الخميس، سبتمبر 11، 2008

سنفور غضبان:P~

(1)

~~~

كل يوم قبل الفطور يلفت نظري زوار مدفع الافطار
يهال فرحانين يسون لنا باي باي
وكبار يسون روحهم ما يدرون عن الكاميرا وكل واحد تليفونه بيده
بعدين قبل الاذان يستهبلون كلهم يسون باي باي
ياربي حر ورطوبه
بس اهم مستانسين
ما تشوفونهم?
اذا وناسه انا ترا ناويه اروح هالويك اند
تحروني اسوي لكم باي باي في موقع مدفع الافطار
:pP~




(2)
~~~~
كلفت بعمل بحث منذ شهر سته على ان يكون تسليمة في منتصف شهر تسعه
هذا البحث بالنسبه لي مهم جدا
تعبت في تجميع مصادره والكتابه فيه...في البداية اشتطيت
مع الوقت بردت وبردت واجلت كل عمل اليوم لغد وبعد غد
باقي لي بعض الامور التي لابد من اضافتها للفصل الثاني
اضافه الى اني لم انتهي من طباعه البحث
لاختصار الوقت يفضل الكتابه بشكل مباشر في اللاب توب
ولكن استكانة البدائيه ما ينزل لها الوحي الا اذا مسكت القلم
شخطت
وكتبت
ومن ثم تطبعه
!!

كل ما قررت الاعتكاف بالبيت وهيئت لنفسي كل الاجواء للكتابه
تباغتني امي الحبيبه بخططها:
ياللله استكانة بنروح بيت خال ابوي حك ظهري نبارك له بالشهر
ويدة خاله ابوج تسئل عنج
ومرت رفيج ابوج بتمرنا
ومرت مدير اخوج تسئل عنج
ويدة يدتي بنمرها
!!
يا ربي يا حبيبي
اهلي يحبون الناس..والناس تحبهم...بس عاد بس
وبس البس
في احد من البلوقرز ما مرينا عليهم؟





(3)

~~~~
أول البارحة...تفطرت هريسه ونسيت اتسحر
سهرت..ونمت من غير سحور
!!
في صباحي الباكر شعرت بقرصات جوع



تضاعفت مع العطش ودوخه الدوام من بعد ليل السهر



لأصبر روحي قررت اني بمجرد ان انتهي من الدوام سأشتري شي لذيذ اكله على الفطور



خرجت من الدوام احمل احلامي الجائعه



وخططي البسيطة



وتذكرت...بأن لا يوجد في بوكي الا دينارين



!!



مريت بيت التمويل في احد محطات البنزين...ما سحب هناك عطل



مريت كيفان...الشامية ...ونفس النتيجة



قررت ان اذهب مباشره لمخبز الدنماركي باليرموك واشتري بالكي نت مو الا اسحب



!!



ساعه وانا اتفرفر بين الرفوف واختار



سعيده جدا وانا اشتري وانقي وما بقى شي ما خذيته



كان المحل زحمه....لبقت روحي بين الزحمه وخذيت دور



وجهي وجه طفل سعيد وابتسامه عريضه وشقاقيه



لما وصل دوري انصدمت:



الكي نت ما يشتغل



!!



تفشششششلت



ولان شهوة القلب عونة



تركت الاغراض وتوجهت بهذا الحر لبنك الشرق الاوسط..ما يسحب



توجهت لجمعيه اليرموك...ما يسحب



صادفت نساء خارجات من الجمعيه...الكل يتحطلم:



هناك عطل وما يسحب



:(






كسرت خاطر نفسي



اتصلت على امي على الساعه الثانيه والنصف ظهرا وشكيت لها الحال



لتفاجئني الغاليه:



انا جم مرة قايله لج لا تطلعين من غير فلوس



زين جذي زين؟



لا شعوري رديت عليها:



يمة يسلمج تكفييين ترا انا متعسره



!!



انهيت المكالمه ورجعت البيت بخفي حنين



رجعت احمل خيبه امي وعساره وجوع ونوم



اول ما دخلت لمتني امي وسئلتني امي:



شبتسوين الحين؟



زامة الحلج وعاقده النونه:



شبسوي؟



باكل الهوا وبحط راسي وانام



يا ويله اللي يفج علي الباب



ويا ويله اللي اسمع حسه



يا ويله اللي يقرب من داري



وطراااااااااااااااخ...رقعت الباب ويا نومه كوني نومه لي الفطور



!!



على الفطور نازله مع الاذان



البوز واصل لي الخفجي



والوجه مخده فيها عيون



اول ما خذيت وضعي على الطاوله،اشعر بنقزات اخواني وكتمهم لضحكتهم



اخوي الكبير يتأملني ساعه ثم يكلمني:



اشفيه سنفور غضبان؟



ترا شاري لج خوش حلو انا



:Pp~



بصوت نايم غريب خفت منه لما طلع مني رديت:






انزين شكرا



!!



شوي ولا اخوي الثاني يطقني ذيج الطقه على ظهري:



بيعنا بالسوق يا الحبييب



@@



الى متى يعتقد اخي اني واحد من ربعه بالدوانية؟



انا جم مرة قايله ايده ثقيله تكسر ظهري؟



جم مرة قايله ماحب احد يجرب مني؟



اختي الصغيره تقرب مني كل الصحون



وامي تنظر لي بطرف عينها



والكل كاتم ضحكته التي فجرها اخي عندما قال:



استكانة ...خدج فيه ورده



!!



بققت عيوني:



نعم؟



قمت من الفطور توجهت للمنظرة لاكتشف ان دانتيل المخده معلم على وجهي المنتفخ وكأني ماكله بيكنج بودر



يا زيني وانا ويهي منقش



الورده على طرف المخده ....انا شلون نايمة؟



شعرت برغبة بالضحك



ولكن...ضحك اخواني قتل رغبتي وجعلني اصارع دمعة مالها سالفه تريد ان تنزل



!!



تضحكني امي عندما تشعر بتأنيب الضمير:



استكانة بااااااجر بعطيج فلوس وروحي الدنماركية اشتري كل اللي تبين



زييييييييييين؟



ياربي انا ياهل كبير؟



في ياهل عمره اربع وعشرين سنه؟



!!



لما قعدت مع روحي بالمسا اكتشفت شي



باني متوتره من امر



وحزينه لامر ما



وتداخل هذا على هذا،وتراكم...حتى انفجر على شي تافه وبسيط



عدم عمل الكي نت وجوعي كانت القشه التي قصمت ظهر البعير



منو البعير مادري



:pP~





















(4)



~~~~



العسر الله يعسر عليه



!!



كتبت البوست وانمسح



حسيت ابي ازنط احد لما ما لقيته



اسم الله علي الرحمن الرحيم اشفيني



تعوذت من ابليس ورديت كتبه



وان ما لقيته الحين



ممممممممم



ممممممممممممم



برقع الباب وبروح داري ومحاربه الكل



:pP

هناك 83 تعليقًا:

terkwaz يقول...

استكانه تخرعين لما تعصبين
:s

فيني ظحكه وكاتمتها اخاف تعصبين ههههههههههههههه

طلعي اسنانج وابتسمي..

ههههههههههههههه
فيني ظحكه كيفج بظحك

لا اشوه طلع البوست خلاص لا ترقعين الباب ماله ذنب المسيجين

وانا براضيج بقرقع باسمج :)
وعندي جم بيزه ببوكي تبينهم هههه
بس لا تعصبين :)

وكل شي يصير سهالات من بحث وتبعه ..

اظحك للدنيا تظحك لك

:)

lawyer يقول...

لاااااا كاهوووووو كاهووووووووووووو

ما ضاااااااااع البووووووووست


استكااااااااااااااااااانه يا حلوج و ياااااااا حلووووووووووو عسارتج والله عسسسسسسسسسسسسل






علامه محد يداري خاطري في هالبيت !!!






استكاااااااااااااانه
يتني بجووووووووووووووووووووة
انا اخواااااااااااااااااني

كلش كلش مو مستوعبييييييييين انا بنت



يوووووووووووووووم رديت من العمره اخووووووووووووي يقوووووووووووولي

اااااااااااااااخ ليش مو مقررررررررررررررررعه

:D

جااااااااااااااااااااااان اعصب و ازم الحلج


و تتشرررررررررررررع الخناااااااافر مدري الفناخر

ههههههههههههههههههههههههه

ابو لطيف يقول...

في ياهل عمره اربع وعشرين سنه؟

في ياهل بعد عمره 50

بنظر الام والاب ...الابناء يبقون صغارا مهما كبروا

....

مشكلتك ليس لها اي سبب او مبرر

هل تعتقدين انك تأكلين ما تريدين ؟

هل تعتقدين انك تلبسين ما ترغبين فيه ؟

وهل وهل وهل ... لكل تصرفاتك ؟

صحيح اننا نرغب ونحب ونريد ونسعى ونحاول للحصول ... ولكن يبقى الامر اخيرا لما قدره الله لنا


لو دقق كل منا في تفاصيل حياته وما يجري حوله
لابد ان يوقن ان الامور تجري كما قدرها الله له

لذا لا تبتاسي لعدم حصولك على ما ترغبين فيه

فقد يكون في ذلك خير لا ترينه ... ودفعا لشر لم تتوقعينه

لال تبتاسي عزيزتي من مثل هذه الامور

فما بقى لديك اكثر مما فقدتيه :)

حفظك الله واهلك

أتيت متاخرة يقول...

فديتها الياهل الي عمرها 24 سنة
مو انتي بس
هأ
آنه أكبر منج وعندي عيال وزوجي يقولي : يا ربي اشهالياهل الي ماخذها !!!!
وربي ايهل من بنتنا

عادي ترى بيتمين ياهل على طوووووووووول
تطمني

ميم يقول...

مخدة فيها عيون؟
هههههههههههههههههههههه
تطمني وصلت البوست هههههههههههههه

انتي مثل حالتي تصدقين؟
ليه تعسرت صج اصير جني ياهل
وامي تسترجع السوالف اللي تضحك حق اخواني وبنص السالفة توقف وتلتفت علي: "منورة شقال الشرطي؟ نسيت انا انتي كملي" ـ

هاااااااو؟ اصيح واخش دموعي واقول براسي انا كبرت خلاص

بس بلحظتها اقر غصبن علي ان اهلي كنز ما احصله لو فريت الدنيا وبهالفكرة يطيب خاطري

**
يا استكانة الطيب يربيه طيب عسى الله يحفظكم

Fskra يقول...

;*** 7bebtyyyyyyyyyy

t9er wayed bs ana a6gha bachwa O a93d dari mLeeeeeqa ;p kiLaa abchy etha z3Lana mn shay sa5eef o a7d
6frni ;p

7bebty walah etha rdet elq8 rmthan eLyay ayeblich keL eLi tbena o fog`hom bosa b3d ;*

<< fskra el bnt btn6r li rmthan eL yay y3ni :S

shasawee b3d :S a7bch :$

bin3li يقول...

اي سنفور غضبان
إلا صايرة عتوقة توباك مال شعبية الكرتون
:P
http://www.youtube.com/watch?v=9SmwfRQkX40

شو نوع سيارتج ؟
لا تقولين نيسان فتك أبيض
:P

QiYaDiYa يقول...

heheheheh ;p


يا دي بيت التمويل الي يفشل !!

تدرين مرة شصار فيني ؟؟

اختي الصغيرة طالعة مع ابوي !
استغلينا الفرصة انا و امي ان نطلع !!

كانت حزة مغرب بس انا مو متغدية !
رحنا انا و امي لونتر افينيوز !!
ضحكنا سولفنا و استانسنا !!

و كنا متفقين ان بعد ما نخلص نروح ناخذ مرت خالي و ولدها الصغير من المطار !

خلصنا نبي ندفع !
ما عندنا كاش !

فضينا البوك من الكروت ولا واحد راضي يشتغل !!

ليش لان احنا بيت التمويل !! ;s

انا و امي نطالع بعض شنو الحل !!
نروح نفر على مكينة مكينة !!
هم يقولنا عطل ما عطل !!

تدرين شسوينا !!

امي هدتني بالمطعم رهن !
على ما ايي اخوي يدفع !

و راحت المطار تاخذ مرت خالي لانها وصلت !!

تخيلي شكلي و انا قاعدة بالمطعم و عيون الي يشتغلون كلها علي عشان مااروح مكااان !!

و بعدين اخوي يا و دفع و طلعت ..

وااااي موقف مليييييييييق !!!

="(


بس اختيارج للدنماركي موفق..
لذيييييذ !!! ;p


تحتاجين تعويض !!
انج تروحين و تشترين كل الي باخاطرج فيه عقب الدقة الجميلة الي صارت فيج ;p


و شدي حيلج بالبحث ..
و اذا تبين طباعين احنا بالخدمة ;p

مادري شفيهم علينا الاخوان !!
اخوي اليوم يقولي مادري ليش حسيتج من الاقزام السبعة !!

انا ويهي ..
لا تعليق !!!

لنا الله
;p

bin3li يقول...

نسيت أقولج عتوقة
:P
دامج كاتبة البحث بايدج خلي أي حد فاضي في البيت يطبعه لج
أو وزعي الشغل على أكثر من شخص
بتكسبين وقت زيادة
:)

Najmah يقول...

ابييييييييييييه لأأأأأأ
كتبت رد شطوله وانمسح
من الضحك اللي ضحكته :(
امرناااا لله


1
واي عيل انا كل يوم كل يوم
اول مايطلعون اخوي يسمعني نفس المنوال
ويعيد عليي الحنة
نجمة باجر وديني
نجمة متى توديني
نجمة بروح معاهم
من صجه يعني
متأمل فيني
:Pp


2
استكانة
تعوذي من ابليس
الحين مو انتي قدوتي ;)
يالله يالله هاااانت مابقى شي
شدي حيلج وبذلي اسبابج
واستغلي هالوقت
ومابعد التعب الا الرااحة
ومابعد ضيق اليوم الا لذة الانجاز
عسى ربي يفتح عليج من اوسع ابوابه
ويوفقج وييسر امورج
وترى انا لما الحين راضية اطبعه
:Pp


3
ابيييييييييييييه
مت مت من الضحك
اضحك اضحك وارد اقرا واضحك
لما شرقت اسم الله عليي :\
لووووووووووووول
اسم الله عليج الرحمن الرحيم
كلش ولا سنفور غضبان
ميخالف تكبرين وتنسين
:P

والموت يعشق فجأه مثلي..والموت مثلي لايحب الإنتظار يقول...

ههههههه

اخوج دمة خفيف ..

عادي هذي يسمونها يا طويلة العمر عسارة رمضان :)

ودمتي بخير وسلام

DanDash يقول...

وي اسم الله عليج

شوفي من قريت البوست شكيت بشي

الظاهر و الله اعلم اني اصير لج

في شي مشترك بينا بصورة مو طبيعية

العساااااارة

بس ترى عسارتنا حلوة ;)

و سالفة الكي نت ياما انقرصت منها بس ما أتوب لول

انا كلش مو متعودة انام الظهر فتلاقيني هل الايام كل ما اقوم اقوم مخترعة على اساس انه الحين الصبح و تأخرت على الدوام او اني نمت لثاني يوم العصر :S

ray يقول...

وااي استكانة

ما عندي وقت استعسرررررر

ودي اقط اللي بايدي و انحاش

لا ما أنحاش ... بس أنام شوي ... بس شوي

و أبي ويك اند بدون دوام

و أبي وقت أروح السوق و وقت أشوف أمي و اهلي و ربعي

و أبي وقت أقلدم فيه بدون ما أتحاسب

جذي الشغل كله كراف ولا بس انا ؟

محـــــارة يقول...

أنا اقول اليرموك شمنورها أثاري الغلا زايرنا يابختي جان دقيتي علي وأكون عند باب الجمعية وعلى راسي فلبينية الدنمركي :)

بسالفة الفراره أحمد ربي واشكره أن عندنا أيام معينه نتيمع فيها للمباركه استقبال ثاني يوم عندنا وبيت عمي عقبنا نشوف الكل بهاليومين تبقى جم عيوزة وجم أنسبه نزرهم بفره وحده بيوم نتيمع فيه أنا وخواتي وأمي وينتهي مسلسل المباركات الي يدوخ برمضان زياده على رطوبة هالجو

أحمد ربي وأشكره برمضان ماطلعت لغير الدوام ولغير يوم الفراره والباجي مسيد وتيمع مع الأهل بالبيت وقاعد يركض علينا بأروع مايمكن .. نطلب من ربي يخصنا برحمته وبمغفرته ويلحقنه بثلثه الأخير ويرزقنا العتق من نيرانه

....

بموضوع التعسر واليوم .. بعلم النفس يقال أن عصبيتك من أمور ماتكون بدون سبب غالبا متى ماركزتي على شخصيتج وحطيتي ورقه وقلم انا اليوم عصبت تتوقعين ليش عصبت أرد لكل مامريت فيه راح مع الوقت تستشعرين النقاط الي تعصبج وتنرفزج فعلا مو الأسباب التافهه الي نسقط عليها عصبيتنا

ومرسي كثير

ManalQ8 يقول...

استكانة
والله ضحكتيني
صج سنفور غضبان
:)
يحليلج

وقتي التلفون
وتسحري
احسن فيه ثواب غير ان يساعدج ما تحسين باليوع

و لا تنسين تحطين فلوس بالبوك
سمعي كلام الوالدة الله يحفظها
وعسى الله يكثر احبابها
:)

هدي الوضع ما يستاهل الغضب
ضحكي
مثل ضحكة شيلة الاغراض في المخبز الدنماركي
:)

والله يسهل عليج كتابة البحث

براقش يقول...

لووووووووووول
على خدك ورده

الله يقطع ابليسك موتينى من الضحك

صدقينى

شفتى اهلك اللى يطفرونك ماكو مثلهم ابد



هذى القشه كلنا نمر فيها

بس زين يت على ورده بخدك

لوووووووووووووووووووووووووووووووول

مانى قادرة
دموع دموع من الضحك

لووووووووووووووووووووووووووووووووول

الزين يقول...

ويييييييه

مو تتعسرين علي

انا مالي شغل

صج اني كنت اكلمج وانتي تبين تنزلية

بس ورب الكعبة ما سويت شي

:))))


تدرين اني احبج صح

:***

Kuwait يقول...

لووووووووووووووووول ..
أنا أقووول قومي لحقي على السحووووووور :P

Sowhat يقول...

لووووول

وربي انتي ونيسة الله يونس اهلج فيج يارب

في شغلات صغيرة تضايقنا .. بس لما تتكوم مع بعض ننفجر مرة وحده

يالله ما عليه تيك ات ايزي :)

MO3ATH يقول...

1
لووووووول اي اشوفهم بس نصهم خدم

السؤال الي يطرح نفسه وين يتفطرون ؟

2

الزوارات لابد منها بعد شتسوين بس المفروض مو على طول يعني يوم اي واسبوعين لأ لووووووول

3

هذي السالفه بكبرها نكته صج كسرتي خاطري بس موقف الفطور تحفه لوووووووووووول مرة ثانية لاتطلعين من غير فلوس :p

4

الحمدلله نزل البوست :)

Najmah يقول...

a5eeeeeeraaaaaan
e5eeeran e6la3aaat
loooooooooooool
3ajeeeeeeeeeeeeba
:))
estekana
3la kel shy shokraaaan
:**

الخيلاء يقول...

لوووووووول

والله مت من الضحك و انا اقرى
و قريته حق امي بعد ماتت من الضحك

والي صج ضحكني سالفه الورده الي بخدج

و الصبيان لي صاروا فايئين و رايئين
مشكله

تدرين هاليوم بعد نفس المشكله واجهت اخوي و كان رايح يشتري نظاره عيز و اهو يحن عليها بعد قلبي اخرتها ماتشتغل الكي نت و سستم البنك عطلان



الله يوفقج بالبحث يارب و يكون مثل ماتبين و يعطيج واحد عمي قلب و مفتج عين يقرا بحثج

هذي دعوه امي ايام الامتحانات
:p

ضـاد يقول...

سالفة الـATM اتوقع اني سمعت قبل جو يوم انهم علقو ماعرف شنو السالفه! ومادري اذا صج ولا حلمانه, لان هالايام وايد احلم وعبالي صج والعكس بالعكس s:


شسالفة دعالة الاخوان الشباب؟ اخواني نفس الطينه وهم يشوفوني واحد من الربع :\ مادري شي زين ولا لأ D:


الله يوفقج في البحث
:)

فريج سعود يقول...

الدينارين فيهم

واحد هريس

واحد باجلاء

واحد نخي

واحد يريش

عشر سمبوسات

خمس كبات

خمس خبزات

بيبسي واحد

والباجي خردة بالطفاية

وكان الله غفورا رحيما

ولا مذلة الكي نت

kAiKa-MGroMa يقول...

:P .. wek wek wek

الله وناسه عاد انا هوايتي الاشياء اللي تتعلق بالخشم والحواجب والحلج

هالنمونه خدج حلاته احد دثر على ويهج شكر مطحون عشان تبين الورده بشكل أجمل

HaHaHaHa =D.

مُحَسّدْ يقول...

المرأة ليما تموت واهي ياهل صغير :)

لا تتسوقين مرة ثانية وانتي يوعانة لأنج راح تخمين الاكو والماكو :)

حتى مكاين السحب صايمة

kuwaitawy يقول...

استكانه تعبت وانا اقرا البوست الله يهداج



لكن كل هالفلم اللي صار

عشان انج ما لقيتي مكينة سحب تسحبين فلوسج

لووووووووووووووووووووول

وعشان انج صفيتي دور والكي نت ما اشتغل معاج

لووووووووووووووووووووول

someone_q8 يقول...

السلام عليكم
والله ما الوم اخوج لما يقول سنفور غضبان :)
طولي بالج اختي :)

shakshaka يقول...

estekANAAA HAHAHA WAAY THA7AKTEEENI A3AREF SHU3OOOOR ELMEST3SERA WO YO3ANA A3ARFA 3ADELLLLL! laa wo la7ad yetghashmar weyay 3la goltich dam3a malha salfa et3anid tabeee tanzil hah 3la 6raaaif hehehehehe taqabaaaaal alllah minich inshallla;*



i miss u;*

Salah يقول...

النوم هو الحل الأمثل للكثير من المشاكل الرمضانية!

Lavender يقول...

لووووووووووول

وااااي لاءء ! كله كوووووم و مدفع الفطوور كوووم ثاني !

أشوفهم كل يوم و أفووووووووكر ! هذيل من صجهم !؟

فراغه !!

عثماني يقول...

اخيتي الغالية المستعسرة .. شلونج؟؟

الحين انتي مو متسحرة ... وميته من اليوع

بعد شحقة هالهيلة بالقايلة تحت هالشموس !!؟

يالله تعيشين وتاخذين غيرها

:)

Safeed يقول...

1 *
يعطونهم فطور بقصر نايف .. نفس الفطور اللي كانوا يعطونا اياه لما كنت بالاشبال و ياخذونا بالساعات عشان نستقبل الرئيس الفلاني او الامير الفلاني
بيتزا و كبة برغل و عصير سانكيست .. و كان الله غفورا رحيما .. و الله يعينا على غسيل المعده بعدها
.
2*
الإبداع يتولم من رحم المعاناة .. لذلك أجمل الابداعات و العلمية خرجت تحت ضغوط الدنيا الكبيرة .. لافوازييه اكتشف كذبة الفلوجستين عندما علم ان زوجته تخونه
.
3*
الجوع شعور جميل لمن يعرف معناه
ثم يتغلب عليه .. و لكن فضلتي تنامين بعيدا عن مبارزته
.
مثل ما يقول شكسبير .. أيها النوم انك تقتل يقظتنا

وليام شكسبير .. يقول :
أيها النوم .. إنك تقتل يقظتنا

. . . ساخر كويتي يقول...

(1)

~~~

ابشرك برد
السلام عليج وبقولك باي باي بعد هههههههه


(2)
~~~~
بالنسبة الى الوالدة الله يطول بعمرها ويعطيها الصحة والعافية
هي تاج راس البيت وطلباتها اوامر شنو تسوين بعد :)
نصيحتي لج
احسن وقت تشتغلين فيه وانتي صايمة وفي الويك اند واختاري فترة الجميع يكونون فيها نايمين


(3)

~~~~
موضوع الكي نت عفسني حتى انا كنت قاعد اجدد دفتر السيارة وطلع علي مخالفة بطلت البوك والا مافي المبلغ المطلوب
قلت اطمر على البنك اللي يم الفحص الفني في الجابرية حطيت الكرت عشرين مرة ولا رضى يشتغل قلت اطمر على البنك الثاني اللي يمه وايضا ماكو فايدة

رحت الشعب فرع بيت التمويل بس اكتشفت ان لحد الحين ما فتح قاعدين يجددونه
اخر شئ تذكرت ان عندي حساب ثاني في بنك بوبيان ومشت اموري اوكي

وكل هالامور صارت وانا على اخر دوام إدارة الفحص الفني يعني سباق مع الوقت خخخخخخ

الكي نت الخاص في بيت التمويل هو اللي كان خربان ذاك اليوم

فعفس الكويت كلها


وعلى طاري العسارة اكتشفت انها لها ايجابيات



تدرين شنو ..؟


تسوي ورود على الخدود ههههههههه

تحياتي

esTeKaNa يقول...

terkwaz
~~~~~~~~~~~
انياهاهاهاها
شرايج فيني وانا شريرة
:Pp~
ضحكي ضحكي
ههههههههههههههههههه
انا بكبري ضحكت على روحي يوم طخيت
:)
يا بعد قلبي تركوازا
ماقصرتي
:**

esTeKaNa يقول...

Lawyer
~~~~~~~~~
أهم شي اعراض العساره
البوز والخنافر
ههههههههههههههههههههه
اي قرعي قرعي اشفيها بلله
:Pp~

esTeKaNa يقول...

ابو لطيف
~~~~~~~~~~~
عدل كلامك يا ابو لطيف
:)
جزاك الله كل الخير

esTeKaNa يقول...

أتيت متأخرة
~~~~~~~~~~~~~~
يعني بتم داخلي ياهل لي ايب ياهل؟
:pP~
ههههههههههه
الله يحفظ لج عيالج وابو عيالج
اشوة
طمنتيني على مستقبلي
:Pp~

esTeKaNa يقول...

ميم
~~~~~~
حيالله الميم والله
:)
واااي عندي وعندج خير
انا امي تضحكني
اذا تبي تضحكني تحاول تشاركني بالسالفة
ههههههههههههههه
الله يحفظ لج اهلج ويبلغهم فيج
والله من غيرهم ما نسوا
الله يسعدج دوووم
:*

Fahad Al Askr يقول...

أولا اللوك الرمضاني اليديد حلو

وبعدين: محد قالج طلعي من البيت بدون فلوس

esTeKaNa يقول...

Fskara
~~~~~~~~~
يااااابعد قلبي وروحي انتي
:**
واي كسرت خاطر روحي وانا اقرا تعليقج
لا تدلعيني
ترا انا نوعي احب الحجي الحلو
احب احد يداريني
دعله دعله
:Pp~
الله لا يحرمني منج يارب
:**

esTeKaNa يقول...

Bin3Li
~~~~~~~~~
looooooooooooooooool
:))
صج بن علي؟
تتطنز علي
زين هين هين
:Pp~
اشوة سيارتي مو نيسان كلش

Sn3a يقول...

لوووووووووووووووووووووول
مايلوق
مايلوق تقولين ياويله
احس صج مايلوق



اما سالفه بيعنا بالسوق الحبيب
يامعوده انا اخواني كل مايردون من النادي يجربون فيني حركاتهم
ويستانسون لما ايدي تزرق بس بعد شسوي مطفرينا انا واختي



بس احلى شي امج ربي يخليها
باجر بعطيج فلوس واشتري اللي تبينه
وبعدين ليش تكبرين عمرج ترا 24 توج كتكوته

موتيني ضحك ربي يشرح قلبج

ZooZ يقول...

حرااااااام
هههههههههههههههههههههه
لو قالبه المخدة قبل لا تنامين احسنلج

Nescafé يقول...

hehehe
سنفور غضبان عاد
تصدقين حطي فوق هذا كله
الجو الحلو انا لما اطلع الظهر
اعصب مادري شيصير فيني

واهم شي صرااحه ان ويهج فيه ورده
انتي الورده والله ;**

تدرين صارلي نفس موقفج مع الكي نت
بس الفرق انا كنت راده من السفر
وبوووكي فاااااضي كلششش
وابي اسحب موووراظي..
اشوه ان معاي كرت الغاليه ريلاكس
واشوه ان رقمها سهل
LOOOL
بس اللي نرفزني ادق اقولهم كرتي مايسحب وفيه فلوس
!!واحط كرت اختي يسحب!! ومجربه باكثر من مكينه
مادري شفيه ذاك اليوم كرتي ماكان يبيني اسحب

الله يوفقج ان شالله ببحثتج وتكملينه وترتاحين
ولي رحتي موقع مدفع الافطار
بروح معاج :P

Rawan يقول...

الصراحه ضحكتيني ..
يا ربي تذكريني بعمري ساعات !
انا ويني عن بلوقج!
هههههه

يا خيه هالاخوان يبطون الجبد .. عندنا و عندج خير .. الايد ثقيله و دبييي على الظهر .. يا معوده و يا الطيبه .. الا انا طايحه بالارض..
و المشكله ان ما نقدر نعيش بدونهم ..
الله يخلي الي عندج و الي عندنا

و لحد ايبلي طاري بيت التمويل كل ما اروح مكان تصليحات .. او معلق .. خفت الكرت يدش ما يطلع .. ههههه

حافظج الله

Purplecious يقول...

لوووووووووووووووول

استكانه وينج؟؟ تحريتج اليوم بمدفع الافطار ما شفتج؟؟
هههههههههه

تكفييييييين ثبتي المصري كل يوووووم موجود و يمسك الموبايل و يسوي باي باي حق الكاميرا... تحفه!!! هههههههه

و على البحث لا تحاتين انتي بس بلشي فيه و جك بوم انتي طابعته و خالصه كل شي.. لو هو بوست جان عسل على قلبج
;pP~

و الكي نت أنا جذي ما أتوووووب
كل شي ادفعه كي نت.. زيييين انتي عندج دينارين على الاقل! انا الله وكيلج و لا فلس حتى الخرده ما احطها بالبوك كله بالسياره... الفشله اذا كان المبلغ بسيط ما يسوى و الناس وراي تنطر حضرتي ادفع


و حلاااااااااته سنفور غضبان
لوووووووووووول
والوجه مخده فيها عيون

لوووووووووووووووول

شعندها بيربل؟؟ خصوصا برمضان مو مترقعه ويهي مو راضي يفش
ههههههههههه
اذا تبين تشوفين ويهي على حقيقته شوفيني قبل لا انام بالليل هالحزه بس احس ان هذا ويهي
لوووووووووووووووول

اقول استكانه هالله هالله بالورده لا تنسين تسقينها لا تموت و تذبل
هههههههههههههه

:**

Yin يقول...

إستكانةدمج شربات
يبا هونيها وتهون ولا تروحين تتسوقين وانتي يوعانة
يا بعد السنافر كلهم
بس صج بوستج يهبل لو سمحتي كل ما تعصبين صكينا ببوست سنفور غضبان

:)
الله يحفظ لكم الوالدة
ويسهل عليج كتابة البحث

وعقب هالتجربة تذكري مقولة لا تؤجل عمل اليوم إلى الغد ترى يتراكم ويتكود وينرفز الواحد
take it easy
:)

حلم جميل بوطن أفضل يقول...

أنا مخدتي فيها دانتيل

شكراً على إسهاماتك العظيمة

حسام بن ضرار يقول...

انا من سالفة الرسومات المسيئة و انا مقاطع المخبز الدانمركي

ادري ان صاحبته دانمركيه مسلمه و زوجها كويتي و النعم ..خوش رجال

لكن ليش انهم من حزتها تقريباً قاعدين يرفعون بأسعارهم بالهبل و مستوى المعجنات قاعد ينزل

عيل تشيز كيك حارقين قاعتها .. و يبيعونها بسبع دنانير؟

المهم: ألف عافيه اخت استكانه

و لا تعتمدين على الكي نت، وايد ينجلون

:)

نون النساء يقول...

اذا على سالفة قص الويه حاسه فييييييييييييج

يااااا هو إحرااااااااااج
ياهوووو بخااار يطلع من خدودج

طبعا انا ماكنت ادري ان الكي نت عندي متقفل لان قبلها بيوم مدخله الباسوورد ثلاث مرات غلط

عاد علووم ولوية واروح البنك والدنيا حر ورطوبة وزحمة حريييم قاعده تنطر يبون يكتتبون وانا ذايبة من الرطوبة وملفعي عوي وقذلتي كل شوي تطلع

ووحده تتشكى يمي من خدامتها انها قاصة صورتها عشان اتدزها اهلها وتسحرها واتطلعها من جنطتها

ويوعانه
ابي ارد البيت اتغدى


وارد البيت والبوووز شبرين
ههههههههههههههههههههه



يالله اتخيلت شكلج لما تنرفض البطاقة
بس على الأقل عندج دينارين
انا كان الهوا يدش ويطلع من البوك

لووووووووووووول




عادي حبيبتي عيشي طفولتج
صغيرة او كبيره


مدي بوزج
اكلي برّد لولو

وبوستج كاهو موجود
اشزيييينه كأنه دراعة رمضانيه
:P

:*

7osen يقول...

إستكانة
جني شفتج امس مع اللى يسون باي بقصر نايف


والله ضحكتيني

كل يوم اتابعهم يضحكوون
خصوصاً الكبار اللى يسون نفسهم مايشوفون الكاميرا

:)

molok يقول...

صج منظرهم وايد يضحك .. استغرب شنو اللسبب اللي يخليهم يرحون ..
الناس فيما يعشقون مذاهب ..

الطباعة المباشره وايد اسهل .. وبعدين لاتاجلين لان صج ماتدرين شنو الظروف اللي بتحوشج آخر الايام ..

السحور شي مهم .. حتر لو كان شي خفيف ..ومدة البوز مالها اي لزمه .. بس والله اهلج يونسون .. انت معصبه ويحاولون يراضونج .. خوش شي :)

مشكوره وتقبل الله صيانج

darkness يقول...

ترن ترن تراااا

ترن ترن تراااا

لا لا للا للا لاااااه

للا للاا لاااه

:)

انا اكره ان لا اتسحر

انا اكره ان لا اجد النقود في محغظتي

انا اكره ان لا تعمل بطاقتي المصرفيه

انا اكره ان انام و حين استيقظ اشعر بصداع

انا اكره ان يمازحوني و انا بمزاج سيء

انا اكره ان اجد ان المخده قد رسمت على وجهي



;p



حق الشماته زاهبين

هههههههههههه

ShLaLaT يقول...

لووووووووووووووووول احس شكلج يضحك اذا عصبتي

;p



لوووووول اهلج ما فيهم من اهلي
اذا احد زعل ولا طنقر الكل يحقره لما يرد بروحه لوول بس امي مسكينه تداري

;p

والبوست كااااااااهو بس يا معوده لا تكسرين بيبان بيتكم
:)

يا حلوج

وسلم استكانه يالله خلها لامها يالله

ARTFUL يقول...

أقول لا تعورينا

كاااااااااااااااك

شفيج وانا اخوج

كله من اليوع

اليوع كافر


بعد واصله الدنماركيه ما عندج فلوس روحي ورا في حلاق اسمه سليمان قوليله انا من طرف آرتفل اخذي منه فليسات وانا أحاسبه تالي

ولا هالنفس اللهم يا كافي

;p

عسى الله يخليلج أهلج

وعلى طاري مدفع الافطار انا استانس على مدفع قناة فنون

;D

THE BOSS يقول...

أنا قلتلك و أنتي أعترضتي الشيشه أبرك بس زين دينارين فيهم جم راس شيشه
وعطني ولعه

غير معرف يقول...

بصراحه مواضيعج يا إستكانه مميزه:

نفس الحاله بس استانس لما أشوف اليهال مستانسين هم من اكبر سعادة الإنسان:).

2-
لاتؤجل عمل اليوم إلى الغد وكل ماخلصتي مبجر يكون احسن يعني اتعظي فيني انا انا قاعد ادفع ثمن اهمالي وكاش مو كي نت:) تأخرت بدراستي بسبب هالشي كنت بجامعه الخليج وهم كنت أأجل وقاعد ادفع الثمن بس قلت بيني وبين نفسي يابوعبدالله انت عندك حلم وصار عندك رغبة وطموح تأخرت بالدراسة يمكن فيها خيرة على قولة الوالدة الله يحفظها فقلت لازم اتخرج بشي يستاهل فالحين انا قاعد اسعى عشان اكون دكتور جامعي بالمستقبل وادرس الطلبة وافضي حرت سنين الدراسة:)فعشان جذي لاتأجلين اي شي والدنيا دروس:).
(هذي يمكن المره الألف الي اشكي فيها حالي عندج تحمليني وانا اخوج :))

3-
اما هالشي يالطيف!!!:)

وهذي مثل حال الغنسان الي يحلم ان بيسوي اشياء واشياء وناسي الواقع الي هو فيه بس الله يهداج العة من البيت بدينارين بس!!
لكن كأنهم متآميرين عليج كل الأجهزة فيها خراب!!مايبونج تاكلين:)آنا لومنج اقتحم البنك انا اذا يعت دللت نفسي:)

بس مالت الدنماركيه حاله كسيفه سويتي كل شي لكن الكي نت حطم الأحلام ماعليه تكبرين وتنسين.

انتي مرعبه بوقت النوم ماتوقعتج جذي ابد:) تصدقين انا رديت من بره دايخ ابي انام وتييني اختي الي توها ملجت تقومني تقولي وين شريط بوقتاده وبونبيل بغيت ازنطها بس تذكرت ريلها وهو كسر خاطري المسكين مامده يتهنى بزواجه:)(هي ماكسرت خاطري:)) لكن انتي مرعبه الله يعينهم.

لووووووووووووووووول حده لووووووووووووووووول وليش طول هالمده ساكتين الله يهداهم شالمخده الي طبعت فيج هالورده الظاهر اخوج ماتحمل وقالج وبط لج الجربه:) اما اخوج الي طقج على ظهرج الظاهر عاشق للديوانيات :)

يبه الله يخليكم لبعض
وعى سؤالج ان فيه ياهل كبير اقول تكونين ياهل كبير ولاتكونين مثل اخيج ابتزازي كبير الحين اختي الكبيره كل ماتبي مني خدمه اقولها تعطيني جم!!خو عندها ريل كرفيه تكرفيني آنا قتلها اقل شي 10دنانير تبين تبين ماتبين كيفج:).

4-
هذي اذا صارتلي اهون عن كتابة الموضوع وما أرد اكتب بوست إلا لما يرد المزاج انا أقول طنش تعش احسن وايد:)

مثل ماقلت مواضيعج لها طعم ولها ميزة افرح بكل موضوع جديد لج انتي اكثر وحده
تخليني اكتب بالردود ماشاء الله عليج عشان جذي ارد بالغالب متأخر عرفتي ليش اتأخر:)

صقر قريش

Yang يقول...

لو انا جان فطرت :)

ادور الحجة :)

violinist_q8 يقول...

عاد تصدقين انا متابع للحظات مدفع الافطار اكثر من المسلسلات :)
استانس عاليهال واهما يسلمون لول
بس بالثالث او رابع رمضان العساكر ماقالوا جاهز ........ارمي
قالوها بسرعه جاهز ارمي
لو شايفه ويوه اليهال مساكين من الوناسه قلبت خرعه والكبار نفس الشي
-
وال ATM
يالله شنو كرهت بيت التمويل على هالسالفه لو صايره بالكويت تهوون
صارت فيني وانا مسافر وقبل لا ارجع الكويت بيومين رحت بسحب على الساعه 11 باليل رايح بكل ثقه والا في خلل بالمكينه رحت البنوك كلها الي بالمنطقه الي كنت فيها ونفس الشي واتصل عالبنك يقولون بطاقتك مافيها شي شنو اجذب عليكم ! اخر شي قالوا اب ديت وسيرفر و كلام كبير :p
بس الحمدلله بثاني يوم اشتغلت
هالسالفه قبل 3 شهور تقريبا
ومصيبه لو تكررت ومو عارفين سببها !

كل عام وانتي بخير مادري لو قايلها او لا :) بس زيادة الخير خيرين

M. J. Kout يقول...

سلامات سنفور غضبان
زين فرضا الكي نت اشتغل وشريتي اللي تبينه كنتي بتفطرين ؟؟
نفس النتيجة بتنطرين الفطور ولا عندج حل ثاني ؟ تكفين لحقينا فيه عطشااااان و دايخ و ليلحين ماخلص الدوام و الساعة مو راضية تمشى و بره غبار

اللهم اني صائم

حسافتج يا كويت يقول...

هلا بإستكانتنا العزيزة

بعلق على موضوع الزوارات والمواجيب برمضان


انا ما اواطن اتحرك من بيتي برمضان

المسيد والدوام ويااللة هالدور تفرفر بارك بالشهر

اعتقد العيد كافي

وبما إني ما اواطن العيد وكل عيد اسافر

ف ما اشوف احد لاني بالاساس الحمد لله واصل مع كل اهلي فماكو داعي


انا نظامي الدوانية والدوام والمسيد والبيت بس

وطيعيني رمضان الياي طنشي واكتفي بالعيد

esTeKaNa يقول...

najmah
~~~~~~~
ياهلا ويا مرحبا بنجمة الكل والجميع
:**
يا زين اخوج والله
خلاص
قولي له استكانة آخر يوم رمضان بتمرك ونروح عن خاطرنا وبنسوي لكم باي باي
:))
يا بعد قليبي انتي
لما تقولين انتي قدوتي
استحي من نفسي
الحمدلله غطيت هاليومين
بس انجزت وخلصته بس باقي التسليم ان شاء الله

ولهانه عليج
:*

esTeKaNa يقول...

والموت يعشق فجأة مثلي....
~~~~~~~~~~~~~~~~~~~~~~~~~
ياهلا ويا مرحبا
هذي الساعه المباركة اللي تنورين فيها بلوقنا
:))
والله لا يعود العسارة قولي آمين
:Pp~

esTeKaNa يقول...

Dandash
~~~~~~~~~
انتي لما قريتي البوست شكيتي بهالشي؟
انا من زمااااان شاكة ان انتي تصيرين لي
:Pp~
واي يا كره هالحركة
تقومين مخترعه عبالج اذان الفجر هو اذان المغرب
لول
شهالحاله
:))

esTeKaNa يقول...

Ray
~~~~~
ياااااابعد قلبي قلبج انتي
لا انتي اسرفتي في حالج
!!
لنفسك عليك حق
ريحي نفسج شوي حرام تسوين بنفسج جذي

اذا انتي ما ريحتي نفسج
ماكو احد بيريحج صدقيني
:)
الله يحفظج يارب

esTeKaNa يقول...

محارة
~~~~~~~~
ياهلا ويا مرحبا بشيخة اليرموك كلها
ما شفتي واحده متعسره ذاك اليوم باليرموك؟
:)
يا بعد قلبي قلبج انتي
ماقصرتي لا خلا ولا عدم
انا لو شايفتج ذاك اليوم جان لميتج وبجيت من العسارة
:PP~
ميرسي كتير على المرور والتعليق
تنوريني بوست ورا بوست

esTeKaNa يقول...

manal q8
~~~~~~~~~~~~~
ياهلا ويا مرحبا بالمنال
:)
واي ترا ما تسوا العصبيه
انا تالي ضحكت على روحي
بس حزتها كنت ببجي
!!
يزاج الله خير على هالنصايح الحلوة

esTeKaNa يقول...

براقش
~~~~~~~~~~
تضحكين على وردة على خدي؟
اصلا ورده على الخد هذا عز الطلب
قمة الرقه والأنوثه
لوووووووووووووووووووووول
:))

esTeKaNa يقول...

الزين
~~~~~~~
يا بعد قلبي قلبها هالزين
الله لو شايفه عيوني يوم ما شفت البوست
!!
بغى يوقف قلبي
الحين اللي يشوف يقول جنه كلش فيه معلومات قيمة
:Pp~
اادري ادري
بس انتي تدرين اني ولهانه عليج كثر ماكو بعد؟
:***

esTeKaNa يقول...

Kuwait
~~~~~~~~~
ويي افا عليج
توبه من دي النوبه
من يومها وانا كل يوم اتسحر
:Pp~

esTeKaNa يقول...

Sowhat
~~~~~~~~
واي مت من الضحك لما قريت الله يونس اهلج فيج
حسيت روحي لعبه
:pp~
بالضبط هذا الي قصدته
لما تتكود الاشيا وتنفجر على شي بسيط
اله يبعد العساره عنا وعنك قول آمين
:)

feelingstalk يقول...

(1)
لوووووووووووووووووووووووووووووول
انا كل يوم استغرب من هالناس .. اقول من صجهم ولا يتغشمرون
شنو الوناسه .. بس اطلع بالتلفزيون وبس
العام كان الجو براد .. السنه يارطوبه يا غبار
(3)
ياكره هالقشه وماادري من وين يابو البعير
انا صراحه مت من الضحك على سالفه الورده اللي بخدج .. قاعده اتخيل شكلج
لوووووووووووووووول
شكلج حده يضحك من دون ما اشوفج
يالله تعيشين وتاخذين غيرهه

esTeKaNa يقول...

najmah
~~~~~~~~
شرايج بس بالسنفور؟
زوووووقه
:)))






الخيلاء
~~~~~~~
ياهلا ويا مرحبا بالخيلاء
يا عساج دوم تضحكين وفرحانه
وتو ما تبارك البلوق بقراية والدتج للبوست
:))
يا بعد قلبي انتي
يزاج الله خير وماقصرتي
خوووش دعوة

esTeKaNa يقول...

ضاد
~~~~~~
هلا بالضاد هلا
:)
اشفيج مختلطة أحلامج بالواقع؟
;Pp~
والله يعينا على دعالة هالصبيان
ويطول بالنا عليهم
:)










فريج سعود
~~~~~~~~~~~~~
شكرا على هذا المنيو الشامل الحافل بس حبيت اقولك بالدينارين ترست بنزين
وذلتني تالي الكي نت
:PP~











kaika magrooma
~~~~~~~~~~~~~~~~~
hahahahaha:)))
واي ترا قاعده تضحكين علي
كسرت خاطر روحي
:P~












محسد
~~~~~~
انا اشهد
ان كل مرأه في داخلها طفلة صغيره
:)
شكرا على النصيحة
وحياك الله











Kuwaitawy
~~~~~~~~~~~~
ميخالف اتعب وانته تقرا البوست
احسن من لا تتعب تعبي وانا يوعانه والكي نت ما يسحب
لووووووووووول
:))

esTeKaNa يقول...

someone-q8
~~~~~~~~~~~~~~
لابد اطول بالي
:)
شكرا يا اخي العزيز










shakshaka
~~~~~~~~~~~~~
واااااي حبييييبة قلبي انتي
صج صج صج صج من قلب
فااااااااااااقدتج
:***
وهذا الاحساس المرهف باليوع والعساره مو اي احد يفهمه
شكرا لانج موجوده وتفهميني
:Pp~










Saleh
~~~~~~~~~
أنا اشهد
:Pp~











Lavender
~~~~~~~~~~~
أنا اشهد ان فراغه
:Pp~










عثماني
~~~~~~~~~
كل يوم اسئل نفسي نفس السؤال
ليش الهيله بالشموس
:pP~
بس قلت لك
يوعانه وبخاطري
فتهون الشمس وكل شي
:))










safeed
~~~~~~~~~
تعليق عجيب
:)
شكرا للمرور والتعليق الجميل جدااا











ساخر كويتي
~~~~~~~~~~~~
(1)
هههههههههه
تحراني بالأيام الأخيرة برمضان
عن خاطري
:Pp~
(2)
صاج
!!
واهم نايمين يصير البيت صخة
خوش نصيحة
:)
(3)
وااااااي
أحدى مآاسي الكي نت
اشوة في احد عاش لوية قريبه مني

وتعيبون على الورده؟
هذي مووووديل
حركات وفناتق
;PP~
لوووول

esTeKaNa يقول...

فهد العسكر
~~~~~~~~~~~~~
حلت دنياك
:)
آسفين
بعد ماكو طلعه من غير فلوس
:pP~










sn3aa
~~~~~~~~~
تصدقين انا بعد ما اصدق نفسي اذا عصبت
صج ما يلوق
اصير مو انا
لووووووووووووووول
:)))

الله يحفظهم لنا
هذيله اخوانا وسندنا الله لا يحرمنا
وعسى الرحمن يحفظج ويشرح صدرج دوم
















zooz
~~~~~~~~
من العسارة ما مداني افكر
على طول نمت
;Pp~















Nescafe
~~~~~~~~~~~~
هلا بالغالية هلا
:***
اي والله
الجو يخليج معصبه من غير شي
وعاقدين النونه جنه صج
:Pp~

LOOOOOOL
اهم شي سحبتي من كرت ريلاكس
هذي فايدة الاخت السمحة
والرقم السهل
الله لا يخليج يارب
:PP~


يا بعد قلبي ما قصرتي
وعسى الرحم يوفقج دنيا وآخرة
وافا عليج
بس انوي بمرج ونروح مدفع الإفطار
:))

esTeKaNa يقول...

rawan
~~~~~~~~
هلا بالروان هلا
!!
يختج هالاخوان ما يقدرون انوثتنا
مادري شالحل وياهم
:Pp~
وحياج الله
والله مونستني تعليقاتج
عسى الله لا يخلينا
:)













Purp.
~~~~~~~~
انا كنت بروووح
بس خفت قلبي ينفتن واحب الكاميرات والشهره واروح كل يوم لي اخر الشهر ففشله
!!
قلت ماكو الا انطر لي اخر الشهر
اخر يوم بروح تحريني
لووووووووووووووووووووول

اهم شي بليل تحسين هذا ويهج
وطول النهار
من ويهه هذا؟
لوووووووووووووول
يقولون البنت لها سبع ويوه
بولادتها
ولما تكبر شوي
وبكل مراحل عمرها
فالظاهر الحين انتي بثاني ويه
:PP~
ولو سمحتي لا تتطزين على وردتي
قمة الرقه والانوثه
:)))















yin
~~~~~
واي ضحكت على روحي وانا اقرا تعليقج
تشققت من الوناسه
اكتشفت اني احب الكلام الحلو
بس قريت يا بعد السنافر جان استانس
جني صج سنفور
لووول
:)))
شكرا على مرورج
وتعليقج الناااطع
;Pp~












حلم جميل بوطن أفضل
~~~~~~~~~~~~~~~~~~~~
هذي عادتي الله لا يحرمكم مني
دايما اسهم في إفادة العموم
:pP~

esTeKaNa يقول...

حسام بن ضرار
~~~~~~~~~~~~~~
بما اني رحت من باجر وشريت
ففعلا
واااااايد رافعين اسعارهم بشكل مو طبيعي
فزين سويت بالمقاطعه
:))
وشكرا على النصيحة
يا ليت اتعود اشيل معاي فلوس
كله كي نت
!!







نون النسااء
~~~~~~~~~~~~~~
هذا اهو
بخار من خدودج
لووووووووووووووووول
تتحولين الى مخلوق احمر محتقن من الفشله
!!

واي يا بعد قلبي انتي يا ام ملفع عوي وقذيله
وشهالسلاطة؟
اكره شي تكونين متعسره
واحد يسولف فوق راسج
مرات احس ودي اسوي علي هذيله الناس كلك
وتالي ديليت
:pp~
وشرايج بس بدراعه بلوقي
شي شي ههالحمر
:)))














7Osen
~~~~~~~
طحت علي؟
لووول
:Pp~
لا انا ناويىة اروح على آخر يوم برمضان
تحراني
:))

esTeKaNa يقول...

Molok
~~~~~~~~
العفو
وحياك الله
:)









darkness
~~~~~~~~~~~~
هههههههههههههههههه
هههههههههههههههههههههه
هههههههههههههههههههههههه


يا شماته أبله زازا فيا
:Pp~
مو بس شماته
لااا
وموسيقى تصويرية بعد
:)))
منتي هينه يا داركنس
:PP~

esTeKaNa يقول...

shaLaLat
~~~~~~~~~~~~
لا اهلي يحقرون
بس ذاك اليوم كسرت خاطرهم
وشماته فيني
:))
ههههههههههههههه
اشوة نزل البوست
ولا جان زنطت اول واحد يقرب يمي
:Pp~












Artful
~~~~~~~~~~
loooooooool
واي تخيلت شكلي واصله الحلاق واخذ فلوس
واخزيااااه
:pp~















The boss
~~~~~~~~~~~
هههههههه
تعليقك رجالي
اشلون تشجع البنت على الشيشه
ما يصحش
:Pp~









صقر قريش
~~~~~~~~~~
ياهلا ويا مرحبا بالصقر
عسى ربي يوفقك ويعوضك خير
ويبلغ الوالده وكل اهلك فيك


لوووووول
بدعت بأخت
:)













Yang
~~~~~
loooooooool
زاهب
:Pp~











violinist-q8
~~~~~~~~~~~~~~~
اييييييه
شفت هاللقطة
طمرو طمرة مو طبيعيه
لوووول
اثاري مو بس انا متابعه مسلسل مدفع الافطار
!!
الظاهر من اليوع
;Pp~
ويي سالفتك صج تحر
اثاري بيت التمويل له سوابق
انا اول مرة يسوي فيني جذي
:(
وأنته بخير وصحة وسلامة
ماقصرت خيرك سابج
:)










M.J.KOUT
~~~~~~~~~~
يسلمك
:)
لا طبعا ما كنت بفطر
بس على الأقل نفسيا استانس اني شريت شي باكله عقب الفطور
انا احب يكون عندي شي اتحراه وانطرة
حتى لو شي بسيط
حط لك شي تنطره
هدف بسيط
وانطره
راح تحس بوناسه غير نمونه
:PP~
للحين ما خلص دوامك؟
الله يعينك يارب
وتحمل العطش والتعب
اجر اجر ان شاء الله
:))

Yin يقول...

ههههههههه
أولا بوستج الناطع
لووول

إذا بس علىعلى الحجي الحلو
نقولج حجي حلو
ولا إنج تتنرفزين ولا تعصبين

ها آها
يا بعد السنافر والشناكل كلهم
:)

بس من صجي سويلج سلسلة سنفور غضبان
وكل ما عصبتي ولا نرفزج شي صكينا ببوست من هالسلسلة ترى إبداع


:)

فـديـتـنـي ღ♥ღ يقول...

اهم شي سنفور غضبان
عاد تصدقين امس قعدت ساعتين حاطه بباي السنافر واطالعه بكل اجزاءه
لوول احبه

اما سالفة البنك
بييه دايما تصادف معانا جذي
يبـطون الجبد والله

انا مره قعدت الصبح بسحب واحط بانزين واروح الجامعه

كرهت عيشتي وصج توهقت
موراضي يسحب
وتخيلي محاضرتي 8 الصبح
يعني يالله يالله لازم مااتأخر
وسيارتي مافيها بـانزين :(
وتخيلي كليتي بشويخ

قعدت احوس بكل بنك اعرفه بالمناطق القريبه واشوه عدت على خير
لقيت مكينه صاحيه مافيها عقر بقر


خوش بلوق
دمتي بحفظ الرحمن