السبت، يناير 31، 2009

WaNasa


أين تجد الوناسة وراحة البال؟

في إمتلاك كل شئ،في الحب،في السفر،في توافر كل عوامل الرفاهية،ام بوجود أشخاص معينين؟

الوناسة وراحة البال احساس تجده هنا،بين ضلعي قلبك واحساسك

هو رغبتك بأن تكون سعيد بأبسط الأمور

وإكتفائك بذاتك دون تعليق سعادتها على وجود اشخاص،او عوامل فرح معينه

. مطر،.وغيوم تلتقي بحب،ونسمات هواء باردة تغرينابطلعة سريعه لربوع المطلاع



خيمة،ورواق،ومدة وبساط،،وشوية أغراض،ومخيم تيك أواي لكنه يفي بغرض الوناسه والاستمتاع

يحرصون على ذاك المكان بالمطلاع حيث ترتفع الأرض وتكون قادر على رؤية الجهراء والكويت من على ارتفاع

وأحد مظاهر حرصهم.،ان يكونون بعيدا عن كل المخيمات،الأمر الذي يجعلني اكرر سؤالي:

ليش تبون تغونا بالهالبر؟

هذه هي: نظرية المنفى السياسي

:)

عندما تسلل لنا البرد وجلست بخيمتنا الصغيره تذكرت مخيمات جنوب لبنان وفلسطين

فلنحمد الله على بيوتنا...دفئنا...واستقرارنا مهما تعسرت عندنا بعض الأمور

أعشق اللمه حول دوا الفحم،والسوالف الذي تبعثها تلك الجلسات، في تلك الجلسة تمنيت ان اكون شاعره،يلتف حولي الجميع لأشعر ولكن المشكلة:
ماني بشاعر ينظم الحرف والقاف....أنا قصيدة وأبدعتها الأماني

أحيان افكر هل لو عاد جدي الله يرحمه للبحر،وعاد جدك للبر ورجعنا للحياه البسيطة الفقيره سنكون مرتاحين؟

كنت اطرح عليهم تساؤلاتي حين جائني صوت ابي داش بعرض السالفه:

لو احنا بايام الطين والبحر بتفضحينا:
يبه فر قلبي غلقه بروح اتمشى على البحر ما راح تعرفين تريهنين بالبيت

ولو كنا بالبر،الناس تفزع وراها سفر لي سفر وانتي بتنامين لي الضحى العود

ياربي ليش يفشلني ابوي جدامهم؟

وليش يكمل عمي عليه ويقول:
في كل موسم بر،ا استكانة تقمص شخصية وضحة حرمو لمسيو نمر بن عدوان

:Pp~













ستاربكس؟
أحب شرب الأقحواني والدودماني وجاي الفحم وجاي اللومي وربعهم

هل الوناسة في كسافة الحال؟

فتحت الجولة وتركت الماء الدافئ يسيل بإسراف وانا اتيدد وانظر للفضاء

حين وصلت لي صرخة من احد السلطات العليا:

استكانة شوي شوي على الماي يا بنيه احنا ببر مو بأحد المنتجعات
يبيلي بروحي ترشيد:pP~

بعد الغدا تمددت على البساط وتأملت بالسماء،وفي عز هذا التأمل،اذا بعزيز عيني يركض يلعب بطائرته وطببببببب إلا هاللي طاب ببطني ومكمل ركضته ولا كأنه تسبب في جريمة بحق المدنين العزل اللي اهي انا،صرختي قطعت سكون تلك اللحظة وجوابه العفوي الطفولي العيار:
انا شدراني في استكانة نايمة؟انا عبالي هذي الارض
!!
شعرت برغبة بالبكاء واستحيت،وشعرت فعليا بكلمه:
داس بمردانه

أحب لحظات الغروب وأعشق صوت أبي حين يؤذن بالفضا ويبدد سكون هذا الكون

طبعا لتستمتع بالبر....لابد تكون هيلقي،تلبس طبقات مالها علاقه ببعض ،فهلاقة البر أحيان مظهر من مظاهر السعاده اشلون وليش مادري:)

الوناسة أحيان تكون دعوة افطار لانسانة طيبة بعمر أمك لم يرزقها ربها زواج ولا أطفال،أحبتني منذ صغري،منحتني أكثر مما أحتاجه،شرت لي اول دفتر وعلمني كيفية الاختلاء بنفسي والبوح وأبجدياته
اخذها كما كانت تاخذني وانا طفلة،اجعلها تختار اين تريد وماذا تريد،انصت لها
واجعلها تتحسس على مساحات الحب التي يحملها قلبي لها
اكتشفت أننا ممكن بأمور بسيطة وكلمات جميلة نؤثر في قلوبهم اكثر من ما نتصور
إدخال السرور على قلوب من نحب....سعادة



أحب الكويت

:Pp~
~~~~~~~~~~~~~~

إذا طق المطر ورد عشب أخضر وسط حوشك

تذكرني اذا صار الورد جوري على غصونك

...تذكرني

إذا زاد الهوى وانشدت حبالك على خيامك

تذكرني وخلني مرة أمر على بالك

وشلون أسلا؟

فرحي ونظرعيني ...كل ما طريت اسمك تغنى كل ما فيني

تنكشف أسرار روحي لي من طريت اسمك

ولا لي غردت...على غصني وزهر كل انتظاري

أغني لك عصافير إتفنن في هواك ....... ارجـــــــــــــــــــــــع

وانت صوتي وصوت الناس...... لي قلت بفرح إرجــــــــــع

الله عليك شلون انا فديره ..... وهمسك مايجيني؟

الله عليك لخــــــــــــــــــاطري المجـــــــــروح ...ينطر ضوا جيـــــــــــــــتك وأنا وحنيــــــــــني

(منقول)

.

.

بداية اسبوع جميلة

هناك 71 تعليقًا:

المجهوول ..! يقول...

البـــر ذلك المكان الجميل حاليا
المرعب سابقا

الطلعة فيه متعة ما بعدها متعة
بس مو كأن الوقت مبجر على الطلعة هناك ... يعني خضار الارض بعده ما طلع

""اذا بعزيز عيني يركض يلعب بطائرته وطببببببب إلا هاللي طاب ببطني ومكمل ركضته ولا كأنه تسبب في جريمة بحق المدنين العزل ""

لوووووووووووووووول
اتوقع انكتت الاستكانة بعد هالمشهد لوووووووول ...

AK-47 يقول...

خوش كشته عليج بالعافية
الوناسة وراحة البال يا بالبر ولا بالبحر

الزين يقول...

اخيييييييييييه

استفتحت في هالبوست اللي يشرح ويغسل القلب

ولهانه عليج كبر الدنيا

واحبش اكبر من الدنيا



وصباحج مطر يا بعد كل اللي غاب وحضر

:**

سالفة قلب يقول...

الله الله على هالصباح

ياجعل السعادة والفــرح لك طـيـر

عساها تشرق أوطان المودة

في هواك تسير

عسى يومك حياة وخير

عسى الدنيا تبسم لك

وطيب الحظ يضحك لك

وتعيش بنشوة التطوير

عسى عيونك تشوف (الزين)ء

اشرايج فيني وانا اتحرش؟

:)

وقلبك يبقى زي ماهو

حنين وطيبة متفقين
___________________________


الوناسة وراحة البال احساس تجده هنا،بين ضلعي قلبك واحساسك
هو رغبتك بأن تكون سعيد بأبسط الأمور

اي والله هذي اهي السعاده
الله لايحرمنا منها

خووووش بوست يااستكانه

بس يقول...

صباحج رضا من الرحمن

ياحلو راحة البال بس وينها

:(

السعادة اعتقد انشوف اللي نحبهم مرتاحين و مستانسين ومومحتاجين حق احد ؟؟

سالفة قلب يقول...

نسيت اقولج
سلميلي على ماغي وااايد

:*

أستاذ حمام يقول...

قمة السعادة.. ان تشعر الاخرين بالسعادة

Sweet Revenge يقول...

صج وناسة
فعلا السعادة ممكن تكون من شغلات صغيرة
والاحلي
مثل ما قال الرسول
( من أحب الأعمال الى الله سرور تدخله على قلب مسلم )

الله يونسج بالعافية استكانه ويحعله في ميزان اعمالج
بس طلعتِ بالصوووووووووورة شفتج شفتج قاعدة ومتربعة
;)

أبو لطيف يقول...

الذكريات

لا تكون جملية الا عندما تصبح ذكرى

معايشتها...هو واقع حال
بكل ما يحويه من هم وسعادة وحزن وفرح وصعب وسهل وضيق ورخاء

الذكريات تمحي القبيح وتُبقي على الجميل
او تجمل القبح احيانا

من وحي ما خطت يداك

......

تذكرني إذا صوت الأذان علا
وسط صحرا

تذكرني مع النهمة واليامال
على يال البحر غنى

تذكرني بكل همسة
تنادي اسمي وتتمنى

تذكرني إذا رسمي
تزاولك وسط عينك
ولا تمله

تذكرني ... ويكفيني
أكون أنا لك ذكرى


حفظك الله ورعاك

ARTFUL يقول...

الله الله الله

يا زين الكشتات أستمتع فيها

طلعه خفيفه بس صج تغسل الجبد

التهلق شي ضروري

بس عندي واحد عنده هواية تهلق بالبحر والبحر

بشكل مؤرف الله يغربل ابليسه

حتى انا الريال اللي ما لاحظ وكل شي طااف أقوله

انت شقاعد تلبس
شهالخلاجيييييين!!!!

ما تعرفين تحطين صبغ أظافر

يحطون على أظافرهم مهو على ايدهم

;P

بس حلو التنوع بالطلعات

;p

قانونى كويتي يقول...

يا صباح الخير عليج يا استكانه

شى ولا اروع من الخيال

قمة بالنقل المباشر لطلعة البر

اول شى عليكم بالعافية روحتكم الحلوة

مع الاسرة الكريمة

وبعدين ماشا ءالله عليكم وعينى عليكم باردة

لانكم مختارين خوش مكان

والدوا يا حلاتها

مع الغواري اللى يزيدهم

انا تخيلت ان واحد للحليب والباجين للجاى عاد مادرى صح ولا لاء

وبعدين في اشياء ناقصة بالرحلة

تدرين شنو وين الياهال وعفستهم بالبر

يلا المرة الياية صورى لنا شنو

سووا بالبر من حركات اكشن

وتحياتى

abu eldestor يقول...

بوست أكثر من رائع
اقراه ودشيت بالجو كأني معاكم

استكانه
بالنسبة لي راحه البال
اهم شي بهالدنيا

om comment kuwait يقول...

شوقتيني ابي اكشت في مخيم :)

حد الوناسة بس المشكلة مافي احساس بالشبع اتكونين يوعانه طووووووول الوقت
-----------------------------------
صج الكويت حلوه

و احلى شي فيها
شمسها و هواها
بحرها و سماها
كلشي فيها حلوووووو

الحمدالله اننا كويتيين على قوله خالتي
-----------------------------------
صج حلو انه الواحد يسعد غيره خاصة لما يكون الشخص صاحب فضل عليه
جزاج الله خير يا استكانه
----------------------------------
بمناسبة المطر الحلو هاليومين اهديج

اغنية طق يا مطر

-------------------------------
((اللهم ارزقنا الغيث و لا تجعلنا من القانطين يا رب العالمين ))
يا رب لا تحرمنا من المطر
--------------------------------
قرقت عليج وايد شكلي

الله يونسكم بالعافية يارب :)

كبرياء وردة يقول...

صباح المسك والعنبر
صباح الحب بليا حدود

بوست يشرح النفس

بالنسبة لي راحة البال وان الواحد يكون عايش بوسط الناس اللي يحبهم
اهي اكبر سعادة
كل الفلوس الدنيا ما تعوضنا عن شخص غالي لا فقدناه
so enjoy ur life
واستغلوا لحظاتها مع من تحبون

شفيني شوي عامي شوي فصحى وشوي انجليزي

واااااي يا حلو البر وقعدة البر

بوفهد يقول...

صباح الورد اختي

(قطو وطقيتيه بمصير )

مع هالجو الي سبحانه يغسل القلوب بحبات المطر

ينزل بوستك الامير على القلوب

انا ماعندي تعليق غير انك شيشتسنا على التمرد

على فكرة الصور وايد حلوه

وقعدت ادروك بين الكلاسات مالقيت
الاستكانه :))))


السعاده ياحلو من يطيح على مفاتيحها واسرارها

راح يتجنب كل الامراض

وتزيد مناعته

السعاده لن تجدها في الاخرين

انها في الداخل

استاذة ليش ماكو (( كستن )) ؟؟

خوش طلعة وونستونا معاكم

ويعجبني ابوك الله يطول بعمره

charisma يقول...

الله على هالاغنيه وايد احبها حق ارويشد
تذكرنى وخلنى مرة امر على باابك

واموت فى هالمقطع
كل ما طريت اسمك تغنى كل ما فيني

تنكشف أسرار روحي لي من طريت اسمك


وخووش رحله علييكم بالعاافيه
ما احب البر
هههههههههههه يعسرنى
جان عاقده النونه من السياره لوووول

بس الصور استكانه اتشوووووق وتشرح القلب وفرحت لفرحتج بهالرحله


بوست يحمل احلى المعانى
:**

SHAHAD يقول...

مرات أمور بسيطة تملي القلب فرح وسعاادة
.
.

تصدقين استكاانه
انا ما احب البر
بس من بوستتج حبيته : )

العدالة الكويتية يقول...

ما هي السعادة؟
العلاّمة القرضاوي يجيب

________

قالوا: السعادة في السكون
وفي الخمول وفي الخمود

في العيش بين الأهل
لا عيش المهاجر والطريد

في لقمة تأتي إليك
بغير ما جهد جهيد

في المشي خلف الركب
في دعة وفي خطو وئيد

في أن تقول كما يقال
فلا إعتراض ولا ردود

في أن تسير مع القطيع
وأن تقاد ولا تقود

في أن تعيش كما يراد
ولا تعيش كما تريد

قلت : الحياة هي التحرك
لا السكون ولا الهمود

وهي التفاعل والتطور
لا التحجر والجمود

وهي الشعور بالإنتصار
ولا انتصار بلا جهود

وهي التلذذ بالمتاعب
لا التلذذ بالرقود

هي أن تذود عن الحياض
وأي حر لا يذود

هي أن تحس بأن كأس
الذل من ماء صديد

هي أن تعيش خليفة
في الأرض شأنك أن تسود

إن السعادة أن تعيش
لفكرة الحق التليد

وتعلم الفكر السوي
وتصنع الخلق الحميد

هذي الحياة وشأنها
من عهد آدم والجدود

فإذا ركنت إلى السكون
فلذ بسكان اللحود

____________

بوست جميل تبارك الرحمن
بس النقلة من البر لشاطيء البحر
سببت اضطرابًا بصريًا عندي :)
أمزح ومع أجمل التمنيات

darkness يقول...

ليش ما اخذتيني

:(

الزين يقول...

استكانه

:)))

بلغي صاحبتنا او السلام وصل

:**

ولها مثله واحر منه بعد

molok يقول...

اين اجد السعادة .. سابقا كانت بالجلوس مع الاصدقاء الاعزاء ..
حاليا بالجلوس في الهواء الطلق ممسكا بكتابي ، أو عندما اتألم البحر .. :)

عندي مشكلة قديمة مع البر، لذلك لست من عشاقه ابدا ..

بس مبين من الصورة انج مستانسه .. عليج بالعافية

nikon 8 يقول...

عليكم بالعافية خوش طلعة
:)
مساك الله بالخير
:)

7osen يقول...

الله

البر
ونااااسة


انا الاسبوع اللي فات نمت هناك وصارلي فترة مو نايم
ومن حظي إن ان الجو كان مطرررر
طول الليل تمطر على الخفيف والفير اشتد المطر وانا نايم بالخيمة اسمع صوت المطر
وناااسة

والصبح قعدت اول واحد
ورحنا انا وميشو بجولة على الاقدام نقطع البراري والغفار
ههههه
لا واحلى شي واحنا رادين المخيم قاعد اقوله حلاتها الحين نحصل لنا غدا محترم جذي مجبوس دياي من اللي احبه كنت يوعان عاد
وبالصدفة والله
لما وصلنا شوي والا في مخيم قريب منا مخيم عائلي دازين لنا غدا محترم مثل ماتمنيت مجبوس دياي
الله حدي بدعت ، بالبر ويوعان يعني ابداع
ههههه

هههه
انا اخذت راحتي شكلي
حبيت الصور واايد حلوة البر صج يريح النفس

:)

Q8EL5AIR يقول...

شكلها خوش يمعة :)


ان شاء الله دوم متيمعين عل الخير والحب والسعادة :)



وتحياتي ..
ويسلموااااااااااااااااا :)

Sn3a يقول...

عليكم بالف عافيه
بالنسبه لي ماتستهويني اجواء البر والعيشه الناشفه لول

بس قولي الصج
صج تتخيلين نفسج وضحه :P

ikhalifa.com يقول...

شلتوا الهارموني وياكم المخيم؟

حلم جميل بوطن أفضل يقول...

تلعبين هند روسي؟

حلم جميل بوطن أفضل يقول...

أنا أعرف سارق الفيتال

طلع مدون

:)

Kaadi يقول...

واااي الالالالاااااا ماحب الكسافة بالبر !!

قمته مادري شلون يحبون البر !! صحرا !!


قولي شاليه ..بحر اي تأمل ..اي مو بر !! وع لوووول




بس خوووش صور :)

Kuwait يقول...

@@
وليش ما عزمتيني وياكم عالبـر ;p
الله يديم الوناسه عليج ..
والطلعه اليايه حق لونتر انا معاج مو بكيفج غصب طيب ;D

شـقـــــران يقول...

الغالية استكانة

مساء الخير والنوير ونبت الخزامى والنفل
:)

---------

فديت ريح تراب المطلاع المشبعة بزخات المطر


لنا مخيم دائم في كل سنة..ننصبه في ربوع المطلاع أو عند منطقة اللياح والتي تقع في أقصى شمال المطلاع وقبل أم العيش

في الكشتة القادمة إذا نقص عليكم ماي أو ودكم في غرض..لايردكم إلآ السانكم
:)))

--------------


أتدرين أن للمكشات لذة أكثر من لذة المخيم...أحب المكشات لأن فيه خبه وشغل بسرعة بسرعة..أحس أجواءه كثيرة الفرح والضحك...والطنازة..والهدوء...كل هذا القاه في المكشات


اضيفي أن الجمعه (لمت الناس) في المكشات أحلى...فالناس كاشتة وحدّها رايقة
:)

أما المخيم الدائم...فهذا نايم وهذاك دوام وتلك مشغولة بالمطبخ والتنظيف...والاخرى مستاءة من قراطيس الاطفال في خيمتها...حوسه مابعدها حوسه

أظن المكشات يكسب
:)



أما لبس المكشات فلاتدققين...بشت على فروة على جبه على بلوزة فوق الدشداشة الخ

التقاط صورة واحدة لأشكالنا وقت المكشات كفيلة برسم ضحكة على شفاهنا وقلوبنا طول العمر كلما رأيناها
:))))


----------------

اسعاد الآخرين ممن لم يكن حظهم كبير في الزواج والاطفال عمل والله لايقوم به إلآ صاحب قلبٍ كبير وذو وفاء عظيم


زادك الله كرما ووفاءا




-------------------


ردا على النقل وبيته الاخير،،،لك هالبيتين من الفيصل


فرحتي..لاشفت لك..راي(ن) جديد
او نظرت..لبعض شعري باهتمام

يارفيق الحرف..في دنياء القصيد
عشقتي ويّاك في.....عذب الكلام





لك مني وافر الاماني الطيبة

بنت أحمد يقول...

الله عليك يااستكانه

شو هالبوست الممتع

مشكورة & تسلم الأيادي

:)

New Bride يقول...

عليج بالعافيه و اهم شي استانستي

انا اكره شي اسمه بر ما اقدر اقعد هناك

مره اهلي راحوا قعدت ابجي و اتخيل بدال هالقعده هني لو رايحه كافيه مع كتاب حلو جان احسن :)

تحياتي :)

اجار الدين كشمش يقول...

عسسسس الله يهنيكم على هالنشاط

مو كل اسره تقوم برحله صباحيه ..وتنصب خيمه بعد !!1

اما شاليهات او خيام دايمه

او الوفره او العبدلي

يكن البابا رومانسي

وهااادي الطبع

الله يحفظه ...اما احنا جباريت قاعده

فمالله

kandroz يقول...

اجواء اليوم موووو صج :>
وبليل حتى ماكان برد وايد : )
nice post
تقبلي مروري ,,

Salah يقول...

يقولون الوناسة في مكان فيه الماء والخضرة والوجه الحسن!

لكن الحقيقة أن الوناسة في مكان فيه خيمة ودوة فحم والوجه الحسن!

تحياتي

قانونى كويتي يقول...

استكانه

وينج ما اشوفج

رديتى على التعليقات

الظاهر رحتى البر مرة ثانية

لان السالفة احلوت عندج


تحياتى

:)))

lawyer يقول...

لوووووووووووووونج شرح

Manal يقول...

يا حلو استكانا ويا حلو مواضيعها

صور قمة في الروعة
شوقتيني
انا اعشق البر
ولمة الاهل

بس راحة البال احس فيها لما اجتمع بناس قراب على قلبي

على استكانة شاي
بس مع الحليب

ربي لا يحرمني منهم
:)

ikhalifa.com يقول...

ثبتي هالتصميم
:)

mtfa2el يقول...

زين غطيتي رقم السيارة

عشان محد يشوف شكثر المخالفات اللي عليها
:p

esTeKaNa يقول...

المجهول
~~~~~~~~~
ليش مرعب يا حافظ؟
ما عمري خفت من البر
احبه
:)
ههه اي واله ما في خضار
بس اذا نطرنا الخضار اخاف ما نطلع موليه
:pp~
والمشهد مضحك صج
بس حزتها كانت بتطلع روحي من الالم
هههههههههههه

esTeKaNa يقول...

AK-47
~~~~~~~~
الله يعافيك يارب
شفت اشلون غرت منكم؟
:pP~









الزين
~~~~~~~~
ما ينلام ابد قلبي
:**
صباحج سكر
ومساج ورد يا حبيبة قلبي
:**











سالفة قلب
~~~~~~~~~~~~
ياهلا وأمية هلا
:**
يا كثر ما بلوقي ولهانه على طلتج البهيه
:))
وواصل سلامج للماغي فرح واصل
:Pp~

esTeKaNa يقول...

بس
~~~~
صباح فرح
ومساج رضا
:)
كلامج عدل
ويبقى للسعاده اكثر من تفسير ومعنى
عسى ربي يسعد قلبج ويفرحج دوم
:*

esTeKaNa يقول...

أستاذ حمام
~~~~~~~~~~~
فعلا
:)
على فكرة :
حاولت اعلق عندك مرارا
بس مادري ليش صفحة الكومنتس مو راضيه تفتح عندي
:(













Sweet Revenge
~~~~~~~~~~~~~~~~
هذا اللي ابي اوصله
نتعلم نستانس حتى بالاشيا البسيطة
بعد قلبي وعسى ربي يحفظج ويونسج بالعافيه
لووووول
مو انا
انا ام جم وكشخة اخر شي
:Pp~

esTeKaNa يقول...

أبو لطيف
~~~~~~~~~~
وهل هناك اجمل من تعريفك للذكرى؟
رائع
اخاف اعقب بكلمه فأعكر صفو رقة احساسك بهذا التعليق الرائع
:)

esTeKaNa يقول...

ARtfull
~~~~~~~~~
ياهلا ويا مرحبا بارتفل
عاد توني اقرا تعليقك بالبوست اللي طاف ضحكتني
!!
على نياتكم ترزقون
طيبتك وعفويتك يمكن سبب ان حرمكم المصون ترتاح لك وعسى ربي يتمم عليكم
:)
ولو سمحت لا تعيب علي
ههههههههه
:Pp~
حياك الله

esTeKaNa يقول...

قانوني كويتي
~~~~~~~~~~~~~
يا صباح الورد
يا مسا الخير كله
:)
شكرا على تعليقك المشجع جدا
وباذن الله المرات القادمه انقل لكم بعض من شطانة و اطفالنا
:)

esTeKaNa يقول...

abu aldestor
~~~~~~~~~~~~~~
سعيده فعلا ان البوست نال على اعجابك
:)
عسى ربي يسعدك ويرزقك راحة البال
قول آمين

esTeKaNa يقول...

om comment kuwait
~~~~~~~~~~~~~~~~~~~~
اللهم امين
افا عليج يا الغاليه
لا قرقتي ولا شي..الا وسعتي صدري
وعلى طاري الاكل بالبر
احنا تصدقين جنه طاقين هالطريج بس ناكل ونرد
:)))
حياج الله

esTeKaNa يقول...

كبرياء وردة
~~~~~~~~~~~~
ياهلا ويا مرحبا
يا حلو هالتعليق الكوكتيلي
:Pp~
وعسى ربي يشرح صدرج ويحفظج يارب

esTeKaNa يقول...

بو فهد
~~~~~~~~~
صباح الورد
ومسا الخير كله
:)
ياهلا ويا مرحبا يا بو فهد
يا حيالله بو فهد وتعليقه الرايق الونيس
عسى ربي يحفظك ويونسك بالعافيه
وشكرا على تعليقك ومرورك الجميل
:)

esTeKaNa يقول...

Charissma
~~~~~~~~~~~~
حيالله ابو الوجه الصبوحي
:**
بعدين ليش تحبين رويشد؟
انتي بس حبي عبدالمجيد لو سمحتي
:pp~
واي يا حلاتها اللي تتعسر
هههههههههههههه
مو كل من يحب البر
البر مزاج
:))
وعسى ربي يحفظج ويوسع صدرج دوم

esTeKaNa يقول...

شهد
~~~~~~
حبتج العافيه
:)
وحاول تستمتعين بكل الاشيا الجميلة

esTeKaNa يقول...

العدالة الكويتية
~~~~~~~~~~~~~~~~~~
الأجمل هو مرورك بصحبة هذه الأبيات الجميلة التي اضافت على هذا البوست الكثير
:)
وعذرا على هذه النقله
كان المفروض اطق اشاره
:pp~

esTeKaNa يقول...

darkness
~~~~~~~~~~~~
يالله الويك اند الياي
اتفقنا؟
:pp~

esTeKaNa يقول...

الزين
~~~~~~~
يا زين الزين يا زينه
:*
كاهي شافت تعليقج
ويا بعد قلبي قلبج انتي يا اللي تمكيجين بلوقي كل شوي وتسوي له تسريحه
:)

esTeKaNa يقول...

MOLOK
~~~~~~~~~
والناس فيما يعشقون مذاهب
:)
الله يعافيك يارب







NIKON 8
~~~~~~~~~~
مساك الله بالنور والسرور كله
:)

esTeKaNa يقول...

7osen
~~~~~~~~~
الله الله يا حسين
شفت شكثر احب البر؟
ترا ولا مرة نمت بالبر
:)
عليك بالعافيه والله
وما شاء الله تطري الشي ويوصلك
ليتك طاري مليون
ههههههههههه
وعلى هالاجواء كان يفترض تكتب لنا جم بوست حلوين من بوستاتك
:)
وحياااك الله
ونسني تعليقك

esTeKaNa يقول...

q8el5air
~~~~~~~~~~~~
اي والله خوش يمعه
وامين ما قصرت
:)













sn3a
~~~~~~
اييييي
كحل
ونمر يحبني
ويشعر فيني
ويضيع من بعدي
اي ابي اصير وضحة
اصلا عز الطلب
:Pp~

esTeKaNa يقول...

ikhalifa.com
~~~~~~~~~~~~~~
لا:(










حلم جميل بوطن أفضل
~~~~~~~~~~~~~~~~~~~~
ما ألعب الا هند البلوشي
:pp~
اشوة يعني عرفته؟
عيل ناطرين بوست يكشفه
:)

esTeKaNa يقول...

Kaadi
~~~~~~~~~~
كل هالوع
بعدين خوش صور؟
لووول
لا انتي يبيلج مرة ثانيه بوست بروحج حق البحر وما تنعزمين الا في لونتر البحر
:pp~
حيالله الكادي

esTeKaNa يقول...

شقران
~~~~~~~
ياهلا وأمية هلا
ويا رحب وأمية رحب
:))
لا تتخيل مقدار فرحتي بتعليقاتك الكافيه الوافيه الممتعه دائما
انا
وبلوقي
وكل استكاناتي سعيدين جدا بكل تعليق منك

جميل تفرقتك مابين المكشات والمخيم
!!
تفرقه واقعيه ومنطقيه جدا
عن نفسي
احب البر فعلا
ولكن بالنوم دعله لا احب الا غرفتي ولا ارتاح الا فيها
:)
الله على الفيصل وشعره
صح لسانه وسلمت يد ناقلها

وعلى فكرة
اخجلتم تواضعنا بردكم علينا في اخر بوست،نتمنى ان نكون عند حسن ظنكم فينا
:)

esTeKaNa يقول...

بنت أحمد
~~~~~~~~~~~
العفو ولو
ما سويت شي
:)







new bride
~~~~~~~~~~~
hahahaha
انا ما كنت احب البر وايد
بس كل ما كبرت احس اني اتغير
لازم تتمتعين بكل شي
وبكل لحظاتج
وبكل الامور ولو كانت بسيطة
:)

qesat_5ayal يقول...

يه يه يه
خوش طلعة
وخوش كشتة


الله يونسج بالعافية
:)

esTeKaNa يقول...

أجار الدين كشمش
~~~~~~~~~~~~~~~~~~~
الله يحفظك ويسعدك ما قصرت
:)
عاد تصدق الوالد شيب
صاير نار وشرار
يا بعد قلبي قلبه
:)









kandrooz
~~~~~~~~~~
حياك الله
:)










salah
~~~~~~~
انا اشهد
:)








قانوني كويتي
~~~~~~~~~~~~~
لا كاني كاني
:)










لوير
~~~~~~~~~
زين زين ياز لج
:))










منال
~~~~~~~~
حلت دنياج قولي امين يا منال
عسى ربي لا يخليج من كل قلب تحبينه
ويجمعكم على الخير دوم قولي امين
:))

esTeKaNa يقول...

aikhalifa.com
~~~~~~~~~~~~~~
تم الاعتماد
:)








متفائل
~~~~~~~~
loooool
فطينه اسم الله علي
فطينة وحجره
:Pp~

nikon 8 يقول...

اللوك الجديد عشرة على عشرة ... ألوانه ربيعية زاهية
:))
كلك ذوق
:))

As YoU LiKE يقول...

عسى ماشر ؟
شفيج ؟

ANGEL HEART يقول...

عليكم بالعااافيه الصور تشوووق

بلييييز بعرف مكان دعوه الافطار اللي عالبحر وين بالضبط اذا مافيها ازعاج

تحياتي

esTeKaNa يقول...

esTeKaNa said...
nikon 8
~~~~~~~~~~~
تم الاعتماد
:)






As You Like
~~~~~~~~~~~~~
انا بخير
:)
شكرا على السؤال
ما تتخيل شكثر أثر فيني سؤالك
كلك ذوق
:)









Angel heart
~~~~~~~~~~~~~~~
انتي تامرين امر
هذا لونتر البحر
:)