الخميس، أكتوبر 30، 2008

back



تغرب الشمس وتشرق
وبالنهايه...ستستمر الحياة
لولا مراره اللحظات الحزينه
لما شعرنا بحلاوة الفرح وقيمة الراحة النفسيه
اللهم لك الحمد..انا بخير
وشكرا من روحي لكل من سئل وكتب لي ولو تعليق بسيط
لا خلا ولا عدم يا اصدقاء قلبي ومدونتي


شمس..وغيوم يخترقها النور
هواء بارد..يدخل هنا مابين قلبي وروحي
وقطرات مطر..ترد الروح
اكتشفت اني مخلوق شتوي
!!
تزهر كل مشاعري وترتوي بساتين فرحتي مع اول قطرة مطر
ولا تفارقني ابتسامتي...طالما كانت هذه الغيوم الجميلة برفقتي
يارب ادم جمال هذا الجو لنا
فهو ما من الاشيا القليله التي تسعدني في ديرتي هاليومين
اتذكر قبل اربع سنوات كنت في الحج
وفي يوم عرفه بالذات...يجتهد الجميع بالدعاء لكل ما يطري على القلب
سئلتني عمتي حزتها:
دعيتي للكويت؟
!!
ضحكت ...واكتشفت فعلا اني قد ادعي لوالدي
اسرتي
من احبهم حولي
ولكني لم افكر يوما ان ادعي للكويت بشكل خاص في صلاتي
كنت اضحك..وكانت جاده
وذكرتني بان ادعي دايما ان يحفظ الله الكويت
يصلح امورها
وان ادعي للحاكم وبطانته
ونسيت....
هاليومين يطريني صوت عمتي كثير
ومع كل حدث جديد اشعر بتأنيب الضمير
الكويت تحتاج الكثير...وبعض مما تحتاجه دعاء قلوب صادقه بحبها
.
.
.
كان نهاري غريبا
مثقلا بهموم الوطن
كلما صديت عن شئ...وجدت امامي اشياء اكثر
!!
كنت غارقه بقراءه بعض الامور المتعلقه باستجواب المليفي
عندما اتصلت قريبتي مندفعه ومشتطة تسولف عن مرة حماها
وحرتني
وقصدت وماقصدت
وخالتي قالت
وحماتي ردت
واهي حرتني
في عز التفاصيل التي عاده ما اسمعها بصمت
شعرت باني بوادي...وهي بوادي
ربما شعرت هي باحساسي
سئلتني:
شفيج استكانة؟
فأجبتها:
وسعي عالمج خلاص
قالت وسوت وحطت وبعدييين؟
!!
صمت ثم سؤال:
استكانه اني ضايق خلقج من شي؟
وجواب سريع:
ضايق خلقي من الكويت
!!
سؤال ذكي بشكل اسرع:
منو هذي؟
فأجبتها عفويا:
وطن النهار
وفاصل من الضحك...اكتشفت انها تعتقد ان الكويت واحده انا متعرفه عليها
عندما وصلنا لهذه النقطة من الخداي المشترك وعدم التفاعل السليم
قررت تغير الموضوع
بس صج ضحكتني
:)
بخاطري اشرب شي دافي
بابونج ولا حليب؟
مممممم
اروح المطبخ واشوف بعيوني
وتالي اقرر
اتمنى لكم ليله جميلة
وويك اند سعيد
HaPpy weekend

هناك 54 تعليقًا:

ManalQ8 يقول...

عودة مباركة عزيزتي الغالية
:)
على فكرة انا قاعدة اشرب بابونج الحين
:)

يا حلو العودة

وما اصفى القلوب الطاهرة

الله يديم الفرح
والجو الحلو يا رب

:)

سعيدة جدا بعوتك عزيزتي واختي الغالية على قلبي
:)

احب ان ارى الفرح ينبعث من احبابي
ومن حولي

ينتابني احساس بطاقة فائقة
وحرية

:)

دمتي بخير

7osen يقول...

ولكم باك

زين انج بخير

هذا اهم شي

:)

mtfa2el يقول...

الحمد لله على السلامة
:)
الله يديم عليج الفرح و الراحة النفسية

Yin يقول...

استكانة السنفورة الشتوية العزيزة

عودة حميدة ومباركة
وعساها آخر الأحزان
ويدوم عليج الفرحة يا رب

:))

إشتقت لبوستاتج المسنفرة
وسعدت بعودتك كتير كتير
ولكن الأهم إنك عدت وأنت بخير

والخداي المشترك وعدم التفاعل السليم
يتكرر مع أناس عزيزين للأسف ولكنه مجرد إهتمامات مختلفة
وعسى عمرج ما تكونين من محبي "سوت وفعلت وقالت وحجت" يا عزيزتي


ما أحلى الحليب الدافىء
شربيه برة "بالحوش" ولا "الجاردن" لأن الجو روعة روعة روعة


missed you
and welcome back again
:))

Salah يقول...

الحمد لله على السلامة

الله يبعد الأحزان ويديم السعادة

صبا يقول...

يا سلام عليج

اي جذي البلوق رد روحه

ما قمت اشوف عدل من الليتات
الي منوره بلوقج

الحمدلله علي السلامه
وعسي الله يحفظج ..

الله يحفظ الكويت من كل شر
الكويت ماتستاهل الغثا والشر
الكويت تستاهل كل خير
اهي امنا وماراح ننساها ابد
:****

تراب الكويت يقول...

welcome back

وسعي عالمج وسعي مدى تفكيرج

الكل محتاج هذي النصيحه صدقيني

take care coze we need u here

:)

نون النساء يقول...

welcome back
كل ضيقة ولها انفراج



والناس الطيبة مثلج
تتعب
تبتعد
بس ترجع دايماً اقوى




والكويت...يعينها الله

bin3li يقول...

خليتيني اشم ريحة المطر

نصيحة أخوية
خذي بريك من الأخبار
:)

بنت الشامية يقول...

الحمد لله على السلامه
صباح الخير...صباح الخير وطنى النهار
تصدقينى استكانه انا دايما ادعي للكويت واهلها...ولولي الامر وخصوصا بطانته الخاصه ...عودت نفسي على هالدعاء كل ليله من الغزو
الكويت محتاجه وبتحتاج دعاء اهلها الطيبين اللى يحبونها وما يتخلون عنها بأحلك الظروف
الكويت وطنى وطن النهااااااار
جمعه مباركه

darkness يقول...

الحمد لله على السلامه

:D

امبيه صج لما اشوف اي حرف منج ينشرح صدري


انتي المطر للمدونات

ربي يحفظج و يحميج

Fahad Al Askr يقول...

خير شصاير؟

عثماني يقول...

نورتي عالم المدونات بعودتك

يا استكانة

ميخالف .. ازمة و تعدي

و ضروري بين فترة و الثانية ننزوي

:)

عــــاشــــه يقول...

السلام عليكم ورحمة الله وبركاته

الحمدالله على السلامه

عندي مسج من زمان حاطته في المسودات، وقلت هذا وقته أشاركج فيه
--------------------------
لا تدع اليأس يستولي عليك أبدا
إنظر إلى حيث تشرق الشمس في كل يوم جديد
لتتعلم الدرس الذي أرادنا الله أ ن نتعلمه
أن الغروب لا يحول دون شروق مرة أخرى في كل صبح جديد
----------------------
وجزا الله خير عمتج لأنه فعلا بلادنا في حاجه لدعواتنا الله يحفظ بلادنا وبلاد المسلمين يارب

وترا الضحك والخداي مرات يزيل الهم والضغط النفسي

الله يديم عليج الوناسه ياشيختنا

ظبياني يقول...

مرحبا ملايين و لا يسدن

ربي يحفظج
ويحفظ هل الكويت و الكويت

charisma يقول...

كنت بعالم ثانى انا
مقله بالتواصل لظروف :(
بس وصلتنى اخبارج من مملوحه وديللى

ولكم باك حبيبتى انتى
وسامحينى على القصور يا استكانه
فرحنى هالبوست انج بخير
:**

ZooZ "3grbgr" يقول...

الحمدلله على السلامة

ماقدر اقول شي

حدي مستانسه انج بخير

مع اني ما اشرب جاي

بس المحبة من الله يا استكانه

:)))

Enter-Q8 يقول...

ولكم باك درزن ورد
و اربع ربطات كزبرة
الربطة بربع دينار يعني غالية

استكانة
ما لاحظتي معاي كم مره تنقال كلمة الحافظ الله يا كويت
وليش

Om MoD يقول...

ألف الحمد الله على سلامتج ومبروك العودة ..كل يوم أدش وأحاول أعلق بس ما يصير ...اخترعت عليج والله قلت إنشاء الله ماكو إلا الخير...ومتعينا بالبوستات الحلوة :)

. . . ساخر كويتي يقول...

عودا حميدا استكانة
وفعلا جونا هاليومين يرفع المعنويات

وفعلا الكويت تحتاج الدعاء مع كل دعاء ندعوه لأنفسنا ... يعني احس الكويت انضربت عين من سنة 90 ولحد الحين مو مترقعه من هالضربة

اقروا عليها المعوذات يا جماعة
تحياتي
welcome back

ابو لطيف يقول...

الحمد لله على السلامة

فعلا

الكويت بحاجة للدعاء

الله يسلمج ويسلم عمتج وكل من يعز عليج

بوتشخيص يقول...

حمدالله على السلامة و الحمدالله امورج عدت على خير و الله يديم عليكم السعادة و الفرح با رب

الخيلاء يقول...

عودا حميدا
ولا عاد تعيدينها و تخبصينا عليج
:*

انا بعد بطريقه
اموت على الشتا
:
:

الله يخليها لنا
الكويت ديرتنا
و يحميها من كل شر
امين .. امين .. امين

:
:
:
بدعتي انتي و قريبتج لوول
بس عادي لحظات الخداي لازم
و لابد اتمر علينا ولا مانصير احنا
:
:
:
شربي هوت جوكليت
احبه بالشتا شرابي المفضل
:
:
و اكو هوت جوكليت النوتلا
عجيييييب بس يصلح الاجواء الشاليه
:
:

تصبحين على خير

:)

Happy Face يقول...

ذكرتيني بإغنية عبدالكريم عبدالقادر
أنا رديت لعيونج أنا رديت
و لج حنيت مثل ما يحن حمام البيت
أحبج حب ياروحي ماحبه أبد إنسان
ما اغبي و أقول أهواج ما أغبي
ما أغبي إشكثر ولهان ما أغبي
صج ولهنا عليج
ًWellcome Back
Miss u

Sowhat يقول...

الحمدالله على السلامة يا استكانة
وسعيدين بعودتك
وفعلا ديرتنا تستحق منا الدعاء

فريج سعود يقول...

الحمد لله على السلامة


مكانج كان فاضي

ابي قهوة فرنسية على طريجك

Cr8ivia يقول...

ولكم باك استكانه

اخر الانقطاعات ان شالله

Purplecious يقول...

Welcome back :**

نورتي بلوقج :**

و أكيــــــــد حليب

عشان تصيرين جاي حليب

:)))))

ضـاد يقول...

المهم إنج صرتي بخير
و بيني وبينج الجو ولله الحمد غير نفسيات وايد
و منهم انا
و شكله عامل عمايله معاج :)

أتوقع هذي استكانه اللي يعرفونها
واللي انا اتمنى اعرفها


و بالعافيه اللي شربتيه اللي اهو

يالله شرحي صدورنا بسوالفاتج عاد



موفقه كل خير
:)

ميرامار يقول...

حمدالله عالردة


وخطاكم السو استكانة

الجو هالايام يدعو للتفاؤل

:)

الوتين يقول...

نورتي البلوق
و اهم رجوعج و انتي فريش
و انتي اكثر امل
و اكثر ارتياح
الله يديم عليج السعلدة دوم يارب

Sn3a يقول...

ولكم باك
تصدقين يريت نقدر نسوي شي عشان الكويت
شي ملموس
نغير شي
نضيف شي


بس مادري

ان شاءالله ماتمرين بالظروف اللي خلتج مكتئبه مره ثانيه
ما اضيق العيش لولا فسحه الامل

بنت أحمد يقول...

خطيرررررررررررررة انتي

مرة خطير البوست

ربي يحفظ لكم الكويت ويخلي حكامها

وربي خطيرة انتي وسوالفك وسطورك

حياة سعيدو وأيام سعيدة يااستكانة

تقبلي مروري

kAiKa-MGroMa يقول...

allah w2a5eran

welcome back estekana el7lwa

atmna inaa el azmaa 3addat ya rab

=D.

قلب طفله يقول...

ولكم بااااااك

الحمدلله ع السلامه

و الله خرعتينا عليج بس الحمدلله انج بخير

و عسى التفائل و السعاده ما

تفارق دربج و الجميع يارب :))

THE BOSS يقول...

حمدلله على السلامة
تو ما نور عالم التدوين

ومنورة

وعطني ولعه

esTeKaNa يقول...

manalq8
~~~~~~~~~~~~
ياهلا ويا مرحبا بمنال الكويت
هني هني
ياربي احب البابونج
احسه لذيذ ومفيد
:)
إحساسك بالناس
ورغبتك برؤيه احبابك سعيدين
كل ذلك انعكاس لنقاء قلبك وطيبته
عسى الرحمن يحفظك ويسعدك دوم
:)

esTeKaNa يقول...

7osen
~~~~~~~~~~
ياهلا ويا مرحبا بحسين
انا بخير ..عساك دوم بخير
:)







متفائل
~~~~~~~~~
الله يسلمك ويحفظك يارب
واجمعين ماقصرت
:)








yin
~~~~~~
ياهلا وامية هلا
ليش استانس اذا شفت تعليقج
وليش بس اشوف تعليقج اشوف حجمي حجم سنفورة واضحك على روحي
:)))
وانا اشتقت لكم اكثر
الله لا يحرمني من طيب وصدق التواصل معكم
ومع البرد كل شي يحلى
بابونج
حليب
ووكل انواع الاكل
الله يستر عسى ما ننتفخ بهالشتا
:Pp~









Saleh
~~~~~~~
الله يسلمك ماقصرت
ويزاك الله خير
:)









صبا
~~~~~
ياهلا بالصبا والجمال كله
:)
يا بعد قلبي
البلوق منور بطيبكم
بصدقكم
عسى ربي لا يخليني
واميييين يارب عسى ربي يحفظ الكويت
:)

esTeKaNa يقول...

تراب الكويت
~~~~~~~~~~~~~~
دايما اذكر نفسي
وسعي عالمج يا استكانة
ولا توقفين على توافه الامور
:)
حيالله تراب الكويت










نون النساء
~~~~~~~~~~~
الحمدلله...اللي جعل لكل ضيق مخرجا
والطيب
قليل مما عندكم يا نون
عسى ربي لا يخليني منج قولي امين
:)











بن علي
~~~~~~~~
الاخبار تلحقك بكل مكان
:(
شرايك بريحة المطر؟
ريحة خنينه وجميله
صح؟











بنت الشامية
~~~~~~~~~~~~~
يسلمج الرحمن اللي عينه ما تنام
والكويت ربي حافظها بالناس الطيبه اللي شرواج
الي تدعي لها
وما تنساها
حياج الله يا الغاليه
:*

esTeKaNa يقول...

darkness
~~~~~~~~~~
يا هلا وكل الهلا
واااااي
انتي مطر المدونات
كلمة غريبه دشت قلبي مباشره
!!
الله لا يحرمني منج قولي آمين
:***














فهد العسكر
~~~~~~~~~~~~
سلامة عمرك
:)













عثماني
~~~~~~~~~~
منور بوجودكم يا عثماني
ولابد من الانزواء
بس المشكله اذا طول
:)










عاشه
~~~~~~~
ياهلا بالشيحة عاشه
اغيب
وانقطع
ولنا فتره طويله ما سولفنا
بس ربي اعلم بغلاتج بداخل روحي
:***
الله لا يحرمني صدق التواصل معك يا عاشه
واتمنى ان تكوني بخير انتي وكل من تحبين
:)











ظبياني
~~~~~~~~~
ياهلا بظبياني الشيخة
الله يسلمج وما قصرتي
:)

esTeKaNa يقول...

charissma
~~~~~~~~~~~
مسموح يللي تعذر
!!
افا عليج بس
مابينا عتب ولا تشره
المهم تكونين بخير
عسى ربي يحفظج ويحفظج كل من تحبين
:***












zooz
~~~~~~
أحبك الذي احببتني فيه يا زوز
تصدقين انا شريبه قهوة اكثر من الجاي
:Pp~
عساج دوم مستانسه
وانا بعد مستانسه بردج اكثر من ما تتصورين
:*










Enter-q8
~~~~~~~~~~~
كله كوم والكزبره بكوم
!!
شسوي فيها
:Pp~
بس اي شي منك خير
ما تقصر
:))
بكل الاحوال
الحافط الله يا اخوي
بس اعتدنا نقولها لما نخاف من شي مجهول
والله يستر ويحفظها يارب















OM MOOD
~~~~~~~~~
ياهلا وامية هلا
سامحيني يا الغاليه
منعت التعليقات لاني كنت حيل تعبانه
ومابي اتعب احد معاي
!!
بس الحمدلله انا الحين بخير
وعساج ياربي تكونين بخير
وبشري بالبوستات
:)

esTeKaNa يقول...

ساخر كويتي
~~~~~~~~~~~
اي والله مضروبه عين
وضع مو طبيعي
!!
الله يحفظ ديرتنا
وشكرا لمرورك الجميل
:)












ابو لطيف
~~~~~~~~~~
الله يسلمك من كل شر
وشكرا لمرورك الراقي دائما
:)












بو تشخيص
ّّّّ~~~~~~~~~~~~
اجمعين يارب
ماقصرت يا بو تشخيص
:)










الخيلاء
~~~~~~~~
رب ضاره نافعه
هالازمه عرفتني على انسانه كلها نقاء وطيب
:)
واي عجبتني بطريقه
ههههههه
انا بعد بطريقه
وعاشو البطريقات
:PP~
هوت جوكليت
مممممم
تصدقين عاد ولا مرة شربته
مادري ليش مع اني احب الكاكو
بس لازم لازم اجرب
:)














hapPY Face
~~~~~~~~~~~~~
يا سلاااام عليج
شكثر احب هالاغنيه
واكثر من مرة اكتبها
:)
ما تفقدين غالي يا الغاليه
:*










sowhat
~~~~~~~~
الله يسلمك
وانا اسعد بوجودكم وتعليقاتكم
والله يحفظ لنا ديرتنا قول امين
:)











فريج سعود
~~~~~~~~~~~
افا عليك تامر امر
:Pp~
الله يسلمك ما قصرت
:)








Cr8ivia
~~~~~~~~~~
أنتي منين طالعه؟
تو ما نور البلوق
ولا عاد تقطعينا بعد
:)

esTeKaNa يقول...

purp.
~~~~~~~~
ياهلا وامية هلا
واي يا زين الجاي حليب مع البرد
:)














ضاد
~~~~~~
يا هلا بالضاد
الحمدلله اللي ربي شرح صدرج
وعسى ربي يسعدج دوم قولي امين
:)
فرحني تعليقج
وبشري بالخير
بقلبي كلام وايد
بس شوي شوي يطلع
حياج الله

esTeKaNa يقول...

ميرامار
~~~~~~~~
خطاج اللاش ماقصرتي
وفعلا
الجو يرد الروح الله يدومه
:)








الوتين
~~~~~~~~
شكرا من القلب يا الوتين
واجمعين ان شاء الله
:)







sn3a
~~~~~~~
ياهلا بالسنع كله
شلونج؟
واشلون الدراسه؟


كلنا نقدر نسوي شي
ابسط الاشيا تؤثر
بس المشكله الكل متخاذل ومتشائم
:(
بعد قلبي انتي
الله لا يعود الحزن على قلبي وعلى قلوبكم قولي امين
:*








بنت أحمد
~~~~~~~~~
ياهلا بالتعليق الخطير يا بنت احمد
:)
الله يحفظك يا الطيبه
ماقصرتي
امين واجمعين يارب










kaika magroOMA
~~~~~~~~~~~~~~~~~~
ياهلا ويا مرحبا بالكيكه المقرومه
:)
كل شي عدا على خير
اللهم لك الحمد
شكرا على مرورج الجميل













قلب طفلة
~~~~~~~~~~~~
ياهلا ويا مرحبا بقلب الطفلة
سامحيني ماقصدت اخرعكم والله
!!
بس كان اقرب من لي بهاللحظة بلوقي
:(
الحمدلله انا بخير
الله لا يحرمني من طيبكم يارب










The boss
~~~~~~~~~~~~
الله يسلمك من الشر ماقصرت
:)

DiLLi O MiLLi يقول...

الحمدالله على السلامة
وبشري بالمطر هاليومين .. راح تغرق الديرة بالأمطار
:)
والمليفي سافر البحرين عشان رسالة الدكتوراة .. عقبالك
أما وضع الديرة فمااااا ألومج .. كاسرة خاطري الديرة
قاعدين يلعبون فيها يمين وشمال
مااااكو حكم
وأحنا الجمهور قاعديين أنتطمش
أأأأأيييييه .. خليها على الله

that's iT يقول...

أشوا مو بس أنا:)

حده ولكم باك نورت البلوقات:)

مم كل إنسان يصيبه نوع من ( الوعكه النفسيه ) هذي بس يرد أقوى من قبل و مرات يرد أقل من قبل لأن مغصب عمره إن يرد:)

لا تدققين وايد ب تعليقي جد خرابيط وحده عندها محاظره الساعه 8 و تحاتيها:)

حده ونسني رجوعج كوز أنتي من الأشياء اللي أحب أقرا لها و لوكنت ما أعلق عليها كل مره:)

ur sis

qesat_5ayal يقول...

الحمدلله عالسلامة

و
welcome back

:*

terkwaz يقول...

متاخره:S

ادخل بلوقج الاقيه على النظره الشرعيه
وتالي منزله بوستين
لاب توبي عليه العوض ومنه العوض او من الكونكش لوول

مادري شقوولج

عوووده حميييده

كل شب منج حلو حتى لو بوست فاضي :PpP

Sweet Revenge يقول...

نورتي نورتي يا استكانه
مكانج والله بين صج جم يوم بس العزيز عزيز.
كلنا لازم ندعي للكويت ,والحافظ الله
البابونج احسن من الحليب عن تجربه يهدي الاعصاب حيل ويخليج تنامين مثل البيبي :)
welcome back sis

ARTFUL يقول...

يا هلاااا ومرحبااااااااا

هذي الساعه المباركه اللي شفناج فيها

حياج الله

وأخيرا ردينا

عسى ربي يسعدج دنيا وآخره يا رب

وترا الدنيا تمشي

مره حزن ومره فرح

عسى ربي يديم الفرح

والحمدالله على كل حال
الحمدالله الذي لا يحمد على مكروه سواه

شلونج الحين تمااااام 100% ؟

وعلى الكويت
صح لازم ندعيلها

=)

يتني بنوته
;)

kuwaitawy يقول...

من طول الغيبات ياب الغنايم




نورتي البلوقات


واحلا ولكم

ولد الديرة يقول...

عمتك الله يحفظها مثل عشرات براقش الخضر

نادرة

الكويت تطلب الكثير وقدمت الكثير

الله يسامح اللي وصلنا هالمواصيل

ومع هذا

حالنا افضل من غيرنا وهذا مو سبب للخضوع للواقع لكن سبب يدفعنا لعمل المزيد

:)

سلامات ولو عندي شَعَر جان لفحت :p

ShLaLaT يقول...

الله يزيل همج
ويشرح صدرج

:)

esTeKaNa يقول...

dilli o milli
~~~~~~~~~~~~~~
ياهلا وامية هلا
عساها سقيا رحمه لا سقيا عذاب قولي امين
وعسى ربي يوفق المليفي وانا تو الناس
وراي مشوار
:)
اي والله شي يكسر الخاطر
ويضيق الصدر
خلونا ندعي بهالمطر الدعاء مستجاب











that's it
~~~~~~~~~~
اللي تقول وعكة نفسيه
كلش ما تقول خرابيط
كلمه معبره جدا
:))
وحدي ونسني تعليقج
لا تقاطعين
:)









qesat 5aYal
~~~~~~~~~~~~~~
شكرا يا صديقتي
:)









terkwaz
~~~~~~~~~~~~
looool:)
حياج الله ما تقصرين
:)









sweet revenge
~~~~~~~~~~~~~~~
منو بطيبكم وبتواصلكم الحلو الله لا يخليني يارب
:)
وصاجة
البابونج مريح
ولذيذ







ارتفل
~~~~~~~~~
ياهلا وامية هلا
الف الف الف مبروووك
وحمدلله على سلامة الغاليه
ما تتخيل شكثر انا فرحانه لك
البنت غير
!!
حنونه وتاخذ قلب ابوها
عسى ربي يطرح فيها البركة ويبلغك فيها
:)










kuwaitawy
~~~~~~~~~~~~~
منوره بوجودكم
:)
شكرا لمرورك الجميل










ولد الديرة
~~~~~~~~~~~~~
من اليوم ورايح
بناديها:
عمتي نادره
:)
اعجبتني جدا نظرتك الواقعيه
نتفاءل
ولكنه تفاءل يدفعنا لعمل المزيد

والله يسلمك
بس لا تلفح
نخاف على مشاعر طوابير المعجبات
فخيرة ماكو شعر
:p~








Shalalt
~~~~~~~~~~
اجمعين يارب
:)