الجمعة، نوفمبر 28، 2008

يا وردتي يا ندية

تراقب كل نظراته
وتفسر كل كلماته
ترقب حركاته
وتنتبه حتى لإيمائاته
دائما هناك قصد مخفي
وسر تبحث عنه مابين كلماته
تتكلم في غيابه:
شفتي اشلون يطالعني؟
انتي انتبهتي لنظراته؟
نظراته خبيثه
ما جنه ريال شكبره
يا حبه للبني

!!
وافكر...لما لا اشعر بذلك؟
نعم خفيف ويحب السوالف ولكن...اشعر بأنه حسن النية
لا يقصد شئ من وراء ذلك
.
.
.
في زمن سابق..وفي مكان آخر
أرى أخرى مكفهره الوجه غاضبه
تجمعنا مراية..هي تضبط مكياجها وانا اعدل بعض اموري
اسألها :
عسى ماشر يا فلانه؟
تجاوبني بضيق:
ياربي مو معقولين شباب الكويت
!!
احنا في مكان يفترض انه للعمل
ويفترض فيه اعلى مستوى من الشباب
بس ماكو فايده..خز وقله ادب ويلحقونج لسيارتج يا استكانة


وضعها لا يحتمل المناقشه
تركتها ومشيت...فهل معقوله كل شباب الكويت كخه؟
.
.
.
تطلب لي قهوة
وتخفض من صوتها
عيونها كلها كلام
تحذرني:
استكانة انتي بنت مو متزوجه
وصغيره بالعمر ما شفتي شي بالدنيا
ديري بالج من فلان وفلان وفلان
!
وابتسم...شكرا لنصاائحك الثمينة
واتركها وامشي
هناك خط رفيع مابين الطيبة والسذاجة
ولست من عداد السذج
.
.
والسؤال الذي يخطر في نفسي بعد كل حوار من هذا النوع:
لما نفترض سؤ النية في كل رجل يحاورنا؟
ولما نرمي عليهم الذنب في كل تجاوز لهم معنا؟
الاحتكاك بالرجل واقع يفرضه واقع دراستنا وعملنا
نحن من نضع خطوط لاسلوب التعامل معنا
عندما نفترض حسن النية ونتعامل برقي الأخ مع أخته لن ننال الا احترام يرفعنا
ومعزه تبقى في قلوبهم لنا
لا اطلب المثالية
نعم ..هناك من يتجاوز حده
ولكن لكل أنثى صفارة انذار تعلن اقتراب خطر
فاذا شعرتي بأي خطر، اديري دفة الحوار لصالحك
ذكريه بأن اخ لك
وبأنه من الجميل جدا ان تعرفيه على والدك واخوتك
سيخجل
!!
وان لم يخجل
انسحبي بهدؤ ورقي
دون ان تكيلين التهم هنا وهناك
فهو ايضا يحتاج لسمعه نقية
!
ثم قفي للحظة،وراجعي نفسك هل كانت نظراته من فراغ؟
احيان نحن كبنات نناظر بعضنا البعض
مكياج..الشعر..العطر
ان كانت تلك الأمور تلفت انظارنا نحن باتجاه بعض .
.فلما نلوم الشباب على نظراتهم لنا؟
ما يمكن ان نرتدية في افراحنا ومناسباتنا
من غير المناسب ان نظل نرتديه في اماكن عملنا ودراستنا
فهل ناظرت كل واحده منا ملابسها قبل ان تركض متجهه لعملها ودراستها؟
وهل لاحظنا كيف تغيرت مفاهيمنا حول الملابس
في زمن كنا نعرف فلانه لانها ترتدي بنطلون مع حجاب وكان شئ نادر
اليوم اغلبنا ان لم يكن كلنا اصبحنا نرتدي ذلك
في البداية لابد ان لا يتجاوز البنطلون وسع معين
مع الزمن اصبح كلما كان ضيق كلما كان اكثر اناقة
نحن نتغير وتتبدل نظرتنا حول الامور
ولكن..لابد ان نضع لانفسنا حد لا نتجاوزه
!
اضحكتني زميله كنا نتناقش حول موضوع الملابس والملفت والمثير للنظر منها
فقلت لها:
ترا كل مغطى ينشفي عليه
ضحكت :
استكانة يا العيوز الصغيره
شخباري كل مغطى ينشفي عليه
الحين المغطى ما ينطل فيه
!!
.
.
نرجع لموضوعنا
سبب آخر لتجاوز البعض معنا
السبب..اننا نفتح لهم الباب ونترك احاديثتنا بلا قيود
شئ طبيعي ان يتم تجاوز كل الحدود
!
نعم نتكلم ..نتحاور..ولكن مع وجود حدود لا نقبل تجاوزها
قبل كم يوم سمعت احد زملائي يسئل احداهن:
عسى ماشر فلانه ويهج مو زين؟
تتنهد:
متهاوشه ويا بو فلان
يعفس ويهه:
افا افا
تعالي قولي لي عسى ماشر؟
ويستمر الحوار وانا اشعر بوجهي يحترق خجلا
هذي سالفه تنقال حق ريال؟
ترا عيب
ممم
عيب ولا مو عيب؟
.
.
.
في مكان عملي السابق كنت اعمل مع خمس شباب غير متزوجين
احدهم في الاربعينات
والاربعه البقيه كلهم اكبر مني بسنوات
في البداية ،كنت كبنت لعائله محافظة اشعر بتوتر من كثره الاحتكاك
وكثيرا ما حكيت لابي تفاصيل كل الحوارات
زارني اكثر من مرة وتعرف عليهم وكثيرا ما كان
كان ينبهني...يذكرني..يجعلني كل يوم احاسب نفسي
خاصه اني بنت وسط شباب
!!
كنت اقضي وقت طويل في مكان عملي
من غير المعقول ان اكلم الحوائط؟
نتكلم نعم ولكن
عملت جاهده لاقف دائما عند حد لا اتجاوزه
وكثيرا ما ذكرتهم بأنهم اخواني واني اشعر بالفخر لكل انجازاتهم واعمالهم
مع الوقت لاحظت شئ جميل
كان اذا تعرضنا لاي ضغط معين...يطلبون مني الابتعاد
وكثيرا ما نصحوني نصيحة اخ لأعز ما عنده من أخوات
احدهم سعى لي في للقبول في عملي دون ان اعلم
والآخر...طلب مني ان اسئل له ليخطب احد الفتيات
والثالث..في زواجه اتصل شخصيا على والدي واخواني ليطلب حضورهم في فرحه
!!
عندما انتهيت من تجربه العمل معهم
تأملت التجربه من بعيد لأقيمها ووجدت شئ جميل في قلبي
جميل ان تترك اثر طيب في قلوب الرجال
.
.
.
.
تسولف لي احداهن عن فلان...طول النهار بالدوام يسولف
ومجابلهم مجابل
عندما تصادفه في مكان عام مع زوجته فهو حتى لا يرد السلام
ابتسمت
لأنه يشعر أن هناك شئ تجاوز الحدود
ويخاف
:Pp~
بالنهاية...في كل طرف هناك الخنين والخبيث
ولكن لنفترض دائما بالآخر حسن النية
والاحترام
ولنضع نحن الاطار الذي نريد ان يتعامل معنا الناس على اساسه
..........
مزاج اليوم:
~~~~~~~~~
ويا وردتي يا ندية... روحي لخلي هدية
والورد راسم ودادي...راسم ودادي
اقول انا يا عسى الله ...يدني لنا اللي تغلى
نرتاح أول وتالي
أول وتالي
يا شوقي لو مر صوبي
لاسوي من ظله ثوبي
يا شوقي ليته درا بي
يا نسمة الشوق هلي
رفي على رموش خلي
لعيونه تضوي الليالي
تضوي الليالي
مابين قلبي وبينه
شوق يعطر سنينه
وأحلام ورد وأغاني
ورد وأغاني
!
ياما زمان تغنى ...في حسن غصن تثنى
أزهاره خضر الأماني..خضر الأماني
لي من سرى ليل همي..عني وغفا النجم يمي
بلغته عاطر سلامي...عاطرسلامي

هناك 79 تعليقًا:

Enter-Q8 يقول...

نحن من نضع خطوط لاسلوب التعامل معنا

هذه الجملة هي رصاصة الموضوع


صح لسانك يا خيتي

حسافتج يا كويت يقول...

اولا : فاقدج ومقصر بالزيارة وسامحيني


ثانيا استوقفني ذلك الرجل اللي يسولف بالدوام مع زميلتة ولا شافها مع مرتة مايسلم




تفسير واحد لهذا الشيئ


انة لا يعتبر علاقتة مع زميلتة علاقة صداقة بريئه او زمالة بالعمل


ان بقلبة مرض لهذا ينطبق علة المثل الذي يقول


يكاد المريب ان يقول خذوني


يا اخي يوم انك خواف جذي شحقة هالسوالف


انا مادري شلون في ناس تعيش عالتناقض


وانا اكاد اجزم انة ما يرضى على اختة تسولف مع اي احد بالدوام حتى ولو كانت السوالف تخص الشغل

Sweet Revenge يقول...

صاجة يااستكانه الحدود ,ولا شايلين الحدود كلها وتقولج زميلي احنا وايد كلوز
اقول بس استريحي

والاغنية مو طبيعيه
نهاية اسبوع سعيد لج استكانه :)

esTeKaNa يقول...

enter-q8
~~~~~~~~~~~
صح بدنك
حياك الله
:))






حسافتج يا كويت
~~~~~~~~~~~~~~~~
ياهلا ويا مرحبا
تو ما نور البلوق
فقدناك من غير شر
ومسموح ياللي تعذر مابينا تشره وزعل
:)
تصدق انا مثلك موقفه غريب
يثبت انه مو نظيف ونقي من داخل
!!

esTeKaNa يقول...

sweet revenge
~~~~~~~~~~~~~~~
واي الاغنيه معلقه في بالي
قلت اكتبها
جود تطلع من بالي
:)
ياحلليلها اهي وزميلها كلوز
ممممم
والله تبين الصج
قبل التعامل مع الريايل احسن
على الاقل تفتكين من القيل والقال وحجي الحريم
!!
الحين بعض الريايل صايرين ازيد من الحريم بهالسوالف
:(

نون النساء يقول...

لو جلسنا نحلل ما وراء القصد والنيات
كل الشباب بيكونون مذنبين

ومعاج كل حق في ان البنت هي اللي تحدد اسلوب التعامل معها ..

واذا كان هالشيء غير كافي واستمر التمادي
فالمشكلة راح تكون بالطرف المقابل نفسه




اما سالفة كل مغطى ينشفى عليه

يقولج موضة يدتي
:P~

7osen يقول...

مرحبااااااا
شلون استكانة

خووش موضوع

:)

اهو صحيح ان في ريايل وشباب عيونهم وقحة ، ويخزون البنات مهما كانت البنية محترمة بطرقة خبيثة

بس بالمقابل في نفس الشي في البنات

ثانياً
أنا عن نفسي صراحة ما احب اتعامل مع البنات لا في دوام ولا خارجياً
مع إن التعامل معاهم ونااسة هههههه
بس شنو
في البعض طبعاً
اي كلمة تقولها اي حركة تسويها
يفسرونها على كيفهم

يعني تبين الصراحة لما تتعامل مع بنات ماتقدر تكون على راحتك

تفسيراتهم ما تخلص
ونيتهم غالباً تكون سيئة حتى لو كان الريال على نياته

فاحسن شي التعامل بحذر بين الطرفين خصوصاً في اماكن العمل

والمزاج عجييب

ياوردتي ياندية
روحي لخلي هدية

ترى قاعد اغنيها

:)

esTeKaNa يقول...

نون النساء
~~~~~~~~~~~~
تفسير منطقي اوافقج الراي عليه
:)
موضه يدتي؟
لول
انا من زمان حاسه انه دايرة فيني آلة الزمن وهالزمن مو زماني
:Pp~

mtfa2el يقول...

و الله في بنات صراحة
عسى ما تقولها السلام عليكم لو سمحتي اختي ممكن ...
الا عبالها انك تتحرش و تبي شغلة و تفترض النية الشينة فيك
و في بنات تقولها السلام عليكم تطقها سوالف معاك جنه واحد من ربعها
البنت اهي اللي تعرف تحط حدود و اذا كانت البنت ما تعرف الريال السنع من الريال الخرطي خل تسوي اب ديت حق مخها احسن
و في بنات اي غلط تبي تقطه على الريال جنها كلش ..خل يستريحون بس
و البنت إذا شافت ريال عفلنقي يخز و يطالع بالدوام خل تحمر العين عليه و توقفه عند حده
تصدقين عاد ودي اكتب بهالموضوع من زمان بس دامج كتبتي من وجهة نظر نسائية خل اكتب الموضوع من وجهة نظر شبابية
:p
شلونج :)

LonDonY يقول...

في زمننا، عورة المرأة صارت باللسان اكثر منه هندام

البعض يلبس ملابس اكثر
من فريه لكن لسانهم فارض احترامهم
وراسم حدود لاخلاق عاليه

في المقابل، البعض لبسهم محافظ ووممكن يكون اسلامي ونتفاجأ بشخصية.. قرقاشة تخلو من اي رزانة

المصيبة بالناس اللي تمشي وتعمم وتطلق احكام مسبقة على غيرها بحكم تجارب سابقة

KIB يقول...

انا شخص عندما اشاهد الرجل مع عائلته، حتى لو كان صديقي أبتسم له من بعيد واتركه.

وبنفس الوقت ان شاهدت زميلة لي، سأفعل مثل هذا الفعل، خصوصاً ان غيرة الرجل قد تؤدي الى امور لا احد يتمناها، ولا اريد اكون السبب.

فأنا اعرف الزميلة، ولا اعرف زوجها، اعرف كيف تتعامل، ولا اعرف كيف هو يتعامل هذ الامور، قد يفسرها تفسيراً خاطئاً.

لا نأخذ الأمور بأن الشخص يعاني من مرض ما، او عقدة ما، لكن الحكمة يجب ان تسود.

Yin يقول...

يعطيج العافية يا استكانة على هالموضوع الإجتماعي والواقعي
أولا حسن الظن أمر به الله وفيه من الخير الكثير لحالة بني آدم النفسية والإجتماعية
إن كان من راحة البال وقلة الزعل وصفاء النفس وحسن التعامل مع الغير وإلخ إلخ

ثانيا صدقتي والله نحن من يرسم الحدود للغير في التعامل معنا
وماكو أحلى من السيرة الطيبة بين الناس والإحترام
وما أقول ما في نوعية تتعدى كل الحدود ولكنهم قلة وفي طرق توقفهم عند حدهم بداية من الاحترام والنقاش وصولا إلى الزجر المؤدب وانتهاءا بالتهديد
:))

ما أدري عن الطق ؟ تعرفين كاراتييه؟ لوول

أما عن سبب تصرفات البعض حين يكون مع عائلته خل ندرجها تحت حسن الظن يمكن زوجته ما تتحمل وتغار أو الزوج إذا كان العكس؟ يمكن ما يعرف شنو راح تكون ردة فعل زميلته بالعمل إذا سلم عليها خارج العمل؟ أو احترام خصوصية الطرف الآخر ؟!
كل شي جايز

:))
تسلمين على البوست اللذيذ
well written and well said
:)))

Fankooshy يقول...

موضوع شيق....فعلا الرجال دايما موضع شبهه واحيانا اتهام اذا تواصلو مع زميلات الدوام او كلموا اي بنت بره عن اي سبب ولا كان سؤال بسيط
بالنهاية تظل نظرة مجتمع حال امور كثيره تحتاج لاعاده نظر

شكرا على الحيادية...والموضوع الحلو :)

darkness يقول...

مساج الله بالخير يا استكانة الخير

حلو الكلام

:)

بس ترى مو اللبس اهو الحكم و اظن ياما مرو عليج ناس تقولين عنهم فصعات و تكتشفين انهم بريئات و ناس تقولين شنو هالاتزام و يطلع من تحت لي تحت

انا ضد ان نحكم من النظره الاولى

فلنفرض ان البنت طبيعة صوتها عالي

هل يعني انها جريئه؟

بس في حقيقة الامر ان 80% من التحرشات تكون لرضى الطرفين

بمعنى ان البنت تبيهم يتحرشون فيها

و النسبه الباقيه تكون مالها ذنب البنت
و لا الريال

مو خبرج هالايام صايرين البنات يتحرشون بالرياييل

:)

هههههههههههه

انما المزااااج

كسره قويه

من مود لي مووود

:)

ابو لطيف يقول...

لان المرأة هي المستهدفة
فلاشك انه تطالها مسئولية اكبر في هذا الاستهداف

وقد اوجزتي الامر في
.....
نحن من نضع خطوط لاسلوب التعامل معنا
.....

ليس التعامل مع العامة فقط

بل ان كثير من النساء استطاعوا ان يصلحوا اعوجاج ازواجهم

كما يقال :

المره السنعة تسنّع الريال

المرأة عموما لديها امكانيات اكبر من الرجل في تحديد اسلوب التعامل وطريقته


وليس امام الرجل - بشكل عام - الا ان ينصاع ويحترم

الا القلة ... نزغة ولا يقاس عليهم

عرضتي الموضوع بطريقة رائعة جدا
وليس كل الرجال يعرفون دواخل النساء وطريقة نظرتهم للامور

وقد اجدتي في وصف ذلك

حفظك الله ورعاك

AK-47 يقول...

خوش بوست شكرا

ميرامار يقول...

شوفي استكانة

لا تصدقييييييييييين
بنتي واختي

يبه ماعندج اخو غير اللي ولدته امج

تعلمي من اللي اكبر منج
وكيفج عاد انا قلت لج

:)

abu eldestor يقول...

كل تسئون النظر فينا
الله يسامحكم
مع ان احنا بريئين
:)

الخيلاء يقول...

الحدود كلها بيد البنت
و اهي الي تقدر اتقود الحديث للاتجاه
الي تبيه

بعدين الدنيا لي الحين بخير
ولو خليت خربت .. :)

و ترى هذا الي متهاوشه ويا بو فلان عيب هالشي المفروض ما يتعدى باب البيت


اتهقين المغطى ما يطلون فيه
:S


و ترى فاقدتح وااايد واايد :*

nikon 8 يقول...

حطيتي صبعك على أكثر من جرح : لبس الدوام ... العلاقة مع الزملاء ... حدود الكلام والتصرفات مع الزملاء ...سوء النية بالزملاء بلا سبب.... خوش موضوع وذكرتيني بزميل كان طول الدوام يسولف مع زميلاته مؤدب وخلوق بس مو ماخذ باله إن سوالفه زاد حدها وكانوا مستحين ينبهونه ... ما إفتكوا إلا بعد ما تزوج .... الريال إنطرم مرة وحده صار يا دوب يشوفونه ويسلم وهوه وافق ويمشي
:)

Makintosh يقول...

يعطيج العافيه على كلمه قلتيها
ياكثرهم الي نيتهم سيئه وفي ناس اهلهم ربوهم على هذا الشي وخلوا حاجز بين علاقه المراه والرجل في الشغل او في الجامعه

طبعا كل شي يكون بحدود وفي اطار الاحترام المتبادل
------
مزاجج ذكرني بالماضي كانوا يغنون لنا الاهل هالاغنيه ويقولون اسامينه فيها

shakshaka يقول...

akeed ilwa7id ohoo ili yafrith e7teramah 3la ili jidama! Wo gabil la atkalam 3an e3ya enas ham lazim a7asib nafsi washooof itha sima7tla ana ib tajawuz hal kha6 ili ana 7a6ita aw la wo ham 3aib wo mo min 7agy atkalam 3anna.. i7na bashar wil wa7id mu ma3sooom mn il ghalaaa6!


eeeeeeh ya estekanaa mazaaaaaajich sukara ilyoum:P


i miss u;*

عثماني يقول...

صبحج الله بالخير استكانة

كلامج درر

و اضيف عليها ان احيانا تكون السالفة معكوسة

تلاقين بعض البنات يطيحون الميانة بشكل غير مقبول عند بعض الرجال خاصة في اماكن العمل

الى درجة ان مرة ياني موظف يشتكي من زميلة و يطلب مني اني اتدخل لاضع لتطفلها عليه حد ...تتصورين؟؟

حالة

:)

|:| DUBAI |:| يقول...

مساء المطر
و الشتاء
و الورد الندي

: )

فعلا
وان كثرتي في الكلام
مع الاخوان
قالوا مطيحة الكلفة بينهم
ماشاء الله
و اتي وحدة
و تفسر العلاقة بينكم
فية شيء
هالبنت لازقة في الولد لزقة
ولا العكس

يا عمي
بسنا رمسة
شوفوا الناس
اخوان و خوات
لازم ينقزون في التفكير
لازم يطلعون قصص
و بلاوي

في الاخير
الله يهني سعيد بسعيدة

: )

!!

فريج سعود يقول...

يا زين هالكلام

بس لو احنا الي قايلينه جان شبوا علينا

that's iT يقول...

ويك اند مضغووووط

توني أفضى:)

صاجه مأني ليألحين ما اختلط مع شباب ب مكان عملي بس أحس نقاط حلوه..

و صاجه يا أخويتي:)

نايس وييك:)

ur sis

جنون إحساس يقول...

كلام سليم وفي الصميم أعجبني كثيراً لأني أرى الرأي ذاته لا زيادة عليه


غالباً ما تكون المرأة سبب الميانة الزايدة, صحيح أن الرجال يخطئون أيضاً ولكن طبيعة الرجل تختلف تماماً عن المرأة فـ في بعض الأحيان يُعذر الرجل لبعض الأخطاء رحمةً بطبيعته

تفقد المرأة احترامها وحيائها
من شيئين
1. لباسها
2. حديثها

وبصراحة لا أحب لفظ زميل العمل فلا توجد زمالة بين الجنسين لأنه ربما بسبب أحدى النوايا الخبيثة تنقلب هذه الزمالة لشيء آخر


وتسلم ايدج

ARTFUL يقول...

فرض اسلوبج على الرجال فن
ما تجيده كل البنات

كثير من البنات يرضخون للواقع
ولما تلومها تقولك شسوي اهو سو جذي

اهو عطاني
اهو يابلي

وطريقة انج تعرفينهعلى اهلج وايد حلوه وفعاله
وتقدرين تعرفين من صاحب النية الطيبه وصاحب النية السيئة

الاغنية رووووووووعه
والله كلمات قبل عذبة وبسيطة وجمالها في بساطتها ورقة احاسيسها

وبنفس الوقت التشبيهات السلسه بالسرد القوية بالمعنى


يا شوقي لو مر صوبي
لاسوي من ظله ثوبي

اللللله

الله يحفظج يا خيتي

سلامين وحته مني ومن شيوختي

;)

om comment kuwait يقول...

صج موضوع مهم
تحديد علاقة زملاء العمل موضوع وااايد مهم و خاصة كل واحد يفهم العلاقة مع الجنس الاخر شكله و عجبني سلوك الوالد الله يحفظه (نفس ابوي الله يحفظه )
اتصدقين يا استكانه انه كل ما كان الوالدين علاقتهم اب ابناءهم مبنية على الصراحة و المتابعة تصير النتيجة شجرة مثمرة يانعة ريحتها طيبة مثلج
الله يحفظج و يحفظ كل شخص متمسك بالعادات و التقاليد و بالاول دينه و تربيته
----------------
و لدي دائما تعليق
:)

رحـّــال يقول...

أعتقد أن عقدتنا تكمن في نظرتنا للآخر من زاوية كونه ذكراً أو أنثى وتناسي أن الآخر هو إنسان يملك عقلاً وقيماً ومبادئ وحقوق وواجبات يجب احترامها والتعامل معه على أساسها أولاً.. النظرة الصحيحة أن الآخر إنسان قبل كل شيء ويتبع ذلك كونه ذكراً أم أُنثى وفصله وأصله وعِرقه ونسبه وموقعه الاجتماعي وغير ذلك فيما نركّب ونفكك في النماذج الاختزالية لمختلف الناس والشعوب

:)

هذيان يقول...

واقول انا يا عسى الله
يهدي لنا اللي يتغلى

ولد الديرة يقول...

انا لو من بو فلان جان مطلقها وماخذ اختها

لكن اجدتي فعلاً

للأسف ان الحدود سقطت عند اكثر البشر

تأثير العولمة الظاهر

ما صارت عولمة

حلم جميل بوطن أفضل يقول...

لما نفترض سؤ النية في كل رجل يحاورنا؟
ولما نرمي عليهم الذنب في كل تجاوز لهم معنا؟

من صجك إنتي؟ الكلام فيه مساحة كبيرة من الجكر

swan.beach يقول...

يسلم فمج على قولة اخوانا المصرين

ماقدر اعلق صراحه كفيتي ووفيتي

استكانه سوالفج تييننن

حلات يا وردتي يا نديه حدها قديمه احبها :)

Sn3a يقول...

استكاانتنا الغاليه

يا اختي الرياييل والحريم مايختلف عندهم الا النيه

ودام ان النيه بالقلب حلو ان نفرض حسن النيه بتعاملهم معانا

لكن الديره بكل صراحه ديره اغلبها حجايين
ولو قلتي كلمه بيسوونها موضوع
فنقصر الشر من البدايه

مرات تكونين بوضع تنجبرين تسولفين او تجاملين مثل وضعج بدوامج السابق
هني انتي ماتقدرين تنفسين بويوهم لان مو حلوة بحق نفسج


لكن لما ماتكونين تحت ضغط انج مجابلتهم 24 ساعه اريح تبتعدين وماتعرفين الا الاسم الاول ان كنتي مضطره

بالنهايه كل واحد تعامله مع الناس غير
وعنده قابليه يفهم انحراف الموضوع عن مساره او زياده المجاملات
وفي ناس اذكياء بالفطره من يشوفون الشخص يعرفون مقصده وطريقته
وفي هم ناس محظوظين عندهم اسلوب يسكت اللي جدامهم

فبالنهايه هذا امر يرجع للشخص نفسه

a7mad Nabeel يقول...

السلام عليكم
موضوع الصراحة ممتع قريته الى آخر كلمة
لفت انتباهي نظرتج التحليلية للامور

الشي الثاني اللي لفت انتباهي انج قدرتي تطلعين جوانب ايجابية بالموضوع مع ان الكثير من الناس ما يشوفون الا السلبيات
صدقيني حسن النية لها مفعول السحر لو استخدمناها بتعاملنا مع الناس

برافو
نطالب بالمزيد
:)

THE BOSS يقول...

حب لغيرك ما تحب لنفسك
وعامل الناس كما تحب و تريد ان يعاملوك

وعطني ولعه

ARTFUL يقول...

تنرفزيني بردودج

يا تردين بسرعه ومره وحده وتحطين بوست ثاني والناس يعلقون كل هذا بيوم وليله

يا ننطر سنييين وبنيييين على ما تردين

شوفيلج حلللل

;p

Kuw_Son يقول...

أستغرب من بعض البنات اللاتي انعدم احساسهن بأنهن هن السبب في جعل الرجال يتخطون حواجزهم !

كما أشرتِ في كلامك بأن البنات بعضهم البعض تطير قلوبهم و تزيغ على مكياج و عطر و تسريحة !!

أعجب كل العجب والله من الفتاة التي تتهم الشباب في كل مرة تتعرض لمضايقة .. نادرا ما يتعرض الشباب لفتاة تحترم نفسها في لباسها !

و تحليلك في عدم سلام الموظف على زميلته لما كان مع زوجته .. صحيح

;)

أسرار رجل يقول...

السلام عليكم ورحمة الله وبركاته

الجميل أن نرى نموزج لانثى راقيه في تعاملها وهي متقيده بتعاليم الدين الحنيف فعلا لا يخلا الرجال من النية السيئة اذا وجد المرأة التي تسهل له هذه النية و لكن الاعتدال هو الصحيح

دمت بحب
وحفظ من الله

Nescafé يقول...

عدل والله كل اللي كاتبته عدل
:)

واحلى مزاج

kazmawy يقول...

استكانة:)
انتى حكيمة المدونات
كلامج قيم اسلوبج حلو
ومفاهيمج متزنة وعاقلة ..
..شقول بعد ..
انتى صج ومن جد
تستاهلين لقب
حكيمة المدونات:)
عيدج مبارك يااستكانة التكانة :)*)

بنت الشاميه يقول...

تسلم ايدج ...دائما مميزه يااستكانتنا
الموضزع اجنماعى بحت من الدرجه الاولي
وكل من يري الناس بعين طبعه
والواحد لازم يحسن الظن بالاخرين
بس طبعا مو لدرجه العبط
خووووش بوست

عيدج مبارك وتقبل الله طاعتج
ما يتي خذيتى عيديتج
تراها تنطرج بمدونتى

Eng_Q8 يقول...

عيدج مبارك وعساج من عواده

أسرار رجل يقول...

كل عام وانت بخير
وعيدك مبارك

أتيت متاخرة يقول...

استكانة يا غالية :
كلامج تمام التمام
كل شي له حد
وخاصة اذا كان بين زملاء العمل من جنسين مختلفين

tweety يقول...

موضوعج رائع
والله من فترة قاعدة أفكر فيه ومستغربة

عندنا وحدة بالدوام يعني ملتزمة وخابة عمرها عيوت وهي تشتكي على موظف الأمن الوافد بحجة إنه يخوزرنا هذا مع إنه المسافة بينا وبينه أكثر من 15 متر !!! والمشكلة إن محد يشكي إلا أهي واهي اللي محتشمة ولابسة عباة ! يعني إذا اهو بيطالع ليش مااشتكوا المكشفات منه مادري

والثانية تعذرب بواحد من الموظفين وتقول عنه مو خوش واحد وفيه وفيه مع إني أعرفه وأتعامل معاه من فترة ماشفت منه شي
المشكلة في أسلوب المتحدث الرجال خاصة يجارون كل وحدة حسب أسلوبها أسوء الرجال لايمكن أن بتمادى مع فتاة خاصة لو كان زميلها بالعمل إلا إذا تساهلت هي معاه بالحديث أو تساهلت في وضع الحدود


أحب الاغنية مشكوووووورة ماكنت أعرف كلماتها
كل عام وانتي بخير وعيدج مبارك

ayoosh يقول...

يا حلوج :)

عيب عيب اننا نضع الرجل كالصديقه اللي نخر لها امور ما تنخر حق رجال !


البنت هي اللي تفرض احترامها دائما
واحس ان ما احد يتجاوز الخط الاحمر الا وهو شايف تمهيدات مسبقه من البنت انه عادي !

ما اعمم بس الاغلبيه

الله يوفقج بالدوام الجديد ;)

fernas يقول...

كل عام وأنت ومن تحبين بخير

فرناس

bin3li يقول...

كل عام و أنتي
و إذا رايحة الحج
حج مبرور و سعي مشكور
و إذا ما رحتي
الله يكتبلج حجة السنة الياية

قلب طفله يقول...

اي و الله صدقتي احنا اللي
نضع الحدود بتعاملنا مع الاخرين
بكل ادب و احترام
عسى الله يصلح الحال و يصفي النوايا

كل عام و انتي بخير حبيبتي

و عيدج مبارك :)

ZooZ ZaibG يقول...

طريقة تفكيرج عجبتني

طول عمري كان مجال عملي محاط بالرجال

وفي مرات كثيرة كنت بروحي بنت

يمكن كون أخوي كان يشتغل معاي في نفس البنك اللي أشتغل فيه واللي كان أول وظيفه لي حط على مسؤولية أكبر

بس صدقيني عادي أصلا بالعكس أحس البنت تصير أقوى

حسيت ببعضهم يحاول إنه يخليني أخوض في الأمور اللي يتكلمون فيها حتى لو كانت كرة مثلاً

بس بنظري إني إن فتحت المجال وطاحت الميانة ماراح أقدر أسوي ريفيرس

فأدير بالي على الميانة بيننا ما تتعدى حدودها

يعني

في حد شفاف
آنا أحطه
وأتواصل بطريقه حلوة
ويحس فيه اللي جدامي
بدون ما يشوفه
ويدري إنه لازم ما يتعداه

أساساً معظم اللي مروا بحياتي صرت صديقة لخواتهم وزوجاتهم

وهذا بحد ذاته تقدير أعتز فيه

-------


همسة
هالبوست حسسني إن يدتي اللي اللي كاتبته مو سنفورتنا العسل ههههههه


عيدكم مبارك

كل عام وانتوا بألف خير

وعساكم من عواده

:")

vancouver يقول...

عيدكم مبارك

كل عام وانتوا بألف خير

وعساكم من عواده
:)))

darkness يقول...

عيدج مبارك

و عساج من العايدين الفايزين

من غير شر فاقدتج

عسى المانع خير؟

charisma يقول...

عيدج مبارك حبيبتى
كل عام وانت بالف خير


من عوااده يا رب
:**

ARTFUL يقول...

عسى ما شر

عسى المانع خير


عيدكم مبارك وعساج من العايدين والفايزين

فاقدينج وانا اخوج!!!

LonDonY يقول...

عسى عيدج مبارك

والعايلة الكريمة

بصحة وعافيه

:)

charisma يقول...

استكانه انا عايدت عليج جنا صح
ترى افتر راسى
لووول

اذا لا فعيدج مبارك مره ثانيه
:P

:**

qesat_5ayal يقول...

عيدج مبارك
:)
وتقبل الله طاعتج

ضـاد يقول...

عيدج مبارك
وكل سنه و انتي طيبه
:)

the.thinker يقول...

عيدج مبارك وكل عام وانتي بخير :)

shakshaka يقول...

عيدج مبارك حبيبتي وعساج من عواده:*

بنت الشاميه يقول...

عيدج مبارك يالشيخه
وعساج من عواده وتقبل الله طاعتج

غير معرف يقول...

كل عام و انتي بخير يا استكانة

ينعاد عليك بالصحة و العافية يا رب


طائر بلا وطن

Sara يقول...

عيدج مبارك استكااااااااااانة

Najmah يقول...

صديقتي الغاااليه
بس بقولج عيدج مبارك
وكل عام وانتي بألف خير
فاقدتج من غير شر
اتمنى تكونين بخير وفرحانه
:**

vancouver يقول...

اول شيء
عييييييدج مباااااااااااارك وكل عام وانتي بخير وصحة
انتي وكل من يعز عليج

ثاني شيء
ويييييييييينج عسى ماشر ليششش كل هالغطة
??
وحشتينا يا قمر


ثاااالث شيء

بصراحة عمري ما تضررت من زميل كل تضرري من زميلات العمل
للاسف
الريال مهما كان توقفينه عند حدة وراح يلزم حدوده غصب عليه

بس المره مشكككككله
وبالذات لما تصير صاحبه مركز
:*?!@@#((((


وبالنسبه
للي وايد حاسبين عمرهم جواهر والزملاء مالهم شغل
غير التحرش فيهم
فحييييل يكسرون خاطري
:\\

انا اول شيء سويته لما تزوجت
عرفت زوجي على زملائي اللي بيني وبينهم ميانه
اصلا مع الوقت صاروا اخواني اكثر من زملاء

حلو لما الانسان يحسن الظن ويعامل الاخرين على هالاساس

Kuwait يقول...

عسى ما شــر
طالــت الغيــبه !! :(
ان شاء الله المانع خيــر
وبليز طمنينا

esTeKaNa يقول...

7osen
~~~~~~~~~
ياهلا وامية هلا
:)
عيل تقول التعامل معاهم وناسه ها؟
هههههه
منت هين يا حسين
!!
بس زين تسوي
الواحد كل ما حط لتصرفاته وتعامله مع الناس حدود كل ما كان هذا افضل له :)
جربت تغنيها؟
مو صح خوش اغنيه
:)











mtfa2el
~~~~~~~~~~
عجبتني اب ديت حق مخها
!!
ممم
الجميع يحتاج اب ديت هاليومين
:)
ويالله متفائل خلنا نشوف الجانب الاخر من الموضوع بوجهة نظر شبابيه
ناطرينك
وانا بخير ولله الحمد
يارب تكون انت بخير











lonNDony
~~~~~~~~~~
عورة المرأه لسان اكثر منه هندام
!!
اي والله يا لندني
هذي بحد ذاتها حكمه
:)
اتفق معاك في كل ما ذكرته














kIB
~~~~~~
مرحبا
:)
نعم الحكمة يجب ان تسود والموضوع نسبي من موقف لي اخر انا مثلك ساكتفي بابتسامة من بعيد
!!
ولكن الموقف المذكور عكسي
هو مع زوجته وهو ثرثار مطيح ميانه مع كل بنات الدوام
وهي زميلته لوحدها مع اختها
تصرفه وصدته كانت غريبه
....
حياك الله

esTeKaNa يقول...

YIN
~~~~~~
واي يا زين هاللي كاتبه هالتعليق
انتي تدرين انا استانس لما اقرا تعليقاتج؟
بس اشوف اسمج الضحكة من هني لي هني
:))
اتفق معاج
وسؤالي المهم:
تيين نتعلم كراتيه مع بعض؟
يعني حق مستقبلنا جود يفيدنا
:))
تسلمين على مرورج الجميل دائما






Fankooshy
~~~~~~~~~~~
انا تعبت عشان اكون حيادية
:)
حياك الله













darkness
~~~~~~~~~
هلا بللي لها الخافق يهلي
:))
اتفق معاج بالكلام
غلط نحكم من النظره الاولى
والجوهر اهم من المظهر متفقين
بس هذا ما يعني ابدا انكار اهمية المظهر المحتشم

وعلى طاري البنات يتحرشون بالشباب
فصاير هالشي عادي
انا وااااايد احاتي اشلون اربي بناتي بعدين في وسط هذي الاخلاقيات المختله
:(
اهم شي احاتي بناتي
تدرين عندي ثنتين بالروضه وواحده بطني
هههههههههههههههههههه
بس اشرايج بوردتي يا ندية
ياربي تونس الاغنيه
:)










ابو لطيف
~~~~~~~~~~~
دائما اشعر بأن تعليقك عاقل ورزين
:)
شكرا لمرورك الذي يضيف بريق اخر على تدويناتي
حياك الله













AK-47
~~~~~~~
حياك الله
:)









ميرامار
~~~~~~~~~
وي يا زين اللي تعلمني
صاجة صاجة
هذا سلك اهالينا والسنع
بس اذا انحطيتي بموقف مجبورة مالج الا تسوينهم اخوان ولا اشلون شنسوي؟
نسميهم اصدقاء
ما ترهم
:)

esTeKaNa يقول...

abu eldestor
~~~~~~~~~~~~~~
احنا مرات نصير اشرار
بس قلوبنا طيبه
سامحتونا؟
:Pp~




















الخيلاء
~~~~~~~~~~
يا بعد قلبي قلبج انتي
انا ما كنت ادري المغطى ما ينطل فيه
بس طلع صج
راحت موضه المغطى وانا اخيتج
;pP~
فاقدتني؟
واي انا من رديت وانا قلبي عندج
يارب بس تردين تسولفين لي وتطمنيني على حجتج
عسى ربي يتقبل منج يا الغاليه
:***

esTeKaNa يقول...

nikon 8
~~~~~~~~~
البعض يكون حسن النية
مثل هذا الزميل
!!
عنده ميل للجنس الاخر وهذي فطرة
بمجرد مااشبع هذا الميل بطريقه فطريه وصحيحه تسكر حلجة وصار خوش ريال
:)
الفال للبقيه









makntosh
~~~~~~~~~~~
ياهلا ويا مرحبا بالماكنتوش
اتفق معك
اهم شي الاحترام
:)
والاغنيه لما تصير بالاسم تصير فيها تدلل
انا صج احبها














shakshaka
~~~~~~~~~~~~~
يا بعد قلبي
ياربي سنعه سنعه
كل كلامج حكم الله لا يخليني من هالرفيجة
:***
انا بعد وااايد فاقدتج
ان شاء الله نتلقي باقرب وقت بقلبي سوالف
:)










عثماني
~~~~~~~~~
مساك الله بالخير
وصبحك الله بالسرور
:)
الحين الموظف يشتكي من زميلته؟
واااااااي
هذا اخر الزمان يا عثماني
والله وانا اقرا استحيت
:(










dubai
~~~~~~~~~
يا مسا الفرح
والوله
وكل شي جميل
:)
اي والله بسنا رمسه
وبعدين هذا كلام يديد الله يهني سعيد بسعيده
@@
ها دبي
اخاف سعيده لاقيه سعيد وخامره ما اشوفها هاليومين
;Pp~

esTeKaNa يقول...

فريج سعود
~~~~~~~~~~~~~
انقذتكم
وقلته انا
:)








That's me
~~~~~~~~~~~~
يعطيج العافية
واتمنى انج ريحتي شوي بالاجازه
:)












جنون احساس
~~~~~~~~~~~~~
وجهة نظر عقلانية
حياج الله جنون احساس
:)









ارتفل
~~~~~~~~
يا هلا ويا مرحبا ارتفل
:)
اوافقك الراي
وبالضبط ...احس كلمات اول من بساطتها تخترق القلب
وبالضبط هذي الجمله احبها
يا شوقي لو مر صوبي
لاسوي من ظله ثوبي

شوف التشبيه البسيط وبنفس الوقت بليغ
:)











om comment kuwait
~~~~~~~~~~~~~~~~~~~~
ياهلا ويا مرحبا
عسى ربي يحفظ لنا والدينا
ويعينا على برهم ويرزقنا رضاهم عنا
خجلتيني
:)
يزاج الله خير ما قصرتي
وهذا قليل مما عندكم








رحال
~~~~~~~~
توقفت عند تعليقك
!
لك وجهة نظر اخرى تستحق التفكير
منطقية وعقلانيه
شكرا لمرورك رحال..دائما تضيف لي بعد اخر وانا افكر بأي موضوع
:)

esTeKaNa يقول...

هذيان
~~~~~~~~~~
ومن تغلى تخلى عن احبابه
:Pp~
حيالله هذيان
:)











ولد الديرة
~~~~~~~~~~~~~
واااااي يمة منك
اختها عاد؟
اي باعد شوي
:pP~
عولمه؟
واي ذكرتني بقبل لو تطقنا الطوفه قلنا تأثير الغزو الصدامي
شكو
:)

esTeKaNa يقول...

حلم جميل بوطن أفضل
~~~~~~~~~~~~~~~~~~~~
تهقه في مساحات جكر؟
بس اشرايك فيني والبوست كامل مافيه كلمه حلم
:Pp~












Swan. beach
~~~~~~~~~~~~~~~~
تسلمين ماقصرتي
واي قعدت افكر اذا احد قالي يسلم فمج شقول؟
صح بدنج؟
hehehehehehe












sn3a
~~~~~~~~~
يا مسا السنع كله
:)
الفكرة فكرة ذكاء اجتماعي
مع وجود رواسخ دينيه واخلاقيه
تخلي البنت او الشاب يعرفون اشلون يتصرفون بطريقه صحيحة تخافظ على احترام كلا الطرفين



حياج الله















a7med nabeel
~~~~~~~~~~~~~~~~~~~
حياك الله احمد
مرورك وملاحظتك اسعدت قلبي
شكرا من القلب
ونورت المدونه
:)

esTeKaNa يقول...

The boss
~~~~~~~~~~~
حكيم حكيم
وولعه ما عندنا
:Pp~








ARTFUL
~~~~~~~~~
انا اسفه اني نرفزتك
بس يا ارتفل يا اخوي
انا انسانه
لي حياه ثانيه غير هالبلوق والتعليقات
ايام انشغل مالي وقت انام
وايام اكون من غير اي شي يشغلني
فاعذرني
هذي حياتنا وظروفها
:)














Kuw-son
~~~~~~~~~~
ياهلا ويا مرحبا
يعني متفق معاي بالراي
:)













اسرار رجل
~~~~~~~~~~~~~
وعليكم السلام ورحمة الله وبركاته
:)
الاعتدال هو الحل الصحيح لكل الامور
مرورك نور المدونة
حياك الله










nescafe
~~~~~~~~~~~
تو ما نور المكان
ولهانه عليج وايد
:***













kazmawy
~~~~~~~~~~~~
ياهلا ويا مرحبا بكظماوي
والله العظيم خجلتني واستحيت
:)
يزاك الله خير هذا قليل مما عندكم
وترا مالك شغل بالحجي
مرات لي شطحات ينون
:)
وعسى ايامك كلها سعيدة يارب














بنت الشامية
~~~~~~~~~~~~~~~
يا هلا بشيخة الشامية
تو ما تبارك البلوق كله
:)
ايامج سعيده يا الغاليه
سامحيني على القصور
كنت مسافره
بس كاني اخلص هالكومنتس ويايتج
:*







eng_q8
~~~~~~~~
ايامك سعيده يارب
:)















أسرار رجل
~~~~~~~~~~~~
وأنته بخير وصحة وسلامة
وعسى ايامك كلها فرح وسعاده
:)















أتيت متأخرة
~~~~~~~~~~~~~
هلا بالغالية
يعني متفقين؟
:)
عيدج مبارك

esTeKaNa يقول...

tweety
~~~~~~~~~
من وين طالعه الشمس اليوم؟
انتي ما تطلعين الا بالعطل والمناسبات الرسميه؟
تدرين انه ينوله عليج ولا ما تدرين؟

اوافقج الراي
عاد تصدقين انا احتر اذا تكلمو عن شخص ما يستاهل كل الكلام اللي فيه
!!
واشعر بتأنيب الضمير اذا ما دافعت
بس المشكله قولي كلمة حق وشوفي اللي ياكلونج بالحجي
قررت بالنهايه اني على الاقل اكون حيادية
:)


تحبين الاغنيه؟
عيل اهداء خاص
ويا وردتي يا ندية
روحي لتويتي هديه
:*

esTeKaNa يقول...

aYoosh
~~~~~~~~
لج وحشه عيوشه
:*
والحمدلله اللي فرح قلبي ورجع تعليقاتج الحلوة لمدونتي
:)
الحقيقه اللي اتفقنا عليها:
البنت هي من تفرض احترامها دائما
هذي اهي القاعده


امين واجمعين
وعسى ربي يوفقج بكل خطوة تخطينها
:)












fernas
~~~~~~~~~~~
وانته بخير وصحة وسلامة
نورت المدونه
:)











بن علي
~~~~~~~~~~
وانته بخير وصحة وسلامة
يزاك الله خير
وعسى ربي يكتب لي حجة السنه اليايه ويكتب لكل اللي ما حجو
:)








قلب طفلة
~~~~~~~~~~
اللهم امين
وانتي بخير وصحة
وايامج كلها فرح وأعياد
:)











zoz Zaibag
~~~~~~~~~~~~~~
الحمدلله انها عجبتج
:)
وصدقيني
لانج حطيتي هذا الحد الشفاف
وكنتي دائما المحاسبه لنفسج ولتصرفاتج كسبتي احترام الكل
والدليل..انهم يعتبرونج بحسبه اخت وعرفوج على اهلهم والريال ما يسوي جذي الا اذا كان فعلا يحترم البنت اللي معاه
الله يحفظج ويزيدج من فضله
:)
رد على الهمسه:
حسيتي يدتج كاتبته؟
هههههههههههههههههههههههههههه
اي مو سنفورة لها وجه اخر
وجه عيايز بتشوفينا بين الحين والاخر
اهم شي حين واخر
متعوب عليها
:Pp~
ايامج سعيده يارب
وكل عام وانتي وكل من تحبين بخير

esTeKaNa يقول...

vancouver
~~~~~~~~~~~~
ايامج سعيده يارب
انتي واسرتج الجميلة
:)












darkness
~~~~~~~~~~~~~~
ايامج سعيده يا الغاليه
عساج ما تفقدين عزيز ولا غالي
كنت مسافره
وتوني يايه
:)









charissma
~~~~~~~~~~~
وأنتي بخير وصحة وسلامة
:***













ارتفل
~~~~~~~~~~~~
سامحني على القصور يا ارتفل
انكتبت لي سفره فجأة وسافرت
شوف البوست اليديد
:)
اشلونك؟
واشلون عيدك وانته ابو؟
:)


















لندني
~~~~~~~~~~~~~
الله يسلمك ما قصرت
:)









chrissma
~~~~~~~~~~
يا بعد روحي انتي
كثره المواجيب والتباريك تفر الراس مرات
:Pp~
عسى ايامج كلها سعاده قولي امين
:)












QESAT 5AyAL
~~~~~~~~~~~~~~~
منا ومنج يزاج الله خير












ضاد
~~~~~
وانتي طيبه
ايامج سعيده يارب
:)













The thinker
~~~~~~~~~~~~~~
وانت بخير وصحة وسلامة
:)














shakshaka
~~~~~~~~~~~~~
ايامج سعيده يارب
:**








بنت الشامية
~~~~~~~~~~~~~~
منا ومنج صالح الاعمال
وعسى ايامج كلها سعيده يارب
:*










طائر بلا وطن
~~~~~~~~~~~~~~~
انت تدري الاخو شكثر ينفقد؟
عساك ما تفقد عزيز ولا غالي
اتمنى انك تكون بخير انته واسرتك الكريمه
وكل عام وانته بصحة وسلامة













sara
~~~~~~~
ايامج سعييييده سااارونه
:)










najmah
~~~~~~~~~
عساج يا الغاليه ما تفقدين عزيز ولا غالي
وايامج كها تكون سعاده يارب
:)










vancouver
~~~~~~~~~~~
ياهلا ويا مرحبا بالغالية
ايامج سعيده يارب انتي واسرتج الغاليه
سامحيني على القصور
صج ولهانه عليج صار لي مده ما مريت بلوقج بس كنت بلويه وتالي انكتبت لي سفره سريعه
عسى بس سامحتيني؟
:)
ما يوحشج غالي
فداج الف غالي
:**
وتصدقين في حقيقة مؤلمه لكن تظل حقيقه
التعامل مع الرجال احيانا يكون احسن من التعامل بين البنات
:(
وموضوع تعرفهم على زوجك
شي جميل تسوينه
يزيد من احترامهم لك
وثقه زوجك فيك
الله يحفظك ياربي ويسعدج دوم
:)












kuwait
~~~~~~~~
ماشر ان شاء الله يا الغاليه
سفره مفاجئة
ورديت
:)
الله لا يحرمني من طيبكم ورقه سؤالكم عني
:**
عيدج مبارك ويارب تكونين بخير