السبت، أبريل 04، 2009

بوست بالفرن

تمر بجانبي كلمة،تلفت نظر الشوق
ويتمشي بجانبي حوار،.يذوبني بما فيه من ذوق
يتلقف قلبي الكلمة
تكبر
وترتسم فوق راسي غيمة
تكتبني فيها كلمة
.
.
.
ذاك أتجاهل نظرته،والآخر أسمع كلمته،أتأمل شئ أحبه في فلان،وشئ آخر أمقته في فلان،شئ هنا وشئ هناك
وأخلق شخصيه لشخص ما
.
.
أنصت وأضيف،وألغي ما أريد،وأجمع خيوط الخيال ،وأضعفها في مقادير الجمال
فانتبه لي:
فأنا منصته، أختزل كل مشاعر الحب حولي أنسجها بقلبي ،وأًصدرها خيوط من حرير تلفك وتلفني
.
.
.
أنا ومقادير الجمال:
ملعقه من غموض،وأخرى تمتلأ بشوق،وكأس من دلع مخفي،وأخر من حب طاهر نقي،وكأسين من بساطة مفتقدة،وكأس ملئ يتفاصيل قريبه مني ومنك ،وملعقه من فانيليا احلامي والأمنيات
.
.
عند باب المطبخ عادة ما توبخني أمي ،تطلب مني رفع شعري وارتداء قفازات الطبخ قبل أن أبدأ بكيكتي
تعالي معي..ارفعي شعرك بقلم
ولبسي قفازاتك حتى تبعدي عن أمي أي وهم
واتكئ انت على مقعد قريب..تأملنا كيف نحن نصنع الجمال والمزيد
.
.
أناظر مقاديري بحب،أعجنها بمتعه،وأخلطها باحساسي وكلماتي
أطل بعيني بعد دقائق من الخلط:
هل اختلط كل شئ؟
هل أًصبحت عجينتي متماسكة شهيه؟
ألتفت حولي ،استغل غياب تعليمات امي ولا أحد يراقبني
!!
اتخلى عن قفازاتي،وأتخلى عن ملعقة هي وسيط بيني وبين أحبابي
كن قريب منهم،ولا تضع وسيط بينك وبين قلوبهم
هل تعرف ما احتاجه؟
كل ما أحتاجه مراكز الحس في أطراف أصابعي،فتنغمس يدي في عجينتي ،
وحدي اعرف مشاعرها وما الذي ينقصها
يقال أن الطبخ نفس،وأقول:
حتى الكتابه والإحساس نفس
.
أختمرت عجينتي،أفتح الفرن بحراره متوسطه وأدخلها،وفي وقت فقدي لها اشغل وقتي بشئ اخر
تماما..كما أفعل حين أعاني من فقد شئ ما،ابحث عن شئ انهمك فيه لأشتت تركيز الوله
.
.
أحب رائحة السكر المحترق،وأتلذذ برائحة الدارسين الحار مع الكاكو،ويذيبني منظر سباحة قطع الكاكو في حمام مائي دافي
أيهما أختار؟
ما يناسب هذا البوست قد لايناسب الآخر،وكل الأمور عندي تخضع لقاعده النسبية
أيا كان الاختيار،لا تحمي نار ولا تتركها باردة،دعها هادئة...ألذ الأشياء تلك التني تنظى على رواق
.
.
رائحة عجينتي تهيج حاسة الشم فيني
أفتح الفرن وأغرس شوكة إحساسي فيها،فترجع لي نظيفه من أي التصاقات تعلن لي بفرح أنا نضجت
نضجت شهية..مغرية...لذيذه..تحبني كما أحبها تماما
أستغل حرارة قلبها وأًصب فوقها مزيج الكاكو،فيذوب فيها وتتغلغل فيه
استغل التمازج وانثر حولهم قليل من الكراميل المقرمش،يذكرك حين تأكله أنك هنا تقرمش الحلم وتتلذذ بإحساسي فيه
هممممم
عندما تقرأ لي شئ متع حواسك تماما كما تفعل مع قطعة كيك شهيه خرجت للتو من الفرن
ناظر مشاعرها الهشة،واستنشق رائحة اللذه،وراقب اختلاطها الذكي...أغمض عينيك وتذوقها
.
.
كوني أنتي أنا...فابكي معي وشاركيني دقات قلبي
وكن أنت هو...فاسمع لبوح سري وشئ ما خبئته فيني
كلماتي هي أنا،وعيوني التي تطل بين سطوري،هي حياتي ببساطتها وبأدق تفاصيلها
أو قد تكون ..بوح لقلب إنسانة مرت بالصدفة من هنا
أو محاولة إستنطاق قلب عاشق صامت انهك بصمته حبيبه انتظرته عمرا
أوقد تكون.. قرصه على يد بنت هجرت فرحها ودون قصد استباحت مشاعرالهنا
هي ترجمه لشخص ما تلعثم وضاعت كلماته في الفضا..ضاعت منه وسكنتني،
أدخلتني مطبخ بلوقي...وعجنتني بإحساس لحظي..بكعكة وإستكانة شاي
فأغمض عينيك وتذوق كعكاتي،ولا تسئلني يوما:
من هو فلان؟
ومتى عاش قلبك بالحب أزمان؟
وهل هذا هو ابداع الحرمان؟
أو شئ هذا قليل من شئ ساكن بالوجدان؟
.
.
.
وكلمة على طاري الكيك:
كل ليل مع نهارك ينجلي..يا بدايات الهوى يا منتهاي
يا وطن قلبي وغربة ناظري..يا احتياري يا صوابي يا خطاي
يا بنات الفكر غني وارقصي..عند خلي وانشدي له من غناي
وسعي صدر الحبيب واطربي...طربتي له كلما ذعذع هواي
.
.
.
بداية إسبوع جميلة

هناك 54 تعليقًا:

Sweet Revenge يقول...

رائحة السكر المحترق،وأتلذذ برائحة الدارسين الحار مع الكاكو،ويذيبني منظر سباحة قطع الكاكو في حمام مائي دافي
أيهما أختار؟

استكانه !!
الله يهداج انا من قريت هالسطر دخت
يا حلو الكاكاو ويا حلو حجيج نااااطع :)
اسبوع رايق ولذيذ

الحــــٌر يقول...

,,,السلام
بعد هالكيك والبوسب بقلم "استكانه" حسستيني اني قاعد اشرب شاي مع امي بالضحاوي وبعدين من كثر ما متعت حواسي وانا اقرأ الموضوع رحت بعدها وغسلت ايدي من "الدبغ" :)

شكراً..

كبرياء وردة يقول...

استكانة كلامج بروحه كفاية بعد تحشرين لنا الكاكاو والكراميل تدوخينا ليش:p

وانا هني ضعت مع مقادير الجمال

فعلا كل شي يتسوى باحساس

يطلع حلووو

وكأن الاحساس واحد من المقادير الأساسية

مهما قلت عن هالبوست رائع ما يكفي

have a nice week

الزين يقول...

صباح الخير استكانه


بما اني كلش مو صوب الكاكاو ولا اداني ريحته ولا طعمه

بس مع بوستج مدري ليش استقت
ياربي اسقاطاتج عجيبه

وتحمل كم هائل من الإغراءات
كاكاو
شكر محروق
كاراميل
دارسين

هممممممممم

جني اشم ريحة الكيكه واصلة لين مكتبي
واشتهيت قهوة معاها

:)


وهالبوست الصباحي اللي توه طالع من الفرن
مع الغطيطه الصبح

يبي لهم قهووووووووة

:**

|:| DUBAI |:| يقول...

رمضان قرب
: )
نتريا لقيماتج
بوست عدل القلب شوي
شكرا استكانة

I7na 3shagnaha يقول...

صباحج كاكاوي

:))

شيء عجيب

حتى الكلام يوعني

خربتي علي الدايت

دقيت على كاريبو

و طلبت

reeses cheese cake

وصلحو

:)

SHAHAD يقول...

يا حلاااة بوستج
ريحته تشووق وتشهي
وطعمه خياااالي : )

تجاوزتِ اللذة هنا
وتعديت الروعة بـ مراحل عديدة

chandal/danchal!! يقول...

صباح البيذان بالسكر المحروق

:))


Bree Van De Kamp
مو استكانة

:)))

سبحان الله... متحسفة اني نزلت آخر بوست بنفس حزتك!!!

بس التناقض مطلوب

لضمان التعادل بالكون!


مع تحيات شربت الدمرداش!

lawyer يقول...

الكل مركز في الفرن والي داخله بس ان مركزه في شي ثاااااااااني





قصري على النار

مممممممممممممم

او لا تطبخين اكل لذيذذذذذذ





انانيه هااااااااا

سبمبوت يقول...

قطعت نتفة من خد كيكتك وأكلتها، حالية وخفيفة اسفنجيتها الرقراقة طيرت عقلي وخربت رجيمي ..

أنت واحدة من الفتيات اللاتي خلق الكيك ليعجن وينضج على ايدهم ..

دمتي صانعة كيكاتنا الصباحية

abu eldestor يقول...

حتى الحب صار بالمقادير

بنت الشاميه يقول...

الله ...الله ...الله يا استكاااانه

احسااااااس رقيق وصدق بالمشاااعر
وانت بالمطبخ ومع كيكتج
الله يهنيج.....ويسعدج

انا قاعده اشرب الشاي واشم ريحة الدارسين والكاكاو السكر المحرووووق
جان زين حاطه مسكرات علشان تكسر الحلاة
لوووول
الله يطعمج بالجنه ان شاء الله

Cat يقول...

نهارك سعيد

:)

darkness يقول...

احسنتي

صبحج الله بالخير

اقراه احس اني احسه معاج

جد بدعتي بوصف احساسنا بالبوست

:)

ReLaaaX يقول...

يااااااااسلاااااااام عليييييييييج


اهيا كيكة باكيت والا انتي مسويتها بروحج ;p

--

خوش كيكة تسلم الايادي
قصدي يسلم احساسج ;*


ايي الله يعافيج كثري من الفرن والطبخات على الاقل احسن من البوست اللي قبله والله حرام عليكم ترى قلوبنا رهيفه ;pP

Najmah يقول...

صبااح الكيك والككاو والدارسين
:**
آآآخ يوعااااانة
راعي مشاعري ومشاعر الرجيم
:((
تدرين
الحين عرفت ليش انا مو قادرة اكتب اللي بقلبي
مقاديري ملخبطة على بعضها
وحرارة الفرن عالية
:/

maha يقول...

اممممممممممممممم يمي

رائحة عجينتك وصلت

قاعده اتلذذ فيها مع فنجان القهوة المرة

بس هالمره بدون تمر ولا قشطة

يكفيني ما قريت

ARTFUL يقول...

ما اقدر اقول الا يا عييييينييي

ويا سلاام سلم

انا مسوي رجيم بس بخربه والا فيها فيها

اهووو طاوليني استكانتي

حطيلي لقاح

يالله نشوفج على الغدا

;p

DiLLi O MiLLi يقول...

تخيلت جدامي ذاااااك
((((( السوفليه )))))
الحاااار اللي توه طالع من الفرن
وبقفشتي غايصه فيه وطالع ذاك الكاكاو السايح
مممممممممممم يااااا لذه
:)
السوفليه = بوستاتج
قفشتي = قرائتي للبوست
والكاكاو السايح = مشاعرج وأحاسيسج في بوستاتج
:)


قمــت أتمــــطق
واخزياه وأنا بالمكتب
هههههههههه
:))








أقــــووووول
وعللللللييييييه اللي ما يحبووون الكاكاو
حارمييين روحهم من هالمتعــــه







معلومه على كتر
===============
أبوي الله يحفظه
يسمي السوفليه .... سِفــله
لووووووووووول
:)))






بوست ســـــكر
على صـــــاحبتة

:***

كبرياء انثى يقول...

اتوقع الكلام ماراح اصير له معنى بعد هالاحساس الممزوج بالكاكاو والكراميل

تسلم ايد اصنعت الكيكه
ويسلم قلب على هالاحساس



مع خالص التحيات

الزين يقول...

@@


استكانه

يودي اللي يتحرشون عني

:$

Yin يقول...

مسا الإحساس بلذة الكاكاو والدارسين

يسعد مساك يا استكانتنا
:))

يختي إبداع

والطبخ صج نفس والله حتى الشاي طعمه غير بنفس حلوة

والكتابة بنفس مثل نفسك هذي غاية في الروعة

همم الحين شلون ودي بكيك كاكاوي بحت
!!!

الله يحفظك يا استكانة ويحفظ لنا قلمك ونفسك الحلوة
:)

وخلاص إذا نزلني يانغ مرشحة بالسادسة إنتي مسؤولة عن التصريحات وعن التقديم
لوول

فوتك بعافية
وصحتين على قلبك الكيك
والإحساس المرافق لصنعه
:))

why me يقول...

نا يعت من هالبوست


كله منج


لووول


;p

الخيلاء يقول...

متى امر اخذ نصيبي
:Pp

شوقتيني اشتهيت بمكن كيك
من كارميل ولا كاريبو
يمي يمي

صباحج سكر

هذي الدراسه :D

DiLLi O MiLLi يقول...

ههههههههههه
هههههههههههههههه
أستكانة
طاحوووو على
شفكني ألحييييين

:)

ShLaLaT يقول...

ارق طباخه مرت علي

:**

عيشتيني الجو
وخليتيني اشم ريحة كيكتج الخنينه

:)

ikhalifa.com يقول...

تسلم ايدج :)

Happy Face يقول...

لأ هالطبخة... أقصد هالبوست مو مال أحد يقراه وهو مسوي رجييييم تعذيب نفسي :)
عساه دوم مطبخ و بلوق عامر...

`~MnO YeNSa! ~` يقول...

ناطعة
هالطبخة
...
خنينة
:*



يا حلوج يا حلو
سوالفج .. اللذيذة :*

Kuwait يقول...

والله العظيم يا استكانـه من قريت بوست بالفرن قمت اشم ريحـة كيـك :\
حراااام عليـج عذبتيني :(

طموحة مملوحة يقول...

حلو توصلين فكرتج بطريقةاليمي يمي ..

تدريون شكلج من النوع الي لاقلت لج بزورج اليوم بتفرشين الطاولة بمالذ وطاب لووول

ريجيم يا سارة ريجيم لوووول

حجر كريم يقول...

لذييييييييييييييييييييذه

انا احب اسوي حلو بارد ... :)

فعلاً لو نصبر على إلي نحبهم
ونعطيهم فرص أكثر
أكيد رح ايي يوم يعطونا كل الخير

وبشوية اهتمام نقدر نسعد الطرف الأخر
وأنفسنا

موفقة رائعتنا

Sn3a يقول...

بل بدايه اسبوع لذيذه

اخيييه شوقتيني على هوت جوكليت وفوندووو

شـقـــــران يقول...

الغالية استكانة

صباح الكادي وعبيره

صباح الشوق اذا لامس قلب مشتاق

كيف الحال
:)

.
.
.
.

أعجبني هذا الوصف كثيرا

ملعقه من غموض،وأخرى تمتلأ بشوق،وكأس من دلع مخفي،وأخر من حب طاهر نقي،وكأسين من بساطة مفتقدة،وكأس ملئ بتفاصيل قريبه مني ومنك ،وملعقه من فانيليا احلامي والأمنيات


لا استطيع أن أعلق


لكن كلمة بتفالصيل مكتوبه..يتفاصيل...عدليها..ترى حنجي عورني منها
:))

اضحك معاك


للعلم
فإنني من عشّاق الدارسين
:)



اسبوع مليئ بالاشواق الجميلة..ورائحة الكيك الفواحة
;)


لك مني وافر الاحترام وصادق المودة

esTeKaNa يقول...

sweet revenge
~~~~~~~~~~~~~~~~
صباحك سكر يا صاحبة التعليق الأول
التي تفتتح بوستتاتي الصباحية
:))
اسبوع جميل ملئ بالانجاز ان شاء الله
وبعيد عن الدوخة لو سمحتي
:pp~






الحر
~~~~
وعليكم السلام يا هلا بأخوي الحر
:)
الله الله
جاي مع الوالده وبالضحاوي؟
في أحلى من جذي؟
عسى ربي يحفظ لك الوالده ويرزقك برها ورضاها عنك
البوست في دبغ؟
غريبه مع اني حريصه ما يكون في دبغ على اطراف هالكيك
:pP~








كبرياء وردة
~~~~~~~~~~~~
ياهلا بالورد وكبريائه
:)
اي نعم يا صديقتي
الاحساس مقدار اساسي بكل شي تسوينه
طبخ
كتابه
دراسه
وحتى بالشغل
اتمنى لج اسبوع نابض بكل احساس حلو









الزين
~~~~~~~~
يا صباح الزين على الزين كله
:)
احب القرب اللي يجمع شخصيتنا في كثير من المواطن،ويبهرني اتفاقنا في كثير من الامور
ولكن اكثر مافاجئني انج تحملين كل هالاحساس والحب...وما تحبين الحلو ولا الكاكو
!!
لا تقولين لي شنو العلاقه بين هذا وهذا مادري
:Pp~
اخييييييييه
ابي من قهوتج
واعتقد قهوة الصباح مو دي كاف صح؟
:pP~











dubai
~~~~~~~~
يا هلا بدبي دانة الحي
ياهلا باللي تتريا
انا قلت لج من قبل احب كلامكم؟
:)
عسى قلبج دوم مرتاح
والبال رايق








I7na 3shagnaha
~~~~~~~~~~~~~~~~~~
صباح ال:
reeses cheese cake
:)
هني هني
يا عساها مداخيل العافية
انتي واخيتج عندكم اشتراك بكاريبو ؟
من عرفتكم وانا احب كاريبو بزوده
:Pp~
وترا احم احم

أنا بعد مسويه دايت يالله من فضلك فلا تتحرشون فيني
:)

I7na 3shagnaha يقول...

صباح الكافيه لاتيه
:)

والله لو كاريبو يسوي اشتراك جان اشتركت

مكتوب علي طول الاسبوع بالدوام

و بالويك اند بالافنيوز

و بعدين ليش مسوية دايت ناوية هدومج ترد تحسل بالقاع؟؟

esTeKaNa يقول...

SHAHAD
~~~~~~~~
يا صباح الكيك
يا صباح كل الأشياء الجميلة بالدنيا
يا بخت عيني..كل هذا حسيتيه بالبوست؟
فعلا ونستيني
:)













chandal/danchal!!
~~~~~~~~~~~~~~~~~~~~
يا زين شربت الدمرداش والله
انتي بروحج كلج قطعه سكر
:))
انا احب فكرة التناقض
التناقض اهو اللي يخليج تحسين بلذه الكاكو لما تشرين وراه فنيال من قهوة مرة
:PP~
مع اني اشوف بوستج ممتع جدا جدا
كافي يحمل نفسج واسلوبج اللذيذ
الله لا يخلينا منج

:)












lawyer
~~~~~~~~~~
صباح الكيك يا صاحبة الإيحاء بهذا البوست
:)
ذكريني
بطلع وصفة كيكة الحليب من غير طحين
عجيبه عجيبه
بس تضبط وياي اعلمج
:Pp~
وميخالف تحمليني انا وكيكاتي
اذا ما سويت هالكيك احتمال يصير فيني ضغط نفسي وأتعقد
:))










سبمبوت
~~~~~~~~~~
سؤال:
هل تؤمنين بمن يقول ماهو صحيح القلب للقلب شاهد؟
او أن القلوب شواهد؟
بذات التوقيت الذي كتبتي فيه تعليقك عندي،كنت انا في رحاب مدونتك اذيل موضوعك الأخير بتعليقي
:))
ويا سعدها الكيكة يوم حبتها سبمبموت
هني هني
يا عساها مداخيل العافية
:*












abu aldestor
~~~~~~~~~~~~~~
انا ما قلت الحب صار مقادير
انت ما فهمت البوست
بس ميخالف مقدره لويتك اللي انته فيها
:))
ومقادير يا درب العنا مقادير
:pP~











بنت الشامية
~~~~~~~~~~~~~
يا صباح بنت الشامية شيخة الشامية كلها
:)
على فكرة بوست على طاري المطر كتبت الشامية وذكرتج وانا اكتب
ويا زين من ذكرت

بس تعالي
@@
احط مسكرات؟
looooool
صج اهلي مسافرين
بس الله موجود
ماحط مسكرات انا
:Pp~
عسى ربي يطعمج من نعيم الجنه ويسعد قلبج اللي احبه
:)











CAT
~~~~~
ميرسي
:)











darkness
~~~~~~~~~~~
يا صباح الكيك
انتي فعلا كنتي معاي
!!
مارفعتي شعرك بقلم
ووقفتي يمي وعجنتي معاي
وكانت كيكتك بوستات لذيذه نقراها لج
:))













ReLaaaX
~~~~~~~~~~~~
يا صباح الكيك
!!
هابه بكيك باكيت لذيييذ
ذكريني اقولج اسمه
:pP~
بس كيك هالبوست من صنع ايديا وحياة عينيا:)
وهذا البوست ترضية عن اي ضيقه خلق تسبب فيها البوست الماضي
عسى رضيتو؟
:Pp~











Najmah
~~~~~~~~~
صباح الرجيم الخربان
:pp~
لاحظتي المود اللي انا كاتبه فيه البوست؟
تحسين واحده مسويه رجيم ويوعانه
:))
مقاديرج موجوده
وانتي ام الكيك
بس روقي روقي وبتكتبين احلى شي
:*











MAHA
~~~~~~
ذكية ذكية هالمها
صح
!!
قهوة مرة
وشئ قمة بالسكر
ومابين مروره قهوة وشئ يقطر سكر ستشعرين بطعم الحياة
:)
لا ادعي ان هذا البوست سكر
ولكن كنت اريد شرح نظريه المتناقضات
:PP~
حيالله المها










ARTFUL
~~~~~~~~
عاشو عاشو اللي خربو الرجيم
الكل اليوم مخرب رجيمه
:pp~
احد يخرب رجيمه على لقاح؟
خربه على فرابتشينو
:P~

esTeKaNa يقول...

DiLLi O MiLLi
~~~~~~~~~~~~~~~~
يا صباح السوووفليه الحار
:**
وااااي واااي
انتي تتمطعين؟
انا خنقتني العبره من وصفج
ههههههههههههههههههه
كيفج يا تسوين لي
يا تودوني
يا تيبون لي
انتي والهانم اللي فوق اللي ما تحب الكاكو مسؤلين عني لي يطيب خاطري واكل سوفليه
وفي قول آخر:
سفله
كما يقول عمي حفظه الله
:Pp~
تدرين انا بسوي لي هدف
اذا ضعفت هالجم كيلو في بالي
وحققت جم انجاز ابيهم
باخذ لي يوم كامل بعيشه في احضان السوفليه
:)))


الناس تقوله ملاحظة
على الهامش
بس معلومه على كتر
والله شفتها المعلومه قاعده على كتر الصاله متنعزه
هههههههههههههههه
ياربي يا حبي حق هالدلللي
قولي حق صديقتج قولي لها
اهي حارمة روحها من اجمل شي بالدنيا
الناس تغرق كاكو
وهي تغرق روكا سالاد ورمان
:pP~

esTeKaNa يقول...

كبرياء انثى
~~~~~~~~~~~~
هني هني
حياج الله
:)









الزين
~~~~~~
كاني كاني ميوده
بس ترا ها ما اقدر ايود وايد
تدرين زبابيط النقعه يخافون
:pp~
زيون ليش مرافجة نمل؟
احنا نموت على الكاكو ما يصير ما تحبينه
:pP~











Yin
~~~~~~
يا صباح الكيك
:)
افا عليج
انا جم ين عندي؟
تصريحات
كيكات
حفلات
اللي تبين
:pP~
بعدين خلاص عطونا حقوقنا
انوي تنزلين ومالج شغل













نزلي من الدري طبعا مو مكان ثاني
:Pp~
يا حبي لج ولمرورج العذب
الحين اي كيكة كاكو تاكلنيها اكليها وتذكريني
:))










why me
~~~~~~~~~
مرة ثانيه بسوي بوفيه افطار مفتوح مع البوست
:PP~
looool

esTeKaNa يقول...

الخيلاء
~~~~~~~~~
صباح البمبكن كيك
:)
واي يوم قلتي هذي الدراسه
جان اخاف منج
hahahaha:))
رجيم
وضغوط انتي تعرفينها
ومحاتاه
وهذي النتيجة بوستات مطبخيه واخذي بعد من السوالف اللي بتطلع في مثل هالظروف
:))
ونصيبج انتي من راس مرفوع
:*










DiLLi O MiLLi
~~~~~~~~~~~~~~~~
هههههههههههههههه
اي عاد
اشفيج يا دللي الله يهداج تتحرشين؟
اشفيها الروكا سالاد؟
اشفيه الخس ويا التفاح؟
هههههههههههههه


اشرايج فيني وانا دبلوماسيه
اقلب يمين ويسار
:pp~











ShLaLaT
~~~~~~~~~~
اخيه لو شايفتني اتبوسم على ارق طباخة
استانست
ياربي صايره احب الكلام الحلو مادري شسوي بعمري
:)
نورتيني الدنيا يا شلالات











ikhalifa.com
~~~~~~~~~~~~~~~
يا بختي
هني وعافيه
:)









Happy Face
~~~~~~~~~~~~~~~
عادي عادي
اقري التعليقات كلنا خربنا رجيما
انضمي للفريق
:))
هههه
بوجودكم يا الغاليه









`~MnO YeNSa!
~~~~~~~~~~~~~~~
هني هني
يا صديقتي الجميله
صاحبه السوالف الراقيه جدا
:)












KUWAIT
~~~~~~~~~
اشوة
!!
انا عبالي بس انا اللي اشم الريحة
واسمع صوتكم
الحمدلله انا طبيعيه
:)
hahahaha
اسم الله عليج من العذاب حبيبتي انتي
مو من كيكتي
انتي اساسا كنتي عايشه بعذاب تأنيب الضمير مال يومكم انتي واختج امس
:pp~









طموحة مملوحة
~~~~~~~~~~~~~~
يا صباح الطموح والملح كله
:))
فعلا انا من هذا النوع
العزيمه عندي تعني اني اذوقج الاشيا اللذيذه اللي احبها
واذا عاد انتي لج محبه خاصه
انا بكبري اللي لازم اجابل الكيك
:PP~
وعاش الرجيم الخربوطي اليوم

:)












حجر كريم
~~~~~~~~~~~
انا استمتع بالحار والبارد
ولكن الحلو الحار يذوبني اكثر
:)
ذكيه انتي ذكيه
اخيرا هناك من فهم مابين السطور
شكرا لذكاء مرورك وعذوبته
:)












Sn3a
~~~~~~~~
صباح المولتن كيك
:)
فعلا يبيله فوندو ولا مولتن
ذوقي المولتن اليديده في جوكلت بار
فتنه فتنه
:Pp~


















شقران
~~~~~~~~~
يا صباح الأفراح
ورائحة الدارسين الفواح
:)
انا بخير يا عساك بخير وصحة وعافية
وهذي اللي تعبتك؟
يتفاصيل
!!
افا عليك تامر امر
نشيل الياء ونرتب امور الكيكة
كل شي ولا تسقط منا سهوا المقادير الصحيحة
:))
نورتنا

esTeKaNa يقول...

I7na 3shagnaha
~~~~~~~~~~~~~~~~
ويا صباح الكراميل هاي رايز
:)
انا ماشرب عندهم هالكراميل هاي رايز
فالحين بغير وبجرب اختيارتكم لازم تقولين لي شنو الذ شي عندهم
:PP~
اي مسويه رجيم
:(
امي تقول انا لو سمنت عندي انجازات اللي اهم عيالي،بس انتي تسمنين من غير انجازات بالدنيا ليييييييش
فصراحة استحيت من نفسي
سمنانه شويونه
ولو سمحتي لا تذكريني بسالفه هالهدوم
لان جنه الوضع هاليومين مستقر مو قاعد يطولون،اخاف انيب الطاري يردون يطولون
hahahaha
:)
انتي اول من صبح علي بهالصبح
يا ترى كيف سيكون يومي؟
:pp~

ARTFUL يقول...

لو سمحتي عن الغلط

استكانة جاي ملقحه

تسوى الفرابتشينو

والماسكربوني لا تيه

والهازل نت لاتيه

وكل مشروب روحي

والله ما اقص عليج استكانة

هالاستكانة تييب راسي ييب

اهلي يقولون لي جنك سكران

;p

بنت الشامية يقول...

ابيه ابيه ابيه
ارجو العفو و السماااااح

اقصد ...مكسرااااااات
مكسراااااااات
ههههههههههههههههههههههههه
ابيه ابيه مت من الفشله
كله من العيله وانا اكتب
زين هونااااااااا ما نبيى مكسراااااات
هههههههههههههههههههه

وتذكرتج العافيه يا حلى واغلي استكااااانه
القلوب شواااااهد
مشكوووووووووره

I7na 3shagnaha يقول...

بشري؟؟؟

كيف كان يومج؟؟؟

اكيد أحلى من الحلو
:))

شوفي انا احب الزيبرا موكا بس ون شوت شوكوليت عشان ما تحمس جبدج.. هم اللا ته سكمد ملك زينة.. و بما انج مسوية ريجيم حتى الزيبرا موكا طلبيها سكيمد

عندهم الكاروت كيك و البمبكن كيك لذيذة ..بس مو شي حق الدايت

ترى عادي كل الامهات حاطين لنا هالعذر.. وشدعوة لا سطرتي اليهال بيسكنون؟؟ هم نفس الموال.. اذا بعد ما كملتها و قالتها جدام الريل.. عادي تعودنا:))

انا قاظبة عليها اهم شيء الصحة و العافية :)

و الا انا غلطانة ؟

ReLaaaX يقول...

سكتي حاطة وصفة من عقب هالبوست لا تطوفج حدها متعوب عليها ;p

حجر كريم يقول...

أم العبقرية اللطيفة انت ... أنا اعتبر

مقالات عبارة عن ألغام فكرية لطيفة


تدرين يبيلة تنزلين كتيب صغبر
مثل كتب الهدايا

الكلام الحلو "العفيف" يستاهل التعب يا وخيتي

monshg يقول...

مقاله جيده ,,

أعجبتني كلمات مقطعك :
" أحب رائحة السكر المحترق،وأتلذذ برائحة الدارسين الحار مع الكاكو "


عشقي للدارسين , ذو الرائحه النفاذه , لا ينقطع
لا يخلو شبوب أو دوه أشعلها , إلا و قوري الدارسين أول ما يضع فيها

اول ما خطر على بالي و أنا أقرأ مقالك

بخار القوري
رائحه كسرة دارسين محترقه
باب الخيمه مفتوح , حزة المسيان
و رذاذ المطر على طربال الخيمه !

مشهد أتمنى أن يتكرر ألف مره ومره


:]

dalal يقول...

لا اتييبيلي طاري الطبخ والمطبخ

نادر ما أدش المطبخ ومن الشطة الزايدة قبل يومين ، ابوي اشتهى جباتي بوقت راحة خدمنا وقام راح المطبخ عاد من الشطة الزايدة يعني بر والدين

قلت أفا عليك انا موجوده وتسوي جباتي وحرق ايدي المقلا وصار أثر وانا سنه أدهنها وأهتم فيها عشان تصير ناعمة اشحلاتها واخرتها احترقت

:)

عليج بالعافية ،، وبوستج لذيذ :) جدا

AbWaBy يقول...

تعبرين بصدق وإحساس ..

وكلما قرأت لك تمنيت لو يكون لي قلم كما قلمك ..

محروسة من العين وربي يحفظك حبيبتي وموفقة ..

ولا تحرمينا من الكيك اللذيذ..

بانتظارك

:: بـوح الصمـت :: يقول...

يا أجمل إستكانـة , ألهبتي المشاعر :)

حرقتينااااا صج بالفرن :$

عسى الله يحفظج خيتوو :*

ولد الديرة يقول...

لا صار فرن كونفكشن ترى احسن

:p

كلش ولا الكاكاو

حدي مسوي كونترول عليه والا جان استعير فنايل من نبيل شعيل

that's iT يقول...

رجيييم ياااناس:(

نطالب بنقصه:p

فديتج أنا يا أحلى إستكانه!

نطالب ب بوست نصف الإسبووع

ur sis

esTeKaNa يقول...

artfull
~~~~~~~~~
صباح الورد
ياهلا يا هلا
زين والله استكانة جاي جذي تسوي
يا عليها مداخيل العافيه على قلبك
:)

esTeKaNa يقول...

بنت الشامية
~~~~~~~~~~~~~~
يا بعد قلبي قلبج
واي ترا انا ميته من الضحك
لا تفشلين ابد
قاعده اتشاقى وياج
:Pp~








I7na 3shagnaha
~~~~~~~~~~~~~~~~
أبد مانتي غلطانه
:))
واي امس ذكرتج
رايحة متعنيه كاريبو
واطلع موبايلي واقرا الاوردر
مثل ما قلتي بالضبط طلبت
:D~
زين وااااااايد لذيذ
شربته ثوبته لج
قلت عساج يا احنا عشقناها سعيده مثل ما انا سعيده بهالموكا اللذيذ جدا
:))







ReLaaaX
~~~~~~~~~~
والرجيم راح وطي
:P~













حجر كريم
~~~~~~~~~~
شكرا من اقصى القلب
هذا قليل مما عندكم ماقصرتي
وخوش فكرة كتيب
يا ليتني اوصل لهذا المستوى الجميل
:)
صباحك ورد وخير يارب












monshg
~~~~~~~~
تعقيبك يفوح برائحة البخور والشبوب
استمتعت بردك وزيارتك الأولى
فلا تقاطع استكانه اخي العزيز
:))













dalal
~~~~~~~~~
اسم الله على ايدج يا الغالية
!!
عسى الله يحفظج ويسعد قلبج
يختي يا زينها البنت سنعه سنعه
ميخالف اول مرة تحترقين تالي بتحترفين هالمجال
:))
حيالله الدلال








AbWaBy
~~~~~~~
شكرا شكرا من القلب
اسعدتي صباحي بهذا التعليق الجميل يا صديقتي
:)









بـوح الصمـت
~~~~~~~~~~~~~~
يا صباح الورد كله
:)
لا ما ارضى لك تحترقون بالفرن
فقط تلذذو بما يصدر من هذا الفرن
:pP~










ولد الديرة
~~~~~~~~~~~~~
عندي وعندك خير
انا لو اعطي روحي ما تبي
جان استعير دراريع هيا شعيبي
pP~