الاثنين، أبريل 27، 2009

ثقب الأوزون

أنا وقهوتي وجريده تفترش مكتبي،أقرأ اخبارها الصادقه احيان والملفقه في أحيان أخرى كثيره ،أتأمل كم الوجوه التي تطل علي في كل صفحة وأتذكر:
اني في مناسبات كثيرة رفضت التصوير في مجله او حتى جريده لأني دائماأتخيل صورتي الضاحكة على صفحة جريده قد تم استعمالها تحت جدر مرق،او استخدمت لمسح نافذه ،أوكانت وساده لذاك الخبز الإيراني
!!
صور مرشحين :
وجوه عرفناها من قبل ووجوده جديده
اناظر بعض الصور الغريبه وافكر:
كيف استجرأ او قرر حتى ان يرشح روحه؟
وكيف خطر على بال تلك العجوز بعبائتها فوق راسها ان تضع صورتها وتقرر ترشيحها
اناظر تلك الصور وأقرا الطرح وتشدني واحده لا غير
........................................................................

وي
!!
.الحين احنا سبب ثقب الأوزون والاحتباس الحراري؟
يا حسرتنا
والحين اذا فازت نوال بيسكر الثقب؟
:Pp~
صراحة طرح قوي ،ومعلومه ابهرتني فعلا

في صفحة أخرى وجدت المرشحتين فاطمه ولطيفه،من هي لطيفه الرزيحان؟

هي أخت الشهيد التي لقبت بأخت الرجال لأنها استجرأت ودخلت في وسط احتفال حدس بنصر حماس وصرخت بهم يا منافقين وعبرت عن رفضها لأي ميل لفلسطين وهم الذين قتلو اخوها وخانو ديرتها،واليوم لطيفه مرشحة متحالفه مع مرشحة اخرة هي فاطمه العبدلي

بغض النظر عن خلافنا الفكري مع حدس ،او بشكل أدق مع مواقف حدس،بغض النظر عن حقيقه كلامها وصدقه وتعبيره عما يسكن في قلوب كل الكويتين ،وبعيدا عن التفكير لما عبرت عن رفضها فقط في هذا التوقيت،السؤال:

هل نحتاج فعلا شخصيه مثل شخصيه لطيفه؟

لما سكتت كل تلك السنين عن امور كثيره وجائت في هذا التوقيت فقط لتعبير عن رفضها

ان التعبير عن الرفض أو استنكار أمر معين لا يكون بالوقوف وسط الرجال وامام كل وسائل الإعلام والصراخ وتوجيه التهم بشكل هستيري ،ما هكذا تورد الإبل يا لطيفه؟

شخصيا،أعتقد ان مجلس الأمة لا يحتمل صراخ وشخصيه من هذا النوع مع كامل احترامي لأم منيرة

..........................

في صفحة أخرى وجدت صورة وتصريح لمرشحة ما آثرت ان لا اذكر اسمها،مرشحة تابعت لها من كم يوم مقابله على قناه الراي،ملابسها واسلوبها لا يمكن ان يعبر عن المرأه الكويتيه الأصيله،ان المبادئ الأوليه في اخلاقيتنا بغض النظر عن بيئتنا واسس تربيتها الا اننا كلنا نتفق على ان ما يلبس امام مجتمع نساء يختلف عن ما يتم ارتدائه امام جمع من الرجال وهذه المرشحة خلطت كل الامور وابعد ما تكون عن مرشحة تعتقد انها للاسف تمثل الكويت

..........................

مرشحات كثيرات والكوتا حديث الكثير من المجالس

هل تطبق الكوتا بالكويت امام تضاءل فرصه المرشحات بالفوز؟

شخصيا اعتقد ان المساواه لا تتجزأ،ان كان هناك من ينادي بالمساواه بين الرجال والنساء لابد ان تكون المساواه في كل امر،فلا نمنح المرأه ميزه او افضليه للحصول على كرسي في مجلس الأمه فقط لأنها إمرأه،لا نكن عنصرين في تفكيرنا،ان وصلت فلتصل بكفاءتها فقط لا غير

.......

انتهت الجريده

ولا زلت أفكر:

شنسوي ويا ثقب الأوزون؟

:pP~

هناك 72 تعليقًا:

حلم جميل بوطن أفضل يقول...

نسده

أنا شخصياً ما عندي إستعداد للمهمة المستحيلة. أرشح الزميل ولد الديرة

Yin مدام يقول...

إستكانة الرائعة

يا صباح الخير
يا حلوها إستكانة وهي تستمتع بالإجازة ببوست ............
سياسي؟؟؟؟

ترى تحت خبز إيراني ولا شي ثاني إستكنكن :))


وي حسرة !! طلعنا احنا السبب في الثقب؟
إنزين سؤال
هل هو بسبب حجاب بو تفخة؟؟

والله أول ما قريت أسم لطيفة قلت شهالتوقيت وسرعة قرار الإنتخاب !!

ياهو عندي كلام كتير كتير ودي أقوله بس من الأفضل الإحتفاظ به لنفسي لأن يا خبر اليوم بفلوس بكرة يبئه ببلاااااااش
وبالأصالة عن نفسي وبيتي
جوابي هو لا لا لا لا لا لا لا لا لا
لا نحتاج عندنا منها واااااااااااااااااااااااااااايد وودي نصدرهم للخارج
P:

عزيزتي وغاليتي إستكانة صاجة
والإحتشام باللبس مو مشروط بحجاب ولكن شي اسمه ذوق عام واحترام النفس قبل المجتمع

لوووول
هممم لو بس شوية بناتنا يقللون من المكياج وشبابنا يخففون من الجل والسبراي أعتقد نساهم في حل مشكلة الأوزون
من صجي ها



وأنا أيضا أفكر هل ستقضي إستكانة بقية الإجازة على مكتبها وبيدها قهوتها بين الصحف والجرايد؟؟؟؟؟؟!!!

تسلمين على هالبوست اللي في وقته
لأني من ليلة إمبارح ما جانيش نووووم :(

شكثر أحب بوستاتج!!!
تصبحين على ألف خير
الله يسعدج ويفرح قلبج وقلب أهلج فيج

maha يقول...

صباح الخير استكانه

يعيب بعض مرشحاتنا محاولتهم تقليد الرجال في عرضهم لأطروحاتهم الخاصة ببرامجهم الأنتحابية
متناسيات طبيعتهم الخاصة والشريحة اللي توجه لها هذه الأطروحات
هاللي يخللي الواحد يستخف ويشكك في قدرتهم للوصول للمجلس


لطيفة الرزيحان ما عجبتني طريقتها في عرض رأيها بخصوص حدس


بالنسبة لنظام الكوتا والمساواة
انا اتفق معاج في انه هضم للحقوق

من بغى المساواة لازم يثبت نفسه بجداره

وبس

اكتفي بهالقدر عشان الوقت تأخر
دمتي بحفظ الرحمن عزيزتي الإستكانة

طائر بلا وطن يقول...

:)

نفس المرشحة يببّت السنة اللي فاتت لما صدف
ان وزير الداخلية زار مقر الترشح أثناء تسجيلها
و عبرّت عن فرحتها بطريقتها

أمام الكاميرات و الناس و كل الفضائيات

و انتي واقفة على صورة؟
:)



وقتها كنت مع صديق لي بالدوانية

و ضحكنا بهستيريا


البارح و أنا اقرا تصريحها الأخير
قلت في نفسي و ربي كان اليبّاب أهون
:P


حتى الرياييل مو مقصرين

اخذي

http://www.youtube.com/watch?v=V_hVuUciQS0


تصبحين على خير

Bo :: @yman يقول...

بصراحة طريقة البوست جميلة .. يمكن اقرا الجريدة نفسج ونفس الاراء تطري علي لكن ما اعرف اعبر عنها
امس مقابلة بالوطن مع عبدالله الشايجي يتكلم عن المرشحات وياب طاري سذاجة بعضهم .. خخخ بس ثقب الاوزون ما يترقع
:p

يعني لو احط روحي مكان يدتي -الله يحفظها- اللي بتصوت بالثالثة حتى لو كان طرح المرشحة اللي طلعت عالراي وهم ماني قايل اسمها حده قوياحس انها مو من نسيج مجتمعنا واكيد ما اعطيها الصوت


اما لطيفه الرزيحان .. فالظاهر اغترت بالعاطلين الحاقين على حدس لما طبلو لها لما خربت الحفل

اسف عالقرقرة ،، بوست جميل

U know WHO يقول...

إستكانتنا .. صبااحوووو
جدامي النشرة البيئية.. صار لي شهر وأنا أطالعها وما قطيتها
بسبب الموضوع الرئيسي فيها
وهو .. طبقة الأوزووون

المهم.. في واحد صديق للعايلة
من الجنسية الألمانية
كل صيفية نزوره
يطرح مشكلة بيئية

ليش مو ذيك السنة مشكلته كانت
ثقب الأوزون

أخوي كان في ذاك الوقت صغير
ولما يسمعه يتكلم عن الأوزون حده يتصروع ع ع ع

مرة قام من النوووم يصارخ
الأوزون بياكلني
لحقووووني
يركض ورااااااي

:)
صج ياهل

المهم صديق العايلة
قمنا نسميه
عمي أوزون
؛)

الله يخليج.. صوتي حق نوال
لعل وعسى
ينصك ثقب الأوزون
ويرد أخوي ينام مرتاح
وعمي أوزون يلاقي له
موضوع ثاني يشغل باله فيه

ويمكن مرة وحدة تلاقي لنا لقاح ضد
أنفلونزا الخنازير والطيور والسحالي والعقارب

وسلامتج
:)

مي يقول...

اول شي صباح الخيرات

:)

ثانيا ..

والله فشلونا..

سبب ثقب الاوزون مرة وحدة

تؤ تؤ تؤ

انا بحضر ندوتها واسألها شنو تعرف عن ثقب الاوزون والاحتباس الحراري..!!

الله يحفظ ديرتنا
يالله ما ينجح الا اللي يستحق الفوز

المجهوول ..! يقول...

اكيد عندها ماكينة خياطة وبتخيط هالثقب

ترى معاها اتفاق مع ناسا لحل هالمشكلة لوووول

رزنامة يقول...

صراحة لست من عشاق البوستات الحالمة بكثرة

وسبحان الله البارحة اقول لنفسي شفيها استكانة مكثرة من البوستات الحالمة والغامضة
ولكن في بوستك اليوم اسكتي هذه التساؤلات
مرشحة الاوزون طرحها قوي جدا ولكنها نزلت في البلد الخطأ الفروض تنزل في الكونجرس الامريكي لوووول

بالنسبة الى الاخت لطيفة اتفق معك في عدم توفيقها بما عملته في ذاك اليوم بغض النظر ان كان صحيحا او خاطئا

واخيرا وليس اخرا مرشحة الراي اتفق معك عليهاولا اعرف لماذا محنا قادرين نبلعها وخاصة اذا كان اول حرف من اسمها رولا

تكلمي كويتي عدل بعدين تعالي رشحي نفسك وساعتها بعطيج صوتي :)

واعذريني على الاطالة

lawyer يقول...

ههههههههههههههههههههههههه


امسسسسسسس قظوووووه و اليوم ثقب الاوزووووون


مصطلحاااات تعور مخي

هههههههههه

صباااااحج الكادي ياااااا جميييله شخبارج

اليوم الصبح تذكرتج بس استحيييييي اقووووووول ليش ههههههههه




اما عن المرشحات تعالي شوفاي شيخه الغانم الله يسامحها ساكنه يم بيت رفيجتي كل ويك اند طيران و طق و لويه و فرقه على ابونا دوانيه مرشحه هذاا الحجي مو لاحين الحجي هذا طول السنه


الحين الي ما حشمت الييران تحشم الدنيا


نبي سيداااااات فاضلاااات

لهن من الحكمه و الثقل السياسي
عندهم مبادئ
اخلاق

قيم
يفهمون قيمه العلم و تطوير المجتمع من الداخل

و ان تكلمت بامور سياسيه خارجيه اصاابت


للاسسسسسف بس وين انحطلها



في استخدام ثاني للجريده


يلزقها هندي بدريشه دااااره بدال الستاره و يقووووول حق ربعه هاذاااااا بونيه واجد هيلووووو هادا ماما استكانه بنت ماما لولوه انا فريند درايفر مناك هااادي سوي تلفون بنقلادش قوووووول انا سوي عروووس فلبينيه

ههههههههههههههههههههههههههه

U know WHO يقول...

سوووسووو.. تصدقين
بس قاعدة أفكر بثقب الأوزوون ماني قادرة أشيله من بالي

ودي أنكت بس أخاف تقولين ملاقه :)

إشرايج.. نوديه حق حسينوه الخياط إللي بقطعة 5 في كيفان يرقعه

علـ أقل حسينوه يلها بالثقب يخيطة
ويارته.. رفيجتي بيرو ترتاح من بلاغات حسينوه عن خيمتها
عند لجنة الإزالة
؛)

الحــــٌر يقول...

بعد ما يبيله نصوت حق نوال
وبالنسبه لموضوعك الصراحة اتمنى من الكل انه لمن يقرأ الجريده يكون مثلك ينزه نفسه عن اي احد مايميل حق احد لأنه قاعد يضرب من يخالفه بالفكر واكثر شي اعجبني في تعليقاتك والانتقادات انها كانت للنساء وهذا الشي الي انا خايف منه وخوفي انه النساء في الكويت تشدهم اللهفه والامنيات بوصول المرأه إلى المجلس فينسون تقييمها على اساس مبادئها وما الي ذلك يعني بمعنى اصح المهم عندهم انه تنجح امرأه بغض النظر منو تكون شنو تفكيرها شلون تمثلهم

دائما ما يكون طرحك راقي وفكرك أرقى

:)
وصباح الخير أختي العزيزه

نون النساء يقول...

هههههههههههههههههههههههههه

وانا اقوووووووووووووووول ليش ياربي ويهي ينترس نمش بالصيف

أثاريييييييييييه من هالأوزون المقضوض




حمدالله لك ياربي ان صار عندنا وحده تفهم
وبتصكره لنا



الف حمدالله والشكر لك يااااااااااااااااارب



خانقتتني العبرة تكووون
مووش ئااادرة أعبر عن احاسيسي

ARTFUL يقول...

صباح الخير اختي الطيبة

:)

ببدي من حدر

بالنسبة للكوتا

انا ضدها تماما

ومثل ما قلتي شايفه نفسج قدعه ييبيها بذراعج

وشدي حيلج

ولا تفرضين نفسج على المجتمع وهو مهو مقتنع فيج
!!!!

وبالنسبة للحجيه راعية ثقب الاوزون طاوليها لزقة عنزروت تسد فيها الثقب ولا من شاف ولا من دري

;p

وبالنسبة لام منيرة

كل هالخبه علشان بترشح نفسها

!!!!!!


ختاما ما اقول الا كلمتي الشهيرة اللي يمكن على يوم انطرد من البيت من كثر ما اقولها حق مرتي

حرييييييم!!؟؟

;p

nanonano يقول...

صباحوووووووووووو

المرشحه اللي ما قلتي أسمها

اللي مقابلينها بعالم اليوم

مربطه خيوط على سيقانها القاتله؟

أبو الدســتور يقول...

مشكلة المرأة انها بس تبي توصل

بس شلون ماتدري

بس يعطيج العافية

اول مرة استمتع بانتقاد نسائي لنسائي

chandal/danchal!! يقول...

LOOOOOOOOOOOOOOOOOOOOOOOOOOL

u know whoooooooooooo


استكانتنا

شفتي حل الأوزووون شلووون يابته بنت كيفان!!!

يا ربي هالمنطقة صج ولادة!!!


انتو بس قطووووه على حسييينوووه خل يدرزه ويكفه ويركبله سنياف بعد

لوووووووووووووووووووووووول

واي مت من الضحك على يونوهو..... مير طيرت اللي كنت بقوووله!!!!


وعاشت كيفان المقاومة والصمود وعاشت بيرو وحسييينوووه المقلوووف!!!



ويا صباح التعقيم بالأوزون

:p



على فُكرة!

كلش ما يازلي موقف ام منيرة ومع احترامي الشديد... الصراخ جدام الرياييل ما اسميه جدعنة ستات!

عيــــــــــــــــب

مهما يكون الصوت له فوليوم خاصة عند الحريم!!!


اي احد عنده قابلية صراخ وبدش المجلس.... لازم اييب شهادة اثبات شيل اللوز ولازم عند دكتور عبدالله العلي
لضمان نجاح العملية
;ppppppppppp




سوسو!!! هالتعليق طلع بسبة العقال!!!

مو خو شورة!

عرضي فينكتج في اي بي
:p

Barrak يقول...

عالبوست غير


حبيته

انا برايي هالسنه طبقة الاوزون
والسنه اليايه الاحتباس الحراري

واللي بعدها مشكلة اسمره

سجلي عندج اسمره

واللي بعدها ليش الضب بدى يضعف


انا اقول وخري عن الجرايد خلج بفنجان القهوه

شفيها الوسيط

مش احلى

New Bride يقول...

ايييي ثقب اللأوزون همممممم مو قالوا انا الحريم اهما السبب ؟؟؟ عشان نستخدم سبراي الشعر ؟؟؟؟

و الله الوضع يضحك

esTeKaNa يقول...

فاصل إعلاني:
هل راقبت وجهك يوما وأنت تقرأ تعليقات او بوست ما؟
!!
أنا هنا بجانب اللاب توب يجب ان انتهي من عمل ما قبل الساعه الواحده،ومع هذا أقرأ التعليقات
فأومأ برأسي واقول شكرا شكرا للبعض
ثم وفجأة:
اكركر
نعم انا هنا اكركر وأقهقه ولكن مع الاشاره الى ان الكركره والتقهقه سايلنت
:Pp~
انا اعاني من حاله غير طبيعيه
!!
اقرأ بوستات الزين على جنب واتبوسم
أقرأ بعض بوستاتكم وانا متربعه واضحك
وأقرأ بوستات البعض فأخجل وكأني انا المعنيه
ولكن الحاله وصلت مواصيلها
بأني اسمع صوت التعليقات
Hahahahahah
والأدهى والأمر
اني افكر بيني وبين نفسي بلغه عربيه
وكأني مسلسل مدبلج

صديقتي بنت كيفان
ما الحل؟
:Pp~

Sweet Revenge يقول...

الله وانا اقول من ثقب الاوزون
يا سبحان الله بس ماقريتي شنو برنامجها لترقيع طبقة الاوزون وشلون راح نساهم في تعديله بما ان احنا الي ثقبناه

استكانه يبا ردينا للطرب الاصيل
ردينا ليارضاها سمعت اكو جزء ثاني
بس البطلة طالبة اجر مليون دينار علشان تكمل
:p
ياربي سوالف الانتخابات والسياسة
تسببلي ثقب بمزاجي العام
من المسئول الحين عن ثقب مزاجي
ولا بس الاوزون الي مهم

طائر بلا وطن يقول...

أنا أقول الأوزون فج من سوالفنا
هههههه

الله يستر بس على أوزون هالبلد


بس والله ترى هالكاركترز بالحياة على اختلافها
و اشلون كل واحد منها فلم بروح .. يسوون جو

و هالشي حتى تلاحظينه في اصدقائك
زملائك .. أهلك و ناسك

جربي مرة تحللين و ترسمين كاركتر كل واحد منهم
بس مو بشكل جدي .. على سبيل اللعب و التسلية

كأنك قاعدة ترسمين كاركتير

أو تشبهين كل واحد منهم بشخصية مشهورة


و من غير استهزاء

Just for Fun
:)

يعني أنا هالسالفة بالذات كل ما اتذكرها
أضحك .. والله صج

و يمكن اتخيل اختنا الفاضلة بشكل معين
و معاها العدة .. و دربيل و حصيرة فوق
السطح

هههههه


في ميزان حسناتها ان شاء الله
كانها ونستنا .. لو ما فازت
:P

U know WHO يقول...

سوووسووو.. حبيبتي
ماكو حلللل ..
هذا الفيروس إللي وصفتيه منتشر إنتشار فظيع

أهم شي باللغة العربية
متابعة أسمر
؟؟
دامج فلته بالعربية يا سوسو
ديري بالج لا تركبين رصيف
:)
Joking ;)

إشرايج بدروس خصوصية حق بوالعز
ميح بالعربي
:)

قولي الحمدالله
علـ اقل إنتي تضحكين وتكركرين وتكلمين روحج بسبب
خوفج من إللي بدووون سبب



إي إي لقيت حل
لبسي سماعة بلوتوث
جنج اتكلمين منها



BTW
أنا قمت أسكر باب المكتب
أخاف يقولون عني مو صاحية



جندووووووووولة
ترى إحنا مو شوية بـ البلد
محد يقول ماعرف عندنا
أي سؤال ماله إجابة
أو مرض ماله علاج
أو طفل ضايع
أو خادم منحاش
تلاقينهم في كيفان

المقاومة والصمود ( كيفان ) الله يحفظها
مركز العباقرة والإختراعات بالديرة
كفاية طلعت لكم الفلتة الخطير طب طب

ma6goog يقول...

مرشحاتكم خذ و خل

Enter-Q8 يقول...

ليش جذي مو زين مقيحط على الصبح

لا و كوتا بعد كدينا خير

بنت الشاميه يقول...

مساء الخير
انا من قمت من الصبح وانا متعسسسسسسره....مادري ليش
بس بعلق عندج
اذا تبى لزقااااااااات
تلزق ثقب الاوزون
ترا عندى جميع الانواع والالوان
عندي البارده والحاره ووام ريحه وبدون ريحه.....عرضى عليها الموضوع اوانا مستعده امولهااااا بالزقاااات
وكله باجره....طبعا المادي
):

صبا يقول...

صباح\مساء الاوزون
شخبارج سوسو
:**

سكتي لا يعه جبدي منهم

من الحريم الي نازلين
واتمنى وحده فيهم يطلع فيها خير
انا مو متشائمه الا فاقده الامل
لانه كلام الليل يمحوه النهار
الا قلتي اوزون واحتباس حراري
ههههاي
هذي نفسها السنه الماضيه سولفت عن عيالها ...والحمامات بالمدارس
يا زينها والله ...كل سنه سالفه
زين ما قالت انه احنا سبب انفلونزاالخنازير
جبح
شهالطرح التاااااافه
الشكوى لله يا اخيتي

اهو بس صبي لي استكانة جاي بالنعناع
:***

الزين يقول...

هالمرة اذا ما فازت بالإنتخابات فازت بالجنة من ورى حشكم

:)


تدرين شنو بقول لج

@@

ترى وصلت مرحلة اني احمر العين عليج

fatto يقول...

انا قاعد اشوف كل من هب ودب قام يرشح عمره .. المهم يبون يشتهرون وبس

انا اقولكم مشطو اشعوركم احسلكم .

kuwaitawy يقول...

لم اقرا البوست كامل


لأن ليس لدي الوقت الكامل

:)


لكن

هناك مطفأة حريق ( هالون ) تم تحريمها دوليا لأنها تؤثر في طبقة الاوزون


-----


انشاءلله تعليقي مايكون خارج الموضوع

I7na 3shagnaha يقول...

اخاف اقول انا مو مقتنعة بالحريم

انطق !!

يختج الرياييل غير

حتى ليه خاروه على سنع

محد حارني الا صندل المرشحة المربط ليه ركبها

هذي لا سمح الله ووصلت المجلس ليه وين بتربط؟؟

الخيلاء يقول...

ههههه

شر البليه ما يضحك

على الديره السلام اذا هذيل مرشحاتنا

الله يخلف على ديرتنا

ولا احنا سبب ثقب اللاوزون

~ هند ~ يقول...

بعيدا عن ثقب الأوزون ..

حبيت الفاصل الاعلاني ،،
هااااااهاهاهاهاها

>> ترا قاعده أضحك وانا سايلنت

:)))

مركبنا يقول...

يا صباح الخيانه

لماذا يا استكانه

(=

افا قهوة لماذا مو شاي (=

صباحج نور ونوير (=

========================
اول مره اربط بين سالفته لطيفة وترشيحها عفيه عليج
جبتيها !


اعتقد بنات الكويت بتعاونون وابشرج اول مراحل نفخ الحجاب لاغلاق الثقب تمت

Najmah يقول...

lo0o0o0o0o00ol
استكاااااانة
تدرين انج بددددعتي
خليج من ثقب الاوزون
والفواصل الاعلانية
وقومي يالله
حطي عينج وتركيزج هناك
سااااامعة
ولا ترى شنوووو
قولي شنو
؟
نسكر بلوقج
:PpPp

أتيت متاخرة يقول...

مساء الخيرات
استكانة شلونج

**** ماقدر اعلق على مرشحاتكم
بس جان قلتوا لي من قبل الساينس فير مال ولدي لا يبتدي
عيزت ادور معلومات عن الاحتباس الحراري
جود تدزون لي نسخة من برنامجها الانتخابي بدل اللوية والاستنفار اللي عندي للساينس فير


*** دخيل الله تعقدت من الانتخابات
دورنا عقبكم ب2010

Q8EL5AIR يقول...

كااااااااااااااااااااك :)

ضحكتني الفقرة الأولى .. اي والله موشي صورتي وعليها " حكوكة " عيش :)

خلاص ماراح اصور :)


جميلة التنقلات بين أوراق الصحف .. واوافقج الراي يالتعليقات ..

وبالنسبة للأوزون .. عيل ليش قاعدة عندنا !!




وتحياتي ..
ويسلموااااااااااااااااااا :)

Nikon 8 يقول...

مع تأييدي للعنصر النسائي ومساندته
إلا أنني صعقت من بعض الحركات الهادفة للفت الأنظار لبعض المرشحات سواء كان بأسلوب كلام أو لباس غير لائق أو تصريح هجومي أو حركة ما لها داعي مثل المجيء بتاكسي
!!!
يعني ما الهدف من هذي الحركة؟

ريــــــانــه الـعـــــود يقول...

ثقب الاوزون مرة وحدة ؟

يااا سااااتر

;p

mantovani يقول...

يقول عادل امام في فلم مرجان احمد مرجان :

الحساسونه و الحلزون
اتقابلوا بخرم الاوزون

Bashayer يقول...

I do agree that there are so many unqualified women out there, that are just trying their luck, others know they won't win but are there to make a statement ..

Bss I have noticed that you are directing your post only towards women, and did not mention anything about unqualified men ..


Don't get me wrong, I do agree with some of the things you have written here, but again I think despite the qualifications we have to be supportive of those that are somewhat capable and educated, wala eshrayech? :)

Sn3a يقول...

هالانتخابات مجرد تضيعه وقت للتنميه بالكويت
كل سنه انتخابات
مو هذي الديمقراطيه اللي نبيها
هذيل كلهم ماهموني لاني فقدت الامل بالشعب واختياراته

لا وهذيج تقول الخليج اهم سبب ثقب الاوزون
وانا اقول ان الكوتا اهي سبب ثقب الديمقراطيه والدستور

للكلمات بقية .. يقول...

قاعد اقول ليش ذيك المره مسوين يوم الاحتباس الحراري اهاا علشان جذي

esTeKaNa يقول...

حلم
~~~~~~~
شكرا لهذا الحل
تم قبول ترشيحك
ممكن تبعث خطاب رسمي لولد الديرة
:Pp~








مدام YIN
~~~~~~~~~~~~
يا مسا اجمل المدامات بالدنيا
:)
حجاب بو تفخة
!!
اممممم سبب منطقي جدا
:pP~

وعلامها الغاليه مو يايها نوم؟
منو اللي شاغل بالك
!!
اخاف رد عليج سن المراهقه على كبر
hehehehe
يا عسى ربي يحفظج ويريح بالج ويرزقج نومه جميله لذيذه
نومه هنيه نومه الغزلان بالبريه
:*

esTeKaNa يقول...

maha
~~~~~
يا صباح الخير
يا مسا كل الهنا
:)
وانا طبعا اتفق معاج
وحيالله المها





طائر بلا وطن
~~~~~~~~~~~~~~
loooooooooooooooooooooool:))
يعني باجر بعد كل تصويت على قانون نسمع يباب
:Pp~
طائر ضحكتني
عسى ربي يحفظك ويديم عليك الضحكة قول امين
:))
شكلك متابعها
انا ترا من السنه اللي طافت متابعتها
:pP~
عيل تقول اليباب ارحم؟
هههههه
يمكن يوم يببت ما كان الاوزون مثقوب،بس الحين ويا هالثقبه الواحده منا مالها خلق تيبب
:Pp~

esTeKaNa يقول...

Bo :: @yman
~~~~~~~~~~~~~
حلت دنياك قول آمين
:)
افا عليك بس لا تعتذر على التعليق
مدونتي رحبه وسعيده بكل تعليقاتكم

حياك الله

esTeKaNa يقول...

U know WHO
~~~~~~~~~~~~~~~~~
ياهلا ويا مرحبا
حيالله اصدقاء عمي أوزون
باجر تصير جمعيه نفع عام:
جميعه اصدقاء عمي أوزون
:pP~
انا بصوت حق نوال
ولازم نكثف الاصوات
لان انا بعد من يوم ما دريت بالثقب وانا امشي واطالع السقف
وحالي من حال اخوج
looooooooooooool
وعاشو بنات كيفان
ياربي نداره نداره
:Pp~

esTeKaNa يقول...

مي
~~~~
حيالله مي
يالله روحي الندوة وصيري مراسلتنا من قلب الحدث وطمنينا شنو السبب
:pP~







المجهول
~~~~~~~
looooooool






رزنامة
~~~~~~~~~
سبحان الله
!!
صج الناس فيما يعشقون مذاهب
غيرك يقولي علامج قلبتيها سياسه وسوالف
نبي رومانسيه
وانت تقولي جذي
وبكل الأحوال انا اكتب اول ما يخطر في بالي فاستسمحك عذرا واسفه ان كنت مللتك
:)
تنزل بالكونجرس الامريكي؟
hahahahaha








Lawyer
~~~~~~~~~
يا صباح الزعتر
:Pp~
شيخة عندها طيران؟
شكلها ما يوحي
!!
اي هذا يسمونه الابتكار في جذب الاصوات
:)
بس سالفه الجريده
ههههههههههههههههههههههههه
بروحي جذي جذي اكره ما علي التصوير
اقتنعت بزود الحين
:pP~

esTeKaNa يقول...

U know WHO
~~~~~~~~~~~~~
أنا اقول ملاقه؟
وعن منو عنج
!!
ولا شفتي الملاقه ولا تدرين اشلون صايره
loooooooooooooooool
تصدقين انا اليوم ما قدرت اركز بشي
حاسه بالخطر بكل لحظة
ياربي الاوزون مقظوظ الواحد مو قادر يعيش بأمان
:Pp~
وعاش حسينوه
ههههههههه

esTeKaNa يقول...

الحر
~~~~~
صباح الأمل والحرية اخي العزيز
هل افهم من كلامك انك تشجعني ان اكون مرشحة بعد كم سنه واعتمد شعار الاستكانة؟
:pP
حياالله اخوي الحر
:)

esTeKaNa يقول...

نون النساء
~~~~~~~~~~~~~
حبيبتي انتي
سجده شكر بسرعه بسرعه
الحمدلله اللي ربي بلغنا وعرفنا الحل
:Pp~
ههههههههههههههههههه










ARTFUL
~~~~~~~~~~~~
ياهلا ويا مرحبا بأخوي
:)
كل الكلام بعديه
بس لا تعيد حريم حريم وايد
ترا ها
الغالبيه هني حريم دير بالك
:pP~








nanonano
~~~~~~~~~~~~
فطينه اسم الله عليج
:)
تهقين اذا فازت شنو بتسوي؟
تلبس حيول؟
:Pp~

esTeKaNa يقول...

أبو الدســتور
~~~~~~~~~~~~~~
اي عاد عشان نوصل لازم نشوف حل الأوزون وثقبته
:pP~
اهم شي انك مستمتع
احسك تقول حط حيلهم بينهم
hehehehe









chandal/danchal!!
~~~~~~~~~~~~~~~~~~~~
يا مسا النداره
يا مسا كيفان مصنع الابداع والذكاء
وعلى قوله ابوي:
كيفان يا دار السعد
:Pp~
الحين عرفت سبب الحب المتبادل؟
ربوع كيفان يا جندل ربوعها
ههههههههههههههههههههههههههههه
ياربي ابهرتني بالحل
انا ما كنت قادره ارتاح نفسيا
من قريت الحل وانا اتطمنت على مستقبلنا
:)
ويييييييييييييي
ما فاد العقال؟
انزين خلينا نجرب الجريمبه
.
.
.
.
واحده نحيسه
:PP~
عاد تصدقين؟
تبين ريال يدش قلبي
خليه يلبس جريمبه
هذي معلومه على كتر
عشان تعرفين ان الجريمبه تعني لي شي كبير
هههههههههههههههههههه
ياربي بسيطة حتى بالاشيا اللي احبها
:Pp~

esTeKaNa يقول...

barrak
~~~~~~~~
اذا وصلنا لمرحلة ليش الضب بدى يضعف
راح اكون كملت السن القانوني
وراح انزل الانتخابات
وراح احط مباحث بالبلوقات
اي واحد ينتقد افكاري انا والضب
يا ويلهم
:Pp~
كل ما ذكر بالبوست
لا يقدح من كون في مرشحات بفكر راق
وسجل عندك:
لا يقدح
:pP~

esTeKaNa يقول...

New Bride
~~~~~~~~~~~
من السبراي؟
وي وي
اي كل بنت تمشي وفوق راسها بف لي السما
هذا السبب
:Pp~







ESTEKANA
~~~~~~~~~~~~
حيالله انا والله
:pP~







Sweet Revenge
~~~~~~~~~~~~~~~~~
وي يا بعد قلب استكانة انتي
كل شي ولا ثقب مزاجج
تعالي وانا اخيتج اخيط لج هالثقب
افا عليج بس
:))
السموحه يا شيخة كل البنات
افا عليج بس
عشان عيونج البطله تييج بربع دينار مو مليون

هذا بس من باب التنويع
عشان تولهون على بوستات يا رضاها وربعها
:)










طائر بلا وطن
~~~~~~~~~~~~~~~~
الله يعافي نوال
كافي خلتك تنور هالبوست وتضحك ويانا
:)
والسؤال:
تهقه فج؟
يا حسرتنا انا امشي واطالع السقف
الوضع ماهو آمن
:pp~
واي خيالك ضحكني
هههههههههههههههههههههههههههههههه
شكرا لان انا من قلب قاعده اضحك
:)











U know WHO
~~~~~~~~~~~~~~
الفايروس منتشر؟
انا يا دكتوره ما اتابع اسمر
ولا اشوف التلفزيون
فطريا افكر لغه عربيه صايره بروحي مسلسل مدبلج
:pP~
بو العز بس؟
افا عليج
اسوي له حصه واحده ويا ولد جندل ختيبي
:Pp~
سماعه؟
والله فكرة
ياربي عساج ما تنضلين
فطيييييييييينه
:))
وعاشو عيال منطقه يا طبطب
:pP

esTeKaNa يقول...

ma6goog
~~~~~~~~~
تتذكرانتصار الشراح بخذ وخل؟
تصدق ذكرتني ابي اشوفها
:)







Enter-Q8
~~~~~~~~~~~
hahahahaha
انزين مو الا مقيحيط
خذ لك واحد رزيحان مع اثنين عبدلي
:Pp~







بنت الشاميه
~~~~~~~~~~~~
وي اسم الله على شيخة الشامية
علامج؟
تعالي اقرا عليج
هاليومين كله متعسره
هذا سن المراهقه عادي حبيبتي عادي
:pP~
كل هالأنواع لزقات؟
ممممممم
اعرفهم اعرفهم شايفتهم عند امي
لا غلط
مو سن المراهقه عيل
:Pp~
طبعا كل شي بأجره
ازمه اقتصاديه مأثره ولاب توب يديد ما تنلامين
:)

esTeKaNa يقول...

صبا
~~~~~
يا هلا بصبا الجمال والرقه كلها
:)
لا يا صبا لا
لا تفقدين الامل دام احنا كلنا موجودين الكويت فيها امل
:)
انتي ما يبيلج جاي بس
يبيلج قوري على عداله نتجابل نشربه انا وياج
:*










الزين
~~~~~~
زيون
انا امنع منعا باتا اي احد يحش بشكل او اسم او اي شئ اخر
انا مثل كل بلوقر يناقش فكر
بس المشكله اليوم ان الفكر مبهر بس
:pP~
لا تأزميني
الحين يأنبني ضميري امسح البوست بللي فيه
:)
لا تحمرين العين خلاص خلاص
بيخلص العقد اللي خبرج
:Pp~








fatto
~~~~~~~
تهقين انزل؟










kuwaitawy
~~~~~~~~~~~~~~~
:)
ما قصرت يا كويتاوي
شكر شكرا خوش معلومه
:pP~








I7na 3shagnaha
ّّ~~~~~~~~~~~~~~~~~~~
ماحد يطقج وانا هني افا عليج
:)
ايييييي شفتي اللي شفته
هذي اذا فازت حيول حيول
:Pp~
ياربي استاثمنا فيهم
بس كله منهم
:(












الخيلاء
~~~~~~~~
وي يا زين هالضحكة
عسى بس تلبقت فوضى المشاعر؟
:)






هند
~~~~~
اول ما تضحكين
شوفي المنظره
Hehehehe








مركبنا
~~~~~~~~~
صباح العشق الأبدي
تصدقين عاد انا اموت على القهوة اكثر من الجاي
:Pp~
صج؟
شكرا شكرا للبشاره
:)

esTeKaNa يقول...

Najmah
~~~~~~~~~
اي تعلقون باسمي
تلونون ببلوقي
وخربو علاقاتي ويا الناس
LOOOOOOOOL
ان شاااااااااااااااااء الله يا صديقتي
:)







أتيت متأخره
~~~~~~~~~~~~
يا مسا الورد كله
:)
افا عليج
احنا مرشحاتنا متعددات المواهب شعبالج
:pP~
والله يعينكم على الياي
استفيدو من لويتنا
:)

esTeKaNa يقول...

Q8EL5AIR
~~~~~~~~~~
حياك الله
عسى دوم الضحكة ان شاء الله
:)






nikon 8
~~~~~~~~~
الهدف لفت نظر لا اكثر ولا اقل
لنكن مع الكفاءه
من غير تميز يا صديقتي
:)









ريانه العود
~~~~~~~~~~~~
إي ديري بالج
:)










mantovani
~~~~~~~~~~~~~
عاش من شافك
!!
شكرا على الاضافه
:))))






Bashayer
~~~~~~~~~~~~
هلا ومرحبا بالبشاير
:)
شكرا لمرورج وتنويرج هالبوست
وجهة نظرج صحيحه في ناس تستحق التشجيع،ولكن هذا البوست جاء بطريقه عفويه جدا
كل الموضوع كان بمجرد تصفح الجريده
واذا تصفحت الجريدة يوم ثاني ولقيت احد الشباب مبدع ما اطوف لا تخافين

حياج الله







sn3a
~~~~~~
وي يا حسرتنا
علامج مكتئبه؟
انزين اذا انا نزلت تصوتين لي؟
ترا انا مثقفه
!!
صج ما يبين علي
بس ترا فيني أمل
:)







للكلمات بقية .
~~~~~~~~~~~~~~~~
:)
اي عشان جذي

~ هند ~ يقول...

نحن هوووونا ..

ممنوع السهر للناس اللي ماخذه اجازه
:))

بوسند يقول...

هذولا الحريم .. وهذا فهمهم للانتخابات

الله يعين الكويت

someone_q8 يقول...

السلام عليكم

قواج الله اختي استكانه
بما انج بإجازة فالمفروض اتسوين فورمات للامور السياسية اللي ما منها الا الكلام

استمتعي بالاجازة وغيري جو

طبقة الاوزون اطلعت بسبة اهل الخليج ؟

وين احنا بنترقع مع هالافكار؟

وبالنسبة للاخت لطيفة اعتقد موضوعها خذا حجم كبير وكل من ادلى بدلوه , لكن المجلس ما يصلح لها لانها راح تتعب من الصراخ ومن اللي راح اتشوفه


الله يعين الكويت على عيالها اللي امخلينها آخر اهتماماتهم الا من رحم ربي وهم قلة

U know WHO يقول...

سوووسووو... صباح الخيرات
توني مارة على جندووولة وشفت شي
!!

يقولووون صرتي
المتحدث الرسمي باسم جمعيه ترقيع ثقب الأوزون

سووسوو.. من ألحين أقول لج
أنا أمينة السر

كل شي ولا الأوزون عاد
دام سبته بنات الديرة
لا لا لازم نعالجه بنفسنا

المهم نرقعه بأي لووون؟؟
يقولون التغيير حلو
بس في ناس تحب كلاسيك
إشرايج
؟؟

نادي الجماعة لإجتماع تحديد
لون رقعة ثقب الأوزون

وانا حجزت موعد ويا حسينوووه
وبالتهديد والوعيد
قلت له
عندك إسبووووع بس
وتصك الثقب الأوزوني
مو تقووول
ماما واجد شغل
ترى هـا

إحنا على الله وعلى الأوزون


ودام الموضوع بإيدنا ألحين
خل المرشحة نوال تستريح
ونرشحج يا إستكانة مكانها
:)

طائر بلا وطن يقول...

كنت أدوّر ايميل نوال بالإنترنت
اليوم الصبح .. قلت يمكن عندها

اجيبه هني و ابتزك فيه
:P

تخيلي اعطيها لينك البوست

و تخم عباتها و تحطها فوق راسها
و تجي تدور عليك .. وينهيييييي

هههههه

/
/

على فكرة .. هالسنة هلّت قصيدة جدام
مبنى شئون الإنتخابات و أعادتها أمام
موظفة التسجيل كما جاء في الخبر
:P


http://awan.com.kw/pages/local/198620

لقطات بالأخير

ARTFUL يقول...

حنا اتأفشنا والا آيييييه

;p

ما اخاف الا من رب العالمين تالي الكعووب

;p

على طاري ويهك وانت تقرا البوست او ايميلاتك

والله اعاني من هالشي

جدامي مكتب واحد كله امبطل بابه

فهو يشوف ويهي ولا يشوف شاشتي

احس انه من داخل يقول شهالمينووون!!!

;D

mellow يقول...

خلينا من المرشحين و المرشحات إلي أخبارهم ما صارت تهز فيني شعرة

أبي هالجملة

وأتذكر:
اني في مناسبات كثيرة رفضت التصوير في مجله او حتى جريده لأني دائماأتخيل صورتي الضاحكة على صفحة جريده قد تم استعمالها تحت جدر مرق،او استخدمت لمسح نافذه ،أوكانت وساده لذاك الخبز الإيراني


@@

آنا شكثر صورت؟
أشوف البنات عندنا في الدوام ..لا لا لا ما نبي نصور ..ميلوميلوووووو تهببببببل بالصور (جذابييييين)أثرا هذي القمندة؟؟

و آنا أشق الكشرة من هالإذن لين ذيج آخرتها صورتي تحت مرقة بامية؟؟

U know WHO يقول...

أقووول سووسوو

عندي خوووش فكرة

إحنا ليش دايمن نحاول
نصلح إللي مايتصلح
ليش ما نستفيد من الخراب الموجووود
مثل الله يكرمج الزبالة
لما يسووون منها لوحات وفن

لما نشغل المخ
شنو نكتشف
؟!

ألحين ثقب الأوزون مو نفس ثقب الأذن
أثنينهم غير قابل للـ تسكييير

إذن
بالإمكان
نلبس ثقب الأوزون تراجي
؛)
وفي هلـ حالة ما يبي لنا حسينوووه
يبي لنا الأربش
:)

الحــــٌر يقول...

والله ليش لأ قدها ونص ليش الي نازلين أحسن منج
والشعااارات علي بعدوهذا واحد عالسريع

مو تكـــانة إلي ما يرشح إستكــانة
:)
:)

ANGEL HEART يقول...

انا ماني قادره اعلق التعليقات بروحها بوستات يعني جمع بوست :)

واي يونوووو سالفه الترجيه والاربش حسيت فيها طموح عالي عيل من حسينووه لي الاربش :p

Manal يقول...

مساء الخيرات يا استكانة
يا احلى ستكانة

:)

خلينا من ام منيرة
لاني ما اعتقد انسانة بهالتفكير تصلح تمثل الكويت


بس طبقة الاوزون الصراحة موضوعها ما فاجاني

بس ليش ماكان في توظيح اكثر بالجريدة؟؟؟


ين موتيني من الضحك على حجاب بو تفخة يمكن يكون السبب ما تدرين
:)

شـقـــــران يقول...

الغالية استكانة

مساء السماء الصافية الخالية من الأوزون
:)

جد هذي من صجها أو تتغشمر

والله مت من الضحك على هالتصريح
:))))

ثقب الأوزون حته وحده...اتصدقين عاد أنا شاك بواحد من الجماعة راعي إبل وأظن هو وراء اتساع الفجوة
:)))


أما العبدلي والرزيحان فـ...كيف الحال
:p


الله يوفق الجميع..أخاف بعد يقولون ضد النساء،،،خبرك التهايم على خمسين فلس هالايام
:)



تقبلي مني أجمل التحايا المسائية

I7na 3shagnaha يقول...

يه يه يه

اش هالنيو لوك

شي ن عدل

لوكج كندي بايام الخريف

:))

U know WHO يقول...

سووسووووووو
شغل عدل
حركاااااات

New LooK
مع الهبة جنج
عمليات تغيير
وتبدييييل

بس أي موديل
نوال الزغبي
ولا أصالة
؟؟

ما عطاج ما عطى جندووووولة
بـ الغصب وطلعة الرووووح
سوت لها لوووك
وينها عنج خل تشوووف