الأحد، يونيو 07، 2009

انصهار المخيخ

في داخلي زحمه:

أفكار تدز أفكار
أفكار تركض،أفكار تتكوكس،وافكار مسويه وقوف على الرأس

وأخرى تفتر

وأفترررررررر

أمسك يد فكره وامشي معها اسمعها وقبل لا اقرر الارتباط بها
تسحبني من يدي فكرة أخرى وترفس الفكرة الأولى
هل تغار افكاري من بعضها؟
ام ان كل واحده تريد ان تثبت لي جدارتها؟

..

..
في داخلي حفلة:
احلامي ترتدي فستان كشكش،يدور
تدور وتتراقص على صوت أمنياتي
حلم من احلامي يرقص...قتنقز خصره فكره
يناظرها
يستحي الحلم من نفسه،يخفض عينيه الجميله
يتكتر ويجلس
يا كرهج يا فكره
خلي احلامي ترقص

اه لو تدرين يا فكره انا شكثر تعبت من عقلي ،من تفكيري بكل امري

خلي الاحلام تعيش

خليها وموتي عقلي
.
.
..
في داخلي خوف :
يجلس بزاويه بعيده،متكئ على الظروف ومشاعر قديمه
عيون الخوف عيون حادة
تناظرني من بعيد،فأخاف واعترف له :
اتصنع الشجاعه وانا في داخلي خايفه،ابتسم واثقه وقلبي يرتجف

تعز علي نفسي ،وانا اعلم بما فيها


!!
فيحتضني الخوف بحنان ،معاكسا طبيعته بعدم الأمان
يأخذني ويخبئني داخله،يكذب واصدقه
من قال اننا لا نعلم بأنهم يكذبون؟
نعلم ونكذب على انفسنا ونقول انهم صدقو وهم يكذبون
.
.
.
فساتين ملونه
وكتب،فلسفه،دستور،و اقتصاد
عمتي تزعل على قطع زياره الأحد
ومواضيع العمل لم تنتهي بعد
وصوته يرن في أذني:
انتي فقط من تحددين مسارك
والنجاح يحتاج جرأه ويبدأ بخطوة

وخاطب في الوقت الضايع من حياتي بين الشوطين
!!
وأمي تسئلني:
حلو الشيفون البنفسجي؟
.
.
.
تجاوزنا منتصف الليل،المزاج :
رقي ومتابعه الانتخابات اللبنانيه
انا واعصابي المشدوده نتابع الانتخابات مشتطين،وفي عز متابعتنا للنتائج السريعه التفتت لي اعصابي مستغربه:
استكانة انتي امج اسمها نورما ولا ابوج سعد الحريري؟
رابيه بجبل لبنان ولا بسكيك الكويت
انتي شكو
!!
اقصص بعض الرقي لأعصابي واتجاهلها مكمله سهرتي مع الانتخابات اللبنانيه ، لا احبني حين اتجاهل شئ ولكن بعض الأمور في الحياه تحتاج ان تتجاهلها وتحقرها وتحقر نفسك ايضا

..

..
أحب الرقي،واتمنى الرقي يبادلني مشاعري،بارد وطعمه لذيذ
تدرون الرقي شئ خطير؟

كيف للرقي ان يحتضن حراره قلوبنا ويبردها علينا؟
كيف يعلمني الصبر:

مرة أكله دون حب،واحيان اخرى ينسى في قلبه كم حبه سوداء ليعلمني الصبر
رقي وبنت بعد منتصف الليل؟

أعتقد الوضع غير رومانسي

اتمنى ان اكتب شئ جميل رومانسي بعض الشئ،ولكن المزاج لا يساعفني

..

..

..

الساعه الثانيه فجرا:
وصلت لمرحله اني اسمع اطفال قلبي المشاخيط يركضون في بالي رايحين ورادين
أهيعو فضحتونا انت معاه
اطفال قلبي رغم ازعاجهم احبهم:
ببساطة هم انقى من عرفت،لا يجيدون التلون،ان احبو شخص احبوه بوجوده وغيابه
وان تحفظو بحب شخص،لا يكرهونه،ولكن يبتعدون ويتركونه وشأنه
..

..

ومع اقتراب الفجر بدأت اسمع صوت سباق سيارات وناس تشفط في مخي
تشفيط وفي قول آخر تفحيط،متى تتوب افكاري عن التفحيط؟
مرة تابعت برنامج كامل بعنوان:
توبة مفحط
لا اعرف لما اتابع اشياء مالها داعي احيانا ،اعتقد انها نوع من انواع الهروب التي امارسها
فيني طبع غبي،اذا كنت مشغوله جدا وامامي مثلا اربع مشاوير الحل؟
انزوي في سريري واكذب على نفسي واقول اني نائمة

أواكتب بوست
!!
بخاطري ازفني،أو احد يتقدم للمنصه ويزفني
......
على فكرة:
كيف تتخلص من أغنيه تحوس في بالك متغلغصه مابين افكارك واحلامك؟
بساطة،تربع هنا وغنها هنا:
وكل أمرن سهل من دون الوداع،كيف انا بودعك
بعدما قد شاع لك حبي وذاع ،في الحشا مستودعك
فيه لك اغلى مكانة
وهالله هالله بالأمانة

يوم أمنتك في قلبي..هالله هالله بالأمانة

أفكاري وأحلامي وقليل من أمنياتي مع بدايه هذي الأغنيه بدأو بالشربكه
وواحدة من أفكاري تزفن

أنا ما كنت ادري ان افكاري تزفن ،بصراحة هل هناك من له افكار ترقص وتزفن غيري؟
ّ..

..

اشفيني اليوم؟:(

في مشواري هذا الصباح لم اجد موقف قريب،توقفت بعيد ومشيت بالشمس لمده ربع ساعه تقريبا من الساعه الثانيه عشر والنصف الى الواحده الا ربع تقريبا،كنت امشي وأشعر بأن الشمس اخترقت ملابسي،راسي ،حجابي،تعدت شعري وصلت لرأسي وبدأت تذوبني وافترت الدنيا فيني
نعم...هذا الصباح انصهر مخيخي والله حفظني


شاءت الأقدار يا زين الطباع في فؤادي تطبعك
اذكر الماضي وحسك من ضياع
قلبي ما بعد ضيعك
قد حفظ عهدك وصانه
هالله هالله بالأمانه
ويوووووم أمنتك بقلبي

هالله هالله بالأمانة
....................................

تسلئني فكرة رقيقه،ترتدي حريرا ازرق:
استكانة في بنت تالي الليل تغني هالله هالله بالأمانه؟
كنتي قمة بالرقه علامج تحولتي مهري؟ هذا بوست تواجهين فيه مجتمع؟


وقبل ان اجاوبها يقوم احد اطفال قلبي المشاخيط ويشربك بصحبه ربعه
وتفل احدى أحلامي الهيلقيه شعرها وتراقصه :
وأنت محبوبي بحق وبلا نزاع
من يدي ويش ينزعك ؟
بعت لك حريتي اللي ما تباع دوم تمشي واتبعك
أنا
مفترق منك بنانه
وهالله هالله بالأمانة

هل شعرت يوما بأن قلبك وحبك أمانه؟

...

لم يرد علي احد

التفت لاكتشف هناك من حضر

.

.

حضرت فرقه التلفزيون لتكمل سهرتها في ليل افكاري
وتشرقدت أنا بانتظار ان تهدأ اللويه في داخلي

~~~~~~~~~~~

ثلاث ايام بلا نوم

استكانة تعبت من التفكير والسهر والليل

تيقن ان كل الأمور تهدأ وكل شي سيكون خير

بس:

استكانة شويه تعبانه

:(

هناك 42 تعليقًا:

Q80 Blogger يقول...

أبادلج العشق في تلك الفاكهه اللذيذه .. الرقي

:)

maha يقول...

استكانتي العزيزة

شهالتوتر ريلاكس

اخذي نفس عميق

على زحمة الأفكار

استكانتي مبدعه

لسان حالج يقول

قالت من انت وقلت مجموعة انسان ....
من كل ضد وضد تلقين فيني

فيني نهار وليل وافـراح واحـزان ....
أضحك ودمعي حاير وسط عـيني

وفيني بداية وقـت ونهاية ازمان ....
أشتاق باكر واعـطي امـسي حـنيـني

إلى البيت اللي يقول فيه

اما عرفتـيـني فلاني بزعــلان ....
حـتى انـا تراني ... احـترت فـيني

سلامتج من انصهار المخيخ

QiYaDiYa يقول...

سلاااامتج من التعب ;**


يمكن انا قاعدة اعيش نفس الحالة حاليا !

على الاقل انتي جابلتي شي قاعد يصير !
انا سهرتي اليوم ..
دشيت يوتيوب
ومادري ليش كتبت تلفزيون الكويت!


و قعدت اضحك على ايام اول !!
ما يبقى افتح يا سمسم
ما بقى برامج قديمة
ما بقى فرقة التلفزيون
و يا نواخذ اخذنوني معاكم !

الى ان وصلت اني قاعدة اطالع افتتاح تلفزيون الكويت سنة 89
و اسمعها و اهي تقول
في تمام الساعة المادري جم النشيد الوطني
و مادري متى نشرة الاخبار
و اقعد اضححححححك و اكركر بنص الليل على شي ما يضحك كلللش !! ;s


و بالنهاية
وصلت اني قاعدة اسمع
الورد الورد و الزهور !
و كرة الارض تدور !!

ليش ليش ليش !!

مادري!!

;p

و فوق هذا وراي قعدة من الصبح
لازم اتجهز للانصهار !!
الله يعين ;s


كملت السهرة و انا اقرا بوستج الانصهاري ..
مت ضحك و انتي توصفين افكارج !
قاعدة احسهم صج !! ;p


يمكن كتبت بوست كامل عندج ؟ ;p

esTeKaNa يقول...

صباح الرقي على الجميع
:))
انا زينة بس الحفله كانت ساهره وحافله
والحمدلله افكاري
واحلامي
وكلهم نامو
وأنا حارس الأمن للحين قاعده
:D~

الزين يقول...

لووووووووووووووووووووووووووووول

يا علج العافية

من صباح الله خير قاعده اكركر بالمكتب

دخل علي احم احم طالعني بريبه

يمكن على باله استخفيت

اقول لج اكركر ودموووووووع


شفته جان اطخ

استحيييييييت

صباح الطينه العسل والدم الأعسل
والسنع والأفكار المشاخيط
وخرابيط تالي الليل المغمسه برحيق الرقي البارد

وترى مو بروحج تحبين الرقي
اكو وحده عندي بالبيت مسمينها مدام رقي

تعشقققق الرقي وتبيه صيف وشتا

الغريب بالموضوع امس مسيو قوري يسألني زيون هانم انتي عندج رفيجة اسمها استكانه!!

ضحكت وقلت له ليش مستغرب
مو انت اسمك قوري

لوووووووووووووووووول


السالفه طويله ويبي لها قعده


عجبني البوووووست
حبيته من اقصى اقصى اقصى قلبي

:***

وما انلام لين حبيييتش

أبو الدســتور يقول...

هههههههههههه

حلوة سالفة الرقي

ترى حتى انا من عشاقه

glomhilda يقول...

صباح الفروالة والحنين

الحمد لله أشوة انهم ناموا..لا تصحينهم

يا كرهي لزحمة الأفكار...لا شرطي مرور ولا اشارات توقفهم


نامي يا حلوة نامي
راح أهديكي أحلامي
تمرق الأيام الصعبة
وتقومي بالسلامة

(المزاج لبناني) ^_^



بالسلامة يا استكانة :*

ميمة السبيت يقول...

ابيييييييييييييييييه حدج بدعتي

مت من الضحك .. خاصة عالزفان من وين يايبه زفان لوووووووووووووووول

و احلى شي لما وصلوا فرقة التلفزيون ياحافظ جان عزمتينا نزفن معاج

صباح الورد عالورد

ARTFUL يقول...

صباح الرقي

ولا نتشارك بهذا الحب يا اختي

ما تصدقين شكثر اعشقه

كل بين فترة وفترة ابوق شوية رقي من بيتنا حق شقيقتي انا ومرتي

واجابل الرقي تالي الليل

ابرد على جبدي قبل لا انام

الللله هالغناية قريبة على قلبي

الله الله بالامانه

شعور الحب بالامانه يحملك حمل ثجيل اذا
انت ممن يعرفون قيمة الامانه

تصدقين من كثر الافكار اللي في بالي

ماني قادر اسوي شي

لازم اقعد وارتب افكاري

!!!!

تسلم ايدج على الكلمات الجميلة والتفكير الأكثر من رائع

الله يرزقنا

;p

على فكره اخيتي

يايبين طاريج بآخر صفحة بالقبس

;p

نون النساء يقول...

افكارج يبيلهم خيمة بالمطلاع
وحطيهم بالحر من غير تكييف


ماراح تسمعين لهم حس تاللي الليل نهائياً



:P




وعلى فكرة ترا الرقي بياع حجي
وعينه زايغه
ههههههههههههههههههه



يا صباااحه اللي يبرد على الجبد

chandal/danchal!! يقول...

الله حفظ خشمج من الانصهار

جان صرتي أم الهول!

:p

البركة بالرقي

اجتماعي يقول...

أنصحج بالرقي مع عصير سانكيست
:)

جربي هالوصفة .. وشوفي أفكارج شلون بتسكت وبتنام

نوعا ما ضعت .. بس إستانست بالقراية
:)

الخيلاء يقول...

سلامتج من التعب
:)

و ينهم اعيالج المشاخيط خليني اابدهم لج من يصير الساعه 9 يحطون روسهم و ينامون .. عشان انتي تهيعين عقبهم و تنامين

:
:

صج استكانه انتي شكو بالانتخابات اللبنانيه
;D

:

وهالله هالله بالامانه

:

انا افكاري اكثر هلاقه من افكارج انا يرقصون بداوي اذا شفتي افكار تردح مع افكارج عرفي هذيل افكاري لول

:

BornConfuzed يقول...

كله صوب و أنا أحاول أفهم ليش الرقي
بارد صوب.

عبالي قصدج رقي يعني كلاس طلع رقي يعني يح (أو جح بقلب الجيم ياء)

مادري شو يالسة أخربط، شكله الحر صهر مخي أنا بعد =)

terkwaz يقول...

استكانه تدرين الشمسيه احسن اختراع لجونا بس مادري ليش اذا احد شايلها الناس قامت تطالعها
بللاااغه شف

مره ثانيه خلي معاج شمسيه والبنكه الصغنونه المجكنمه عرفتيهااللي تشتغل بالباتري الازرق =Pp

مو زين لا سمح الله طحت غشيتي بضربه شمس


امبيه انا ليش حاسه اني عيوز متربعه وقاعده اداحرج @_@

ماعندج افكار فاله الشعر وتلفح
وافكار ثانيه تعرض بالسيف ;D


الرقي:** ما يصير غداا بدون رقي
حتى لو كان موجود بس على السفره
ياحلوه وياحلو الوانه

ويمه شويه عنب وموز وتفاح

لوول حدي يعت
...


انتي هالله هالله بالامانه
انا عوافي جانه تغير
لا اغني المقطع وارد على عمري يعني كورال لوول


و سلاااااااااااااااامتج من التعب :))

RoOra يقول...

LOOL
ahm shai ale yzfen oO ale falt sh3rha ;P


leeH saket oO bda5leeK z7mt 7ake ;P galtha nawal bs entai mshalah 3lech mo sakta ;*

7osen يقول...

بوست فيه روح طفولية جميلة

وسلامتها استكانة من التعب


:)

ريــــــانــه الـعـــــود يقول...

اسم الله عليج

مافيج شي عن الدلع

عاد تبين الصج

حتى انا مادري شفيني :(

ما بقى احد ما تهاوشت معاه بدون سبب

صارلي ساعة اسوي شهيق وزفير مع رفيجتي بالموبايل ;p

يعني تحاول تهديني بس ما هديت

..اشاركج بعشق الرقي :)

ikhalifa.com يقول...

أنا اليوم متهاوش لين مب قايل بس
و بصراحة أبغي أزفج زفة
زفة ما حصلتش
تعالي وقفي اهني

اهني مو هناك
@@
تعالي

شوفي ...بعتبر نفسي إنج ما سطرتيني قبل شوي

يالله روحي نامي

بنات آخر زمن
@@

بنت شرق يقول...

غاليتي استكانه
شعور طبيعي نحسسه بقدوم كل صيف..خاصه عندما تصهرنا حراره الشموسه...نصيحتي بالاضافه الي الرقي تحتاجيين الي مجالسه شخصيات بطعم الهمبه

يا همبه....

ولد الديرة يقول...

شفتي يا اخيتي نص هاللي راكبين بحري فوق القطار؟

تلقين نصهم يشتغلون عندنا بالكويت

سواق يوصلون العيال

او ينقلون عينات دم وغيرها بالمستشفيات

والنتيجة

ديرتنا شزينها

ولد الديرة يقول...

بالمناسبة

الرقي بس اللي يرد الروح

:p

U-Turn يقول...

@@
الرقي

وينه وينه @@؟
أشووووووووه
في أحد مثلي
إذا ضاق خلقي آكل رقي .. إذا كنت مريضه آكل رقي .. إذا تعبت آكل رقي .. إذا استانست آكل رقي .. إذا يعت آكل رقي .. إذا بحلي آكل رقي
إذا بتغدى او بتعشا او حتى بتريق آكل رقي
بالبريك بين محاضرة 12 وال 1 أطلع التبروير وآكل رقي
وبطريج للجامعه بالسياره ماسكه الشوكه بإييد والسكان بإييد وآكل رقي

تهقين أحبه ؟
ولا شسالفتي @@



بس بيني وبينج ترى زحمة الأفكار تونس
أحسن من بعض الناس @@ مو انا ;p
مخهم فاضي
كل شهر بوست لان مخهم مافيه أفكار
المشكله مخي فاضي حق المحاتات بس !!
حتى سايقنا أحاتيه !؟ أحد وصل لي هالمرحله !!


على فكره ولهانه علييج ;)
من زمان عنج
لا تخلينا سيري علينا
غيرنا لوك مدونتنا عشانج ;p

بنت الشامية يقول...

استكان تصدقين ضعت
ترا انا ما ادري وينى...؟؟؟
دورينى الله يخليج انا بصرخ وانت شوفى وينى
ضعت مع هاليهال وهدومج اللى بالكبت
ولا النفوف البنفسجي....ما احب اللون البنفسجي
لو سمحتى لا تشترين هالون مره ثانيه

هااااا لقيتينى والا الى الحين


استكاااانه تراني يم الكتب
بقعد وتعالى طلعيني
عيزت وانا ادوووور
تقلقصت ببوستج
هههههههههههههههههههههههههه

ياعلج العااااافيه
على هالبوست اللى يضيع الاواااادم
خل ارد بيتنا قبل ما اضيع مره ثانيه
تصبحين على خير

لحظه يقول...

عجييب عجييب هالبوست استكانه شسويتي فيني توني مكتشفه بلوقج وصارلي 3 ايام متولعه بكل اللي تكتبينه احسَج أنا...
عفويه على أسلوب متمكن ماشاءالله عليج
بانتظار المزيد
الله يحفظج

candle يقول...

أم طوني تصدقين أحب برابس قلبج المطايير :) ولا تعيبين على اغنية أمي المفضله وهي غير مقتصره على المهاره و الشعب اليمني العريق بالعكس هي أغنية قمة في الرقه و الرومانسيه ووايد تمشي مع وضعج وانتي تاكلين رقي ومره ثانيه اذا يتج الحاله طيعيني دهني قاعة ريلج بوازلين ولفيه بنايلون ولبسي عليه دلاق بتلاقين عيال قلبج هيعوا و افكارج خمدت واعصابج طخت .. نصيحة اخت مجربه

chــاي أخضر يقول...

مخيخج شكله من مناطق الدائرة العاشرة !
:p

* * *

حتى بـ التعب استمتعي

لانها أيام وتعدي
=
مسألة وقت

باجر بـتضحكين عليها ..هذا إذا تذكرتيها
;)

Enter-Q8 يقول...

انتي حتى مجلس المرور الاعلى مال مجلس التعاون ما يقدر على مشكلتج

monshg | مُنْشَق يقول...

الظاهر انج مكثره الجيييله

او العيااار كان زايد حبتين

:p


طقيلج تذكره
وروحيلج ليلتين بأي ديره وكسري جوج
حتى لو الرياض !

هيله يقول...

وه وه وه


مير ان افتر راسي ومخيخي انا اللي انصهر من لوية افكارج


يا علج الستر يا بنت الناس



على فكره انا متابعة من زمان بس ما كنت اعلق

وساعات كنت اعلق بغير معرف


تالي حرمتينا


وبقول لج سر

انتي احد الأسباب اللي خلتني افتح مدونة

حياج الله فيها




قبل لا اطلع

حطي مخيخج ثلج

جود تركد افكارج

المقوع الشرقي يقول...

استكانه
يهاهيلج التوين خليهم
الباجى شوووح داخلى:)
شوقتينى على الرقى
يبيله
:)

SheLLoO يقول...

استكانتي..

ما أروع تجسديكِ لأفكاركِ..
ممتعةٌ تصاويركِ..
ودائمًا ما تغلبنا الأفكار بكثرتها فننهزم :"

إذا زادت أفكارج روحي ShoPping
وإلا طلعي أي مكان مالا علاقة بولا شي عشان تطلعين إلي بجبدج وطيحيله رقي ترى حلو حق الصيف والانصهار أكثر ;p

وعوافي على قلبج ;*

كلنا متوترين وكل عقل مبدع لازم تكثر أفكاره وتحوس وتطلع بره مخه بعد فهل نتعجب ؟
;)

موفقة يا الغالية ;*

EhDa2 ;p
http://www.facebook.com/ext/share.php?sid=81168143233&h=eVTuz&u=aAIQ5&ref=mf

esTeKaNa يقول...

Q80 Blogger
ّّّّّّّّ~~~~~~~~~~~~~~
تستاهل العشق
:)





maha
~~~~~~
أخييييه يا مها
انا اشهد اني مجموعه انسان
اقرا تعليقج واخذ نفس عميييييق
حيالله المها
:))







قيادية
~~~~~~~~~
هلا بقيادية الاخلاق والرقي كله
:)
تصدقين مرات احس نضحك لان ببساطة احنا نبي نضحك حتى لو ما كان في اي شي يضحك
:Pp~
يا بعد قلبي قلبج انتي
الله يحفظج من الانصهار واتمنى انج انجزتي كل ما تبين من غير انصهار
:)

esTeKaNa يقول...

الزين
~~~~~~~~
يا مسا التكركر على الناس الجميلة
:)
فجأة انا مستحية منج
لووووووول
واي فديت القوري انا
هههههههههههههههههههه
من قلتي لي وانا اضحك
القوري مرتبط؟
:Pp~










أبو الدستور
~~~~~~~~~~~~~~
عسى دوم هالضحكة
:)
يستاهل العشق الرقي
:pP~









glomhilda
~~~~~~~~~~~~
هلا بالغالية
يا زين المزاج اللبناني والله
صدقيني انام
ويصحوني
ياربي يهدون واهدى
:)

esTeKaNa يقول...

ميمة السبت
~~~~~~~~~~~~~
يا مسا الزفان
:)
الله يسلمج في شايب شايفته ببرنامج تراثي يزفن وارتبطت الصورة فيه
فحسيت افكاري تزفن
لووووول
ياربي انا مادري ليش عندي في مخي مكان يتخزن فيه الصور والكلمات
انساهم ويردون يطلعون بمناسبات اخرى
:Pp~









ARTFUL
~~~~~~~~~~
يا مسا الرقي
:)
عسى ربي يحفظك ويحفظ مريتك
وما اوصيك
هالله هالله بالأمانه
:)








نون النساء
~~~~~~~~~~~~~~~
يمه
خيمه بالمطلاع بهالحر
اجرام
:pP~

esTeKaNa يقول...

chandal/danchal!!
~~~~~~~~~~~~~~~~~~~
وي جان كملت والكامل الله
:Pp~






إجتماعي
~~~~~~~~
خوش نصيححة بنجربها
:)
انا بكبري ضايعه
اسفه ضيعتكم معاي
:)










الخيلاء
~~~~~~~~
وسعو الملعب وزين العذارى في وصول
وسعو الملعب لها وحدها يزهى بها
:pP~
هذي افكاري تغني حق افكارج عشان تراقصها وتردح وياها هاليله
:Pp~








BornConfuzed
~~~~~~~~~~~~~~~~
هههههههه
لازم احط ترجمة لغير الناطقين بالكويتية
:pP~







terkwaz
~~~~~~~~~~~
مسا التركواز
:)
الله انا صج احب عوافي
واحب تعليقاتج الله لا يخليني منها
:)

esTeKaNa يقول...

RoOra
~~~~~~~~
hehehehe
:)
اسم الله علي
ارتب افكاري كتابة
:))
حيالله رورا









7osen
~~~~~~~~
الوجه الآخر لإستكانة
:)
الله يسلمك من كل تعب
:)








ريانة العود
~~~~~~~~~~~~~~
قليل من الدلع ما يضر
:)
يا بعد قلبي انتي اسم الله عليج
لا ان شاء الله ما فيج الا العافيه
واي يا زين صديقتج
عطيني رقمها بسوي شهيق زفير
:Pp~









ikhalifa.com
~~~~~~~~~~~~~~~~~~
احم
خوش زفه
ان شاء الله
:)))






بنت شرق
~~~~~~~~~~
يا مسا الهمبه يا بنت شرق
اي والله احتاج جلسات شخصيه
:)
حياج الله زارتنا البركة

esTeKaNa يقول...

ولد الديرة
~~~~~~~~~~~~~~
يا مسا الرقي
:)
شفت الصورة؟
انا وايد عاجبتني معبره
:)
وصاج
من شان هيك الحوادث على افا من يشيل
!!









U-Turn
~~~~~~~~~
Hahahahahahahahah
واي ضحكتيني
لا انتي بدعتي مافي مثلج
بسميج :
مس رقية
:Pp~
سامحيني على القصور يا الغاليه
الله اعلم بمعزتج وان شاء الله بمرج
:)









بنت الشامية
~~~~~~~~~~~~~~
يا بعد قلبي اللي ضايعه بالبوست
لوووووول
:))
ميخالف انا راسي مفتر هاليومين
سامحوني
وشوي بس واكتب لكم بوست مرتب
:pP~

esTeKaNa يقول...

لحظة
~~~~~~
يا مسا اللحظات الجميلة
:)
زارتنا البركة يا الغاليه وفرحتيني
عساج دوم متواصله تنورين بلوقي بتعليقاتج الجميلة
:)










candle
~~~~~~~~~~
حبتج العافيه
واهم يسلمون عليج سلام جثير
:Pp~
وصراحة الوالده ذوق
!!
الأغنيه قمة قمه انا وايد احبها
وخووووش نصيحة بجربها واقولج النتائج
:)








chــاي أخضر
~~~~~~~~~~~~~~
ناطرة باجر اللي اضحك فيه على هالتعب
:)
حياج الله

esTeKaNa يقول...

Enter-Q8
~~~~~~~~~~
يعني ماكو امل؟
:(







منشق
~~~~~~
اييييه يا منشق
الله اعلم شكثر هاليومين تعبانه
زين منهم افكاري بهالحاله وبس
:)
يبيلي سفره






هيلة
~~~~~~
ياهلا ويا مرحبا
زارتنا البركة
ما حبيت اول تعليقج يكون مفتر راسج من غير شر
لا لا
لابد من بوست مرتب يرد الامور لنصابها الصحيح
:)
يا فرحتي بتعليقج
سعيده جدا بانضمامج للمدونات
واحساسي يقول سيكون هناك مدونة مميزه جدا وقريبه من القلب باذن الله
:)
وحياج الله






المقوع الشرقي
~~~~~~~~~~~~~~
خوش نصيحة
:)
اي والله يبيله رقي

ARTFUL يقول...

زورينا

:)

الجـــوري..كـــلام الصمــــت يقول...

مسا الخيير

اول شي مبدعه مبدعه مبدعه :)


توني ادري ان الرقي فاكهه :$

وسالفة فرقة التلفزيون هذي على صووب ههههههههه

لا استكانه فعلاا مدونتج تشررح الصدر

وبعديين مافييج الا العافيه لاتتدلعيين :p