الأحد، أبريل 12، 2009

حارة الأمان

صباح رايق
رايق رغم أنف الزحمة والتأخير ونظرات ذاك المدير
رايق رغم صباحي المتعسر مع الحمقي من صباح الله خير
.
.
.
عشر دقائق تأخرت فيها عن موعد خروجي المعتاد
نظرا لاستيقاظي متأخرا،وتجربتي لكحل جديد
وانا منذ زمن لم اضع كحل للعمل
!!
الشارع مزدحم ،والسيارات تقف في كل الحارات متملله،حانقه ،وغاضبه
وأنا بعالم آخر اسمع شاديه تغني:
قولو لعين الشمس ما تحمااش
لحسن حبيبي صابح ماشي
....
أخيه يا حنان قلبج يا شادية،ما تبين عين الشمس تحما ليش؟
عشان حبيبي صابح ماشي
....
يدي تمسك الأخرى وأمدها بشكل مستقيم للأمام فأضغط على هرن سيارتي دون ان انتبه
واذا بالسياره على يميني تتبع هرني بهرن
يرفع صاحب السياره الأماميه عينه بالمنظره،فأشير له بيدي وكأني داشه دوانيه اسلم
أنا اسفه
!!
تغيرت ملامح وجهه وصرخ بي عبر الأثير فرفعت يدي مرة أخرى مع ابتسامه شقاقيه وكأني أبو الهنا الله يذكره بالخير ومرة أخرى:
أنا اسفه
......
عشر دقائق وهو يسبني الى ان وصلنا الى مفترق طرق فأعطاني شئ بالهواء
شي عيب
!!
الى قائد المركبه الأماميه:
قد تكون متهاوش مع زوجتك ،او نايم على عسارة،فقررت انك تنفس عن غضبك فيني
ايا كان السبب فأنت احرجتني جدام المجتمع
ولأني طيبه ورايقه من الصبح :
سامحتك
.......
أناظر حارات الطريق:
تقف وحدك بتلك الحاره ملتزما بقوانين عليا يفرضها عليك ضميرك وأخلاقك
يطول بك الطريق
يتجاوزك الكثيرين
ويتعداك من هم ورائك
وانت هناك ثابت
ثابت على أخلاقك وقوانين وضعتها لذاتك ،تغمض عينيك وتعلم ستصل
ستصل
...آه
ولكن الطريق يطول
وقمه التحدي ان تظل واقفا في مكانك
وهم يصلون قبلك
بأقل من جدك وتعبك
.
.
يوما ما قد تحدك الدنيا على حارة الأمان مخالفا كل قوانينك وسقف اخلاقك
وستسير معهم
والسؤال:
الى متى ستسير معهم؟
وان سرت معهم متى سترجع؟
.
.
.
صباحا مشرق....ومساء رايق للجميع

هناك 50 تعليقًا:

ShLaLaT يقول...

امبيييييه مره صارت فيني
الاشاره حمره بس طولت
وانا بقمه اشتطاطاي بالسالفه
جان احوش الهرن

ولا السيارات كلها تشكل هرنات

لووووووول

حسيت فشله والله مو قصدي

;p


جم مره اقول بمشي بحارة الامان
بدت المحاضره
واخاف اذا توزع الامتحان ما يدخلوني

بس اتعوذ من الشيطان واقعد انطر بحارتي
لما الله يسهل الطريج
واوصل ويكون للحين ما بدا الامتحان

:)

خلج بحارتج
ولا تفكرين تغيرينها


صباح الورد
:*

Yang يقول...

همممممم, عشر دقايق على كحل ؟؟

عيل شلون المكياج ؟؟؟


الله يعين اللي في بالي :)



صباح الخير والكحل بو عشرة :)

Sweet Revenge يقول...

صباح الخير علي الناس الرايقة
طيبه ورايقه من الصبح :سامحتك.......

سلم قلبه الطيوبة استكانتنا
استكانه الخط المستقيم اهو اقصر طريق مابين نقطتين
مهما طال يظل هو الطريق الصحيح
الطريق الدائم والذي يوصل لبر الامان
وصباح الاستقامة والسنع والمنع :)

رزنامة يقول...

عساكم دوم بهذا المزاج الصباحي المميز

بهذه الفترة من اليوم نرى شلون اخلاق جزء كبير من القاطنين في هذا البلد تكون بأسوء حالاتها صباحا
وهناك من تستمر هذه الحالة السيئة بقية حياته وهناك من يسترد وعيه ويصبح خوش انسان مرة ثانية

اما الفئة الأخيرة عسانا نكون منها امين
وهي الفئة اللي على طول بنفس المزاج المتميز والمتفائل والفرح والايجابي

صباحكم سكر

نون النساء يقول...

والله يا تكاانة انا أحييج على متانة أعصابج
أي روقان هذا بعد ما تلتقين بناس من الصبح على الطريج
أشكال وارناق
كلن يعبر عن بيئته
وساعات يطلع ويشط عن بيئته ويصير ان شان ثاني


انا اشووووووووووف ان الشارع هو المحك الحقيقي للشخصيات المخفيه والتحكم بالأعصاب
هههههههههههههههههه





انا فقدت اعصابي وافتلتت من زمان
مو ناقصني ألحين غير أحط ورد بلاستك على جامات السيارة وأحط بيت شعر على دبة السيارة
وامشي مع الخلق
واااااااااي الشارع يخليج تفقدين انوثتج وبرائتج
>__<






بره الموضوع
شسم الكحل ؟؟
يسيح؟؟



ترا انا جربت اعتى كحل ما صنعهووش أعتى مورد ذو ماركة مشهورة و ماطاح من عين اللي مجربته قبلي إلا بمناديل منظفة وفوقها صابون
إلا انا جربته.. يسيح




ويالذيذ يارايق

I7na 3shagnaha يقول...

هذا كلة بسبة الكحل

:))

عيل لو حاطة آي لاينر جان اشصار
!!

و هذا اللي سوى عيب
قولييله

الشتيمة بتلف بتلف و ترجع لصاحبها
:)

صباح الهرنات

Shaima'a Alkandari يقول...

خوش حاره :) مليئه بالاحداث

صباحج ورد وريحان ومسك وعنبر يا استكانتنا الغاليه

وياعيني على المزاج من صباح الله خير وعلى هالاختيار الغنائي الجميل اللى يريح ويعيشج جو انماااا ايه مش معئووول


ولاتلومين الريال يمكن متأخر عن الدوام ومرته ماقعدته ولا ريقته :)

وانتى خوش بنت لانج سامحتيييييه:)على الرغم من حركته اللى سواها

وبعدين شتسوين لازم تطبقيييين القوانين وتمشين سيده أئمن لج ولا انج تمشين عكس الطريق والعيله من الندامه وبالتأني والتأخير السلامه:)


امشي سيده وبطريجج بالنهايه بتوصلين صدقيني صج تتأخرين بس بتوصلين


يالحلوه مره ثانيه قومي مبجر علشان ماتتأخرين وسوي بروفه من الليل



وصباحج عسل وسكر

chandal/danchal!! يقول...

loooooooooooooooooooool


صباح الروقان

تسمعين شادية اكيد بتمشين عدل وبحارة اليمين وسرعة دون ال 40

:p

وهالمشخط اللي قاضبين حارة الاميرجينسي ويطيرون صخام على سيايير خلق الله, اكيد يسمعون
R & B
:p


بعد الله يهداج... دني ورى شوية!!... لاصقة بأخلاق السكان!

عساج ما تتمقطين الا ضغطتي الهرن!


ما اواطن الهرنات والتترك!!!

لو شنو ما ارنع هرن!




ويا خيروه... و بوالهنااااااااااااا طاواطولي

:p

mellow يقول...

تكـُّونه

(هذا إسمج اليديد)

جنه إستانستي على المرضيات و التأخيرات؟

و إشلون صاير هالكحل الغلج ..قلم ولا ريشة؟

(واي ..تذكرت وكيلتنا أيام الثنويةالله يذكرها بالخير ..مادري شكو)


أما عن القوانين ..هذا إلي أحنا نقوله ..ما أسهل الإلتفاف عليها لكنها الرقابة الداخلية و الثقافة السائدة في المجتمع هي من تحدد إحترام الفرد لحقوق غير سواء في الطريق أو في التعبير عن الرأي أو أو أو أياً كان.

الكون كله عند نشأته خلقت معه ثنائية الخير و الشر ..الصالح و الطالح ...مهما أفرطنا في وضع القوانين لن نمحو هذه الثنائية ..لن يصبح العالم كله طيب محترم
هيا!!
نحن نعيش على الأرض و لسنا في الجنة

إن الإسراف في وضع القوانين لن يُنتج سوى عالم خانق وليس مدينة الأحلام التي نريد

fatto يقول...

في وايد الصراحه مايستحون الي يسوون على قولتج حركات عيب .. يعني القياده فن وذوق وبعضهم ماعندهم لافن ولا ذوق الصراحه .. بس في بعضهم ينزلون من السياره وكفخون الواحد .. على بونه مال عليه اشواي .. لايحوشك هذيل من الميانيين :)

ARTFUL يقول...

صباح النور

خوش صباح مع شادية

عاد انا اليوم طالع امبجر

انا حالي من حالج ما احب حارة الأمان ولا احب احد يتخطاني

وطبعا اعصب او اخليه يتخطاني هذا راجع على المزاج ودرجة الروااااقه

الحمدالله حتى لو طالع متأخر أمشي على راحتي وعلى هواي

لان دوامي يهمه الشغل وادائك بالشغل مهو تأخير الدقيقة او الدقيقتين!!
----------------------
عشر دقائق وهو يسبني الى ان وصلنا الى مفترق طرق فأعطاني شئ بالهواء
شي عيب
------------
جليل حيا وما يستحي
ودي اقولج مسحيها بويهي ، صج لايعة جبدي من الحركة

;p

فقطيها وراج ولا عليج امر وانسيها

دمتم بخير وصحه وعافية و سعاده وحب

New Bride يقول...

يالله صباح الخير

كل من يعمل بأصله

عادي الصبح دايما الكل مستعسر بس الله على الصيف لأن صج بالصيف تشوفين العساره على اصولها

و صباح الخير

glomhilda يقول...

:صباح المساء الغائم الجميل

كن بنفسك..ولا تكن إمعة

تخطئ عندما يخطئ الناس وتحسن عندما تحسن الناس

=)ومع الخيل ياشقرا

أكره مزاجية بعض الناس وقت السواقة في الزحمة..وكأنهم خلقوا من عجب ولا يحق لأحد أن يضايق مشاعرهم الرهيفة

عفواً فديتكم
راح نقتلع الهرن من أصله واذا بغيتوا التواير بعد


يوم جميل يحمل لكِ كل السعادة استكانة

^_^دمتي رايقة

3BeeDo ;) يقول...

اوووو سالفه الهرن صارت معاي بس اشوه الظاهر اليي جدامي ماسمع :P
وحاره الامان احلى شي لمن تشوفينهم شاخطين بعدين واقفين مخالفينهم ياسلااااام شي يونس

الحــــٌر يقول...

السلام والرحمه
صباح الخير والزحمه
اهم شي وصلتي الدوام ولا انتي في قمة التحدي للحين اخ لو كل من يمشي على ضميره............
هم راح تلقين في ناس بحارة الامان لانه ما عندهم ضمير تحياتي لكل من كان بالطريج ما عدى راعي السياره الاماميه
:)

esTeKaNa يقول...

صبحكم الله بالخير
:)
احساس حلو اني اخلص اجتماعي وارجع القى كل هالتعليقات الحلوة
شكرا من القلب لكل من يسعد صباحي
.
.
.
لي عوده على التعليقات
بس بقولكم شي
حارة الأمان في هذا البوست ما تمثل الحاره بحد ذاتها،والزحمه واخلاق الناس ما كانت تمثل الشارع وبس
في فكره اعمق
وفي احساس ثاني
كنت افكر اليوم ان ثباتك على طريقك ايا كان طريقك امر متعب
وصعب
خصوصا اذا شفت من يرتاد طريق غير طريقك بجد اقل واريح يصل قبلك
مجرد فكرة الثبات على مبدأ
اخلاق
او حتى تربيه
امر متعب متى ما طال فيك الطريق
قد تحدك الدنيا على ان تتجاوز شئ
او ترتاد حاره الأمان لشئ
وتكسر كل قواعدك احيانا
شي طبيعي
فانت بالنهايه بشر
ولكن السؤال:
هل ستعتاد هذا التجاوز؟
واذا سرت فيه..متى سترجع لطريقك ولحياتك؟

ياربي مو مني كل هالتفكير
كله من شاديه
:Pp~

:: بـوح الصمـت :: يقول...

ظهر الخير :)


يا لذيذ يا رايق ;p


القيادة فن وذوق :) لكن أعترف في الظروف العصيبة جداً جداً نتجاوز القانون أحياناً لكن إن نعتاد هالشي ونستسهله هذا الشي الغلط :/ !


وفي نظري القانون يمكننا تجاوزه لكن ثوابت أخلاقنا اهيا اللي تحكمنا وكلٌ يعبر عن بيئته ونفسه :)


وسوري قرقت وايد :*

دمتِ بروقان وعافية =)

lawyer يقول...

هاليومييييييين اسبوووووووووووع المرووووور؟؟؟



سكتااااااااااااااااااي يبطون الجبد من صبااااااح الله خير لما يسفلووووون و يغلطون عليج


بس اذا انتي مووودج واااااااااو

عطيهم طاااااف


مالت عليهم






الحين قوليل شنووووو هالحكل ؟؟


عسى زين؟

نون النساء يقول...

ربنا يُنصر دين شاديه
:P


بس ترا بعدل بدليني

اهيه انسان مو ان شان

ولاااااا بعد مقصصتها

عــــاشــــه يقول...

الغاليه إستكانه
اليوم رجعت أقرا المدونات الي تركتها منذ زمن بعيد
وتشجعت أكتب بوست بس الظاهر ولادته متعسره

عن الشوارع .. الحال من بعضه في دبي الأمور متأزمه بس القوانين أشد وأقسى لو نسير حارة الأمان السالفه فيها حجز وغرامه ويمكن سجن بعد ماأدري شي وايد كبير المهم

وضحكت على التعليقات الي حابه تعرف شو نوع الكحل.. لأني أنا بعد حابه أعرف شو هالكحل ؟؟
:)

طائر بلا وطن يقول...

حارة الأمان نموذج مبسّط جدا

مثل ما قلتي

و بالحياة ممكن تتعرضين لضغوط أكبر
من مجرد تأخير يمكن ينتهي بأسوء الحالات
إلى خصم يسير من معاشك و لفت انتباه
تنسينه عقب كم يوم إذا مو باليوم نفسه

و فوق التزامك بالمبدأ و حزة الخاطر
باحساسك ان من لا مبدأ له و صاحب الطريق
الملتوي و المختصر بغير مشروعية يصل
قبلك تلاقين نفسك حايشها طشار منه قد
يكلفك انتي بعضا من ثمن

و هذا بالشارع و غير الشارع

:
:

بس أنا أبي أفهم .. اللي يؤشر بايده
و يصر ان يخزك أو يكلمك و انتي بالشارع
و يبي يوقفك .. شنو يبي بالضبط؟
شنو راح يستفيد غير تفريغ اللي لك
و اللي مالك شغل فيه و مغثتك

اتفهم الواحد يكون معصب

تبي تسفل فيني و تسبني كيفك
بس لا توريني .. لا تغثني

يعني أنا متعمد؟ أعرفك من قبل؟

خصوصا انك اعتذرتي

اوكي لا تقبل العذر
بس لا تسيء

ما عليه .. الزحمة تعلم الإنسان الصبر
و طولة البال
:p

ARTFUL يقول...

في فكره اعمق
وفي احساس ثاني
---------------
فيلسوفة ماشالله

:)

من منظور مروري بحت او من منظور الاستعارة الكنية او التصوير السياييري اللي تفضلتي فيه

انا ما احب حارة الأمان مع جمال تسميتها

ولا احب من يمشي عليها ويغبر علينا ويكسر سياييرنا من تحاذف الحصى

!!!

ارد واقول من كلا المنظورين

تحياتي لج

:)

Cr8ivia يقول...

I shall be telling this with a sigh
Somewhere ages and ages hence:
Two roads diverged in a wood, and I—
I took the one less traveled by,
And that has made all the difference

Yin يقول...

عزيزتي الفيلسوفة المفكرة الرايقة إستكانة

الله يجعلك دوما رايقة
ويثبتك على درب الخير
ويبلغك غاية الرضا
ويظلك بصبر وبركة ورحمة من عنده

الشوارع هي الحياة
وفي تفسير للأحلام يقول لج إن السيارة هي أنت وحياتك والشارع هو طريقك في الحياة مع من حولك

بيدك أن تقوديها للأمان وأن تتفادي الإصطدام مع الناس وبأن تعفي عمن يتعداك فإن إزدحم بالمعيقات فاصبري وثابري واثبتي على الدرب ..
وإن إستصعبت المسار الذي أنت فيه فاسلكي غيره ولكن بهدوء
ووعي وانتباه

ومن كان أمامك في الطريق ما هو إلا نموذج سيء صغير من نماذج أكبر وأسوأ في الشارع والمجتمع


الله يحفظك يا إستكانة
وينعم عليك بالهدور والروية والروقان
في الشارع وفي باقي أمورك
:)))

كبرياء انثى يقول...

حاصله وحدة اتسامحه بابتسامة ابو الهنا
اهم شي انج وصلتي سالمة حبيبتي
مرة مشيت على حارة الأمان بس مو قصدي اتجاوز احد كنت ابي اوصل حق الجسر والي جدامي كلهم يبون اروحون سيده

فريج سعود يقول...

من يأخذ حارة الامان لا امان له

ikhalifa.com يقول...

اي و الله
قولوا لعين الشمس ما تحماش
:)

فكرة قرن الطريق بالمبدأ و الأخلاق أعتقد أنها مب سليمة
لان الأخلاق و المبادئ يتغير مفهومها حسب الناس والزمن و المكان
و الطريق قالب حاله حال أي شي مادي يوسع و يضيق
أحيانا التجاوزات سببها العراقيل إللي ما لها داعي
و لا الناس ليش تتجاوزها؟
قلل من الخطوات اختصر الطريق إذا كان ممكن
نحن في حياتنا نحتاج الكثير من المرونة و التسامح مع الذات و مع الآخرين
:)

دروازة يقول...

أختي الكريمة

عسى ايده الكسر

اللي ما يستحي ويتعامل مع بنت بهالطريقة

هذا زمان الهلاقة

أما فصلتج على شادية

الله يتمم عليج

دوم فصلة جذيه..ترى الفصلة شي زين

وحارة الامان

فمن ابتعد منها سلم! حتى لو تأخر سنين

Sn3a يقول...

تهقين اللي طول عمره ملتزم بالقوانين
ولين حدته ظروفه على حاره الامان
بيشوف مكان الوصول بنفس النظره
يمكن اي ويمكن لا
بس بيظل يعرف بداخله ان وصلها عن طريق مايتناسب ويا مبادئه

ومحشومه عن الناس اللي مصبحين بويه ابليس ويأذون العالم بالشوارع

بانوراما يقول...

اعتقد ان تصرفك هو خاطيء

ففي زممنا الراهن

لا تؤتى الطرق إلا من اعوجاجها

فمن يلتزم بالنظام

ومن يتسمك بالطيبة والعادات

ينبذ ويحقر

Nikon 8 يقول...

إستكانة
كرم وطيب الأخلاق شي رفيع مو كل واحد
يقدر عليه
:)
خليج على ما إنتي عليه ولا يعادونج بالسلبية
:)
ويا كافي على بعض الناس يحب يكدر خلق الله من الصبح
:(

Najmah يقول...

آآآآخ يا استكانة
نهاية البوست آلمتني
اصعب شعور لما تكتشفين
إنج بلحظة انفعال غيرتي طريج
تعودتي عليه طول عمرج
ماتبين تكملين
وصعب ترجعين
أو شي بداخلج صار يعتاد الهروب
:\
حياتنا أطول ممر
يحتاج قوة
ويحتاج وايد صبر
:**

أتيت متاخرة يقول...

مساء الرواقة كلها

حدج رايقة وشادية وياها... يا سلام

شوفي حارة الامان عندي خط احمر مستحيل امشي فيها الا للضرورة
بس ربي لا يوري احد الزحمة الا نشوفها الي نشوفها الصبح اذا تاخرت وما طلعت ست وربع اوصل متاخرة الدوام وما الحق اطق الكارد
:
:
واولوا لعين الشمس ما تحماشي

ضوء المطر يقول...

أنا الأيام هذي أطلع مع السايق
طبعا غصبن علي مضطرة
المهم
البس الدلاقات واحط الكحل بالسيارة
واحط كريم بعد
لووووول
ولما أخلص اقرا كتاب
والله انسى الزحمة...
ويخلص الطريج بسرعة

بس ها
مو تنسين
حطي مظلة الشمس ع الجامات
;)

وسلامتج وتعيشين

ReLaaaX يقول...

loooooooooooooooooooooool


قاعده اضحك على البوست اللي طاف


لا يايمه لا ماياخذون حارة الأمان لاااااء هازا مازيييين


تدرين عاد لما اتأخر أحب أطينها زياده ؟ والله مو تطين كثر ما إني رضيت وسلمت أمري لله :p

خلاص الله كاتب لي اتأخر شسوي يعني ؟ حتى لما اروح الدوام اسلم واقول للكل ان الله كاتب لي اتأخر ياجماعه شسوي ؟

بيخصمون؟يبا يخصمون وأنا مالي !! صج بيعورني قلبي .. بس ماعليه
الناس تصير لها ظروف خو !؟ مو معقوله كل يوم بتداوم ماتتأخر



--

اليوم آنا مضيعة نومتي :)

ولد الديرة يقول...

بعد سنوات طوال وراء مقود السيارات و السياكل على حد سواء

عرفت متأخراً أن فيه ناس معانا على الطريق من حمام الينة

دعي الخلق للخالق واعتبريها
Thumbs up

:>

esTeKaNa يقول...

ShLaLaT
~~~~~~~~~
صباح الورد كله
:)
انتي من نوع اللي اذا سولفتي تحركين ايدج؟
عندي وعندج خير
انا لما اسولف كلي يسولف
ويهي
ايدي
كل شي فيني
فمو زين اقولج سالفه قوية بمكان عام
:Pp~
عسى ربي يفتح عليج ويوفقج يا شلالات السنع انتي
:*










Yang
~~~~~~~
تدري البروفشنان غير
الكحل ما ياخذ دقيقه
:P~
بعدين انا قلت من اسباب التأخير اني ما قعدت مبجر مو بس كحل
:)
صباح الورد كله










Sweet Revenge
~~~~~~~~~~~~~~~
احم احم
اشرايج فيني وانا طيبه؟
يالله من فضلك وين يحصلون هالطيب من الصبح
:pp~
ايييييييييه يا صديقتي
الله يثبتنا على ذاك الخط المستقيم
انتي اللي فاهمه والله
:)

esTeKaNa يقول...

رزنامة
~~~~~~~~
صباحك سكر يا رزنامه
زارتنا البركة بهالصباح
:)
فعلا هناك من تستمر معه الحاله طوال حياته،فالله يعينه ويعين من حوله
وهناك من يسترد وعيه
وبكل الحالات:
الله يديم التفاؤل والفرح في قلوب الجميع








نون النساء
~~~~~~~~~~~~
يا صباح الإنشانيه كلها
:pP~
شكرا شكرا
متانه اعصاب ولا متانه شي ثاني
وانا اخيتج
hehehehe
واي انتي زوقه\
يسلمج يسلمج
اذا حطيتي ورد بلاستيك لزقي رسماتج من ورا وكتبي نون النساء
بين قوسين
دميييييييييره
تذبحني هالكلمه صج
:PP~




بره الموضوع:
انا عيوني جربت فيها كل كحل ما يثبت لانها حيل تدمع
الكحل اللي تم اعتماده قلم مال ميك اب فوريفر
عجيييييييييب
روحي اشتريه انا شاريه كل الالوان
اشخط واطمر
:p~

طبعا انا امس كاشخة بحط ايلاينر وياه
ما سوت علي
وما عجبني وايد
الكحل القلم اجمل
وابسط حق الصبح
:))


وعاشو امهات عيون سايحة
:pP~










I7na 3shagnaha
~~~~~~~~~~~~~~~~
كحل +قاعده متأخر
:P~
ايييه انا احط كحل
هاليوم مجربه بحط ايلاينر بعد
اقولج اشهالمود يالله صباح خير
ام عيون كحيله ما سوت عليها
:)

تخيلي شكلي افتح الدريشه واقوله هذي الحقيقه
!!
اهو من غير شي بغي يذبحني
الله يعين لو قايله هالجمله
جان صرت شهيده الهرن
:p~

صباح الكاريبو
:)











shaima
~~~~~~~~~
يا صباح الورد والفرح كله
:)
شكرا شكرا على هذا الرد الجميل جدا
وحاااااضر يا صديقتي
خوش نصايح
:P~














chandal/danchal!!
~~~~~~~~~~~~~~~~~~~~~
LOOOOOOOOOOOOOOOOL
:))
تفسير منطقي
ياربي هالبنت فطينه تبارك الرحمن
ذكيه ذكيه
صاجة كل واحد واللي يسمعه
انا مرة دشيت محل وحسيت روحي قاعده اطالع الهدوم بطريقه مو طبيعيه
اسحب الهدوم تسحب
اركض اركض بين الستاندات
واي وقلبي ينهت
تدرين ليش؟
لانهم حاطين موسيقي سريعه سريعه سريعه
ما ارتحت الا لما قلت له يسلمك قصره قصره تعبت
LOOOOOL

بعدين انا مو لازقه باخلاق السكان
انا قاعده اتمغط
ويه ما سوت علي هالتمغوطه
:p~
وبعدين انتي جنج قاعده تدافعين عنه؟
لا يكون تعرفينه
:))


صج وين راحت خيرووو؟
:Pp~

esTeKaNa يقول...

mellow
~~~~~~~~~
تكونة
!!
حسيت روحي شي مدقلم
:p~
تصدقين انا مادري شفيني
مرضيه وكله متأخره
مادري شفيني ترا امر بسن المراهقه ديرو بالكم علي
:)
انا صديقي قلم الكحل
بس هالمرة نويت احط فوقه ايلاينر عشتو
قلت اغير شوي
طلع عيني ما سوت علي
من زمان ما حطيت فإيدي تريف مادري ليش
!!
ممكن اصفق لج؟
فعلا انتي مقنعه وواقعيه
كلنا فينا ثنائيه الخير والشر
ونحن لسنا ابدا في مدينة أحلام


وصباحج ورد وخير يا كل الخير انتي
:*










fatto
~~~~~~~~
وي وي وي
اشوة ان ما نزل كفخني
جان ما قدرت حتى اكتب لكم بوست
Pp~
صباح الورد










ARTFULL
~~~~~~~~~
صباح النشاط والانتاجية
:)
ما تبون موظفات عندكم؟
ترا انا خوش واحده شقرديه
:pP~
وفعلا فعلا ما يستحي
الله يسامحه
صج خرعني
!!
بس انتو بردتو على قلبي
شكرا لك يا ابو شيوخه
باجر ما يفزعك الا شيوخه ومدرستها
:P~










New Bride
~~~~~~~~~~~~
عاد انا احب الشارع بالصيف
الكل نايم
والشارع فاضي
:)
صباح الورد

esTeKaNa يقول...

glomhilda
~~~~~~~~~~~
صباح الحكم والكلام الراقي
:)
دمتي صديقه جميله تزين الصباح بتعليقاتها في سمائي









3BeeDo ;)
~~~~~~~~~~
فعلا هذي اجمل لحظة بحياتي
لما اشوف الدوريه خالفتهم
:pP~
اشوة مو بس انا
:)









الحر
~~~~~
صباح الورد
:)
شكرا لأنك حييت كل من في الشارع
ما عداه
مجرد استثائك له برد قلبي
لانه حرني
:))

esTeKaNa يقول...

بوح الصمت
~~~~~~~~~~~
ياهلا ويا مرحبا فيك
:)
وجهة نظر جميله
دمتي بخير











lawyer
~~~~~~~
ياربي ما سوت علي هالكحل
:Pp~
الكحل المعتمد من عيني بعد طول عناء:
قلم من ميك اب فور ايفر
كل يوم انسئل عنه
ياربي يا لوير انا عيوني حلوة
السالفه مو سالفه كحل ابدن
hehehehehe
لا صج جربيه الوانهم وايد حلوة
انا امس كنت حاطة اي لاينر سيفورا
حلو بس لوع جبدي صراحة
ماحب الاي لاينر الصبح
احس في ثقل على عيني
:)









نون النساء
~~~~~~~~~~~~
بتعدليني بدليني؟
انتي لو مو معدله احسن
heheheheh
:)
يا بخت عيني نون عندي مرتين
لا وبعد متنطعه بالكلمه ومقطعتها
إن شاااان
عشتو
:)

esTeKaNa يقول...

عاشه
~~~~~~
تعليقاتك المتتابعه على التدوينات افرحتني ونورت مدونتي كلها يا دكتوره
:)
والولاده العسره يأتي بعدها طفل جميل
:Pp~
عموما الكتابه مزاج وليس التزام
متى ما شعرتي بالروقان اكتبي عن لحظاتك المهمه وحاولي توثيق مشاعرك فيها
:)
والكحل ناعم وما يذوب مع دموع العين
ميك اب فور ايفر
واذا سائل اخذي :
إي لاينر من سيفورا


حسيت روحي خبيرة تجميل
:pP~










طائر بلا وطن
~~~~~~~~~~~~~~
يا صباح الناس العميقه فكريا
:)
كنت افترض بكل بوست ان قراءه طائر مختلفه،يفهم مابين السطور وما يجول في القلوب
شكرا لأنك هنا

وفعلا شنو استفاد؟
على قوله رويشد ولو انها مالها شغل:
شتسوا كسره خاطري
وعبره جروحي عندها
:Pp~
صج كسرت خاطر نفسي
زفني شوي شوي
بس تزفني وتسوي شي عيب
!!
الله يسامحه
:))








ARTFUL
~~~~~~~~
صج اتأخر بالكحل
ورايحة علي نومه
واسمع شاديه من الصبح
بس مالك شغل يطلع مني يطلع
:pP~
بعدين الناس للي تقرا لاستكانة يفترض يقهمون اني في مواضيع كثيرة استخدم الاستعاره لتوصيل فكرة او معنى اخر
:)








Cr8ivia
~~~~~~~~~~
ايييه يا صديقتي
تهقين راح نتحسف في يوم من الايام على الطرق اللي اخترناها؟








Yin
~~~~~
يا صباح الورد كله
يا صباح الدعوات المشرقه من قلبج الطيب
اللهم امين واجمعين ان شاء الله
:)
اليوم صايره مفسره احلام؟
:Pp~
حبيت الرد الهادئ العاقل
وكان هذا اقصى ما اتمناه في هذا الموضوع
فشكرا لك من القلب
:*










كبرياء أنثى
~~~~~~~~~~~~~
مشيتي على حاره الامان؟
@@
ممممممم
يالله بسامحج بس اخر مرة
:)
ههههههه
اهم شي ابتسامة ابو الهنا
ترا متعوب عليها مو شي سهل
:)









فريج سعود
~~~~~~~~~~~
حكيم هالفريج يالله من فضلك
!!
عساك ما تنضل يا فريج سعود
:)







ikhalifa.com
~~~~~~~~~~~~~~
صباح المرونه والتسامح مع الذات
:)
وجهة نظر معتبره يا بن علي
فشكرا لك

esTeKaNa يقول...

دروازة
~~~~~~~~
يا هلا ويا مرحبا بأخي العزيز دروازه
زارتنا البركة
من نزلت بيان ترشيحك وما عدنا نشوفك
يالله ما تنلام انا ادري لوية ويا الانتخابات والاستعداد لها
:)
وانا ماسمع شاديه
ما اسمع إلا قولو لعين الشمس ما تحماش
ما تحسها حنونه؟
:pp~
شكرا يا دروازه
تعليقاتكم تقول تؤكد ما زال هناك قله قليله باقيه من الطبقة الراقيه اخلاقيا
:)








Sn3a
~~~~~~
وجهة نظر منطقيه
والغايه عمرها ما بررت لنا وساائل وصولنا لها
!!
حبيبتي انتي
صباح السنع كله
:)









بانوراما
~~~~~~~~~~
افا بس افا
شنو هالتشاؤم كله
!!
دع اعوجاج الطرق لمن اعوجت به اخلاقه
ونحن..لنا الطرق المستقيمه ،الواضحة دائما
:)








Nikon 8
~~~~~~~~~~
يا صباح الكرم وطيب الاخلاق
يالله ياربي تجعلنا ممكن يرزقهم حسن الأخلاق قولي امين
:)








Najmah
~~~~~~~~
انتي اللي فاهمتني
:*
قلبي معاج الحين بهالتوقيت
ياربي الله يفتح عليج فتوح العارفين
ويرزقج اجمل من كل ما تتمنين يا الغاليه
:)









أتيت متأخره
~~~~~~~~~~~~~
ياهلا ويا مرحبا بالغاليه
صباح المزاج الرايق والابتسامة الحلوة
:)
وفعلا خمس دقايق تفرق بالطريج
عسى ربي ما يحدج على اي شي يخالف مبدأج وقناعاتج بالحياه










ضوء المطر
~~~~~~~~~~
والله احسن شي
!!
ذكرتيني بايام الدلع
انا كنت مثلج
الكريم...الكحل...الدراسه
كلها بالسياره
ومرات اذا زادت الزحمه اخذ لي غفوة بعد
:pP~










relaaax
~~~~~~~~~~
وي يا زين هاللي تكركر والله
:*
واي ريلاكس انتي مثلي بالضضضضضضضبط
انا اذا تأخرت عطيني جم دقيقه اتوتر
بعدين اقول ويييييييه
والدليل انا قاعده متأخر
بدل لا اقوم اركض واطلع
فجأة يه بخاطري اتكحل
وقته بالله
!!
ايام تقومين من صباح الله خيرما تتكحلين شمعنه اليوم؟
بالضبط لاني كنت مقتنعه انا متأخره متأخره ليش اشتط
:)
عسى لقيتي نومتج؟
وانا اقول شفتها تتمشى البارحة بروحها
:)







ولد الديرة
~~~~~~~~~~~~
إحم إحم
يالله ياربي تجعلنا من حمام الينه
:)
وبالضبط هذا اللي سويته
تركت الخلق للخالق
رغم ان الخلق ما تركني يا ولد الديرة
بس الله يسامحه
:Pp~

إبراهيم يقول...

لا وترى الكويت صايره زحمه بعد ..

وشي يملل

المشوار اللي كنت آخذه بربع ساعه صار ساعه ..

وكأن الأيام والأوقات كلها صارت الخميس الساعه 6 المساء شارع الخليج ..

وبالنسبه للحركات اللي بالهواء .. قبل فتره واحد سوا نفس الحركه هذي لواحد وكان يظن انه بيستقبل هالحركه وبيخاف .. ولكنه طاح بواحد نشبه ويبي يوقفه على جمب الطريق .. اللي صار ان صاحبنا البطل اللي سوى الحركه صار يعتذر للرجال ويقوله حقك علي ويأشر على راسه ..

:)

وثابري على خطاك .. ولا يجرك التيار المنحرف اللي يمشي على جنبات الطريق

Dr. Blue يقول...

LOOOOOL

سالفة إن الواحد يمد إيدينه جدامه... خاصة الصبح لما يتمغط بالسيارة... وبالغلط بطق الهرن وايد صارتلي

بالنسبة لي مو مشكلة إذا اللي يسوق جدامي ريال
خل يرفع إشارات بالهوا لين يقول بس... طناش

المشكلة لما أبتسم من الإحراج، وأرفع ايدي على قولتج جني داش ديوانية... بهدف الإعتذار
وتطلع اللي تسوق جدامي فتاة... الغرور شاقها شق... وعبالها أغازلها عالصبح بعز الزحمه
يعني تكفة من له خلق... عاد شوفي النظرات اللي اشوفها من منظرة سيارتها... فيلم

أما بالنسبة لحارة الأمان
فما عمري إستعملتها... لأني كنت أؤمن إني إذا تجنبت إستعمالها في الحالات الغير ضرورية... وصادف يوم إني إحتجت استعمل هالحارة لحالة ضرورة... فراح تكون سالكة لي

وهذا اللي صار قبل جم سنة لما اضطريت انقل جريح من حادث سيارة للمستشفى... الله وكيلج شبيت العالي... ومشغل الإشارات... ودايس 200 إلا شوي... وسبحان الله ربج فضالي الطريج و وصلنا مستشفى مبارك بدقايق قليلة


أشكرج عالبوست اللطيف

lawyer يقول...

وين بوستج الصبااااااااحي؟؟

DiLLi O MiLLi يقول...

ههههههههههه
كل هالعفسه ... !!! وصباحج رايق !!!؟؟
لو ما كانت هالعفسه ... شلوون صباحج عيل !!؟؟
أكييييد سايحه
:)

*
*
*

وبعديين تعالي أشمعنى بديتي تحطين الكحل ألحين ؟؟
أكيييد عندج رس .. هــااااا؟؟
:)

*
*
*

بعدين شادية الله يهداها مالقت ألا هالمنتف تحبه !!؟؟
رايح دوامه مشي .. ما عنده سيارة !!!؟؟
وأنا أعتقد أن أغنيتها هذي فيها شُبهه شرعية
قولو لعين الشمس ما تحمااش
نقووول حق منووو بالله !!؟؟
كان مفروض تقول

قولو لحبيبي ما يداومشي ده الشمس حامية
لحسن تاخُد ضربة شمس وأحتاس معاك حوسه

ولا خلي الأخ حبيبها
ياخذ ورقة القورنال اللي كان
لاف فيها سندوش البيض بتاعت فِطارُه
ويحطها على راسه عشان تحميه من الشمس
هههههههههه
ما تنلام سالفة لما أطلقت علي لقب
قـــــــــاتلة الرومانســــية
:)

*
*
*

أأأأأأأينوووووووني
هاللي يطلعووون على حارة الأمان
بــــــــــــــــــــس
عاااااد لقيتي اللي تخليهـــــم
من أشووووف في المنظره الجانبية
سيارة يايه طايرة على حارة الأمان
برّزت سيارتي يسار
وخليت المسافة ضيجه
بين سيارتي والحاجز الأسمنتي
يضطر الأخ يوقف
صج يذبحني بالهرنات
بس الله وكيلج
مااااااا يمررررر
يعني
مااااااا يمررررر
:)

بعدين هالتبن بو حركه
جان سويتي روحج ما فهمتي
وأشرتيله باي باي
هههههههههه
:)

صباحج رايق زي روآآآن شادية
ومستقبلج ترسه حارات أمـــان
وطريجج مكحل بالفــُل والياسمين
ياااااارب

:****

esTeKaNa يقول...

إبراهيم
~~~~~~~~~
ياهلا ويا مرحبا بإبراهيم
نورت البلوق
:)
عدل كلامك الكويت صايره زحمه بشكل مو طبيعي،أفكر اسوي دراسه وحمله اسميها وين رايحين؟
بوقف بالشارع بشوف هالناس اللي اربع وعشرين ساعه مسوين زحمه وين رايحين
:Pp~
ها تشارك وياي؟
:)









Dr. Blue
~~~~~~~~~~~
أشوة عبالي بس انا اللي اتمغط بالسياره
ويه ما سوت علي هالتمغوطه
:p~
واعليه حرااام
يعني تلقاها طول الليل تفكر بفارس الاحلام اللي بيصادفها ذات يوم
شافتك تتبوسم وتطق هرن وسلام
قالت بس هذا اهو فارس الاحلام
:))
والله عدل كلامك على حارة الأمان
ايمانك بهالفكرة شئ مهم
ياريت الكل يقرا تعليقك ويستفيد
وماقصرت ان شاء الله بميزان اعمالك


نورت مدونتي يا دكتور
وهذي الساعه المباركة








lawyer
~~~~~~~~~
وصلني تعليقج وانا اكتب البوست
قلت ادري راح تزفيني
بس لابد منه هالبوستات لانها واقع
البوست الصباحي توه نزل حار من الفرن
:)

esTeKaNa يقول...

DiLLi O MiLLi
~~~~~~~~~~~~~~~
يا صباح العيون الكحيله
:)
احم احم
لاحظتي اني بديت احط كحل؟
عسى شكيتي فيني
هههههههههههههههههه
بخاطري احد يشك فيني
ليش ماحد يشك فيني
اي عندي رس
واي كلمه رس تونس
راح اعتمدها ترا
:Pp~
وانتي شكو بشاديه
هههههههههههههههههه
ههههههههههههههههههههه
ههههههههههههههههههه
واي قتلتي الرومانسيه كلها
لازم سالفه تقرا تعليقج
واي حسيت اسمه :
حسني
:pP~
وعفيه عفيه اللي تسوينه حق ربع حارات الامان
انا افتن
اذا شفت دوريه عادي اشب العالي اقولهم شوفو،مع انهم اكيد شافين
وقمة فرحتي لما يتخالفون
احس بالانتصار
ودي اصفق بنص الشارع واقول:
ويحيا القانون
هههههههههههههه

تخيلي أأشر له باي باي؟
اظنتي يسدحني ويدوس علي بالسياره
ههههههههه

واي مسك الختام
ياحبني لج انتي
:*

الحارث بن همّام يقول...

انا مبهور من هذا البوست وما يتضمنه من رسالة رائعة بأسلوب عجيب

هذا الاسلوب يذكرني بكتّاب روايات كبار


تحية احترام لقلمك الجميل