السبت، نوفمبر 08، 2008

حادث

كنت بعالم آخر
افكر..لو أن الإنسان افتقد راحته في أقرب الأماكن والقلوب
فأين يذهب؟
ولو..انه يعلم ما ينقصه ولكن
ليس بيده شئ
ماذا يفعل
!!
أحيان...يعصرني إحساس غريب بالوحده
يخنق كل الكلمات في ذاتي
ويعريني أمام نفسي وقلبي وكل إحساسي
لم اكن حزينه..مجرد إحساس لحظي في دقيقة
.
.
.
طلبت مني أمي ان أوصل اختي لبيت عمي الساعه الثالثه والنصف عصرا
تعيزت انا اغير ملابسي ..ونست اختي احضار عباءه القيها على كتفي
وبما انه مجرد مشوار قصير...اكتفيت بارتداء شيلتي مع الترينج الذي كنت اصلا ارتديه
فأنا لن اتحرك اساسا من السياره
!!
مع ان ابي اكثر من مرة يذكرني بأننا لا نعلم ما يمكن ان يحصل بالطريق
واكبر مصيبه عنده ان يراني اخرج بهذا المنظر
عموما...مجرد توصيله لن اخذ وقت طويل
.
.
.
في طريق عودتي كنت قد توقفت في الحاره الثانيه للاشاره
وسرحانه.....ما زلت افكر ببعض الامور التي تشغلني
مع اضاءه اللون الاخضر اكتشفت ان هناك سياره كبيرة في اول الحاره بطيئه
والتفافها فوق تحت يوقف الشارع كله
قررت ان انتقل للحاره الثالثه على اليمين ومن ثم الف يسار
!!
مجرد ان وصلت للتقاطع فتحت اشارتي لاعلام من بجانبي بأني اريد ان الف
فدست على البنزين...في ذات اللحظة التي داس هو على بنزين سيارته وصدمني على يسار السياره
السيارات خلفنا كثيره
وانا غير قادره على التوقف
ادوس ويدوس معاي ويصدمني صدمه اخرى وتفتر السياره
وضربه ثانيه على سيارتي وتلتف في وسط التقاطع
ارفع رجلي من البنزين واخفف واقف على اليمين وانا ارتجف كلي
.
.
.
.
خمس دقائق وانا ارتجف كلي
صوت ارتطام السيارتين كان اكبر من قوتي
وخوفي أوقف قدرتي على التفكير
!!
توقفت لبرهه انا في سيارتي وهو في سيارته
لم اكن قادره على التحرك
نزل لسيارتي وجاء مسرعا وانا مسكره الدريشه
شعرت باني غير قادره على الكلام وطلبت منه الانتظار فقط
اتصلت على والدي وبكل برود:
يبه لو سمحت انا مسويه حادث بجانب الاشاره كذا كذا
ممكن تيي الحين
لم اكن اشعر بنفسي ..ولكن ابوي سئلني مخترع:
اشفيه صوتج؟
لم اجاوب...واغلقت الهاتف
لا أحب ان ارعب من اتصل عليه ..خوفا عليه
!!
هوكل شوي يصل لباب سيارتي يريد ان يكلمني واطلب منه ان ينتظر
توقفت اكثر من سياره ..كل من يصل لباب سيارتي أؤشر له من خلف النافذه
لا اريد ان اتكلم مع أحد
انا خايفه وايدو
خجله من نفسي وما ارتديه...لا اعلم كيف للمتحجبات ان يخرجن به
!!
رغم أني جبانه ..لم تنزل من عيني دمعه
مجرد ارتجاف في يدي
.
.
.
وصل أبي ...اراه من الشارع الآخر يؤشر لي
اوقف السياره بشكل عرضي وفتح باب السياره بسرعه
يمسح على وجهي ويسمي ويسلئني ان كان هناك شي يؤلمني
أول مرة اشوف ابوي خايف جذي
!!
كنت اتخفى وراء نظارتي وعيوني كلها دموع
ولكن شعرت بأني اريد ان ينتهي هذا المشهد بسرعه
تفاهم ابي مع صاحب السياره
وكان رجل طيب ..شرح لابي الموقف وقاله ان الخطأ مشترك
الامر الذي اقريت فيه انا ايضا
عندما رجع ابي من عنده طلب مني العوده للبيت
وعندما رأى قدرتي على التحكم بذاتي وقوتي
وتأكد اني بخير
اقترب من اذني وقال:
ان شفتج مرة ثانيه طالعه جذي...نتفتج
!!
ينتفني؟
من الخرعه بكيت
يبه كتفي اليسار يعوووورني
ورقبتي بعد
انا خفت حيييل
عندما تخافين من رجل ما...اب،اخ،زوج أو ايا كان
ابكي
وسينتهي المشهد
:pP
تبرع صاحب السياره الأخرى بماء اعطاه ابي
شربت الماي وتعوذت من ابليس ورديت البيت
وتوني واصله
.
.
.
.
هل أحيان نحتاج لصوت الارتطام الكبير
ولشئ يهزنا بقوة
ليقول لنا بأننا بخير
وان لا شئ في الدنيا يسوى اي ضيقه
!!
الحمدلله
أحتاج من ينفخ في بطني
ما زلت مخترعه
.
.
.
سيارتي تكسر الخاطر
سيارتي العزيزه:
أنا آسفه جدا
ما كان ودي اجرحج هذا الجرح الكبير على جنب
ولا كان بخاطري اترك عليج كل هالخدوش
سامحيني....صج اني قبل جم يوم كنت رايحة اشوف سياره
بس هذا ما يعني اني ارخصت فيج
وأنتي السياره اللي تحملت جنوني وغبائي وكل تطوراتي
واخفت في جنبيها كل مشاويري ومغامراتي
لا يا سيارتي العزيزه
استكانة وفيه...ومنا الوفا يا وفي الروح يتعلم
سامحيني..الحين بتروحين مع اخوي من غير شر
وبتردين احسن من أول
:Pp~

هناك 60 تعليقًا:

Fahad Al Askr يقول...

سلامات وخطاج الشر

Yin يقول...

سلامات سلامات
خطاج السو
حبيبتي بالحديد ولا فيج
ليش السرحان يا استكانة
كل شي ولا يكون بالج بغير الطريج واننتي تسوقين
!!!

مرة ثانية لما تشوفين نفسج جذي هدي بالج وسمي بالرحمن ولا تطلعين إلا وانتي عارفة إنج أمانة واللي معاج امانة وغيرج بالشارع هم امانة
!!
الحمدلله على السلامة
واللبس هذي عقدة عندي كله أخاف يصير لي حادث وأنا مو لابسة عدل لوول
وصارت مرة طرت من السيارة وطحت على الرصيف ومع الألم والخوف كل اللي كنت أفكر فيه إن الحمدلله لابسة بنطلون تحت العباية !!!!!!
حتى إني مرتين تأكدت لوول

اسم الله عليج وحواليج
وديري بالج

ودلعي السيارة لين ردت بالسلامة
اشتريلها ميدالية يديدة وطيبي خاطرها
:)))

THE BOSS يقول...

سلامات و خطاج السوء
والحمدلله انها صارت في الحديد
وهذا مقدر

وعطني ولعه

بنت الشامية يقول...

خطاااااااج السو
سلامااااااات

المهم سلامتج انت
فى المال ولا فى العيال
اما كلام ابوج حكمه خليها حلق باودانك
وان شاء الله ماكو الا العافيه

esTeKaNa يقول...

فهد العسكر
~~~~~~~~~~~~~
خطاك اللاش ما قصرت
الظاهر انا تأملت وايد ولفيت على اللي يمي
:Pp~

darkness يقول...

الحمد لله على سلامتج

خطاج السو
الحمد لله بالحديد و لا فيج يا الغاليه

عسى ما فيج شي؟
ما اوصيج بالصدقات لانها تدفع البلاء

و ربي يحفظج و يحميج يا الاستكانه

امبيه لو تشوفيني شلون مخترعه و انا اقرى

انزين ليش خفت انه فيج شي؟؟

اسم الله عليج لو فيج شي منو كاتب هالبوست

بس صج من الخرعه مخي وقف!!؟

الف الحمد لله على السلامه
و ديري بالج على عمرج

esTeKaNa يقول...

Yin
~~~~~~~
تصدقين من فتره تقولي رفيجتي صايره سواقتج متهورة
بس ما استوعبت كلامها الا اليوم
مادري اشفيني
!!
اي والله صاجة
أمانات احنا محذفه بالطريج شكثرنا اسم الله على المجتمع مني
:Pp~
الله يسلمج يا ام يانع ماقصرتي
وترا انا لابسه بنطلون
بس ابوي مو يايز له
خبرج حجرين الحكومه اللي عندنا
:pP~
وان شاء الله بس ترد سيارتي بالسلامة
بسوي لها استقبال
لوول

esTeKaNa يقول...

The boss
~~~~~~~~~~~
خطاك اللاش ما قصرت
وولعات ما عندنا
:Pp~

esTeKaNa يقول...

بنت الشامية
~~~~~~~~~~~~~~~
اي والله حكمه يا بعد قلبي قلبه
طلعت عيونه اول ما وصل
تصدقين مرات اخاف من خوفه علي يصير فيه شي
!!
حبيبتي الله يسلمج من الشر

esTeKaNa يقول...

Darkness
~~~~~~~~~~~~`
حبيييييييييبتي
ابيه اذا فيج خرعه تعالي انفخ ببطنج مثل ما تسوي يدتي فينا قبل
مادري ليش تنفحخ ببطونا
تقول اللي يخترع فجأة ما ايب عيال
:Pp~
انا زينه الحمدلله
بس قلت لج خرعه الصوت
وبيني وبينج جتفي اليسار قاعد يعورني شوي...وبس
سلامة قلبج اللي احبه
الحمدلله مافيني شي
:)

حسام بن ضرار يقول...

سلامات و خطاج السو

و هنيئاً لكي بذلك الالتزام

و هنيئاً لك بذلك الوالد الكريم

Najmah يقول...

استكااااانة
قلبي كان ناقزني بعدين بقولج شي
..
المهم الحمدلله عل سلااااااااامتج
انا اقرا وعيوني دموع
وصفج يخرع ترى
!!
خطاج السو بعد قلبي
ديري بالج على رووحج
ولا تنسين دعاء الركوب والاذكار
:**
حافظج ربي

ابو لطيف يقول...

سلامات يا الغالية

خطاج السوء

تأكدي بان ما اصابك لم يكن ليخطئك

قدر الله ولطف

هو ابتلاء

وكل ابتلاء في غير الدين .... يهون امره
لا تتوقفي عند الحادث الا لاخذ العبر منه ليس الا

حفظك الله ورعاك

mtfa2el يقول...

سلامات سلامات
خطاج السو
كله من الجو يخلي الواحد يتأمل زيادة عن اللزوم

terkwaz يقول...

ســــلااامـــات يا الغالي سلامات

خطاج السوو

انا دعمت اخوي
@@

كنت بتشيحط عليهم اني اعرف اسوق وقلت لابوي بطلع السياره
يقولولي توج باديه تدريب..
ماكو ماطعت الكلام..
مادريت ولا راجعه قري لوول لا تشوفين اخوي شلون يركض

بس يت سلييييـــمه



ماوصيج على سيارتج
عتيج الصوف ولا يديد البريسم

bin3li يقول...

أوه!!! سلامات سلامات!!!
ما تشوفين شر
الحمدلله على سلامتج

الوتين يقول...

ألف سلامة عليج و خطاج السوء
اهم شي سلامتج و انج بخير

صبا يقول...

بعد قلبي والله

الف الف الحمدلله علي السلامه
عسي الله يحفظج وين ما كنتي


خطاج السو يالغاليه


حوادث الطرق اتخرع يكافينا الشر
وحطي بالج علي نفسج
وسيارتج تتصلح انشالله
المهم انتي وسلامتج من الخرعه


:******

Yin يقول...

لووووووول

استقبال مرة واحدة ؟
والله مو غريبة باجر نسمع عن ناس مسوين استقبال عقب الحادث

!!
لووول
يحليلج سنفورة متهورة وسرحانة بعد
مشكلة!!

الخيلاء يقول...

الله عداج الشر الحمد الله
بالحديد ولا فيج

:
:

و صج لي قالوا احذر مفاجاه الطريق
تعالي انفخ ابطنج و اسقسج ماي مقري عليه .. بعد عمري والله ماتسوى خرعتج

:
:

وبالنسبه للدموع عند ويهج
كافي الخرعه بسم الله الرحمن الرحيم

:
:

والله يقوم سيارتج بالسلامه
:p

دلة يقول...

ايه اعرف الشعور اللي ينهري كل شي في الوحدة من الخرعة ماتدرين هالقلب رقعته صارت بالراس والا بالريل والا بالجتف هههههههههه
احسن شي سويتيه انج عطيتي نفسج كل الوقت
الحمدالله يت سليمة عساها فدوة وانذار يبعد عنج شي اكبر كان ممكن يصير اسم الله عليكم
الله الحافظ وخطاج السو يالحبيبة

. . . ساخر كويتي يقول...

شديتي اعصابنا الله يهداج

سلامات وما تشوفين شر
وخطاج السو
في الحديد ولا فيج

أجر وعافية
تحياتي

الزين يقول...

OH MY GOD

زر عقلي

انتي زينه

دقيت لج اول ما شفت البوست

اسم الله عليج

قدر الله وخطاج السو ابوي انتي

طمنيني عليج بلييييييييييز

حسافتج يا كويت يقول...

خطاج السو يا الغالية


وما تستاهلين وثاني مرة حطي عباة بالسيارة لزوه هالسوالف
انشاء اللة مو حوادث ولكن يمكن يخلص البانزين او اي حدث لا يخطر ببال احد


ما تشوفين شر انشاء اللة

that's iT يقول...

خطااج السو:)

خرعتيني عليج و أنا أقرى عسى ما تعورتي؟؟

أهم شي أبووج عقب الحادث لم قال إن شفتج لابسه جذي نتفتج:p:p

والله ضحكت أحس واقع كويتي:)

الله يحفظت و يهديج و مايخليج تسرحين مره ثانيه:)

ur sis

violinist_q8 يقول...

سلامات ! خطاج السو

Sn3a يقول...

بعد عمري خطااج السو
والف الحمدلله على سلامتج


اي والله مادري شلون البنات يروحون فيه اماكن عامه
وكعب وميك اب وخبه وتريننج

7osen يقول...

خطاج السو

وماتشوفين شر

وديري بالج على نفسج عدل
بالحديد ولا بالعبيد

وصج والله صج
ثاني مرة لاتطلعين جذي

عباة والسلام

وماتشوفين شر ان شاءالله
وسلامتج الف سلامة يالغالية

`~MnO YeNSa! ~` يقول...

سلاماااااااااات
حبيبتي :**

خطاج السو

ترا انا عزمتج
نقي المكان
و قوليلي
تدرين الجو يساعد
و ما علييه انا امرج اذا ما عندج
سيارة

:Pp

واااااي خرعتينيييييييي
من
صج
:*

Kuwait يقول...

خطاج السو حبيبتي ..
بسيارتج العزيزه ولا فيج ;p

غير معرف يقول...

خطاج السو
الحمد الله بالحديد ولا فيج
ديري بالج مرة ثانية التأملات خليها بالبيت وانتي بالسيارة فتحي عيونج أربع أربع الميانين وايد
شربي ماي زمزم و اقري على عمرج عن الخرعة

دندش

Selezya يقول...

لووووووول اول مره اقرا شي عن حادق واموت ضحك
يمكن لان تطمنت مافيج الا العافيه :))

الحمدلله على السلالالامه
بالحدييييد ولا بالعبيد


قولي حق سيارتج لا تزعلين في وايد نفس حالتج وانتي احسن منهم بعد

سيارتي قبل اسبوعين اخوي سوا فيها حادث وتفنقشت ماتوقع تنرد بس قاعدين يحاولون
:P

Selezya يقول...

حادث **

charisma يقول...

اسم الله علييج الرحمن الرحيييم
خطاااج السو يا استكاانه اهم شى سلامتج وكل شى يتعوض
الحمدالله

اعرف شعور الحادث صج خرعه
:**

سلامات يالغالى سلاماات
:)

Zabo0o6a يقول...

وي وي ، سلامات يالغالية ماتشوفين شر وخطاج السو :*
اشوه بالحديد ولا فيج..

rawan يقول...

سلامات و خطاج الشر إن شاء الله
الحمدلله على سلامتج
بالحديد و لا فيج يا معوده .. كل شي يتعوض الا النفس ...

:(

ShLaLaT يقول...

خطاج السو

الحمدالله
بالحديد ولا فيج

Enter-Q8 يقول...

سلامات و خطاك السو
بعد سواقة حريم
يا زين السعودية مرتاحين

ضـاد يقول...

خطاج السو
:(

ذكرتيني يوم دعمت
واللي كان يوم تخرجي
ايييييه سبحان الله الاحساس واحد والله


و اوافقج الراي... سيارتي اكثر شي عور قلبي وقتها
الحمدلله انا يتني سليمه
بس تعلمت ما اتطيفق واتشيحط وايد :)

خصوصا بدوار الشيراتون !!


أجر و عافيه
:*

Sweet Revenge يقول...

حياتي ماتشوفين شر وماتشوف شر بعد سيارتج ;),وديري بالج ماعندنا الا استكانه وحدة بس :)

ARTFUL يقول...

اول شي سلامات وما تشوفين شر يا وخيتي
في الحديد ولا فيج
الحمداللع على سلامتج

ثاني شي
انتوا يال الحريم ابتلشنا بسواقتكم
والله العظيم عليكم حركات
آآآه تنرفز طبعا مو الكل

بس شقول ،، انتوا وسواق التكاسي
عااااله على الشوارع
;p
لما اقول حق مرتي جذي تعصب
;p

شفتي سلاحج الفتاك
البجي لما الريال يعصب
يمكن ينفع معاي بس بنفس الوقت ينررررفزني

أنتتتتتتتفج
;D

يحليله الله يخليه ويسلمه

مرزوق الحربي يقول...

الحمد لله على سلامتك وما تشوفين
ويفداك الحديد .. المهم أنك سالمة وبخير وعافيه

kAiKa-MGroMa يقول...

opppssss!!

خطاج السو يا الحلووه سلامات سلامات

اهم شي انه ما انكسرت عروة الاستكانه

وتصدقين عدل كلام ابوج فطنتيني على

ملاحظه حلوه

=D.

اقصوصه يقول...

الحمدلله ع سلامتج

فعلا يوم تسوين حادث تكون نفسيتج زفت

انا يوم ادعم فورا اقعد اتذكر

يا ترى انا شو سويت اليوم عشان الله يعاقبني

ههههههههههههههههه

واكثر شي عاد اشل همه يوم ارد البيت

طنازة افراد المنزل!!

اللي يقولج ها سواقة حريم

واللي يقولج ترى الليسن واسطه

واللي يقولج خساره فيج السياره

انتي يبيلج سياره موديل تسعين تتعلمين عليها

وغيره وغيره وغيره

اللي يبط الجبد يعني الحين انتوا يالاولاد ما تدعمون؟

ليش يعني احنا ما نتكلم وما نعايركم؟

والله حاله

مالت عليهم

يعني عقب الدعمه يكفي النفسيه تكون داون

ناقصه طنازه هي!!

Broke يقول...

يا كره الرجفة و الدقائق الأولى من الحادث .. بس زين إنها عدت على خير

الخروج سالمة من أي مكروه .. نعمة و الإحساس بالإمتنان إلى الرب بسببها ليس مجرد شعور عابر .. الحمدلله إن الله سلمك من كل شر

:)

Yang يقول...

ماتشوفين شر

انشاء الله بس تصليح السيارة مو وايد؟؟؟

مسكين ابوك :)

Salah يقول...

سلامات وخطاج السوء

غير معرف يقول...

ما تشوفين شر بعد عمري في الحديد و لا فيج و نصيحة دام امج و ابوج على راسج و بصحة الله يخليهم لج فمالازم اتحسين و لا للحظة وحدة بالوحدة
اختج ام تعليق

بنت الشامية يقول...

استكانه ترا شربكتج ببوستي
الكل ينطر رد مستشااااااركم
يصير البيع والمشترا
والا مااااا يصير
ردي علينا بسرعه العروض ما لها وااااااالي
ههههههههههههههههه

Sowhat يقول...

سلامات !!! قلبي عورني و انا اقرى البوست خطاج السو ان شاء الله وأخر الحوادث ان شاء الله لج واللي تحبين


وزينك الله بالحشمة و الوقار :) احيي ابوج

Safeed يقول...

خطاكم السو
.
.
خبرة تضاف لرصيد خبرات الإنسان ، حتى يستفيد منها في المستقبل و ينقلها لغيره
دائما هناك وجه مشرق لكل شيء
:)

Noor يقول...

حبيبتي والله
خطاج السـو
وماتشوفين شر بالحديد ولا فيج

وديري بالج لا تسرحين مره ثانيه
والله انا صايره خوافه من قلب
اذكر مره دعمت وعقبها كله
اروح مع السايق او البنات
و إذا سقت هم أحس فيني خوف وأعترف انه انا خواره بالسياقه
؛)

لؤلؤة يقول...

الحمد لله على السلانة استكانة

غير معرف يقول...

ViPyah
سلامات حبيبتي
زغت عليج الصراحة
يالله في الحديد ولا في العبيد شرات ما يقولون عندنا

LonDonY يقول...

سلامات!!! الحمدلله على سلامتج
يبا السيارة ومصنعها وياها يفدوونج
ويفدون خرعتج
فكري بالشارع على انه ساحة حرب وقتال
وانتصارج هو عودتج للبيت سالمة
ونصيحتي
الدعاء الدعاء الدعاء
و.. دفع الله ما كان اعظم
معافاياااه

Shaima'a Alkandari يقول...

سلامااااااااااات


وخطااج السووووو ياوخيتي

وماتشوفين شر

ديري بالج المره ياليايه والحمدلله ان ماصار فيج شي

والمره اليايه ديري بالج ولبسي عدل يوم تطلعين ترى ماتدرين شنو بيصير وماتضمنين الظروف


والله يخليلج ابوووج واهلج كلهم

تراب الكويت يقول...

خطاج السو
الحمدلله على السلامه

-------
هل أحيان نحتاج لصوت الارتطام الكبير
ولشئ يهزنا بقوة
ليقول لنا بأننا بخير
وان لا شئ في الدنيا يسوى اي ضيقه
---------
الحمدلله الحمدلله

سؤال في محله وبوقته والله

الحمدلله انج بخير

قلب طفله يقول...

سلامات يا الغاليه
خطاج السو و الف الحمدلله بالحديد
و لا فيج و لا في اللي دعمج
و السياره حترقع عروسه متخفيش
الله يحفظج و يستر عليج :)

esTeKaNa يقول...

شكرا من أعماق الرووووح
الله يسلمكم جميعا من كل شر
والله كل تعليق له مكان بقلبي فرحني ورد روحي..شكرا لوجودكم الصادق حولي
شكرا للجميع
الله يحفظكم ويسعدكم جميعا
:)

DiLLi O MiLLi يقول...

لاه لاه لاه !!! خطااااج السوووووو حبيبتي
ماااا تشوووفين شـــر
بالحديد ولا بالنفس
أسم الله عليج الرحمن الرحيم
الحمدالله أنج بخير
ولو أن الخرعه موو هينه
سأليني أنا مجربه

وبعدين الله يهداه الوالد مووو مال يخرعج فووق ما أنتي مخترعه
:)