السبت، يونيو 13، 2009

يا ماشي درب الزلق

من يقول الكويتين ما كان عندهم بعد نظرة؟

شوفو حسين ويا اول مشاريع البي أو تي ،بيشتري الاهرامات ومعاهم دعاية،منقرع وخفرع وحب قرع

LOL

..

..

في كل البلادين تلقى الطيب وتلقى الردي

واي احب ويه سعد الفرج وهو يتعبر مشتط مشتط ويقول حكم بعد يا زينه

..

..

وأنا قلبي لك ميال...وما فيش غيرك على البال

أنت وبس اللي حبيبي....مهما يقولو العزاااال

!!

هذي الرومانسيه ولا بلاش،ياربي تقتلني ركضة قحطة وسدحته مستحي

LOL

شوفو الحب الحب:

اول واحده قالت له نورت مصر يا بيه حبها،شوفو طفاقه حب اول واعليه

يا بعد قلبي قلبك يا قحطة،وعبدالجليل يدور ابناء الكويتين في مصرهذيله كلهم ابناء قحطة

قحطة لقى نصف قلبه بالنيل

:pP~

المقوع الشرقي:

شوفي اذا الكويتي تزوج اجنبيه غسل المواعين،ولو متزوج كويتيه حذفها بالصحون

:Pp~

اييه يا النفيسي:

اذا ما تستحي العب على ما تشتهي

.................

شوفو سعد الفرج ولهان على صالحة،هذاك الحب على اصوله ،لو سعد عنده انترنت وبلاك بيري وبلا بلا

جان ما ظنتي وله

:pP~

.....

صار لي يومين مجابله درب الزلق،ومعلقه ببالي أغنيه عرس قحطة:

وعلى بلد المحبوب وديني ..زاد وجدي والبعد كاويني

يختي أناقه قحطة ذباحة،شوفو ويهه سعيد سعيد

:Pp~

هذا بوست بو يوم بو يومين

تالي نرد للبوستات ان شاء الله

:)

هناك 36 تعليقًا:

Mohamed Anwar يقول...

شكراعلي مجهودكم الرائع
http://24all.blogspot.com/ http://pc4all2all.blogspot.com

ikhalifa.com يقول...

لاحظتي أن بو صالح و سعد متبادلين بالجاكيتات
:D

آخ يا استكانة ما تقلبيش المواجع
لا فايد الانترنت و لا فايد البلاك بيري
خسر فلوس و وقت و ياليت نابنا من الحب جانب

:(

Enter-Q8 يقول...

ليش اهو اكو كويتية تغسل الصحون هالايام الا اذا كان صحن بيض عيون مسويته حق هالمسكين و الا ولدها تالي الليل حكه اليوع ومافي مطعم بو مية فلس و دبلها مفتوح

اشوفكم شانين حرب انت و مقوع هاليومين

Q80 Blogger يقول...

شطاري عليج !!!!

هههههه


بعدين ليش تلومين قحطه .. !! في ناس تحطمو بالحب من نظره
هذا قالوله جمله كااامله
يعني معذور
بعدين تره قبل نظرتهم للمصريات مثل نظرت الكويتي حق الانجليزيه هالايام

فلا تلومينه
:)

jonoon 3aqel يقول...

ايييييييييه
هذي المسلسلات و لا بلاش...

انا سمعت انهم كانوا يمثلون بدون بروفات..!! صج؟
يعني يقرون النص..و يا الله..أكشن و تصوير..

ما تكلمتي عن حب
بو صالح و فضة :)

تحياتي

esTeKaNa يقول...

Mohamed Anwar
~~~~~~~~~~~~~~~~~
مجهودنا الرائع؟
عشتو
:Pp~
العفو حياك الله

esTeKaNa يقول...

ikhalifa.com
~~~~~~~~~~~~~~
اي هذي كشخه مصر لو سمحت
LOL
وييي يارك الله يا بن علي
مالك الا السطح مثل سعد
:pP~

esTeKaNa يقول...

Enter-Q8
~~~~~~~~~~~~
انت الناطق الرسمي باسم رجال الكويت؟
:Pp~
والله والله يا بو وليد في
صج انهم فئه قليله وقابله للانقراض بس في
انا اغسل صحون بس مو بالكويت بالسفر بس مادري ليش
:))
بعدين احنا نقدر نشن حرب؟
افا عليك بس
أنا ما يبت شي من عندي
انت ما شفت قحطة يغسل ويغني ؟
:))

esTeKaNa يقول...

Q80 Blogger
~~~~~~~~~~~~
ياهلا ويا مرحبا
انت شفته وهو يكلم النفيسي؟
يعور القلب
يقوله واهي اهي حبتني
ههههههههههههههههه
صاج والله ترا اول الافلام مسويه شغل عبالهم كل المصريات سعاد حسني
:pP~

ReLaaaX يقول...

loooooooooooool


حسبي الله على ابليسج


شطاري عليج ؟ ;p


اضحك الله سنج على قولتهم ;p

esTeKaNa يقول...

jonoon 3aqel
~~~~~~~~~~~~~~~
ياهلا ويا مرحبا بالجنون العاقل
:)
انا اللي اعرفه كان في كثير من المشاهد يصورونها مباشره ويبين
خاصه بمسلسلات اللي جمعت حسين وسعاد عبدالله،سعاد كانت بأحيان كثيرة تضحك ويبين انها تضحك
:))
انا بس قلت على هالمشهد
ولا المسلسل ما يكفيه بوست


حياك الله

I7na 3shagnaha يقول...

يا زينها من أيام
:))

MFTELET يقول...

اخخخخيه ,,, الله ياللعن الحبواسنينه , احنا شنو ضيعنا غير الحب

الله كريم

4 يقول...

بدااايع هالمسلسل

يعطيني احساس بذاك الج لما كانت الناس قلوبها نظيفة وعالفطره

يا هنية من زمن

Nikon 8 يقول...

معظم مسرحيات ومسلسلات قبل تنبأت باللي يصير حاليا
:
كاميرات مراقبة خالتي قماشة بالبيوت
حق المرأة السياسي
والتمني بان الكويت بتصير مئة طبقة وهذا فكرة مشروع عالميا موجود على ورق ولكنه لم ينفذ حتى الآن
تحياتي
:)

charisma يقول...

واااى شفتهم كلهم هههههههههههه
يختج هالمسلسل ما ينمل ولا ينشبع منه فى سر عجيييييييييب كل مره تشوفينه تضحكيين جنج اول مره تشوفينه
يا حلوهم وياهلو ايامهم

:*

ريــــــانــه الـعـــــود يقول...

لووووووول يا حلاتهم والله

هالمسلسل على كثر ما نشوفه ما نمل منه

:)

يعطيج العافية استكانة بوستاتج عسل مثلج ;)

أبو الدســتور يقول...

أول مرة تحطين فيديو بالبوست

تغيير حلو

monshg | مُنْشَق يقول...

هل كيف المزاج درب الزلق

:p

ميمة السبيت يقول...

اه يازمان راح ما ينقاس في هالزمان الشيييين و شرووووره

حتى مسرحيات اول و مسلسلات اول غير والله ليلحين اذا شفناهم نضحك حتى قبل لايقولون الجمله من كثر ما احنه حافظين المسلسل و للحين اذا حطوا نتابعه جنه اول مره نشوفه

اما الحين كل شي ملييييييق و ماله طعم

المقوع الشرقي يقول...

استكتنه
لووووووووول
من صجج
عندنا ايدهم عليها نقش الحنه
ههههههه
اي والله جان حذفها بالصحن
ابا الوليد
لا تلومنا
الرياييل من ياخذونهم
يتخدون
وعلى قولت استكانه
يغنى
عسل على قلبه
هااأها
يبنا شى من عندنا
:)
يهاهيل هالوقت من يتناصف الليل حكهم اليوع
قبل احناالعشا 9
واللى ما ياكل ينطر الريوق
:))
كله بكتر ورشدى بكتر
على قولت النفيسى
ريال حاشمنا كارمنا لحيتن غانمه ريالن طيب
تويهو فيه يخطب
وجبسو فيه
عواد
لوول
مساكم عسل

الجـــوري..كـــلام الصمــــت يقول...

لوووووووووووووووووووووول

بدعتي موو صج :P

غبرره غببرره :p

بسس والله انه مسلسل ولا ارووع :)

ثانكس حبيبتي :)

ولد الديرة يقول...

من احلى

نبوية

والا

صالحة

؟

Sweet Revenge يقول...

ااالله عاد من مسلسلاتي المفضله
عجيب
هذا بوست تكزورة لي البوست الياي
وانت وبس الي حبيبي ;)

Barrak يقول...

كل شي قبل كان حلو

المسلسلات جميله
الأغاني جميله
الناس جميله
الأناشيد جميله

والويوه شاتره

حلوه شاتره

اللحين ماكو شي يونس


اللهم بوستاتج

ARTFUL يقول...

درب الزلق هذا المسلسل اللي ما امل من شوفته

!!!

ولازلت اضحك على القطات

!!!

اخوك يشتغل

-----

ابيها نبوياااه

والله ابداع بمعنى الكلمة

واغنية على بلد المحبوب من اجمل الاغاني اللي وانا صغير اسمعها واستمتع بصوت الحريبي

بس من فترة قصيرة عرفت انها اغنية للست ام كلثوم غنت في فيلم قديم

ونزلت فيها بوست

اللي يضحكني بالعرس مهو لبس قحطه

لااا

اللي يضحكني ثقة قحطة بلبسه وكشخته ورزته

;D

تسلمين

هنوفي يقول...

اول شي باركيلي على النيولوك :)

بعدين شطاري عليج درب الزلق واااي ضحكتيني ياحلو قحطة بهالمسلسل كان يموتني من "الضحج" على قولة يدتي :) بس بعدين صار مليق الله يرحمه

عنيف يقول...

خووووش بوست الواحد مل من السياسه والطنازه على السياسه الواحد يرفه عن نفسه شوي على الاقل بذكريات الماضي الجميل ايام الممثلين المخضرمين

ما اقول الا الله يصبرنا على مسلسلات رمضان الياي الي تفطر الواحد قبل الفطور

Q8EL5AIR يقول...

ولا سالفة الجواتي الي يايبينها :)

لووووووووووووووووو ل :)


ولا سالفة المطعم الي بظرف شهرين ينقلب فندق :)


لا موصج :)


ابدع ما انتجته الشاشة الكويتية :)



وتحياتي ..
ويسلموااااااااااااااااااا :)

esTeKaNa يقول...

ReLaaaX
ّّ~~~~~~~~~~
ضميري مأنبني كله أعور قلوبكم
:Pp~
عسى دوم الضحكة
:)

esTeKaNa يقول...

I7na 3shagnaha
~~~~~~~~~~~~~~~~
اي والله يا زينها
:)





MFTELET
~~~~~~~~~~
hehehehe:))
يارك الله
الله يبرد قلبك قول امين
:)





4
~~~~
نفس احساسي
يا زينه من زمن
:)





niokn 8
~~~~~~~~~
صاجة والله
توني انتبه لكل هذا
عندنا بعد نظرة
:)
حياج الله

esTeKaNa يقول...

charisma
~~~~~~~~~~~~~
يا عسى الضحكة دوم
السر يا حبيبتي عفويتهم
صدقهم
خف طينه صجية غير مفتعله
وانهم كويتين مو مادري من وين يايبينهم ويمقطون الحجي غصب
:))







ريانة العود
~~~~~~~~~~~~~
يا مسا العسل كله
:)
الله يعافيج حياج الله






ابو الدستور
~~~~~~~~~~~~
مسويتها من قبل حاطة ليلى والذيب
بس يمكن نسيت
:)
شكرا على التعليق اخي العزيز








منشق
~~~~~~~
مزاج استكانة توقع منه غير المتوقع
:)





ميمة السبت
~~~~~~~~~~~~~
صاجة
بس ليش ليش؟
شصار فينا
ليش فقدنا الضحكة والمتعه بكل شي
:(

esTeKaNa يقول...

المقوع الشرقي
~~~~~~~~~~~~~~
ههههههههههههه
شفتي رشدي
اهم شي كشخة قبل ترا متعوب عليها
:)))
اشوة انج ييتي
كنت محتاجة امداد خارجي ابو الوليد كان بيحذفني بشي
:Pp~
حيالله المقوع الشرقي والله
تنور كل البوست

esTeKaNa يقول...

الجوري
~~~~~~~
صج غبره
بس يضحك
:))
حيالله الجوري







ولد الديرة
~~~~~~~~~~~~~
هذا بيكون موضوع رساله الماجستير ان شاء الله
:p~






Sweet Revenge
~~~~~~~~~~~~~~~~
اهديج اغنيه على بلد المحبوب وديني
:pP~
فعلا بوست تكزوره
ضحكت وقلت نضحك كلنا
مو بس اعور قلوب الناس
:))

esTeKaNa يقول...

Barrak
~~~~~~~~~
هههههههههه
شكرا يا براك
حسيت البوست شاتر
صج احب هالكلمه معبره
:))
مساك الله بالخير
سلامي الخاص لخشيم الفار حفظه الله ورعاه
:pP~







ARTFUL
~~~~~~~~~
loooooooooooooool
صح صح
اهو حيل واثق باناقته وهذا اجمل مافي الموضوع
:Pp~





هنوفي
~~~~~~
بكت عليج نون
حسيت ابي ايبب
:))
يا فرحتي باللوك الجميل
الحين اكتب بوستات وانا مرتاحة
قبل وايد احاتي اللي اعزهم واتحرى تعليقاتهم ولا اقراها

حيالله الهنوفي نورت البلوقات كلها
:)

esTeKaNa يقول...

عنيف
~~~~~~
ياهلا ويا مرحبا باخي العنيف
السؤال:
ليش ما نعرف نستمتع باللحظة؟
:))
انت اضحك الحيييين
ولي رمضان سكر التلفزيون واحقر المسلسلات
:))
حياك الله نورت البوست








Q8EL5AIR
~~~~~~~~~~~~
LOOOOOOOOOL:)))
المسلسل كل شي فيه جميل
ذاك الزمن الجميل عسى ربي يعوده
:)