حصلت في الفتره السابقة؟
وهل تكفخ الرقي حركه أنثويه جميلة؟
ولما كل ما قررت رفع عيني ونهره اشعر بأن هناك بلد،مثل البلد المستخدم بالحداق،يمسك طرف رمشي ويخفضها في الارض وانا اريد ان افتحها واغضب؟
والسؤال الأهم:
ماهو الشئ الذي يجعل الانسان ايا كان يصل لمرحله ان يستبيح نفسه ويذلها وهو يفتر مابين الرفوف مع انسانه لا يعرفها؟
المراهقة المتأخرة،الفراغ،الحزن..او الضياع
!
هل اعطيه عربانتي يدفعها وادعس في يديه ربع دينار؟
لا
قررت استخدام خطة الذبانة :
ان اراه مجرد ذبانة حتى لا اتوتر
اتجهت مباشره للكاشير هاربة ،مشيت سريعا وكان اسرع ،فخفت فعلا:
،لما تسلط علي هذا المراهق المتأخر في هذا المساء المغبر؟
ولما يعكر صفو ذهني الذي كاد للتو ان يستقر؟
تمنيت للحظة وهو يطرد ورائي ويتكلم بسخافات لا اسمع منها شئ ان اصرخ بوجهه صرخة تنطلق من مفرق رأسي
،او ان امسك الطماطم المصفوفه واحذفها بوجهه واحدة تلو الأخرى فقد أزعجني
،ابتسمت.. وانا اتخيل شكلي وانا احذف كل تلك الطماطات في وجهه،
هل نحتاج احيانا ان نقوم بشئ مجنون؟
ان نغضب؟ ان نصرخ؟
وهل تعيش البنت الهيلقيه ام لسان بسلام لانها ببساطه تعبر عن نفسها؟
نعم احتاج ان اصرخ من اقصى قلبي ،وان انثر في وجهه كل غضبي،وإن اقترب سأقول له ما لم اقله بعمري،
أمشي بسرعه
وهو اسرع
يقترب
ويسئلني وهو واقف بقربي عند الكاشير:
امشي؟
وترتجف يدي،واصمت،يكرر سؤاله،ابحث عن صوتي و أهمس للمانجا ولأغراضي المصفوفه عند الكاشير دون ان انظر له :
يا ليت اخوي تمشي
!!
بس؟
وايد عليج
!!
هذا اللي ربي قدرج عليه يا استكانة؟
وآه يا استكانة،لم تصرخي،لم تغضبي،لم تتكلمي يوما ما وتنفثي ضيقك في وجه احد
هل يستحق رجل الدشداشه البيضاء منصب اخوي؟
لا اعلم
،ولكني همست بها ليخجل من نفسه ويرحل،و رحل بصمت دون ان يضايقني اكثر،وبعض الحياه تحتاج منا هكذا تصرف
نباغتهم بطيبنا فنخجلهم من رقي أرواحنا ومشاعرنا
.
.
.
على أطراف الليل قريب الفجر،اغسل ماسك الروب عن وجهي،ألملم شتات هذا البوح،وأنادي نومتي لتحتضني وتنام هنا جنبي
غدا يوم آخر،سيشرقدني السهر تعبا طوال الصباح،ويدفني نوما مغناطيسيا تسحبني فيه النومه بعد الظهر
صيف
سهر
سيمر الصيف
والحياة بنوم وبلا نوم
ستستمر
.
.
.
صباح الخير

هناك 83 تعليقًا:

Enter-Q8 يقول...

انزين عقب ما صليتي الفجر وزعتي الجرايد


بذمتك استكانه هذي حزة بوست



يردون بالسلامة

~ هند ~ يقول...

ياااا فرحة قلبي بهالبوست ..

أصلي الفير .. وأجيك على مدونتج للمره الأخيرة قبل ما أنام من موبايلي القديم :)

قريت البوست وفزيت أفتح لابي عشان أعلق وأنام..

الحين أنا مرتاحه لأنج هني،،
ولي عودة لما أقوم العصر إن شاء الله
:p


ويا صبااااح الطاعه و الحب وكل شي جميل..
نوم العوافي يا حبيبة قلب هند :))

Q80 Blogger يقول...

صباح النوور

:)

maha يقول...

صباح الخيرات

الكراميل ماكياتو مشروبي المفضل بعد الديكاف ايسبريسو


وخطة الذبانة التكنيك فيها سريع جدا فعال لكن شخليتي للعميل 007

عنيف يقول...

صباح الخير المعطر بالنوير


اولا يروحون ويردون بالسلامه وتشوفين الايام تراكض وتلقينهم حولج من يديد

وطبعا ما يحتاي اوصيج اكثر من اميمتج انج تديرين بالج على روحج

وطبعا اول ما يرجعون بالسلامه بتنطين وتقولين شنو يايبين لي لوووووول

alala يقول...

صباحك سكر :)

اكره لحظات الوداع و الرحيل :(

الله يردهم لج بالسلامة ان شاء الله

انا استمتع اول الايام بالهدوء و السكينة اذا سافروا اهلي بس بعدين الوله يبهذلني و كل شوي داقة عليهم:PpP

take care dear :)

ikhalifa.com يقول...

الله!!!!
شو هالنفوف الحلو!!
لفي لفي
لفي بالعكس ألحين

النمرة بعدها لازقة ورا

ذكرتيني بمسلسل بكيزة و زغلول في آخر الأغنية تيي وحدة سمرا وتضرب الشاشة براسها

ليكون انتي؟
:P

صباح الخير :)

سبمبوت يقول...

أعلم أن الوحدة صعبة .. ولكن الهدوء نعمة ..

في الوحدة نجد أنفسنا أكثر، لإننا لا نتمرغ في بحور الآخرين، حاولي الإستمتاع في الهدوء المحيط، حاولي سحب نفسك الى أماكن داخلك لم تذهبي لها من قبل، زوري متاحفك ومزاراتك العميقة واجلبي من كل رحلة سوفنير

على الفراش ..أمام التلفزيون ابقي ليوم كامل، كلي على الفراش واكتبي على الفراش وفكري على الفراش ..

منذ تزوجت وانا افتقد حرية استخدامي المطلق للفراش ..

ميمة السبيت يقول...

صباح الخير

عورتي قلبي ، اشرايج اي انا و بنتي انلجج بالبيت دام منتي راضيه تروحين عند احد

استكانه كلامج وايد اعور القلب مادري شنو الاحداث اللي صايره بس ما اقدر اقول إلا ديري بالج على نفسج و بطلي من سالفه بندول نايت ترى موزين

I7na 3shagnaha يقول...

الله يرد لج أهلج بالسلامة
:))

و فعلا غيري وجهتج لسلطان شرق

السالمية يخرع

و فيه اشكال مو طبيعية

The Simper يقول...

nice interview on marie claire :)

ARTFUL يقول...

او شي صباح الخييييييييييييير

شلون اختي الوحدانية

;D

حلفت غداج علي انتي واخوج

واصلكم باجر بحيل اللي ما تنام عينه

متى تبون غداكم؟؟

--------

استكانه البوست اختلطت فيه المشاعر ما بين حزن وضحك

الله يردهم لج سالمين غانمين يا رب بكل صحتهم وعافيتهم

وهالله هالله بالركاده وانا اخوج مثل ما وصتج امج

بس في كلمة انقالت اصدمتني

----------
طرف الحديث ضاحكا:خوفج من الساكت ،بنتي مامنها خوف
------------------

من الساكت ، عسى الاخت مهي رادو متنقل؟؟

;p

والله انا من الناس اللي احب اروح الجمعية واحب اروح مركز السلطان آخر الليل واهو هادييييي

يصفر ليش مادري

اتونس واتمشى وآخذ شغلات بسيطه واطلع
واحب الشغلات المستورده صج غاليه
ايي نسيت كنت احبهم بعد الزواج ما ينفع الغالي

;p

---------
اتوقع شكلج وانتي تطقين الرقيه يضحك يعني فاهمه
صارلج دهر تقين ولا تدرين شنهو الصوت اللي تبين تسمعين يا حظي

;D

اخذي شرط السجين صج أغلى بس أضمن

اووو نسيت الغالي ما ينفع

;p

المهم استانسي بالحرية شبه المطلقه واستمتعي باوقاتج

انصج بالقراءة لا تقرين من النت

اقري كتاب والله شي يريح خذاصة اذا قاعد تقرين شي تحبينه

تحياتي لج

وعسى الله يحفظج بحفظه ويسلم عقلج

;p

ikhalifa.com يقول...

حسي الفني مخترب اليوم من الغبار
في راسي فرقة معلاية تدق من القلب

أتيت متاخرة يقول...

واااااااااااااااااي

أنتي مع الدشداشة البيضة
وآنه مع صاحب الثياب البيضاء الصغيرة
مدووووووووووووووووووووووووخني

استلمته من بداية الاجازة تبديل حفاظات .... رضاعة تنويم مصاصة
العياااااااااااااااااار يسوي روحه نايم ودايخ
ومن أحطه على السرير
ابتسم لي باستهزاء يتبعها واااااااااااااااااااااااء كبيرة
يستمتع بالنوم على جهة اليسار قريبا من القلب
وهو موجود بالقلب اصلا
ماذا افعل لهذا المخلوق الذي دخل حياتي بلا مقدمات
استجدي أختي أن ينام معي
وترد أمي .....
خليه بحضن أمه
وضربة من الماما ولا بوسه من الخالة

أكتب تعليقي وهو يناغي قليلا قبل موجة الصراخ التي تتيع المناغاة


بلييز لا تروحين مركز سلطان بروحج .... بنت حلوة وبروحها في معقل المتسكعين .... لالا وايد كبيرة
نخاف عليج

روحااااااي مع محرم .....
بنوم بدون نوم سيمضي اليوم يا استكانة سيمضي وسيتبعه آخر

دمتي بخير يا غالية

أتيت متاخرة يقول...

ومساء الحب

على الحلوين

الحــــٌر يقول...

يروحون ويرجعون بالسلامة

ما تشوفين شر ولات عليق على ما حصل بمركز سلطان لأنه هذا الشخص لا يحتاج تعليق

أنظري للحياة نظرة سعادة وأمل وان شاء الله راح تشوفينها أحلى

دمتي بخير وسلامة

:)

New Bride يقول...

صباح النور

راقية راقية يا استكانه حتى وصفج حق هالموقف غير

لازم تعرفين انج غير

ترى اليوم بالدوام حشينا فيج :) بالخير انشالله قلت لازم اقولج عشان لا تصير غيبة


قعدت افكر مشالله هالبنية الكل يحبها و يمدح فيها مع انه و لا وحده فينا تعرفج شخصيا بس الكل يمدح فيج و قاموا يدعون لج

مادري ليش الكل متشوق يشوفج عروس انشالله

امبيه وايد قرقت عليج بس هذا اللي صار اليوم

الله يرجعلج اهلج بالسلامه

قراءة في كف العشرين يقول...

والله مدونة شهيه جدا جدا ما شاءالله والي صار في السوبر ماركت معاك صار لي موقف شبيه بس الفرق كان هندي يشتغل في السوبر ماركت وتخيلي مرره نحيف وقصيير ولابس بدله راس صغير وبدله كبييرة عشان كذا ما اعرفت انه قصده يضايقني ..
enjoy your day :D

lawyer يقول...

الفرق الوحيييييييييييييد
بيني و بيييييييييينج


اناااااااااا اودع اهلي و اناااااااااا مستاااااانسه


اقوووووولهم واي و اخيرا باخذ اجازه منكم

و اخذ اجازه م الدوام


و اقضي يوووووومي كله نووووم و تيفي و هدووووووء


مستمتعه و مسسسسسستغله الهدووء التام




شنو الشي الي يخلينا نروح مركز سلطان؟؟

انا اقولج ليش

لانه متعه التسوق
فقط

و لانه كل واحد بحاله
وعن نفسي اضمن اني ما اشوف كل اهلي الي اشوفهم بالجمعيه




احب مركز سلطان لان لي لحطه فعلا يحسسني اني مو بالكويت..






انا اليوم ما داومت و قاعده اقرا بوستج

تخيلاي اول ماقريب ماسك الروب
لمسك ويهي و قلت هاو اشدراها !!



اخترعت عباااااااااااااالي جكيتيني

لووووووووووول


لي الحين قاعده اعلق و ماسك الروب في ويهي


خليني اقولج شغله اتينن

ييبااااي الايس كيوب مال الثلج

و بدال ما تحطين ماي

حطااااااي ماي ورد

واذا رديتاي من الدوام او
خلصتاي من ماسك الروب اخذااي ثلجه ماي الورد
ومسحي فيها وييييييييهج

وشوفاااااي الفرق


شي مو صج



تذكرين لما قلت لج عن دهن الشعر الخيالي العجيب ؟؟

ابيه انا ادمنته ازم تحطينيه

من حواي النزهه


هالاياام حايشتني حاله
محتره من البنات الي متفصخين وكله لوووووون واحد

فقااااااااعد احاول مجاهده بهذا الشي




استكانه
في شغلات جميله بسيطه ندور الجمال فيها عشان نوري نفسنا و نطبب عليها نقولها هااج شوفاي شي حلو

نساحلها
و نقنع نفسنا ان قاعد ندللها


امس مثلا في عززززززز تعبي هاليومين
دقيت على واحد شريت منه اي بود
و وصله لي البيت

و عطيته صاحبتي تظبط لي الاغاني

شي بسيييييييط بس سويته حق نفسي


عندج اي بووود؟؟

اشتريلج اي بود و نزلاااااااااي فيه الي تبين عشان تستمتعييييييين

و تحسين نفسج سويتاي شي


اشتراااي جهاز يديد ..

اي فون او بلاك بيري

قصاي شعرج قصه بسيطه


سواي اشتراك حمام زيت

اكلاااااااااي رقي

ههههههههه صج لا تضحكين بس شغلات توووونس


شعور الشي الي يمجع ي ورا هذا شعوور الهبووووط

هالله هالله في السفن اب و الخيار و ملح ..



ايييييه عندي فكره جابلاي مسلسلاااااااات




ابيه استكانه حسيت اني وايد قرقت


الله يعينج على ماي كوووووووومنت







:*****

على نفسها جنت براقش يقول...

هلو هلو

يعنى لو انا كاتبه هالبوست جان قلت

اهلى سافروا
انا بروجى
راسى يعورنى
ضيقة خلق
احب مركز سلطان و اتسوق فيه

اخر عمرى قمت اتحلطم مع همبه

:)

استكانه
يا استكانه

تدرين ان اسمك له قصه

ايام الاستعمار البريطانى بالهند
يازت حق الانجليز سالفه يشربون الشاى بقلاصات صغيره

عقب لما ردوا ديرتهم
خذوا معاهم هالقلاصات
وسموها
EAST Can


و تحورت الكلمه الى استكانه


زبده الحكى الله يردهم بالسلامه
و انتى غيرى جو بالبيت
:)

بخور السوق يقول...

لما لا يدركون ان أرق الحب ترك من تحب على راحته؟









أختي الكريمه استكانه ..أزور مدونتك بين فترة وأخرى أستمتع بكتاباتك لكن بوستج هذا هز مشاعري وما قدرت اقرا وانا ساكته مثل كل مره قلت لازم اقول لها ...تفاصيل دقيقة تتكلمين عنها بطريقه يعجز عنها البشر وصفج الدقيق لسفر أهلج قطع قلبي ...شي يعور القلب عسى الله يرجعهم لج سالمين ويحفظج من كل سوووووووووووووء




أما الجمله اللي اقتبستها فهي راااااااااااااااااااائعه لأبعد الحدود فعلا ساعات الناس من كثر حرصهم عليج وسؤالهم عنج يتحول إلى أذى بدون ما يحسون ...




دمتي بخير
أختج الجديده
:)


بخور السوق

shakshaka يقول...

ماتفقدين غالي انشاالله ومثل ما ودعتي تلاقين انشاالله... وغدا يوم اخررر ...

كل الحكم سطرتهم لج يا بعدي

انا عيل من اقرر ان بنزر المتحرشين تييني الضحكه وأصدو مستحيل يملون فا بس ابزر العيننن :p

glomhilda يقول...

مسائك جميل يا جميلة


فترة لم أطل على بوستاتك الجميلة..إشتقت

ياااااه..تصدقين
ولأول مرة أشعر بالحسد اتجاه انسان

أنا أحسدك على الوحدة والهدوء اللي تعيشينه هالفترة

بجد أتمنى نتبادل..شو رايج

بيتنا هالفترة صاير ملجأ

تخيلي 15 نفر بنفس البيت..مو زحمة

تدورين كورنر تريحين راسج فيه..لا يوجد

لولا الجو اللي يذوب كنت نمت بالسطح
>_<


الله يردلج اياهم سالمين معافين وراضين عنج


الخلوة هي ملاذ العُباد..تلاقين روحين فيها

هدوء يجعلك تتصافين مع نفسك وتكوني صادقة معاها

أحياناً كثيرة ننسى أنفسنا وسط الناس..ونكون بعيدين عنها

ونخاف نواجهها..لذلك نحب نكون مع أحد وما نقعد بروحنا


حطي استكانة جدامج وتكلموا وفضفضوا لبعض


مركز سلطان

أحبه..أحسه هادي ويعملي ريلاكس لمن أروحله

ومثلج..اوقف عند الخضروات وأتأملهم
فعلاً سبحان الله


الله يهدي ابو دشداشة وامثاله..بعدهم ما تابوا من هالسوالف

الله يصلح شباب المسلمين


====

استمتعت

شكراً

عثماني يقول...

شردقة طيبة اتمناها لك

:)

فريج سعود يقول...

كسرتي خاطري


:(


راح اطرش لج كل ارقام المطاعم الي اعرفها

BeeDoO يقول...

لما لا يدركون ان أرق الحب ترك من تحب على راحته؟


يااااا مجرمة

~ هند ~ يقول...

الله ..
فستانج غاوي :)
ملبوس العافيه يا رب ..

أنام وأصحى وأجوف الألوان متغيره :)
عاد الفير كنت أركز فالبنر وأقرا العبارات المكتوبه فيه وأقوم ألقاه طااار..
وتظلين دايماً وبكل لوك جميلة :))

-----------------------

تدرين أقرا أول البوست وأتخيل شكلج وانتي تسحبين الأغراض..
يا حبيبة قلبي اللي تبي تشيل وتحط من الفير ..

الله يحفظهم ويردهم بالسلامه يا رب ..

وانتي انحرفي ميخالف :Pp~

كل السوالف هني حبيتها .. وحسيت اني اقرا شي من بوستاتج القديمة اللي كنتي تحكين فيها يومج بهذي الطريقة المختلفة..

أتمنى يكون كل يوم في دايري يديد >>> طماعه
:p

تيك كير
:**

إيلاف يقول...

:) أحب قراءة مثل هذه المواضيع
التي يتكشّف فيها الكاتب لكلماته , يتكرها تنكتب بروحه , لا بأحرفه ..


استكانه , سفر المقرّبين فرصة للخلوة بالنفس
وخصوصا إن كانوا من سكّان البيت ..

أحب البيت لما يفضى بعض المرات :)

.
.

شكراً على اتاحتكِ المجال لنا , للإبحار في نفسكِ قليلا

Nikon 8 يقول...

الحمدالله على سلامة الصحة والمزاج
والله يرد الأهل بالسلامة
:)
في البداية الوحدة صحبة ... لكنها فرصة لا تتكرر كثيرا للإنفراد بالنفس
وللوله على الأهل
:)
اللوك الصيفي للبلوغ... أزرق صافي جميل وبارد كصاحبته
:)
وما دريت عن صاحبنا بمركز سلطان جان وصيتك تنصحينه يسوي سيارات البنات المبنشرة
:))

مطعم باكه يقول...

البيت لك لوحدك .. وتشتكين !!؟

:) ..

سبحان الله .. :)

انا لو تصير لي نفس ظروفك ..

صدقيني آخذ إجازة من الدوام علشان اتفرغ لنفسي عدل ههههههههه

اسهر للفجر , اتريق جباتي .. وانام

واعيش على هامش الحضارة , مستهلكا لا منتجا , لعدة أيام , حتى اشعر بلذة الحياة .. :)

فكري بالموضوع ترى فرصة ما تتطوف :)

:: بـوح الصمـت :: يقول...

مساؤكِ بحجم روعتكِ إستكانتنا :)

كالعادة أتقلب في بوستاتكِ ما بين إبتسامات ودموع وحنين لأيامٍ مضـت !


بالضبط عندما نتوتر نحاول أن نشتت هذا التوتر بفعل أشياء ليس لها أيّ داعي أو علاقة بالموضوع !

---

لحظات الوداع صعبة جداً .. أحبذ أن أتهرب منها في الآونة الأخيرة .. لإن كلي أمل أن كل وداع بعده لقـاء يتجدد !!
أمقت كلمة الوداع !
فليكن أملكِ باللقيـا كبير :) وعساج ما تفقدينهم من شـر إن شاء الله ويردون لج وتقر عينج بشوفتهم :"*

----

الوحدة شعور جمـيل إذا كان مؤقت !!
للخلوة مع النفس .. لمراجعة الحسابات !
تصدقين عاد ؟
وايد ناس يتمنون هالبيت الفاضي أنا كلش مو منهم !
لإن بيتنا أصبح صامت كصمت القبور .. فارغ يسمع به وقع الأبرة !!
في أغلب الأوقـات !

وفي ميزة بعد للبيت الفاضي لمّـا تتذكرين اللي كانوا فيه وتشوفين أماكنهم .. تحسين بحجم حبج لهم .. بشوقج وحنينج لهم لأصواتهم .. ضحكاتهم .. مواقفهم !

ولمّـا يردون يتجدد حبهم بقلبج ويكبر .. لإنج كل مالج وتتأكدين أكثر إنج تحبيهم مهما صـار !

----


لما لا يدركون ان أرق الحب ترك من تحب على راحته؟

واااي
نادراً تلقين أحد يدرك هالحقيقة !!

---


بو دشداشة الله يهديه .. وإنتي !!!

فديت المؤدبين أنـا
;p

حددج خطيرة على بالي بتفجرين فيه قنبلة أخير شي كلمتين !

لوول :)


الله يحفظج بوست رائع جداً كالعادة .. ويردلج أهلج بالسلامة وما تشوفين شـر إن شاء الله ما عليج إلاّ العافية ^-^

أدري إني أخوره نص فصحى نص عامي بس سوي روحج ما تدرين وسوري على الطوالة ;p :$

ray يقول...

:)

يردون بالسلامة ان شاء الله

انا و مركز سلطان نفس العلاقة, و الحين عندي مكان زايد

كل ما اتضايق بالدوام, اطالع اللي جدامي , نركب السيارة , نروح المبنى اللي جبالنا.. ناخذ آيسكريم و نرجع

الخيلاء يقول...

انا زعلانه و ماده البرطم

ليش يطلعلي البوست متاخر

:(

انا كل ما يسافرون اهلي اقولهم بحط لا فته بدوار بكتب عليها " امي مسافره و حعمل حفله " لوول


على طاري اخوي لو سمحت لول

مره طالعه مع اختي من المستشفى الاميري و يتسلط علينا واحد الله يهداه و يصلحه و اختي اذا خافت تضحك و انا اذا خفت اتدوده من الخواره و التدوده ضيعت لفت منطقتنا والله لو ما الحيا جان بطلت الجام و قلت له والله انا مو مال هالسوالف نسيتني وين منطقتنا لوول

و بعدين دامج متشرقده جبال لاب توبج وينج ماتبينين ترى فقدتج و لهت عليج
و مكانج مبين

وصج شصار على النقصه ؟ خذيتيها ولا بعدج

:)

الخيلاء يقول...

وصج صباح الخيرات و النيرات

شرايج في بمبكن كيك الصبح و معاها ماكياتو

:p

mellow يقول...

إكتئاب سفرة الأهل
عايشته أكثر من مرة
و باجر من غير شر راح أعيشه مرة ثانية

بس الحمدلله إختي معاي
عاد سبحان الله بس تسافر أمي تبتدي مغامراتنا آنا ويا أختي
بس ألحين ما راح يمدينا
راح نلحقهم عقب جم يوم إن شاء الله


أول لما ترد امي من السفر ..فجاة تلقانا قاصين شعورنا و صابغينها ألوان عجيبة (بروحنا بالبيت)حتى على قولة بنت عمي (إنتوا كلش مو مال الواحد يهيتكم بروحكم)

يردون بالسلامة إن شاء الله و تردين تحطين فيونكتج و تكتبين بوستات فرايحية

:)))

عفره يقول...

اي والله يمر الصيف بكسل و نووم

الله يردهم بالسلامه يارب

مَـــــعْــــمَــــعَـــــه يقول...

يردون بالسلامة ان شاء الله وتقر عينج بشوفتهم يا استاذه استكانه

انا شخصيا اتمنى هذي الوحده في بعض الاحيان لاعاده البرمجه العقليه و لاستعاده القوه والنشاط

مابي اطلول عليج في مكان قمه بالروعه بالنسبة لي وبين فترة وفتره اخذ فيه 3 ايام راحه واستجمام وصفاء ونقاء واذا تقدرين تروحين تجربين المكان انا اجزم انج راح تدعين لي

المكان هو فندق ميرديان اللي عالبحر اخذي سويت يطل عالبحر وريحي فيه جم يوم

U know WHO يقول...

وليش زعلانه يا سووسوو

ما عندج سالفة
أحد يعاف هوم الون

يللا نبي بارتي
عزيمة وطقطقة لي الفير


وان غاب الأط إلعب يا فار
؛)

ماحب الجمعيات ولا مركز سلطان
أستبرد
؛)
للضروورة فقط لما الباشا يكون مسافر :)

candle يقول...

مساء الورد .. يا مالج من الخلطات و الكريمات والماسكات مو رادين أهلج الا انتي زبييييده تلقّييييين .. صج بتفقدينهم بس أنا من الناس اللي عندي قناعه تامه ان كل شي يصير بتوقيت معين له ميزاته اللي لازم نكتشفها .. أنا لو مكانج أييب كل الأفلام الرومانسيه القديمه و الجديده *(اللي نهايتها سعيده طبعا) وأجابلها و أقرا أقرا أقرا وأسوي زوارة حق رفيجاتي مره بالأسبوع من الغدا لي تالي الليل وطبعا أطفح نوم أسوي كل اللي مو متعوده أسويه أو ماكنت أقدر أسويه قبل .. وشويتين الا اهما رادييين بجناط متروسه صوايغ وااااايد لج ضريبة تأنيب الضمير
نومة الهنا وأحلام وردية
---------------------------
* اقتراحات الأفلام :
sound of music
roman holiday
Notting hill
one fine day
kuch kuch hota hai
Pride and Prejudice
Mansfield Park
Persuasion
Sense and Sensibility
little women

Mamloo7a Q8ia يقول...

مثل ما وادعتي تلاقين يا استكانه
وعسى الله يردهم لج سالمين يا رب

صاجه ما ادري شنو الصله بين ضيقة الخلق ومركز سلطان
انا صايره روحتي له توسع صدري


حبيبتي لا تهملين نفسج
سوي فحوصات سنعه
وتطمني وطمنينا
قلبي معاج
:**


لما لا يدركون ان أرق الحب ترك من تحب على راحته؟

اي والله اي والله
حاسه فيج انا مريت فيها قبلج
والله لا يحرمج من احبابج
:)

-mate يقول...

عزيزتي استكانة

انظري إلى الجانب المشرق في كل الأمور، يمكن الإشراق يكمن في الوقت الأطول الذي يمكن أن تقضيه أكثر بينك وبين نفسك .. أقصد ممكن تمارسين هواياتك, تقرأين كتب ودك تقرينهم, أفلام ودك تشوفينهم, أعمال ودك تخلصينهم, شغلات من زمان ودك تسوينها .. يمكن ألحين مالك خلق تسوين ولا شيء لأنك مشتاقة لهم لكن بعد كم يوم راح تتعودين على الوضع وإن شاء الله تستانسين وااايد .. ولما يرجعون يمكن تقوليلهم: جان قعدتوا اسبوع زود
:))

ان شاء الله تجزر تجزررررر، وتستانسين بعد .. ها عسى إطلعت الرقية مو مالقة اللي طقيتيها؟؟ شكلها كانت شيرة بس صارت مالقة لأنك طقيتيها وازعلت
:)

وإذا كلش صكت فيك الدنيا، إخذيلك إجازة من الدوام .. وروحيلهم 4 أيام غيري جو. بس عسى مو وبعاد وايد

الله يشرح صدرك وايسر أرك أختي العزيزة

esTeKaNa يقول...

Enter-Q8
~~~~~~~~~~~~
يالله صباح خير
:P~
السؤال اللي يطرح نفسه:
البوست له وقت معين
:P~
اكتب بوست بالدوام تقولي اشلون
نكتب الفجر ما ايوز لك
واحنا الزم ما علينا بو وليد
متى تبيني اكتب بوست؟
تدلل

:P~

esTeKaNa يقول...

هند ~
~~~~~~
عسى ربي يحفظج ويفرح قلبج دوم
:)

esTeKaNa يقول...

Q80 Blogger
~~~~~~~~~~~~~
حياك الله
اصب لك جويهه؟
:P

esTeKaNa يقول...

maha
~~~~~~
صباحج مها
وصباح المها جمال من نوع آخر
:)
تصدقين انا كله كراميل مكياتو
شكلي بجرب الثاني اليوم على ضمانتج
:P
اشرايج بس بالخطط؟
جني مرايم بنت عبدالغني شربت
:)

esTeKaNa يقول...

عنيف
~~~~~
ياهلا ويا مرحبا
لا توصي حريص
انا سبع
:P~
اي هذي الفايده حق روحتهم
صوايغ
:)

esTeKaNa يقول...

alala
~~~~~~~
صباحج فل
:)
انا صايره جني خاله
كل شوي ادق شكليتو
وين رحتو
شسويتو
حنااااااانه
:P

esTeKaNa يقول...

ikhalifa.com
ّ~~~~~~~~~~~~~~~
صباح الخير
هذا اللوك الصيفي
برعاية الزين
:P

esTeKaNa يقول...

سبمبوت
~~~~~~~~~~
أكره الوداع
اشعر بالشوق
ولكني لا اشعر بالوحده
:)
اشعر اني مع نفسي
وانا في هذا التوقيت بالذات احتاج هذا الهدؤ
:)

esTeKaNa يقول...

ميمة السبيت
~~~~~~~~~~~~~
يا صباح الورد كله
اسم الله على قلبج يا الغالية
:)
لا الحمدلله انا بخير
وكاتبه بالبوست يوم عن يوم اصير احسن
:)
وي جان بخت تسيرين علي انتي وبنيتج
ترا انا قلبي هالوسع على اليهال احبهم
:)
عسى ربي يحفظها ويبلغج فيها عروس

esTeKaNa يقول...

I7na 3shagnaha
~~~~~~~~~~~~~~~~~
ياهلا وامية هلا
:)
الله يسلمج ماقصرتي
وعقب بو دشداشه خلاص حرمنا
:P

esTeKaNa يقول...

The Simper
~~~~~~~~~~~~~~
shukraaaaaaanL:)
انت اول من وصلي خبر انها نزلت
ما كنت ادري
:)

esTeKaNa يقول...

ARTFUL
~~~~~~~~~
يا صباح الورد بو شيخة
:)
عازمنا على الغدا؟
ماقصرت عسى عمرك طويل
خيرك سابج
:P~
وعلى كلمة الوالد المقصود منها:
ان ياما تحت السواهي دواهي
ناس ساكته وما تحجي وكل شي من تحت لي تحت
وناس واضحة لللي تحس فيه تقوله فهذوله ما ينخاف منهم
:)
والله يحفظك ويسعدك
ماقصرت

esTeKaNa يقول...

ikhalifa.com
~~~~~~~~~~~~~~
:)

esTeKaNa يقول...

أتيت متاخرة
~~~~~~~~~~~~~~
يمة فديت النتفة الجميييييل انا
:)
حرام عليج تزوغين قلبي عليه جذي
يضحك
وعيار
ويناغي
حياااااااااتي اسم الله عليه
:)
الله يحفظه ويبارك فيه
انا اموت على اليهال
فالحين انتي مسؤله عن عيوني اللي دمعت على وصفج
:PP~
باجر الايام تركض
يكبر هالبيبي
ويصير ريال
تشوفين طوله وفزته وتقولين اشلون كان صغير ويناغي
:P~
ويااا بعد قلبي انتي
جميلة مرة واحده؟
hehehehe
لا بس عقب الخرعه ماني رايحة بروحي
:)

esTeKaNa يقول...

الحــــٌر
~~~~~~~~~~~
وما أَضيق الحياة
لولا فسحة الأمل
:)
اختك استكانة متشبثة بالأمل اكثر من ما تتصور
وعندي يقين ستكون الحياة اجمل
:)
صباحك امل

U know WHO يقول...

ولا عليج أمر :)
تعليق حق لوير اذا سمحتي لي سووسوو

شنو دهن حواي النزهة العجيب شسمه ؟ تكفين عطينا الخلطات السرية
؛)

على فكرة.. لاتييبين ماي الورد صوب الحواجب ترى يقلبون شيب
؛)

بس خوووش فكرة ثلج ماي ورد

يعني فروزن قهوة بيضا
؛)

esTeKaNa يقول...

New Bride
~~~~~~~~~~~~
يا صباح الرقي والطيب كله
:)
سبحان الله البارحة فاتحة مدونتج واقرا سعادتج بزواج اخوج ودعيت بقلبي لج وله

وقلت:
هالانسانة عفوية بشكل مو طبيعي
تكتب احساسها كلمات بسيطة بس توصل
فرحتج له
فخرج بوالدينج
وسعادتج كانت نابضه بين الحروف
:)
عسى ربي يطرح بحياتج البركة ويسعدج ويرزقج اجمل من كل ما تتمنين
:)
تدرين؟
الكلمة الطيبه لها أثر بقلب الناس
اذا سمعت كلمه حلوة بحق احد احب انقلها له،واليوم تعليقج
واحساسج انتي وصاحباتج بالدوام
خله ابتسامتي من هني لي هني
الله يحفظكم ويسعدكم مثل ما اسعدني احساسكم فيني ما قصرتو
:)

esTeKaNa يقول...

قراءة في كف العشرين
~~~~~~~~~~~~~~~~~~~~
احببت وصف شهية اكثر من ما تتصورين
:)
نورتي مدونتي
والله يحفظج على الموقف
لو كنت مكانك سكته قلبية على طول
:P~

esTeKaNa يقول...

lawyer
~~~~~~~~~~~
الجميلة لوير
صباحج سكر
:***

تدرين؟
انا مستمتعه بالهدؤ
بالصمت اللي اعيشه بهالبيت
بس اي فراق صاير يمزع قلبي من داخل
اي سفر يضايقني
اي ناس يروحون يخوفوني
:(

تصدقين استانست وانا اقرا طقوسج
انا من زماااااااااااان ما اهتميت بنفسي،ولا بشعري
كل اموري ماشية على البركه
:)
وين اسوي اشتراك قولي لي؟
الدهن ما اتحمله صايره كلش
عووووووبه
:)

esTeKaNa يقول...

على نفسها جنت براقش
~~~~~~~~~~~~~~~~~~~~
يا صباح براقش
:)
looooooool
الحين هالحجي يعني يايز لج البوست ولا لا؟
:P~
القصة تينن
شكرا شكرا
:)

esTeKaNa يقول...

بخور السوق
~~~~~~~~~~~
يا صباح البخور والطيب كله
:)
إحساسك مثل اسمك
بخور يخترق القلب ويرد الروح
:)
شكرا على رقي احساسك فيني
شكرا على دعائك الجميل
وشكرا لأنك منحتيني منصب الاخت
:)
بعض الحب خانق
النية فيه سليمة،ولكن الفعل فيه يخنقك الله يحفظك ويبعد عنك الحب الخانق
:)

esTeKaNa يقول...

shakshaka
~~~~~~~~~~~~
يختي شنو هذا؟
عساج ما تنضلين
شنو هالحكم
:P~
الحين انتي بتزفين؟
فديت الويه اللي بيزف انا
انتي وينج وين الزف
انتي تدربحين له اغنيه على الماشي يعني بتزفين
:)))
الله يحفظج ويسعد قلبج
طمنيني عليج:
انتي زينه؟

esTeKaNa يقول...

glomhilda
~~~~~~~~~~~~~
صباحك سكر
:)
ياهلا بالغالية
لا لا ليس حسد
انما غبطة يا صديقتي
:)
وتعالي زوريني واستمتعي بالهدؤ
الله يحفظ لك اهلك وكل غالي عليك ويسعدك
:)

esTeKaNa يقول...

عثماني
~~~~~~~~
شكرا لطيب امنياتك
ولك بمثله
:)

esTeKaNa يقول...

فريج سعود
~~~~~~~~~~~~~
بس قريت اني كاسره خاطرك
جان اكسر خاطر روحي زياده
انا بالايحاء
:P~
فريج ذكرتني باخوي
كل ما دش دوانية خم كل اوراق المطاعم ويابهم لي
لا بللله لا طبنا ولا غدا الشر
يردون الا انا عرض الباب
:P

esTeKaNa يقول...

BeeDoO
~~~~~~~~~
looooooool
ليش مجرمه ليش؟
:)

esTeKaNa يقول...

هند ~
~~~~~~~
الله الله
يا زين كلمة غاوي
كلمة جميلة
:)
استمتعت وفرحت باستمتاعك
كان بخاطري كل يوم دايري جديد بس خفت عليكم من الملل
شجعتيني
:)

esTeKaNa يقول...

إيلاف
~~~~~~
وشكرا على وجودك المشجع على البوح
:)
الله يسعدك يارب

esTeKaNa يقول...

Nikon 8
~~~~~~~~~~
ياهلا بشيخة دار عزيزه
الحمدلله على كل شئ
الانسان يساعد نفسه
ويوم ثم يوم الامور تتحسن
:)
وتصدقين؟
شكله ممن يتبرعون في تصليح البنشر وجبر كل القلوب المكسورة
لكن لا اكثر من ذلك
:P~
الله يسعدك

esTeKaNa يقول...

مطعم باكه
~~~~~~~~~~~~
لا لا
لو كنت اشتكي وحده البيت
لكنت رحلت لأقرب بيت من اقاربي
انا مستمتعه
ولكن ما يؤلمني فراقهم وفكره الرحيل
:)
اما افكارك فهي عجيبه
من الصبح وانا افكر فعليا في اخذ اجازه
:P

esTeKaNa يقول...

بـوح الصمـت
~~~~~~~~~~~~
يا هلا ويا مرحبا بأجمب بوح للصمت
:)
سعيده انا بسعادتك واستمتاعك بكلماتي
ابعد الله الدمع عنك وادام بالفرح ابتساماتك
:)
الله يسلمج من كل شر
ويبعد عنك كل حب خانق
:P

esTeKaNa يقول...

ray
~~~~~
فجأة بعد تعليقك حسيت ابي ايس كريم
من ذات المكان اللي تشترين منه
:P~
انا صايره بالايحاء
:)
عليج بالعافية

esTeKaNa يقول...

الخيلاء
~~~~~~~
وي وي
فديت البرطم انا
لا كل شي ولا انتي
مرة ثانيه البس البوست مبجر واخليه اييج قبل الناس
:P~
اي والله حعمل حفلة
looool
ترا العاده بس يسافرون البيت ما يفضى اقلبه دوانية بنات
بس هاليومين المود لج عليه شوي
:P~
واي زوقه اللي تضيع البيت
يختج ندوده
سنعاااااااااااات بالزمن الضايع
:)
رحت ما لقيت النقصه
بس واصله واصله
:)
وااااي الحين ابي بمبكن
من وين
:(
لا تيبون طاري الاكل الصبح رجاء
:)

esTeKaNa يقول...

mellow
~~~~~~~~~
اشتقنا يا حلو اشتقنا
:)
صباحج سكر
ولهت عليج من غير شر
:)
الله يحفظج ويحفظهم وتروحون وتردون بالسلامة
صاجة انا بيني وبينج قاعده اسوي الاشيا اللي ما اقدر اسويها وهم هني
حدي مستمتعه
:)
وان شاء الله يرد لي مود الكتابة الي يعجبج وترد البوستات فرايحية
بس عطوني وقت شوي يتعدل المود
:)

esTeKaNa يقول...

عفره
~~~~~~~
آمين يا عفرة آمين
:)
حياج الله

esTeKaNa يقول...

مَـــــعْــــمَــــعَـــــه
~~~~~~~~~~~~~~~~~~~~~~~~~
يا هلا ويا مرحبا بأخوي معمعه
:)
الهدؤ ومصاحبة النفس امر ممتع
كل ما اتعبني فكرة رحيلهم
صايره اخاف احد يروح
:)
المكان عجيب
الله يحفظك ويهنيك ،تمنيت فعلا ان اجرب المكان وحدي،ولكن خبرك السلطات العليا والحكومه تمنع على بنت بعمري تعيش هذه التجربه الممتعه
بس لازم ادبرها بمصاحبة احد
:)
وبكل الاحوال ندعي لك من القلب:
الله يحفظك ويسعدك ويرزقك اكثر من كل ما تتمنى
:)

esTeKaNa يقول...

U know WHO
~~~~~~~~~~~~~~
ياهلا وأمية هلا
:)
مو زعلانة على فضاوة البيت من غير شر
نااايمة
ومتشرقده طول الوقت
!!
بس لما راحو تكدرت
صايره اخاف احد يروح جدامي حمدلله والشكر
:)
تهقين اسوي حفله؟
لوووول
تصدقين جني اقتنعت
الله يستر
:P

esTeKaNa يقول...

candle
~~~~~~~~~
يا صباح الماسكات والخلطات
:)
زبيده؟
الله يا زينها من حجوة
داا حلمنا طول عمرنااا
:P~
لما قريت تعليقج وخصوصا هالجملة:
بس أنا من الناس اللي عندي قناعه تامه ان كل شي يصير بتوقيت معين له ميزاته اللي لازم نكتشفها
:)
قلت بقلبي سبحان الله
هالبنت ما تعرفني
بس فعلا فكرتي بالضبط بالشي اللي افكر فيه
بهالتوقيت بالذات
انا اول مرة احتاج اكون بروحي
:)
وكل الاشيا قاعده تتابع بتوقيت معين
ويكون فيه حكمه سبحانك ربي
:)
شكرا على قائمة الافلام
بكتبهم واعطيهم اخوي اليوم
:P

esTeKaNa يقول...

Mamloo7a Q8ia
~~~~~~~~~~~~~~~
يا صباح الملح كله
:)
الله يسلمج يا الغاليه ما تقصرين
ويا زين مركز سلطان
انا يمكن يعطوني ببلاش من كثر ماحبه
:P~
ولا تحاتين الصحة
هاليومين اللي طافو التعذية ما كانت ذاك الزود بس الحين انا زينه
وبصير احسن ان شاء الله
:)
الله يحفظج ويسعد قليبج

esTeKaNa يقول...

mate
~~~~~~
ياهلا ويا مرحبا باخي العزيز
:)
انا مستمتعه بالهدؤ
بمصاحبه نفسي
بالسوالف بيني وبين نفسي
وبكتابة البوستات يوم وترك اذا مو يوميا
انتو بس الله يعينكم
:P~
بس كل مافي الامر اني ما احببت فكرة الوداع،صاير قلبي ارق من الورق
تألمت لمشاهدتهم يرحلون
جني ياهل
:)))
الرقية
ما شريتها للاسف
:P~
وخوش افكار
سوف يتم التطبيق


حيالله اخوي

esTeKaNa يقول...

U know WHO
~~~~~~~~~~~~
يعني اخرتها يصير بلوقيحق الخلطات السرية ودهن الشعر والخلطات
:P~
تصدقين وايد ناس سئلوني
ومنا الى الاستاذه لوير خبيرة تجميل الشعر والبشره والكراعين
:P~
وصج يصير شيب؟
يمممممممه
اشوة قلتي لي
وراي مستقبل
بعد ينقلبون شيب
مو خوش
:)

mtfa2el يقول...

الحين تصدقين يتني فكرة

أخذيلج دعاية من ليبتون على صورة الشاي فوق
يومياً كل ما أدش أشوف الصورة أشتهيلي شاي سنقيل .. يعني ليبتون اربحوا من بلوقج .. شوفي جم واحد شاف صورة الاستكانة و شربله شاي عقلها
بس ها انا قلت الفكرة يعني الأرباح النص بالنص
:p

قولي تم