الأحد، أبريل 12، 2009

brova!

صباح جديد مع ابتسامة مندهشه من ناس غريبين جدا
!!
أغيب عن العمل يومين دون سابق انذار لمرض ألم فيني فجأة واقعدني بالفراش
ونظرا لأنها المرة الأولى التي اتخلف فيها عن الحضور للعمل
كان شئ مستغرب بالنسبه للجميع
بو فلان يسئلني ان كنت بصحة جيده وان كان هناك خبر جديد
والأخرى تسئلني وتغمز بعينها:
ها استكانة ها
!!
ها أنتي
تهمس لي:
استكانة انتي صج مخطوبه؟
اذا مخطوبه ترا هالخبر يفرحنا كلنا لا تخشين
.
.
.
لما يعتقد الجميع اني اخفي خبرا سعيد؟
وإذا كان هناك كما يظنون خبر سعيد فلما أخفي عن الجميع
!!
.
.
قبل اسبوعين تمت خطبة احدى فتيات العائله التي تحمل ذات اسمي الثلاثي
رجل من عائله الخاطب صادف أحد شياب العايله بالمسجد وبارك له لخطبه بنتكم فلانه
!!
اذهب يا الشايب بكل سعاده الدنيا وبشر جميع عجائز العائله بخبر خطبتي انا
وان وضعت الخبر بفم عجوز فاضمن انه سينتشر اسرع من النار بالهشيم
تم نشر الخبر للجميع عدا أمي،التي تسئلني :
استكانة علامهم عمات ابوج من اجبل عليهم خمطوني ولموني وسئلو عنج
في شي مو طبيعي
.
.
.
في ذات الاسبوع تتصل صديقه على خالتي اخت امي :
طول عمري احبج يا فلانه،واخيرا صرنا نسايب
اليوم ان شاء الله الريايل بيروحون حق بنت اختح استكانة
!!
نعم؟
تطخ خالتي عبائتها وركضه لي بيتنا
تسئل امي بكل شرهه الدنيا ودميعات داخل عينها:
هذي بنتي ،اشلون تنخطب وانا مادري
يا الله يا شخاطة فرحتكم يا خالاتي
.
.
.
لن اخفيكم سرا اضحكني ما حصل
!!
واستغربت تلك الأخبار التي تتناقل بسرعه مع اضافه بهارات من كل طرف
بغض النظر عن سلبيات الموضوع كما تقول امي ،إلا أني رأيت بعيني غلاتي في عيون ناس لم اتخيل انهم يحملون لي كل هذا الود
من العجائز الذين لا ينفك لسانهن بالدعاء لي بكل خير...إلى ذاك الشايب الذي ابدع في مدحي امام اسره خاطب بنت عمي
الى بعض الشباب الذين جابلوني بزواره الامس بصحبه ابتسامات عجيبه
مع اسئله غير مباشره من اخواتهن
اعتقد اني ساحتاج انزال اعلان عن نفي ترشيح قصدي نفي خطبه بالجريده
طالما ان التصريحات الخربوطيه على افا من يشيل
:)
عموما
بروفه جميله
:pp~
.
.
.
أحيان افكر:
هل نحن فعلا نتعمد اخفاء الاخبار الجميله؟
بعكس تلك الأخبار الحزينه التي نتفنن في ذكرها بكل تفاصيلها؟
.
.
.
أسئل بعد كل بوست من اشخاص قريبين مني:
هااستكانة
!!
وابتسم:
شنو؟
اذهب للدوام فأراهن حولي:
استكانة مامن جديد
!!
لا ابد
اذهب للزواير البعيده ومع كل سلام لعجوز تقرص يدي:
ها بنيتي
وارجع وابتسم
هل انا عالة على المجتمع ؟
Hehehehe
.
.
.
.
أنا إنسانة سعيده
:D~

هناك 51 تعليقًا:

I7na 3shagnaha يقول...

انشاء الله دوم سعيدة

:))

chandal/danchal!! يقول...

انشاءالله فال خير

:)

يختي هالبنت تنحط بالقلب!

ومحبة الناس من محبة الله بعبده
:)




مشكلة تشابه الاسماء!

احنا عندنا اسم ذهبي لي ثامن جد!... عاد هذي حالة!

Hashemy يقول...

انا شفت البانر شهاني بروح اسويلي جاي لول عاد انا من مدمني الشاي

المهم الديره صغيره وايد فلاتستغربين سرعة الخبر

اما بالنسبه للاخبار الزينه والشينه انا بالنسبه لي عادي اقول الاثنين واتصور في ناس وايد ماتتكلم بالاشياء الزينه خوفا من العين فالمجمتع عندنا لاسف يمووووت من الخوف من هالامور

واذا على ها صار شي؟ عادي هذي كلمة العيايز المفضله ;p

انشالله دائما تكونين سعيده :)

نون النساء يقول...

الفال لج بعد سميتج

;P

خوش بروفه عشان تعيشين الأجواء



.
.
.


اذا حصل ان شاء الله بتلاقين ناس
ما يمرون عليج ولا يتلفتون لج

سواء عرس
عزا
او عزومة عشا/ غدا

أول ما تنخطبين او تملجين
اتلاقين حتى حريم كبار إيوون ويسلمون عليج
مستهلين مستبشرين

@@


هااااااااو !!
اشمعنه يعني الحين

ما السر في ذلك


هذا غير اللي تبجي
وتدق عليج تعالي قعدي معانا قبل لا تروحين
كأنج رايحه تجاهدين بكابول مو تتزوجين


ههههههههههههه



لا منتي عاله عالمجتمع
لكن من حب الناس لج


وصباحوو

fatto يقول...

مبرووووك استكانه

لوووووول اتغشمر :)
الفال لج انشاءالله

بس



.. انزين معقوله كلهم عبالهم انتي !! صج نفس اسمج الثلاثي بس هم لازم في اسأله تأكيد عل الموضوع :)



وعلى طاري ان الاخبار الزينه تنخش والي تظيق الخلق تنتشر ابسرعه .

مادري ليش .. لأن بعضهم يخافون من العين وهذا طبع وايد من الناس .. بس ليش جذي . هالبنيه الي انخطبت موبس اهي بالعالم انخطبت
وهلبنيه الي صارت حامل موبس اهي بالعالم احملت
وهلي طلعلهم بيت موبس اهو الي طلعله بيت
وهلي شراله سياره موبس اهو شاريله سياره
ووووو .

`~MnO YeNSa! ~` يقول...

ها استكــــانه
@@






انت احلى عاله يمكن
:Pp
سمالله عليــج
:**
حتى انا عندي بنت عم نفس اسمي بالضبط
@@
تهقين اسوي بروفا
ولا اهيا تسوي
:Pp

مادري ليش طرى على بالي
song
لوما دلالج ما تعنينا
:pP

mellow يقول...

لوووووول أحنا عشقناها
نفس إلي كنت بقوله
عساج دوم سعيدة

إستكانه ...وفقتي بإختيار العنوان
آنا بس قريت بروفا جان أيي ركض
قلت البنت بتتزوج!!
كلمة بروفا دايماً مرتبطة بفستان الزفاف
إن شاء الله يكون فال خير عليج

أما إلي بالدوام ما شاء الله عليهم لو تخشين عنهم بأمج و أبوج إييبون خبرج ، و أهمه ما توصلين لسدهم!!
الوحدة يالله لما تملج تقول آنا ملجت
و لا لما تعدي الشهر الخامس ولا السادس تقول آنا حامل
بس يتراوالي هذا إلي المفروض يصير، الواحد ما ينشر الخبر إلا لما يتأكد منه.

ليش الأخبار الحزينة نبادر بنشرها؟
لأن الواحد بهالحالة محتاج إلي يواسيه

انسان يقول...

يعطيج العافيه

glomhilda يقول...

:صباح معتق بمحبة من الخالق

استكانة

أولاً حبيت اقول إني متابعة دائمة لبوستاتج الأكثر من حلوة
لكن أسباب انترنتية كانت تحول دون تعليقي

والحمد لله اليوم أنا أكثر من سعيدة لأني بعلق ^_^


سوري عالمقدمة المملة

تعقيباً على موضوعكِ وسؤالك عن سبب إخفاء الناس للأخبار السارة هو انعدام الثقة بين الناس والخوف من الحسد

وأيضاً لأن الأخبار الغير سارة لها نكهة ممتعة عند ثرثاري المجتمع ويستسيغون نشرها

وبعض الناس عندهم قلوب مريضة واذا سمعت خبر حلو عن أحد تنصدم وتبلع لسانها وماتنشره

أما الحريم..حالة خاصة

تبغي تنشري شي عطيهم اياه
أسرع من الانترنت وخدمة البريد والبرق والهاتف


موفقة استكانة وان شاء الله ربي يسعدك وتتحقق الاشاعات الحلوة اللي انتشرت عنك:)

أختكِ في الله

lawyer يقول...

فاااااااال و جان يا استكاااااانه


بنسسسمع عيل خبر خطبتج قريب


قووووووووولي اشلون


اولا انتشر خبر خطبتج
فتلاقيييييين نصييييبج طاح قلبه في بطنه


بعد يومين راح يعرررررررف انه انتي لي الحين مانخطبتااااي

فايييييييج ركض لحق لا تلحق


لانه البرووووووفه كانت له مو للللللج



ههههههههههههههه


انتي نم كثر ما اتسوووووولفين عن الزواج خليتي الناااااس كلهااااا ما تسأل الا عن هالشي



فدايمااااا النااااااس اول ما تذكرج اتلاقين اتنغززززز بهالشي عرفتااااي




بسسسسسسسسسسس هالمره فال خير انشااااء الله



اهوووووو كلا من حذفه الكعب

AK-47 يقول...

اول شي ماتشوفين شر انشالله
والله يديم عليج سعادتج

Sweet Revenge يقول...

اول شي ياربي دوم سعيدة وثانيا فال حلو
مرات تمر علي السنتنا كلمات مانقصدها
وتتم سبحان الله
العياييز ولاشياب عليهم سوالف
مرة وحدة من اهلنا مرة عوووودة عطتني هدية عرسي ,الظاهر في بالها قالت انا بموت وهذي للحين ماتزوجت خل اعطيها هدية وافتك :p
لووووول
اسبوع حلو علي عيونج الحلوه :)

ARTFUL يقول...

سلامااات ما تشوفين شر

كاااااااااااااااااك

والله سالفة

بس نتعمد نخفي الاخبار السعيدة

يمكن لان نبي وقت نقوله تصير فيه مفاجئة حلوة والكل يفرح فيها


مادري

يالله الفال لج انشالله ونفرح فيج عروس

وهنيالج بمحبة الناس

بروحها ترد الروح

خوش سالفة

:)

ARTFUL يقول...

أقول لو الخاطب يسمع السالفة بيتحسف على اللي خطبها

ويقول يا ليتني خطبت راعية الصيت الطيّب

;D

Nikon 8 يقول...

أكيد سعيدة بحب الناس الكبير لج
:))
ويا حافظ حتى الشياب إختربوا وصاروا ملقف
وعموما ما سوا جذيه إلا من حبه لأهلج وفرحته فيكم
وإنشاء الله فال وكان
:))

maha يقول...

يقولج
الألفاظ تجلب الأقدار

إنتي مو عالة بس تلقينهم فرحانين فيج

Yin يقول...

إستكانتنا
الله يديم عليج السعادة في الدنيا
ويتممها عليج ويغمرك فيها بالجنان بعد عمر طويل

الكلام سهل عند الناس ولو الوضع مقلوب جان شفتيهم يتحلطمون من تدخل الغير بحياتهم

خذيها من باب المعزة والحب لك
يسألونك لأنهم يحبونك ويهتمون لأمرك

بس خوش بروفة لووول
الخطبة والزواج على كثر ما فيه فرحة على كثر ما فيه دندرة وقرقة وحنة ومشاكل وعتب
مو صح؟
يالله الحين إنتي تدرين شراح تواجهين
ومنو راح يزعل ومنو راح يعتب

صرتي خبيرة بدون تجربة فعلية
لوول

يا حلو بوستاتك
الله يحفظك يا استكانة ويسعدك دوم
:))

الحــــٌر يقول...

السلام,,
اول شي الحمد لله على السلامه وما تشوفين شر
وبعدين من كسب محبة الناس كسب كل الخير الي بالدنيا لانه الانسان يذهب ولا تبقى منه الا الذكرى الجميله وعسى نكون من هالناس وانتي من هالناس


:)
شكراً

swan.beach يقول...

يا حلاتج ويا حلات سوالفج :))

الفال لج ان شاءالله وقريب بإذن الله

عاد مو تخشينه نبي الكويت بكبرها تسمع بالخبر :D

SheLLoO يقول...

استكانتي..

بوست ممتع أقرأه في قاعة المحاضرات وأبتسم وتحلو الدنيا وينزل المطر استبشارًا بكلماتكِ العطرة الزاهرة فيزهر قلبي أكثر فأكثر :))

اممم أعتقد أن انتظار حدوث الخبر السار هو ما يجعلنا نخفيه حتى تحدث مفاجأة بحدوثه أو خوفًا من عدم تمامه خصوصًا في مواضيع الزواج خوفًا من الحسد أو لأن الأمر لم يتم حتى الآن..

أما الأخبار المحزنة فهي تقال وتذاع وتنشر لتعمقنا في الحزن وخوضنا في التفاصيل يسرّي عنّا بعض الألم..

والزواج ليس هدفًا نسعى إليه بل هو سنّة كونية ليس بالضرورة خوض الجميع تجربته..

وإنما التوفيق من الله ;)

ودمتِ فرحة ;*

عاد أمس أسولف أنا ورفيجتي تقولي ودي أتزوج عشان أشوف منو بيفرحلي وجم وحدة بتحضر عرسي ومنو بنتصدم بخبر زواجي فأتيتِ أنتِ لتكملي التجربة على خشبة الواقع ;) ;p

يومٌ يزهو بالفرح..
واحساسٌ يحب الفرح..
وروحٌ تعشق الفرح لأنكم ترانيم الفرح التي تعزف على أوتار حياتي ;**

بنت الشاميه يقول...

ختى انا سمعت امس بهالخبر
وزعلت قلت شدعوه استكاااااانه ما تعلمناااااااااااا
لوووووول
اتغشششششششمر
((((:
ان شاء الله ايج اللى يستاهلج ويوقفج امين يااااارب العالمين

abu eldestor يقول...

اولا ماتشوفين شر
و النصيب انشاءالله بييلج

ريــــــانــه الـعـــــود يقول...

يارب دوم سعيدة :)

عاد الحين بتقنعيني ان مو انتي الي انخطبتي ؟؟

لول اتغشمر .. الفال لج ان شاءالله

خالتج ذكرتني بعمتي نفس الشي بالضبط

داقة على امي زعلانة وخانقتها العبرة
لييش ما قلتوولي ليش ؟؟

لول شنقوولج عاد ؟! اشاعه يبه اشاعه ..;P

انا الي محظوظه بمعرفتج

تقبلي مروري

ضوء المطر يقول...

عفية والله
تعجبني الثقة
شوفي حبيبتي استكانة
السعادة مو بالزواج ولا بالعزوبية..!!
كل إنسان بحسب قناعاته يعيش سعيد او لا
بس المشكلة من تكلمين
من تقنعين
الشق عود

خليها على الله
وعسى ربي يسعدج دنياو آخرة

:: بـوح الصمـت :: يقول...

لووووول ;p

عيشوج الجو , على قولتج بروفة ;p

إن شاء الله نفرح فيج قريب يا بنيتي ;p
;)

على طاري الأخبار السعيدة تنخش وحدة من الأهل لمّا بغت تولد جان ندري إنها حامل :/ !

بالعكس المفروض الخبر السعيد اهوا اللي ينتشر مو اللي يغث !


وعسى السعادة ما تفارق دربج وممشاج :)


blesS U '3alai :*

3BeeDo ;) يقول...

لوووووول حلوه البروفه :>
بس انشالله اييج نصيبج والله يوفقج :>
واهم شي انه الخبر حطي بحلج عيوز ينتشر بسرعه وهذا صج عاد :>

Shaima'a Alkandari يقول...

اى والله مشكله تشابه الاسماء عاد تدررين

في وحده تصيرلنا نفس اسمي الرباعي بعد مو الثلاثي واختها نفس اسم اختى ويوم حطوا اسمها بالجريده قبول للتوظيف انا كنت وياها بس اشوه اهي بالمطافي وانا بالكهربا


اكيد ينتشر الخبر بسرعه بعد انتى بالكويت واكيد تهمين العايله علشان جذي استانسوا لخبر خطووووبتج وانشالله يصير صج:)


وماعليه فال طيب انشالله




استكااااااااااانه ولهانه عليييييج ياوخيتي وماتشوفين شر

darkness يقول...

يا رب ما يمر هالشهر الا الاشاعه قالبه حقيقه

آآآآآآآآآآمين

عاد بشريني

:)

مستعدة يقول...

الله يرزقج الزرج الصالح اللي يتمم عليج هالسعادة ويزيدها:)


أما الموقف.. إنما إيه :p hehe

حياتي هدف مو عبث يقول...

ما تشوفين شر
:)
وإن شاء الله نسمع منج كل خبر سعيد
وتكونين دايماً سعيدة
:))

Sn3a يقول...

لول استكانه
انا يحسسوني اني مثقله على امي وابوي كل مايقولولي الفال لج
لا رفيجه امي تقول يلا لحقي اللي قدج
شنو يعني اتزوج اي واحد وبس لووول

واهلي مايبوني استعيل
الناس يبوني استعيل مادري شكو!

SKY يقول...

يالله انشاء الله فال حلو عليييج

ولا لاتخافين منتي عالة على المجتمع بس من حبهم لج يبون يشوفنج مستانسة

عسى كل ايامج فرح انشاءالله

ShLaLaT يقول...

لووووووووووووووووووووووووول


الحين المشكله اذا قلتيلهم لا ما انخطبت عبالهم مستحيه

لووووووووول والله حاله

;p

mellow يقول...

احنا فرحنا بإشاعة زواجج و نسينا لا نقول لج سلامات ماتشوفين شر

حجر كريم يقول...

تسلملي هالسعاده

ماعليج وانا اختج

عيشي الدنيا بالطول والعرض

:)

والحمد لله على الناس الطيبه إلي تتمنالج كل خير

تستاهلين

that's iT يقول...

أجر و عافيه ياالغاليه:)

طهور إن شاالله:):):)

أهم شي خالتج بدعت:)

بس تجربه حلوه و عأبال الصجيه:)

ur sis

Enter-Q8 يقول...

شك بوم تصير صج اللحين
شك بوم استكانه تنقطع كتاباتها لمدة ثلاث اسابيع
طبعا مو نازله انتخابات
طبعا اتخطبت
يالله على قولتهم فال و عليه اتكال

Kuwait يقول...

لوووووووووووووووووووووووول
اتهبليييييييييين :***
وان شاء الله يارب ما تخلص 2009 الا وانتي مخطوبه ;D

Najmah يقول...

لوووووووووول
استكانة ترى انا فصلت على هالبوست
قريته قبل لا ادش امتحاني وعلقت فيني الضحكة
;p
بعد قلبي انتي
عسى ربي يكتب لج
بكل خطوة سعاده
وقلبي يطير من فرحته فيج
:*

AbWaBy يقول...

:)

يا رب يفرح قلب أحبابج فيج ...

وما تشوفين شر عزيزتي ...


وقوليلهم أنتوا لا تحنون وكل شي بيصير

بريتني سبيرز يقول...

فتحت هذه المدونة لتحذير المبتدئين و الصالحين الذين لا يتوقعون من الغير ايذائهم لأنهم لم يرتكبوا أي جرم لكي يستحقوا الايذاء , اريد تحذير الجميع و التنويه من مشاغبات الهاكرز و هم اناس معتوهين و لا يملكون حياة يعيشونها فيلجؤا الى ايذاء غيرهم لتعويض النقص و الضعف الذي يعانون منه , و بما انني منافس و خصم قوي و عنيد واؤمن أن الله يريدنا أن نكون مصلحين و ليس صالحين فقط , لهذا سوف أحشر أنفي فيما لا يعنيني و أقوم بتوعية المبتدئين عن الطرق التي يستطيع أن يقتحم فيها الأجهزة و هي سهلة جدا , لكن لنبدء أولا بالمخاطر المترتبة عليها :

اختراق كاميرا جهاز اللاب توب


1- اختراق الكاميرا المرفقة بجهاز اللاب توب , هناك برامج متنوعة يستطيع الهاكر المريض أن يخترق الكاميرا و يقوم بتشغيلها من دون أي دلاية و لا إشارة ضوئية للكاميرا و لا أي شيء إطلاقا .

http://antihack-protect.blogspot.com/

|:| DUBAI |:| يقول...

لووووووووووووووووول

تدرين من يومين أفكر في نفس الموضوع
مستوية خطوبة عندنا في العايلة
و خاشين عنا
مادري العالم ليش يخافون
يعني الاخبار الزينة بس فيها حسد؟
حتى الشينة بعد ترى
بس مشكلة المخ

أحلى بروفة

لا سرتي تفصلين حق الفستان
زقريني
لوووووووول

يمكن أشتري عنج

عاد تدرين

دهنا في مكبتنا

شو خصه

خخخخخخخ

!!

يا ربي يا حبيبي

ارزقها على قد نيتها

و أكثر

و اجمعها مع من تريد

!!

|:| DUBAI |:| يقول...

ترى أدعيلج
و المطر صبيب عندنا
: )

esTeKaNa يقول...

I7na 3shagnaha
~~~~~~~~~~~~~~~~~~
اجمعين يارب
:)




chandal/danchal!!
~~~~~~~~~~~~~~~~~~~
حبيبتي انتي
اللهم ارزقنا حبك وحب من يحبك وحب كل عمل يقربنا الى حبك
قولي امين
:)

ما شاء الله اسم ذهبي
تبيعونه
LOL









Hashemy
~~~~~~~~~
صباح الجاي المنعنع
:)
انت مثلي انا احب اقول الاشيا الزينه والموزينه،عندي سبيكر على كل مشاعري
:PP~
وعسى ربي يسعدك ان شاء الله










نون النساء
~~~~~~~~~~~~~
وي يا زين هالصباح اللي سرت علينا فيه النون
:)
واي ضحكتيني على كابول
ههههههههههههه
صاجه كله بيشبعون منج
الحين سنين مجابلتكم ما شبعتو
شهالعبو؟
:pp~
صباااااحو يا جميله انتي










fatto
~~~~~~~~
تصدقين انا قلت نفس كلامج
!!
التفسير من خالتي ان الكل عشتو ينتظر مني خبر
:pP~
وربج الحافظ
اللي ترقي نفسها وتحصن نفسها ربي حافظها بس في ناس تؤمن ان لو تطقها الطوفه عين
:))

صباح العسل

esTeKaNa يقول...

MnO YeNSa
~~~~~~~~~~~~
ها أنتي
:Pp~
ان شاء الله البروفه حقها والخطبه لج
مع احترامي للجميع
:)
واي احبها هالاغنيه
ولوما دلالج ما تعنينا
:PP~
صباح الدلال كله













mellow
~~~~~~~~
وي يا زين هاللي يايه تركض
:*
صباح الورد كله يا صديقتي
:)
اقضو حوائجكم بالكتمان
هذي وصيه الرسول عليه الصلاه والسلام
بس عاد لحد
!!
خطبه ما تنشر الا للقراب وحزه الحزه
بس لازم تنشر ويصير اشهار
في ناس استخفو عبالهم كل الناس بتنضلهم وتحسدهم ويخششون ويدعسون بالاخبار الزينه واذا خبر مو زين كرفو قلبج
:))
الله يبعد عنج اي خبر مو زين
ويسعد قلبج دنيا واخرة















انسان
~~~~~~~
الله يعافيك
:)









glomhilda
~~~~~~~~~~~~
يا صباح الفرح كله
تبارك البلوق والبوست بتعليقك اختي العزيزه
:)
تفسير منطقي وجميل
وشكرا على الدعاء الطيب
ولك بمثله يارب











lawyer
~~~~~~~~~
نصيبي طاح قلبه ببطنه
@@
نتي تعرفينه؟
loooooooooooooooooooooooooooool
واي مت من الضحك على تعليقج
ياربي هالبنت خف طينه
شنو هالتفسير القوي
بعدين انا اسولف عن الزواج؟
انا صج صايره خطابه
بس ما امشي واسولف عن الزواج
ها عاد ها
هههههههههههههههههههههه






AK-47
~~~~~~~~
الشر ما ييك يزاك الله خير
عسى ربي يحفظك ويسعدك انت واسرتك يارب
:)








Sweet Revenge
~~~~~~~~~~~~~~~~~
يا صباح الفرح كله
:)
عطتج هديتج؟
looooooooooool
عسى هديه حلوة
!!
لا اسم الله عليج وعليها الله يطول بعمرها وتفرح فيج قولي امين
قولي قولي عادي ماحد يسمعنا قولي امين
:Pp~









ARTFUL
~~~~~~~~
الشر ما ييك ماقصرت يا ابو شيخة
:)
خوش تفسير
والله يسلمك ماقصرت
وحتى بنت عمي ما عليها قاصر ما شاء الله
الله يوفقها ويسعدها يارب
:)









Nikon 8
~~~~~~~~~
شايبنا انا اعتبره من الطابور الخامس
:PP~
شكرا يا زينه بنات دار عزيزه ماقصرتي










maha
~~~~~~~
هذا اللي انا انتقيته من السالفه كلها
فرحتهم وحبهم
:)
شكرا يا المها








Yin
~~~~~
يا صباح الدعوات الحلوة
يا صباح القلب الطيب
:)
اللهم امين واجمعين ان شاء الله
وصدقيني انا انتقيت الاحساس اللي حبيته بالموضوع وتركت الباجي
كافي محبتهم
هذي بالدنيا
سوينا بروفه خلاص
:pP~
الله يحفظج ويسعدج ويبلغج بعيالج كلهم يارب









الحــــٌر
~~~~~~~~~
وعليكم السلام ورحمه الله وبركاته
:)
الشر ما يك عسى ربي يحفظك ويسعدك
يزاك الله خير فرحت قلبي
الله يرزقنا حبه وحب من يحبه وحب كل عمل يقربنا الى حبه قول امين
:)











swan.beach
~~~~~~~~~~~~~
حلت دنياج قولي امين
لا بقولكم ان شاء الله
وراح نسوي بث حي ومباشر من موقع الحدث
:Pp~









SheLLoO
~~~~~~~~~
صديقتي الجميله
استمتعي بالمطر
بالمحاضرات
بأجمل سنين عمرك كلها وانتي هناك
:)
تفسير منطقي وتعليق جميل
حفظك الله انتي وصديقتك وكل من تحبيك
ويالله شدي حيلج نبي نفرح بتخرجج قريب
:*














بنت الشامية
~~~~~~~~~~~~~~
أكيد قايلج شايبنا ولا واحده من عيايزنا
LOOOOL
يا بعد قلبي شكرا
والله يبلغج بعيالج كلهم يارب










abu eldestor
~~~~~~~~~~~~~~~~
الشر ما يجيك
وشكرا
:)








ريانة العود
~~~~~~~~~~~~~~
هذي الساعه المباركة اللي نشوف فيها ريانه العود
:)
والظاهر عمتج تصير حق خالتي مطرفين
LOL









ضوء المطر
~~~~~~~~~~~
ياهلا بضوء المطر
زارتنا البركة
:)
السعاده شئ منبعث بالقلب
شئ انتي من تخلقينه وتعيشينه
حرام نضيع عمرنا ونعلق سعادتنا على تحقق امور ..قد تحصل وقد لا تحصل سواء زواج او غيره
الحياه اجمل وقلوبنا تستحق اكثر
الله يحفظك ويسعد قلبك
:)













بوح الصمت
~~~~~~~~~~~~
لحظة لحظة
اشلون يعني ما دريتو انها حامل الا لما ولدت؟
يعني ياربي انا اللي حولي يصيرون مخلوقات اخرى،اهي خشوم أهي خدود تتفخ اهي حاله اهم فيها
LOOOL
الله يحفظج ويسعد قلبج يارب










3BeeDo ;)
~~~~~~~~~~~
الله يحفظك ويسعدك
حياك الله
:)








Shaima'a Alkandari
~~~~~~~~~~~~~~~~~~~~~
عاش من شافج
!!
عاد تبارك الرحمن الكنادره وايد وشي طبيعي يتكرر الاسم ،انا كل واحجه كندريه تعرفت عليها تكون طيبه
الله يحفظكم يارب
:)
ولهت عليج العافيه يا الغاليه
والشر ما ييج ان شاء الله











darkness
~~~~~~~~~~~~
استحيت
:)
لا تخافين صار ما صار بسوي نقل حي ومباشر من موقع الحدث
:pP~












مستعده
~~~~~~~~~
اجمعين يارب ماقصرتي
:)







حياتي هدف
~~~~~~~~~~~~
الشر ما ييج ماقصرتي
واجمعين يارب
:)










sn3a
~~~~~~~
لحقي اللي قدج؟
واي يتني الضحكة
تخيلتج حاطة طرف بلوزتج بحلجج وركضه بالسكة وراهم
:Pp~
قولي لهم:
الزين غالي ولكن الأزين أغلى
ولكل شراي بضاعه وسوقي
:)

chandal/danchal!! يقول...

صباحو استكانتنا

:)

من أمس وودي أتكلم عن الخطبة

انا ضد الاشهار

ويستحسن ما تكون رسمي الا اذا صار في قبول من الطرفين وخذوا الوقت الكافي للتعارف ... عقبها يخبرون الاهل... وتكون الملجة بعدها باسبوع كحد اقصى!

مو خوف من العين

الخطبة ايامها مزعجة والكل يبي يفتي ويتدخل

ووايد فيها مشاكل وتلدد

بروح البنت تكون على اعصابها!... مو ناقصة تسمع اي شي من برة

والريال نفس الشي



الاشهار فقط بالزواج... والخطبة لازم تكون خاموووووششششش


ومسأله فلان بيزعل او يرضى

مهما الواحد يسوي ما راح يرضي الكل وبيطلعونه مقصر وفيه كل العبر!


طول ما الواحد مقتنع باللي يسويه وما يحس ان في شي غلط او يزعل... فليتوكل على الله ولا يخشى لومة لائم ما شغلته الا التشره الممل!

esTeKaNa يقول...

SKY
~~~~~
اجمعين يارب
:)





ShLaLaT
~~~~~~~~~~~
اي والله حاله
:))







mellow
~~~~~~~~
يختي يا زين السنع
:)
الشر ما ييج ان شاء الله ماقصرتي






حجر كريم
~~~~~~~~~
يا مرحبا بالحجر الكريم
:)
اي والله الحمدلله على كل شي
والله يحفظج ويسعدج يارب










that's iT
~~~~~~~~~~~
الله يسلمج ماقصرتي
:)






Enter-Q8
~~~~~~~~~~~
من شافني وانا اكتب بوست كل يوم
ما من وراي رجا
lol!










Kuwait
~~~~~~~~
انتي قبلي ان شاء الله
:)








Najmah
~~~~~~~~~
يا صباح الضحكة الحلوة
:)
عسى ربي يحفظ نجمتي ويسعد قلبها دايم









AbWaBy
~~~~~~~~~
يا بعد قلبي شكرا ماقصرتي
:)







بريتني سبيرز
~~~~~~~~~~~~
شكرا









DUBAI |:|
~~~~~~~~~~~~
يا بعد قلبي قلبها هالبنت
ادعي لي وايد
ترا كل ما تدعي لي في ملك يقول:
ولكي بمثله
:)
وشو خصه
ياربي يا حلاه كلامكم
ازقرج؟
جنها زفه هذي
:pp~
الله الحافظ يا دبي
الواحده ترقي نفسها وتحصنها وربي يحفظ الجميع من كل شر

عسى ربي يحفظج ويسعد قلبج
ولو سمحتي..اذا انخطبتي قولي لي قبلها بوقت كافي عشان يمديني القى حجز حق دبي
:)

:: بـوح الصمـت :: يقول...

لووووول , عاد اهيا ما تتفخ وحدها عصلة وتلبس خيام على طوول ;p

وياج :*

|:| DUBAI |:| يقول...

لوووووووووووووووووول

ازقريني يعني ناديني

خخخخخخخ

وااااااااااااااااااااااي

طيران الامارات بكبره تحت أمرج

بدال رحلتين للكويت

أخليها عشرة

بس عشانج

: D

عــــاشــــه يقول...

شي جميل تسمع بخبر خطبتك من أناس مايخصهم بالسالفه

عجبني سيناريو لوير :)

ووقفت عند ليش نخبي الأخبار الحلوة ونتفنن في نقل الأخبار الحزينة

فعلا لما نتخوف من مشاركة الأخرين لنا في سعادتنا
هل هو الخوف من الحسد

إبراهيم القحطاني يقول...

ياحبي للعجايز ..

اذا تبين تنشرين خبر قولي لها الخبر وبعدين قولي لها وحرصي عليها .. قولي يام فلان لا تعلمين احد ..

:)


بس ما شاء الله عليك فيك عرق استخبارات ..

شلون قدرتي تجمعين حبات المسبحه وترجعين للاساس في الاشاعه :)


بس ماقلت لنا فيه شئ ولا ؟

:)