الجمعة، أبريل 24، 2009

إنسحاب وشكر

عادة المرشح في وقت الإنتخابات ولينال تأييد أكبر عدد من الناس فإنه يستنكر،يتساءل،يتبني،يتفلسف يتكوكس كيفه اهو حر
ولكن الغريب ان المرشح في عز لويه الإنتخابات يسير عليه إلهام وتجود قريحته ويشعر
لفت نظري هذا المرشح يوم الثلاثاء السابق في جريدة الوطن بتاريخ 21 ابريل 2009
وايد أغبطه على رواقه مزاجه بس يا ترى ليش حاط رقم تليفونه؟
عشان نقوله صح لسانك؟
انا صج مستغربه
يوم الخميس 24 إبريل 2009 تذكرو ايام الصبا هنالك وانسحب


بس الحمدلله الرقم موجود لأي استفسار

:Pp~
كلن في قلبه شقا الليله..وأنا بقلبي شقا الغالي
مادري ليش يوم شفت هالصورة حسيت احنا وين وانتو وين
مع احترامي لعائله دشتي الكرام كافه
معقوله يصير اهم انجاز وطني للكويت الحين ان نحصل على لقب ستار اكاديمي؟
أخييييه يا ديرة هلي
:(
وعلى هالطاري
أحس الرجل جماله في هيبته ،ورغم ذلك هناك من يحتفل بأن ذاك الولد أجاد الرقص
وهناك جيل راقوصي قادم بقوه يدخلون مع المعرس في اكثر من مناسبه احضرها
شصاير؟
.
.
.
السر

سر البوستات الرومانسيه وأي بوست حلو هذي الفيونكه

اذا ما لبستها ما اقدر اكتب كلمه واحده حلوة

اي احد يعاني من قحط في افكاره يقولي وانا اسلفه وردتي

:D~

هناك 53 تعليقًا:

Reem يقول...

لول إستكانه خلي كل شي ..
أنا الفيونكه حطمت مهجتي .. !

حدها زوغه ..
بس بس لا يصير فيها شي من عيني
لوول

Mamloo7a Q8ia يقول...

مرشحين آاااخر زمن
عسى دقيتي له وقلتي له صح السانك
:))

اما الجيل الراقوصي
الله يحفظ عيالنا ويبعدهم عن هالخرابيط

هههههههههههههههههه
ههههههههههههههههههههه
ههههههههههههههههههههههههه
عرفنا السر
شي شي هالفيونكه
ويه ويه
اخاف هي اللي معوره مخج
@@
تهقين لو احطها على راسي اطيب
؟؟؟؟؟؟؟؟؟

لوسمحتي ابي اتسلفها
ودي برومانسيه
:P

Eng_Q8 يقول...

صك على بو فلنتاين

mtfa2el يقول...

لوول

شكله اشتغلوا عليه الشماتة من حط رقم تلفونه

ما سوت عليه خو شعبنا شعب شمات من الدرجة الأولى

أما الجيل الرقاص .. فطالعلنا جيل خفيف يبي الشارة عشان يرقص

Yin مدام يقول...

إزيك يا أم فيونكة
لووووول
زينات صدقي مو إستكانة

عاد عندي جم موضوع وإنتي تدرين عن اللوية اللي بمخي فسؤالي يا إستكانتنا المبدعة هو
بجم تأجرينها ولمدة جم يوم؟؟
وفي توصيل للمنازل؟


سالفة المرشح عجيبة
وعندنا بالكويت
عش أيام الإنتخابات ترى المصائب والعجبات

لدينا إنجازات لشبابنا وبناتنا بين براءات إختراع وتفوق ومسابقات مدرسية تشرف بس ما تنذكر إلا بصفحة صغيرة وخبر زعنطوط جنهم مفتشلين من الثقافة والإنجازات الحقيقية


بينما وللأسف ستار أكاديمي هو الإنجاز الوحيد الذي يتم تسليط الضوء عليه ليظهر وكأنه الإنجاز الأكبر والوحيد

تصدقين عمري ما شفت حلقة منه بس من كثر ما يكتبون ويسولفون عنه ما فرقت عن اللي يشوفه
!!!!

الله يستر من جيل الراقصين والراقصات
بروحها الديرة مو مستقرة هالنوب يهزون وسطها!!


تسلمين على هالبوست المنوع والمذيل بأحلى فيونكة

:)))

Reem يقول...

LOL إستكانه إختي عاجبتها لعبتج
مع إن عندها نفسها ..
بس إختي نسختها مقرعه

إحم ..
حدي شسمه لول

kAiKa-MGroMa يقول...

لووول عجيبه هالفيونكه

تصلح حق حبايبي فيونكات عشان اييهم

الهام حق بوست رومانسي لو مره وحده


:P.

بنت الشامية يقول...

استكاااااااااانه
واللى يسلمج ابى وحده مستعجله

و ابيها حمره لو سمحتي

وبعد مالبسهااااا ...تحملوااا اللى ايكم....لووووووووووووول

لاي استفسار...رقم الموبايل
12356778

(((:

esTeKaNa يقول...

ana busy shwya:(

وقبل لا ارجع للتعليقات احب اقول ترا الفيونكه لأعلى سعر
وعلى فكرة
ممكن تستعمل عقال والفينوكه تصير ورا
:Pp~

~ هند ~ يقول...

أبي فيونكه مع العروسه ..

بجم تطلع؟؟

Yin مدام يقول...

لوووووووووووووووول

إستكانة مع الجيل الراقص القادم أتوقع عقال بو فيونكة بتكون الموضة اليديدة "مو بعيدة كللللشششششششش"


لوووول
مبدعة وإنتي بيزي
:)))

مَـــــعْــــمَــــعَـــــه يقول...

الحبيب الوسيم اللي فوق مرشح اي دائرة بالسعوديه

Najmah يقول...

لووووووووووووووووول
البوست كله بصوب
والفيونكة شي ثاااااني
آآآه
آنا ابيها ترتب الدثرة اللي براسي
وتخليني اركز بدراستي
وتالي لما اخلص
تكافئني وتخليني اكتب بوست حلو
يصير؟

fatto يقول...

لووول .. جان دقيتي عليه وقلتيله صح السانك :)
لووول صج والله اشسالفه الرقم ؟؟


انا مومتابعه ( ستار اكادمي ) الحين منو دشتي .. اي واحد فيهم ؟؟ هذا ابوي يعني ؟؟


انا ماعرف اعبر عن مشاعري مثلج .. اتهقين لوتسلفيني التاج راح اغرد من المشاعر :) ؟

المقوع الشرقي يقول...

هاهاهاى
ما أمداه
أحس السالفة كلها عشان يرقم وشوفونى مهم
أشهالعاهات
!!!
بس الفيونكة
ختيييييييرة
جم تفتحين المزاد
:)))

طلعتلج شعار مع هبت شعارات المرشحين
أمانه
دلعى أستكانه
مساج عسل

مي يقول...

ياحلو الفيونكة وراعيتها
استكانة ..
ننطر البوست اللي وعدتنيا فيه
بوست الدريشة والشمس والمطر
بس هالله هالله بالفيونكة
;)

U-Turn يقول...

البوست زووووووغه كالعاده
وأحلى ما فيه هالفيونكه
أبيها ما علييج امر :$
عندج وحده فوشيا او حمره :$


على طاري المرشح الي نسحب
يمكن يدور معجبات وليما كثروا أعلن إنسحابه بعد شيبي :p
قال اعتزل الفن احسن لي



توني ادري ان ولد دشتي الي بستار اكاديمي
اصلا بس ادري ان فيه كويتي
شسمه وشلون شكله ما ادري عن هوا داره
إيي والله كل"ن" في قلبه شقا الليله :p

الله يعينهم ويهدي عيالهم

تسلم إيدج الحلوه
ولهت على استكاناتج :]

Kuwait يقول...

@@
لا تفهمينه غلط يا استكانه يمكن الريال حاط القصيده والرقم عشان أي أحد بيشكره يدق عليه والظاهر إنشكر ولهالسبب اكتفى وسحب ترشيحه ;p
اما الفينوكـه حاجه ما حصلتش لووووووول
استكانه بعد جبدي الحين هابيين بالريش احنا صايرين طواوويس وقاعدين كل وحده تمشي وعلى راسها ستلايت مو ريشه لووووووووووووووووول
تبين أتبرع لج بريشه من الريش الي عندي ؟ ;p

Sn3a يقول...

يعني الاصمعي من صجه؟
والله فراغه عبالهم هالانتخابات تضيعه وقت ماجنه مصير بلد وشعب واقف عليها وعلى العناصر اللي بتنتجها!


ولد دشتي مثله مثل وايد من شبابنا فاهم الدنيا غلط والانجاز غلط وخدمه الكويت غلط
احنا واحنا بصلاتنا نستحي نجابل ربنا واحنا لبسنا مو ملتزم ونسمعلنا اغنيتين ونحش
وهذا رايحلي برنامج بيخدم الديره فيه؟
اذا احنا ندرس ونتخرج ونتوظف وندور شي نخدم وطنا فيه
هذا بيخدم ديرته برقصتين واغنيه؟
والابو مايدري ان بيتحاسب على وقفته ويا طريج ولده؟
صدقيني ابراهيم فاقد شي وعمره ماراح يحصله
واهو واهله يدرون شنو هالشي


اما بالنسبه للفيونكه
مبين عليها ملهمه
بس تهقين شنو ملهمه اخينا الاصمعي؟

صبا يقول...

حطيها مزاد يا عوينتي
:**

خوش فيونكه

أثري مو بس انا عندي

طقوس للكتابه ..في مثلي

يا زينج يا استكانه

عيل لو اقولج انا شنو طقوسي تضحكين

اضحك من قلب

:)))
خليها على الله

............


هالمرشحين كل واحد طالعلنا طلعه
وفناتك

شكو حاااااط موباااايله
!!!!

الله يكملهم بعقلهم

خووووش بوست حلو
مثل صاحبته
:)))))

صبا يقول...

اييييييييييي
نسيت اقولج
انا ما تابع اسطاااار اكاديمي

بس اليوم كنت قاعده بالزواااره وكانو حاطين البرايم

وفجاه والا اسمع
انه ابو الكويتي داش عليهم بالمسرح

شنو اسمه والله ما اعرف ؟؟
اتعرفين انتي
!!

:***

Nikon 8 يقول...

إشلون طحتي على المرشح ؟
صج خطيرة
:)
توني راجعة من عرس والجيل الراقوصي طاحوله رقص والعروس وأهلها وأهل المعرس متكمكين مو عارفين يتصورون مع المعاريس بلا حجابات
!!!
الله يحفظهم عليهم ذاك السامري وذيك العرضة ولا أحلى منها
حتى بوخمس سنين تلثم ورقص معاهم
:)

بانوراما يقول...

فزعتكم

كلنا ندق عليه ونترجااه لا ينسحب

ريــــــانــه الـعـــــود يقول...

الفيونكه زووووووووووووووغة

:))

انا مادري ليش لازم اذا بغيت اكتب شي رومانسي اكحل عيوني ;p

اما عن سالفة ستار اكاديمي

اممممم معقولة في اتفه من جذي ؟

افتقدنا معنى الرجولة والله

تقبلي مروري :)

سبمبوت يقول...

حتى أنا زوغت قلبي الفيونكة ..

والله يا ويختي ما أقدر اكتب إلا وأنا حافية ومتربعة على الكرسي وفاقصة روحي داخل المكتب .. حتى لما أكون في دوامي في أحد البنوك الكويتية المحترمة!

شـقـــــران يقول...

الغالية استكانة

صباح الزنبق الغافي
:)

كأني مقصر...لكن مكانك في القلب سلمك الله،،في القلب
:)


.
.
.

أعتقد حاط الرقم يستقبل المعجبين والمعجبات،،،المعجبين لهم كلمتين ذات معنى باطن اختصاره:ضف وجهك

أما المعجبات فلهم كم من الكلمات الجميلة ذات معنى باطن يقول:ياحلو هالصوت وراعيته

:)))))


ستار أكاديمي..ماعمري تابعته ولاعمري قعدت عليه..لكن باين من الصورة مستانسين بالحيل...شنو صاير بالضبط؟



أمّا اللي يدشون مع المعرس فهذولا حكاية ثانية...على قولتك جيل راقوصي
لوول

عنذنا اثنين من هالجيل اللي يدشون مع المعرس تبين اسلفهم لك اذا صار عندكم عرس
:))))


طيب سؤال...المشاخيط اللي خبرك لهم علاقة بسالفة الفيونكي
:p


تقبلي مني أجمل تحايا الصباح الناعس

violinist_q8 يقول...

ان المشيب رداء الحلم والأدب ،، كما الشباب رداء الزهو واللعب
وينك يادعبل الخزاعي تشوف الي صاير

ikhalifa.com يقول...

ألحين هالفيونكة تطلع كل هالحجي!!
صج يوضع سره في أضعف خلقه!!!

امممم هذا لون شعرج الصجي و لا صابغتنه؟
:P

ShLaLaT يقول...

الفيووووووووووووونكه زوغه زوغه

:****

chandal/danchal!! يقول...

loooooooooooooooooooooooool

صباح الفيونكات

بس هقيت فيونكتك فوشيا!

:p

سلفيني اياها ولك مني درزن مولتن كيك... أعاني من قحط ونشفان وانتي ماشاءالله عيني عليك باردة... عندك بئر رومانسي ارتوازي

:p



ما أدري عن ستار اكاديمي.. خبري فيهم أيام بشار الشطي!


شماله بو الشموخ حاط للاستفسار!... شكلها تمويه وعنده مشروع توصيل كبة شبنت وبرغل!

MoRooJiA يقول...

الظاهر المرشح المسكين محد دق وقاله صح لسانك فزعل وانسحب وعلييه :(

ما تسلفيني فيونكتج أنا افكاري كلها متشتتة جود تتيمع :P

بنت الشاميه يقول...

esTeKaNa :

بدينااااا بالطمع
استكانه خليج طيبه وحليوه
ترا الازمه الاقتصاديه مفلعتنااااا

وانا بروحى توني شااااريه لاب توب يديد...يعنى الميزانيه مخسوفه خساااااف

هههههههههههههه
لى سعر خاص لو سمحتى وحمرررررررررره بعد

RoOra يقول...

AWAL shai 3lech bel3afya 5osh band;P
mn wen abe nfsa:D?

oO aljeel alrago9e bel3ros ;$
lol a7s yshwgon enh mstansen fa yrg9on 5o 3de:/

w almrsh7 almons7b alrgm atwg3 7g ale ybe ydg w y3dla 3n rayah ;Pp~ L3LAA s3er :p

نون النساء يقول...

وه
مامداه غير رايه؟؟

ودقيتي استفسرتي عاد



تكوووووووون شنوووو
تفلين الجرايد تفلي الظاهر ههههههههههه
وين طايحه عليه








حلو التاج بو فيونكه
ولا مرة فكرت أجربهم صراحه
وعروستج عندي نفسها بس لابسة بلسوت وردي
ههههههههههههههههههههههههه


تبادلين؟؟

:P

ReLaaaX يقول...

تكفين اسويلج منها كل الالوان بس لاتقطينها ;p

أحمد الحيدر يقول...

سالفة الإعلان بصورة ورقم تلفون موضة ..

وبعضهم يقول "جود " تطيح بهوانا وحدة وما يسمون عليها ;p

والناس فيما يعشقون مذاهب ..

ودشتي بلشتي مو أول ولا آخر واحد مع كل احترامنا يعيش الدور في البرنامج التلفزيوني .. ومو عشان دشتي ( مثلي ) بقول إن مؤيده .. فالمشاركة من أساسها غير موفقة .. لكن أيضا : الناس فيما يعشقون مذاهب :)

تحياتي للبوست الجميل :)

ARTFUL يقول...

لا تستبعدين يوم من الايام يصير وزير

اما الوردة

موووووت

أحس مالت قبل

بس عاد ليش سودة

;p

terkwaz يقول...

يستنكر،يتساءل،يتبني،يتفلسف يتكوكس كيفه اهو حر

يتكوكس ههههههههههههه حبيتها

اذا تكوكس ماراح يطيح عقاله ؟!؟
XPp~

انا ابي فيونكه
مؤقت بس عشان ادرس واردها لج :))


اسمحيلي على التقصير :)

مركبنا يقول...

ياوردتي ندية روحي لخلي هديه (=


هذا من ربع الفلانيتن
اخونا هذاك

monshg يقول...

ما شاء الله حصل المسانده على طول

!

أتوقع تضبطت ميزانية سفره الصيف بعد هالاعلان
!


شكلي بنزل اعلان
:)

Enter-Q8 يقول...

بعض الناس ما يسوون كيلو فستق

اجار الدين كشمش يقول...

جان دقيييتي عليه استفسرتي ؟

حتى يكمل البوووست

حسافه عليه ...انا عندي احساس ليش انسحب
جنه اصغر من الثلاثون عاما
وهو مايدري بالقانون

او راعي القصيده هاوشه

فمالله

lawyer يقول...

LOOOOOOOOOOOOOOOOOOOL


HAHAHHAAAAAAAAAAAAAAAAAHHHAAAAAAAAAAAAAAAHHHAAAAAAAAAAAAAHHAAAAAAAA


LOOOOOOOOOOOOOOOOOL


LOOOOOOOOOOOOOOOOOOOOOOl


ميته ميته ميته ضحك على الفيونكه

بلييييييييييييز سلفيني ايااهااااااااااا


اعاني قحط افكار عاطفيه و مخي صاير رادووووو مشوووووووووش ما اقدر اركز في شي





حدس استاااااااانست

إمـرأة لا تُنسـى يقول...

استكانة.. اشرايج انزل فيج قصيدة واحط إيميلي تحتها.. عاد بتذكريني بـ شي ؟
:))))))

أبو الدســتور يقول...

شنو هذا شنو هذا

شالتغييير

تبين الصج

مو طبيعي البوست

U know WHO يقول...

استكانتنا..
صباحوووو

أعتقد ومن وجهة نظري
الأخ يبي يصير مشهووور بسرعة
بالمختصرررر
حركاااااااااات ؛) يعني انا خوش واحد

والرقم حق المعجبين أو المعجبات
!!!!

أما عن سالفة ستار أكاديمي
ماقووول إلا
الحمدالله والشكر له


استكااانة.. أبي فيونكتج سلف ايصيير
؟؟

esTeKaNa يقول...

Reem
~~~~~~~
حطمت مهجتج
@@
يمه فديت المهجة انا
:)
ههههههههه
للحين ما صار فيها شي
كاني كاشخة فيها
:Pp~








Mamloo7a
~~~~~~~~~~~
دقيت كله مشغول وويتنج
انتي كنتي داقه؟
:Pp~
وييي صج اخاف اهي اللي معورة راسي
ههههههههههههههههههه
:))







ENG_Q8
~~~~~~~~
الظاهر غار منه
:pP~





متفائل
~~~~~~~~
ما سوت عليه والله
:)
الحين انا بس بعرف اشلون غير رايه باربع ايام؟








مدام yin
~~~~~~~~~~
أنا زينات صدقي؟
looooooooooooooooooool
هذي فريدة من نوعها
راح اسوي عليها مزاد
تقولين لي توصيل منازل؟
هذي فيونكه استكانة مو كنتاكي
:Pp~
عدل كلامج والله
وحياج الله









Reem
~~~~~~~
مقرعه؟
looooool
قولي لها عليج بدهن أملا وحل ناريل كل يمعه وراح يصير شعرها لي آخر ظهرها
:)







kaika
~~~~~~~~
hehehehe
راح اسوي مزاد خلاص
:)







بنت الشامية
~~~~~~~~~~~~~~
حمرا يا بنت الشامية؟
انا ودي ايبها لج
بس اخاف على المجتمع بعد ما تلبسينها شنو بتكتبين
looooool

esTeKaNa يقول...

هند
~~~~~
أول قولي:
كم أخر
آخر كم؟
:Pp~







مدام YIN
~~~~~~~~~~
ليش لا
احد توقع انا الناس ممكن تلبس جدر تحت حجابها؟
ماحد تخيل هالشي
بس طاعي ما شاء الله
تغيرت الموضه وبناتنا صارو مخلوقات فضائية
:pP~









معمعه
~~~~~~~~~
مش عارفه
بس اللي اعرفه ان تذكر ايام الصبا
:Pp~








Najmah
~~~~~~~
ممممممم
مممممممممم
تركيز بالدراسه+بوست حلو
لا نجمتي
تحتاجين شجره فوق راسج مو بس فينوكه
سئليني
:Pp~









Fatto
~~~~~~~
افا عليج
بس تلبسين الفينوكه
بنقولج بس يا فاتو
لا تكتبين يا فاتو
بس بوستات رومانسيه
بتقولين مادري ما اقدر اوقف
:Pp~








المقوع الشرقي
~~~~~~~~~~~~~~~
يا مسا المقوع الختيره
تدرين شنو كلمه ختيره منتهى الرقه والأنوثه
:PP~
بالنسبه للمزاد انا طمعت
بشوف العروض وراح نفتح على اعلى سعر
:Pp~







مي
~~~~~
هلا بمي
تصدقين البوست مو راضي يطلع من الفرن
شكله احترق
:pP~







U-Turn
~~~~~~~~

يا بعد قلبي انتي
ولهت عليج العافيه
:)

esTeKaNa يقول...

kuwait
~~~~~~~~
مو أنا اخاف البس ريش على راسي
يفتر ستلايت عقلي واكتب لكم سوالف تدوهكم
:Pp~
عاشو بنات الكويت
كلنا على راسنا ريشه
:)








SN3A
~~~~~~~
أنا في حاله انبهار منه
فأظن ملهمته شي اكبر من اني اعرفه
:Pp~
حيالله السنع








صبا
~~~~~~
لا والله انا ماعرفه
بس قريت الخبر الخطير قلت احطه
:pP~
ويالله صبا كتبي لنا عن طقوس كتابتج
خاصه الكتابات الرومانسيه
:)








Nikon 8
~~~~~~~~~
hehehehe:)
اشوة مو بس ملاحظتي انا
!!
اقولج صايرين جيل موهوب ما شاء الله
والف مبروك عرسكم عسى ربي يتمم عليكم الفرح







بانوراما
~~~~~~~~~~~
hehehehehe
راحت علينا
:Pp~








ريانة العود
~~~~~~~~~~~~~
تسلم لي العيون الكحيله
هذا المود ولا بلاش
انا الكحل وسوالفه حق الدراسه الله يسلمج
كل شي له مود خاص
:pP~









سبمبموت
~~~~~~~~~
يا بعد قلبي قلبج
انا بدور فينوكه صغيره حق غدونه
:Pp~
عاشت موظفه احد البنوك المحترمه
عاد تبين الصج؟
التربع بالمكتب قاعد يخليج تكتبين بطريقه مبهره تبااااارك الرحمن
انتي احد الاسباب الرئيسيه لاستمتاعي بالقراءه في هذا العالم
:)







شقران
~~~~~~~~
الغالي شقران
زنبق غافي؟
يا سلام
أنا من وصف الزنبق حسيت ابي اغفي
:))
مسموح ياللي تعذر
ما منك قصور وانا اختك
.
.
.
التفسير للمرشح المنسحب منطقي جدا
وفرحة ستار اكاديمي على تأهل ولدهم
:)
عندك اثنين؟
ما شاء الله يعني فعلا الموضوع منتشر بشكل كبير!!
دير بالك عليهم
يمكن نحتاجهم في وقت ما
:pP~
انا جواب السؤال:
فالفيونكه هي السبب الرئيسي في شخاطتهم
:))

حياك الله انت وصباحاتك الزنبقيه الناعسه

esTeKaNa يقول...

violinist_q8
~~~~~~~~~~~~~~
لو دعبل موجود
اظنتي تكوكس من اللي نشوفه
:Pp~







ikhalifa.com
~~~~~~~~~~~~~~~
اي شعبالك
عبالك شويه هالفيونكات
:pP~
بالنسبه للسؤال
نمتنع عن الإجابه
تخيل هذي الصورة انا
hehehehe









ShLaLaT
~~~~~~~~~~
شكراااااااااااا
:))

esTeKaNa يقول...

chandal/danchal!!
~~~~~~~~~~~~~~~~~~~
يا صباح الفرح
يا مسا المقايضات
@@
الحين انا متقدمه حق وليدج رسمي
بدل لا تدزين لي المولتن لله في الله
تدزينها مقابل الفينوكه
:))))
أنا احب الفوشيا
بس يختج الاسود راقي
سيد الألوان وافخمها
:Pp~
كبه شبنت وبرغل؟
LOOOOOOOOOOOOOOOOOOOOOOOOOOL
هذا التفسير الوحيد اللي اقنعني صراحة
ياربي الله لا يخليني
ماحد فاهمني الا انتي
Hahahahahah
الحين ما اقدر كل ما اشوف الصورة اتذكر الكبه
:Pp~









MoRooJiA
~~~~~~~~~~~
الفينوكه بنزلها بالمزاد ان شاء الله
:Pp~







بنت الشامية
~~~~~~~~~~~~~~
شرايج فيني وانا استغل الاوضاع الراهنه؟
انا كاتبه بالبوست بسلفكم اياها
بس يوم زاد الطلب طمعت
ميخالف يا بنت الشامية انا بنت في بدايه مستقبلي والحياه فرص
فشكلها مزاد علني بساحة الصفاه

hahahahahaha








RoOra
~~~~~~~~
حيالله روروا
تفسيرات منطقيه جداااااا
:))
الباند من البحرين
بس ترا صج حلو باللبس
كنت كاشخة فيه بحفله
تالي قمت البسه اذا بكتب بوست
:)








نون النساء
~~~~~~~~~~~~~
ما قدرت اكلمه
كله ويتنج
loooooool

اي انا وايد صايره افلي الجرايد
نطري بعد لاقيه شي اليوم
يومين وانزله بوست
loool


انا ما كنت بلبسه جربته يشوق
لبسته مرة بحفله الله يسلمج طول الحفله امي مخليه الناس وتخزني
امي تحب هالسوالف ووتتحلى عليها بس مو علي مادري ليش


بالنسبه للعرض
اول اشوف البلسوت الوردي
بعدين اقرر
:Pp~







reLaaax
~~~~~~~~~~~~
حبيبتي شكرا
انا صج ابي كل الألوان
عشان انوع بالبوستات
:)






أحمد الحيدر
~~~~~~~~~~~
حياك الله
:)

esTeKaNa يقول...

ARTFUL
~~~~~~~~
كل شي جايز
اي انا بعد اذا كشخت فيها احس روحي فلم قديم
واهي حلاتها سودا
:Pp~







terkwaz
~~~~~~~~~~
hahahaha
مامنج قصور
حياج الله
:)







مركبنا
~~~~~~~~~
والشوق راسم ودادي
راسم ودادي
:Pp~
اي الظاهر رفيجه







MONSHAQ
~~~~~~~~~
تهقه؟
مممممممم
يالله نزل اعلان وقولنا شنو يصير
بس قولي انك انته
ترا انا بسرعه انزل بوست
:pP`







enter-q8
~~~~~~~~~~~
أنا اشهد
!!
بس ما قلت لي بجم كيلو الفستق؟
:Pp








أجار الدين كشمش
~~~~~~~~~~~~~~~~~
انا نزلته عشان حضرتكم تتبرعون وتدقون تستفسرون
:pP~
ههههههه
تفسير منطقي
فمان الكريم







Lawyer
~~~~~~~~
يا بعد قلبي قلبج
واي انا استانس لما اقرا تعليقج
صوته عالي
:Pp~
والحاله اللي انتي فيها
تحتاجين نخله فوق راسج
مو بس فينوكه
ههههههههههههههههههههه







إمرأه لا تنسى
~~~~~~~~~~~~~~
انا ما عندي دعم مادي ترا
كله معنوي
بس يا حافظ سويها
ماحد كتب فيني قصيده من قبل
:pP~









أبو الدستور
~~~~~~~~~~~~~
hahahahahaaha:)
ومنكم نستفيد
:Pp~
ترا البوست الياي يمكن يكون رومانسي
دير بالك لا تقرب من هذا المكان
خلك عند الباب
:pP







U know WHO
~~~~~~~~~~~~~~
يا مسا العسل
:)
خوش تفسير
والله يا صديقتي انا كنت ناويه اسلف اللي يعاني من اي قحط في افكاره
بس زاد الطلب فكرت اسويها مزاد
تدرين طمعت
:Pp~
بس بنهايه البوست شكلي بتصدق فيها
LOOOOL

ikhalifa.com يقول...

دامج شقرا عيل من اليوم بناديج استكانة بنت شربت
:P