الأحد، ديسمبر 21، 2008

إحساس اللحظة

ثالث قهوة
أقلام..وأوراق منتثره
هدؤ غريب
وتفكير متملل
.
.
منت رايق
فيك شئ ومتضايق
منت في طبعك ولا هذا مزاجك
.
.
.
اشعر بأن هذا المكتب يقيدني
واني اريد ترك كل شئ والعوده للبيت
ليس عندي استعداد لسماع أحد
ليش ابوي مسافر؟
وليش الخط مو راضي يلقط وياي؟
ليش الفكرة في بالي...وصياغتها مو راضيه تيي وياي؟
.
.
.
عندما نكون طيبين ..نحن طيبين بمزاجنا
بالحد الذي يرضي أخلاقنا
لكن مو غصبن علينا ترا
!!
عندما نبادرهم بالطيب
او...نرتقي بهم لعلونا
هذا لا يعني ابدا
اننا نشحذ مشاعرهم
.
.
انا مو بالمود
.
.
عمران يقول:
قهوة مو زين حق قلب مال انته
حقرته
عمران ابي ماي حار
يقولي ليش؟
ابي اسوي كابتشينو
عمران ياب لي عصير
يقولي بس قهوة
ياربي ....عمران شسلطه علي اليوم؟

هناك 37 تعليقًا:

عثماني يقول...

بلغي تحياتي و شكري للاستاذ عمران

و قولي له .. عدل شغلك يا عمران


استهدي بالرحمن .. و كل شي بتسنع بروحه

:)

Enter-Q8 يقول...

عمران بيدش معاي بالبلوج مالي
وهم بنطلع لك بحلم منتصف الليل


عالفكرة
القهوة التركية بدون سكر مفيده اكثر من اللي بسكر
هذي اخر دراسة قريتها و سالت عنها بما اني مدمن شاي وقهوة
اما احاسيس اللحظة
فهي تتبدل بعد ساعة
و لكن ان قيدتي نفسك بها ستظل مؤثرة على بقية يومك
اكسريها و بدليها

Kuw_Son يقول...

عمران شكله طبيب في ديرته لكن ما حصل له شغل هناك جان ايي هني و يشتغل فراش

يبي راحتج :)

esTeKaNa يقول...

عثماني
~~~~~~~
واصل واصل
تبي قهوة؟
اطلب قهوة ايبلك عصير
:Pp~









Enter-q8
~~~~~~~~~
ليش ليش؟
شمسويه لك انا
عمران ما ينطر منتصف الليل يطلع بكل وقت
:pp~
أنا مااحط سكر نهائي بالقهوة
احبها مره
ومعاها بسكوته ولا شي حلو وصغير
:)
شكلي بيب معاي دلة
:PP~

om comment kuwait يقول...

اعرف هالشعور ايضــــــــــــــايق
مو قادرة اتركزين و لا قادرة اتفكرين و لا شي
بس بالنهاية راح ترتاحين
جابلي البحر و راح تلقين كل شي تعدل و افكارج كلها اتصير بين ايدينج
---------------------------
:)
عيدج امبارك و عساكم تعودونه

abu eldestor يقول...

مو بالمود

وخري عن عمران وبيتعدل
المـــــود

Sweet Revenge يقول...

عندما نبادرهم بالطيب
او...نرتقي بهم لعلونا
هذا لا يعني ابدا
اننا نشحذ مشاعرهم



ايه هذا بلا بوك يا عقاب

الزين يقول...

منو مضاااااااايقج


بهد شغلي وبيي له


لا يضايقونج

يا ويلهم مني


:**

الزين يقول...

ايه ونسيت اقول


عمران شكله حبيب

خوش تي بوي


ذكرني بشغالتنا ميري


اذا ما اكلت تقول لي بعدين انت يصير مو هلووو

:)

|:| DUBAI |:| يقول...

ما في احد مرتاح

لا

ما في احد

!!

Mok يقول...

:) يبيلج تركيا جم يوم وترتاحين

bin3li يقول...

خذي زفييير
شلون؟
دربي نفسج
:P

SKY يقول...

...عندما نكون طيبين ..نحن طيبين بمزاجنابالحد الذي يرضي أخلاقنالكن مو غصبن علينا ترا!!

ايي والله الواحد لمن يكون طيب يكون طيب ابمزاجه و كيفه وفي وايد ناس يحاولون انهم يستغلون هالشغلة او يفسرونها على كيفهم ..

وكل واحد تمر عليه حالات يتعكر مزاجه فيها عادي على قواتهم هونيها وتهون انشاء الله ;)

وعمران مسكين خايف عليج فيه الخير والله احسن من الي عندنا الي تترجينا عشان اييب لج شي ولا فوق هذا يذلنا على ما اييبه ;p

nikon 8 يقول...

الله يفتح لك الخطوط الدولية ... ويفتح معاه المزاج... يرجع لكم سالم الوالد إنشاء الله
:)

Kaadi يقول...

صاج عمرااانو

الحمدالله لا اشرب قهههههوة ولا شاهي لووول


اي والله اي عصير احـــــــلى و اطيـــب

مرررررررحب

أحمد الحيدر يقول...

هونيها وتهون اخيتي ..

حسيت موضوعج كوكتيل .. بس لذيذ احب الكوكتيل :)

swan.beach يقول...

الدنيا ما تستاهل يا وخيتي
مو عاجبج الدوام اليوم لا تداومين روحي مكان ترتاحين فيه
قعدي مع الوالده وشبي الفحم وحطي الدله وشربي القهوه
والا اقولج
اخذي راحه اليوم من كل شي طلعي مكان من زمان ما رحتي له
كافيه قديم وتحبينه اتصلي على وحده من زمان مو سامعه صوتها
اي شي يطلعج من الحاله الي انتي فيها
اهم شي
تروقين يا قمر

Sn3a يقول...

زين يسوي عمران
يحاتي صحتج استكانه

we all have our ups and downs
لاتحاتين
احنا عارفين انج ماتنافسين الا نفسج
والافكار مو قاعده تروح الا عشان تخلي مكان للي احس منها

LonDonY يقول...

يالله انك ترد ابو استكانة بالسلامة



ولد خالتج الله يحفظه .. للحين يستخير؟

الخيلاء يقول...

بيعينا بالسوق يا استكانه

و صاج عمران لو معطيج حليبه ابرك لج

:*

Najmah يقول...

ثاني قهوة
والكتاب والقلم يمي
واوراقي تناديني اطل فيها
عندي امتحان
والحين وقت تسجيلي
وسايت الجامعة معلق
وكل مافتح وحطيت اضافة
يطلع لي
غير مسموح بالتسجيل في هذه الفترة
!!
:"(

Nescafé يقول...

ان شالله يرد الوالد بالسلامه
واتمنى يكون تعدل موودج

وانا اقول حطيلج
nespresso machine
عندج بالمكتب اريح واحلى ;P

Purplecious يقول...

يا كره التي بوي لا قام يتفلسف

والله لو انا مو بالمود و اطلب قهوه و ايبلي عصير بدال القهوه لا اكب العصير فوق راسه

بس صج القهوه تسبب رقعه بالقلب

مرتين باليوم كافي

:)

و بعدين انتي من صجج استحيتي من المزايين اللي بوستي؟؟

رايحتلي معلقه ببوست ثاني
!!!!!!

عاد قلنا حياويه بس مو جذي عاد

لوووووووووووووول

Kuwait يقول...

هالله هالله بالجاي والا اسمج استكانه ليش ;p

حسام بن ضرار يقول...

عمران فاضي و ما عنده سالفه

والله ما جاب روسنا طول هالسنين إلا القهوه

اذا الواحد الحمدلله متعافي من بلا التدخين، شنو يبقى له يعدل فيه راسه غير هالقهوه؟

انا القهوه التركية عندي من المقدسات

--------------

الله يرد لكم الوالد بالسلامه

SHAHAD يقول...

عمراان ! هذا شكله يصير لنا لوول مثل امي كل ما قلت لها مشتهية قهوة قالت شربي عصير
الطيبة شي رائع
بس ما احب لما الناس تستغل هالشي وتحسبنا مغفلين !

يرجع بالسلامة الوالد يااارب : )

ZooZ ZaibG يقول...

كل هذا من فراق الوالد الغالي الله يرده بالسلامة سالم غانم يارب

عيل لي تزوجت بنيتنا شكلها بتسكن ببيت ابوها ما تفارقه

:")



عندما نكون طيبين ..نحن طيبين بمزاجنابالحد الذي يرضي أخلاقنا لكن مو غصبن علينا ترا


صدقتي وربي صدقتي
كل ما شافوا طيب قالوا ساذج

وبعدين ترى عمران كلامه عدل
مو زين اكثر من مرتين قهوه باليوم
وسألي أمين تي بوينا
:p~~

كبرياء وردة يقول...

الله يرد والوالد بالسلامة
كلنا نمر بهاللحظات اللي نتمنى فيها نفارق كل شيء مألوف
انتي عدلي المود والفكرة تيي بروحها لا تحاتين

حبيته عمران، شكله طيوووب

فريج سعود يقول...

قهوة الصباح محد يقدر يمنعها حتى اكبر عمران بالدنيا

THE BOSS يقول...

انا من انصار القهوة دائما
لكن عمران معاه حق
وهذي كلمة حق

وعطني ولعه

الحارث بن همّام يقول...

تعوذي من ابليس وصلي عالنبي وما تشوفين شر

`~MnO YeNSa! ~` يقول...

لا لا
لا

عسى ماشر
!!
سمالله عليج
منو مكدرج

3 مرات
قهوة
مو زيــــــــن


سلمي على عمران و بلغييييه
سلام(ن) جثيــــــر
:pp

Fankooshy يقول...

lol
خايف على صحتج
مو زين كثرة القهوة
شكرا :)

esTeKaNa يقول...

kuw-son
~~~~~~~~~~
يلوق عليه طبيب
تفسير مقنع
:pp~








OM COMMENT KUWAIT
~~~~~~~~~~~~~~~~~~~
بالضبط وصفتي حالتي
ومن البارحة قريت تعليقج وطبقته عملي
جربي ستاربكس المنطقة الحرة وهدؤه
يرد الروح
:)










abu aldestor
~~~~~~~~~~~~~~~
صباح الخير
انا محاربة عمران اليوم
:D~









sweete revnge
~~~~~~~~~~~~~~~
فاهمتني
:)









الزين
~~~~~~~~
تدرين شنو احلى شي بالدنيا؟
احساس الانسان ان معاه ناس تحبه
الله لا يحرمني
:**
اذا ميري مو مخطوبه قولي لي
ترا انا مرات اصير خطابة انترناشنال
:Pp~











dubai
~~~~~~~~
صاجة
:)









MOK
~~~~~~
HEHEHEH
اي والله
:)
نور البلوق
الساعه المباركة









بن علي
~~~~~~~~~
خذيت زفير وعلّقت
مو شهيق بعدين زفير
ولا اخذ نفس واسكر خشمي
مادري تدودهت
:PP~














sky
~~~~~
اكيد تهون
بس حزتها كانت العساره موصله حدها
الله لا يحرمني من مروركم ووسوالفكم وياي
:)

esTeKaNa يقول...

nikon 8
~~~~~~~~~
إسم الله عليج
دعائج مستجاب
:)
يزاج الله خير















kadi
~~~~~~~
يا مرحب يا مرحب
:)
انتي عيل طلعتي صديقة عمران
:pp~






أحمد الحيدر
~~~~~~~~~~~
الحمدلله
اليوم انا تمام
كانت لحظات عساره وراحت
:)
ومرة ثانيه محنا صابين لك جاي على طول كوكتيل
:pP~


















swan beach
~~~~~~~~~~~~
يا زينها صديقتي اللي تعطيني اقتراحات جميلة
:)
شكرا من قلبي
البارحة رديت البيت ريحت
والمسا رحت مع صديقتي ستاربكس المنطقة الحرة...فرديت بمزااج رايق
الحمدللة
:)







sn3a
~~~~~~~
حبيت تعليقج
شنو اللي كان منرفزني حزتها
ان شغلي يتطلب تركيز ذهني
وكتابه
واللي تكتبينه يتعدل مليون مرة
مو قادرة اركز اكتب شي يرضيني بشغلي وبنفس الوقت ببلوقي فجأة تعسرت
!!
بس انا الحين صرت زينه
مادري ليش انطلق وياج
:)












loNdONY
~~~~~~~~~~
آمييين


ولد خالتي...شكله ماكو نصيب
ويبيني ادور
وانا مابي ادور حق احد
:)








الخيلاء
~~~~~~~~~~
عاد كل شي ولا الحاجة
اشتريج بالغالي يا الغاليه
:**










Najmah
~~~~~~~~~
بشري اشصار وياج؟
الله يفتح عليج يارب
:*

Najmah يقول...

ابيه
انتي ملاحظة اني احيانا ادش عرض عليج
:/
فتح قبل ربع من انتهاء وقت تسجيلي
وسجلت الحمدلله
:)
كيف انت اليوم؟
:**

esTeKaNa يقول...

nescafe
~~~~~~~~~
تصدقين خوووش فكرة يازت لي
:)









purp.
~~~~~~~
تصدقين وانا اقرا تعليقج اهو فوق راسي
مادري ليش فجأة خفت منه
لوووووووووووول
بعدين انا معلقه ببوست ثاني؟
اييييييييي
هذا الخداي بعينه وعلمه
والخداي الازود اني ارد على بوستج الاصلي
واقول وين تعليقي ما طلع
لووووووووول
مو مني
من عمرانو
ومن صور هالمزايين اللي حاطتهم
:))










kuwait
~~~~~~~~~
إسم مو على مسمي كلش
:pp~











حسام بن ضرار
~~~~~~~~~~~~~~
اذا القهوة التركية من المقدسات
عيل خلني اقولك
ناس موصيني على قهوة الرفاعي اللي بلبنان
شي بهيل وشي من غير هيل
عجيبه
:)







شهد
~~~~~
lol!
وااعليه عليهم
يخافون على صحتنا
الله لا يخلينا
:pP~
والله يسلمج ماقصرتي








zooz
~~~~~~~~
تهقين من فراقه؟
عاد اهو قايل شقه البيت بتكون حقي
:Pp~
وانا اليوم من الصبح مو شاربه قهوة
حاطة بابونج
احد يشرب بابونج؟
يختج عيوزه سمول
:))

















كبرياء وردة
~~~~~~~~~~~~~
حبتج العافية ماتقصرين
عمران ينحب
:P~
والحمدلله انا اليوم اوكي
وناطرة ايحاء الافكار ايي بروحها
:)











فريج سعود
~~~~~~~~~~~~
عاش بو سعود
هذا الحجي ولا بلاش
:)











The boss
~~~~~~~~~~~
القهوة تنعشق
وانت صاحب حق
:)








الحارث بن همام
~~~~~~~~~~~~~~
اللهم صلي على محمد وعلى ال محمد
الشر ما يجيك يزاك الله خير
:)










mno yensa
~~~~~~~~~~~~
انا كدرت روحي شوي
وصرت زينة الحمدلله
:)
يوصل سلامج يا الغاليه
كاهو يحوس فوق راسي
:)










fankoshy
~~~~~~~~~~~~
اي تصدق خايف علي
ولاحظت ما يسولف الا وياي
:pp~