الخميس، يناير 01، 2009

أنا ونجيم

رائحة الهيل المنغمس في حليبتها
ودفئ الحب الذي يحيط جلستها
قواري،تصطف بجمال على دوتها
وهي هناك...نفنوفها الحمر المخمل
وشال...وجواريب...وكل ما حملته خزانتها
أشفق على البرد من استعدادتها
!!
قرص عقيلي ...ورهشه...ودرابيل الشمالي المنعوته
تقلب بتلك الأكياس وتسئلني:
ممممم ،ما شريتي لي لسان الثور؟
ابتسمت
جدتي واعرفها
تبحث دائما عن الشئ غير الموجود ويشتهيه قلبها
!!
منذ زمن اكتشفت ان النساء الكبيرات بالسن يسعدن بمجرد الحديث عن انفسهن وماضيهن
فاعتمدت هذه الخطة مع جدتي....كم سؤال،وتنبر هن وهناك واتركها تتكلم
ذاك اليوم تعبت وانا احاول فتح مواضيع وهي حزينه
بوزها من العساره واصل لي الخفجي
اشفيج يمه؟
نجيم ...يا عل ماكو نجيم
انحاش
!!
بلعت ضحكتي،ومثلت اني منبهره متعجبه:
انحااااش؟
تتنهند بألم:
اشهرين ندربه،ويوم خذا الليسن،خذا الجواز من خالج قال بدخل فلوس البنك
وهذا يوم وذاك يوم انحاش
!!
والمشكله اللي خذيت منها السايق هنديه اسمها راني
ادق يا راني عطيني رقم نجيم تسكره
وخالج يدق يقولها عطيني وين مكتبج مو راضيه
.
........
انا اعلم...الكل استحقر حزنها الكبير على السايق ولم يشتط معها
والسايق يروح ونلقى بداله عشر
!!
كسرت خاطري
لا تستهين بأحزان غيرك ايا كانت احزانه
شعرت بأني اريد ان افعل اي شئ بسيط لاسعادها
اتصلنا على قريب لجدتي يعمل بالمطار
ليأتينا الخبر بعد ساعه:
السايق مسافر من يومين
.......
تربعت مقابلها.....اذيب الدرابيل في حليبتها وافكر
فجأة طرت لي فكره:
يمة وين رقم راني؟
اعطتني نوتتها
:فديت نوته جدتي
الاسامي كبييييييييييرة
وكل اسم مقابله علاقه القرابه ،مثلا:
بدريه جنة غنيمة اختي ام يوسف
!!
ليش المسمي الوظيفي كله
هذا غير ان الاسم عوي
وبعض البصمات ...لانها تقلب الصفحات بصبعها
:pP~
اتصلت على راني من تليفوني لانها لا ترد على تليفون جدتي:
الو ....لو سمحتي عندج خدامه مسترجعه؟
تشتط راني :
اي ماما كل شي فيه
ضحكت:
وين مكتبكم؟
وتشتط أكثر:
حولي ،شارع بن خلدون....بلا بلا بلا
كتبت عنوان المكتب واعطيت الهاتف لجدتي المشتطة:
شوفي رانيووووو اذا ما عطيتني رقم نجيم هذي ترا بنت مال انا بوليس
والله نيي انتي مكتب نمجعج من شعرج سمعتي
looooooooool
اهم شي اني انا بوليس
وبنروح نمجعها من راسها
واللي يضحك...راني خافت وعطتنا رقم نجيم
.
.
.
.
.
اخزن الرقم بهاتفي وجدتي اشتطت وعدلت قعدتها:
شنسوي يمه؟
الرقم عندنا
!!
تفكر:
شوفي انا اظنتي اهو زعل،انا قايله له ييب كركم من الجمعيه ما ياب
في هندي ما يعرف البهارات
زفيته زف
يا يمة البهارات بالهند اسمها غير عندنا...الكركم مو اسمه كركم
لم تقتنع
فنجيم يسوي روحه مخدي ولا اهو بقليب كل شي يفهم
!!
و ومرة قالت له:
لا أدة الضحى صوبن هدومك بروحك وغسل السياير
ما فهم
!!
يمه ...اشلون يفهم؟
.
.
.
اتصلت على نجيم،بمجرد ان رد على الهاتف وسمع صوت جدتي
اغلق الخط
!!
وي يا علك يا نجيم ما تربح
حر قلبي عسى ربي يحر قلبه
قامته ضحكتي....ندق مرة ثانيه
ترد زوجته واكلمها:
وين نجيم؟
ترد بنزره:
نجيم كويت ،نجيم ماكو يجي
وطرباخ بويهنا
يا يمة...سكرته شنسوي الحين؟
جدتي تستعسر،تدعي على نجيم وحرمه المصون
اتصلت مرة ثانيه لترد زوجته:
الو وين نجيم؟
ترد بنزره:
نجيم مو هني
بس قرقر كل شوي سوي تليفون
!!
أنا تنزر فيني وكل شوي طرباخ بويهي؟
فجأة....تخرج مني استكانة العياره الشيطانة
وبمنتهى البرود
ارد عليها:
انتي زوجه نجيم؟
انا سوي تليفون يبي كلام عشان نجيم سوي زواج واحد فلبيني مني
الحين هذا فلبيني يبي نجيم ،عشان اهيا وايد حبي هذا زوج مال انتي
:Pp~
انياهاهاهاها
:pP~
وفجأة....وفجأة
زوجة نجيم تصارخ من مفرق راسها:
نجيييييييييييييييييييييييييييييم سوي زواااااااااااااااااااااااااااااااااااااااااااج
!!!
لاااااااااااااااااااااااااااااااااااا
جدابه انتي جذابه
نجيم مني ماكو سوي زواااااااااااااااااااااااااااااااااااااااااااااج
وطيت صوتي:
مادري
!!
هذي فلبيني يمكن بعد في بيبي ما شاء الله
:pP~
زوجه نجيم تصارخ من قمة راسها
وجدتي تشرق كل ملامح وجهها وتنقلني:
قولي لها شعرها اسوود ناااااعم مسبسب وبيضه ويها نضر وبنت حموله مو مثلج يا المصعويه
!!
رديت على زوجه نجيم:
هذي فلبينيه وااااااااايد حلوة
وااااااايد حبي انتي زوج
طوط...طوووووط.....واختفت زوجة نجيم
~~~~~~~~~~~~~~
لفيت وجهي...جدتي تكعكع،بكل ما تعنيه الكعكعه من معنى
loooooooooooooooooool
يا زين فرحتها ...كل شوي تسئلني:
هقوتج دبغته عن خاطري؟
لا يمه نتفته نتفته
!!
بعد ساعه تسئلني.:
جم الساعه عند نجيم؟
اقولها يعني ظلمت الدنيا
تكركر بروحها:
تهقين نام بالبيت ولا بالسكه
أظنتي رفسته
:D
اييي المرة تحر
يقولج قبل واحد تزوج على مرته ،وقال لمرته الاولى اخذي فخذ هاللحم وديه حق شريجتج
وقبل مو مثلكم
يتزوج عليها ريلها ..تموت بحرتها وتسكت شتسوي وين تروح؟
المهم
المرة الأولى من الحرة اخذي الفخذ وطول الطريج تقرم فيه وتقول:
يحبني
ما يحبني
يحبني
ما يحبني
!!
يوم انها وصلت لشريجتها ماكو بالفخذ الا عظمه
اييي حرة القلب يا بنيتي خلتها تقرم اللحم
!!!
بققت عيوني....بغيت اغص بالحليب:
هذي مرة ولا شرياصه؟
انا خابره ورده تحبني ما تحبني مو فخذ لحم
:Pp~
.
.
.
.
خرجت منها بوقت مبكر لاني اريد ان استعد للمخيم اليوم
قبل ذهابي قبلت راسها ودعت لي:
عسى ربي يبرد قلبج مثل ما بردتي قلبي بنجيمو
فطينه ،اسم الله عليج على جدتي الله يرحمها
عساج ما تذهنين
!!
ياربي....انا شكو اطلع على جدة جدتي ام امي
انا فطينة من روحي اسم الله علي
:Pp
الملم اغراضي وقبل ان اذهب تناديني:
عسى ربي يفرحني فيج عروس
ولا يطول شدة
!!
شدة؟
يا يمة.....ليش تحسسيني اني بغزو
:pP~
يا زينها...قد أكون ارتكبت شئ خاطئ
ولكن اشعر بمرح غريب
يارب سامحني
:)
.
.
.
من شوي رجعت من المخيم
الهوا والغبار شي مو طبيعي
!!
عمي نادى صاحب الخيل ليركب الاطفال
وجدت نفسي مرتزه واركب الخيل قبلهم
من زمان ما ركبت خيل
وايد استانست
المضحك بالموضوع الهندي يقولي:
واحد دينار
سئلته:
عندك كي نت
.
.
ياربي متى اشيل بمخباتي خرده
ليش انا عايشه على الكي نت؟
.
.
احساس اللحظي:
ظهري يعورني حيل
!!
ومزاجي اليوم:
فدوة لج ...عمري وكل اللي تبينه
عين خلج...ما تشوف الا انتي زينه
ولا يا زينه
الزعل جايد علينا
!!
شتمنى؟
غير وصلك يا حياتي
وأتعنى..وأتعنى وطول وقتي لك احاتي
هاج عمري واخذي ايامه بيديج
انا عمري ...عمره ما يغلا عليج
وكل حياتي
كل حياتي
فدوة لعيونج ...
يا زينة

هناك 92 تعليقًا:

abu eldestor يقول...

استكانه طلعتي منتي هينة
:)

أقول يعني انتي المستفيدة الاولى من تخفيض قيمة عمولة الكي نت

Najmah يقول...

لوووووووووووووووووووووووووول
لوووووووووووووووووووووووووول
بعد قلبي والله اسم الله عليها من الحرة
الله يحفظها لكم من كل شر :*
بس بس
يمه منننننج
@@
ييتيها من نقطة الضعف
مسكينة والله كسرت خاطري
تزوجت هالنجيم وابتلشت فيه
!
استكانة
انا تذكرت بونجيم
:Pp

Tekana يقول...

يدتج زوووووغه تهبل الله يطول بعمرها ان شاء الله ...اهم شي مفكرتها هههههههه...ترى وجود الجدات نعمه والله

بس حركتج مع نجيم حدها خطيره زين سويتي فيه لووول

ولد الديرة يقول...

لا تستهين بأحزان غيرك ايا كانت احزانه





بس ما كملت اخذت غايتي :)

darkness يقول...

ههههههههههههههههه

لألألألأ

بدعتي

اول شي ربي يخلي لج اميمتج العوده

و تفرح فيج بالقريب

و يا رب تفرج الشده

;p

امبيه اجرمتي بالريال

باجر تفقدي الاخبار

خوفج اذبحته

@@

Kuwait يقول...

لوووووووووووووووووووول
استكانه انا يدتي دليل الأرقام عندها شي خطير كل رقم يمه رسمه أسامي مفيش ;p
على يوم أصوره واحطه لكم ;D
أما سالفة نجيم لووووووووول زين تسوين فيه مع الشيفه مرته يستاهل بعد قلبي يدتج ما تستاهل :*

esTeKaNa يقول...

abu eldestor
~~~~~~~~~~~~~~~
اي هذي استكانه بالوجه الاخر
:Pp~
تصدق عاد لما خفضوها
عرفت اهي كانت جم
:pP~
لاااااازم اتعلم اخلي خرده بمخباتي
الله يرضى ولد عمي هالطول بالروضه عازمني على الخيل
:))

esTeKaNa يقول...

Najmah
~~~~~~~~
حيالله بو نجيم
:Pp~
يا بعد قلبي قلبج انتي
عسى ربي يحفظها ويحفظ لج كل غالي
:*
الله يستر شلون عدت ليله نجيم وزوجته المصون
HEHEHEHE

esTeKaNa يقول...

Tekana
~~~~~~~~~
مفكرة جدتي من التراث
مفكرين نحطها بمعرض الكويت الوطني
:Pp~
افا عليج اعجبج انا
عندي مواهب
:))

esTeKaNa يقول...

ولد الديرة
~~~~~~~~~~~
بوست تزفني
وبوست ما تكمله
!!
ليش يا ولد الديرة
عسى البوستات صايره مو قد المقام؟
:pP~

esTeKaNa يقول...

darkness
~~~~~~~~~~~~
الله يستر اشلون عدت الليله
من سمع صراخها وهي تقولي
جداااااااااااب
جدااااااااااااب
الله يستر
:Pp~
يا بعد قلبي قلبج
الله يفرج الشده عن كل المسلمين
انا ماني بشده الحمدلله
Hehehehe

esTeKaNa يقول...

Kuwait
~~~~~~~~~
لحظة
يعني اهي كل واحده راسمتها
ويمها رقمها؟
لووووول
الله يحفظ لج يدتج
لازم نحط مفكراتهم بمعرض الكويت الوطني
:Pp~

ma6goog يقول...

كل عام انتي بخير

قاعد افرش شقتي , من وين شاريه هالوول بيبر؟

Kaadi يقول...

ويه لاتقلبين المواجع مع الهنود !!

لاتسمعج اميمتي تتذكر سايقنا اللي راح ولا شفناه !! تتحسر ماكو غيره لوول !!

والصراحة خيل بهالبرد وي موخوش صقيييعع

esTeKaNa يقول...

ka6goog
~~~~~~~~~~
ياهلا
وانت بخير وصحة وسلامة
هذي الساعه المباركة

:)
ياز لك الحمر؟
افا عليك ..ما يغلا
اشيله الحين واعطيك اياه
;Pp~

esTeKaNa يقول...

Kadi
~~~~~~
ماحد مسخبق امهاتنا الا هالخدم
!!
واااي انا تسلطت على عمري ويا هالخيل
اليوم مو برد
بس هوا هوا
واستكانة تفتر على كبر هالبر
الظاهر حايشني هوا
قاعده انا ومطارة ماي حار على ظهري
انا ويه خيل
:(

SHAHAD يقول...

لووووووووول
لا حدج حدج مو هينة ! شلون طرت لج هالفكرة لوووووووول ماشاء الله عليج
الله يخليلج يدتج ويحفظها لكم ويطول بعمرهاا ياارب

واي إنتي على هالـ كي نت نفس حالتي !
مادري شفيه بوكي يصفر !
معتمدة على الكي نت اعتماد كلي !!
لوووووول

وسلامة ظهرج حبيبتي .. شكلج من الوناسة طلعتي مهارتج على الخيل لوول

سوالفج تهبببل .. ونستيني

Sweet Revenge يقول...

يا حلوج ويا حلو يدتج الله يحفظها ويخليها
يارب
:)
الحين ذنب نجيم برقبتج ولا غرضج مرته ترفع قضية وانت تترافعين فيها
:P

حسام بن ضرار يقول...

الصراحه ما ادري شلون الاوليين يشتهون هالحلويات عقب ما طلعت حلويات العصر الحديث

اقصد : كبدة الفرس - درابيل - قرص عقيلي - لسان الثور

تشق البلاعيم تشقق

ما ادري شلون كانوا عايشين بدون هالسارالي مع الحليب البارد او التشيز كيك و الدونت و هالسوالف الحلوه

على العموم .. ألف عافيه

و الله يوالي يدتج الصحه و العافيه و يخليها لكم

كبرياء وردة يقول...

ههههههههههههههه
استكانة طلعتي خطيرة
تصلحين تشتغلين ويا المافيا :P

بس يستاهل
اهم شي ام الخير استانست وضحكت

الله يخليها لكم ويطول بعمرها

ZoN يقول...

LooooL
Ya7lilha yadetech.. allah ykhaliha likom.. bain 3aliha wenesa :D

Fedwitin lich eb 9ot sliman almula.. 3ajeba ;p
http://www.youtube.com/watch?v=DLFi6UBUsis

Fankooshy يقول...

كل عام وانتي بخير :)

bin3li يقول...

يسعدلي هالصباح
هههههههه
أهم شي أن نجيم ماخذ فلبينية بنت حمولة

لو أنا منج بقولها ماخذ راني و أعطيها رقمها و أحط حيلهم بينهم

Enter-Q8 يقول...

عسى الله يطولك بعمرها ان شاء الله
يا زين حريم قبل
و الله يا استكانه بركه تعرفين البركه هذول اهم يازينهم ويثا زين سوالفهم
واحد من الربع داق علي قبل امس يقول ابتلشنافيك
قلت له ليش
قال امي العودة تقول وينه دق عليه شوفه زين اصويحي مو اصويحي من هالبرد
ما فيكم خير يا عيال اليوم
يا حليلها و يا حلوهم

نجي حق الصج
حسبي الله على ابليسك
طشرتي نجيم

LonDonY يقول...

لي عودة مع نجيم




كل عام ويوم واسبوع وانتي

والاهل بكل خير وصحة وسلامة

lawyer يقول...

LooooooooooooooooooooooooooL

LOOOOOOOOOOOOOOOOOOOOOOOOOOOOL



LOOOOOOOOOOOOOOOOOOOOOOOOOOOL







LOOOOOOOOOOOOOOOOOOOOOOOOOOOOOOOOOOOOOL

hahahhaaaaaaaaaaaaaaaaaaaaaaaaaaaaaaay

hahhahhaaaaaaaaaaaaahhhaaaaaaaaaaaaaaaaaay

hhaaaaaaaaaaahaaaaaaaaaaaaaaaaaaay

واي انا قريت البوست قبل الصلااااااااااااااااه
طول ما نا برووووووووووحي
وميته ضضضضضضضضحك
بروووووووووووووووووووحي





اول مرااااااااااااااااااااااا احسسسسسسسسسسسسسسسسسسسسسسسس

ان في احد تأأأأأأأأأأأأأأثر من كيمه الشر و الخطط الي اسوييييييييييها

لووووووووووووووووووووووووووووووول




هذي التصرفااااااااااااااااات
انااااااااااااااااا





لوووووووووووووووووووووووووووووووووول

واي واي بعد قلبي
بردتاااااااااااااااااي قلب هالميمه
يااااااااااااربي ما يخليكم منهاااااااااااا







انا كاشخه ترا الحين بالدراعه المخمل الحمراااااااااااااا


شي شي شي شي

:*********************




استكاااااااااااااااااانه
عساها سنه سعييييييييييييده عليج





بوستج الي فات كنت بعلق عليه اليوم والا لقيت هالبوست




بوووووووووووووووووستج امس
شي رجعني عشر سنيييييييييين لي ورا لما كانت الدنيا بخير
و ابسط احلامنا حب راقي



انا الحين وصلت لي مرحله بالدنيا
مدري شنو ابي


وماعرف شنو النورمال !

QiYaDiYa يقول...

hhehheeheheh ;p

استكانة اشخبصتي !!!

الي يضحك
ان يدتج الله يطول بعمرها معاج على الخط !!!
;p ;p ;p ;p


طلعت حرتها بعد عمري ;p


اما على سالفة الكي نت !
عيل انا عكسسسج تماما
ماحبها
دايما اخلي فلوس بالبوك
و يطيرون اول ما ادخل البيت !
يا سبحان الله الكل مو ساحب ;p ;p


عيل من الحين اقولج
لا تروحين برجر كنج العديلية خدمة السيارات
ما عندهم كي نت !

مرة كنت رايحة اطلب
ابطل البوك مافيه فلوس
يا جماعة
والله عندي فلوس وين راحوا !!

جان اقولها اسحب و اييج
رحت اسحب جان اتذكر اني قاطتهم بالجنطة مو حاطتهم بالبوك
كالعادة يعني ;p

جان ارجع ;p


قلت هالسالفة بس عشان انبهج يعني ;p ;p

و على ولد عمج
الاسبوع الياي وديله هدية خليه يستانس ;D

حلم جميل بوطن أفضل يقول...

الزنجبيل هالأيام أنطع من الهيل

3BeeDo ;) يقول...

لووووول سالفه يدج عجيييبه :>
وانتي بعد طلعتي شيطانه تزلغين وايرات :P

الزين يقول...

وه وه وه

مت ضحك

فصلت

الله يسعد قلبج يا استكانه

مجابله اللاب توب واكركر

واللي خبرج حولي يتبوسمون

صار لي شكثر ما ضحكت هالضحك

انا انتي طلعتي خطييييييييرة


وتسوين تمثيليات بعد

ما تصورتج جذيه

يعلج العافية


:**

qesat_5ayal يقول...

LOL

إي والله يا بعد قلبي
يحترون، وبنظرنا ان حرتهم ولا شي

أمهاتنا ، يداتنا يكسرون خاطري
رضاهم عنا يسوى الدنيا

بس طلعتي منتي هينة
;P
زين تسوين






أقول استكانة
شفيهم اليدات يبون يزوجونا
P:

صبا يقول...

استكانه

ههههااااااي مت من الضحك
ضاع الريال من جيس اهله لا بالله
ابركت عليه
امبيه نجيم جنى على نفسه الاثول

ويدتج يا زينها الله يطول بعمرها ويخليها لكم
نوتتها تذكرني بنوتت يدتي
جنها طلاسم
بس قعدي وفججي الاحرف والارقام

الله يرحمج يا يدتي
تذكرت الحبايب بهالبوست
الله لايحرمنا منج ولا من سوالفج
الي ترد الروح

خوش شمس يا لون الغروب

:***

kazmawy يقول...

لووووووووووووووووووول
استكانة
لوووووووووووووووووووووول
يالمجرمة
لوووووووووووووول
والله عندج حركات
كااااااااااك
حرام عليج خربتى بيت الريال
لوووووووووووووووووووووووووووول

SheLLoO يقول...

أحب كلماتكِ الصادقة..
وتصرفاتكِ العفوية :)

أحسكِ طفلة ذات قلبٍ صافٍ كبير تفرح لمجرد رسم ابتسامة أو عمل موقفٍ مشاكس :)

حفظ الله جدتكِ وحفظكِ لها ;*

أدخلتي السرور على قلبي ;D

nikon 8 يقول...

كلشي عاد ولا أرقام التليفونات والمسمى الوظيفي عند كل إسم
:)
تصدقين عاد عندي بوست جاهز عن دفتر تليفونات أمي عزيزة وقاعدة أفكر أنزله وإلا لا
:)
خايفة يقولون قلدت إستكانه
:)

Sn3a يقول...

لوووووووووووول
لا مو صج يدتج ربي يحفظها
انا من قريت فلبينيه بنت حموله مت من الضحك
حتى استعيلت اخلص البوست


شوفي اهم الكبار مو مثله احنا نقول سايق وبس
اهم السايق يعلمونه يفهملهم مايحبون يتغير
يدي ربي يرحمه جذيه
والحين ابوي صار مثله
كلشي ولا السايق بالبيت

ويي جنج انا
اموت بالكي نت
حتى لما يكون عندي كاش
استخدم كي نت مادري ليشش


سلامه ظهرج

أبو لطيف يقول...

هههههههه

الله يسعدج

ويحفظج لاهلج ويحفظهم لج


لا تستهين بأحزان غيرك ايا كانت احزانه

حكمة

حفظك الله ورعاك

ZooZ "3grbgr" يقول...

والله يا نجيم يا انك بتعرف لون الكركم من لون ويهك لي صرخت عليك هالنسرة

يااااااااااااااااااااو

ههههههههههههههههههههههه
لوووووووووووووووووووووووووول

وربي قتلتيني ضحك
قاعده يم امي اقرالها وتضحك
دعتلج وايد

تقولي عسى الله يوسع صدرها ويعطيها من خيره

جان تقولي اي هذي البنات اللي تعرف تتصرف
مو انتي

لوووووووووووووووول

يبتيلنا الحجي
هههههههههههههههه


على فكره

صار شي مألوف عندي

أشوف البوست أقول وي استكانه رحميني

اقرا اول جمله الا خالصة

وربي عسسسسسسسسسسسسسل

:**

ZooZ "3grbgr" يقول...

على فكره

هذي اغنيتي

:")

`~MnO YeNSa! ~` يقول...

واااااااااااااي
اله ياخذ بليسج

مت مت من الضحك
مجابله
اللابتوب و اتكركر

ههههههههههههه


الله ياخذ بليسج
انتي
عيــــارة ترى
و مجرمة بعد

عفستي البيت
كله
من بنت الحمولة
الا ما قلتي
شسمها الفليبنية :Pp

وختيييي على يدتج
حبيتها يا حلوها
حبيلي راسها :*
يا ربي بركة
الله يخليها لج و يخليج لها
و تبردين جبدها

بس خفي المرة الياية
:P

امس طريتي على بالي
باقولج شي
:P
shshshhsh
:Pp

`~MnO YeNSa! ~` يقول...

تدرين امس سمعت
هالـ
song

بعرس و خنفتني العبرة

مو عادية
ترى
:(

انتي
:**
ذوووووق

Mok يقول...

الله يحفظها لكم
ماشاء الله عليج عندج قدرة جبيرة لتعبير

لؤلؤة يقول...

الله يخلي يدتج قولي آمين

Shaima'a Alkandari يقول...

يمه منج تحبين تسوين اكشن سمله عليج

ويدتج طلعت مثلج تحبون المقالب بس مو اى مقالب الجايده من نوعها

اهو زين تسووون فيه وبردتي قلب يدتج الله يطول بعمرها وجود الريال الحين مطلقته مرته


بس فكره جهنميه يتلج تصدقين




ويدتج ياحلاتها مره وحده سوتج بوليس






قولى امين





عسى الله يفرح قليبج وقليب يدتج

kandroz يقول...

لوووووووووووووووووول
ان كيدهن عظيم
صج بدعتو بالمره مسيجينه

يعطيج العافيه على نقل الحدث :P

ReLaaaX يقول...

loooooooooool

الله يرحمه .. كان خوش سايق





متأكدة يدتج مو يدتي ؟ والله لو مااني متأكده ماعندها سايق اسمه نجيم جان قلت اهيا



عاااادي ترى عاااادي .. احنا طباخها يتحجى مثلها طبييييعي جداً



عسى الله لايحرمكم منها ولايحرمها منكم

مركبنا يقول...

استكانه قريت موضوعج الصبح ومت من الصحك وجنى هبله كلما تذكرته اضحك

بدعتي بالناس

اتخيل المره وهيا تهاوش مع ريلها

وياحليلها يدتج وياج على الخط

|:| DUBAI |:| يقول...

kekekekeke

7abeebty walla

: )

Y7ron il5dm,, 5e9a Low eSt3b6Oo 3laiCh..o Shrdoo!!

Allah y9ber Yadootch Mskeena !!

o inShalla ayeeha ely a7Ssn mn NejaaiM ya rab : P

Purplecious يقول...

لووووووووووووووووووووووووووول

لوووووووووووووووووووووووووول

لووووووووووووووووووووووووول

استكانه و الله مو هينه يطلع منج

هههههههههههههههههه
هههههههههههههههههه
ههههههههههههههههههههههههه

واي انا بموت من الضحك

توني يايه من كويت ونوته يدتها العجيبة و ييت عندج عقب

موووووووووووو صجججججججججج

لووووووووووووووووووووووووول

اما عسى الله لا يطول شده
!!!!!!!!!!!

لوووووووووووووووووووول

قتلتيني

هههههههههههههههههههههههههههههه

حتى انا هذه حجوة امي و يدتي

لوووووووووووووووووووول

اي اي اي استكانه
غزووووووووووو

و يبيلنا من يحررنا

هههههههههههههههههههههههههه

وااااااااااااي بطني بس بس بس

بمووووووووووت

لوووووووووووووووووول

الخيلاء يقول...

مساء الخير كله :)

اليوم طول السياره و انا اغني لا يازينه لا يا زينه الزعل جايد علينا و ابوي يقولي يال مغبره من وين مطلعه هالاغنيه على ايامنا

بس احبها

و زين سويتي بنجيم ياعل ماكو نجيم
حر قلب يديتج بعد قلبي ماتستاهل

مستخفين هالخدم من ياخذون هالليسن هجو ديرتهم عشان ايون بمعاشات اقوى على ابو عنده ليسن كويتي

بس صج تروالي اليوم نجيم نام بقبره
لوووووووووووووووووووول
عيل هنديه و اتقولين لها سوي زواج فلبيني وايد حلو نحرته وزعت لحمه بالفريج


الله يطول بعمر يدتج
و يرزقها السايق السنع الي يبرد قلبها و يصوبن هدومه لي اده الضحى

:)

ســــــارة المكيمي يقول...

اتينييييييييييييييييييييين
ما قدرت امسك نفسي من الضحك

you are an amazing writer .. keep up the good job.

قلب طفله يقول...

لوووووووووووووووووول

بعد قلبي يدتج انقهرت بس زين
بردتي جبدها بنجيم لووووووول
احلى انتقام هيضتي عليه من لا يرحم :P
و بعدين ليش كل الخدم و السواق يحرون و يغثووون مرات ما يقعدني من القيلوله الا تحلطم يدتي على السايق اطرشه بشي اييب شي ماله علاقه و ترا مو يديد صار له 12 سنه بس
ينثول مرات :)))

عسى الله يحفظ اليده لكم و يحفظج لها و يفرحها فيييييييج عن قريب

:***

ENG.Sara يقول...

لووووووووووووول
اكشنااات :P
ذكرتيني بيدتي الله يرحمها :(
الله يخليلج يدتج ويعطيها الصحة
والعافية :)

terkwaz يقول...

لووووووووووول

ابدعتي والله

يازينج ويازين سوالفج

انا يايه اقرى البوست اللي قبله ولقيت بوست نجيم
ههههههههههههههههههههههههههههههههههههههههه

امبيه السواق حتى انتو تشتكون
امبيييه معاااااانااااه

لو تدرين شنو صاااار معانا


5 سواق
3 ماعجبتهم طلعاتنا
2 ينزرونا لووول تخيلي واحد يقول لامي لاتطولون زييييين بنزررره

لووول والحين بدون سايق بس انا صايره خوش دريول ادوي اخو لرفيجه اييب اغراض الجمعيه هههههههههههههه



زييين سويتي فيه هههههههه

اتوقع كروته بره البيت لوول


يدتج اتهببببل

بوسيلي راسها


الله يحفظها لكم

:**

esTeKaNa يقول...

SHAHAD
~~~~~~~~~
ياهلا ويا مرحبا بالشهد كله
اشلون طرت لي الفكرة؟
تصدقين مادري
!!
الظاهر اهي يوم نزرت فيني احتريت وطلعت استكانة الشريرة بروحها
:pP~
وعلى الكي نت
تخيلي اليوم الافنيوز ساعتين ماكو ولا كي نت تشتغل
تذكرتج
لاني توهقت
looooool
الله يسلمج
ما سوت علينا هالخيل
:)

esTeKaNa يقول...

Sweet Revenge
~~~~~~~~~~~~~~~
حلت دنياج يا الغالية
وااااي لا تقولين جذي تخرعيني
مابي ذنب احد كافي ذنوبي
:(
لا مالي شغل فيهم
ماحد قال حق مرته تنزر فيني
:Pp~
وبعدين ويني وين المرافعات
خلاص الماضي ودعته
:pP~

esTeKaNa يقول...

حسام بن ضرار
~~~~~~~~~~~~~~~~
بلاعيم عن بلاعيم تفرق
:Pp~
انا أوافقك الراي
ياربي كافي دونت كرسبي كريم
سحريه
مجرد ما تحطها بالحلج تذوب
سبحانك ربي
:)
بس الحلويات القديمه بالنسبه لهم تراث وماضي وذكريات عشان جذي لها حلاوة ثانيه بالنسبه لهم


الله يعافيك وحياك الله

esTeKaNa يقول...

كبرياء وردة
~~~~~~~~~~~~~~
ها شرايج فيني؟
ترا في سايد عيار فيني
يطلع بالمناسبات السعيدة
اي خدمه ترا بالشوفه
:pP~
امييين يزاج الله خير

esTeKaNa يقول...

zon
~~~~~
شكرا من اقصى القلب
من حطيت لي اللنك وانا مستمتعه
بعالم ثاني
شكرا شكرا شكرا
:)))
والله يسلمك ماقصرت
حياك الله

esTeKaNa يقول...

fankoshy
~~~~~~~~~~~~
وانته بخير وصحة وسلامة
:)

esTeKaNa يقول...

bin3li
~~~~~~~~~
يسعد لي صباحك وممساك

اوخ
اشلون طافت علي هذي؟
ههههههههههههههه
ومنكم نستفيد
ان شاء الله استخدم خطة حيلهم بينهم حق المناسبات الجاية
:Pp~

esTeKaNa يقول...

enter-q8
~~~~~~~~~~~
ياهلا ويا مرحبا يا بو وليد
صاج والله
اشهد انهم بركة
وترا المرة الكبيرة ما تسئل عن احد الا اذا صج حبته
ما يجاملون
فام صاحبك صج تحبك
انا يدتي يا بخته اللي تحبه
بس اذا ما حبت احد ...انسى تجامله
تلوي البوز وتعطينا جتف
:))))
وشرايك فيني وانا اطشر نجيم؟
هذي استكانة الجزء الثاني
:PP

esTeKaNa يقول...

lonDony
~~~~~~~~~~~
وانته بخير وصحة وسلامة
الله يحفظك يارب وحياك الله بكل وقت
:)

esTeKaNa يقول...

lawyer
~~~~~~~~~~
صديقتي الكريكرة المبتسمة
اهلا بك بعد الغياب
:)))
اشرايج فيني وانا شريره؟
عسى حسيتي بتأنيب الضمير شوي؟
هههههههههههه
ههههههههههههههههه
هذا كله قليل مما عندكم
:Pp~


وردا على تعليقج على البوست السابق:
مهما تغيرنا
مهما كبرنا
صدقيني..راح تظل أبسط احلامنا حب راقي
ولسه الدنيا بخير
:**

esTeKaNa يقول...

قيادية
~~~~~~~~~
ياهلا ويا مرحبا بقيادية الحب والفرح والجمال كله
:***
عاش من شافج
لاحظتي يدتي؟
تنقلني وعيونها كلها حجي
حسيتها صج مستانسه
:D~
وشكرا على النصيحة
رغم اني قريتها امس
الا اني رديت وتوهقت اليوم بالافنيوز
ساعتين ما تشتغل الكي نت
:(
بس بس لازم اصير خوش بنت واسحب واحط بالبوك
:)
وحيااااج الله

esTeKaNa يقول...

حلم جميل بوطن أفضل
~~~~~~~~~~~~~~~~~~~
ماحبه
!!
حااار وطعمه ما يوز لي
شكرا على النصيحة
:P~

esTeKaNa يقول...

3DeeDo
~~~~~~~~~
اي شيطانة وقت الضرورة
:)
حياك الله

esTeKaNa يقول...

الزين
~~~~~~~
وي يا زين اللي تكركر وتتضحك
:**
تحياتي لكل المبتسمين حولج
:)
شرايج فيني؟
هذي نزعه اجرامية طالعه فيني على كبر
:Pp~
يا عساج دوم تضحكين وفرحانه
وزيون ذكريني بقولج حلم
احس ابي اعرف تفسيره
ياااارب ما انسى
:**

esTeKaNa يقول...

qesat 5aYal
~~~~~~~~~~~~~~
هلا بقصة الخيال الجميل
:)
اي ماني هينه في سبيل اسعاد من احب
:Pp~
وإجابة على سؤالج ليش يبون يزوجونا
لأن ببساطة بدينا نصير عاله على المجتمع اذا احنا اساسا للحين ما صرنا
:pPP~
وعلى قولة يدتي:
الله لا يطول شدة
:)

esTeKaNa يقول...

صبا
~~~~~~
ياهلا بالصبا والجمال كله
:)
تهقين بركت عليه؟
ههههههههههههه
يا فرحة يدتي
:Pp~
ماحد قالهم يصكونه بويهي وينزرون فيني
كيفهم
:)
الله يرحم يدتج الغاليه
عساها بجنات النعيم
وعسى ربي لا يحرمني من مرورج الجميل دائما
:*

esTeKaNa يقول...

Kazmawy
~~~~~~~~~~~
أنا مجرمة؟
دة انا غلبانه يا بيه
ههههههههههههههههههه
ههههههههههههههههههههه
انا ما خربته
اهو جنى على نفسه
:Pp

esTeKaNa يقول...

SheLLoO
~~~~~~~~~~~~~
بل تعليقك الجميل
الصادق
هو الذي ادخل السرور على قلبي
واخجل كل كلماتي
:)
شكرا لمرورك العذب
كوني دائما قريبه من استكانة
:**

esTeKaNa يقول...

Nikon 8
~~~~~~~~~~
ياهلا وامية هلا
لا افا عليج نزلي البوست
انا من هذا المنبر اقول ترا انتي ما قلدتيني
الموضوع كله توارد خواطر
وشوفي كويت نزلت بوست بعد
:)))

esTeKaNa يقول...

sn3a
~~~~~~
ياهلا بالسنع كله
:)
انتي بس لاحظتي انها بنت حموله؟
انا عيل ضحكتني لما قالت قولي لها يا المصعويه
!!
يدتي عبالها ان الضعيفه مو حلوة
موضه قديمه
الحين العصله عز الطلب
:Pp~
وصاجة...الكبار يرتبطون نفسيا بالسواق والخدم وعليه عليهم
:)
والله يعينا على مشكله الكي نت
ترا مشكله
!!
لازم نعود روحنا نشيل فلوس ويانا
يالله يا سنعه لابد من التغير باتجاه الكاش ولا للكي نت
:)

esTeKaNa يقول...

أبو لطيف
ّّ~~~~~~~~~~~~~
يا عساك دوم فرحان ومبتسم يا ابو لطيف
:)
امين ويزاك الله خير
وعسى الرحمن يحفظ لك كل غالي تحبه
حياك الله

esTeKaNa يقول...

ZOOZ
~~~~~~~~~~
Haahahahahahhahahahhaha
loooooooooooooooooooooool
والله ضحكتيني
صاجة الحين بيعرف لو الكركم
!!
يا بعد قلبي قلبها خالتي اللي تسمع البوست
سلامي الحار للوالده العزيزه
حبيها على راسها قولي لها من بنتج استكانة واي خدمات ترا حاضرين
هههههههههههه
وزوز
اذا عندج رغبه واهتمام ما عندي مشكله اسوي دورات خصوصيه
:Pp~
ياااااربي يا زوز
ادري البوستات طويله
بس طولي بالج علي
والله يطلع مني يطلع
:pP~
وحيااااج الله
اشلونج ويا العمر اليديد ؟
صار لج ثلاث ايام وانتي وياه
عسى يايز لج ومرتاحة
:pP~

esTeKaNa يقول...

zOOZ2
~~~~~~~~~
الاغنيه اغنيتي
عن المخامط اهووو
:pp~

esTeKaNa يقول...

MNO Yensa
~~~~~~~~~~~~
أنا عياره ومجرمة؟
حراااام عليج
شوفيني شوفيني وانا اسوي لج الويه المسكين
:(
دة انا غلبانه يا هانم
Pp~
يا بعد قلبي قلبج انتي
امين ماقصرتي
وان شاء الله ما تنسين ذكرتيني بشنو
عشان تقولين لي
:)

esTeKaNa يقول...

mok
~~~~~
آميين
وقدرتي على التعبير شي جميل او لا؟
:)
باعتبره مدح
وشكرا شكرا
حياك ا لله يا موك

esTeKaNa يقول...

لؤلؤة
~~~~~~~~
آمييييييين
:)

esTeKaNa يقول...

shaima
~~~~~~~~~~
هلا بالشيما
هلا بشيخة الكندري كلهم
:)
تهقين انا طالعه على يدتي بالمقالب؟
:Pp~
يا بعد قلبي ياشيما
اميين واجمعين ان شاء الله

esTeKaNa يقول...

Kandroz
~~~~~~~~~~~~
الله يعافيك وحياك الله الساعه المباركة
:)









reLaaax
~~~~~~~~~~
تهقين مات؟
لووووووووول
تهقين يدتي يدتج
ونطلع بنات خاله
:Pp~

esTeKaNa يقول...

مركبنا
~~~~~~~~~~
حيالله مركبنا
:)
قولي امين
عساج دوم فرحانه وتضحكين
!!
جني عفست بيتهم؟
كيفهم كيفهم
عيل اشلون؟
يحرون قلب يدتي
وينزرون فيني؟
ما يصحش
:pP~

esTeKaNa يقول...

Dubai
~~~~~~~~~
امييين يا دبي
ما عندك سايق زين بدبي تطرشونه لنا؟
:PP~

esTeKaNa يقول...

purplecious
~~~~~~~~~~~~~~
يمة يمة منج
بس هذي اللي مست قلبج؟
ههههههههههههههههههه
هههههههههههههههههههه
ما الومج
انا اكسر خاطر روحي
كاااااشخة
وشاخطة ذاك الكحل
ومرتزه
وتقولي الله لا يطول شدة؟
ابد احس انا
وغزه
اهم مشاكل العالم الحين
ههههههههههههههههههههههه
شنسوي يا بربل؟
عسى ربي لا يطول شده
قولي امين
امين بسكات ماحد يسمعج الا انا
هههههههههههههههههه
حياج الله
:**

esTeKaNa يقول...

الخيلاء
~~~~~~~~
يا مسا النوير
:)
تدرين شنو المقطع اللي احبه؟
لما يقول شتمنى
شتمنى
غير وصلج يا حياتي؟
احسه يسولف ويا بيبي مو ويا واحده يحبها
بساطتها تدش القلب هالكلمات
:))
وبالنسبه لنجيم
فحسافه
ما يطلعون لنا وفيات الهند
هههههههههههههههههههه
اميييين ويزاج الله خير
لو يدتي تسمع دعائج
راح تحبج من قلب
لان اللي دعيتيه هذا اقصى احلامها
:*

esTeKaNa يقول...

سارة المكيمي
~~~~~~~~~~~~~~
يا عسااااج دوم فرحانه وتضحكين
تو ما نور البلوق كله
:)

esTeKaNa يقول...

قلب طفلة
~~~~~~~~~~~
ياهلا ويا مرحبا بقلب الطفلة
انا اقول
عسانا ما نصير خدم عند يداتنا
ههههههههههههههههههه
ترا الخدم ينثولون من الحنة
ومن كراف القلب
ترا العيوز اذا كبرت تصير حنانة وتستعسر مرات زين تلقين خدم يتحملونهم
:)))
واخرتها كلنا بنصير عيايز
وباجر يا قلب طفله حفيدتي تكتب بوست تضحك علي
:Pp~
حيااج الله

esTeKaNa يقول...

ENG.SARA
~~~~~~~~~~~
حيالله المهندسه ساره
:)
عسى ربي يرحم يدتج
وعسانا بجنات النعيم يارب







Terkwaz
~~~~~~~~~~
ياهلا ويا مرحبا بتركواز
هاليومين تبعو وياي بسرعه
ترا منفحته شهيتي اسم الله علي على البلوق
:))
هاو
!!
سايق ينزر يقول لا تتأخرون؟
يااااربي شنو هالحاله
هههههههه
وعفيه على تركواز الشاطرة
كلنا نمر بمرحلة بحياتنا نشتغل فيها سواق
:Pp~

ShLaLaT يقول...

لوووووووووووووول استكاااااانه الشييييطاااااانه


نجيييييموووووو قلعته زين تسوين فيه لول
مسكيين

شوقتييييييني على الخيل
على استانستي ؟؟؟

الله يونسج بالعافيه

:**


ولهانه عليج

جنون إحساس يقول...

طلع مو هين بعد نجيم هذا
ههههه صج بوست طريييف يعدل
المزاج المصاب بالبيات الشتوي
:P

الله يخلي لج يدتج ان شالله ويبلغها فيج
ويطول بعمرها

.
تصدقين عاد نفس الخطة اتبعها ويا يدتي دايم أقولها تسولفلي عن ماضيها وأهم شي إني اقولها هااااه يما عودة يقولون إنج كنتي معذبة نص شباب الفريج صج عاد؟

لا تشوفييينها واهي تافخة روحها
^_^

والله بركة البيت يداتنا

ARTFUL يقول...

صج متأخر بس الابتسامه ما فارقتني من اول البوست لييي آخره

-----

الله يهنيج فيها ديري بالج على يدتج ولا تخلينها

سئلي من فقد كل يدانه

عسى الله يطول باعمارهم ويخليهم لكم ويخليج لهم

=)