الخميس، أبريل 09، 2009

تالي الليل


أعرف الشارع اللي..فـ اوله دارك
واعرف ان القمر .. جارك
وعطرك ... هو حديث الريح
اعرف ان النجوم ... اتطيح
على دروب المدينة ...إلى صرتي حزينة
متى يا نجمة الفضة ...حجبت الليل عن نُورك
متى قلت السما مّلت
جحٌودك ... نظرة غرورك
صحيح إني ... نسيت اليوم ...نسيت اليوم ... لا أزورك
وأنا .. أنا عرف النجوم تطيح
على دروب المدينة ...إلى صرتي حزينة
(بدر بن عبدالمحسن)
.
.
.

يا طول اللليل
ويا بخلها من نومة
تدور حولي
ولا تزور عيني
!!
وآه من ليل...يضمني سكونه
واحس بوحشه شجونه
سريري الطيب...ومخدة احلامي
وصوت تكتكة الساعه جدامي
وشباك افتح ستايره واناظر السما
احيان...اقصى ما نحتاجه كتف نسند عليه رأسنا
نثرثر امامه دون ان يقاطعنا
ونغفو بحضنه دون ان تكتمل حتى احاديثتنا
.
.
والمشكله ليست بوجود من يسمعنا
كثيرون هم..ولكن اين ممكن ان تشعر بتلك الراحة التي تجعلك تغمض عينيك دون ان تشعر بنفسك
!!
هاليومين اكتشفت اني غير قادره على التركيز بأي حوار طويل
ومتجنبه لأي طلعه ثنائيه اكون فيها تحت تركيز طويل
.
.
الفتره الأخيرة مريت بظروف كثيرة
اتصدد عن أشياء تحزني
ولكن الدنيا مو راضيه تصد عني
الغريب اني اكتشفت شي عجيب وجديد بنفسي
اني مهما كنت أمر بظروف قادره على الفصل التام بين مشاعري وحياتي
عادي جدا اكون بحالة بكاء وارد على هاتف صديقه ولهانه واضحك معها وانا لم امسح دموعي حتى
وعادي جدا انا امر بظرف كبير بالبيت واروح الدوام بصحبة ابتسامة شقاقيه
وأحيان اكتشف اني حتى البلوق اصبحت اصل لمرحلة القوة أن اكتب شئ بقمة الفرح وانا تعبانه
او ان اكتب شي قمة بالحزن وانا بقمة فرحي
هل اعاني من انفصام بالشخصيه؟
يجوز....حسافة علي
!!
قد يكون السبب اننا في أحيان كثيرة نحاول ان نجنب من نحب احساسه بالقلق اتجاهنا
فلا أحد له ذنب بمزاجك السئ او مشاعرك السلبيه اتجاه شئ ما
وربما لهذا السبب اتعب احيانا من الاحاديث الطويلة والطلعات الثنائية
.
.
.
اليوم كنت في مكان ما
الكل يتشره علي
!!
وينج؟
انا نفسي مادري ويني
بس اللي اعرفه اني مو لاقيه وقت لنفسي
العمل...وأشياء أخرى
من تشره تخلى عنه احبابه
!!
طالما اني هنا لما لا نتمتع بالقرب وبالشوق بدل التشره بلا معنى
.
.
.
مافي احد شاف نومتي وهو بطريقه لي هني؟
.
.
.
ونامي نومة هنيه ،نومه الغزلان البرية
نامي ولج رب ما يناااام

هناك 33 تعليقًا:

Yin يقول...

إستكانة المتسائلة دائما

عزيزتي هذي حالة لا تصيب إلا صاحب الحس المرهف والقلب الرقيق بحيث يحس بكل نبض ونفس وحس بكل وجدانه

وانفصام الشخصية وارد ولكنه أيضا مستبعد لأنك واعية للإحتمال
عادة اللي عنده إنفصام .. شخصياته ما تعرف عن بعض
:))

وبعدين شسالفتج كثرانة بوستات الوحدة هالأيام !!!
والله يا استكانة من تييج هالحالة تذكرينا احنا اللي نعزك ونحبك وتروح منج إن شاءالله !!

لحظة
""""""
جنه نومتج توها مرت يمي؟!؟!؟

أعتقد يايتج بالدرب بس مضيعةالطريق
:))


ويا شين التشره !!!
كل واحد وله ظروفه
ومو شرط التشره يدل على المحبة في أحيان كثيرة يدل على المغثة
:P
مو عدل؟

نامي قريرة عين يا استكانة الإحساس والمشاعر
أتركك بعناية الله عساه يحرسك بعينه التي لا تنام
:))

esTeKaNa يقول...

yin
~~~~~~
صاحبة القلب الحنون ين
:)
وما رهافه الحس ورقه القلب الا انعكاس لما عندكم يا صديقتي الجميلة
شكرا لأنك فحصتي الحاله وطمنتيني اني بوضع طبيعي
:Pp~
وبوستات الوحده كثرانه؟
يا حسرتي انا مو ملاحظة
انا لست وحيده
انا استكانة
Heheheheheh
هذي ما تسمى بملاقه تالي الليل
:Pp~
ارجع لمحور حديثي:
لست وحيده حولي الكثيرين اكثر من ما تتصورين ،بل احيان اشعر بأني من ارهقت نفسي بكثيرة العلاقات حولي،العلاقات مع الناس جميله ولكنها احيانا مرهقه
انا لست وحيده
ولكني اجلس هاليومين مع نفسي كثيرة ودائما ما يكون الكتابه هي الشخص الثالث معي انا ونفسي
اضافه الى ان الماما والباب مسافرين
فتحملوني
:)
شفتي نومتي؟
انا حاستها مضيعتني اليوم
بس دامج شفتيها بنطرها عند الباب

Yin يقول...

عزيزتي إستكانة
يا حلوج ويا حلو كلامج

في شغلة دايما أقولها ألا وهي
الطَيِب ما تلاقي منه إلا الطيب
وأنت من الطيبين

لا تخافين حالة طبيعية جداً
:)

لووووووووول
أشوة إنج إنتي قلتي ملاقة الليل ولا جان إضطريتيني أنا أقولها
أتغشمر وياج مو تصدقين
لوول

وبالنسبة لمحور حديثك
الوحدة لا تشترط وجود الناس أو عدمه
تذكرين مرة قلت لك في فرق بين الوحدة والإنفراد؟

وصح كلامك كثرة المعارف والعلاقات الإجتماعية قد تكون متعبة لبعض الناس
شخصيا أعرف ناس شكثر وأقدرهم وأحبهم ولكني أختص القلة القليلة المخلصة التي أتوافق معها قلبا وقالبا
بالقرب والدخول في عالمي الخاص أسهل لي وأقدر أعطيهم من وقتي وأهتم بهم بشكل أكبر
بينما غيري يجد راحته في الكثرة!!
حاولي أن تجدي ما يريحك أنت ويرضيك كي تستطيعي الإهتمام وإعطاء كل ذي حق حقه إبتداءاً بنفسك


أنا من شفتج رديتي علي هالحزة دريت أمج وأبوج مسافرين الله يردهم لج سالمين غانمين ويحفظهم بحق الواحد الأحد

إي مرت علي نومتج خاطفة يعني قريب توصل إن شاءالله

:))

ReLaaaX يقول...

حتى إحنا ندور نومتنا ماشفتيها منيه مناك ؟;p


--

لا حبيبتي لا انفصام ولا قاله الله ، كونج تفصلين حزنج او الحالة اللي انتي فيها عن الناس خصوصا بوقت الحزن من وجهة نظري أشوفه سليم ، بالعكس آنا لا ضاق خلقي .. أدق على وحده قراقه وادري انها ماراح تتشره :p
جد والله واسمع سوالفها واضحك عاااااادي لأني داقه ابي انسى الحالة اللي آنا فيها .. لأن احيانا الواحد ينهار من البجي أو من الهم اللي فيه ومايدري شيسوي


فطبيعي الوضع جدا جدا جدا



والشغله الثانيه لأن الناس ممكن تشاركنا الفرح وتفرح معانا .. بس الحزن قلة اللي يتحملونه ويانا


من جذي تعلمت إني اذا كنت مستانسه ممكن اشارك الناس وناستي واذا كنت متضايقه يا اني انسحب بسكات او اني مثل ماقلت لج حل من الحلول اللي اسويها :)))


جربي تغنين بصراخ بس هااا لحد يكون يمج خوفج الصوت يسري ويقولون الناس مينونه ممكن تسوينها بالسياره مثلاً وانتي طالعه من فريجكم اذا كان الفريج هادي ;p

جد جد يا تغنين او اذا كنتي تسولفين مع هالناس اللي تضحكين ضحكي من قلب قلب قلبج .. راح تحسين ان هالكدر يروح


ولا تنسين دعاء الهم / الكرب .. لهم مفعول عجيييييب خصوصا وانتي تستشعرين كلماتهم




هذي بعض من اقتراحاتي اللي اطلعت وياي الحين وآنا ارد عليج :)



--
ونامي يمه نومتن هنية نومة الغزلان في البريه

maha يقول...

أختي استكانه
برايي هذا مو انفصام هذا نضوج
لما يوصل الإنسان لمرحلة قادر فيها انه يفصل حزنه وألمه النفسي ويخفيه
انا اتوقع انها نضوج

او

يمكن لحد الحين ما لقيتي الشخص اللي توقعين انها يستوعب ما تخفينه من الم وحزن

استكانه صداقاتج محدوده ؟؟؟


بين هذا وذاك المرأة كتلة من المتناقضات

بنت أحمد يقول...

استكانه أحس مافيني أكتب بعد اللي كتبتي

الحال من بعضه

وللمزاج مواسم وكل موسم ياخذ حقه مناااا

ربي يكون بعون الجميع

ويديم البسمة على شفاتك

QiYaDiYa يقول...

عاااادي عااادي
حالتج طبيعية اصلا !
و بوجهة نظري اهي الصح !!

انا شخصيا دايما افصل بمشاعري
افرح مع الموقف الي يفرح
و اشتط مع الي يشطط
و ابجي مع الي يبجي

حتى لو بقلبي شي ثاااااني
الناس شذنبها ؟
خلينا نعيش معاهم لحظتهم


و على نومتج
اذا شفتها بزفها و بييبها لي عندج ;p

و الله يرجع الوالد و الوالدة بالسلامة

ديري بالج على نفسج
لا تروحين المطبخ بالليل ;p ;p

طائر بلا وطن يقول...

ايه والله حسافة عليك
:P

والله لو شفت نومتك مو تقولين طيّب و حساس
ههههه والله لآخذها حقي و الله وياك

:
:

أنا من أشد المؤمنين بحاجة الإنسان للعزلة
بين الحين و الآخر .. ليرتب نفسه من الداخل

يداري أشياء ، يلتفت لأشياء
ينفض أخرى

أو حتى يقعد ساكت يسرح بسقف الغرفة

يقرا .. يكتب .. يفكر

أي شيء

بس لازم هدوووووء

و يمكن هالسبب يخليني أتجنب السفر مع مجموعة
و لفترة طويلة

.
.

بالنسبة لي الحل سهل لتجنب الشرهة و متى
ما حسيت اني غاطس .. أطلع و اروح الدوانية
أشرب فنجان و اوريهم وجهي و كان الله غفورا
رحيما .. انتو البنات الله يعينكم
:)

أو أدق تيلفون وأشبكهم بمكالمة جماعية
مع بعض و احسسهم انهم مجتمعين على طاولة
مطعم

أو أدز مسجات .. ازلغ وايرات
و اشربكهم مع بعض .. و انكشف و تطيح براسي بالأخير

يعني أكثر من طريقة .. أهم شي أشعرهم
بأني موجود و ممكن أطمر بوجه أي واحد منهم
في أي لحظة

و إذا على الفصل و تداخل المشاعر
فهذي مع الخبرة و التعود .. و طبيعة الواحد
تلعب دور بعد



.
.
البدر

ديوانه صار له فترة فوق الكوميدينة
افتحه بشكل عشوائي بين وقت وقت
و قبل النوم

وايد غير

.
.

سولفت وايد .. بس اذا لقيتي نومتك
طرشيها تطق فرة و ترجع .. عشان يمديني
اتصرف و أخطفها معاي هههه

swan.beach يقول...

الظاهر النومه وصلت

على جذي نقول لج تصبحين على خير وراحه بال

وعسى الله يرد لج غاليج :))

كبرياء وردة يقول...

وانا بعد مضيعة نومتي

ومن كثر ما انا فاصلة

قريت البوست من تحت لفوق

بس فهمته:p

تصبحين على خير يا الغالية :)

fatto يقول...

الله يعينج على الارق الي يايلج .. من فتره اشوي طويله يايلي هالاحساس .. وعلى قولتج اتكونين ابقمه حزنج وفوق هذا كله تبتسمين وتضحكين .


انا اقول لاتفكرين وايد قبل لاتنامين اكيد في اشياء وايد ابراسج قاعده تقلقج . قمضي عيونج الحلوه ابكل هدوووء وراح اتنامين ابكل هدوووء انشاءالله .

fatto يقول...

طالما اني هنا لما لا نتمتع بالقرب وبالشوق بدل التشره بلا معنى


احلاشي قلتيه بالبوست :)

SHAHAD يقول...

شكلي انا اللي ماخذة نومتج :/
< نايمة 8 ساعات لول إنجاز بالنسبة لي

بدر بن عبدالمحسن
ياربي حروفه مستحيلة
مادري شلون تأثر فيني : )
يسلم اختيارج : )

.
.

وإذا كان اللي فيج انفصام بالشخصية
عيل الحال من بعضوو : )
عاد تدرين هالشي مريح
يعني لو كان الوضع صعب بالبيت وهمج هالكبر والبيت كلله يدري عنه
يكون العمل متنفس لج .. تاخذين بريك فيه .. يرتاح مخج من التفكير .. تنجبرين تضحكين وتسولفين لأن محد يدري باللي فيج .. وبالتالي نفسيتج تتعدل شوي

والله يرد الماما والبابا بالسلامة
وعسى الضحكة ما تفارقج
والوحدة والحزن ما يدلون طريج لفلبج : )

esTeKaNa يقول...

yin
~~~~~
هلا بالطيب الغالي
عزيز..وشوفتك منوة
:)
الطيب مع الطيب تجاره يا ين
وعسانا ياربي نكون من الطيبين
:*
كلامج عاقل حنون احب اتأمل فيه وأفكر فيه فعليا
شكرا من القلب يا صديقتي
وفعلا..من بعد هالتعليق وصلت نومتي
تقول زحمه أخرتها
:))
الله يحفظج ياربي ويسعد قلبج مثل ما أنتي دايم تسعدين قلب استكانة
:*

Enter-Q8 يقول...

بداية اقتبس المقولة الرائعه
الله لايغيير عليج
على وزن الله لايغير علينا
سالفة تبدل المشاعر هي ليست تبدلها بين لحظة و ثناها
لكن هي مثل ما قلتي ان الشخص اللي امامك له حق عليك بسمع كلمة طيبه او ابتسامه او الجانب المتعود عليك فيه او الجانب الاغلب اللي اعرفك فيه فترين انه من الغير الائق الزامه بظرف معين تقديرا له
تصير معاي وايد نجرة وصراخ و الاعصاب كلش تقولي الحفيتي ناطر باب الترشيح
و يتصل صديق وتقولي جذب هلا بو فلان

Sn3a يقول...

انا اجذب على نفسي عشان انام
دايما قبل النوم تييني الحاله اللي افكر شسويت وشنو سويت من مليون سنه
وانهم وانغم واتكدر على شي قديم
الحين قمت اجذب اقول اي باجر محد بيتذكر ولا باجر انا لو مر علي موقف مشابه اعرف اتصرف ولا اقنع نفسي اني كبرت
يعني من زود الميانه ويا يروحي اعيشها بجم حلم عشان اغفي


وان شاءالله يارب هذي فتره وتعدي وتصيرين مثل ما انتي تبين
بس ماتنلامين
الواحد يمل من كثره تشكي الناس وهمومهم
اكيد يبي وقت له لنفسه

esTeKaNa يقول...

ReLaaax
~~~~~~~~~~~
أنلام انا بهالريلاكس؟
صج صج لكل انسان م اسمة نصيب
وانتي ريلاكس وكل ما قريت تعليقج احس بهالريلاكس يالله من فضلك
:)
وتم
كل هالنصايح سوف يتم اتباعها
بس عسى ما اشتط وارووووح واغني من قمة راسي ومن باجر يكتبون عني بالراي
مجنونه تغني بشوارع الكويت
:Pp~

esTeKaNa يقول...

Maha
~~~~~~
هلا بالمها
أعتقد اننا على اعتاب النضوج
:)
وسالفه الصداقات
فلله الحمد انا حظيظة رزقني الله بصداقات جدا جميله ومميزه
!!
بس متناقضات ممكن
وعساره موسميه ممكن
انا اعتقد كلنا نمر بعسارات موسميه احيانا تكون لساعه لليله او ليوم
والدليل اني صحيت اليوم رايقه الحمدلله
:)

esTeKaNa يقول...

بنت أحمد
~~~~~~~~~
اللهم آمييين يارب
:)

esTeKaNa يقول...

QiYaDiYa
~~~~~~~~~~~~
hahahahahaha
ما قمت اروح المطبخ بليل
مسويه رجيم
والرجيم بحد ذاته سبب رئيسي لأمراض الكآبه والأرق يا صديقتي
:))
الله يسلمج ما قصرتي يا قياديه الفرح كله

esTeKaNa يقول...

طائر بلا وطن
~~~~~~~~~~~~~~
البارحة جتني نومتي بوجه مشمخ
وايدها مكسوره
قلت لها من سوا فيج جذي
قالت طائر
!!
ما صدقتها
بس الحين بصدقها طالما الاعتراف سيد كل الأدله
:pp~
وأنا معك من المؤيدين لهذه الحاجة بين الحين والآخر،لذا من أشد الأشياء التي ممكن تتعبني في السفر الجماعي ان اون مع ناس اربع وعشرين ساعه
ويكون الحل ان اول شرط ان تكون غرفه نومي لي وحدي
عسره:)

تصدق يا طائر؟
اقدر القلوب المحبه
ولكن لو اني اتواصل مع الجميع لن اجلس دقيقه في البيت وسيطردني ابي لأنام على أقرب رصيف
:))
الحمدلله على كل شئ
وهذي النومه بعثتها لك بعد تجبير كسورها وتطيب خاطر جروحها
:p~

esTeKaNa يقول...

swan.beach
~~~~~~~~~~~~~~
الحمدلله وصلتني بعد طول انتظار
:)
وأنتي من اهل الخير يارب
::Pp~









كبرياء وردة
~~~~~~~~~~~~~
من تحت لي فوق؟
يا سلام هذي العبقريه ولا بلاش
:pP~
وانتي من اهل الخير كله يارب

esTeKaNa يقول...

fatto
~~~~~~~~
حلت دنياج كلها يارب
:)
تدرين مرات اقول ليش ما يحطون لنا دقمه في راسنا مثل اللاب توب
وافتح واسكر متى ما بغيت
Pp~
حياج الله

esTeKaNa يقول...

SHAHAD
~~~~~~~~
قالت لي النومه انا كنت عند شهد ما صدقتها
:pP~
يا زين هالنومه عز الطلب
نوم العوافي يا الغاليه
والله عدل كلامج مرات يكون متنفس لج
الحمدالله على كل شي
وامين يا الشهد ماقصرتي
:)

esTeKaNa يقول...

Enter-Q8
~~~~~~~~~~
شكرا لأنك أعطيتني الجانب المشرق من الموضوع
:)
عاد تدري في ناس اذا متهاوشه في بيتها مثلا،تييك الدوام تمشي وتنزر فينا
احنا شكو
:Pp~
الله يحفظك يا بو وليد ويوسع صدرك دايم

esTeKaNa يقول...

Sn3a
~~~~~~~
أنا من زود الميانه مع روحي تدرين شسوي؟
اجذب عليها
اغمض عيني واتنهد وامثل واشخر يعني نايمة
اقول ها ها جني بديت احلم خوش حلم؟
مع اني بالصج ما اشخر
ولا اكو احد بس يغمض عيونه يحلم
hahahaha
:)
اخيه يا السنعه اخيه
انتي اللي فاهمه
:*
الله يحفظج ياربي

I7na 3shagnaha يقول...

عسى الله يريح بالج

:)

esTeKaNa يقول...

أحنا عشقناها
~~~~~~~~~~~~~~
أجمعيييين يارب
:)))



في بوست بالفرن
نطرووووني قاعده احوفه
:pP~

kazmawy يقول...

الله يزيدج قوة وزينة ياستكانة الرزينة :)
والنومة تييلج يالغالية بس غيرى الشاى الاحمر حطي بالاستكانة شاي اخضر او بابونج يقولون اريح :))

اجار الدين كشمش يقول...

هلا استكانتنا
انتي بس امري وحطيته لج عند ب الشاميه

سامرية لي هود الليل
وهي ترا فن عاشوري

حق عبدالوهاب الراشد المطرب الكويتي المتخصص بالسامريات فقط

http://www.zeryab.com/a/abdulwahab_al_rashed_samri.htm

ARTFUL يقول...

الله يعينج

انا لقيته واقفة عند راس العاير

تسال عنج وسواليفج

تقول كله منج اهي تيييج وانتي تطردينها لما ملت وراحت تبجي هناك

;p

نومة العافية

chandal/danchal!! يقول...

عليج بال

lavender tea

:)

التشره منفر... يخلي الواحد يكش من القعدة بكبرها... كل واحد وظروفه... شخبار التشره!

عوابة دوت كوم

boahmed يقول...

وآه من ليل...يضمني سكونه
واحس بوحشه شجونه
سريري الطيب...ومخدة احلامي
وصوت تكتكة الساعه جدامي
وشباك افتح ستايره واناظر السما

وصف جميل