الجمعة، نوفمبر 07، 2008

حلطومه اليمعه

هما..وصلو لعمرآخر
شباب
لهم حياتهم ومشاغلها
وكل ويك اند شاليه

!!
هي..بعز المراهقه
صديقاتها وحياتها الصغيره وهموم دراستها وعساره مراهقتها
وهما...امي وابي
عشقي في هذه الدنيا وراحتي
امي..تغرييني بهذا الجو انا اتمشى معها بصفاه الغانم بصحبه ابي
وابوي...يقنعني بان نذهب لشرب القهوة في كوستا في المركز العلمي مع امي
وانا
انا لست راغبه بالخروج معهما
وهذي كسره لمشاعرهما
أقدر جدا الطلعات العائليه
ولكن..مو بخاطري اطلع معاهم اليوووم
واساسا..منو بيطلع معاهم غيري؟
!!
اخر ما وصل له ابوي...انتي وين تبين تروحين؟
احنا نروح
شرايج نروح نتمشى بالمباركية


(موقعي الحالي في الصاله)


:Pp~
من كم يوم غيرنا اثاث الصاله كله
وامي وابوي ما عندنا موضوع الا السجاد
والستاير
والطاولات
طول الطلعه ابوي يقول ندخل هاللون احسن ونكسر ذاك اللون
تقول امي لا
يسئلني ابوي:
مو صح هالون احسن؟
اي يبه صح
تقول امي لا...انا اشوف ناخذ تدرجاته احسن
صح استكانة؟
اقول صح

ونشتط نشتط نشتط
يا ابوي يتحطلم ان احنا ما نقدر ذوقه واكبر غلط الطلعه مع حريم
او امي تتحطلم وتقولي انتي كله ويا ابوج ضدي
ابتلشت بهالشياب
!!
ونطلع اخر شي من الطلعه يا واحد صفر امي
يا واحد صفر ابوي
وانا الحكم
:)

قبل فتره كنا بمطعم
انا قاعده على الطاوله...وابوي ماخذ امي يبي يوريها ديكور السقف عند الممر
يعني هذي حاله؟
صاير مستوى نظرهم السقف
والسجاد
ومغاسل الحمامات وانتو بكرامه
وقمة الوناسه التمشي بصفاه الغانم وميداس ونشتري اي شي
لو ...كرسي وطاولة
شلي معور قلبي؟
ان بهالطلعه لازم اكون مستانسه
وانا فعلا استانس معاهم
بس مرات امل
امل
وهذا طبيعي
ليش تملين؟
في احديحصل؟
الحمدلله ياربي عسى الله لا يغير علي
بس محتاجة كسره روتين
قبل اسبوع كان الجو عجيب....وكنا نشرب قهوة في الكوت
صوت الموسيقى الهاديه
وصوت النوافير
والقهوة
كان وضع رومانسي
وابوي كل شوي يقولي...ترا القهوة بارده
وامي تقولي ترا الحلو ما عجبني
قلت لهم انا اقترح المكان صح
بس مو انا اللي اسوي هذا الحلو ولا القهوة
لا تخربون الجو...تأملو بنسمات الهوا
وصوت النوافير
والقمره
قالي ابوي...لي الساعه جم نتأمل؟
يااااااااااااااااااربي يا حبيبي
قعدنا نسولف شوي....سرحت
وتبسمت فجأة بروحي
تبوسم ابوي وقالي:
مستانسه؟
قلت:
اي
وامي سئلتني:
شتفكرين فيه؟
واااااي يمه لا تحرجيني بليييز
عطيني خصوصيه بمشاعري وتفكيري
وضحكت
ضحكت لان سؤالها ضحكني
خمرت شوي قالت لي:
استكانة عسى ما تحبين احد وانا مادري؟
ياربي اقدر اصور ويوهم واحطها؟
ولا يكفيكم الوصف
ابوي مبقق عيونه ويطالعني
وامي شوي وتقعد بحضني:
مخترعين
قلت لهم لو احب يا بعد قليبي انتي وياه شموديني وياكم؟
شمقعدني عندكم؟
!!
كل مالي واخوره ويا امي وابوي
واللي مونسني انهم يضحكون اذاقلت لهم جذي
ويطوفون لي هالينون

:)


أبي اطلع...مكان مفتوح
هواء بارد
قهوة لذيذه
وصحبه جديده
صديقاتي موجودات...لكني اشعر بكسل
مالي خلق اتصل
وارتب الطلعه
ونتفق منو يمر الثاني
احساس غريب....ابي ابدل بسرعه الحين واطلع

شسوي
ماقدر اطلع بروحي
ولا ابي اقعد بالبيت بروحي
:)

تحديث:
واي بس خلصت البوست
ياني مسج من رقم غريب
انتي مدعوة على ستاربكس مارينا
لج نص ساعه بالكثيرتتجهزين
!!
وقف قلبي من الخرعه
اكتشفت امي داقه على رفيجتي وانا مو مخزنه رقمها
على ما اكتشفت هالمعلومه من صجي اخترعت منكم
Hahahahaha
امي معطيتني مليونتعش توصيه جني ياهل اول مرة تطلع
وابوي زعلان بوزه واصل لي الرياض
بيروحون ايكيا ..احد يعاف ايكيا
:Pp~







مالي خلق ارتب البوست
يالله ولبي بطلع
:pP



هناك 40 تعليقًا:

bin3li يقول...

حياج عندنا
:)

esTeKaNa يقول...

بن علي
~~~~~~~~~
درب درب
وااااي في شي يضحك بسوي تحديث واكتبه
:Pp~

bin3li يقول...

عيزت و أنا أسوي رفريش
وينه؟

. . . ساخر كويتي يقول...

استكانة

روحي المدينة الترفيهية ,,, والا اقول شكلها بعيدة ..

همممم روحي حديقة الشعب
وركبي قطار الموت وجك لعبة يعفسون الملابس مو المزاج بس .. وبعدين تعالي كتبي بوست وشوفي شلون الادرينالين بيكتب عنك ههههههههههه

واذا ما حصلتي احد يروح معاج روحي بروحج المهم الواحد يونس نفسه

والله يخليلج اهلج امين
تحياتي

Kuwait يقول...

@@
وين التحديث ؟
انطره عشان أعلق ;p

بس يقول...

مسيك بالخير و الكرامة

الله يخليهم و يطول بأعمارهم

قعدت البيت حلوه :)

بس بهالجو كلش مو مال قعده :p

هذا جو حوسة و قعده بالمطاعم اللي فيها قعدات بره :)

esTeKaNa يقول...

كاااااني نزلت التحديث اللي خرعني منكم كلكم
:)
ساخر كويتي:
مسويها من قبل؟





بس:
مو هذا الحجي
جو حق طلعه مطعم وفيه قعده برا
هذا اللي بخاطري صج
!!
الله يسلمج ماقصرتي

Fahad Al Askr يقول...

الله يخليكم لبعض، الحين وين عزمتي علشان لا أروح المكان اللي انتي فيه

وعلى فكرة، ترى سؤال عمي يوم قال تأمل قتلني

RoOra يقول...

ahm shai ene yayh bgdmlch egtra7at :p

etha mletai next time ro7ai m3ahm living room ale bmarina waves jablai laptopch w aljaw al7elo m3a alghwaa al7elwa :D

da5l leshta lazm ttkeslen now 3de:p bs hal Jaw ma yt6wf ^_^
have a nice weekend ;*

Sn3a يقول...

يابختج لقيتي طلعه
شوفيني انا اللي دورت وحده ادرس وياها عشان لا يخلص الويك اند وانا بروحي
شفتي مستوى اليأس


زهقه الحين بطالع نص فلم دي في دي وبكمل النص الثاني الويك اند الياي

ان شاءالله تستمتعين بوقتج بالمرينا


وطلعه الاهل محد يعوفها بس الواحد يحتاج لينون لطفره عقليه يطلع مع احد يشاركه بعمره على الاقل

QiYaDiYa يقول...

انا اخترعت بعد !! ;p

روحي استانسي غيري جو

توفي نت لاتيه مع هالجو خياااال !!

عليكم بالعااافية ;**


انا احب ايكيا وااايد
على قولة وحدة من صديقاتي
محل ابوج و انا مادري ;p

اذا ودي استانس وديني هناك
اخممممررررر

;p

و اثاثكم حلو عليكم بالعافية ;D


احنا بعد تونا مغيرين الصالة ;p

امي و ابوي نقاااش حااد على الصبغ !!
;p


امي تحب الشي الغريب
و ابوي يحب الشي الفخم
و انا كل شي بسيط يعجبني !!

تدرين شقولهم !!

اقولهم حلات الصالة مرقعة
ستارة غير
زولية غير
لون الطوفة غير

عشان يصير فيها حياة و تبين انها صالة عايلة ;p ;p

بالاحرى ما نتحسف عليها مهما عفسناها ;p ;p


باجر عندي امتحان
منحكرة بالبيت
="(


كسرت خاطر اخواني
يايين بيطلعون
جان اقولهم ترا بقعد بروحي بالبيت ="(

جان يقررون انهم يطلبون اكل معاي و يقعدون ;p ;p

bin3li يقول...

يا سلاااااام
غنفتكم هذه تشجع الواحد ينام عليها
خصوصاً هذه إللي ينب اللابتوب

ترى أنا من عشاق النوم على الغنفات
:)

انزين ما قلتيلنا
منو طرى من البلوقرز على بالج يوم وصلج المسج؟

bent el deera kitchen يقول...

ههههه

يعله منزل مبارك

طلعي معاهم واستانسي وسوي mute على الاشياء اللي ما تعجبج :)

that's iT يقول...

لوول ,,

ياملق أيام التأثيث:( كنت مرات ودي أبجي بس من أشوف أمي أبتسم غصب عشان لايضيق خلقها:)

أخيس شي لم تكونين طالعه مكان و ودج لو بروحج لأن الجو مال قعده بروحج و تقعدين تسرحين..و المشكله الأكبر لم تقررين و تروحين تشربين قهوه بروحج مايخلوونج الأوادم بالتخزز عالبونه كاسره خاطرهم:p

الجو مال ماكي^*^

ur sis

THE BOSS يقول...

الله يخليهم لج و يخليج لهم
وترى هذا يعتبر من بر الوالدين
وبعدين وين الواحد محصل ناس يأخذونه و يونسونه و يعشونه و يردونه ههههه

وعطني ولعه

Najmah يقول...

مسااا البرد
الجو رهيب
:))
ابيييييييه
حسيتي فيني
قبل جم شهر مريت بنفس الحااال
تخيلي كل ويك اند
ايكيا
ميداس
صفاة الغانم
هوم سنتر
ابيه مو صج
والله حفظتتتتتهم
الحين لحد اييب لي طاريهم
صار فيني تشبببع
!!
ونفسج ابوي يقول شي
وامي شي
وانا مادري كيفكم
او لما اوصل حدي
لا هذا ولا هذا كلهم مو حلوين
:Pp

الحين تخيلي
صارلي شهر احن عليهم ودوني الكوت
ياربي احبببببه
واخوي ينط لا مانبي نطق درب
عشان نافورة
!!
ليش يعني ليش مايقدرون الرومانسية
:Pp
الاسبوع اللي طاف ابوي قال لي خلاص الويك اند الياي اوديج
اليوم اذكره
يقول لي نهد المزرعه بهالجو ونروح الكوت
!!
مايصير صح انا مظلومة؟
:P
اهم شي اني قلت قصة حياتي
بررررد حده برد
دشيت داخل وشغلت الدفايه وجابلت بلوقج
:))
ولهانة على داري
!!
تصبحين على خير وسعادة

why me يقول...

انا اقول

المره اليايه روحي ستاربكس الهلتون



جوو عجيب

روحي مو ماتروحين

ولا دقي علي اروح وياج

;ppp

ShLaLaT يقول...

صاااااااجه مااااكو على نافوره الكوت

روووووعه


عسى ستانستي بطلعتج ؟؟؟

عليج بالعااااافيه

Sn3a يقول...

دقت رفيجتي جان تقول يلا لبسي نص ساعه ونمرج انا وامي
لوول ومروني
ورحت وين
المرينا كرسنت
الجو من كثر ماهو حلو ودي اخشه بجنطتي

Tekana يقول...

الله يخليهم لج ان شاء الله...واكيد عشان قاعدين يأثثون فمزاجهم كله صاير قنفات وصبغ اعرف وايد ناس جذي

وانتي قسمي الحق بالنص طلعة ويا اهلج وطلعه ويا رفيجاتج عشان ما تملين :)

الخيلاء يقول...

مساء البرااااد

ههههه

اتصدقين والله نفس حالتي

و صج ساعات ما ابي اطلع
بس احس بتانيب الضمير
بمجرد ما افكر اني بردهم
ولا بقول لهم لا ماني رايحه

السبت الي فات قلت بلبق كبت الشتوي
بشوف شعندي شماعندي
ماني طالعه

يوم طلعت من داري مو مبدله ولا ابوي حبيبي هايبه مني رايحه معانا

قلت له بسوي داري قالي لاحقه امشي معانا الجو حلو مثل الي اتحبينه
الصراحه ماقدرت اقاومه و اهو يساحلني
و رحت سليل الجهرا لول
باجر مادري وين مخططهم
عسى الله لا يحرمنا منهم
و يخليهم ذخر لنا
ويعينا على برهم


واحلى شي نجرتهم مع بعض عسى الله لا يفرقهم ولا يحرمنا من حسهم
:)

انا مستعده انظم لج برنامج حافل
و ادق عليج اقولج يلا انا بره
:p

بـابـل يقول...

صباح الورد

ياحلووو صالتكم عجيييبة والله

والله استانست على سوالفكم مع الوالد والوالدة

والله يخليكم لبعض ولايحرمكم من هالحب العجيب

ويكفيكم شر العالم

بوست لذيد مثل القهوة اللي بالصورة



:)

وشكراا


وبس


بابل

mantovani يقول...

ماشالله حلوة صالتكم

مانتوفاني

3baid يقول...

Do you know anything about this? :P

esTeKaNa يقول...

فهد العسكر
~~~~~~~~~~~~~
بما اني رحت مرينا كرسنت وخلصت
فتقدر تروح اليوم
:Pp~
وسؤال عمك كان مع نظرة لي الساعه
فتحس ان كان بقمة الرواق والرومانسيه
:)

esTeKaNa يقول...

roroo
~~~~~~~
واااي ما تتخيلين شكثر بخاطري اروح له
بس البارحة قالو لي رفيجاتي لازم احجز اذا ابي اقعد بالطاولات اللي بره على البحر
!!
قايله بنص الاسبوع
لما يكون الجو خطير
بعزم ابوي وامي هناك
بس عندج رقمهم؟
:))
حياج الله
صراحة خوش اقتراح

esTeKaNa يقول...

sn3a
~~~~~~~
ردج الثاني يخليني اقولج
لا يأس مع الحيه يا سنعه
:Pp~
واي شفتي الجو امس؟
انا كنت في جوكلت بار مالقيت مكان بستاربكس
لو شايفه ويهي ودي اسلم على كل الناس من وناستي بالجو
:))
يالله عليج بالعافيه
اهم شي انج استانستي

esTeKaNa يقول...

قيادية
~~~~~~~~~~
ياهلا ويا مرحبا
:*
الظاهر الواحد من يوصل هالمرحله من العمر تصير هذي اهتماماته
:Pp~
واااااي تبين اعرفج على امي وابوي؟
يحبون ايكيا
:pP~
وبعدين واي حرام عليج
ليش حكرتي اخوانج
ياما ويااااااما قعدت بالبيت ماكو الا انا والبيبان
بالعكس تكسرين خاطرهم اكثر
وتستفيدين اكثر
اهو كيك يوصلج
اهو عشا يوصل لي عندج
اهو سوالف امج تتنقصها لج
بس لانج تكسرين الخاطر وقاعده بالبيت بروحج تدرسين
;Pp~

عسى ربي يوفقج ويفتح عليج
طمنيني عليج يا الغاليه
:)

esTeKaNa يقول...

بن علي
~~~~~~~~~~
ما شفت الغنفات القديمه
من كثر ماهي مريحة كنت اتعنى لها من داري عشان انام عليها في ليالي الارق
!!
بس عفى عليها الدهر
وكان لابد من الفراق
وهذا الجيل الجديد من غنفات الصاله
:)
اول من طرا لي
اول اثنين علقو
:pP~

esTeKaNa يقول...

bent el deera kitchen
~~~~~~~~~~~~~~~~~~~~~~~~~~~
ياهلا وامية هلا
بالضبط هذا اللي احتاجة
اسوي ميوت
بس ياربي ماعبر كل شوي طامرة ومتكلمه
:Pp~
حياج الله

esTeKaNa يقول...

That's it
~~~~~~~~~~~
اخييييه بس اخيه
لما كنا نسافر انا لازم اعر عنهم شوي واقعد بروحي باي قهوة
تصدقين ماحد يدري عن هوا دارج
بس المشكله كلها هني
مرات اتجرأ واقعد بروحي
بس اخذي عاد من هالناس اللي تخزج وتحسسج جنج مينونه
:Pp~
اي والله يبيله ماكي
:)

esTeKaNa يقول...

THe boss
~~~~~~~~~~~
الحمدلله
عسى الله لا يغير علينا
!!
وماكو ولعه
اهلي ما يرضون
:Pp








Najmah
~~~~~~~~~~
هلا ومرحبا بالنجمه
الجو حلو؟
زييين زيين عليكم بالف عافيه
استمتعي بالجو
والبراد
وكتبي لنا اجمل البوستات
:))
وياربي انا اقدر جدا قعده الكوت
وايد ناس ما يحبونها ويقولون درب
بس انا احبها
خلاص انا أوديج اتفقنا؟
:Pp~
وانتي من اهل الخير كله

esTeKaNa يقول...

Why me
~~~~~~~~
وااااي ذكرتيني
من زمان ما رحت
انا وايد احبه
كنت ادرس فيه
:pP~
خوش الوعد الياي بستاربكس هلتون
:)

esTeKaNa يقول...

shaLalat
~~~~~~~~~~
الحمدلله
وااايد استانست
الله يعافيج ما قصرتي
:)












tekaNa
~~~~~~~~
بالضبط
هذا اللي بيصير
:)
شكرا على مرورج







sn3a
~~~~~~~~
قلنا لا يأس مع الحياة
:)
موتيني من الضحك على الجو اللي بينحط بالجنطة

esTeKaNa يقول...

الخيلاء
~~~~~~~~
يا مسا الورد والبراد
:*
اين موقعكم اليوم؟
واي ابوج ذكرني بابوي
يحب يطق درب
!!
الحين قولي لي اشلونه سليل الجهرا حلو؟
اذا حلو انظم طلعه حق امي وابوي انا خلاص مليت من المباركية وسوق الغربللي
وكل مرة نروح ابوي يسولف ويشرح لي جني انا استراليه واول مرة ازور الكويت
:Pp~
ترا احب اسولف وياج
فطلعه انا وياج
وقهوة
وسوالف
ما ظنتي بنرد عقبها البيت
:)

esTeKaNa يقول...

بابل
~~~~~~~
ياهلا ويا مرحبا ببابل
:)
الله يسلمك ما قصرت
مرورك واستمتاعك بالبوست افرحنا
:)











مانتوفاني
~~~~~~~~~~~~
حلت دنياك ما قصرت
:)










3baid
~~~~~~~~~~
شكرا شكرا
مر علي هذا الايميل من قبل
:)

Zabo0o6a يقول...

"مالي خلق اتصل

وارتب الطلعه

ونتفق منو يمر الثاني

احساس غريب....ابي ابدل بسرعه الحين واطلع"

بالضبط هذا احساسي بس اخاف اقول ابي صحبة يديدة ورفيجتي تاكلني بقشوري! بس اوافقج الراي ، مليت من الرسميات وهالسوالف ودي طلعة عفوية منها نكسر الروتين و نغير جو ! بس ليش ماخذيتيني الكوت وياج :P
ماتدرين صايرلي اسبوع احن على الروحة هناك ؟ :P

ARTFUL يقول...

;D

يحليلج

Sweet Revenge يقول...

الله يخليهم لج يـــــــــارب
انا عندي اقتراح جربي تطلعين بروحج ههههههههه ادري غريبة بس مرات اسويها واخذ معاي كتاب او مجلة حدي استانس
اسوي الي ابيه واطلع وين ما انا ابي واطلب الي ابيه محد يداحرني :p

ayoosh يقول...

شقد مشتاقه لهالمكان
كنت اقرا لج دايم بالريدر بس كل ما ادش على البلوق يعلق :(
رحت فرمت جهازي وشلت الاكسبلورر وحطيت فاير فوكس
والحمد لله صار بلوقج ما يعلق معي :D

يا زينهم
قلت لج من قبل بوسي لي امج وابوج ..

الوالد يذكرني ببابا اول قبل لا يمرض :(
الله يحفظه لج ويقوم ابوي بالسلامه ..
استكانه كنت اعاني مثل ما تعانين وكله نجره وياهم
والحين ..
ودي ترجع ذيك النجره :( ونرجع نتحلطم على بعض

تمسكي بهاللحظات ترا طعمها غيييييييييير


ما ودي اسكت
مستانسه اني داشه البلوق من غير لا يعلق هههههههههه

كوني بخير
وسلميلي عليهم ;)