الاثنين، يوليو 14، 2008

:)


(1)
بعد غيابي المتكرر في زوارتها
ارسلت لي انذار رقيق يعبر عن عتبها
ايام وتسافر جدتي عسى ربي يحفظها
وقبل سفرها...لابد ان تحتفل بأحفادها
رغم اني تجاوزت كل مناسباتها
الاانها اصرت ان اكون اول من ياكل كيكتها
فديت طيبتها وحنانة قلبها
:*
وهذي كيكة حفلتها

(2)

يطرق الباب ويسئل

استكانة افتح الباب؟

يا زين ابوي وذرابته:

ادخل ابوي انا قاعده

يفتح الباب ويبتسم:

الأخت مأجره عندنا؟

طلعي شربي معانا قهوة ..جاي

قولي اشلون ابوي وامي

!!

اشفيج؟

شصاير بالدنيا؟

تدخل امي معانا على الخط:

يا بنيتي حمدي ربج في ناس تطق عليج الباب تقول اشفيج

انتي بنعمه ودلع ولا في شي يسوا هالبوز

!!

لمت نفسي على وجودي في غرفتي وحيده ايام

الكآبه كالسعاده...شي لنا يد في خلقه والعيش فيه

لكل من سئل عني ..أنا بخير الحمدلله

الظاهر يايتني مراهقه على كبر

:pP~

اهم شي ابوي يسئلني محاولا فتح حوار:

اشلون البلوقات والبلوقين والبلوقرز كلهم؟

سلمي عليهم سلام جثير

ومن ابي اليكم ...اجمل سلام

:)

(3)

شابكة واذني مع فوز دريع

اتصل واحد صوته مبحوح من الألم:

دكتوره انا عصبي عصبي

من كثر ماانا عصبي مرات ما اقدر اروح الدوام

اقل شي يخليني اعصب واصارخ

!!

الدكتورة تتعبر

تتنهد

تعطيه واحده يا عيوني

ثم

حل الدكتورة العبقري:

اول ما تحس انك معصب

ادخل وانته بكرامه اقرب حمام

طالع المنظرة وصب حولة

تالي غن :

هابي بيرثدي تو يو

هاااابي بيرثدي تو مي هابي بيرثدي تو يو

!!

يالله شنو الحل عبقري

ومنا لكل واحد عصبي

:Pp~