السبت، فبراير 28، 2009

فضفضه

ويعتذر لي عن توفير اي كراسي زيادة،فاليوم يوم عطلة ..والكويت بالفرح عامرة
حفلات العيد الوطني،واعراس وفرح مستمر
!!
اغلق الهاتف وأتأمل الحزن من حولي
في ذات التوقيت...ناس تستعد للفرح،وناس غارقة بحزن
اسند راسي على العامود القريب مني واقرأ رسائل هاتفي:
رزقت فلانه ببنت وتستقبلكم اليوم وغدا في رويال حياة
ابتسم
اتذكرها تزف لي خبر خطبتها من حبيب العمر
زواجها...فرحها...وملامحها التي تغيرت مع اقتراب ذاك المولود البكر
سبحان الله...في ذات اللحظة التي تنسل فيها روح،تقدم لهذه الحياة روح أخرى والحياة تستمر
!!
.
.
.
يومي كان منهك،وعدت نفسي بنومة هادئه بصحبة قلبي المطمئن
واثناء قيامي بطقوسي الخاصه بالنوم وقبل ان اغلق ابجاورة غرفتي يأتيني اتصال يدمر كل احلامي
وكل بقايا الامل
ويسحبني لقاع آخر من الألم
وتطير النومة
.
.
.
يرافق الليل صوت ماهر المعيقلي وسورة البقرة
وماء بارد حد الصقيع..اريدة ان يبرد شئ ما في روحي
استند على سريري واتنهد...اتمنى لو اني استطيع ان انتزع قلبي مني
واعلقه بالسماء
!!
اعلقه بالرحمن الذي يعلم الجهر وما يخفى
واشبعه باليقين ان ما اصابني ما كان ليخطئني
وان ربي يبتليني احيانا بالألم ليمتحن صبري
واني ..وان عجزت كلماتي عن وصف مابي ،فربي وحده اعلم بي
.
.
.
تنهيدة....وشربة ماء
ومسج سخيف في منتصف هذا المساء
.
.
لا اعلم لما اشتقت فجأة لوهابي
ليت عمتي تسمح لي باصطحابه لينام عندي
!!
اليوم كنت اتمدد في صالة بيت جدي وهو يلعب مع اخته الصغيره ويزعجني:
وهابي حبيبي شوي شوي انا تعبانة
يقترب مني ويمسح على راسي بيديه الصغيره:
شفيج؟
تأملت شئ في عينيه ،شئ صادق،حنون ،عفوي رغم طفولته
ابتسمت له وحكيت له عن الم برأسي...فمد يديه ليقرأ علي راسي
طفل باربع سنوات وحنان بسنين العمر كلها يا وهاب
مسح على راسي وحبني:
بتصيرين زينة خلاص
!!
يا بعد قلبي قلبك يا وهابي
فديت ايديك الصغيره،وحنانة قلبك ونقائه
.
.
.
.
شعرت قبل شوي اني بحاجة لشرب شئ حار...بابونج مثلا
فتح ابوي باب غرفته في الوقت الذي كنت انزل فيه للمطبخ في الدور الارضي:
استكاااااااااااااااااااااااااانة
@@
وين رايحة بهالليل؟
!!
وضعت كلتا يدي على فمي بحركه تمثيليه تصنعت فيها اني متفاجئه:
ابيه يبه طحت علي؟
كنت بنحااااااش
:)
يضحكني ابي عندما يسئلني اسئله ماخوذ خيرها تالي الليل
يعني الساعه واحده فجرا وين بروح؟
ماحب هذا السؤال ولا سؤال اخر
عندما ادخل البيت تسئلني امي:
وصلتي؟
!!
اتغدا ..وانسئل:
ها تغديتي؟
ولا السؤال الاقسى والامر ،حين اكون في عز نومتي
يرجع اخوي من الدوانية وبقلبه سالفه
يظل يكسر باب غرفتي طق وطق وطق حتى تطير نومتي ويسئلني:
قعدتي؟
.
.
.
.
في شي مضايقني
!!
قارص قارص ماكلني
انا نايمة في داري ولا الحديقة؟
:(
ياالله ....ابي انام
انا كاسرة خاطر نفسي
متى يهدا بالي والافكار اللي تحوس وتتداعم تهيع وتخليني
ابي انام:(
!!
.
.
.
وآاه
.
.
غدا يوم آخر تشرق فيه شمس الفرح
سيكون يوم اجمل
وسأظل انتظر
خبر يفرح قلبي ويرجع لروحي الامل
.
.
.
إن مع العسر يسرا
إن مع العسر يسرا

هناك 63 تعليقًا:

ZooZ "3grbgr" يقول...

حتى بقمة احزانك

تنجحين بانتزاع اغلى ابتسامه من شفتي

ياااااربي شكثر احب هالبنيه

استكانوووو

جد والله غلاتج كبيرة حيل عندي

الله لا يحرمنا من وجودج

ويرحم يدتج ويغمد روحها الجنة

ويبرد قلبج ويعطيج كل اللي تبينه

لانج تستاهلين كل خير

:**

esTeKaNa يقول...

zooz
~~~~~~~~~
يا حبيبة قلب استكانة انتي
عسى الابتسامة ما تفارقج
وربي يشرح صدرج ويحفظج
ولا يحرمني من صدق وجودج وكل تعليق منج
:**
اخييه يا زوز
اذا استكانة لها غلا بقلبج
ادعي لها بهالليل ربي يفرج شي بقلبها
قولي امين
:**
وشسوي بالقارص؟
ذبحني
:(

ZooZ "3grbgr" يقول...

روحي يا استكانه

عسى ربي يفتحها بويهج ويفرج همج يارب

وييسر لج كل امورج

ويحقق هالشي العنونو اللي بقلبج

مهو كبير بعين الله

ماكو شي عسير على رب العباد

آمين رب العالمين








بس استكانوو

شكو قارص

انتي بالبصرة؟؟

قاعده يم الشط؟؟

هههههههه

شغلي السنرال والقارص بيتخثل

انا شغال عندي من شهر

:p~

ZooZ "3grbgr" يقول...

روحي يا استكانه

عسى ربي يفتحها بويهج ويفرج همج يارب

وييسر لج كل امورج

ويحقق هالشي العنونو اللي بقلبج

مهو كبير بعين الله

ماكو شي عسير على رب العباد

آمين رب العالمين








بس استكانوو

شكو قارص

انتي بالبصرة؟؟

قاعده يم الشط؟؟

هههههههه

شغلي السنرال والقارص بيتخثل

انا شغال عندي من شهر

:p~

that's iT يقول...

هلا والله وحشتينييي:*


يا حياتي هونيها و تهوون

والجو بعد يخلي المتفائل يتكدر:(

لوول أنا واصله حاله لدرجه أقول حق أختي و إحنا بسوق شرق تدرين شنو ودي أسوي ..ودي أمسك مايك و اللي بسوق شرق كلها تسمعنا و لأقول (ياجمااااعه حبيت أذكركم باجر دوام)
!!


*لول مو بس أنا اللي لم أنزل المطبخ تالي الليل أحصل محضر;p

مأني ماني مدااومه بس ماأدري ليش أحس
الوضع إبداع


قولي آمييين

ربي أشرح لي صدري و يسر لي أمري

Najmah يقول...

استكانة ياصديقة قلبي
وروحي
:**
مابعدها الا الراحة بإذنه
ومابعد هالضيقة الا فرج يوسع
دنياج كلها
ومابعد دمعة ألم غفت بعينج
الا دمعات فرح تداعبها
:**
ربي يريح قلبج ياصديقتي
ويشرح صدرج ويعطيج خير
الدنيا والآخرة
دعواتنا صوبج
تصبحين على كل خير بهالدنيا
:*

maha يقول...

أختي استكانه شدتني جدا كلماتج

ثقي تماما ان ماكو الا كل خير

ماتضيق الا وتنفرج

بس يبيلها شوية صبر وحسن الظن بالرحمن الرحيم

اللهم ارزقني رحمةً تغنيني عن رحمة من سواك

!!!!! على فكرة
بجيتيني أمس الله يهديج طلعت اللي بخاطري كله

وبس عساج على القوة

I7na 3shagnaha يقول...

ماتشوفين شر انشاءالله
, و دام ان وهابي مسح عليج خلاص بشري بالخير.. انا وايد اؤمن بالطاقة الايجابية اللي عند الاطفال :)نصيحة تلفونج حولي سايلنت من المغرب و انشاء الله ماكو الا العافية..good night and sweet dreams :)

حياتي هدف مو عبث يقول...

من بعد كل ضيقة وكدر فيه فرح وسعادة
وكل أمر فيه شيء من الحزن إستغليه لصالحك
وكما ذكرتي ليذكرك بإن الله هو المستحق لكل شيء هو العالم بكل شيء هو القريب والحبيب لا أحد سواه يعرفنا ويفهمنا بل أكثر من فهم أنفسنا لأنفسنا
:)
والسؤال المعتاد االكل يسأله
وخاصة لي رن تلفونج وانتي نايمة
اتردين ها قعدتج
:/
ها نايمة
يعني بالله كنت شسوي ألعب كره
والله يحفظ لكم وهابي ويخليه

أيامك سعيدة دائماً إن شاء الله
ونوم العوافي
:*

QiYaDiYa يقول...

احلى فضفضة ;**

يااا زين وهاابي والله
الله يحفظه و يخليه لكم يا رب ..

و اذا على ابوج
فكلنا نفس السؤال !!
المطبخ بالليل يعني رايحة النويصيب عند ابوي ;p


سلاااممتج من الآآه يا اغلى استكانة بهالدنيا ..

غدا يوم جديد ..
مليء بالتفاؤل و الامل و الفرح ان شاء الله ;**

مـــــي يقول...

يالله كم هو الفراق مؤلم ..ولا ادري لماذا لانتقبل رحيل اي شخص وندعو الله ان نحيا حياة ابدية ..ونفضل الالتصاق بمن نحب دائما و بدا ...
لكن هذا حال الدنيا والقبور تاخذ الافضل دائما اسئليني انا
لكن انت قوية بالايمان الذي يحمله قبلك وروحك الجميلان عظم الله اجركم واسال الله ان يثبتها غند السؤال ويغفر لها ما تقد وماتاخر فكري دائما كيف تجعلينها سعيدة في قبرها ..عمرة صدقه او دعوة من قلب مشتاق

روح .. نقيه يقول...

الله يسرج لج امورج .. ويفج عنج كل ضيقه..

شـقـــــران يقول...

الغالية استكانة

صباحك جميل وهانئ وسعيد


حبيت اسلم عليك ولي عودة لقراءة الموضوع إن شاء الله


تقبلي مني أجمل تحايا الصباح

Selezya يقول...

ياحبيبتي
والله مادري شقول
ربي يشرح صدرج ويفرج همج


هونيها يالغاليه

اتمنى لج نوم هني دووووم ولا يحرمج ربي منه


:**
تصبحين على الف خير
وصباح الحلوه شمسج تنور اليوم وباجر وكل يوم

Enter-Q8 يقول...

استكانه اكره ما عندي هالاسئله
الغريبة
اللي يدق عليك تلفون ثلاث مرات و يسمع صوتك و اخرتهايقولك نايم
لا و الله

لما البس لبس الدوام و المره تسالني وين رايح
طبعا هالمسكينة اعرف اتصرف معاها
و اقولها رفيجتي تبي تشوفني بلبس الدوام

والا لما تكون بالمواقف و داق اشارة بتنطر السيارة اللي بتطلع و تجيك وحده و تقولك بتصفط
لا والله حاجز الموقف حقك

والا لما تكون الساعة متأخره يعني وحده و نص ثنتين و تقول حق الربع يالله السلام عليكم يقولون لك وين رايح و اهم يدرون انك متزوج


شكلي نزلت بوست

سلام

|:| DUBAI |:| يقول...

حبيبتي والله
اقري آية الكرسي 12 مرة
وان شاء الله همج يزول
: )
أنتي قدها
بس حاولي ما تنكسرين
الحياة صعبة
لكن ربج كبير
: )
الله يفرج عليج يا رب
!!

Cat يقول...

hmmmm

i loved wahabi :)

and ur dad tooo :)

AK-47 يقول...

انا كنت باعلق على البوست بس

لما قريت التعليق الاخير قلت لازم نفكر ليش آية الكرسي 12 مرة

اللي نعرفه ان قراية الآية قبل النوم تبعد الكوابيس والآحلام المزعجة

لكن 12 مرة ما سمعنا عنها :)
ليش مو 11 وليش مو 13 ؟

وانشالله تسمعين كل خير

عثماني يقول...

ابعد الله عنج الضيق

قولي امين

يوما مليئ بالتفاؤل اتمناه لك

:)

om comment kuwait يقول...

عظم الله اجرج
و يالله لا تبين غلاة احد
ذكرتني لما توفت يدتي الحزن تحسينه مو كافي علشان ايعبر عن الشعور اللي تحسينه
----------------------------------
الله يرحمها برحمته و يسكنها الينة
امييييين
-----------------------------------
و لا تبخلين على نفسج بالبجي ترى يريح و يخفف مافي القلب
و ننطرج اب بوست متفائل لما تهدين انشاء الله

ViPyah يقول...

يــــــــــــا عمري

ViPyah

ViPyah يقول...

يــــــــــــــا عمري

ARTFUL يقول...

أهليننننن

بونجووو مدام

كيف الحال؟

شي يونس وشي يكدر

عسى الله يكتب لج الخير

وترا الخيرة فيما اختارها الله

والخير بقبال انشالله

شلون العطله وشلون اول يوم دوام

احس بنشاط أتمنى يدوم

;)

تحياتي

lawyer يقول...

حسيييييييت كريزي كار في مخج

طاااااخ طيييييخ افكاااااااار

يتهاوشووووووون و يصرخون و انتي تطالعينهم وبعدين يعني بنااااااام


لي متى ما انااااام


حددو وقت ساعه فيه في وقت فراغي مو حزه نووووووووومي




:*

~ هند ~ يقول...

بعد قلبي ..


ربي يفتح عليج وييسر أمورج ,,

الله يبرد قلبج ولا يحرمنا من وجودج ,,


"وهو على كل شيء قدير"

Salah يقول...

الله يعين

البابونج فكرة جيدة!

The Simper يقول...

i guess el shafi3i's words can help me here:

دع الأيام تفعـل مـا تشـاء
وطب نفساً إذا حكم القضاء

ولا تجزع لحادثـه الليالـي
فما لحوادث الدنيا من بقـاء

ولا حزن يدوم ولا سـرور
ولا بؤس عليك ولا رخـاء


hope ur days are Great :)

الخيلاء يقول...

يا بعد قلبي يا استكانه

عطيني هالقلب الي متروس حجي

يا بنيه تحجي فضفضي موزين عليج تقمتين بقلبج انتي سولفي و انا اسمع شرايج ترى احب السوالف
:*

و عسى ربي يفرح قلبج و يمسح عليه
ويجعل لج من كل ضيق مخرج

وهابي سلم قلبه الله يحفظه خليه كل يوم يقرا عليج انا بوصيه
:)

Sn3a يقول...

فدييت وهابي
ويسلم قلبه اللي يمسح على راسج

صدقتي
روح تزور والثانيه تودع

لول انا اللي ماحبه
اخوي يطق الباب
سنعه
سنعه
سنعه
وبصراخ
ويبطل الباب وسنعه
سنعه
اخر شي اقول ها
يقول شنو نايمه

يعني بالله شجاوب عليه

why me يقول...

سبحان الله بحده .. سبحان الله العظيم


رايح يطمن قلبج

اقري بوستي وبتعرفين

:)

-mate يقول...

جربي بندول نايت إذا تعصلقت الأمور
:)

om_alkadi يقول...

عظم الله اجرج واحسن عزاج وعوضج عن حزنج فرح يغسل قلبج
عسى الله يفرج همج و يزيح الكدر عنج
صارلي سنتين اقرا بوستج واول مره اعلق واصدمج اذا قلتلج من اول جم بوست قريته عرفتج :)
وصارلي فتره قاطعه النت بس من سمعت ان يدتج توفت دشيت عشان اتأكد اذا انتي انتي والا لأ بس طلعتي انتي :)
انتي تعرفيني واذا شفتيني تسلمين علي :) بس ماكو تواصل بيننا
بس الحين اشتهيت اكلمج مادري ليش
يمكن حسيت بضيقتج وودي اشاركج همج
والا مادري ليش :)

om_alkadi يقول...

يالله انك ترحمها برحمتك وترزقها الجنه بغير حساب ولا مشقة عذاب
عسى الله يفرج همج و يزيح الكدر عنج
انا صارلي سنتين اقرا بوستج واول مره اعلق واصدمج اذا قلتلج من اول جم بوست قريته عرفتج :)
وصارلي فتره قاطعه النت بس من سمعت ان يدتج توفت دشيت عشان اتأكد اذا انتي انتي والا لأ بس طلعتي انتي :)
انتي تعرفيني واذا شفتيني تسلمين علي :) بس ماكو تواصل بيننا
بس الحين اشتهيت اكلمج مادري ليش
يمكن حسيت بضيقتج وودي اشاركج
والا مادري ليش :)

وانصحج وانصح كل واحد متكدر بهالدنيا
سمعي شريط "لاتحزن" حق الشيخ عايض القرني
وباذن الله بيخفف عنج

جنون إحساس يقول...

عورتي قلبي من هالصبح استكانه
عسى الله يفرجها عليج ومن طلب الله ما خاب

Mishari يقول...

دائما بعد الضيق فرج بس لاحظت شغلة ؟ جنج صرتي عيوز ؟
تنهيدة وشربة ماي؟
وبابونج؟

لييييييييييش
؟؟؟؟؟؟؟؟؟؟؟

لا زلت في عز الصبا:)

charisma يقول...

صباح الورد
:)

على قولت يدتى قولى خير اتلاقينه ان شاءالله
الله يشرح صدرج ويفرج همج وان شاااءالله تييج الاخبار الى تسرج واتفرح قليبج


لووووووووول ام عن الاسأله ها تغديتى ها ييتى هاا قعدتى
هذى اناااا لووووووووووووووووووووووول
انا جذى من زوود الاهتمام تلاقينى اسال اساله غبيه ههههههههه
بس صج انى اعرف الجواب بس والله اتريحنى فانا احس فيهم :)))
الى يسالون هالاساله
:pP

:*

esTeKaNa يقول...

zooz
~~~~~~~
يابعد قلبي قلبج انتي يا زوز
اللهم امين واجمعين
واي ضحكتيني على البصرة
هههههههههههههههههههه
سكتي عيزت ابي السنترال ابوي مو راضي
فكل يوم جني ياهل بس اقوم اوريه القارص لعل وعسى يرفقون بحالي
:))

esTeKaNa يقول...

That's it
~~~~~~~~~~~~~
ياهلا ويا مرحبا
عسى ربي يحفظج انتي واختج
وامين يا صديقتي ماقصرتي
:)

esTeKaNa يقول...

najmah
~~~~~~~~
يا صباح الخير
يا مسا كل الهنا
تدرين شكثر احب كلامج؟
وتدرين شكثر يريحني؟
!!
اللهم امين واجمعين
عسى الرحمن ما يحرمني منج يارب

esTeKaNa يقول...

maha
~~~~~~~~
مرحبا بالمها
عسى عينك ما تبجي الا من فرح
سامحيني كنت متكدره
والحين انا بخير واتمنى تكونين كذلك
:)

esTeKaNa يقول...

I7na 3shagnaha
ّ~~~~~~~~~~~~~~~~~
ياهلا ويا مرحبا
تصدقين انا بعد أؤمن بهالطاقة الايجابيه
الاطفال فيهم شي نقي ما يتكرر بغيرهم سبحان الله
خوش نصيحة
:)
شكرا على مرورج
ويا زين اسمج
قريته تذكرت احنا عشقناها
عسى ربي لا يخلينا منها

esTeKaNa يقول...

حياتي هدف
~~~~~~~~~~
يا صباح الورد
يزاج الله خير على هالكلام الطيب
تصدقين ضحكتيني
اي والله شسوي يعني قاعده العب كرة
ههههههه
خوش رد حق المرات اليايه
:)

esTeKaNa يقول...

قيادية
~~~~~~~~~
هلا بقيادية الفرح والحب والتفاؤل
:)
حتى انتي تروحين نويصيب بليل؟
عبالي بس انا
:Pp~

esTeKaNa يقول...

مي
~~~~
اللهم امين
اللهم امين
يزاج الله كل الخير يارب
:***

esTeKaNa يقول...

روح نقية
~~~~~~~~~~
امين واجمعين يارب
ودمتي نقية
:)

esTeKaNa يقول...

شقران
~~~~~~~~
افتقدنا مرورك
!!
وتقبل منا ارق تحايا الصباح
واروع مساءات الهنا

esTeKaNa يقول...

Selezeya
~~~~~~~~~
بعد قلبي انتي
!!
صباحج ورد ونور وخير
ماقصرتي :*

esTeKaNa يقول...

enter-q8
~~~~~~~~~~
ههههههه
ضحكتني يا بو وليد
الظاهر موضوع الاسئله وايد متعبك
:)

esTeKaNa يقول...

Dubai
~~~~~~~~
يا بعد قلبي يا الغاليه انتي
يزاج الله خير وماقصرتي
:)

esTeKaNa يقول...

cat
~~~~~
حبتج العافية ماقصرتي
:)

esTeKaNa يقول...

AK-47
~~~~~~
يزاك الله خير
!!
انا اللي اعرفه في ادعيه تكرر ثلاث مرات
وسبع
وعشر
او المعوذات ثلاث مرات
وطبعا السند فيها احاديث صحيحه
بس 15 مرة مادري
ناطرين دبي تقولنا السند
:)

esTeKaNa يقول...

عثماني
~~~~~~~~
اللهم امين
واجمعين يا عثماني
:)

esTeKaNa يقول...

OM comment kuwait
~~~~~~~~~~~~~~~~~~~
أجرنا وأجرج يا الغاليه
يزاج الله كل الخير
عسى ربي يرحمهم ويصبرنا من بعدهم

esTeKaNa يقول...

vipiyah
~~~~~~~~~
:)













artfull
~~~~~~~~~
ياهلا ويا مرحبا اخوي العزيز
دمت بنشاط دائم
عسى ربي يحفظك
:)













Lawyer
~~~~~~~~~
هههههههههه
قريت تعليقج وسمعت صوت السياره
!!
حمدلله على سلامتج
ولهانه عليج
:*

esTeKaNa يقول...

هند
~~~~~
يا حبيبتي يا هند
يزاج الله خير ماقصرتي
:*











salh
~~~~~~~
جربها ولن تندم
يهدي الاعصاب
:)










The simper
~~~~~~~~~~~~~
استشهاد في محله
:)
واتمنى لك يوم سعيد يا اخي العزيز

esTeKaNa يقول...

الخيلاء
~~~~~~
انتي تدرين ان حتى تعليقج في حنان الدنيا كلها؟
:**
يا بعد قلبي يا الخيلاء
لا خلا ولا عدم يا الغالية
عسى ربي لا يحرمني منج
وياربي اشوفج قريب
ولهانه عليج
:*

esTeKaNa يقول...

sn3aa
~~~~~~~~
يا هلا بالسنع كله
:)
اي والله يعني شنو قاعده اسوي؟
اقولج يسئلون اسئله
!!
انا الحين علمتهم اذا طقيتو الباب ما رديت
يعني قاعده اصلي
ماله داعي تستمرون تطقون الباب لي اقطع صلاتي
!!

esTeKaNa يقول...

why me
~~~~~~~~
يزاج الله كل الخير
:)

esTeKaNa يقول...

mate
~~~~~~
جربته
بس ما يه براسي الا البونستان ودوا الحساسيه
وكل هذيله بس بس
يدوخوني
ما ينوموني
:)

esTeKaNa يقول...

om_alkadi
~~~~~~~~~~~~~
تصدقين يا ام الكادي؟
ما القى صعوبه بالرد على اي تعليق ينكتب لي
الا تعليقج
صار لي ساعه اقراه مو عارفه شقولج
شقولج وانتي قد تكونين قريبه
ويمكن تعرفيني
!!
خليتيني اتلفت على الكل
واراجع ذكرياتي مع كل معارفي
ما كسرت خاطرج؟
:))
لازم تقولين لي اشلون عرفتيني
ومنو انتي
!!
ناطرج ايميلج
:pp~

esTeKaNa يقول...

جنون احساس
~~~~~~~~~~~~
اسم الله على قلبج
!!
ماكو الا الخير ان شاء الله
امين واجمعين ان شاء الله

esTeKaNa يقول...

Mishari
~~~~~~~~~
hahaha:))
انا عيوزه سمول
:Pp~
عاش من شافك
اتمنى انك بخير
:)

esTeKaNa يقول...

Charissma
~~~~~~~~~~~~
وي يا زين هالصبح اللي اصبحه بتعليقج
:**

واي صاجة
بالضبط هذي الاسئله
هههههههههه
ترا نا عياره
احب احد يهتم ويسئل
بس اذا المود مقفل ومتعسره
ما ارد اصلا
:Pp~


اميين واجمعين يارب