الأحد، فبراير 15، 2009

على السريع

خف الطينة شي مثل :

خشمك

حلجك

عيونك

رب العالمين رزقك اياها ماتقدر تستحدثها

!!

اذا ربي ما رزقك خف الطينة ميخالف قول الحمدللة

ارضى بقدرك ،احفظ هيبتك،ولا تستملق على الناس

حراااام عليك

ابتسمت مرة

كسرت خاطري مرة

بس الحين انا بحاله مزريه كسرت خاطر روحي

بسسسس ما اقدر اجامل اكثر

:(

.

.

.

شي ثاني:

انا بنت عندي ايدين بس

ماني اخطبوطه اسوي كل شي

!!

وشي ثالث:

عيب ريال يقول حق بنت شدي حيلج بنفرح فيج

كل يوم تقولي شدي حيلج؟

هل يا ترى انا منتخب الكويت الوطني عشان اشيد حيلي

وبعدين السؤال اللي يشرقد نفسه

اشلون بوجهة نظرك اشد حيلي؟

!!

انا استحي صح

بس حاسه ودي انتف احد

@@

.

.

هذا مو البوست اللي في بالي

!!

اللي في بالي بكتبه تالي
بس قررت اني اريهن على مكتبي اتريق
واكتب هالبوست قبل لا تطلع اللبؤه اللي فيني بعد شوي

:)



هناك 83 تعليقًا:

Broke يقول...

آنا وايد محيرني مفهوم شدة الحيل

معقولة الناس ما يفكرون بكلامهم قبل لا يدربـحونه ؟

آنا العادة أسمعه من الحريم .. بس قوية من ريال

قلة أدب !

قانونى كويتي يقول...

شنو صاير

اتكلمين منو

ورسائلج هذى موجهة لمنو

وعلى قولتج انتى مو اخطبوط

ومنو اللى كلفج باكثر من طاقتج

وبعدين

شنو قصة اللبوة
:))


تحياتى

lawyer يقول...

ههههههههههههههههههههههههه

ههههههههههههههههههههههههههه


ههههههههههههههههههههههههههه




وااااااااااااااااي

ملييييييييييييييييق

حداااااااااااااا





ها بتقووووولين له اذللللللللللللف

اذذذذذذذذذلف

وييييييييييييع



بس استكانه انا عندي لج ملاحظظظظظه انتي ماتعرفييييين تسبيييييين


تبين ابرد قلبج ؟؟

ايييييييي


خنيييييي؟؟


هدييييييينييييييييي






انا عندي انسان في حيااااااتي
قريبا راح يخليني اشق اهدوووووووووومي

و انفجر

والسبه انتي
واقتراحاتج

lawyer يقول...

هااااااااااااا


شفتاي؟



اتلووووووووووووووميني اذاااااااااا شقييييييييت هدومي و صررررررررخت


مامداني يبت الطاري

esTeKaNa يقول...

broke
~~~~~~~~~
ليش ما يسون لنا ندوات:
كيف تشدين حيلك؟
:pP~
اي ترا من الريال عييييييب
يعني شنو اقولك؟
تدرين انا مرة ثانيه بقوله يالله ايدك ويانا لانجاح حملتنا حمله شدة الحيل
!!
ترا صج عيييييييييب

esTeKaNa يقول...

قانوني كويتي
~~~~~~~~~~~~~~
انا اشكر تفاعلك على كل بوست ما تقصر انت عسى عمرك طويل
ما شاء الله متااابع وسريع بالرد ما شاء الله
!!
الكلام موجه حق ناس ما تعرفهم
ولاحد يعرفهم هني
بس كتبت عشان كلنا نستفييييييييد يا قانوني
:)
واللبؤه مالها قصه الحين
مو اهي الغمنده
الغمنده شي ثاااااااااني
شكرا شكرا قانوني
:)

esTeKaNa يقول...

Lawyer
~~~~~~~~
ههههههههههههههههههه
هههههههههههههههههههه

لوير ماقدر اقولج شي
مت من الضحك
!!
شكرا شكرا
دايما حاضره للدفاع عني وتمثيلي بالمحافل الرسميه
ليتج تزفينا عشاني
انا استحيييييي
:((
والله يفرج عليكم يارب
:pp~

Najmah يقول...

لووووووووووول

ضحكتني منتخب الكويت الوطني
:PP

طولي بالج يايبا
ماعاش اللي يقثج
ولا يصير خاطرج الا طيب

طاف طاف طاااااف
وصباحج حب وفرح
:***

Enter-Q8 يقول...

تدرين شنو تسوين
اذا لاعت كبدك منه
قولي
شنو تعريف الملاقة

و شدي حيلك نبي نقرى عنك بالجرايد موظفه كافخه واحد بسبب الملاقة

الزين يقول...

استكانه

يا انتي تشوتينه


يا انا ايي اشوته بدالج

آنا خاااالصه من الصبح

وودي اشوت اللي في بالي


افففففففففففففففففف


مي حالة

esTeKaNa يقول...

Najmah
~~~~~~~~~
يا حبيبه قلبي انا
صبااااحج عسل عسل
:**
تهقين الصبر على المليقين جهاد؟
:Pp~

esTeKaNa يقول...

ENTER Q8
~~~~~~~~~~~
وااي
لا تقولون اي اي اقتراحات وانا بهالحاله
لاني يمكن يمكن اسويها
:PP~

esTeKaNa يقول...

الزين
~~~~~~~~
الزين
شخبرج بواحد يقولج شي وتصدقينه
يقولج عليج واحد
!!
عليج واااحد منويقولها الحييييييين
اعطيه واحد الحين اعطيه؟
@@
اشوة شغلي معاه بيخلص كلها جم يوم
:(

lawyer يقول...

زيوناااااااااا


انا و انتي انتكلم عن نفس الشخص بس اهي مندقه منه ثااااني


اشراييييييج نروووووح لها نسسسسسسحب الكل و الجميع و ندفنهم و ننفض الغبااار و نمشي؟؟






الرياااااااااال حايششششششه سهال ايميلاااااااات
من الصبح عشر ايميلااااااات


حرااااااااام علييييييكم يا نااااااااس

بموووووووووووت رحموني
كلا من رفيجتج

ARTFUL يقول...

قولي لا اله الا الله

واذا طلعت اللبؤة لا تعورنا

لوووول

بعد الله يهداج شدي حيلج شفيييج

;p

لا أضحك معاج صج ما يستحي

بس من ناحية الكد لازم تكدين وتشتغلين حالج حالنا

;p

يمكن قصدة بشدة الحيل
ممكن اتكشخين

ممكن ترقمين صبيان
ممكن تقطين نفسج على صبيان

ممكن تحطين اعلان بالوسيط

ممكن تحطين اعلان بالمدونة!!!

انتي شكيتيله الحال مع ويهه!!!

ياخي البنت مرتاحه جذي

خلووها كيفها

واذا الله كاتب لها بتزوج!!!

ربي يكتب لج السعادة بكل امورج بزواج وغيره

الواحد اهم شي مستانس ومرتاح

عدل

=)

Sweet Revenge يقول...

لووووووووول
انا قاعدة اصمم بنر
شدوحيلكم يا بنات
انا بس قولولي شلون اشدة وانا بتله تل مو اشده بعد
والله حاله
:/
الحين انت قانونية ومو عارفتلها مخرج قانوني
هفي بالطفاية وديته 500 دينار ونتحاطط معشر البنات قطية
وعاشت استكانه
طلعي اللبوة وخليها تتهادي في وداعه علشان يتعلمون
اي والله ;)
ناس ما تي الي بالعين السحرية ;)

الزين يقول...

لووووير

وااااي لو انا منج يا اقط روحي من فوق يا احذفه اهو بكبره

وانا ارشح الحل الثاني


يختج في ناس لزقه ما تحس

بس حل عن سمانا


استكانه كيفنا عاد فينا حش

تحملينا

مركبنا يقول...

والله حاسه فيج
وموت اذا قالوا موعقوله ليش الى الحين ماتزوجتي !!!!!

شد حيلج انتي
دشي مع المنتخب في المعسكرات (=

شكله هذا مسؤولج وغاثج حيل

esTeKaNa يقول...

artfull
~~~~~~~~~~
اخوي العزيز
انا سميت على اللبؤه
قريت عليها
لاني قبل شوي كنت بنتف احد
!!
وبعدين اثاري هذي شده الحيل؟
هههههههههههههههههههههه
عيل راح اسوي تعليقك مرجع حق كل من تسأل شنو شده الحيل
ومالنا الا اعلان الوسيط
:Pp~

الزين يقول...

اقول استكانه

شدي وانا اشد

@@

على حين غرة

ونباغت

ويطلع كل شي صناعي



:$

آآآآخ


تعب ترى

ZooZ "3grbgr" يقول...

هههههههههههههه

ما اصدق في واحد ب2009 يقول عليج واحد

ليش يا ربي ليييييييش

الله يعينج

انا مره جاملت واحد واهو يملق واقف على باب مكتبي وانا زي حلاتك ساكته وادعي الفرج يااااااارب اثاريه ما يحس ظل يملق ويضحك بروحه لين ذلف الا انا عيوني دمعت وكنت بنفجر

بس فكره سويت ريفنج حلوه

ترى 500 ما شي نلمها بسرعه

انتي بس شدي حيلج

والطفاية لا يكون بوزها مبطل

وهووووووووووووووب

:p~~

الزين يقول...

زوووووووز


والله يبي له طفاية بوزها مبطل

عشان ينفلق راسه فلقه عدلة

جود هالنقوص اللي مثقله دمه تطلع


:$


ما اصدق انا صايره فيلم رعب


@@


النجدددددة

دروازة يقول...

خل يولي عنج


لو فيه خير ويحترم نفسه ما قال اللي قاله

المسؤول اللي يدور على موظفينه ويطفرهم جذيه يبي يحس انه مسؤول اكثر من انه يبي ينجز

ZooZ "3grbgr" يقول...

زيوووون

يرحم والديج شنو هذا

اعوذ بالله من ابليس واهله

اسم الله عليج الرحمن الرحيم

الحين استكانه صايره لبوة مع وقف التنفيذ

انتي علامج

قمة الرقة تتحول لفيلم رعب

هذا شنوووووووو

اييبلكم بيلرنا تبطون راسه فيه؟؟

ikhalifa.com يقول...

بعد أنتي تلحلحي و سويله كمين مني مناك
مرة شداخة
مرة غرا و خليه يلصق

مرة امشي و خلي لوير بينج و بينه و حذفيه بالجوتي على أساس بتحذفين لوير
بس وايد مهم لوير تشيل راسها مب تسنى

esTeKaNa يقول...

Sweet revenge
~~~~~~~~~~~~~~~
صديقتي المنسق الأول لمشروع شدي حيلج
:p
انا اقول الخطوة الاولى تشدين حيلج
واذا تطورت الاوضاع وزادت سؤ
تتلينه
ههههههههههه
واي ما شفتي ويهي يوم قلتي طفايه
قمت اتلفت ادور
حسيت انياهاها
لا تقولين شنو هالاحساس ماعرف اقوله
بس ويهي مشتط
بردتي قلبي
يعني تهقين اسويها؟
الحين شغلنا ما راح يطول وياه زود
فانا بعطيه فرصه
آخررررررر فرصه
:pP
ما تتخيلين شنو حلو احساس ان الانسان عايش ووراه لبؤات
احساس بالأمان
لا خلا ولا عدم
:**

esTeKaNa يقول...

الزين
ّ~~~~~~
افا عليج بس
بلوقج مكاااااانج
واتمنى الكل يحذو حذوج
ادري مالها شغل
بس مشتهيه اقولها
هههههههههههههههه

الزين يقول...

انتي على بالج الإحتذاء بالحذو شي سهل

ترى يبي له شغغغغغل

اهم شي تتحاذين مع الحذوة والباجي راح ايي مع الوقت

افففففففففففف


املللللللللللق


الله يخليج قولي لي سكتي

esTeKaNa يقول...

مركبنا
~~~~~~~
حيالله مركبنا
شوفي ان شاء الله راح يكون من اهداف حمله شدي حيلج ويانا تنظيم المعسكرات وراح نيب محاضرات والله كريم
:Pp~

esTeKaNa يقول...

الزين
~~~~~~
ياربي ذبحتيني ضحك
هههههههههههههههههههههه
ههههههههههههههههههههههه
الغره دودهتنا
نصايحج مو مضبوطه اليوم وياي
:Pp~

ToOoMaTa يقول...

ينـــــــــــــــصر دينج
ههههههههههههههههههههههه
بدعتي يا استكانة
انا من الصبح وانا اقول حق الي معاي
ماني قادرة اتحمل ناس تستملق
بس شي متعب وانتي تتبوسمين
قريت موضوعج بصوت عالي حق رفيجتي
علشان( الكلام لج يا جارة) حق الي معانا :):):)
وكلة بكوم وسالفت المنتخب بكوم
ههههههههههههههههه

esTeKaNa يقول...

ZOOOZ
~~~~~~~
انتي بس لو شايفه ويهي لما قال عليج واحد
!!
تميت برهه من الوقت
وجيكي على كلمه برهه
وانا طايرة بوهتي
انا علي واحد؟
هذا وانا ياربي وانا حاطة حدود وكلمه ورد غطاها
هذا ما يبيله حدود
يبيله سور الكويت كله
وااااااااااااااي
اشوة شغلنا وياه مو مطول
وترا عن اذنكم انا قاعده ادور طفايه
:pP~

esTeKaNa يقول...

الزين
~~~~~~
يمة
!!
منو هذي اللي تحجي؟
ههههههههههههههههههههه
بعد عندج اتقان بالجريمه
:Pp~

esTeKaNa يقول...

دروازه
~~~~~~~~
للتوضيح:
مسؤلي عباله انا اخطبوطه
بس ما يقصر مقدرني رغم كل شئ


والثاني
شخص لنا عمل وياه
بس سبحان الله ما عمري شفت جذي
ملاقه لها ريول؟
ملاقه تمشي على الارض؟
انا ضايق خلقي علييييييه حرام جذي يسوي بروحه
انت شخبرك بواحد يقول عليك واحد
!!
هذا وانا ما انكت واضحك
الله يعين لو انا خرييشه
@@

وانا خليته يولي
كتبت البوست وهو جبالي
هههههههههههههه

esTeKaNa يقول...

ZOOOZ
~~~~~~~
في داخل كل منا فراشه رقيقه
ولبؤه شريره
:Pp~
كل واحده تطلع بالوقت المناسب

esTeKaNa يقول...

IKHALIFA.COM
~~~~~~~~~~~~~~~
انا فخورة فيك وفي كل اخواني المعلقين والملعقات على هذه الاقتراحات المبهره والمتقنه
:pP~

بنت الشاميه يقول...

لاكان ولا عاش اللى يغث استكانتنا من الصبح

شوفى اللى يقول لج هالاكلام بس دزيه علي
اناااااا ابرد قلبج فيه
واخليه ينسى عبارة شدى حيلج وهمن اخليه ينسي الحجى كله
ويتحسف على خفة الطينه اللى عنده

افااااا عليج احنا كلنا موجودين للدفاع عن محاميتنا الصغيرونه
اهو مايدري بس من قاعد يحاجى. ويستخف دمه بعد ..!!!!ء
===
لوووووووير عليج فيه
انت بطل الدوري....لووووووول

esTeKaNa يقول...

الزين
~~~~~~
ههههههههههه
زيون ولاني قايله لج سكتي
انا مستانسه
خليني اضحك على سبب على الاقل
:P

esTeKaNa يقول...

TamooTa
~~~~~~~~~
تدرين انا مرات احس ويهي يشنقل بروحه
!!
اشلون مادري
هههههههههههه
بس تبدين تعفسين خشمج
تشقين حلجج
قاعده تخربين ملامحج
في سبيل شخص يبي يحس انه ظريف لطيف خفيف طينه
ههههههههههه

شكرا شكرا يا صديقتي
حسستيني بقيمه هذا البوست التيك اواي
اللي اهديه باسمي وباسم كل ابناء هذا الوطن لكل شخص يستملق على ناس مو مجبورين يتحملونه
بعد لو ولدي
ولد اخوي
زوج
بعد يا حيل الله
بس عابر سبيل
ليش ياربي اتحمل ليييييييش
:pp~
وعاش منتخبنا الوطني
:)

esTeKaNa يقول...

بنت الشامية
~~~~~~~~~~~~~
حيالله شيخة الشامية كلها
انتي ما تدرين
عبالج اللي غاثني شدي حيلج؟
هذي كل يوم انا اسمعها
فيمكن اسوي دراسه عن حيثياتها وبنسوي ندوات كيف تشدين حيلج
:pP~
المشكله اذا انتي مشتطة تتكلمين بموضوع مهم
ويقاطع يقول شي
وانتي مركزه
يقولي هاهاها
عليج واحد
!!
ياااااااااربي انا انهرت لما قالي عليج واحد
:((
ولوير اهي كابتن الفريق
ههههههههههه

المجهوول ..! يقول...

فعلا شعبنا شعب مداحر وهواش لوووول

كل الردود على الموضوع فيها هواش ؟!
مافي احد قال ان الرجال نيته صافيه
بس خانه التعبير

بس موضوع الملاقة وثقالة الدم
الله يعينج عليها

الزين يقول...

ابيه استكانه لا طوفشششششش


داقة لي وحده تقول لي انها من مدري شنو الأبحاث والأعلان


قلت لها تفضلي اختي

قالت سمعتي الراديو امس

قلت لها نو

قالت قبل امس

قلت لها نو

قالت متى تسمعين الراديو

قلت ما اسمع ملاقه

قالت ملاكه
؟؟؟

مصرية

:)

قلت لها ايه يعني حاجة دمها تقيل

ضحكت جان تقول لي طيب والتلفزيون

قلت لها ما يمشي عندي

قالت وجرايد

قلت احطها حق جيري عشان تكرمين يوصخ عليها

قالت جيري؟؟

قلت لها

جلبتنا

قالت تيَِب انتي بتابتعي ايه من الميديا

قلت ولا شي جان تصخ مده

جان تقول لي حدرتك من سكان شمسه ذي

قلت لا حبيبتي من سكان شسمه ذاك

ردت علي شاكرة لك وقتج

رديت عليها ضيعتي وقتي

:)


انا اليوم صايره مووووووووو طبيعية

لحقييييييييي علي سديكتي

:@

AK-47 يقول...

يقولج شدي حيلج بنفرح فيج ؟؟؟

هذامو بس مليق ,مصيبة اكبر من الملاقة
الله يعينج

{~المباركية~} يقول...

شدي حليج بالبوست الياي
يعطيج العافيه

that's iT يقول...

خخخخخ

بدعتي

والله الله يعيينج

صاجه خفت الدم أكو ناس ماتلوق عليهم ماأدري ليش غصب إحنا خفيفين طينه

الخيلاء يقول...

هههههه

ياحلوج

عادي ترى يصير تحذفينه من الدريشه
مشكل نهي مشكل

و انا اترافع عنج اذا صار ما صار لول

ARTFUL يقول...

غطاية

لها رنة وصوت يشبع خاطر الحاذف

ولها من الالم ما يوجع المحذوف
ويترك بصمة يأنس برؤياها الحاذف

ويستحي منها المحذوف


----

النعال النيدية
أستمتع بحذفها عند الغضب ولها ذكريات

;p

jory يقول...

lool

mskeen ma swat 3leeh el7jwa...


ama 3leech wa7d mt mn elth7k
3leeha heheheeh


kan allah bl 3on


elmfrooth y36oona (bdl t7ml malagah) lol

دروازة يقول...

عليك واحد!!

هذا أكيد اهو سبب الغبار !!

يخسي!! عليك واحد!!

زين ما قالج كفج!!

هذا شكله زلفه واصل لي قبل شواربه بشوي ولا بس طاقيه رافعة غترته 60 سم
وغترته مطرزة بخيط فضي!!

بس أنا اقول علشان تخففين على عمرج الملاقة ... ييبي كل يوم وياج بطل برييه بالليمون... ودوم تذكري أن في وحده مبتليه فيه بالبيت، علشان تهون عليج بلوتج فيه :)


تحياتي :)

سبمبوت يقول...

ستكانة هاه؟؟ شفيج ما تعرفين شلون تشدين حيلج على طريقة شباب الكويت ؟؟ والله انج غشيمة .. آنا اقول لج:

أولا: كل ما تلمحين واحد مجبل غترة وعقال تمثلين انج مشغولة وما تطالعينه إلا مرة وحدة مع ابتسامة مواربة.

ثانيا: اذا شفتي واحد مجبل سبورت تسوين روحج مشتطة على شيء وكلش بالج مو وياه وتمثلين انج حلالة المشاكل في الإدارة بس ما تعطين ويه حق اي أحد.

ثالثا: أيام الأسبوع تترززين بكافيهات الراية.

رابعا: ايام الويك اند تترززين بكافيهات المارينا كريسنت والآفنيوز

خامسا: في العروس ترقصين ثلاث رقصات بس بأوول العرس ووسطة وآخرة .. وكلة تحاولين انج تكونين عند زاوية الحريم الكبار

سادسا: ما تتلفتين في السيارة حتى لو حريجة شبت بالسيارة إللي على يمينج.

سادسا: في كل مكان تمشين سيدة بس عيونج إللي تتحرك 360 درجة.

إللي يبونه يا استكانة هي بنت متصنعة ممثلة درجة أولى .. والطبيعيات الصادقات مع انفسهن خارج نطاق التغطية

nikon 8 يقول...

بالنسبة لي أناطرة اللبوة تطلع
:)
أما مسألة شد الحيل فقولي حق محفوظ السلامة الي يسمعج هالكلمة رايح وجاي على باله قايل دعاء
خلنا نستفيد من خبرات المدام وجيبها تعمل لنا دورة
:)
وإن سأل مرة ثانية قولي له إنج تاخذين دروس كراتيه تشد حيلج على أمثاله
صج حرني ... وكفوه اللي وحدة شاده حيلها وصايدته
!!!!
من يقبل على مكتبج حطي تسجيل أصوات ناس تتمرن وتنافخ من شدة الحيل
:)

ikhalifa.com يقول...

ناطر إللي في بالج و بتكتبينه تالي
:)

أحمد الحيدر يقول...

منو هذا ؟ ;p

بلاغة شف :))

الله يعينج اخيتي :)

أتيت متاخرة يقول...

وآآنه ويني فيمن الصبح يااااااا ربي؟؟؟
اجتماعات ومجابل الابلة الناظرة
بقولها باجر ما خليتيني اشد حيلي واشوف بوست استكانة

بالله يقولج شدي حيلج وأنتي ساكتة ؟؟؟
يعني بالله شلون تشدينه ؟؟؟
اقول استكانة احجز لي تذكرة وأيي اشد وياكم؟؟؟

البوست ضحكني والتعليقات اعلاااااااااااااه
فطستني من الضحك
بروح آرقد واشد حيلي في شلون اخليج تشدين حيلج

كبرياء وردة يقول...

قد جهزت العتاد

ولبست زي الحرب

وعلى ظهر البندقية

وها انا ذا أسير بكل همة للقتال

انتي اشري وما صير خاطرج الا طيب:P

~:: Inspired Mind ::~ يقول...

موتيني ضحك..

عاد الاخس واحد في دوامي ياته بنيه ياي يبشر ووسط الزحمه يقولي عقبالج وانا ساكته .. مصمم ما يروح الا اقول ان شاء الله .. وانا مصدومه .. ويرد ويعيد ويقولي ما بطلع الا اذا قلتي ان شاء الله ..

خيبه وين تبي .. في ناس جذيه ماتعرفين شقا تتصرفين معاهم..

qesat_5ayal يقول...

LoL

الله يعينج

مو طبيعي
ما ينبلعون
لا بو شدة الحيل ولا الثاني بو عليج واحد

Kuwait يقول...

لووووووووووووول
استكانه انا بعد للحين مو فاهمه المقصود من شدي حيلج ..
وبيني وبينج انا من تنقالي هالكلمـه على طول الجواب زاهب ..
" شديته لين انقطع خلاص عاد فكونا "
;p

esTeKaNa يقول...

المجهول
~~~~~~~~~
لاحظت؟
ههههههه
الله يكافينا الشر
انا كنت متعسره
بس ما توقعت هذا التشجيع الكبير
:Pp~
انا مفترضه فيه حسن النيه
ولا اشكك بنيته
انا موضوعي
الدم الثقيل
:(

esTeKaNa يقول...

الزين
~~~~~~~~
ههههههههههههه
انا اللي عاجبني بالموضوع نفسها الطويل
بدعتي فيها
:pP~

esTeKaNa يقول...

Ak-47
~~~~~~~~
:(
الله كريم






المباركية
~~~~~~~~~~
الله يعافيج
شكرا
:)









That's it
~~~~~~~~~~
اي والله الله يعيني ويطول بالي
:(










الخيلاء
~~~~~~~
صديقتي الجميله
انا بعطيه فرصه اخيره
واذا غطيت باجر
معناته يا حاذف يا محذوف
:Pp~










ARTFULL
~~~~~~~~~~
LOOOOOOOOOOOOOL:))
خوش غطايه
ذكرتني بصوره
بشوف اذا قدرت انزلها
:pP~










jory
~~~~~~~
واي صاااجة
عليج واحد بروحها يبيلها بدل ضعف الراتب
:Pp~
انا اشهد ان ما سوت عليه الحجوة مسكين
:)))

esTeKaNa يقول...

دروازة
~~~~~~~~
اخي العزيز دروازه
السؤال اللي يطرح نفسه:
انت شايفه؟
LOOOOOOOOOL
اتوقع لو يقولي كفج
يمكن تيني سكته قلبيه وانا بمكاني
:pP~
وكلامك بالنسبه لزوجته عدل
بس يا دروازه هذا زوجها
قدرها
نصيبها
لو يقول شنو كيفها تضحك
بس انا شنو ذنبي؟
:(
وذكرتني الوالده قايله لي اليوم لا تقولين كلمه وتشتكين على الريال
عييييب
وراج دنيا
باجر ربي يرزقج واحد مليق العياب عند الباب وهالشي ما ينعرف بالسؤال
فبيني وبينك خوفتني
:Pp~

esTeKaNa يقول...

سبمبوت
~~~~~~~~~~~
يا اهلا ويا مرحبا باستاذتي سمبوسه
:)))
طبعا انا كنت مركزه بمحاضرتج الجميله عن شدة الحيل لدرجة اني ما ان انتهيت من القراءة طحت على نفسي قاعده اسوي ابتسامات مواربه للشاشه
يعني قاعده اتدرب
:pP~
صرااحة تعليق قيم قيم قيم
لا خلاص
معسكرات حملة كيف تشدين حيلج راح تكونين من اوائل المحاضرات فيها
واهم شي ثلاث رقصات
بس؟
انزين اذا بخاطري رابعه مايصير
!!
هههههههههههههههه
انا اشهد انهن خارج منطقه التغطيه
وراحت موضتهن بعد
:)))

esTeKaNa يقول...

nikon 8
~~~~~~~~~~
سؤالي:
من وين القى تسجيل الاصوات حق ناس تتمرن وتنافخ من شده الحيل؟
هههههههههههههههههههه
صج ضحكتيني
بس خوش حجوة
بقولها وانا مغمضه
لانها قويه
بس تبررررد القلب
:)))
لا خلا ولا عدم
هذيله الصديقات ولا بلاش
كل واحده تعطيني حجوة

esTeKaNa يقول...

ikhalifa.com
~~~~~~~~~~~~~~~~
ان شاء الله قريبا بس انظم افكاري
:)








أحمد الحيدر
~~~~~~~~~~~~
hehehe
الله يسلمك ماقصرت
:)

esTeKaNa يقول...

أتيت متأخره
~~~~~~~~~~~~~~
ياهلا وأمية هلا
الله يهديج انتي كله يايه متأخر؟
:))
يعطيج العافيه يا الغالية
ولا لا لا تتعنين
احنا بنسوي حملة:
كيف تشدين حيلج؟
فيسرنا تكونين مديرة الفرع عندكم
ونشد من كل صوب
:PP~
تصبحين على خير وورد ونوير
واحلام سعيده يا ابلتنا
:)

esTeKaNa يقول...

كبرياء وردة
~~~~~~~~~~~~~
ههههههههههههههه
هههههههههههههههه
واي صج ضحكتيني
فعلا انا فخورة في صديقاتي اللبؤات
لا خلا ولا عدم يا كبرياء ورده
:))

esTeKaNa يقول...

Inspired Mind
~~~~~~~~~~~~~~~~~~
يا هلا وأمية هلا
تو ما نور البلوق كله
وعسى الضحكة ما تفارقج يا الغاليه
:)
احنا ما ننكر طيبتهم
حسن نيتهم
بس بنت اشلون بتقول ان شاء الله
فششششششششششله
هالاوادم صايرين عجبه
يحسسونج مرات انج عاله على المجتمع
هههههههه

esTeKaNa يقول...

qesat_5ayal
ّّّّّّّ~~~~~~~~~~~~~~~
جهاد جهاد
الله يعين قلبي
:))







kuwait
~~~~~~~~
واي يا زين كويت
جوابج زاهب وقوي
بحفظة مع الاقتراحات والاجوبه القيمه المقدمه في هذا البوست
:Pp~

Eng_Q8 يقول...

لوووووووووووووول احسج كاتبه البوست وانتي معصبه

اي شدي حيلج روحي معسكر تدريبي :p

فريج سعود يقول...

الله يستر الظاهر بتنهدين عليه بيوم

Sweet Revenge يقول...

ادري احنا باول النهار بس بتطمن لاني مجهزة 254 طفاية بمختلف الانواع والاشكال
احترم الفرصة الاخيرة يا طفاية ردي مكانج ما احترم عاد علي نفسه جنا مليق
سبمبوت يما منج كل هذا تعرفينه وساكته وليش ماتقولين من زمان
انا اطالب بحملة توعية لنا نحن البنات
تساعد فتيات المستقبل علي شد الحيل
وحقج محفوظ سبمبوت عن كل راس
اقصد عروس كيكة من بوفية عرسها مجانا
ها شقلتي؟

charisma يقول...

لووووووووول
:))))
انا اتحرنى شدى حييلج من مره او بنت تقولها !! هالمره رياااااااال
عسى ماااشر
:)))

قولييله الشده على الله
هههههههههههههههه


وعلى التملق
ما اعتقد احد مر عليييه مثل الى يمر على بالدوااااااااام
://///

ما اقولل بقلبى الالالا ربى اشرح لى صدرى
اللهم طولج يا رووووووووووووح

كويتي يقول...

الله يكافينا الشر

Nora .. يقول...

شدي حيلج
@@

هل كيف بالله
؟!

هههههههههههههههههههههههههههه
ابيه طروا علي جم شخص و شخصة
:Pp
معاه حق الريال
فعلا فعلا في ناس شادة حيلها


.
.
اوووف على الملاقة
بس كله بصووووووووووووووووووب
و التفلسف اللي ماله والي بصوب
يمه تهون الملاقة و انا اختج

عيل تقصين ساعة الا خمس عشان تطلع كلمة
Urgently
!
و تنقال حق المراسل
يا بعد عيني عينه
وينه و وين هالكلمة بالله عليج
يمكن عباله مسبة الحين
!!

انا اتفهم اللي صج عنده لغة ثانية
تتعسر كلمة فباله

بس تطلع عفوية
!
ساعات ما تلاقين المعنى اللي تقصدينه بالعربي و الاسرع يطلع

بس ما تكلمين بنات مثلج و منج
بمنهج ثالثة ابتدائي
!

بس مرة مرتين عشر تعش
من داومت الله وكيلج

و اللي يبط انها تنطقها غلط
فاتتن شبدي والله
pathetic:PpP
.
.
متى نشد
حيلنا
ها
؟

:D
ادري ادري تأبى المرؤة

Ni3Na3aH يقول...

lol.. ana asma3hom ygolon shed 7ailik .. 7ag rayal.. 3ashan yQarer.. o ydawer o yakh6eb...
bas ya3ny laman ygolon 7ag bnaya sheday 7ailich shbetsawee...

zahbay el shabak warach 9eedah!!!!

بس يقول...

صبحج الله بالخير

اسم الله علينا من عصبيتج :p

اما عن بوشدة حيل عطيه طااف
هالاشكال ما تنعطى ويه !


وصباحك سكر و رضا من الرحمن

esTeKaNa يقول...

ENG-Q8
~~~~~~~~~~
يعني حاس اني معصبه
جان تضحك؟
مادري ليش اخوي المهندس صاير شرير
!!
راجع صحبتك
:pP~

esTeKaNa يقول...

فريج سعود
~~~~~~~~~~~
لا لا
الله عداه الشر
:Pp~








Sweet Revenge
~~~~~~~~~~~~~~~~
ياهلا ويا مرحبا بصديقتي المنسق الأول لحملة شدي حيلج ويانا
:pp~
تصدقين من قريت تعليقج من الصبح وانا حاسه بأمان
بس اليوم ما شفته
تهقين قرا البوست؟
HEHEHEHE
ونضم صوتنا لصوتج ونطالب سبمبموت بحملات توعية
:)

esTeKaNa يقول...

Charissma
~~~~~~~~~~~~
لبيه لبيه يا كريزما
ادري مالها شغل
بس بخاطري اقولها
:pP~
عجبتني الشده على الله
باستعملها في المناسبات اليايه
:))
وتصدقين انا لما اجامل احد
مرات احس ان ويهي يشنقل
ملامحي تتغير
تشقين ضحكتج
تعفسين خشمج
ليش نعفس روحنا عشان شخص يحس ان ظريف؟
@@

esTeKaNa يقول...

كويتي
~~~~~~
آمين
:)




nora
~~~~~~~
يا هلا بأخت عمري
:**
واي تدرين شطرا لي؟
عدي لي العشره
هههههههههههههههههههه
بعد احنا لو ندري عد بطئ ولا سريع جان توفقنا بس حسافه ماحنا عارفين بما ضبطت ويانا
;Pp~
وااااااااااااي
ما اصدق
عرفت الموديل اللي عندج
هذا موديل ماعرفه
لا لا يبيلنا اجتماع رفيع المستوى قريبا قريبا في سوالف متكوده
:))

esTeKaNa يقول...

Ni3Na3aH
~~~~~~~~~~~~~
حيالله النعناعه والله
:)
عدل كلامج
عشان جذي حبيت اقولج ان الاخوات بالتعليقات قررو يسون حملة :
كيف تشدين حيلج؟
اذا محتاجة اي توعيه بالموضوع حياج ويانا
:pP~






بس
~~~~~
ترا انا موووو عصبيه
بس حزة حاضر
وسلامتج تروح العصبيه
:)))
مساااائج خير يا الغاليه
وصباححج نور وفرح

chandal/danchal!! يقول...

العزيزة استكانة

بالنسبة لموضوع خف الطينة

Look on the bright side
مثل ما يقولون

جربتي تسمعين نكتة من واحد طينته ثقيلة؟؟... اكثر ناس يضحكوني لي قطوا النكت... لدرجة امرار اكون مو عارفة اذا قاعدة اضحك والا ابجي!!

:)