الثلاثاء، يناير 27، 2009

!كعب عالي

كانا يجلسان في آخر ذاك الممر الهادئ
امر...وصوت ذاك الكعب يقطع حديثهما
يلفان في ذات اللحظة ليكتشفان من هذا الشخص القادم
الهدؤ
نظراتهم
وصوت الكعب
وخجل يحرك الدم من صبع رجلي الصغير الى وجهي ويكسوني
!!
استحييييييت
تمنيت لو اني اقف للحظة ،اتخلى عن ذاك الكعب
وامشي حافية وبهدؤ تام
هل انا مخلوق مزعج؟
.
.
كنت قد قرأت معلومه غير متأكده منها بأن الحيول او كما تسمى باللغه العربيه الخلخال مكروه للنساء
لأنه يلفت النظر
فما بالك بالكعب؟
!!
عندما قلت لصديقتي عن تلك المعلومه ضحكت:
اهي وقفت على الحيول اللي بتلفت النظر؟
.
.
عندما اشتط امشي بسرعه بسررررعه ولا اشعر بنفسي
هل صوت حذائي _عزكم الله_يزعج من حولي؟
اعتدت ان لا اسمعه لأنه يكون ضايع بالطوشه
وبالدوام ونظرا لقله الحركة هنا فانا عاده ما ارتديه
هاليومين...اشعر بأني مخلوق مزعج
!!
اخذت احد احذيتي التي علاقتي فيه سطحيه ولا احبه كثيرا لمحل الاحذيه في الجمعيه
رغم طنازه البعض
وضعت فيه اخر الكعب قطعه ربل صغيره
وجربت استخدامه اليوم :
انا لست مخلوق مزعج
امشي ولا احد يحس فيني
:D~
وصلت حتى مكتب زميلتي التي كانت تكتب ففزت:
يمة استكانة متى وصلتي؟
انياهاهاهاها
:)
أنا سعيده بانجازي الخربوطي
رجاء لا احد يضحك على تفاهة انجازاتي
:Pp~
~~~~~~~~~~~~~~
هي
عندما تتكلم تلصق سماعه الهاتف بشفايفها ولا اسمع سوى:
بسسسسس بسسسس سسسس سسسس
وانا عندما يتصل بي احد كل مخارج حروفي واضحة
!!
قررت ان اكون همسه
اتصل علي ابي قبل شوي،فهمست له:
هلا ابوي ....بهمس وصوت لا يكاد يسمع
اجابه ابوي:
الوووووووووو
الووووووووووو
وجك بويهي
!!
ولأنهن حولي ابتسمت:
الله يسلمك بعد قلبي يبه مشغول كلمني بعدين
.....
ابوي يتصل مرة ثانيه:
شفيج يبه نايمة؟
يا حياتي يا ابوي اشلون انام الضحى انا بالدوام
ما زلت اتبع سياسه الهمس
واذا بأبوي:
اشفيج يبه تتحجين جذي؟
مو زين البنت تتدلع عييييييييييييييييييييييييب
قولي نععععععععععععععععععم
شنو هذا عييييب
!!
ويرقع التليفون مرة اخرى بوجه محاولتي البسيطة لأن اهمس
ابوي يمر بسن المراهقه؟
صاير يزعل علي وايد
!!
قبل يومين كنت على موعد مع صديقتي للعشاء في مكان ما
قبل خروجي اصدر ابوي مرسوم أميري:
تسع ونص: انتي بالبيت
مابين تسع ونص لي العشر:راح تستقبلج زفه
بعد العشر:ردي من المكان اللي ييتي منه
وصلت عشر وعشر
!!
ينظر للساعه ويطالعني
عرفت انه يستعد لزفتي زفه عروس
تبوسمت:
وي يا زين هالويه الصبوحي
يا زين هالشيبات اللي احبها
ما تقولي يا يبه انت ليش صاير مزيون
:pP
العاده يضحك
هالمرة تبوسم وتم زعلان
وما زلت اراضي ابوي الزعلان
.
.
.
استئذن منكم
سأتصل عليه لاخبره عن انجازي الخربوطي
وحذائي السحري اشلون صاير سايلنت
احد سمعني وانا اكتب البوست؟
:pP~
ويا ناس أحبه وأحب اسمع سواليفه
صوته يشتت همومن عايش فيها
يامر وينهي وانا دايم على كيفه
أرجي ورود الهوى تنبت بأراضيها
لا غاب عني يعيش الفكر مع طيفه
وان صار عندي حياه الحب ألاقيها

هناك 66 تعليقًا:

نون النساء يقول...

غشيت ضحك على سالفة عييييييييب

ههههههههههههههههه

اتزوجينه ؟؟؟

:PpP~~




ترا الكعب العالي مو زين على ظهرج
بالدوام اخذيهم فلات
عشان تتطبين على الزميلات على حين غُرة

esTeKaNa يقول...

نون النساء
~~~~~~~~~~~~
اختشي يا بت
ما عندناش بنات يتدلعوووو
:pP
نزوجه؟
لا لا يا حبيبتي
مالي خلق مشاكل عائليه
ههههههه



انا مو قصيره
بس يختج ماحب الفلات
بس لازم اعود نفسي
نون انا مستانسه امشي واروح لهم كلهم على حين غره
:(

ARTFUL يقول...

صبااااح الخييير

والله يا استكانه انا اكره الكعب وبديت أكره صانع الكعب

من ناحية ازعاج فهو ما يزعجني كثيرا

يعني يمكن لما بنتي تكون نايمة وام شيوخ اتمشى بالبيت!!

يمكن هالوقت أقول حق ريلها أششششششش

;p

هالجوتي بالنسبة لي لا فيه حلا ولا زين حق الريل ولاهو مريح بالمشي

رايحين السوق نمشي فترة

بسسس تعبت

لو كان فلاااااات جان ولا مثلنا

وصج صج صج مافي حلا

ومشكلة لما تعشق البنت الكعوب والجنااط

لاااااااااا

وحلاتهم طقم
!!!

الريال
جوتي دشداشة
جوتي رياضة
لابجين
نعال

ما يقطهم لما يتقطعون
مو لما تروح موضتهم

وفي معلومة عرفتها تالي ((أقصد عقب زواجي)) ان في كعب عالي وواطي وسكربيل ودبابة

;p

يالله العفو والعافية
وتهدي بعض الناااس

;D

تحياتي لج انسانة مزعجه

لا اتأخرين واايد

قاعد أتخيل نفسي لما اكبر واوصي بنتي لا اتأخرين

عاد انا بسرعة أضحك وبسرعة أرضى

;p

ARTFUL يقول...

حسافة كنت ابي اكون اول كومنت

ولا مره سويتها

-----

مع ان هالشي ما يهمني

;p

esTeKaNa يقول...

artful
~~~~~~~~~
صباح الورد
:)
شفت ان الزواج مفيد؟
شوف ما شاء الله اشلون زادت ثقافتك بالجناط والكعوبه والاطقم
:Pp~
ترا الكعب حلو مرات
والفلات حلو مرات
حسب المكان
والناس فيما يعشقون مذاهبوو
:)
عسى ربي يحفظ ام الشيوخ
ويبلغك بالمزيونه الصغيره قول امين

AK-47 يقول...

الكعب ما ينفع حق الدوام ولا السوق
شلون يتحملون البنات المشي فيه مادري وسالفة الربلة على الكعب خوش فكرة, اما مرة شفت واحد من الشباب يتكلم بالتلفون: هممهممهمم همممهمهمهمم
قلت بسوي مثله محد فاهم شاقول طول المكالمة شنو و ما اسمع :)

nanonano يقول...

صباح الخير يا أستكانه

أنا وحده مو متحجبه

و وايد مرتاحه في طريقة لبسي

بس لما أيي الموضوع حق الحيول

ما أقدر

من صجي أستحي

لأني أحس حد أم الأغراء

حتى لو ما يطلع صوت بس حتى شكله بالريل مغري

why me يقول...

loooooooool

خوش انجاز



بالدوام كله يقولون لي

مسويه حفله الاخت من تمشين انعرف ان عبير اللي قاعده تمشي لوول

مو محد قصاصه غيري بالدوام

مجبر اخاك
:)



ويا حلووو الواالد

سلميلي عليه عفيه

ولا تزعلينه
:(


لوووول وعلى طاري الهمس لووووووول

مو الا همس تحجي اشوي اشوي وقربي حلجج من السماعه

:)

esTeKaNa يقول...

AK-47
~~~~~~~~
شفت البنات اشكثر يتحملون؟
حياتنا كفاح
مادري على شنو
:pP~
هههه يعني حتى انت جربت؟
المجتمع مو قاعد يساعدنا نهمس
انا ابوي من شوي مليون مرة قالي شنوووووووو
:)))

esTeKaNa يقول...

nanonano
~~~~~~~~~~~~
صباح الورد
تو ما نور البلوق
:)

صج تحسينه مغري؟
بجرب بشوفه
بس داخل بيتنا
:))

الله يزينج بالحيا
ترا الحيا زينه
وشي مفتقد هاليومين

esTeKaNa يقول...

why me
~~~~~~~~
حيالله عبير المتمرده
ترا انا سمعتج من اول ما جبلتي على البلوق
:pP~
وسمعي نصيحتي
حطي الربله
انا بسويه مشروع وباخذ نسبه
looooool

واي انا قاعده احاول
بس حتى اللي اعرفهم كلهم
ما يسمعون عدل
:pp~

Sweet Revenge يقول...

"وحذائي السحري اشلون صاير سايلنت"



انا قلت حاجة ,انا مقلتش حاجة
:PpP~~

يا رب يحفظلج هالغالي ,ويطول في عمره

اموت واهمس في التلفون ما اعرف ابد لازم صوتي يسمع ثاني فريج

بس اقولج شي انا احب صوت الكعب احب
الترقب الي يصير
مشاغبة مشاغبة

بس مرات امشي علي طراطيف اصابيعي خاصة اذا اجتماع والمدير مجتمع وسويت
داشة متاخرة
خو انا كله متاخرة
تسلفيني حذائج السحري
;)

esTeKaNa يقول...

Sweet revenge
~~~~~~~~~~~~~~~~
ياهلا ويا مرحبا
يختي هالبنيه كله تتشاقي وياي
:pP
شفتي انا حتى حذائي سحري
:)
شوفي صوته يونس بس مو ووكل مرة
انا لحظة هدؤ وداشه متأخر
اتمنى امشي حافيه
!!
مرات اسحب ريولي تسحب جني ياهل
بس لاني صج استحي من صوته بلحظات الهدؤ
الله عطيتيني فكرة
لازم احطها ببوست
شكرا شكرا يا ملهمه افكاري
:pp~


واثاريج مثلي بالصوت
لووول
هذا الانسان الواضح الصريح
لابد صوته يوصل ثاني فريج
:PP~

أبو لطيف يقول...

احسنت بما فعلت

جزاك الله خير

بعيدا عن الناحية الشرعية

لماذا الكعب العالي ؟

لماذا الصوت ؟


اعتقد الاجابة عن السؤالين ... بهدوء
ستدلنا على مدى الملاءمته من عدمها

حفظ الله لك والدك وكل من يعز عليك

حفظك الله ورعاك

Najmah يقول...

لوووووووووووووووول
استكانة
انا ابوي كل ماشافني لابسة كعب
عطاني محاضرة ظهرج
وريولج وصحتج
و..و..و
وترى صج اذا كان المكان هدوء
صوت الكعب حدا مززعج
يعني انا اوافقج على انجازج
الجميل
عالاقل اللي قاعدين بآخر الممر
يكملون اندماجهم
:Pp
يالله الحين صيري خوش بنت
ودقي على عمي راضيه
الله يخليه لج ويخليج له
:**

7osen يقول...

تصدقين انا مااداني هالصوت

احس إنه عييب

يعني صج المفروض البنات ما يطلعون هالصوت لما يمشون.. بس شلون ما ادري

qesat_5ayal يقول...

مسائج ورد


هههههههه
سالفة الهمس

بليييز إذا عرفتي علميني
بالتلفون يا ما أسمع
يا ما أنسمع

تذكرت كنت بمكان عام
وطولة بقعدتي
خلصت كل شغلي بهالقعدة بالتلفون بس شنووو؟ الموضوع كله وصل للي حولي
;P

بعدين قعدت وحدة يمي
ما اسمع شتقووول


يا ربي شلون مادري !

الزين يقول...

ياااا ناس احب هالبنت واحب اسمع سوالفيها

:))


وبما ان اللوك اليديد عاااجبني


رايحه راده على بلوقج اتبوسم

واقول عفية عليج يالزين

:))))))


وراح نمشي على الخطه

كل يوم لنا لوووون

على حسب المود



وسالفة الكعب حتى انا ما احبها

وتنرفزني

وسالفة الحيول هذي سمعتها من امي

ومرة ثانية لا تتأخرين

:@


استكانه


احلى شي اني دخلت وعلقت عند واي مي

يوم اشوف التعليق ولا طالع باسمج

:))))))))))))))))))))))))


فصلت من الضحك


عاد مسحته لا تخافين


وهمممم


احبشششششششش

سبمبوت يقول...

صديقتي انثى ترتدي الفلات والعباءة المسكرة السوداء .. تقول ان الرجال احيانا ينسون أنها انثى ..

اعتقد أن الإناث ببحث مستمر عن أشياء وملبوسات وألوان تذكر الرجال من حولهم أنهم إناث

لإننا عرفنا منذ البداية .. أن النظرة الأولى للرجل حلال
والثانية حرام، فلا يجد الوقت لرؤية الروح .. فيسعد عندما ينبهر بالأصوات والألوان الأولية.

Kaadi يقول...

واي عيل انا بالدوام كله فلااااااات حق المدابج والله !!

و بعدين احلى على البنت !! بس هم الكعب يعطي لوك :)

Najmah يقول...

ترى النيو لوك
حده خطيييييييير
:***

Manal يقول...

:D~
وصلت حتى مكتب زميلتي التي كانت تكتب ففزت:
يمة استكانة متى وصلتي؟
انياهاهاهاها


عجبتني هالفقرة

والضحكة
انياهاها

ذكرتني باختي

:)

يا حلوج يا ستكانة
ويا حلو سوالفج

يا عسل

:)

{~المباركية~} يقول...

لوووول المشكله صوت الكعب ينسمع من اول المجمع لي اخره

نايس بووست

nikon 8 يقول...

سلام خاص حق اللي إخترع وصنع الكعب
لولاه كان الحين صرت سنفوره
:))

As YoU LiKE يقول...

خوش اختراع :)

تخيلت منظرج ماسكة الكعب وتحطين الربل قبل لاتدشين الدوام .. وتشيلنه قبل لا تطلعين :)

وسلمي على ابوج عسى الله يحفظه لج :)

ReLaaaX يقول...

والله أحلى إنجاز ..لأنج ماراح تحسين بإنج مصدر لإزعاج الآخرين بعد اليوم ==> جنه دعاية بيبي جونسون ;p


لا جد .. احسن حل انج تحطين ربله بقاعة الكعب عزج الله


وبعدين ليش شفيه الفلات والله شعووور جميل انج تمشين على الأرض :p`


:))))


عااااادي ترى مووود الساعه تسع ونص يلف على الأبهات كلهم .. الله يعييينج

بس اهيا أزمه وان شالله تعدي

بوفهد يقول...

استكانه
الموضوع خاص بنون النسوة والدليل ان نون النسوه تتصدر المقدمه

بس عاد مايصير مانسلم ونطمن على الاستكانه العزيزه

اختى اتمنى انك بخير وعافيه

ووالدك بعد الله يحفظه لكم

شـقـــــران يقول...

الغالية استكانة

صباحك مليء بالسعادة والفرح

------------


على فكرة لون المدونة حلو لكن انحولت من اللون الازرق وبالغصب قدرت أقراه
:)


-----------

اضحكتني جملة

مخلوق مزعج
:)))
وحشاك يا غاليتنا استكانة أنتي مخلوق مبدع وليس مزعج


أهم نقطة ودليل نجاح الاختراع أن صديقتك لم تحس بقدومك
:)

-----------


ربي يحفظ الوالد لكم ويديم ظله الدافي عليكم




تقبلي مني وافر التحايا الطيبة

صبا يقول...

خوش مواقف يا استكانه

اول شي مبروك اللوك اليديد

:)

بالنسبه للكعب
انا ماواطنه كلش
بس مرات اضطر البسه
:(

اتصدقين اني لما البس الكعب ما اطلع صوت وانا امشي
ليش مادري واذا في صوت مو مزعج

:))

والهمس بالتلفونه
سهل مو صعب
:)

ترى على التعود

اتصدقين صوتي منخفضه بالتلفون الي يفضحني


ضحكتي

:)

بسرعه اضحك ..وسهل اني اضحك
فلذلك ما له داعي اني اهمس
مفضوحه
;)

التأخير أنا حدي الساعه

11

مو لاني متأخره
لأ

لاني خوافه
:P

ابوي حبيبي بالتأخير ما يقولي شي
أبدااااااا
بس أمي جدا حريصه
وما تنلام


خوش بوست
منوع

جاكليت
:***

abu eldestor يقول...

يستاهل اللي ينكتبله هالبوست الحلو
صباح الخير

New Bride يقول...

واااي يازين سوالفج استكانه

بس حلو اختراعج شكلي بسوي نفسج :)

Dee يقول...

estkana ana a7bichh , walla klpost agrah wede agolich bs mesta7ya :P
o wayed 7lwa fkrat elrubber 3al k3b hehe knt afakr b nafs eshay! la'ana abe shakle ey9er professional 3shtaw o albs ka3ab o a6aq6eq moz3eja ;p
thanks 3al fekra ;)

esTeKaNa يقول...

أبو لطيف
~~~~~~~~~~
جزاك الله كل خير
وحفظ الله لك كل غال تحبه
:)

esTeKaNa يقول...

najmah
~~~~~~~~~~
يابعد قلبي يا نجمة
والله صاج عمي
انا هاليومين احس بألم بظهري
اخييييه يا الكشخة اللي ضابحتنا على الفاضي
:Pp~

esTeKaNa يقول...

7Osen
~~~~~~~~
الحل:
يمشون حفاي
ولا الربله السحريه
:)
يالله خليقرون البنات تعليقك
يمكن يأثر
:Pp~

esTeKaNa يقول...

Qesat 5aYal
~~~~~~~~~~~~~~
مسائج سكر
:)
ههههه عندي وعندج خير
مو سالفه صوت عالي
انا صوتي مو عالي
بس اذا اشتطيت ماعرف اهمس
اصلا انا ويهي كله يسولف وياي
:Pp~

esTeKaNa يقول...

الزين
~~~~~~~~
هلا بحبيبة قلب استكانة
:**
واي يا كرهي عوووبه
كل شوي ابي اغير
الله يعينج علي
وبعدين تعالي
جنه صار في انتحال شخصيه؟
ههههههههههههههههههههههه
مت من الضحك

حبتش العافيه يا جميلة انتي
:**

esTeKaNa يقول...

سبمبوت
~~~~~~~~~~
ينسون انها انثى؟
شي غريب
وصعب
هل الانثى شكل فقط؟
الانثى احساس وصوت وتعامل ورقي بكل الامور
لكنها تبقى وجهة نظر
:)

esTeKaNa يقول...

kaadi
~~~~~~~~~
اي زين تسويييين
وايد اريح لج
وترا كل شي له حلاته يا الكادي
:)

esTeKaNa يقول...

Manal
~~~~~~~~~
حلت دنياج قولي امين
وسلمي لي على اختج عسى ربي يحفظها
:)

esTeKaNa يقول...

المباركية
~~~~~~~~~~~
اي والله مشكلة
:)

esTeKaNa يقول...

nikon8
~~~~~~~~
حيالله السنافر والله
:)
قولي انا نعومه
شوفي الجانب الحلو من الموضوع
:pp~

esTeKaNa يقول...

As You Like
~~~~~~~~~~~~~~
ذكرتني اسجل براءه اختراع
:Pp~
بس ترا ما تنشاااااال
اهي مركبه وخالصه
بس عشان يصير خيالك صح
:)
وواصل واصل سلامك
:pP~

shakshaka يقول...

offf off kitabtay post wo madaraina?:P kila mn hatha mal iljuwati wintay eb karamaa?


ethaher la7aftay postich eb rabel:P hehehehe

mit'akda 7a6a rebel 7ag ur shoes? wela mashya metraaain 3an el arth mn il mooooga?:P


وموااااااق في مشيته مواااااااق

esTeKaNa يقول...

ReLaaax
~~~~~~~~~~~~
looooool
ياربي هالبنت فاهمتني
:)
عيل ازمه ها؟
الله كريم ناطرة تعدي
:pp~

esTeKaNa يقول...

بو فهد
~~~~~~~~~~~
افا عليك يا بو فهد
البوست مفتوح للكل
وهذي الساعه المباركة حيااك الله
ويزاك الله خير ماقصرت على الزياره
عودها
:)

esTeKaNa يقول...

شقران
~~~~~~~~~~
صباح الورد
ومسا الفرح كله
:)
احب تعليقاتك
مرتبه ومتسلسله التفكير ما شاء الله
~~~~~~~~~
سامحنا على اللون
انتبه للالوان مرة اخرى ان شاء الله
وشكرا لانك حولتني من مخلوق مزعج الى مبدع
مجاملتك الرقيقه اسعدتني
حفظك الله وحفظ لك كل قلب تحبه
:)

esTeKaNa يقول...

صبا
~~~~~~
يختي انلام فيها؟
ما تلبس كعب
واذا لبست ما تطلع صوت
وتتكلم بهمس
وتضحك بسرعه
زووووووووووووووووقه
:)))
حياااج الله يا الغاليه
اشوة ياز لكم اللوك

esTeKaNa يقول...

abu eldestor
~~~~~~~~~~~~~~
اي والله يستاهل يا حلاته
:)
صباح الورد

esTeKaNa يقول...

new bride
~~~~~~~~~~~~
يا هلا ويا مرحبا
والله خووووش شي جربيه وادعي لي
:)

esTeKaNa يقول...

Dee
~~~~~~
ياااابعد قلبي انتي
حبتج العافيه
واي قلبي عورني اول ما قريت تعليقج مشكورة من قلب ونستنيني
:)
وعشان خاطر استكانة لا تستحين مني
اي بوست تقرينه
اي كلمه بخاطرج قوليها
قلبي وبلوقي يوسعكم كلكم
:))
وجربي الفكرة
خوووش فكرة عن خبره اقولج
:pp~

esTeKaNa يقول...

Shakshaka
~~~~~~~~~~~~
loooool
ياربي احبها
:)
مواق في مشيته مواق
ومن الغوا كانه فيه نعاس
اخيييييييييييه
انا لو امشي جذي ادعم الطوفه ترا
:Pp~

that's iT يقول...

الصراحه شخصياَ ما سمعتج و انتي تكتبين البوست:)

يا حلوج يا استكانه

يي ترى حتى أنا مره سمعت إن الكعب حرام لأن يطلع صوت لم تمشين (على قولت المفتي ) تتشابه العله مع الحيول:)

عاد أنا ما ألبس كعب إلا بالمناسبات و لا تشوفيني جني مع صراع معاه طول المناسبه

كله فلاتات:)

العائِشَة يقول...

استكانه احب سوالييييييييييييييفك
من زمااان عن هالمكان
اشتقت له
وكل ما اشتقت جيت لقيت ستايل جديد

من جد ودي يخترعون كعب بدون صوت
اذا رحت مول في الصباح احس اني دينسوره تمشي من صوت الكعب
حتى احيانا اقول لماما لالا ما ابيامشي كثير امشي نجلس بكوفي
تقولي : طب شكولابسه كعب ومتشيكه من صباح الله خير :$

ههههههههههههههههه
سالفة الهمس دايم تصير لي
انااتسائل شلون البنات يكلمون من غير لا اسمعهم والطرف الآخر يفهم لهم !
اذا رديت على امي بهذي الطريقه تخاف
وتقول : يمه بنيتي فيج شي , شصاير لج شي, انتي وين ؟
وياااااااااااا ليل الليل :(
اهلنا ما يشجعونا على الذرابه

DiLLi O MiLLi يقول...

هههههههههههه

يااااربي على خف طينة هالبنت
:)

ما أدري ليش تذكرت ريوول الكراسي
لما قلتي حطيت ربل بقوايع جوتيي
:)

عاد أنتي لما ييتي بتطبقيين نظــــــرية الهمــــــس
مااا طبقتيها ألا على الوالد
:)

أقووول
الشباصات اللي على يمين وشمال البلوق
يدودهوون القـــارئ
شيليهم لاااا أمجعهم
وألوان الميك أب مزعجه للعين
لا تحطين "أي شدو" أزرق
حطي أسود ولاا بني غامق

اللي مسويتلج الميك أب
لـــج عليـــها
لووووول
:)

مع الأعتذار للــــ
Make-up Artist

:)

باشـــة الغـــيد يقول...

يا زين صوت الكعب وانتي قاعده بمكتب صخه ومركزة بشغلج .. يا سلام على حبل الافكار مو بس ينقطع الا يتفتت..

لا وبعد مع الكعب هذره بالموبايل وفوقها جم ضحكة مرعبه ..

اما سالفة الوالد مع التيلفون فحلاتها اللي يمج مركزين معاج وفجأأأأأأة ينقطع الخط !! طبيعي تكملين السوالف بروحج :)


الله يعطيج العافية عزيزتي استكانه
بس ترى النيولوك ناقصه نعناع :)

قانونى كويتي يقول...

زين يا استكانه

وبعدين شنو صار

ومتى الموضوع القادم

تحياتى

ولد الديرة يقول...

انتي كعبج عالي اصلاً

:)

Blog 3amty يقول...

ورب الكعبة أحنا عندنا عقول بالديرة لو الحكومة تستخدمها لحل الأزمات العالقة جان أحنا من زمان صفينا بمصاف الدول المتقدمة !

:P

في منه رجالي؟

esTeKaNa يقول...

That's it
~~~~~~~~~~~~~
واااي صج ما سمعتيه؟
انا حسيت البوست كان سايلنت
:Pp~
وزين تسوين خلج على الفلات
اريح حق ظهرج
:)

Blog 3amty يقول...

تدعيم مهم :)

http://www.ms-saudi.org/forum/showthread.php?t=13853


:P

esTeKaNa يقول...

العائشه
~~~~~~~~~
ياهلا ويا مرحبا بعواشه
تو ما نور البوست والله
ضحكتيني على الديناصوره
هههههههههههههههههه

اشوة يعني انتي مثل حالتي
عيل انا طبيعيه الحمدلله
:)
الله يحفظك ويحفظ لك الوالده العزيزه
ولا تقاطعينا

esTeKaNa يقول...

Dilli o Milli
~~~~~~~~~~~~~~~~
ياهلا وامية هلا
عيل بغيتي تمجعين الشباصات؟
ههههههههههههههههههههه
عاد حلو الاي شدو الازرق
ولا شرايج
:PP~
لا لا لازم اسوي لي صرفه
كل شي ولا دللي تتعسر وتمجع شباصاتي
:**

esTeKaNa يقول...

باشة الغيد
~~~~~~~~~~~~~
ياهلا ويا مرحبا بباشه الغيد
:)
طبعا بكمل سوالف واسلم على روحي
وابوي مسكره من زمان
عن الفشله
:Pp~
وافا عليييج لابد نوفر نعناع
سامحينا على القصور
:))
حيااااج الله

esTeKaNa يقول...

قانوني كويتي
~~~~~~~~~~~~~
ما صار شي
والموضوع جاهز نزلته
:)







ولد الديرة
~~~~~~~~~~~~
إحم إحم
اعتقد انت قاعد تمدحني فشكرا
:)

esTeKaNa يقول...

BLog 3amty
~~~~~~~~~~~~
انا ثروة وطنية
بس ماحد داري عنها
:Pp~
وفي منه رجالي بالبوست اليديد
LOOOOL
بلوق عمتي
يعني الكعب يسبب جنون؟
ياااااااااااحسرتي
حسافه علي
لا لا خلاص
لا كعب بعد اليوم
بلبس نيديه
:PP~