الأربعاء، نوفمبر 05، 2008

أضغاث أحلام

(1)
كثير من أحلامنا هي مجرد ترسبات لأفكارنا وما يدور في عقلنا الباطن
في طفولتي كثيرا ما كنت احلم بآخر قصه قرأتها
او أخر مشهد من فلم شاهدته الامر الذي يشعرني أحيانا بأني لم انم نومه مريحة لأن عقلي ما زال يشتغل
!!
البارحة ،كنت قد خرجت للعمل الساعه السابعه الا ربع
ولم اعد للبيت الا الساعه الثامنه مساء..عدت محمله بارهاق وألم معدة مبكي
شربتني أمي كل منتجات الحواي ونمت..نومه غريبه
شاهدت فيها ماما حصه جدتي وبجانبها المليفي وتناقشه عن استجواب لجدي رحمه الله لانه تزوج عليها ذيج السنة
ومن ثم باغتتني بزفه محترمة لاني ما صبيت جاي لهيلاري كلنتون التي كانت على جانب الصاله تسولف مع خالتي
ثم تخربطت الصورت ووجدت نفسي بحديقه كبيرة..بجانبي اوبرا وأوباما يلقي خطاب الفوز
كنت اصفق بحماس وفرح ...واكتشفت ان هذه الحديقه بالشامية
واني لابد ان اعود لمنزلي بعد هذا الاحتفال وعندما عدت وجدت رجل كبييييييير بالسن
يثل
ويده كبيره جدا
سئلته من حضرتك؟
قالي انا خميس وطالبج لبيت الطاعة
وكان عندنا ولد اسمة رمضان
:(
قمت من النوم مخترعه..منو خميس يا حسرة قلبي؟
ومعقوله انا عندي ولد اسمه رمضان
!!
والسؤال الاهم:
ليش الحوار بأحلامي لغه عربيه فصحى؟
هذا الميرميه وما تسوي
:(
(2)
هاليومين اشعربإحساس غريب...أنا اكبر
!!
واحيانا كل ما كبرت زادت عسارتي
ترتب لي جدتي غرفه خاصه وتترجاني ان انام عندها
فأجد نفسي متعسره...لم اعد أحب أن انام الا في سريري ووسط مكاني واغراضي
تتصل بي قريبتي لترتيب طلعه في عطله نهايه الاسبوع
فأجد نفسي مستثقله الطلعه...واقصى احلامي ان اكون مسترخيه في وسط سريري وامام لاب توبي
اذا في خطط مرتبتها ليومي ...صعب جدا اغيرها واذا غيرتها اشعر بضيق كبير
و
اشعر بأني فكيت الارتباط بين سعادتي والطلعات ووجود بعض الناس حولي
سعادتي وراحتي هنا....في قلبي
!!
(3)
ما مشكله الجاذبيه الأرضيه معي؟
وشفيني
اليوم طحت ثالث طيحة باسبوع
!!
اول لحظة تمر علي بعد الطيحة يكون اهم ما فيها
كيف اتفادى الفشله؟
اشعر بأني اصاب بانفصام بالشخصيه فمجرد ان اصل للارض افز بسرعه
وازم الحلج وترتفع الحواجب واتلفت وراي جني معصبه
يعني مو انا اللي طايحة...احد دازني
وطبعا يكون مافي احد وراي
hehehehe
(4)
مزاجي هاليومين :
يا غالي الأثمان...غلوك بالحيل
من يوم سموك جميل المحيا
شخص تمنيته على العدل والميل
والحمدلله يوم خلي تهيا
أشبهه بلي عسيف من الخيل
تلعب وأنا حبل الرسن في يديا
أورق غرامه مثل غرس على سيل
مشهات يوم قلبي يوم جاني شهيا
أعن له...أعن له عنة هل الكيف للهيل
ما ذاق راعي الهوى ذقته هنيا
حبه سرى بي سرية الغيم بليل
نسيم ليلة قال للشوق ..هيا
!!
طبعا انا قايمة قاعده اقول :
أعن له له عنة هل الكيف للهيل
ما ذاق راعي الهوى ذقته هنيا
!!
عاجبني هالتشبيه البليغ
يحسسني ان برد
وجبالي قهوة ودلة
خيمه تعبق بريحة الهيل
وكحل عيوني واصل لي الخفجي
واسمي..وضحة بنت عجلان
هذي صورة هالبيت بعيوني
:Pp~
فيني نومه
ومالي خلق الدوام
ليش ما يخلوني انام ومتى ما قعدت رحت خلصت اللي بيدي ورديت
يعني ليش نفزع ونركض بالشوارع واحنا بالنهايه اول ساعتين مانشتغل
انا كاسره خاطر انا
:(
اقولكم بعدين ليش
الحين بروح انام
وحبه سرى بي سرية الغيم بليل
نسيم ليلة...قال للشوق هيا
:pP~
تصبحون على خير
وهابي ويك اند

هناك 43 تعليقًا:

الخيلاء يقول...

ههههه
بعد عمري انتي بكل ذرابه تسالينه من حضرتك و اهو طالبج لبيت الطاعه
صج ما يستحي

بس بسالج هذا غير حلتيت؟
:p
سلامه معدتج ماتشوفين شر
الظاهر متشربج برد

و اتصدقين هالاحلام اتكون
نتيجه جسد مرهق و فكر مشغول

:
:

2
مع زحمه الشغل
و احياه عموما
اتي اوقات نحس فيها بالحاجه حق
نفسنا و الخلو فيها بعيد اي مؤثرات
خارجيه
:)

:
:
3
هههههه
لا استكانه هالاسبوع
اوفر لود عندج

بس عادي الطيحات اتصير
باكبر العائلات
:)

:
:
4
الله صار براد يوم قريت وصفج
ايصير اسير عليج بالخيمه
بس انا مو راعيه قهوه بس احب ريحتها

:
:

انا بعد بروح انام
باجر اندم على هاللحظات الي مانمت
فيها لي رن المنبه لوول

صبا يقول...

اي والله صاجه يا استكانه

اذا فكرة بشخص او موضوع قبل لا انام احلم فيه ولا ومرااات القي الحلول
:)


انما سالفة بيت الطاعه عجيبه
اكيد كنتي قاعده اطالعين فلم عربي

يا معوده اشوه انه قالج طاعه مو ناااشز
؛)

وانا الحمدلله اداوم بكيفي بعيد عن الزحمه والحمدلله اسمع باللويه الي بالشوارع بس ما شفتها

اداوم العصر بالشركه علي كيفي
بس هالايام خوالي محمرين لي العين

وشكلهم بيقلبون دوامي صبح
الله يستر من قراراتهم


:((

Enter-Q8 يقول...

ام رمضان الله يهديك
انا قايلك لا تاكلين باجة من مطاعم شرق

Fahad Al Askr يقول...

الحلم وايد سياسي بسكت عنه، وبعد نفسي ما شفته

أما موضوع العسارة، فهذا دليل شيخوخة

يا الله حسن الخاتمة

والطيحة سلامات، الركب عقب هالعمر ساعات تخوره

someone_q8 يقول...

السلام عليكم
اختي استكانه بالنسبة للحلم اللي يبيج ببيت الطاعة فا انشاء الله راح تسمعين خبر حلو في رمضان القادم وتقريبا راح اقولج مبروك اختي بيوم الخميس :)
واللوية اللي بالحلم من المليفي والرؤساء فهذه مثل ما قلتي من التأثيرات اللي قاعدة اتصير حواليج سواء سياسية او اجتماعية وانتي ادره :)

العسارة ما راح الومج فيها لانها اتييي من كثرة الضغوط اللي عليج سواء من العمل او البيت او التفكير بالمستقبل والمحاتات في امور غيرج اتحبينهم , انصحج بإجازة تاخذينها هالايام اذا فيه مجال لمدة اسبوع على الاقل وغيري جو بعدها راح اتحسين بالفرق
انا راح العمره اليوم وراح ادعيلج بزوج الحلال اللي ما يأذيج على بيت الطاعة ويرزقج الزوج الصالح والذرية الصالحة

ماتشوفين شر اختي و طولي بالج :)

kuwaitawy يقول...

(1)

انتي قلتيها

الميرمية وماتسوي


لوووووووووول


(2)

هذي المشكلة تنتج من الفراغ بوجهة نظري المتواضعه

حاولي انج تشغلين نفسج او تغيرين الروتين

(3)

شرايج بوحده طاحت من السلم جدام عيوني باحدى المجمعان ومن الفشله رفضت انها تقوم من مكانها

مسكينه تجمدت ههههههه من الفشله


(4)

مزاج قوي

ما الومج هذا وقته

الدنيا برد ومطر والجو جو مخيمات لووووووول

وترى العمل عباده


لوووووووووووووووول





-----------------------


خوش بوست

الله يعطيج العافيه

esTeKaNa يقول...

الخيلاء
~~~~~~~~~
لاحظتي اني حتى بالحلم ذربه؟
عساني ما انضل
:Pp~
ذاكره حلتيت
اسم الله عليج الرحمن الرحيم
ذاكرتج قويه يا حلاتج
ذاك حلم بنت خالتي فيني
العايله كلها تبدي افلامها تالي الليل
:pP~
اي والله هالاسبوع اوفر لود
بس الحمدلله على كل حال
وافا عليج تسئليني تسيرين ولا لا؟
قلطي قلطي
:Pp~
في احد ما يحب القهوة؟
خلاص انا اشرب وانتي استنشقي الريحة
ولك ان تتخيلي قعده حلوة جذي شنو بتكون السوالف
:))
وصباااحج سكر

esTeKaNa يقول...

صبا
~~~~~~
تلقين حلول باحلامج؟
والله هذا الزين
اي مشكله تمرين فيها على طول نامي
:)
لا تنضلين روحج
!!
الله يهنيج
اعتقد القطاع الخاص اكثر منطقيه بهالسوالف عملج اهم من كل شي
عسى الله يسخر لج الدنيا ومن فيها قولي امين
:)

esTeKaNa يقول...

ENTER Q8
~~~~~~~~~~~
HEHEHEHE
ام رمضان ها؟
تطنز تطنز بتشوف باجر ام رمضان شنو بتصير
:p~
مرميه مرميه
انا اخر واحده ممكن تاكل باجه استغفر الله
!!
بعدين انت سبب من اسباب الحلم الاول
كله من مدونتك
كنت قاريتها ونايمة
:pP~

esTeKaNa يقول...

fahad alasker
~~~~~~~~~~~~~~~~
دليل شيخوخه
والركب بعد هالعمر
!!
ممممممم
انا ادري هذا اسقاط لما نفسك
وتقديرا لكبر عمرك وانك على اعتاب الشيخوخه
بطوفها لك
:Pp~

esTeKaNa يقول...

Someone-q8
~~~~~~~~~~~~~
تفسيرك للحم تفسير جميل
بس انا اللي شفته ويهه يخرع
ان شاء الله مو هذا نصيبي من الدنيا
:))
اما بموضوع الضغوط والمحاتاه فسبحان الله جنك تدري
!!
الله يحفظك ويسمح دربك وتروح وترد بالسلامة عسى الله يتقبل ان شاللله

esTeKaNa يقول...

kuwaitawy
~~~~~~~~~~~~
صباح الورد
:)
تقولي اعاني من فراغ
!!
صج صج مو لاقيه وقت فراغ الا فيما ندر وبالويك اند عادة
:)
اما اللي طاحت واااااااي يا فشلتها
ما تنلام
لو انا يمكن جان للحين قاعده
:Pp~
العمل عباده ها؟
:)))
والله خووش تعليق
ضحكتني وونستني

الزين يقول...

هههههههههههههههه

ياعلج العافية يا استكانة

فصلت من الصبح

قاعدة بالمكتب واكركر

اما حلمج تحفة بس مو العن من حلمي البارحه

اقص لج اياه تالي

بعد قلبي ما تشوفين شر



:**

. . . ساخر كويتي يقول...

بوستك اليوم قرقيعان
احلام... دوام ... نوم
تعوذي من بليس

ونامي عدل واخذي قسط من الراحة
==> صالي نفس الضغط اللي حصلك قبل يومين وافضل حل هو النوووووووووم
وعندك الويك اند طلعي حرتك فيها

بس كسرة انتخابات امريكا قوية باحلامك
وخاصة دخول هيلاري بالموضوع وطايحتله شاي خخخخ

.... شكلي بطلب شاي مهيل الحين شوقتيني
مع اني مو من ربع الجاي

تحياتي

bin3li يقول...

يسعد لي صباح أحلى أم رمضان في الدنيا
:P
you made my day
:)
و ردي
...تو بي كونتينيود

molok يقول...

اول شي سلامات وماتشوفين شر ..
بعدين هالنوعية من الاحلام تيي بعد يوم متعب ومرهق .. والمشكلة انها تزيد التعب والارهاق اكثر ..

2-
بالضبط نفس الشعور حاشني ..يعني وناستي مو بالطلعة .. وترتيبي حق مواعيدي ماأحب ان اغيره ..

تهقين هذا من الكبر :(

3-
بعد الطيحة خلج آخر ثقة .. جنه ماصار شي .. وراح ترتاحين .. بس اهم شي الهدوم لاتتوصخ ..

ARTFUL يقول...

هههههههههههههه
الحلم مو أضغاث أحلام

لو بتسوينه فيلم من اخراجج ما صار

;D

مع اني احب التداوي بالأعشاب الكويتية بس انا اتوقع لها تأثيرات جانبية عبيطه وماهي خطرة ممكن تسبب لك بعض الحالات الهستيريه مثل اللي صارت معاج

;D

تصدقين أحب الأحلام!!! حتى لو كانت رعب
عرفتي شلون يا أم رمضان؟
;p


نصيحة اخو
وزعي سعادتج بين الناس وبين روحج

ترا مهما كان الناس والأ÷ل والخلان اهم ملح الدنيا مهما ابتعدنا عنهم لازم نرد لهم
فلا تكون ردتنا ثقيله
!!
ونفس الشي الواحد يحتاج يقعد مع نفسه من غير ملل ويشعر بالسعاده

=)

الأرض تحبج كح
;p
تصدقين عاد انا اذا طحت او طاح عقالي او طارت غترتي

الحقها وانا اضحك على نفسي

في احراج بس خفيف احاول اتغلب عليه بالضحك

بس حلوه جنه احد دازني
;D

نومة العافيه

واستانسي بالعطله
وزعي وناستج
;)

مع السلامه

Mamloo7a Q8ia يقول...

(1)
ام رمضان شهالحلم العجيب
يا كافي ليش ما صبيتي الجاي حق هيلااااري؟؟؟

بطرش حلمج للنهام واشوف تفسيره
صراحه عجيييييب
:))


(2)

توج صغيره غبرووووو
عيل احنا شنقول؟؟؟
بس بعد عمري ادااااد لج
الشغل والدراسه
اكيييد ودج بالراحه في مكانج
لا لا تخافين هذي مو عسارة الكبر
هذي عسارة الشغل والدراسه


(3)

بعد طحتي مره ثانيه؟؟؟؟
:))
وين هالمره
هههههههههههه
وليش زمة البوز؟؟

(4)

الله الله على هالاختياااار
يا ام الذوق يا استكانة
والله على القهوه
والله على دايم السيف وروائعه

الجو عجيييب
والاختيار اعجب
:**

Barrak يقول...

وحبه سرى بي سرية الغيم بليل
نسيم ليلة...قال للشوق هيا

انشاء الله مره ثانيه ماتطيحين حيل
انشاء الله ترحمك الارض والجاذبيه

بس يقول...

مساك اله بالخير

خميس و بيت الطاعة و فوقها رمضان لوول هذا حلم هذا تعذيب اسم الله علينا
:)


2

المشكلة تكمن و لاحظي لوسمحتي تكمن :p
اعتقد بزود الشغل و انج ملزومة فيه
تودي الي ما تفضلني فيه :)


3

لكل فارس كبوة :))
وياكثردبقاتنا
بعدين الطيحات تحصل
من اليهال لين الكبار
من الوزير لين المراسل

خطاج السو

4


عليج بالعافية

و اجازة سعيدة بعيدة عن اطغاث الاحلام و الدبقات :)

THE BOSS يقول...

استكانه

على هل الاحلام او الكوابيس هذي
الوالدة شنو مشربتج
؟؟؟؟؟؟؟؟؟؟؟؟

:)
حلم سياسي ما ابي حلم حب و غرام مابي


وعطني ولعه

darkness يقول...

سلامات يا استكانه


ما تشوفييين شر

بشريني عنج احسن؟؟

و اللله يعطيج العافيه و عساج عالقوه

و صج ليش يخلونا نتعسر من الصبح على قومه و ركضه مالها اي داعي؟؟

:(

شخبارج ام رمضان
شمسويه
و ليش مزعله بو رمضان و عاصيته ؟؟
زين الحين بيجرجرج بالمحاكم؟؟
:(

و لا كبرتي و لا شي
بس الانسان مرات يكون يبي يريح
خصوصا ان ظروف حياتج اختلفت
قبل كنتي طالبه
الحين موظفه
مضغوطه
مسؤوله وفوقج الف عين و كلمن يبي منج شي

يعني انتي حياتج تغيرت
و من الطبيعي انه تتغيرين وفق هذه المعطيات

:)

و يا ربي كلمن يحبج
حتى الارض
بس ديري بالج على عمرج
و سمي بالرحمن و تعوذي من بليس

:)

مـــــي يقول...

استكانه
هلاري كلنتون
اوباما
اوبرا
انت يا ام رمضان في طريقك الى الشهرة او هذا اول طريق الى الدخول الى عالم السياسة وبقوة
:P:P:P:P

ميرامار يقول...

حلمك تحفة استكانة

لا تنسين تعزمينا على استقبال تخرج رمضان من الروضة :P

انا كنت احلم وانا صغيرة دايما بسقوطي من مكان مرتفع :(

ولا اعرف التفسير

موضوع الجاذبية ممتع بس انشالله ما يكون في اصابات :)

ShLaLaT يقول...

فسري حلمج

شكله في خطوره على المجتمع

!!

;p

Peace يقول...

(2)

يحتاج الانسان ساعات
انه يقعد مع نفسه
و قد تطول هالمده شوي
و تستمر لايام
لكن
من الضروري ان الناس تفهم
هالشي و تحترمه

terkwaz يقول...

HEHEHEHE

استــــكانه
عليــــــج حلم انتيكه هيهيهيهي

عاشت ام رمضاان

(2)
حااالات تروح وتيي
لا يكدرج شي

(3)
انا اذا طحت اظحك
تعرفين يقولون عشان تتجنبون الفشله
انتو اظحكو هههه
انا اطبقها بالحرف الوااحد

وسلااامتج وسلامه ركبج من الطيحات

(4)

شميت ريحه البر
بحط لي خميه يمج ;P

قاال للشوق هياا
:)حبيته

هابي ويك اند
حتى اخر رمق

esTeKaNa يقول...

الزين
~~~~~~
واي واااي
حلمج فضحني
مت من الضحك
شهالحاله؟
ستلايت احلامنا مشتغل عدل
:)

esTeKaNa يقول...

ساخر كويتي
~~~~~~~~~~~
ياهلا ويا مرحبا
فعلا اكثر شي احتاجة الحين
النووووم
:)
ومع هالجو الحلو عليك بالجاي
والقهوة
كل شي يصير لذيذ ويا هالهجو

حياك الله

esTeKaNa يقول...

bin3Li
~~~~~~~~~
ام رمضان مين؟
لووول
:)
حياك الله

esTeKaNa يقول...

molok
~~~~~~~
ياهلا ويا مرحبا
الله يسلمك من الشر ماقصرت
:)
وانته انسان مرتب بمواعيدك وحياتك
هذا مرات يكون طبع مو كبر
خلك على انته ما عليه
بتتعب
بس بالنهايه الناس بتحترم مواعيدها وياك

esTeKaNa يقول...

artfull
~~~~~~~~
هذا لو اسويه فلم
يكسر الدنيا
:Pp~
وعدل كلامك الله
صدقني انا وايد متواصله مع الناس
والله لا يخليني من اهلي واحبابي
بس لابد من فتره نريح
:)
حياااك الله
اشلون الجميله بنوتك؟

esTeKaNa يقول...

mamloo7a q8ia
~~~~~~~~~~~~~~~
النهام بيقولي بتتزوجين
كل تفسير احلامه زواج
هههههههههههههههه
بس خوفج يطلع خميس وولده رمضان بيوقف قلبي
!!

تهقين ضغط الدراسه والشغل؟
يجوز لان مو لاقيه وقت ارتاح
:(
الحمدلله على كل حال


واااااااي ادعي لي بالثبات
طايحة بحوش بيتنا
وطحت الا شويه بمواقف الدوام
يالله الثبات على الارض
لوووووووووووووووول


خالد الفيصل مبدع
صج معلقه معاي هالاغنيه

اتمنى لك ويك اند حلو
:**

esTeKaNa يقول...

barrak
~~~~~~~~
اممممم
يعني انته راضي اطيح
بس ما اطيح حيل
:Pp~
HEHEHE
نورت البلوق يا براك

esTeKaNa يقول...

بس
~~~~
ياهلا ويا مرحبا
اي والله تعذيب
انا قاعده من الحلم مخترعه
اقولج يثل وايده كبيرة اسم الله علي
:)
(2)
تكمن
وتودي
!!
اي الكلام الكبير ده
:pp~
اوافقج الراي
:)
(3)
يا بعد قلبي
خطاج اللاش
يا كثرها هالكبوات
:pP~


شكرا با يس
واتمنى تستمتعين باجازتك
:)

esTeKaNa يقول...

The boss
~~~~~~~~~~
مرميه
زعتر
ودارسين
مادري كان تقريبا فرابتشينو اعشاب
لووووووول


لا حب وغرام ما يدورعندنا
;Pp~

esTeKaNa يقول...

Darkness
~~~~~~~~~~
ياهلا وامية هلا
افا بس افا
اخر واحده هقيتها توقف ويا خميس بو رمضان انتي
لوووووووول
:)))
انا بخير
طول ما انا ببيتي
وويك اند
ومرتاحة
جني بصير ربه منزل؟
:PP~
ياااا بعد قليبي انتي
الله يسلمج من الشر ما قصرتي
:**

esTeKaNa يقول...

مي
~~~
looooooooooool:)
احلى تفسير
وصدقيني
بس ابدي مشوار الشهره ابدا ما راح انساكم
:PPp~

esTeKaNa يقول...

ميرامار
~~~~~~~~~
هههههه
:)
حلمك غريب
اقري المعوذات قبل النوم

وحياج الله
:)

esTeKaNa يقول...

ShaLalat
~~~~~~~~~~~~
تهقين؟
يمة بسم الله
:)












peace
~~~~~~~~
أوافقك الراي
:)

Kuwait يقول...

لووووووووووووول ..
استكانه ما شفتيني انا بالحلم ؟؟
تذكري يمكن كنت معاكم ما بقىأحد مو موجود ;p
بو رمضان @@
ويح قلبييييييييييي شهالحلم الأقشر :\

بوتشخيص يقول...

أحلامج مدبلجة بعد غير خلطه اللي شربتيها لول :)

esTeKaNa يقول...

kuwait
~~~~~~~~~
انا كنت لاهيه ويا هيلاري كلنتون والجاي
يمكن كنتي قاعده صوب المليفي
لوووول
:)









بو تشخيص
~~~~~~~~~~
اي والله مدبلج
لووووووول