الجمعة، يناير 23، 2009

عندما ينسب الإبن لغير أبيه

البداية
~~~~~~~~~~
اسمها ملفت لنظري ،كان يتجاور مع اسمي في جميع كشوف الدرجات المعلقه في انحاء الكلية
حفظت اسمها الرباعي مع الاشيا اللي احفظها دون سالفه
وترسخ حفظي مع تساؤلاتي حول لهجتها الغريبه وشخصيتها التي كانت مختلفه عن كثيرات من صديقاتي اللاتي يحملن نفس اسم قبيلتها،عندما وصلتني بطاقة عرسها لفت نظري ان اسم والدها في البطاقه مختلف عن اسم والدها الذي احفظة
(انا شكو؟ مادري)

سئلت صديقتنا المشتركه التي ارتبكت بدايه وقالت لي ان ذاك اسم جدها لتضيعني
مع اصراري على دقه معلوماتي ضحكت صديقتي:
استكانة ما يطوف عليج اسم الله عليج
البنت ما كانت بالكويت ومتجنسه على اسم عمها والبطاقه مكتوب اسم ابوها الصجي
ظللت مصعوقه امام تلك الحقيقه
كيف ينسب الطفل لغير ابيه؟
روى البخاري ومسلم عن سعد بن أبي وقاص رضي الله عنه أن النبي صلى الله عليه وسلم قال:
من ادعى إلى غير أبيه -وهو يعلم أنه غير أبيه- فالجنة عليه حرام.
نسبه الاب لغير ابيه حرام شرعا وقانونا
فهل الحصول على الجنسيه الكويتية مبررلاقتراف هذا الذنب العظيم؟
ومن يهنا له قلبه ينسب الطفل لغير ابيه كيف لا يهنا له قلبه ان يفعل كل شئ؟

................................................
.:وحديث مع زميلة أخرى
بشرتني بملجة أخيها المتخرج حديثا من الثانويه العامة
اليس صغيرا على الارتباط والزواج؟
جاوبتني بتلقائيه:
استكانة ماهو متزوج بس يملج علي بنت عمي ويخليها مملوجه لي يخلص وتخلص دراستها
عشان يمديه ياخذ اربع الاف ويوصل دوره لبيت الحكومه
!!
أولا:ماحب كلمه مملوجه احسها تفرش اسنانها وشعرها و واقف وملابسها معلوجه
ثانيا:بغض النظر عن الزواج مع وقف التنفيذ والظلم والجور فيه،
هل يعقل ان يكون هناك من يفكر فعليا بهذه الطريقه المادية؟
.....................................................
الحقيقة:
تذمرنا على كل شئ في ديرتنا لا ينفي حقيقة اننا في الكويت نعيش حياه مميزه يحسدنا عليها الجميع
خدمات صحيه وتعليميه مجانيه،ارض وقرض،اربع االاف الزواج،وبيوت حكوميه واكثر
مهما جارت علينا الدنيا وتأخرنا عن الركب..تظل حقيقه اننا بعز
!!
الامر الذي جعل البعض وانا اركز هنا على البعض يحاول بشتى الطرق ان يحصل على هذه الجنسيه
يحصل عليها،دون ان يشعر بقيمة الانتماء لهذه الارض
دون ان يشعر بالالتزام اتجاها فعليا
فهو أيا كانت طريقه حصوله على الجنسيه بالاسم كويتي ولكن بالفعل هو تابع لمكان آخر جاء منه ذات
يوم
!!
..................
ماهي الجنسيه؟
هي رابطة انتماء بين الفرد والدولة تضع الفرد بمركز قانوني يرتب له واجبات اتجاه هذه الدوله وحقوق له عليها
قانون الجنسيه الكويتي من افضل القوانين وان كان يشوبه بعض الثغرات والعيوب حاله كحال اي قانون
المشكله الفعليه في الكويت ليس بقانون الجنسيه،انما بالتطبيق الخاطئ لنصوص هذا القانون من اللجنة المختصه التابعه لوزاره الداخلية
الأمر الذي سيخلق ان لم يكن قد خلق لنا نوع من عدم التجانس الفعلي بين الشعب وعرقله مسيرة هذا الوطن
والأمثله على ذلك كثيرا
في دولة مثل الكويت:
تختلف العادات والتقاليد مابين عائله واخرى ويبقى هناك سمة عامة وسمت يميزنا عن غيرنا
تلك السمة التي كانت تجعلنا كل ما سمعنا عن سرقه مثلا نسئل:
اكيد مو كويتي
!!
وكلما رأينا بنت ترتاد الأماكن المشبوهه او تدخن او او:
اكيد مو كويتيه
ليس لأأننا ملائكة،ولكن لأننا بشكل عام لنا سمت معين من الاخلاق والدين
ذاك السمت الذي بدأنا نفتقده في الآونه الأخيرى لأسباب عديده ليس هذا مجال لحصرها
ومن هذه الأسباب:
كويتين الاسم البعيدين عن السمت او اي سمه للكويتين
زياره سريعه للأفنيوز في ويك اند
وطله على سجل الجرائم هنا وهناك وستسئل نفسك:
يا انا مو كويتيه ...يااهم مو كويتين
.......
ولأن الشئ بالشئ يذكر:
هناك فرق،بين ان تعيش بشقه مؤجره تتحسف ان ترتب فيها او تبني فيها شئ جديد لأنك ساكن مؤقت يوما ما ستمضي وتتركها
وبين ان تسكن بيت هو مكانك وسكنك ليس لك سواه فتتعب ببنائه وتحرص عليه
!!
احيانا استشعر مما أقرأ هنا وهناك ومن بعض الأحداث التي تمر امام عيني شخصيا نوع من الألم
هناك من يعيش نظريه الشقه المؤجره المؤقته بالكويت
يحاول الاستفاده بأكبر قدر ممكن،رشوة وفساد وانتشار لأمور لم تكن بهذه الكثيره بالسابق
لماذا؟
عدم انتماء فعلي لهذه الارض
والانتماء الاساسي لدول مجاوره هننا وهناك
والعيش في اطار شخصي لتحقيق مصالح شخصيه للفرد ذاته او لحزب او مذهب ينتمي له
متى ستكون الكويت أول من ننظر لها؟
الامر ليس له علاقه بأصولنا وانتماءاتنا ايا كانت
الامر باحساسنا الفعلي بالالتزام اتجاه هذا الوطن

.
.
لي صديقه بدوية ،رقيقه في اختيار الفاظها واحب حديثها،،كلما ناديتها باسمها قالت:
سمي
يا عيون شيما انتي
كانت في ايام البطاله قبل ان اعمل تتصل علي في الظهاري فتجدني نائمه فتلومني لوم جميل:
نايمة يا استكانة؟
أجل متى بتردين للكويت فضلها
؟
يا زينك يا شيما،كنت فعلا احب احساسها البسيط بالالتزام اتجاه هذا الوطن
.
.
.
ماهو إحساس اللحظة في قلب استكانة؟
أنا حفيدة الغواص البسيط ،لا أرض لي سوى الكويت
تشربت حبها بكل ذرات قلبي واحساسي
في كل صباح
في كل مساء
في كل امر يواجهني سأعد نفسي بشئ:
ان ارضي ربي وضميري واعمل وفق اخلاقي في اطار تحقيق مصلحة الكويت
ساتحلطم كما يتحلطم الجميع
ولكن لن اجعل تحلطمي ونسبه اخطاء تدهور حال ديرتي لغيري يثنيني عن عمل اي شئ بسيط يرضي ضمير الوطنية فيني
.
.
.
كتبت هذا الموضوع وأنا أقرا ما تكتبه الجرائد عن زواج كويتي برجوله محتاره من عراقيه في مجمع المحاكم بالرقعي قبل اسبوعين تقريبا
هنا الخبر
وما كتبته الوطن عن المتاجرة بالجنسيه الكويتيه:
الخبر
ولسان حالي يقول:
من ابجديات التي نعرفها كلنا بأن الجنسيه الكويتيه لا تقبل ان يكون لها ضره
!!
موضوع قديم
واكتشاف متأخر
وتصرف وزاره الداخليه بتأسيس لجان متابعه امر جيد ولك اشعر بأنه
هدة الفرس
تأتي بقوة ....ومن ثم تهدأ
.
.
.
أسأل الرحمن ان يجمعنا على حب هذا الوطن ويألف بين قلوبنا جميعا
.
.
تذكرو لي مشيتو...والدنيا معكم رخية
تذكرو من بناها...يوم الليالي عصية
وصية اللي سبقوكم...والدار معكم وصية
(د.عبدالله العتيبي)

هناك 35 تعليقًا:

esTeKaNa يقول...

كتبت البوست اليوم نظرا للحفله اللي صارت بالبوست السابق في مساء ليله امس
بين البنات اللااتي بعد ان هداهن الله وشبعن نوم استحيت مما جرى منهن ليله البارحة
وتحت الضغط الجماهيري الكبير نزلت هذا البوست الطويل عساه ما ينضل
مع تمنياتي لكم بقراءة جميله دون تحطلم على طول البوست
بلوقي وكيفي
:Pp~
ونظرا لتعليق اخوي بو وليد بالبوست قبل تعديله فأكرر تعليقه ونرد عليه ونأسف على العطل

esTeKaNa يقول...

Enter-q8
يقول:
لك الله يا كويت

الزين يقول...

ستكوووون

سكتي من كثر ما غنيت البارحه بحفلتش

اليوم الصور رايح فيها

العن من صوت تشفط المصبنه بالشارع اللي ورى بيتنا

:$


وبما انا مريييذه

ومابقى شي ما شربته

بالزحنبوط اللي شربته فار الراس ومخربط الأحساس


ومرفوع عني القلم حدي

وبوستش صج طويل

ويلسع مثل الزنجبيل الحار

بس

لذييييييذ

ومفيد


:@


وذو شجوووون

ولو تكلمت بخوره وبلطش بالأولي والتالي


فخلينا ساكتين

عشان لا يقولون الزين ماخذه بريك عشان تسفل بالناس


سلام سديكتي


احبش


:**

that's iT يقول...

كنت من المتفرجين على الحفله..عاد كرريها بس نبي ( دجي إسلامي على قولتهم )

.......

البوست ياي بوقته توني راده من الأفنيووز و صج الوضع يحر..

أحس ماكو كويتين!!

عاد تصدقين طريتي على بالي هناك ماأدري ليش,,

صج الدنيا كبيره ..يعني أكو أشياء تحسين صج أكو ناس يسونها!!

مثل صاحبتج هذي و وايد قصص..

و اللي يقخرني إنهم يقولون عقب إن ( إحنا الكويتين الأصيلين ) طبعاً مع عدم إتقان الجمله و أنت تقولين بقلبج إنت أول قولي الكويتيين عدل بعدين تعاليي..

و سالفة اللي يبي يملج عشان الأربع ألاف هذي واايد تصير!

عذراً بس صج قاهرني هالموضوع أدري واييد خربطت بس مالنا غير (ديوانية البلاقرز ) و أهوا بلاقج:)


و الحافظ الله ياكويت!!

ur sis

Sn3a يقول...

صدقتي

ابوي من يشوف ممثله ولا فنانه كاتبه كويتيه

يقول بابا هذي مو كويتيه
ولا يقول
هذي اكيد امها مو كويتيه واهلها متطلقين

لول
اقوله يبا الكويتيات جذيه
يقول لا ماعليج هذول مو كويتيين


في ناس يشوفون الكويت مثل ماقلتي شقه مؤقته وبيفلون منها
وهذيل عمرهم ماراح يعرفون معنى كلمه وطن
وحتى لو جنسيتهم صارت اولى بتلاقينهم اول ناس ينحاشون عند اي ازمه لا سمح الله

الكويتيين الصجيين تلاقينهم ينقدون على وضع الديره
ويعصبون لين شافوها واقفه واللي حوالينا يمشون

اما كويتيين بو طقه تلاقينهم يقولون ويه واحنا شكو
ويه واحنا شداش بجيبنا


بمدرستي كان في كذا بنت من دول عربيه
سوري
اصلهم من دول عربيه
اخر شي لما حزة التخرج كان المفروض نوقع كشف معين
اشوف نصهم جناسيهم كويتيه
اللهجه عربيه
اللبس عربي
العادات عربيه
لكن الجنسيه كويتيه

هذا غير دكتور بكليه من الكليات كويتي واخوه من امه وابوه وابوه وامه مو كويتيين
شلون مادري!


وعلى سالفه الزواج
بييه ماسمعتي الموضه الييديده
شباب اعمارهم 18 ولا 19 يتزوجون من دول خليجيه ياخذون اهلهم البعاد
عشان الجنسيه
واهو حتى تلاقينه مو شايفها ولا مره وهالشي صار معروف


مادري شقول
بس جد احب الكويت ماحب احد مايحبها يشاركني فيها

om comment kuwait يقول...

البتي علينا المواجع يا استكانة
:(
--------------------------------
قانون الجنسية صج متكامل بس ينقصها الغاء بنود الاعمال الجليلة اللي اذبحونا فيه و اللي كان وضعه من الاساس علشان الكويت ماكان فيها كفاءات حزت سن القانون نفسه
الحين الكويت مترووووسة كفاءات تعلى اسمها و ترفع من شانها
لازم يعطوهم ويه و يرزون عيال الديرة
----------------------------------
و الله يحفظ ديرتنا من كل مكروه و يردها مثل ما كانت عندي صديقة قالتلي اتفاءلي خير
الكويت رااااادة
و انا اتفاءلت بكلامها:)

abu eldestor يقول...

قصر المحاكم بالرقعي

تصحيح استكانتنا

مجمع المحاكم بالرقعي
:))

الكويتيين دايما انشوفهم ملائكة وهذا أكبر غلط للاسف فهذه نفس بشرية منهم الملتزم بعاداته ومنهم بغير ذلك
باختصار الكل يعمل بأصله

الخيلاء يقول...

اتصدقين

اليم خالي يسولف عن سالفه النسب و انها اهي الحين الهبه اليديه لكل من بيأمن مستقبل عياله من دول بره
يعطون الي بينسب الولد له فلوس حول 30 الف و يكتب الولد باسمه بس لا يدري عنه ولا شي من يوصل الولد 18 زوجوه بس مع وقف التنفيذ
و على قولتج قدم عالبيت وخذ المهر

والله ما صدقت يوم سمعت

لي هالدرجه وصلت بالاوادم يرتكبون جريمه بحق عيالهم و ياخذون اثام عشان جنسيه و بيت و فلوس
بالله هذيل شلون ربي بيهنيهم بالشي و اهما مو مادين حق الله عليهم
استغفر الله ياربي

و مثل ماقال بابا جابر الله يرحمه
حب الكويت اعمال مو اقوال

و الله يحفظ هالديره من كل شر

أبو لطيف يقول...

بدون تعليق

حفظ الله الكويت وشعبها من كل مكروه

وحفظك الله

a7La eNG يقول...

يا حبيبتي الحلووووووووووووووووووووووووة
المثل يقووووووووول : هــدة فرس و
ليس هبة فرس
:D
و الهدة تمثل الانطلاقة القوية للفرس

اما الهبة فا خاصة بالكويتين :P
و شكراااااااااااا

darkness يقول...

استكانه اهي يعني عبالج مستانسه انها مسميه باسم غير اسم ابوها

ما اتوقع

:(

تصدقين كسرت خاطري

مع اني ما اؤمن بان البدون لهم حق

بس هالقصه كسرت خاطري البنت

:(

Yin يقول...

إستكانتنا الغالية:

سالفة الزواج لأجل ال4 آلاف تفكير مادي سطحي وسخيف !!
هذا زواج وارتباط دائم فيها عيال وذرية .. أحسن الإختيار لأجل مستقبلي وراحتي
وحين أسيء الإختيار جم واحد بيضيع عشان 4 آلاف؟؟؟


حبيبتي لا أوافقك الرأي في كل ما تقولين ولا أخالفك في بعض ما تقولين ولكن لي كلمة صغيرة :

أننا كشعب كويتي حالنا حال بقية شعوب العالم فينا الشين وفينا الزين لا إحنا منزهين ولامعصومين ولا كاملين
وصدقيني إن في عوايل كويتية وأفراد كويتيين يقومون بأعمال لا يرضاها العقل ولا المنطق
وكل يعمل بأصله .. والأصل هنا لا أعني به مسقط الرأس ولكن التربية والبيئة

الله يحفظ الكويت ويهدي شعبها ويوحدهم


فوتُكِ بعافية يا حبيبتي
وسامحيني على الطوالة
:))

ومشكورة من كل قلبي على التهنئة اللي تركتيها عند منال
:))

أحمد الحيدر يقول...

مساء الخير ..

مسألة الأسماء هذه للأسف انتشرت لفترة في الكويت ..

هناك من نسبوا أنفسهم لعوائل وقبائل .. وهناك من فعلوا مثل صديقتك .. كل هذا في سبيل الحصول على الجنسية والعيش الكريم ..

ومسألة " الملجة " للحصول على المنافع شائعة أيضا .. على القل أخ صديقتك يريد الزواج من ابنة عمه فعليا .. لكن هناك ناس يتزوجون على الورق فقط للحصول على المنافع .. بل وأحيانا بغير كويتيات !!

طبعا تدهور الوضع الإسكاني وإغراء المنافع ليس عذرا مقبولا .. ولكنه واقعي ..

الكويت ديرة عز .. لا نختلف معك .. ولكن لا يمنعنا ذلك إطلاقا من طمع الحصول على الأفضل ..

مسألة أكيد مو كويتي أعتقد انها منتشرة بين كبار السن .. أما الجيل الصاعد فيعلم أن الكويت صار تعداد شعبها يفوق المليون .. ومن الطبيعي وجود المتردية والنطيحة بينهم ..

أما الشقة المؤجرة فقد وضعتي يدك على الجرح .. للأسف كثيرون يعتبرون الكويت كعكة يجب الظفر منها قدر المستطاع قبل انتهائها .. والسؤال لماذا بات البعض يفكر بهذه الطريقة المخزية ؟


أعلم تماما كيف يردون البدو بلغة عيون فلان أو فلانة .. يا زينهم عندما يكونون كذلك :)

وزارة الداخلية لا أريد التعليق عليها الآن قبل تلمس نتائج .. نتمنى ولا نثق بإيجابلية النتائج ..

بوست مميز وقيم ..

إلى الأمام دائما ..

Sweet Revenge يقول...

:***
تستاهلين بوسه علي هالكلام
الوطن انتماء وحب عمل واخلاص
مو اسم وجنسية
الله يعين
وعاشت لنا سالمة الكويت :)

ShLaLaT يقول...

نعيش ونشوف



الله يخليلنا ديرتنا
ويخلينالها



ايد وحده ما تصفق
<< مادري شكو بس مشيها

:)

why me يقول...

شسالفه اي حفله

طافنييييي
:(

someone_q8 يقول...

السلام عليكم
اختي الكريمة استكانه
السالفة مو واقفه على الاسامي خل اقولج شغله , فيه البعض عنده جنسية ثانية بإسم ثاني في احد الدول المجاورة وبنفس الوقت عنده اهنيه جنسية كويتية بإسم ثاني

وبالنسبة للي سنتسب اسم ابوه واهو يدري انه هذا الشخص مو ابوه فهي منتشرة ولكنا مو وايد واعرف اكثر من عائلة فيها هالسالفة ولا اتشوفين حالهم لان اللي منتسب لأبوهم وارث معاهم كل شيء , لكن ما انقول الا الله المستعان على هالحال ويحفظ ديرتنا من كل خبث

Fankooshy يقول...

بوست حلو

عندما تصبح الوطنية شعارات تردد
وتختبئ الافعال والمواقف الرجولية خلف ستار المصلحة والتفرد
تنتهي اشياء كثيرة وينتهي معها زمن جميل

شكرا :)

قلب طفله يقول...

للاسف اكتشفت اكثر من حاله للي منتسبين لغير ابهاتهم و لغير عوايلهم او قبائلهم عشان الجنسيه و المميزات لا اكثر و لا اقل

عرفت وحده عزيزه على قلبي حافظه اسمها الكامل مثل اسمي و لما تتحجى عن جدها تقول اسم غير اللي مكتوب فكنت اقولها شفيج تخربطين فكانت تضحك و تقول لا ابوي متجنس اهو و عمي على ولد عم ابوهم و توصيني ما اقول لاخد هذا يوم كنا بالمتوسط فكنت مستغربه و ما قلت حق احد و عقب البنت حبت ولد الريال اللي ابوها متجنس عليه يعني يصير عمها بالاوراق الرسميه و ما قدر يخطبها و وقفوا مكتوفين الايدين و تعذبت اهي و اهو و اهله عشان هالسالفه :(

!! مع ان عندهم جنسية لدولة خليجيه

عسى الله يحفظ الكويت و ينفعها بعيالها

تسلم ايدج قلبوو

nikon 8 يقول...

محد عارف خير الكويت وفضلها على الشعب إلا الغريب عنها
!!!
أحيانا الشبع ما يخلينا نحس بأي طعم زايد على معدتنا
وأحيانا التحلطم لأنا نبي الكويت تكون أحسن
!!
ذكرتيني بوحده عربية مرة قالت لي : خافوا ربكم بلدكم يتحايل عليكو عشان ترضوا شوفوا غيركم حتى تحمدوا ربكم
؟؟؟

صبا يقول...

لون الغروب

استكانه

مسائج ورد وحب يارب

بالنسبه للشق الاول

الله يكون بعونها لانه مو سهل يكون الشخص باسم غير اسم ابوه الي من صلبه ودمه ولحمه

والموضوع متشعب وااايد بالنسبه لهم
أكيد

وللظروف أحكام
والله اعلم

والله يحفظ الكويت من كل شر
ويحفظ اعيالها
ويهديهم يارب


والوطن

انتماء
وحدود
وشرف

والله يعز وطنا يارب
شكرا يا استكانه
كل مره تتحفينا بشي جديد

:****

فراوله يقول...

مساالورد والجوري
غاليتي الحبيبه
بوستج طويييل بس ياخفه علي
قلوبنا
مثل استكانه
تدرين كلام الدكتور عبدالله العتيبي
الله يرحمه
اثار شجون كثيره كانت مستلقيه بداخلي
):
الله يعينا
:**

فريج سعود يقول...

راحوا الاوليين

qesat_5ayal يقول...

لا أستغرب من الزواج اللي عشان الاربع الاف
ووايد شفت منه
أو على وزن محجوز !


بعدين ماهااااذذا اللفظ !!
@@
مملوجة
شتطلع هذي


:\


وأما عن الكويتيين بالاسم
فهم كثير، ومثل ما قلتي لو نشوف اي عادات غريبة
دايما نتبرا منها لان مجتمعنا الصغير غير متعود على هذه العادات وغالبا تكون دخيلة

مركبنا يقول...

اصدق استكانه
وشفت بلاوي سودة من ناس ما تخاف الله
وحدة تقولي ان في ناس يكسرون خاطرهم فيسمونهم على اسمهم
عشان ياخذون الجنسية

ووحدة ثانية تقول ان ابوها مشغل ناس وايد بشكرته مايداومون بس عشان ياخذون دعم العماله
لانهم فقارة
قلت لها دام ابوج طيب خل يتبرع مو على حساب الدوله

fr7ty يقول...

السلام عليكم

موقع أكثر من رائع شكرا لكم

موضوع جميل جدا يستحق القراءه

يوتيوب فيديو فرحتي

http://www.fr7ty.com

منتديات نسائيه

http://www.fr7ty.com/vb

ARTFUL يقول...

صدقتي بلوقج وكيفج

شعليج منهم

المهم

الكويت ديرة هلي واجدادي

والله يا استكانه شي يحز بالخاطر

قبل نفس ما قلتي

أقول كويتي يسوي جذي كويتية تسوي جذي

وليلحين بعدين اتذكر حوادث واراجع نفسي اقول ليش وايد غيره او غيرها سوو ييت عليها

اهل الديرة ياخذون اللي يحتاجونه من الديرة وبس

ولكن نشوف ناس

يحاول يلف يدور ويطر ويذبح عمره ويترجى علشان يحلب آآآآخر قطرة حليب

عقب ما يخلص وياخذ اللي يبيه

يقول أغبيا ما يفتهمون خذيت الي أبيه غصب عليهم

من الشغلات اللي صارت جدام عيني

عقب تخرجي

رحت زرت دعم العمالة ووقفت مع صديق كان يشتغل هناك المهم دخلت علينا وحده

ما نقدر نعرف عمرها من السواد اللي مغطيها

المهم

مقدمه على بدل بطالة

وانا حزتها عرفت ان في شي اسمه بدل بطالة ، تستحقه اذا تبي عقب ما تقدم على الديوان وعند دعم العمالة كباحث عن عمل ويمر 6 أشهر وانت ما حصلت وظيفة

اهني تقدر تاخذ بدل البطالة اذا بغيت

ولازم تراجع كل فترة علشان تثبت انك ما حصلت وظيفة

المهم سألها رفيجي تبين تشتغلين

قالت لاااا

جان يقولها اذا قلتي لااا راح يوقف بدل البطالة

جان تصرخ لا لا لا أبي أشتغل أبي أبي

@@

أيا بنت .... !!!

طلعت السالفة احلب لا تحلب

مثال ثاني صار جدامي

اليواخير

اللي عرفته انك تقدر تقدم على ياخور اذا عندك حلال بس على شرط تقدم لهم تطعيم الحلال كل سنه

((اذا عندك حلال))

وتنطر وايي دورك ويعطونك ياخور بلاش او بسعر رمزي

بس اذا واحد .....بن ستين .... يدفع فلوس حق دكتور ..... علشان يطلع له شهادة تطعيم مزورة

وبالتالي ياخذ الياخور ويرعى فيه اهو وعياله

او يبيعه 15000 بيت النازل

أجذب أرشي أطر أذل نفسي أقص على الناس بس آخذ فلوس

بس أشتغل وأتعب واكد عمري علشان احصل الرزق الحلال وافيد ديرتي واهي تفيدني لااا هذا شغل أغبيااااااء

والله هالسالفة تحرررررر

آسف طولت

ARTFUL يقول...

وأزيدج من الشعر بيت

على سالفة يملج عليها وعقب 4 سنين يتزوج هذي شوف عيني

ويمكن البنت عندها رفيج على ما يكون نفسه زوج المستقبل

واهي عنده رفيجه يقزر معاها على ما ايي اليوم السعيد

اللهم لا شماته

والله يعافينا ويعافي عيالنا

مبيوق يقول...

الله يلعنهم اللي كانوا السبب

يخرب بيوتهم ملو البلد

بنت الشامية يقول...

اللى يحزني هالايام
بعض الناس اذا استغنوااا اول ما يدوسون على الكويت
ومن يستفقروووون يركضون للكويت
وليش ما تقف وياهم وليش ما تحل مشاكلهم....!!!!!!!!!!!!!!!!!ء
بس ودى اعرف انتوا يوم ايامكم الخضره ليش نسيتوهااا
وبايامكم السوده شحقه تذكرتوهااااااا

لج الله يااااااكويتنا الحبيبه
زياده تحلطم على تحلطمج
مشكووووره

esTeKaNa يقول...

الزين
~~~~~~
سلامتش يا بعد قلب سديقتج انتي
وحبتش العافيه يا الغاليه
:**








that's it
~~~~~~~~~~~
ههههه
تامرين امر
:)
صج طريت على بالج؟
يا بختي والله
وافا عليج قولي اللي بخاطرج
هذا بلوقج ومكانج










sn3a
~~~~~~~
يا هلا بالسنع كله
والله الوالد على الفطرة السليمة ترا كلنا نفكر جذي مو بس اهو
الله يحفظة ويبلغه فيج يارب
:)
والله عدل كلامج
ولوما حب الكويت جان ما قلتيه
عسى ربي يحفظ الديرة ويزيد من امثالج اللي يحبونها بضمير












om comment kuwait
~~~~~~~~~~~~~~~~~~~
والله ما كان ودي أقلب المواجع
بس الوضع صعب
!!
ورغم هذا الوضع ما زلت متفائله خير
وما فقدت الامل
ان شااء الله القادم اجمل
:)











abu aLDestor
~~~~~~~~~~~~~~~~
شكرا أبو الدستور
انا اسم الله علي كل شي عندي قصر
:pp~
وعدل كلامك
:)

esTeKaNa يقول...

الخيلاء
~~~~~~~
الموضوع منتشر بشكل مخيف
!!
الله يستر على هالديرة ويحفظها









أبو لطيف
~~~~~~~~~~
اللهم امين
جزاك الله خير








a7La eNG
~~~~~~~~~~~~~
هههههههههههههههههههه
واي شكرا لوجودج صديقتي
كان خطأ مطبعي
!!









DARKNESS
~~~~~~~~~~~~~~
عاد كانت خوش بنت الله يذكرها بالخير
!!
مادري شنو احساسها
بس اكيد مو ذنبها
ذنب اللي سموها
:(








YIN
~~~~~
ياهلا ويا مرحبا بالغاليه
لا تقولين سامحيني على الطواله
فتعليقاتك تسعد قلب استكانة
حياج الله
:)







أحمد الحيدر
~~~~~~~~~~~~
مساء النور
وصباح الفرح
دائما تعليقاتك تعطي البوست حقه وزياده
شكرا لمرورك وتشريف مدونتي بتعليقك
:)











Sweet revenge
~~~~~~~~~~~~~~~
يا بعد قلبي انتي
:***
والله يحفظ ديرتنا بالطيبين شرواج










shLaLaT
~~~~~~~~~~

LOOOOO

بتمشيها افا عليج










why me
~~~~~~~~~~

hehehe
اي وللله طافتج حسافه
فقدناج من غير شر
:Pp~

esTeKaNa يقول...

someone_q8
~~~~~~~~~~~~~
وعليكم السلام ورحمة الله وبركاته

فعلا ما ذكرته اخي العزيز كلها مشاهد واقعيه لأكثر من عائله
الله يحفظ الكويت يارب









Fankooshy
~~~~~~~~~~~
حلت دنياك
:)
عدل كلامك والله









قلب طفلة
~~~~~~~~~~~
صج السالفه تعور القلب
!!
الله يعينهم يارب
ويحفظ ديرتنا
هناك من يظلم نفسه وديرته بهذا الفعل











nikon 8
~~~~~~~~~
صدقتي
وعبرتي عن الفكرة بشكل ممتاز
فعلا الشبع ما يخلينا نحس بأي طعم زايد



عسى ربي يحفظ ديرتنا يارب








صبا
~~~~~~
مسائك فرح وراحة وسعاده
:)
اللهم امين
وحياج الله يا صبا الجمال
بلوقج ومكانج










فراولة
~~~~~~~~~~~
عاش من شاف الفراولة
:)
مسائك سكر وفرح
واسمحو لي على طول البوست
ولكن الموضوع كبير والكويت تستاهل هالكلمتين
!!
عبدالله العتيبي الله يرحمه
شاعر الكويت
لم يكتب احد للكويت كما كتب








فريج سعود
~~~~~~~~~~~~
أنا اشهد

esTeKaNa يقول...

qesat 5aYal
~~~~~~~~~~~~~
مملوجة مادري
!!
مو جنها معلوجه؟
:)
الله يحفظ ديرتنا
وحياح الله












مركبنا
~~~~~~~~~~~~
تدرين شنو المشكله؟
كل واحد يشوف هذا الموضوع من منظور مختلف
ناس تشوفه ظلم
وناس تشوفه مساعده فقارا
والكويت بالنهايه والاخيرة هي المظلومه بكل هذا
الله يحفظ ديرتنا
وحياج الله













fr7ty
~~~~~~~~~
وعليكم السلام ورحمة الله وبركاته
شكرا لك
وشكرا على الدعوة
:)














artful
~~~~~~~~~~
ياهلا ويا مرحبا بارتفل
صبحك الله بالخير
ومساك بالفرح كله
:)
والله عدل كلامك
اصدقه واصدق اكثر لاني شفت بعيني
يعني تاخذ بدل بطاله
عليها بالعافيه
بس اخذيها بحق
مو جذي
واكثر ناس تسوي اي شي عشان تاخذ فلوس مادري وين الذمه ولا الضمير
!!
الله يحفظ ديرتنا
قول امين











مبيوق
~~~~~~~~~~
:(
الله يسامحهم ويحفظ ديرتنا










بنت الشامية
~~~~~~~~~~~~~~
اخيييه يا بنت الشامية
هذا السؤال اللي ما تلقين له اجابه
بعض الناس صارت عندهم الكويت
عومه ماكولة ومذمومة
!!


وحياج الله يا الغاليه

|:| DUBAI |:| يقول...

خيتو استكانة

: )

وطنيتج أحييها

بس عندي مداخلة بسيطة

بخصوص سن الزواج

و اللي يبى يملج و هو في الثانوية

تبين الصدق؟

أحسن له

في هالزمن .. يرتبط بشكل شرعي
بعيد عن الشبهة و الحرام

بيساعده هذا الارتباط على صقل شخصيته

و مواجهة الحياة

بعدين قبل كنت نفس نظرتج

بس غيرتها

لأن لو خلينا عوائق

على الزواج

ينتج بالتالي

أمور تعور القلب

: )