الأربعاء، فبراير 04، 2009

جنون قبل السفر

وأترك حول عنقك شالي...وأدس في حياتك بعض أغراضي
حتى إذا ما اشتاقت لي روحك
تجدني هنا
في رائحة إحساسي المخبأ في قلبك
وعبق ذكرياتي الساكنة فيك
.
.
.
في الصباحات الباردةحين يتسلل لك ضوا الشمس
وتغازلك نسمات الهواء الأولى
تذكرني
تذكر احساسي فيك
ومشاعرتزهر في أراضيك
وتعلم.:
كيف في غيابي تستنشق النور
تتنفس الحياة
وكيف تضم طيفي كل صباح
.
.
.
تتذكر فلسفة المتناقضات؟
حين سرقت من قهوتك السكر
وتركتها مرة
!!
سئلتني:
ليش؟
لأنك لن تشعر بالحياة إلا اذا نسيت في فمك قطعة سكر
تذوب مع قهوتك المرة
تناقضات الحياه بمرورتها وحلاوتها تجعلك تعي معناها
وتتلذذ بكل احساس فيها
لا تخلط قهوتك بالسكر،لا تفقدها روحها
اتركها مرة
ودعني اكون انا السكر
.
.
.
سفر...وحقائب مفتوحة وتنتظر
اجمع اغراضي
واستجمع احساسي
وأراك على حافة سرير أفكارك تجلس وتسئلني:
بتروحين وتخليني؟
اقترب،احتضن يدك وابتسم:
وين اروح دامك ساكن بي؟
تنظر للفضاء من بعدي،تتصدد عن عيني
جرئ انت امام كل شئ (الا قلبك)وتظن بأني لا اشعر بك؟
!!
بس انا تعودت وجودج،انتي جزأ من يومي
تهقه هو تعود؟
.....صمت
هل الحب اعتياد؟
ام الاعتياد حب؟
لو كان مجرد اعتياد يشغل فراغ يومك غيري
ولو كان غير ذلك...فلن تجد روحك الا في عيني
فكرفكر فكر:
الحب اعتياد؟
ترفع حاجبك :
بدينا بدينا؟
بطتنا بطت بطن بطتكم وتقدر بطتكم تبط بطن بطتنا مثل ما بطتنا بطت بطن بطتكم
وتضحك....تملأ قهقاتك سكوني
واشفق على طفولة قلبي خجلة أنا من كل فلسفاتي ...اسكت
أرخي رمش عيني،ويزعل من ضحكتك قلبي
اتركك وحدك وارجع لحقائبي هكذا انت دائما...تقطع سيل مشاعري بفواصلك الاعلانية
بس ...زعلت
تبتسم:
زعلانه يعني؟
...صمت
تدرين ان فيج طفولة الدنيا كلها؟
تناظرك عيني وتبتسم روحي واستجمع قوتي حتى لا ابتسم:
أنا زعلان...لو سمحت مابينا كلام
أعطيك ظهري وتباغتني ابتساماتي خجلة واحساسي المترقب
يتدلل عليك
ويمارس كل دلع طفولته بين يديك
سأخرس لساني وقلبي وصوت قلبي يقول لك:
يالله راضني،ترا برضى بس راضني
...وتذكر
ترا كل القلوب أطفال
ومابه حكي ينقال
!!
أنا طفلة قلبك...تلعب في ظل أمان قلبك كل يوم
.
.
.
لما حين أحبك تتلبسني حالة أمومة غريبه؟
تجعلني ارتب فوضى حياتك ودثرة المشاعر حولك
أتقاسم معك احزانك،وينصت قلبي لبوح وجدانك
وأحبك حب ..غير مشروط ،أقصى أحلامه ان تكون بخير
وتصدق؟
اندر انواع الحب ذاك الحب غير المشروط
.
.
عندما ارحل...ويفتقدني قلبك
اغمض عينيك،ستراني هناك في قلبك اتحرا قدومك في كل حين
امد يدي لك.....تعال
لا تضايقت منك انا صدري يضيق....ابتسم من شان مثلك ابتسم
والهموم اللي بها قلبك غريق...خلها بيني وبينك تنقسم
.
.
.
.
تسند ظهرك وتفكر:
انتي ساحرة؟
تسرقيني مني ...من الدنيا ...من الناس
وتاخذيني...من اقصاي لي اقصاي
تشاركيني كل لحظات اليوم،وتسيرين علي تالي الليل باحلامي
تدرين؟
أحس مرات اني اشوفج ..حافية تسرقين قلبي
تدخلينه
ترقصين على اطراف اصابعك على كل نبضاته
أرقص؟
اي رقصتي بحضور وردة كانت تغني:
بحبك ...أد العيون السود
وانت عارف وانت عارف أد أيه حلوة وجميلة العيون السود في بلدنا يا حبيبي
!!
وانت شنو كنت تسوي؟
كنت أطبل على طرف الطاولة
تتسع عيني:
متأكد انا؟
اخاف هذي سهير زكي؟
واضحك....وتضحك
ولا تعيبين على احلامي،ماكانت ورده موجوده ذكريني؟
اذكرك وهو حلمك؟
لحظة ...افتح لي الباب وخلني اخربط حلمك
صح كنت هناك،امسك طرف يدك واغني لك:
تصدق ولا أحلف لك...عجزت بلساني أوصف لك
ربيع الحب في وصلك.. وانت كريم من اصلك
وشوف قلبي على يدي...وهو أغلى ما عندي
وتبغى زياده في حبك..اجيب لك قلبي ثاني منين؟
الله الله....وانا شنو كنت اسوي؟
كنت تراقصني
أوباااا
هذا مو أنا هذا واحد خفيف انا ماارقص...بعدين انتي ما تحبين الريال يرقص صح؟
صح
بس ماحد يحب اللي يبي
:Pp~
.
.
.
تعبت؟
لي تعبت من كل الدروب
وزادت عليك ضغوط
ارتاح....ودور لك في كل زوايا الدنيا ظلال
ازرع الورد حولك
وحب في كل يوم حب جديد
وبتشتاق
لعيني...لضوا روحي....ولشي فيني
.
.
.
.
يتنهد الصبر...من بعد ذكريات وحكي وتسئلني:
متى بتردين؟
!!
اخفي دمعة عيني:
متى ما اشتقت لي ...برجع
واذا ما رجعتي؟
معناته ما عاد لي بدنياك مكان
.
.
.
.
إليها:
قد تصمت كلماتي عن بوحي لك
ولم تعتاد رجولة مشاعري ان تعبر لك
ولكن صدقيني في كل ليله قبيل غفوتي
تزوريني...تلملمين بحنانك شتات روحي
انتي شئ مهم!!....لما كيف ومتى ولماذا ...لا يهم
لي جيت أنا بغفي
أحلم أنا بقربك
الليل يهز جتفي...يذكرني بحبك
والليل قاصدني...كل ليله يواعدني
يجيبك بأحلامي...لكن يعاندني
صديقة الفرح
أنثي كل الفصول
وحكاية قلبي المجنون
كوني بخير من أجلي
إليك:
أسافر ...وأترك في روحك مني بقايا
تذكرني بكل شئ جميل
تذكرني مع كل اشراق جديد
في رائحة بخور غترتك
وبعطر يتسلل لدشداشتك
في قهوتك...في دوانيتك...في دوامك
وفي كل لحظاتك
انا قلبي معك
فكن بخير من أجله
.
.
.
.
.
~~~~~~~~~~~~~
همسة:
هنني ياللي جميعي لك هنا
حطني بآخر مداي
طيرك اللي ما يبي غيرك أنا
ضمني..ضمني...انت فضااي
.
.
.
شكرا لكل من تفاعل في البوست السابق مع لوية مشاعري
وشكرا لرقة الرسائل التي وصلتني
في ظهيره هذا اليوم سأسافر سفره سريعه بكم يوم
!!
حللوني
وكونو بخير
والبلوق برعاية الزين
اي شي تبونه تامرون عليه المفاتيح عندها
:pP~

هناك 56 تعليقًا:

|:| DUBAI |:| يقول...

فيني صيحة يا استكانة
والله فيني صيحة من هالبوست
رومانسي يفشع القلب
: )
بالسلامة يا أختي
بنترياج
!!

الزين يقول...

:)))


يا صباح الوله الإشتطاطي اللي تارس قلبي وطافح قبل لا تسافرين

يا بنية عيزت وانا اقول لج اني احببببببببش

ايه نعم والمفاتيح عندي

ترى يمكن افصل على ربعج وحده من فصلاتي واحوس الكل على الكل

كيفج عاد

:)

تروحين وترجعين لكل حبايبج بالسلامه

الله يسمح دربكم ويحفظكم قولي آمين

:**

ويييييييه نسيت اقول



تتذكر فلسفة المتناقضات؟
حين سرقت من قهوتك السكر
وتركتها مرة

قتلتني هالفقرة

lawyer يقول...

يازيييييييين قهوه الصباح معاج اتصدقيييييين


اناااااا رقصت اكثر منها فوق الاحرف

بسسسسسس على الرغم من ان البوووست لون نفسه بالكثير من القهقهات الا انه مؤؤلم


كيييييفج انا شفته مؤلم

يخفي الكثير الكثير تحت السطور مو بينهااا






تروحين و تردين بالسلاااامه :*

قانونى كويتي يقول...

صباح الخير


بالسلامة يا استكانه

اتروحين واتردين بالسلامة

وبانتظار رجوعج من السفر

وتحياتى لج

Sweet Revenge يقول...

تروحين وتردين بالسلامة :)

asma يقول...

استكانة لما تتكلم عن الحب؛ يصمت كل البشر!
تروحي وترجعي بالسلامة :)

Najmah يقول...

صباح الغلا كله
صباح رقة الاحساس
وطفولة المشاعر
وقهوة تجمع المتناقضات
:*
استكااااانة
مشاعري هالايام على طريف
قريت السفر ودمعت عيني
:"\
حبيييييييبتي انتي
تروحين وتردين بألف سلامة
ربي يحفظج ويسمح دربج
استانسي واستمتعي بكل لحظة
ياصديقة قلبي
والله بشتاق لج
كبر الدنيا
:*****

ARTFUL يقول...

صباااح الخيييير

مسااافره

بالسلامه انشالله
درب السلامه

اللع يونسج بالعافية

وتردين لنا سالمة غانمة

والنفسيه عال العااااال

------

ذكرتيني بشغلااات الله يقطع ابلييسج

انا كل جذي .. تكون السالفة جد وفيها من الرومانسية ما فيها

أروح أعلق او استعبط

((مره بغيت أنطق على هالسالفة)) ;p

انا زعلانه لا تحاجيني

كاااااااااك

هالكلمه تضحكني

والله الحريم مكرهن عظييييييييم

;p

المهم البوست حلو

حافظج الله

وسفره موفقه

=)

nikon 8 يقول...

تروحين وترجعين بالسلامة
:)
بعد كل هالكلام الحلو والمشاعر المشللة فوق ... أحط الحبيب بكبرة بالجنطة مع الأغراض وأسافر فيه
:))

SHAHAD يقول...

يااااااه غرقت غرقت بكلماااتج
وبمشاااعرج
مشاعري مادري شصاار فيها !!
قدرتج عجيبة في تحريك مشاعر الآخرين : )

تروحين وترجعين بالسلااامة يااارب
وما اوصيج استااانسي عدددل : )

Enter-Q8 يقول...

تتذكر فلسفة المتناقضات؟
حين سرقت من قهوتك السكر
وتركتها مرة
!!
سئلتني:
ليش؟
لأنك لن تشعر بالحياة إلا اذا نسيت في فمك قطعة سكر
تذوب مع قهوتك المرة
تناقضات الحياه بمرورتها وحلاوتها تجعلك تعي معناها
وتتلذذ بكل احساس فيها
لا تخلط قهوتك بالسكر،لا تفقدها روحها
اتركها مرة
ودعني اكون انا السكر

اذا هالجنون كما تسمينة ما يطلع الا قبل السفر
ودي اقولك
سافري اربعه و عشرين ساعه
محلله و تردين بالسلامة

abu eldestor يقول...

@@
تردين بالسلامة انشاءاللله

Najmah يقول...

استكانة
بقولج سر
بوستج اوحى لي ببوست
روحي اقريه
:P

حلم جميل بوطن أفضل يقول...

!!!منو سكر؟

علينا؟

:)

الخيلاء يقول...

عقب ما قريت البوست
طلعت مني تنهيه من اقصى اعماق دهاليز قلبي المسكين الي كل يوم اورطه في بوست و عليه انه يتحمل التبعات

:)

البوست اينن
الحوار عفوي و جميل
احس اني معاهم
و مشاعري اتحرك بكلامهم

:
:

حسيت الشال يطوق رقبتي
بنعومته و دفاه

:
:

يسبغ عليها الغزل
و استحي انا
:
:

رحمي حالي استكانه ترى سحت
:p

الخيلاء يقول...

وخزياه
:
:

اتروحين و تردين بالسلامه
بنشتاق لصدى كلماتج الشفافه

:
:

دودهني البوست
:*

Sn3a يقول...

مقدمه البوست مو صج
ماتدرين شكثر حبيتها
لا وجني نسيت باجي البوست قريتها واتبوسمت جنج كاتبتها حقي لول


بوستج مناسب جدا لهالوقت
اصلا كل بوستاتج مناسبه
قاعده اكتب لسته الاشيا اللي لازم احطها بالجنطه

لا تخلط قهوتك بالسكر،لا تفقدها روحها
اتركها مرة
ودعني اكون انا السكر
sweeet!

تخافين تحبين شخص
ويحوطج بحنانه
وتالي يقولج تعودت عليج
انا ليش احس كلمه تعودت عليج مو حب
يعني التعود يصير للكل
بس الحب لا

اما تصدق ولا احلفلك
هالاغنيه كبيره من صج
واايد واايد احبها احس المفروض ماتتغنى حق كل الناس
احس اغنيه معاريس مادري شكو



يوه استكانه
بلوقج قهوه متروسه سكر
بس هالسكر من النوع اللي يشوقج تضيفين اكثر واكثر

كبرياء وردة يقول...

مساء الخير والاحساس والطيبة

مساء ما يليق الا بأحبابي

البوست.....

اكبر من اني اتكلم عنه

تروحين وتردين بالسلامة

ديري بالج على نفسج

ولا تطولين

ikhalifa.com يقول...

نحن بانتظارك
و هالله هالله بالصوغة كثري من الحلويات
:P

AK-47 يقول...

بالسلامة انشالله

بوفهد يقول...

استكانه

ماشاالله عليك اختي

من يقدر يصيد هالمشاعر

ويصففها بالدور

عيني بارده عليك

وعسى الله يعينه على الشال الي برقبته!! وتسلمين ياالغالية

شـقـــــران يقول...

الغالية استكانة

مساء أجمل الحروف العطرة
مساء شوق السفر،،،واشتياقات العودة للوطن

-----------


رجولة المشاعر مشكلة مزمنة!؟

ولكن قلب المرأة يقوى إما على قراءتها أو....استنطاقها من قلب رجولة المشاعر!؟



-----------


همسة وتعقيب

الهمسة

اختلفنا من يحب الثاني اكثر


التعقيب

الاغلب الدائم تكون المرأة أقوى من محبة الرجل



اشكالية جعلت المرأة محور المعاناة في الانتاج الادبي والفكري



---------------


والى أن يحين موعد ملامسة كلماتكم....ســنـشـتـاق لكم


رافقتكم السلامة في حلّـكم وترحالكم




تقبلي مني اصدق التحايا وأجملها

BornConfuzed يقول...

هل الحب اعتياد؟
ام الاعتياد حب؟

مو هو هالسؤال اللي يحير؟ دايما أسأل
الحب ظاهرة بيولوجية و هرمونات و لا فلسفة و مشاعر؟

Addictive blog by the way =)

تروحين و تردين بالسلامة
=)

RoOra يقول...

a5eeeeeeeh!
راقي راقي راقي! حبيت كل حرف انكتب
ماني عارفه شرد والله بدعتي :)
تروحين و ترجعين بالسلامه ,حافظج الله وين ما كنتي ;*

vancouver يقول...

تسسسسسسافرين بالسلامه



وترجعين بالسلاااااامه

والله يحفظج
:**

Kaadi يقول...

يقول هاني نقشبندي ..


طفولة الرجل ..مواسم

وطفولة الانثى .. أبدية !!



والمرأة تعيش طيلة حياتها بالوحدة .حتى يأسر قلبها ليس اي شخص ..بل القلب الحنون ..لانها تحتاج لحنان بالوحدة

~ هند ~ يقول...

=(


وأكون آخر من يعلم!! ..


صج وقفت الدمع في عيني ..


آآآآآآآآآآآآآآآآآآخ يا استكانه ,,

تنبشين جروحي وتروحين ومن غير لاأسلم عليج ..

..

بوستج خلاني أعيد النظر فقرارات إتخذتها عسى انه قلبي يرتاح ..

..

بس

بعده ما ارتاح ,,




تردين بالسلامه وان شاء الله تستانسين بسفرتج,,


~~
تكفون يا بلوقرز دزولها مسج وسلمولي
عليها
~~



>> ليش الكومنت يذلني على ما يطلع ؟!!!

ولد الديرة يقول...

مصحوبة السلامة

ما صارت لبنين :)

الرابطة وبناء الأمة يقول...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

Salah يقول...

دايما يسئلوني ليش تشرب القهوة (والجاي) بدون سكر

الحين عندي رد لهم

:)

تروحين وتردين بالسلامة

ميرامار يقول...

حبيت موضوع السفر والقهوة

التشبيهات والتصوير والاحساس ودفء الكلمات

دوما دافئة استكانة

:)

`~MnO YeNSa! ~` يقول...

تروحين
و تردين
بالسلامة
محللة

لا تقولين
بتيني !؟
:*

اما البوست
مو عادي
فلسفتك يا استكانة
تأخذي الى بعيد
و اذا هذا جنونك و اريد ان ارى عين عقلك .. اذا لطلما احببه لا لان جنونك هو العقل




have fun :*
enjoy it
sweetie

charisma يقول...

الله على روعه كلماتج يا استكانه

وتذكر
ترا كل القلوب أطفال

اتينن العباره

بحفظ الله
تروحين وتردين بالسلامه ان شاءالله
:**

عــــــابره يقول...

تردين بسلامة

mtfa2el يقول...

غسلي قلبج بالسفرة

تروحين و تردين بالسلامة

ARTFUL يقول...

نقول الحمدلله على السلامه؟؟

=)

Blog 3amty يقول...

تره السفر ما يعيق البوستات، إلا إذا كننتي مسافرة عن البلوق فهذا شي ثاني ..


:)


تروحين وتردين بأجمل من ما كان
بإنتظارك ...

هذيان يقول...

تروحين وترجعين بالسلامة

وانبسطي كثير

that's iT يقول...

miss u 7adaa

twne raada mn l.shaaleh

have fun balsfraah w enjoy:D

Manal يقول...

بالسلامة يا الغالية
:)

MoRooJiA يقول...

تروحيين وترجعيين بالسلامه :)

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

esTeKaNa يقول...

Dubai
~~~~~~~~~
والرومانسيه تصيحج وتقشع قلبج؟
يمه اسم الله على صديقتي اسم الله عليها
:))
الله يسلمج يا الغاليه
انا رديت
:D

esTeKaNa يقول...

يا رقه قلوبكم
!!
كل تعليق له مكان بقلبي
يفرحني اكثر من ما تتصورون
لي عوده قريبه هنا
حتى لا نبخس اي تعليق حقه
:)

esTeKaNa يقول...

الزين
~~~~~~~
يا عسى ربي ما يخليني منج يا الغاليه
:**

esTeKaNa يقول...

Lawyer
~~~~~~~~~
ويا حلو كل شي وياج
عاد تصدقين لما كتبت ترقصين
قلت هذي بتيوز حق لوير
:Pp~
ما من حزن
بس قولي ان شالله مامن حزن
:**

esTeKaNa يقول...

قانوني كويتي
~~~~~~~~~~~~~
الله يسلمك من الشر
ماقصرت
:)







SWEET REVENGE
~~~~~~~~~~~~~~~~~~
الله يسلمج
:*








ASMA
~~~~~~~
هذا من رقه قلبج بس
:)
الله يسلمج









NAJMAH
~~~~~~~~~
يا بعد قلب استكانة انتي
الله لا يحرمني منج
:*








ARTFUL
~~~~~~~~~
ياهلا ويا مرحبا
الله يسلمك من الشر
عاد تصدق اكثر ما احب بتعليقاتك عفويتها
ضحكتني
:)))
الله يحفظ لك الغاليه يارب

esTeKaNa يقول...

NIKON 8
~~~~~~~~~~
LOOOOOOOOL!
حتى لو ما تاخذينه
راح تلقينه مخشوش بقلبج وين ما تروحين
:pP~
بس اشرايج فيني وانا رومانسيه؟
حركات
:pp~













شهد
~~~~~~
ياهلا بالشهد كله
هذا قليل مما عندكم
:)
والله يسلمج يا الغاليه من كل شر










Enter-q8
~~~~~~~~~~~
اذا اللي انا كتبته ايوز لك
لا لا خلاص
انا كل ما استملقت بالبوستات
بنوي اسافر جود اكتب شي حلو
:)
والله يسلمك من كل شر

esTeKaNa يقول...

ابو الدستور
~~~~~~~~~~~~~
الله يسلمك من كل شر
:)










نجمة
~~~~~~~~
قريته قبل ما اروح
عجيييييييييب
:*








حلم جميل بوطن افضل
~~~~~~~~~~~~~~~~~~~~~~
شكر شكر
لا يروح بالك هناك
:Pp~













الخيلاء
~~~~~~~~~
وي يا زين هالبنيه لي تدودهت وساحت
انا اقرا تعليقج واتحلى عليج
ضحكتيني
:))
عسى ربي يحفظج ويسعد قلبج
ويسلمج يا الغاليه من كل شر
:*

esTeKaNa يقول...

Sn3a
~~~~~
ياهلا بالسنع كله
:)
كان بخاطري اكون موجوده يوم كتبتي التعليق عشان اسلم عليج واقولج شنو تحطين بالجنطه
واغني لج تصدق ولا احلف لك
:Pp~
عسى ربي يحفظج يا الغاليه وتروحين وتردين بالسلامة يارب

esTeKaNa يقول...

كبرياء ورده
~~~~~~~~~~~~~
عسى ربي يحفظج ماقصرتي
:)








ikhalifa.com
ّّّ~~~~~~~~~~~~~~~~~~
تامر امر
:)







AK-47
~~~~~~~~
الله يسلمك ماقصرت
:)

esTeKaNa يقول...

بو فهد
~~~~~~~~~~~
ياهلا ويا مرحبا باخوي بو فهد
:)
لما قريت الله يعينه على الشال
حسيته مزنوط
:pP~
ماقصرت على رقة تعليقك
وعسى ربي يسلمك ويحفظك من كل شر

esTeKaNa يقول...

شقران
~~~~~~~~~
اخي العزيز شقران

مسائك شوق
وصباحك خير وفرح
اتمنى ان تكون بخير انت وام راكان وراكان العزيز
:)
وهكذا انت دائما تقرأ مابين السطور وتجاوب اسئله كل المشاعر
شكرا لمرورك العزيز علينا جدا
وحياك الله

esTeKaNa يقول...

BornConfuzed
~~~~~~~~~~~~~~~~
حياج الله هذي الساعه المباركة اللي تزورين بلوقي
وعسى ربي يحفظج ويسلمج من كل شر
:)











rooora
~~~~~~~~~
الراقي احساسج وكلماتج اللي اسعدت قلبي
عسى ربي يسعدج ويحفظج يا الشيخه روروا
:)









vancouver
~~~~~~~~~~~~
ياربي مادري ليش اذا شفت تعليقج يفرح ويستبشر قلبي
!!
الله يسلمج من كل شر يا الغاليه
:*












kaadi
~~~~~~~~
واختصر بكلماته واقع اغلب القلوب
!!
شكرا على نقلك لتلك الكلمات
شكرا لمرورك العذب يا الكادي
:)














هند
~~~~~~~
هند...يا أرق واعذب من قرأ لاستكانة
الا الدمع
!!
ليش الدموع؟
يا عسى عينج ما تبكي الا من فرح
وعسى الرحمن يحفظ قلبج ويسعدج
كوني قويه
واستعيني بلله
وبتكونين داااايم بخير ان شاء الله
:**

esTeKaNa يقول...

ولد الديرة
~~~~~~~~~~~
الله يسلمك
لا هالمرة مو لبنين
حولنا الموجة
:Pp~






الرابطة
~~~~~~~~~
شكرا
:)






صلاح
~~~~~~~
ستكون اجابه منطقيه جدا
:pP~
الله يسلمك من كل شر







ميرامار
~~~~~~~~~~
قليل مما عندكم يا رائعه الحس والكلمه دائما
:)












mno yensa
~~~~~~~~~~~~
كان ودي ايي لج
!!
بس ان شاء الله المرة اليايه


الله يسلمج يا الغاليه من كل شر
افرح اذا حبيتي البوست واسمتعتي فيه
:**

esTeKaNa يقول...

charissma
~~~~~~~~~~~~
يا بعد قلب استكانة انتي
:**
الله يسلمج من كل شر يا الغاليه









عابره
~~~~~~~~
الله يسلمج من الشر





متفائل
~~~~~~~~~~
ان شاء الله ما طلبت شي
:)
الله يسلمك من الشر







ارتفل
~~~~~~~
نقول حمدلله على السلامة
:)






blog 3mty
~~~~~~~~~~~~~
ما تعتقد احيان انا نحتاج نسافر عن البلوق وعن اشيا كثيره تكنلوجيه صارت ترهقنا احيانا؟
:)
شكرا لجمال مرورك المختلف هذي المرة
عسى ربي يحفظك ويسلمك من كل شر










هذيان
~~~~~~~
الله يسلمك من كل شر
:)







that's it
~~~~~~~~~~~~
عليج بالعافيه ان شالله استانستي بالشاليه
:)








منال
~~~~~~~
الله يسلمج يا الغاليه






مروجيه
~~~~~~~~~~
الله يسلمج ما قصرتي