الخميس، أكتوبر 09، 2008

عروس البلوقرز

كانت هنا....نتثر شذى مشاعرها بيننا
وتكتب في مابين الحين والآخر بوست يذكرنا بها
كانت هنا
اقرأ كلماتها
واستلذ بتفاصيل كل بوستاتها
اعلق عندها
وتعلق عندي
تفهم مابين اسطري....احترمها
وتحترمني
دائما ما كنت اشعر بأن لهذه البلوقر شئ خاص بقلبي
واتخيل اني قابلتها في عالم آخر واقعي
ولم يخب ظني
!!
كنت برفقه صديقه ما..وكانت هي معها على الخط
طلبتني شخصيا للسلام عليها
سلمت ...وسولفنا قليلا ثم قالت لي:
تعرفين بلوق اسمه استكانة؟
وبدأت الحكاية
.
.
.
.
كانت معرفتي فيها بحياتي الواقعيه معرفه جميله
وصداقتي بها...كانت نقية
البلوق عرفني بجانب اخر من شخصيتها
جانب رقيق وجميل حببني فيها اكثر وقربني منها اكثر واكثر
هي من اولئك الناس الذين لا تخاف تواجدهم حول مدونتك
تفهم تفاصيل المشاعر ونبضات الاحساس
تقدر استهبال بعض البوستات
ولم ترهقني يوما باني اسئله او استفسارات
كنت سعيدة بوجودها
وما زلت سعيده بصداقتها
.
.
.
.
صديقتي العزيزة....البلوقر السابقة
التي غابت بهدؤ
ولم تغب عن قلبي وروحي
اليوم ستزف عروس
!!
عروس...تقترن بالسعادة
وتخطو نحو الفرح
حينما اتصلت بي لتبشرني باجمل خبر ضحكنا مليا
وسئلتها:
ماتبين نقل مباشر من على كوشتك لي البلوق؟
ضحكت بسعادة وطلبتني ...على الاقل عدم ذكر اي بلوقر تكون
صديقتي الجميلة...طالبتك ببوست
وثقي الحدث
وثقي احساس اللحظة
وعيشي اجمل ليلة اليوم
صديقة قلبي...وقارئه بلوقي...وشريكة مشاعري الجميلة
الرقي يتعلم منك مبادئ الاحساس
والطيب قليل مما عندك
صديقتي التي لم تجرحني يوما...واسعدتني دوما
الف الف مبروك
اللهم بارك لهما وعليهما واجمع بينهما بالخير
وعقبال كل البلوقرز
بشرط
تعزموني
:Pp~
.
.
.
.
طبعا ....بعد يوم متعب بالدوام
اندسيت في سريري وطاف موعد مكياجي وشعري
تعسرت
اشعر بأني وجهي مخده تمشي
طمنت قلبي بأن...ماهو اهم من المكياج وتسريحة الشعر
راحة القلب والاحساس بالسعادة
وانا سعيدة سعيدة
والآان ستقوم سعيده بنت سعيد باحترام نفسها والذهاب للاستعداد للعرس
لا اعرف لما تتسلط كل الاشيا الآان؟
من رجعت من الدوام وايدي اليمين ترجف
مو قادرة حتى اتكحل
:((
.
.
.
.
.
بخاطري اكتب بوست لذيذ
احيانا اشعر بأن هناك زحمه في بالي
فكرة تركض تركض
وتتكرفس بفكرة متربعه من زمان
وفكره تحوس بروحها
ومابين كل تلك الافكار والزحمه.....ابقى انا اكتب كلمه وامسح كلمه
الى ان يتم طبخ بوست لذيذ
.
.
.
.
شنو إحساس هاللحظة؟
احساسها ومودها كلها بالكلمات
اغنيه عجيبه
وايد حابتها:
~~~~~~~
تراني ماعرفت القى ..لحبك حل او معنى
تخيل كثر ما أحبك..وأنا صاحي وأحلم فيك
أنا ما أقدر اكون اصدق من إحساسي وأِشواقي
تبي تعرف كبر شوقي...شوف عيوني وتكفيك
اذا ما يكفيك اني اصرخ باسمك داخل أعماقي
وأشوف العمر بك وحدك....فرحي صار ملك ايديك
.
.
تعال وناظر بقلبي ..علك فيني تلاقي
جواب لكل اسئلتك
غرامك...سري ويرضيك
!!
أنا يومي عشقتك أنت...يا شمسي واشراقي
ترا من يومها ما غاب...نور اشرق بطاريك
.
.
وتراني ماعرفت القى لحبك حل او معنى
تبي تعرف كبر شوقي...شوف عيوني وتكفيك
!!
.
.
.
.
بسي قرقه...وراي لوية
ياربي ليش ما نروح العرس بدشدايش وغتر
احس الغتره حلوة علي
:pP~

هناك 32 تعليقًا:

vancouver يقول...

ونااااااااااااااااااااااااسه
:))))))))

الله يفرحها ويسعدها كائنا من تكون
انزين ممكن اول حرف بس من النيك نيم مالها
:PP
هههههههه

شنو هذا استكانه شوقتينا نبي نعرفها عشان نسوي الواجب
ونطرش بوكيه ورد على بلوقها ههههههههههه

ياحلوج وياحلو طيبه قلبج
قولي امين نفرح فيج عرووووووس ونزفج من المدونه الى الفندق على طول
:P
عاد انا معزومه ان شاءالله والا طاف
?
ههههههههههههه




:**
عيدج مبارك

متاخر شوي

لا وايد
بس ماعليه
امون مو ???

DiLLi O MiLLi يقول...

أأأأأأأألــــــــــــف مبرووووك زواج صويحبتج

أقــــــــــــــــوووول
يااااك الشـــقى يااااا مـــدلل
هههههههههههه
:)

الله يهنيهاااا ويسعدهااااا ويوفقهاااااا
ياااااارب العالمييييين

*
*
*

احيانا اشعر بأن هناك زحمه في بالي
فكرة تركض تركض
وتتكرفس بفكرة متربعه من زمان
وفكره تحوس بروحها

هههههههههههههههه
عليييييج وصـــــف
:)
ما أدري ليش تخيلت هالفكرة "المتربعه" من زمان
وحده قاعدة على الرصيف .. مضيعه طريجهااااا
ههههههههههه
والفكرة اللي "تحوس" بروحها
وحدة مينونه
هههههههههه
:)
*
*
*
ان كنت مقصّر بـ حق الاحباب
آسف ترى ظروف الوقت علّه
منتوا بـ القلب بس ،، إلا من النبض قراب
يـ اللي غلاكم محد وصل له
يوم اشوفكم كل جرح بي طاب
او بـ يدي أشيل ماي عيني واحطكم محلّه

أناااا مشتاااقه أكثرررر

:**

DiLLi O MiLLi يقول...

ليش بلوقي مووو موجود بالبار الجانبي
آفاااااا
عافك الخاطر؟

Purplecious يقول...

مبرووووووووووك

الف الف مبروك

و الفال لج و لي و لكل العزابيه لوووووووول

الله يتمم عليها و يسعدها البلوقر المجهولة
انزين أنا ممكن أعرف اخر حرف من النك نيم مالها بما ان فانكوفر راح يكون عندها أول حرف هههههههههههه
;pP

انزين يا حافظ يا استكانه انتي معزومة احنا اللي مو معزومين شلون بالله؟؟
جان حطيتيلنا دي جي بالبلوق شي ما شيات
ماني قايله عشى بس خفايف و موالح تقديم و حلو شاي و قهوة كافي
هههههههههههه

انزين أنا ودي أعرف هل صارت ان بلوقر تزوج بلوقره من قبل؟؟
لووووووول

الاغنية كلماتها حلوة.. من له و منو يغنيها؟؟

هاو هاو هاووووووو

استكانه!!!!!! غتره عاد؟؟

الله يهداج بس
صدقيني ماكو أحلا من البساطه و خيره ان الموعد طافج يا ربي مادري الناس ليش يبالغون بالعروس و التساريح و المكياج
البســـــــــاطة حلوه
و انتي حلوه و كل شي حلو عليـــــج
:****

ابو لطيف يقول...

اللهم بارك لهما ، وبارك عليهما ، واجمع بينهمافي خير


جزاك الله خير

ZooZ "3grbgr" يقول...

الف الف الف مبروك
الله يوفقها ويسعدها
والفال فيج نفرح فيج يا رب

محظوظ من ياخذ وحده نسمة مثلج

نون النساء يقول...

امبييييييييييييييه

لا تقوليلي
q8leo

:P


سواء كانت اهيه ولا لأ

بالمبارك وعساه زواج مبروك ان شاء الله
ويتمم عليها
وعوئبال العزابييييي
^
^
^
ترا قلتها مرتين هالأسبوع


بس مييينووو؟

Najmah يقول...

:))
الف الف الف
مبروووووووووووووووووووووووووووووووووووووووووك
ياعسى ربي يهنيها
ويوفقها بكل خطواتها
ويفرحها بكل لحظاتها
ويكتب لها السعادة الدايمة
ويجمعهم على الخير ويتمم عليهم الرضا والافراح
:*
سلمي عليها وقولي لها نجمة تقولج مبروك ودام اهيا رفيجتج اكيد احبها
:))
استكانة الفال لج يارب
وافرح فيج
واكشخ لج
واكتب لج بوست طاير من الوناسة ولابس بشت مثل هالبوست
قولي آمين
:))


بره الموضوع
قبل شوي وانا ماشية بالشارع
لفت نظري قولي شنو
مطعم اسمه استكااااااانة
طلعت تلفوني قاعدة اصوره مادري ليش ما انحفظت الصورة
بس صج استانست مادري ليش
:))

Sn3a يقول...

لوووووووووووول اهم شي احس الغتره لايقه
ورينا نشوف:P


الف مبروك للعروس ربي يهنيها ويبارك لها ويسخرهم لبعض

Selezya يقول...

لوول بتغترين؟

يحليلها
عسا الله يوفقها ويهنيها انشالله

عقباااااالج
;)

الخيلاء يقول...

الله يوفقها و يسعدها
و يفرحنا فيج يا استكانه
وكل المدونات اتسوي لج نقل حي و مباشر

:)

والله العرس فرحه اثنين و اينون الفين
المعازيم الي اهم احنا خبتنا اكثر من اهل العرس

اي انا اوافق على الدشداشه و الغتره
اشرايج انسوي مظاهره بساحه الاراده
لول

و الاغنيه اتينن
طبعا مو غريب على صاحبه الذوق الراقي
:*

ManalQ8 يقول...

حلو البوست

فرحة

الا لما قلتي

افكار وايد في البال
انا بعد الصراحة

:)

ومبروك
لصديقتك
والله يوفقها

ويوفق الجميع

:)

بنت أحمد يقول...

ألف ألف مليون مبروووووووووك

من جد نبي نعرف منو عروس بلوقر ؟؟؟

الله يوفقها ويسعدها ويتمم فرحتها
وعقبال الكل :)

سلمي لي عليها كثير وباركي لها <<<<< ليه تعرفينها !!!!

المهم بلغي السلام

دعواتنا لها

سوالفك توسع الصدر والخبر يفرح القلب

دمتي بود

Salah يقول...

مبروك

mtfa2el يقول...

الله يوقفها و يبارك لها و له و يجمعهم على كل خير و سعادة
دام فانكوفر عندها اول حرف
و بربل اخر حرف
عطيني الحرف اللي بالنص
صار برنامج بركات الوقيان
:p
سلمي عليها ووصليلها دعوات الكل لها بالتوفيق و الحياة الهنية

ميرامار يقول...

..مبروك
عقبالج استكانة

بس عاد قولي لها ترجع التدوين ما ظنتي يشغلها عن البيت
:)

اهو بيني وبينج الدشداشة اريح :p

ولد الديرة يقول...

عسى ربي يجمع بينهم على خير

و يرزقك بأفضل مما رزقها :)

***

حتى الدشداشة مناشبينا عليها

خو حنا ما نقدر ناخذ شيء منكم

شناخذ بالله
!

بس لا اخدش حياء روحي

:p

bin3li يقول...

ليكون لوير؟
ما أدري أحس أن لوير
:P

يالله بالبركة مين ما كان

و نبغي تدزولنا صحن هريس
:)

darkness يقول...

الف الف مبروك

عسى ربي يوفقها و يستر عليها و يطرح البركه ما بينهم

و الفال لج يا استكانه

:)

و نبي التفاصيل بعد العرس

:)

Fahad Al Askr يقول...

إذا سمحتي نقلي حق زميلتنا المدونة العروس تحايانا أنا والقراء

7osen يقول...

الله يبارك لها ويوفقها إن شاءالله

تستاهل كل خير

خوووش بوست ونستينا

:))

الفال لج إن شاءالله

عـائــشــة يقول...

السلام عليكم ورحمة الله وبركاته

الله يسعدها ويهنيها يارب
وعقبال مانفرح بج ونرقص في عرسج

وعلى دوامات هالزمان الواحد مايواحيله يسوي شي
يرجع مسطل

Fskra يقول...

3sL waLah :* I luv your sewalif so cute ;)

rby la yfrgkom enshalah

alah ys3dhom ya rb o ys3dch fe dnyach o y7fthch .. :)

esTeKaNa يقول...

vancouver
~~~~~~~~~~~~
يا هلاااا ويا مرحبا
من وين طالعه الشمس
الله يعافي عروسه البلوقرز
لو ادري جان من زمان يايبه الطاري
:)))))
اللهم امين ياربي
واي واي ودي اقول بس موصيتني
مابي اصير مشخوطه ولا ابي اقوووووول
:Pp~
افا عليييج اكيد معزومه
ولا بنسوي نقل حي ومباشر من الكوشه لي البلوق حق اللي خبرج ما نقدر نعزمهم
:pP`
ايامج سعيده يارب
واي مستانسه من صجي يوم شفت نكج
لا تغطين
ترا اللي مثلج تنفقد من غير شر
:**

esTeKaNa يقول...

dilli o milli
~~~~~~~~~~~~~~~~~
ياهلا وأمية هلا
اي والله ياك الشقا
هههههههههههههه
:)))
واي واي اهم شي اللي مضيعه
ياربي انتي بعد تشوفين افكاري
انا تخيلهم وانتي تتخيلين وياي
يا زينج صج فقدت تعليقاتج
عساني ما انحرم يارب


دللي
حبيبة قلبي
ترا توني ضايفه البلوقرز توني متعلمه
وبلوقج موجود اساسا
بس سقط سهوا من الجوجل ريدير الحين احطة
افا عليج بس
:*****

esTeKaNa يقول...

purp.
~~~~~~~~
اقول
في احد غريب؟
تلفتي يسار يمين
مااااكو؟
ممممم
يعني اقول آمين؟
اميييييييييييييييييييييييين


ههههههههههههههههههههه
انا معزومه لاني صديقتها الصجية
:Pp~
بس صج يبيلنا دي جي بالبلوق
استانسنا والله البارحة بالعرس
يعني ادينا الواجب اللي خبرج من كل النواحي
:)))
وصج يبيله بوست
هل تزوج بلوقر احد البلوقرات؟
واي بلوقره جنها مسبه
ههههههههههههههههههههه
هههههههههههههههههههههههه

واي ودي اقول منو
بس موصيتني
ولا انا ودي احط اسمها على كبر البلوق وايبب عليها
بس بصير سنعه داما موصيتني
:)))

esTeKaNa يقول...

أبو لطيف
~~~~~~~~~~~
امين يزاك الله خير
:)






ZOOZ
~~~~~~~~
الله يبارك بعمرج وحياتج قولي امين
يا بعد قلبي قلبج
يزاج الله خير
انا نسمه؟
واي يا بختي يا بختي
مممم
تعرفين نسمه في خالتي قماشه
ترا كنت احبها
:pP~












نون النساء
~~~~~~~~~~~~~
يا حلو كويت ليو تتذكرينها؟
من غير شر
فجأة غطت
وصج ما تنسي
بس مو اهي
:(
الله يفرح الجميع ويسعدهم قولي امين
وودي اقول منووو
بس ماقدر
:Pp









NAJMAH
~~~~~~~~~~
الله يبارك بحيااه النجمه الغاليه
:***
امين ويوصل سلامج ان شا ءالله ما قصرتي
واي نجمه دمعت عيني
ترا انا استحي
لا تقولين لي جذي
:pP~
واي وين هذا المطعم؟
لووووول
ليش ما خذو موافقه كتابيه مني
:)

esTeKaNa يقول...

sn3a
~~~~~~~
تهقين احط صورتي بغتره؟
خايفه من المعجبات
لووووول
:)
امين ياربي











selezeya
~~~~~~~~~~~
اشرايح اغتر؟
احس حلو علي
:Pp~
حبيبتي امين
وعقبالج












الخيلاء
~~~~~~~~
هلا بالخيلاء الغاليه
صج اهي تستاهل الفرح
عسى ربي يوفقها
بس تهقين نسوي نقل حي ومباشر؟
لووووووول

اي والله احنا اللي نختب
واي انا صاير معاي شي غريب
اذا ما اختبيت...يطلع العرس كله مختب
واذا مختبه...اطلع يطلع العرس وايد بسيط
ما عندي بعد نظرة مادري ليش
:pP~
ويازت لج الاغنيه؟
واي انا وايد حابه لما يقول :
انا ما اقدر اكون اصدق من احساسي واشوقي...
تبي تعرف كبر شوقي
شوف عيوني وتكفيك
:)

esTeKaNa يقول...

manal-q8
~~~~~~~~~~~~
يا عسى الرحمن دوم يفرح قلوبنا قولي امين
:)
وحياج الله









بنت احمد
~~~~~~~~~~
يا هلا ويا مرحبا ببنت احمد
الله يبارك بحياتج وعقبالج يارب
:)
ودي اقول منو
بس بصير خوش بنت وبحفظ السر
:pP~











salh
~~~~~~~
الله يبارك فيك
:)














متفائل
~~~~~~~~~~
looool
واي فكر واربح مو بوست استكانة
:Pp~
يوصل ان شاء الله
وعقبالك يا متفائل
:)








ميرامار
~~~~~~~~~~~
يا هلا ميرامار
الله يبارك بحياتج ما قصرتي
وعقبالج
:)
اتوقع اول فتره بالزواج صعبه تدون
بعدين ..يمكن ليش لا
وعاشت الدشداشه
:p~









ولد الديرة
~~~~~~~~~~~~~
استحيت اقول امين
:Pp~
يزاك الله خير
LOOOL
كلها دشداشه
وانتو بالنهايه المستفيدين
تريح من مصاريف هالبنات
نطلع راس مالنا دشاديشنا
;pP~

esTeKaNa يقول...

بن علي
~~~~~~~~
لا والله مو لوير
بس ياربي ياربي الله يبلغنا بلوير
قول امين
:)





داركنس
~~~~~~~~~~
الله يبارك بحياتج ما قصرتي
العرس حلو
والاحلى بعيني...العروسه طبعا
الله يحفظها ويسعدا يارب
:)






فهد العسكر
~~~~~~~~~~~~
يوصل ان شا ءالله
ماقصرت
:)










7osen
~~~~~~~~~
الله يفرح قلبك دوم
قول امين
ويبلغنا فيك
بس ها...لازم تبشرنا عاد
:))







عائشه
~~~~~~~~~
الله يبارك بحياتج ما قصرتي
اي والله هالدوام يرجعنا دايما دايخين
:)






فسكرة
~~~~~~~~
والله انتي العسل يا الغاليه
:**
اشلونج؟
واشلون كل امورج ؟

Sweet Revenge يقول...

الف مبروك لها والفال لج ان شاء الله البوست الياي تكلميني عن عرسج ونبية نقل مباااااااااشر من الكوشة "راح يبتلش فينا المعرس "
بس كيفة ستكانة تي مع البلوكرز ولا شرايج ؟

ray يقول...

:D

استكانة هذي كلمتي ;)

chraimba