الأربعاء، ديسمبر 31، 2008

أنت البدايات

عيونك آخر آمالي
وليلي أطول من اليم
كيف القى كلام عذب
يوصف دافي إحساسي
.
.
.
لي صار ليلك اطول من اليم
وذاب بدفا احساسك..كل الحكي والهمس
وكانت عيونه اخر امالك
وين بتبتدي آمالك؟
.
.
.
أنت البدايات....وآخر ساحل ومينا
...وانتهينا
عند أجمل حقيقة
وطوينا
من الحزن سنينه
وبنبدي بالفرح
يوم آخر
.
.
افتحي خزائن قلبك
وارتدي أرق أثوابك
فوق عالي السحاب
وسط كل القلوب
ارقصي على نبضات الفرح
ورسمي بكلماتك الدنيا بكل لون
.
.
باكر يوم آخر
ويا باكر اللي أجهله...أرقتني الأسئله
وابطى العمر يستعجلك
!!
باكر بداية ...وأنا اعشق البدايات
حبلى دائما هي بالمفاجئات
.
.
ودعت ديسمبر هنا
وفتحت يدي لعمر آخر
ممكن؟
.
.
خذني بيدي
معك أبتدي
آن الأوان
انسى اللي كان
حتى لو طال الزمن
لازم أوصل للربيع
قبل ما عمري يضيع
.
.
.
أشعر بروقان صباحي غريب
!!
نعمة ان تستيقظ دون منبه يجبرك على تحدي نفسك
اليوم:طوفت الدوام ونومت ضميري على وسادتي الأخرى
ضميري طفل عسر يتعبني عشان ينام
ومع هذا نومته
:)
اغلقت الهاتف هربا من اي اتصال شارد يبدد الغفوة
استيفظت بملأ ارادتي دون ان يجبرني احد
صبحت على قلبي بالفرح...ودعوت نفسي لفنجان قهوة في مكان ما
تركت رساله لامي بأني هناك بصحبه نفسي
دعت لي بالعقل كالعاده
واضحكتني
!!
هناك....رافقتني غيوم هذا الصباح
ووعدتني نسماته بيوم جميل
نثرت أوراقي حولي....كتبت وكتبت حتى استراحت نفسي
احساسي اللحظي:
أنا لي مكان
بين النجوم
فوق السحاب
أغسل بألون الفرح
كل العذاب
.
.
.
.
لما نربط كل خططنا بالبداية؟
هو في رمضان سينتظم بصلاه المسجد
وهي بعد الحج سترتدي الحجاب
وهم جميعا سيبدوأن رجيم يوم السبت
ومن تغيرت العطلة،فقدنا التوقيت بالنسبه للرجيم
:Pp~
اشرب قهوتي معي
وتقاسم معي جنون وروقاني
وافتح لي قلبك وقل لي:
ماذا تنوي في بداية هذه السنة؟
.
.
.
.
أنا قررت اليوم اني لن انتظر الغد
من رفعتها عزتها عن ارضاء زعلي ارسلت لها:
اذا تقوى انا ما أقوى...ترى الدنيا ولا تسوى
أحيان..مو مهم فينا من يخطي
المهم نبقى خوات مهما اخطيتي بحقي
!!
وجدتي التي بدعت في تطويف زوارتها اتصلت عليها
وعدتها بافطار صباحي في الوقت الذي يناسب موعد غسيلها للكلى
شفقتها علي تشعرني بألم يعتصرني
وانا بالحب نويت ادلل ايامها القادمه معي
!!
ارسلت لعمتي رساله...اطمنت على قلبها ودنيتها
تركت لاختي هديه هذا الصباح
تطمنت على مشكله اخي بالدوام
والآخر...شريت له ابجوره بدل تلك التي كسرها
لا اعرف لما انا اقوم بكل هذا اليوم؟
احساس غريب:
اسعاد من حولك يسعد قلبك
وكلما شعرت بفيضان حب وحنان في روحك تذكر:
خيركم خيركم لاهله
!!
.
.
تنهيده
وبقايا سكر في فنجان بارد
انتهينا؟
لا ما انتهيت....
توي معك يا اجمل العمر ابتديت

هناك 57 تعليقًا:

ZooZ "3grbgr" يقول...

بوست ولا أروع

استكانتي الغالية

نويت مثل ما نويتي

وربج كريم يقدرنا

انتظريني في المساء

:")

بس يقول...

كل عام و انتي ومن يعز عليج بالف خير و صحة و سلامة

Someday يقول...

بعد كل هالكلام
..ما بقى شي ازيد
يجعل بداياتج نور على نور
:*

abu eldestor يقول...

رجيم يوم السبت
موضتج قديمة
الحين صار يوم الأحد

كل عام وأنتي بخير

Sweet Revenge يقول...

عيونك آخر آمالي"
وليلي أطول من اليم
كيف القى كلام عذب
يوصف دافي إحساسي"


احبها

كل اجازة وانت سعيدة :)

Kaadi يقول...

ما أقول الا جعل أيامنا و ايامك كلها حـــب X حــــب يا رب :)

لأن معاه الدنيا تصير احلى و 2009 منورة يارب:)

موفقة يالنطااعة لول

عثماني يقول...

دوما انتي انسانة

قبل ان تكوني مبدعة

حفظك الله


:)

أحمد الحيدر يقول...

والله زين سويتي اخيتي استكانة اللي طفيتي التلفون ونمتي ..

انا اليوم مسوي مثلج :)


بداية البوست مميزة .. عيونك اخر امالي روعة ..

والموضوع كالعادة خفيف وجميل ..

الله يعطيج العافية وعساها سنة خير :)

Sn3a يقول...

انتي تستاهلين كل الخير
ربي يكتلج محبته ورضاه وتوفيقه يارب
ويبعد عنج كل العثرات ومسببات الاحزان ان شاءالله

ارتاحي
الدوام مايخلص
مافيها شي ان نمتي وقعدتي على راحتج

نهايه اسبوع سعيده

7osen يقول...

إستكانة
ومزاج رايق
وكلام من القلب





إنتي غير



كل عام وإنتي بيضاء نقية

لك كل الامنيات الحقيقية
الله يوفقج

Q8EL5AIR يقول...

دوووووم كبيرة يا استكانه :)


واتمنالج في 2009 م ، ان تتوزع هالاستكانة بكل مكان ..


ويزيدها سكر وحلات على ماهي فيه ..


ويخدرها لتكون اطعم ..


ويزيدها سعرا لتكون اغلى ..



وتكبر وتصير قوري .. و تييب استكانات اصغار :)




وتحياتي ..

ويسلمواااااااااااااااااااااا :)

SHAHAD يقول...

استكانة
حسيت كلماتج تطير وانا اطير معاها
لوول مادري بس حسيت بروقانج وبسعادتج
الله يديمها عليج ياارب

ولد الديرة يقول...

خل يروح لا زحمة

الله يعين اهل غزة وغيرها من المناطق المنكوبة

ناس تهز وسطها الليلة وناس تهتز فيها بيوتها

اذكروا الله واحمدوه على نعمة الأمن والأمان لا يخفس فينا رب العالمين فالفتنة لا تصيب الذين ظلموا فقط

كل عام وانتم بخير :)

swan.beach يقول...

اووقف واصفق ع الكلام

جكجكجكجكجكجك

استكانه ابدعتي جد

الله يرزقج باللي تتمنينه

وعساها سنه خير وسعاده

لج ولكل من يعز عليج

:))

darkness يقول...

مساج الله بالخير يا استكانة كل الخير

الله يهينيج و يرزقج الخير كله و يعينج على الوصل و يتقبله منج


كل سنه و انتي سالمه

:)

بنت الشامية يقول...

استكاه شهادتى فيج مجروحه
انت اديبتنا القادمه
عن قريب ان شاء الله نشوف انتاجج بكتاب

كل سنه وانت طيبه يا اعز اخت

أبو لطيف يقول...

عنوان التميز

والابداع طريق تخطيه للاخرين


احسنت

جزاك الله خير

حفظك الله ورعاك

الزين يقول...

على قد ما اسعدتي قلبي هالمسا بلقاءنا

على كثر ما احبج يا استكانه


كان الشعور مختلفا

والبوح مختزلا

والأرواح متقاربة لدرة الإندماج


:*


الله يحفظج يارب

Felipe يقول...

Hi esTeKaNa, I wish you a Happy New Year from Madrid

esTeKaNa مرحبا ، وأتمنى لكم سنة جديدة سعيدة من مدريد

Enter-Q8 يقول...

ثالث مدونة حاطه محمد عبدة
يبدو انه نهاية مزاج 2008 لهالسنة

كل عام و هو افضل من اللي قبله

Najmah يقول...

مساءاتج ورد وبخور
:**

احلى شي بالدنياااااا
لما تقومين على راحتج بدون المنبه اللي يوترج ويفززج كل خمس دقايق
امس تعمدت انام بدون لا اضبط المنبه
الساعه 7 الصبح ايي ابوي
يقعدني واغطي ويهي مابي اقوم
يرد 7 وربع
نجمة يالله قومي
اغمض عيوني حيييييل مابي اجاوب
يرد 7 ونص
يالله قوومي عندج محاضرة 8
اقول له 8 ونص
يقول لي مافي محاضرة 8 ونص
:P
بغيت ابجي يبا مو من صجك تناقشني وانا نايمة
:(
قتله بس ابي اناااااااام
ورديت غطيت ويهي
:Pp
.
.
استكانة
احب احساس المبادرة
احلى احساس ينعش اليوم
ننسى كل الضيق والزعل
ونترك كل احاديث النفس
ونمد ايدينا للناس اللي نحبها
بهاللحظة
كل ترسبات الهم اللي بروحنا تختفي
وتحل محلها راحة مو طبيعية
:)
سعادتنا بالعطاء
بتقديم الحب والمشاعر الدافية
سعادتنا لما نرسم ابتسامتهم
سعادة مختلفة ماتعادلها سعادة
:)

.


.



كل عام والفرح دربج
ربي يملي كل لحظاتج سعادة
ويوفقج بكل خطوة صديقة قلبي
:**

Mamloo7a Q8ia يقول...

حبيبة قلبي
كل عام وانتي بالف خير
وعساها سنة خير وصحه وسعاده
عليج وعلى اهلج وكل من تحبين


البوست اكثر من روعه
خليتي اهل مدريد
وعنهم فيليبو يزورونج
ويهنوننج بالسنه اليديده
:))


اشعليييج
:P

طلعتي من المشاهير
هههههههههههههه
محنا قادرين نلحق عليكم صراحه

كبرياء وردة يقول...

احلى احساس انج تقومين من الصبح رايقة
لان هذا ينعكس على باجي يومج
خوش خطوة خذيتيها،
لان الزعل كل ما طال المحبة قلت بالقلوب
خلج انتي الاكبر والاحسن

الله يخلي لج يدتج ولا يحرمج منها ويعطيه الصحة والعافية

مركبنا يقول...

مزاج عجيب في بداية السنه


صح والله لماذا دائما ما نعلق بداية الامور مع مواقيت قادمة مع ( الحج -رمضان - السبت او الاحد - بداية السنه بعد العطله - قبل العطله )

اعتقد ان ماكو عزمية

الشعر عجيب قلت ماشاء الله عليها
بعدين استوعبت (:

قلب طفله يقول...

يا حبي لج يا استكانه

كل سنه و انتي طيبه و مرتاحه

عسى الله يحفظج و يسعدج و يحقق امانيج

:***

ميرامار يقول...

كل عام وانت بخير استكانة

nikon 8 يقول...

كلام جميل كالعادة ونوايا وأفعال أجمل الله يتمم عليج عقلك ... آمييين
طمنينا على قريبتك المراهقة إشصار عليها ... عساها تسنعت مع السنة الجديدة ؟
عساها سنة خير ومحبة عليج وعلى جميع أحبابك
:)

صبا يقول...

بعد قلبي يا لون الغروب

مسائج طيب وعود

مسائج خير يارب

كلمات كلها ابداع وتفائل

تسلم ايدج

:)



كل دقيقه وانت بخير يا استكانه

عساها سنه مليئه بالافراااح

وسنه سعيده وكلها تفائل

ويجعلها ربي سنة خير ومحبه على الجميع

ويحقق أمانيج

ويرزقج بولد الحلال

الي يصونج ويقدرج

ياااااااااارب

ونشوف استكانات صغار يسرحون ويمرحون

بالبلوقات ..بس هاااا مو تطرشينهم

علي الصبح وانا نايمه على بو عندج

دوام

؛)))


والله يبعد عنج الحسد

والحزن والكدر والضيقه

ويبدلهم بفرح دائم وسعاده وتفائل

حبيبتي
أحبج وايد وايد
:***

esTeKaNa يقول...

zooz
~~~~~~
يا هلا بالغاليه
صاحبة الميلاد الذهبي
يقولج خالد الفيصل:
نوى القلب نية
ما نواها لأحد غيرك
نوى القلب يمشي لك
على السمع والطاعه
:)
تذكرت الكلمات وانتي تقولين:
نويت مثل ما نويتي
:Pp~
انتظرج في المساء والصباح
جم زوز عندنا
:*

esTeKaNa يقول...

بس
~~~~~
وانتي بخير وصحة يا الغاليه
الله يسعدج دوم
:*

esTeKaNa يقول...

Somday
~~~~~~~~
نور على نور
!!
يا زينها من كلمه
شكرا ...ولا تقاطعينا
:)

esTeKaNa يقول...

abu aldestor
~~~~~~~~~~~~~~
تصدق انا من غيرو الاجازه لي يومك متدودهه
!!
كل سبت اقرا سورة الكهف
وادعي قبل الاذان
عبالي يوم اليمعه
:Pp~
وانت بخير
:)

esTeKaNa يقول...

sweet Revenge
~~~~~~~~~~~~~~~~
اهي تنحب
خوش اغنيه سنعه
:Pp~
وانتي يارب اسعد
:)

esTeKaNa يقول...

KADI
~~~~~~~
تذكرين اغنية رهيب؟
جوري ونرجس وكادي
جرحي بقربك يطيب
رهيب والله رهيب
:pP~
اميييين
من غير الحب الدنيا مالها معنى يا الكادي
:)

esTeKaNa يقول...

عثماني
~~~~~~~~
أخجلتم تواضعنا
:)
عسى ربي يحفظك ويسعدك يا عثماني

esTeKaNa يقول...

أحمد الحيدر
~~~~~~~~~~~~
يا هلا ويا مرحبا بأحمد
:)
عفيه عليك
مثلي بادين الاجازه مبجر
:Pp~
امين
عسى ربي يحفظك ويسعدك يارب
واهلا بك دائما بينا
:)

esTeKaNa يقول...

SN3A
~~~~~~~
السنعه...سنعه
!!
حتى الكومنتات مالتها سنعه
:)
يا بعد قلبي قلبج
عسى ربي يسعد قلبج ويفرحج
قولي امين
:*

esTeKaNa يقول...

7osen
~~~~~~~~~
يا ليت...اكون بذاك البياض والنقاء
!!
اخجلتم تواضعنا
:)
الله يحفظك ويسعد قلبك الطيب دائما

esTeKaNa يقول...

q8al5air
~~~~~~~~~~~~
ياهلا ويا مرحبا
:)
شنو هالأمنيات الجميله المبطنه بكل خير
:Pp~
ونستني
!!
الله يونسك بالعافيه ويفرح قلبك دوم

esTeKaNa يقول...

SHAHAD
~~~~~~~~~
احلى احساس الطيران
ولا شرايج؟
يا بعد قلبي
عسى ربي يسعدج ويفرح قلبج دوم
:*

esTeKaNa يقول...

ولد الديرة
~~~~~~~~~~~~~
الحمدلله
الحمدلله
ممم
ليش حسيتك تزفني يا حافظ
:pP~
لا احنا الي سهرنا
ولا مودينا احتفلنا براس السنه
:)

esTeKaNa يقول...

swan beach
~~~~~~~~~~~~~
أوقف في نص المسرح
وانزل راسي:
شكرا شكرا شكرا
وارسل لك قبلاتي وتحياتي
:***
ترا انا احب التعليقات العفويه
يا بعد قلبي قلبج
امين واجمعيييين يارب
وكل العمر وانتي بخير وصحة وسلامة

esTeKaNa يقول...

darkness
~~~~~~~~~~~
يمسيج بالفرح والنور والراحة
:)
يزاج الله خير
واجمعين ان شاء الله

esTeKaNa يقول...

بنت الشامية
~~~~~~~~~~~~~
شيخة الشامية
كل ما قلتي اديبتنا القادمة احس باحساس مفرح غريب
!!
دايما تشجعيني
الله لا يحرمني من تواصلي معاج يا الغاليه
وانتي بخير وصحة وسلامة
عساها تكون سنة خير لج ولكل من تحبين
:*

esTeKaNa يقول...

أبو لطيف
~~~~~~~~~~
أخجلتم تواضعنا
!!
كلام كبير يا ابو لطيف
من شخص كبير عند الكل
الله يحفظك ويسعد قلبك وروحك يارب
:)

esTeKaNa يقول...

الزين
~~~~~~~~~
هلا...بالطيب الغالي
عزيز وشوفتك منوة
ترا ما جا على بالي
أشوف عيونك الحلوة
هلا بالطيب الغالي
هلا بالطيب الغالي
:***
هذي انا من الفرحة اغني لج يا الزين
عسى ربي لا يحرمني من نورج بحياتي
:**

esTeKaNa يقول...

Felipe
~~~~~~~~~
من مدريد؟
يا اهلا ويا مرحبا
شكرا
اتمنى لك سنة سعيده وجميلة
:)

esTeKaNa يقول...

enter-q8
~~~~~~~~~~~
اي محمد عبدو مسير علينا اليوم كلنا
:Pp~
شكرا يا بو وليد
كل عام وانت تنور مدونه اختك ا ستكانة
:)

esTeKaNa يقول...

Najmah
~~~~~~~~~
يمة يا زين اللي تغطي ويها وما تناقش
!!
تصدقين انا ابوي يحرني اذا قعد يسولف وياي وانا نايمة
ليش يحطني جدام الامر الواقع ويقولي اني خلاص قعدت وطارت النومه
!!
بس تبين الصج؟
الله لا يحرمنا منهم
ولا من حنتهم علينا
:)))
فعلا يا نجمتي
احساس المبادرة منعش
مفرح
وللقلب مرضي


كل العمر وانتي صديقة قلبي وروحي
الله لا يحرمنا جمال هذا التواصل ومتعته
:**

esTeKaNa يقول...

mamloo7a
~~~~~~~~~~~
هلا بملح الجزيره كلها وملح الخليج
:**
وانتي بخير وصحة وسلامة
من اجمل انجازات هالسنه معرفتي فيج يا الغاليه
:)
احم احم
لاحظتي للي ياي يعايد علي يالله من فضلك
مشكله الشهره يا مملوحه
مو قادره الحق
:Pp~

esTeKaNa يقول...

كبرياء ورده
~~~~~~~~~~~~~
اللهم امين
!!
ويزاج الله كل خير
صاجة...بدايه اليوم تأثر على اليوم كله
عسى ربي يسعدج صبح ومسا
:)

esTeKaNa يقول...

مركبنا
~~~~~~~~~
يا عسى مزاجنا دوم رايق
:)
تعليق الامور
هذا يسمونه تسويف
اي شي تبينه
تحسينه
سويه الحين مو باجر
:pP~
ياريتتي شاعره
اخيييه بس
:))
حياج الله

esTeKaNa يقول...

قلب طفلة
~~~~~~~~~~~~~~
أحبك الذي أحببتني فيه يا الغاليه
عسى ربي يحفظج ويسعد قلبج ويزرقج اجمل من كل ما تتمنين
:**

esTeKaNa يقول...

ميرامار
~~~~~~~~~~~
وانتي بخير يا ميرامار
:)

esTeKaNa يقول...

nikon8
~~~~~~~~~
ياهلا ويا مرحبا
!!
كلمتها وشديت عليها وهددتها
البنت ميته خوف مني
انا بكبري خفت من نفسي
:Pp~
وان شاء الله تتعدل الامور مع الوقت
شكرا للاهتمام
:)
كل العمر وانتي بخير

esTeKaNa يقول...

صبا
~~~~~~
تعليق يفوح بخور
وعود
وريحه خنينه
عرفت ان الصبا قريبه
:))
ولك بمثله
كل ما تمنيتي لي اياه
عسى ربي يرزج مثله واكثر
أحبك الذي احببتني فيه يالغاليه
وبعدين اشفيج على الاستكاين الصغار؟
هذيله عيالي
اشلون يهنا لج قلبج تنامين وتخلينهم
غصب تحبونهم
Hehehehe
يا بعد قلبي يا الصبا
:**

that's iT يقول...

wde a9fg


a7s sh59ytch wayd feha mne:P

postch 3jbne a7saa aml ful:d

ur sis