الأربعاء، سبتمبر 10، 2008

قرقيعان...وأشياء أخرى

يقبل علينا رمضان
شهر الرحمة والغفران
انشغلت تلك بطاعة الرحمن
والأخرى مشغولة....
بتجهيز القرقيعان
.
.
.
قرقيعان...وطفل لم يتعدى سنتين
لابد ان يكون له لبس لم يكرره قبل عام
واكياس مميزه
وعلب مكلفة
وشئ مميز يتكلم عنه كل اهله
وطفلة صغيره
ترتدي دراعة كبر جف اليد
بذاك السعرالغالي
!!
لست ضد القرقيعان
لست ضد ان نفرح ونفرح من حولنابهذه المناسبه
أنا ضد البذخ والتكلف وتحميل الوالدين مالايطاق من مصاريف
باسم القرقيعان
!!
مناسبه جميلة ..تراثيه..تجمع الاهل جميعهم
من الاجدى ان نفرح فيها ببساطتها بروعتها
لا ان نسحق جمالها بتكلفنا وقتل عفويتها
.
.
.
كانت زميلتي بالدوام تحكي لي عن قرقيعان اطفالها
ثم عرجت بنا السوالف الى استقبال ولادتها الأخير
ثم عبرت عن ضيق زوجها بكم المصاريف التي دفعت
!!
تبرر كل تلك التكاليف ببيئة حمولتها
وبيئة اهلها
وهي مظطرة ان تكون بذات المستوى لا اقل
فزواج احداهن لابد ان يكون مميز جدا
واستقبال ولادتها...لابد ان تراعى به كل التفاصيل
واطفالها لابد ان يكونو بمدارس خاصه أسوة بمن حولهم
وشئ طبيعي ان يكون قرقيعانهم...حديث الكل
رغم انها احيانا تتحمل فوق ماتطيق
!!
تأملت بحديثنا
وفكرت:
كم هي الحياة مكلفه حولنا
أحيان...زياده تكلفنا يقتل سعادتنا
أحضر بعض العروس..واجد كل شئ بالقلم والمسطرة
كل شئ مرتب
كل شئ مبهر
ولكن هناك شئ مفتقد في وجه المعاريس واهلهما
احساس سعادة تم تقييده بمظاهر رسمية زياده عن االزوم
!!
وأحيان....تجذبني فرحتي لصديقة رزقت بمولود
اذهب لها سعيده
اتمنى لو احضنها بقلبي
ان اجلس بجانبها نتكلم
ان ارى طفلها واقبله
وان اهنيها من قلبي بحصولها على لقب ام
اصل لها فأجدها ...قد استلقت في وسط غرفه كبيرة
منهكة من آثار الولاده
وحولها مشهد كبير من ضيوف
وحلويات
وورد
واستقبال فخم وجميل
ولكن في عينيها بريق مفتقد
اجدها تتصنع احيانا...وهي تتمنى ان تكون اكثر عفويه
وبساطة
وانطلاق
!!
الم اقل اننا احيانا نسحق احساسنا البسيط بالسعادة؟
تذكرت كل هذا وزمليتي تكلمني عن مصاريف القرقيعان
ودراعتها الجديدة
وتحطلم زوجها
وكثرة كل تلك المصاريف
وبأننا وصلنا لمرحلة لابد ان لا يتعدى عدد اطفالنا ثلاث اطفال بالكثير
هذا اذا كنا نريد ان نضمن لهم مستوى معيشة جيده
!!
قلت لها:
ولكني اريد اكثر من ثلاثة اطفال
واعيشهم اجمل حياة
ابتسمت:
استكانة الدنيا تعلمج
ومصيرج بتتغيرين
.
.
.
هل سأتغير؟
نعم....ومن منا لا يتغير
ولكن لا اريد ان يكون اي تغير فيني يجعلني افقد قدرتي على الاحساس بالامور البسيطة
والتلذذ بأي مشاعر جميلة
نعم اريد ان افرح كما يفرح الجميع
ولكن دون ان اسحق احساسي البسيط
بتكلف كبير
!!

هناك 74 تعليقًا:

Salah يقول...

انا مع القرقيعان وخاصة لمه كنت أجمع!

:)

بس الحين أقول كلامج صحيح... حرام العادات الحلوة تصير ثقيلة من هالمبالغات.

تحياتي

MO3ATH يقول...

شحلاتي قبل اقرقع بدشداشتي وقحفية ومحد قالي شي لوووووول :)

مظاهر اليوم كسرة ظهر بالمصاريف واليهال موفارقه معاهم بس يبون الحلاو :)

لي متى المظاهر اهي الاساس ؟؟

esTeKaNa يقول...

salah
~~~~~~~~
انا مع القرقيعان
ومن عشاق النون بعد
انا لي تخرجت من الجامعه يكتون علي نون
:Pp~
حياك الله

esTeKaNa يقول...

Mo3ath
~~~~~~~~~
اي هذا الزين
دشداشه وقحفية واطمر
;Pp~
عيل ما صادفتني؟
انا واحده تقرقع بضمير من قمة راسها
:)))
اليهال يبون الكاكو والحلاو
والامهات يشوفون العلب والشرايط ويحجون
يا زين قرقيعان فلانه
وشفتو فناتق فلان
!!
ليمتى هذي المظاهر؟
والله ما ندري يا معاذ

Yin يقول...

تسلم اليد إللي خطت هالكلام
عاد تصدقين كنت ناوية أكتب عن القرقيعان ومظاهره التي طمست المعنى الحقيقي له والذكرى الجميلة التي كنا نحملها له

صراحة فسق
تعالي شوفي شيسوون بالمدارس والروضة بالذات جنه القرقيعان لهم مو لعيالهم
مسابقة منو قرقيعانها أغلى وأكشخ وأحلى.. والياهل كل همه الحلاو

وكل ياهل رزقه معاه وإذا الواحد يجابلهم ويربيهم عدل يا حلوهم داير ما دايره سألي مجرب

جني كتبت نص بوستي عندج؟؟؟
:))))
إن شاءالله ما تتغيرين دام عندك قناعة ما يغيرج شي مو مثل إللي كل من طق طبله قال أنا قبله لا له راي ولا له أفكار خاصة فيه

Fskra يقول...

e walah 9aja :)

i'll miss eLgrge3aah ha sena o Lmt eLahal O grayeb ..

thkreni eb awal grge3an y36onch eyah tethkreni eb beeth eL93ow
a7ba wayed :) O 9wreeeh abe ak7L
3eni feeh ..

;* i luv your words and
always will

مُحَسّدْ يقول...

ليس هناك اجمل من البساطة

والتكلف يجعل الحياة معقدة

ManalQ8 يقول...

يا حلو لاقرقيعان
مالنا اول
والمشي في الفريج

له نكهة غير

:)

ما ندري شنو نسوي ببريطانيا
ماكو الا نطلع كلنا
انا وصلاح والعيال
نقرقع


ونعيد امجاد الماضي
:)

ابو لطيف يقول...

احسنت اختي الكريمة

لله درك

قال الله سبحانه وتعالى في سورة الأعلى

بَلْ تُؤْثِرُونَ الْحَيَاةَ الدُّنْيَا

وَالْآخِرَةُ خَيْرٌ وَأَبْقَى


المظاهر اصبحت هم من يملك ومن لايملك

الكل ينافس الكل

اسأل الله ان يهدينا لما فيه الخير والصلاح

kuwaitawy يقول...

شتان ما بين الماضي القريب


و


الحاضر اللي نعيشه

bin3li يقول...

هذه مشكلة نسائية بحته
على أدنات الدون مطلعين مناسبة شكل و لازم كل وحدة تتفشخر على الباقي

التاجر الشاطر يسويله محل يستهدف الفئة النسائية
:P
تدشين شريك؟

Najmah يقول...

واي والله حلاة القرقيعان بزبيل
وتوزعين فيه
^_^
التكلف يحول فرحتنا بالمناسبات الى هم وعبء ثقيل
ذاك اليوم اسولف مع بنت عمتي
ضايق خلقها وتحاتي
تسألني من وين اشتري حق العيد
تقول لي رحت كل المحلات
رحت المعارض
رحت مادري وين
قتلها شدعوه يسري الموضوع يتيسر
احنا بايدنا نصعب الامور وبايدنا نعيشها ببساطتها
السالفة مو معجزة لازم يكون مختلف و خارق للعادة
المهم شي حلو مرتب انيق
والابتسامة والنفسية الحلوة
والفرحة اللي بالقلب تطلع وتشرق على المظهر وتزيده جمال
:)
احيانا شي بسيط يكون احلى ويجذب اكثر من شي متكلف
وكل شي على طبيعته .. اجمل من التصنع
ليش نحمل نفسنا واهلنا شي فوق طاقتهم
وليش نخرب احساس الفرح
ونخلي مناسباتنا هم على قلوبنا
ونقتل احساس الحب والامومة عشان مظاهر
!!!@@

الزين يقول...

سااااج الخير

:**


ريحة البخور واصلة للشارع يا استكانة

:)

شلون الصيام معاج
بما اني صايرة ما احصلج ابد
ولا لج وقت معين تهلين فيه

اقول استكانه
شنو تتوقعين من مجتمع معجون بالتكلف والمباهاة بما نملك وشنو عندنا وشنو نقدر نحط
والحريم داخلين بسباق منو تقدر تحط اكثر

نسوا ان فرحة الشي ببساطته
ترى حتى اليهال ما يستانسون بكل هالحط

تلاقين البنت كاااااشخة بدراعة بالشي الفلاني ومتخشبه
خايفة لا تخترب كشختها
حتى ابتسامة ما تبتسم

يعين الله
كلفنا على عيالنا فوق طاقتهم
وخليناهم يفقدون زهوة بساطتهم
وتلقائية طفولتهم

ماقول الا الله يعين الريال اللي مطاوع الحلوة اللي عنده

:)

خل اسكت اخاف انطق عندج يا استكانة

سلام

darkness يقول...

الله يتقبل منج صيامج و كل عمل صالح يا رب و يكتب لج المغفره بهالشهر الفضيل

و الله يرحمنا برحمته و ان شاء الله نفتك من هالمظاهر

المشكله ان المجتمع يحمل الفرد فوق طاقته

و المشكله الاكبر ان الفرد راضخ لهذا

:(


احنا شعب ما نعرف نمد ريولنا على قد الحافنا

اسال الرحمن ان يهدي الجميع و يرزقهم من الرزق الحلال الذي يغنيهم عن الحرام

على نفسها جنت براقش يقول...

شوفى حبيبتى


البساطه و اسلوبك بالحياه انتى اللى تفرضيه على غيرك


وايد بالكويت يحبون التكلف بكل شئ حتى انك تنسين الفرحه بالمناسبه من كثر اللويه لها
سواء عرس واو قرقيعان او ولاده


يعنى بنت عمى حامل
و من قبل لا اسافر و اهى بحوسه للاستقبال
ما احس استانست بالحمل او حتى انها بتكون ام كثر ما سمعت
هدايا و كاكاو و قهوه و اى مستشفى
و الفراش و قميص النوم
مصيبه

يعنى شنو فيها اذا كان بس قهوه و كاكاو عادى

لا و استقبال 3 ايام
صبح و عصر و ارتزى و غيرى هدومك حق كل وقت


تخيلى عيل القرقيعان و الولاده الثانيه

مصيبه

انا ضد هالسوالف
و من صجى ما احب الشحاطه الزايده

لازم تعرف لما نبى نسوى شئ انه حقنا مو لغيرنا


و عندى امثله وايده من اللى حولى

واكيدانتى تعرفين اكثر
الله يهديهم

:)

الخيلاء يقول...

اوافقج الراي
من كثر ما ناس صارت متكلفه
صاروا ايحسون انه هالمناسبات
صارت ثقيله و ودهم لو ما يحتفلون فيها

مع انه البساطه ممكن تؤدي الى الرقي و من دون اي تكلف


العام وصلنا قرقيعان
وحده من الاهل
كله كاكاو غريب عجيب
وارد باريس و لندن
حتى المكسرات غير شكل
ناهيك عن القوطي
الي اصلا ماصار ولا استوى

طبعا بتكلف بهالشي

اذا الله فاتح عليهم
عليهم بالعافيه

لاكن الي حده حده
و يتسلفون و يتحملون
اكثر من طاقتهم

بس عشان الناس اتكلم بقرقيعانهم
بصراحه ما عندهم سالفه

طول عمرهم يداتنا يقولون
" ماهان تبارك "
و الهون ابرك مايكون

بس الناس حياتهم للاسف صارت مظاهر بمظاهر

عيل وحده استقبال ولادتها صابغه الغرفه و حاطه اكسسوارات من عندها و شموع بالارض يعني فنتدق
تدخلين الغرفه جنج داخله كهف من الظلمه

ليش ياحافظ الله لا يظلم علينا
لا دنيا ولا اخره

بس يبون الناس تقول
وااااو و شوفوا فلانه شسوت

الله يهديهم

terkwaz يقول...

المبالغه في الشي تفقده المعنى..
والمَاراه بالقرقيعان ولا باي مناسبه ثانيه آفه تهدد المجتمع لوول..

والله القرقيعان حلاته زبيل بنص الصاله واليهال عليج الصبيان صديري ودشداشه والبنات بخنق وثوب
وسمعي الصراخ قرقعيان وقرقيعان وسلم ولدهم يالله...

القرقعيان للصغار ولما تدخلو الكبار ضيعو وناسته وفرحته...

والامهات لعوزو بعيالهم
القرقيعان اللي فات وحده ملبسه عيالها "بنات وصبيان" مغربي حرام كانو متعابلين فيه
والثانيه شامي كان حدهم اشكالهم نكته
والثانيه قرقعينا ولدها التحفه اللي حاطتها جببيييره
وجيس القرقيعان نتفه *_*

فناتق حمقاء اقرب كلمه لوصفها...

ونهايةً

سلم استكانه يالله خلها لامها يالله :)

محـــــارة يقول...

بموضوع القريقان توني أتناقش فيه مع خواتي اعلنوا انسحابهم عن القرقان استعداد لكسر عاده البعض لأنها أصبحت عاده وبدعه يتم الاحتفال فيها بتاريخ معين لم ترد عن الرسول عليه الصلاة والسلام

لن أخوض بافتوى لأني لستوا من ذوي الاختصاص

سأتحدث عن المبالغه والبذخ .. لن أدعي المثالية وأقولج ألبس عادي والمهم أكون سعيده أكن غالطت وكذبت على نفسي قبل كل شيء

لكن بالمقابل مد ريلك على قد ألحافك متى ماكان لدي مايشبع رغباتي الداخليه سأصرفه دون مبالغه

الكشخه نبيها ونحبها من لبس ومظاهر بالمستاطع بدون معصية لرحمان بأكثر مانستطيع بالمقابل البذخ لحد تنهي السعاده لا أحبذها بالغالب

بالنسبة لحفلات الزواج أنا ضدها فوق الوصف بالسابق أحلم بالزواج يعكس روح البحر فيه لكن مع السنوات استنتجت أن الزواج والفندق لايرضي حتى المعازيم لأن البذخ زاد والمتعه مو لزوجين فماني مكلوفه أونس بنات خلق الله وأخذ أثم البشر

احتفل بزواج بسيط مع مقربين اهلي واهله ونكمل حياتنا ببركة من ربنا بدون تكلف أستعد لزواج أو استقبال عائلي يرضي ذاتي

ومرسي على بوستج قتلج مليون مره مشتاقتلج يعني شلون ؟؟

Blog 3amty يقول...

الكل يتحلطم على القرقيعان والكل بسوي ..

:)


مره بالسنة نكبر وننسى !

Najmah يقول...

لحظة تذكرت شي
يمكن ماله شغل بالموضوع
بس بقللللبي
الحين ليش قبل المناسبة
يدورون شي مختلف يبهر الناس
وبعد المناسبة
اسم الله عليهم وعلى الجميع
بس يصير فيهم شي
قالوا حاشتنا عين

Rawan يقول...

بوست مميز.. و وايد واقعي
صح اللي قلتيه
اننا نسحق حياتنا بمجاملات و مظاهر ليس لها اي داعي وبعدين نتذمر
ابن ادم ما يملي عينه الا التراب مثل ما يقولون

:)

شفت مدونتج بالصدفه و ان شاء الله اكون من متابعينها

شكرا

mtfa2el يقول...

قالها
Blog 3amty
:)
الكل ما شا الله يستنكر و الكل يسوي
المظاهر و مراعاة الناس و الخوف من لسانهم يقتلنا
هذا الصج
مو بس القرقيعان اللي تغير
شوفي الناس يوم العيد نصهم مسافرين و يحسبونها حسبة فلوس ..نسافر ولا نوزع عيادي لا نسافر أحسن
منو اللي وصلنا إنه العيادي تصير مكلفة لي هالدرجة ؟
قبل خبري السخي اللي يعطي خمس دنانير (ما ادري بعد عيال الأكابر اللي بيقرا و مو عاجبه.. كيفه)
الحين عشرين و اطمر
بدلة العيد ..ليش ليش هالكلافة
ولا بالله عليج وحدة تدور بدلة تلبسها حق العيد من أول الصيف ؟؟
يعني عشان تلبسها يوم واحد !!
و همن الكل يستنكر و الكل يسوي
سلوكنا كله صار إرضاء للناس و المجتمع
المشكلة كل من يبي يلبس ثوب أطول من ثوبه
و اللي يلبس ثوب أطول من ثوبه ..يعته
:)

ضـاد يقول...

اهوا صح كلامج..

بس ماتوافقيني الراي انه كل شي يتغير وعلى قولتهم هذا حال الدنيا!
الحمدلله انه هالعاده مانقطعت من الديره هذا اهم شي وبغض النظر عن الطريقه اللي تصير فيها
مو معقوله قرقيعان 1970 نفس 1980 نفس ..... 2008 (:


لا تستغربين بسنة 2080 اذا الله عطانا عمر وللحين فيه دنيا و فيه كويت, الناس تقرقع بآلة الزمن واهي قاعده فبيوتها


عساها تعود وعسانا من عوادها

:)

Safeed يقول...

عندما يفقد الإنسان السعادة في داخله
يلجأ " لصنعها " في محيطه الخارجي
.
.
و لكنه ينسى أن السعادة لا تصنع بل " توجد " .. اول وجودها " القناعة " .. و هو ما يفتقدونه
.
.
الزواج في المجتمع الكويتي مثل بطاقة الماستر كارد .. كل زيجة جديدة تعني دخول زبون جديد للسوق الاستهلاكية
.
.
يوم .. يومين .. ثلاثة .. ثم تنتهي السكرة .. و تبقى المصيبة .. أنهم أضاعوا مبلغ و قدره على علبة سترمى في الزبالة أجلكم الله أو بأحسن الاحوال ستسعمل كجامعة للاقلام .. و على شوية مكسرات و حلويات انتهت بظرف نصف ساعة
.
.
ليتهم تفكروا بجوهر المناسبة ، قبل مظهرها

غير معرف يقول...

مثل ما قال ولد العمة
الكل يقول و الكل يسوي

و أكيد ما أقصدك
:)


بس اللي الناس همه و المظاهر حياته بيظل
طول عمره يلهث ولا راح يستريح

حتى لو كان عنده مال قارون


عموما احنا شعب متكلف و غير بسيط
و هذا قاعد يقتل أشياء في صميم فطرتنا
و حاجتها للأسف

و لاحظي ان ما في تعميم مطلق عشان لا يزعل
البعض
:)

بس هذا الواقع

العموم مع الهبة و يسعى ورا الخبة

العموم يقارن

العموم ما يحترم وضعه و يقنع


و اللي عنده الله يغنيه و الله يحب يشوف نعمته
على عباده

بس بعيد عن الفسق و التبذير و السخافة
و أكو ناس مو لاقية تاكل .. ما عندها
كم دينار تدفع فيه رسوم دراسة اطفالها

هذي فيها سوء عاقبة

و معليش يا استكانة قولي حق زميلتك
فلان يقول لك لا تتحلطمين

عقلك براسك و مسار حياتك رهن قرارك
الدراعة ما راح تسوي بنتك مدام كوري
و قرقعيان ولدك اللي متسلفة و شاريته
يمكن يترس بطنه و يصكه حارج بعد
بس ما راح يحلي روحه و أخلاقه

و الناس بتسولف فيك يوم و بتنساك سنة
هذا اذا رضت عنك و ما قرضت فيك

الناس تدور السوالف
بالخير و الشر

و الرجل اللي يطاوع زوجته بهالشكل الفالت
سلمي لي على شواربه


و قولي لها

دام انك مكلفة حالك هالكثر

كلفيها شوي زيادة و لا تخلين عيالك يصيرون
مثلك .. الناس ما تبي تتعب يا استكانة

أبد أبد

سايق

خدم

مربية

مدارس يبيلها ميزانية دول

مدرسين خصوصيين

تشوفينهم بالمجمعات
و لا مدمنين انترنت
و لا مع كان من كان

لا حسيب و لا رقيب

شنو بقى للأب و الأم


خليني ساكت .. أنا شنو ينومني الحين

S i m p l e يقول...

مساج وصباحج ورد استكانه !
شي واحد بقوله
" ما هان .. تبارك "
مافي داعي الفسقه وهالسوالف
ترى الناس كلها شايفين خير ..
والله يا استكانه دراعه حق بنت صغيره
مب لازم تصك الـ 100 دينار
ولا الف ريال عندنا احنا الا خام مطرز
:S
وشحقه هالمصاريف ؟
المره العاقل ماعليها من حد
ولا عليها من الناس
تسوي شي على قدها بعد
مد ريلك على قد لحافك شهالمظاهر
؟
وشلزمتها والله دام عندي الف بصرف الألف
ولو عندي مليون بصرف المليون
:D
كل قرقيعان وانتي بخير

qesat_5ayal يقول...

صباح الخير
القرقيعان عادة حلوة
لكن التكلف صبغة اصطبغ فيها مؤخرا

ويا حلاة البساطة

أنا ناوية أستانس بالقرقيعان هالسنة
:D

صارلي جم سنة كله أكون بعيدة عن حوسة القرقيعان
هالسنة ان شاء الله بمسك سيارتي وبحوس مع اليهال



رطوووبة حرام يمكن يبون مكيف شوي
:P

SHAHAD يقول...

السالفة يا استكانة
إن القرقيعان صار مجااكر بين الحريم
منو قرقيعان ولده / بنته أحلى ؟
منو كلفه القرقيعان ذاك المبلغ ؟
صدقيني مناسباتنا فقدت حلاوتها بسبة هالتكلف والمبالغة !!

أذكر مرة رحت لـ صديقة والدة بالمستشفى
عاد ما كانت مسوية استقبال
الله ياني استانست عندها
سولفنا وضحكنا وتغشمرنا مع امها وخواتها
كان الكل مستانس
والجو جدا في نوع من الراحة والألفة

أما إذا كان استقبال
زين إذا أمها تذكر إذا سلمت عليها وإلا لأ ؟!! من كثر اللوية !

أدري قرقت وايد لول
كل قرقيعان وانتي سالمة : ))

حسام بن ضرار يقول...

القرقيعان موسم الخساير و موسم تنثر قراطيس الحلاو و قشور القروظات بالبيت

الروضه يبون قرقيعان

و الحضانه يبون قرقيعان

هذا غير قرقيعان اليمعه

الواحد يقط 100 و هو يضحك

و سالفة الخساره تهون لو اليهال ياكلون القرقيعان، كله محذف بقراطيسه على الارض

انا سويت حظر لأكل القرقيعان بالبيت من كثر ما اليهال يشوحون الحلاو بدون لا ياكلونه

الله يرحمنا برحمته بس

ShLaLaT يقول...

الرسميات تكلف
وتضيق الخلق اكثر من انها تونس


ياهل ما يدري وين الله قاطه
مصورينه ولازقين صورته على كراتين
والسايق يوصل الكراتين البيوت !!؟
وين التقرقع وقوطي الحليب ؟

حتى بعروستنا
العروس خايفه من الاوادم اكثر من انها مستانسه
تشوفينها قاعده متصلبه على الكوشه وما تقدر تحرك رقبتها
!!

و بالولادة
المره ويها اصفر يخرع
والحريم دار مدارها يسولفون يسولفون وما يدرون عنها

واهي قاعده وتقول بقلبها يالله متى يروحون !!؟

قلتلج الرسميات قاعده تضايقنا


ان شاء الله ما تتغيرين
وتصيرين عفويه بكل شي
ومو شرط اللي الناس تسويه انتي تسوينه
:)

Sn3a يقول...

القرقيعان صار مثل استقبال الولاده
العروس
مجرد وسيله للشو
والتفلسف

عكس ايام قبل والله
مساكين هاليهال فقدو روح كل شي جميل
عشان اهلهم يكشخون فيهم بس

فارس هوى الكويت يقول...

السلام عليكم اختي

صح السانج وتسلم يمينج

القناعه كنز لا يفنا

ولا شفيه الجيس الأبيض ولف الغتره على الخصر على شان الدشداشه ماطيح وكاشخين بالقحافي ولا ساعات الغتره جريمبه
لا ومرات انحط سنون بالويه ليش مادري لوووول
ونوصل ساعات لما المناطق الي يمنا علشان المعاير بين الربع منو الي يمع فلوس اكثر ومنو الأقل...كلها عشرين فلس ولا ساعات لاوالله اميه فلس مره وحده .. وناااسه ماتنوصف ...وسلم ولدهم يالله خله لمه يالله
والحين...
راح وقت البساطه وعدم التكلف اختي ويانا وقت المظاهر ونفاق الأجتماعي الله يبعدج عنه ان شاء الله :)

بارك الله فيج وجزاج الله خير



دامت لنا استكانتج :)

QiYaDiYa يقول...

اييييه يا استكانة !!

امس انا و وحدة من صديقاتي نتناقش في هذا الموضوع !!

المظاهر متعبة جدا ..
و مافي احلى من البساطة ..

و البساطة لا تعني شيء قبيح !

بل قمة الجمال !!

انا مثلج !
قاعدة اتعب من الناس !
احنا كبنات في مجتمع يفصفص كل شي فيج !

لكن هذا ما يخليني انقاد وراء كلام الناس !

خل نتذكر ان رب العالمين راح يحاسبنا على كل فلس !!
و ربي ما راح يبارك لنا لا باموالنا ولا بسعادتنا ولا بأيامنا ..

والله لما اتذكر ان وجبة طفل بافريقيا 15 فلس !!
و انا اروح اسوي كفر استقبال ولادة بالمئااات !!
و القرقيعان لا يقل عن هذا السعر بعد
و غيرها من الامور الي ارهقتنا بالتفكير و ارهقت الميزانية !!

قلبي يعورني !!

15 فلس
بالكويت حتى خبزة ما تييب !!

15 فلس
اذا لقيناها على طاولة او باي مكان مقطوطة ما تأثر فينا !!

و اهي توكل شخص قاعد يموت من الجوع !!

يموت من الجوع ليس تعبيرا مجازيا !!
صج قاعد يموت من الجوع !!

و احنا هني عيالنا تعطينهم 10 دنانير يلعب فيهم و يزعل بعد يبي اكثر !!


و لنتذكر ان المال الي قاعدين نصرفه احنا مسائلين عنه يوم القيامة ..

فلس فلس وين راح !

فليش ما يروح للخير ..

يعني اذا القرقيعان 200 دينار
ليش ما يصير 100
و الـ100 الثانية يحطونها وقف لهم تشفع لهم يوم الحساب !


او يمعونها لمستقبلهم و مستقبل عيالهم ..
يمكن الحين عيالهم صغار و ما يحسون ..
لكن العيال كل ما اكبروا مصاريفهم تكبر معاهم !!
الاب راح يوصل مرحلة ان يكون مكينة مو اب !
فليش ما يأمن لهم حياة رغيدة
بوجوده بصحته و عافيته ..
بدال لا يحط هالمبالغ و يعطي مرته على قد عقلها !!

لسنا ضد الفرح ..
و لسنا ضد مشاركة الناس ..
لكننا ضد التفكير ( العوي ) الي قاعد يصير !!


ادري قرقت وايد !!
بس لا تتغيرين و خليج مثل ما انتي ..
ببساطتج و روعة احساسج ;*

kazmawy يقول...

القناعة كنز لا يفنى ...
وكل مولود يولد ورزقه معاه
( ان الله هو الرزاق ذو القوة المتين )
ان شاء الله تتغيرين..للاحسن والاحسن سا استكانة التكانة ..:)

AK-47 يقول...

كلام يبرد الجبد
شكرا

ARTFUL يقول...

عيل الشيب من شوية
كل شهر تحاتي مصرف الشهر اللي وراه
;p

ربي لك الحمد على النعمه الفضيله

بس والله انتوا يا الحريم سوالفكم ما تخلص

بدلة سهره
لا بدلة استقبال
عندي بس لبستها أكثر من مره
جوتي سهره لا جوتي حمر
لا جوتي خضر
جوتي فلات
وجوتي فلات كشخه ولازم لون ثاني

الملافع والعبي صاروا أغلى من البدلات

الولاده ما يصير أي مستشفى
ولا أي قاعه واذا قاعه عاديه بصير استقبال طلعة انفاس
غير القرقيعان

والله يا انا ودي اذا ياني ولد أييب قرقيعان مخلط
وأحطه بمنسف والا قفه

وأحطه جدامه أخليه يقرقع حق اليهال بلا هالمصاخه اللي هالأيام

---------
اللي يضيق خلقي وين اليهال
ما قاموا يقرقعون

ما قمنا نشوف هيالوه بالشوارع يلويون من فريج لي فريج

راحت هالأيام راحت

على هالسوالف ما يبطون جبدي الا البنات اللي كل وحده كبر البغله لابسين هالمرصرص
ومكياج ويمشون بالفرجان
يطقون بيبان خلق الله يقرقعون!!!

مصاااخه
يعني شوفونا

الله يهدينا ويهديهم

وتسلمين خيتو

وين بيتكم خل اندز لكم اخواني
بس ترا اذا ما عطيتوهم يا ويلكم
حتى لو أردا نوع بس ما يطلعون خاليين

;p

Cat يقول...

ana ma3a el basa6a fe kel shy :)

حسافتج يا كويت يقول...

صدقتي يا اروع استكانة

فعلا اليوم صار القرقيعان كسرة ظهر

اصلا ما صار له حلاوة جنك تتبادل قرقيعان
هذا يعطيك جيس غير نمونة وذاك يعطيك تلفون فية قرقيعان وهذيك مسوية قرقيعانها من باتشي وهذي قرقيعانها يايبتة من باريس


اااااخ وللة ماكوا شي حلو بهالديرة

|:| DUBAI |:| يقول...

حلاته بالبسيط

و اللي سعره فيه

الواحد أحيانا يحلم و يحلم و يحلم

يسوي حق مناسبة عزيزة على قلبه

لكن يتعرض لموقف معين يخليه يشوف الدنيا

بمنظار أقل بساطة في كل شيء

يعني

ليش همنا كبير في ملذات الدنيا

: )

!!

esTeKaNa يقول...

YIN
~~~~~~
ياهلا ويا مرحبا
الله يسلمج من الشر
وصااااااااجة
فسق فسق
!!
ترا الياهل ما يدري عن كل هالتكاليف والقواطي اهو راس ماله هالحلاو اللي بيقرض فيه
:)
الله يحفظ لج اسرتج الجميلة
ويبلغج بعيالج قولي آمين

esTeKaNa يقول...

fskara
~~~~~~~~~~
ياااا بعد قلبي والله
لبسي بخنق وروحي قرقعي ونسي اميمتج خليها تكركرقرقعي لها
:))
وان شاء الله
بس القى بيض الصعو بصوره لج
غاااالي والطلب رخيص
:Pp~

esTeKaNa يقول...

محسد
~~~~~~~
عدل كلامك
:)









MANAL-Q8
~~~~~~~~~~~~
اي ليش ما تسونها
لبسو لبس تراثي
صلاح يلبس دشداشه وسديري
وانتي بخنق
قرقعو وحطو يمكم جدر
وشوفو شكثر بتربحون
وابي نسبه ترا
:pP~

esTeKaNa يقول...

ابو لطيف
~~~~~~~~~~
اللهم آمين
:)
تعليق اصاب كبد الحقيقة
ماقصرت نورت البلوق
















kuwaitawy
~~~~~~~~~~~~~~~
أنا اشهد
:)

esTeKaNa يقول...

بن علي
~~~~~~~~~
ادش شريك
بقوة
التسويق معاي مضمون
:pP~













najmah
~~~~~~~~~~~~
عدل كلامج
ياربي ما انلام انا اذا حبيت هالنجمة؟
انا هالسنه طبقت سالفه بدله العيد
شاريتها من زمان
بسيطة جدا جدا
انا نفسي مستغربه من نفسي
بس عجبتني باللبس
وشي جديد
قلت خلاص
ليش اعيش هم واحوس رمضان واضيعه كله بالسوق وهو شهر بالسنه
!!
حرام

الله يهدينا يارب
:))

esTeKaNa يقول...

الزين
~~~~~~~
حبيبة استكانة وقلبها
شلونج؟
:)
مالي مع الطيب نصيب
وايد لاهيه واذا شبكت مالقيتج
ادعي لي ..هانت هانت
:**
والله عدل عدل كلامج
بعدين تعالي منو يقدر يقرب يمج وانا هني؟
افا عليج بس
:***

esTeKaNa يقول...

darkness
~~~~~~~~~~
يابعد قلبي انتي
اللهم آمين يزاج الله كل الخير يارب
:**
احنا شعب نمد ريولنا بره لحافنا
ونوصل لي لحاف الي يمنا ونسحبه بعد
:Pp~

esTeKaNa يقول...

على نفسها جنت براقش
~~~~~~~~~~~~~~~~~~~~~
حيالله برقوشه البراقيش
:**
واي براقش انتي مثلي ويا بنت خالتي
انا كنت بعالم ثاني
اشوف بطنها
افكر اشلون بتصير ام
اسئلها انتي مستعده؟
تقولي اي
بس ناقصني هدية الولاده
واستكانات زينه
!!
انا بوادي واهي بوادي
:)))

انا ما عندي مشكله نفرح ونحتفل
انا مشكلتي ان نوصل مرحله ننسى اساس هالاحتفال وننسى فرحتنافيه



حياج الله يا الغاليه

esTeKaNa يقول...

الخيلاء
~~~~~~~
بالضبط
تخيلي اذا وصلت بطاقه عرس
يعني هذي ليله عمر انسانه
وبداية حيااتها اليديده
رغم انها مناسبه حلوة
الا ان همنا فيها ينسينا فرحتنا ببنتنا ولا ولدنا
:(
وصاجة
الهون ابرك ما يكون
وبعدين هذي اللي ولاده
يزاها الله خير فادت المستشفى
بس ما تسوا عليها الناس تطير عينها فيها وتيبها واحده بواحده
!!
ياربي يا زين البساطة بكل شي
نفرح
وبنسوي استقبالات
وقرقيعان
بس ما نذبح عمرنا عاد

esTeKaNa يقول...

TERKWAZ
~~~~~~~~~
اهم شي آفه تهدد المجتمع
لوووول

وصاجة الحين يبدعون بهاليهال
ذكرتيني ببنت عمي
حلاتج تشوفينها بس اول لقطة مرتبه
تالي تجابلنا وتحذف علينا لا يبقى شباصه
لا يبقى باند
ولا اسوار
اهي تكشخ واحنا نتفلع
لووول

esTeKaNa يقول...

محارة
~~~~~~
ياهلا ويا مرحبا بمحارة قلبي والله
:**
بالضبط هذا اللي قصدته
نكشخ
ونحتب
بس بالمعقول
مو واعليه اللي ريلها بيشق هدومه من المصاريف ...يقعدون لي اخر الشهر مفلسين عشان حلاو نوزعه ليش
:(
واخييه يا محاره
والله انا اللي مشتاقه لكم حيل
بس مو لاقيه وقت
كله اسبوع وتتضبط الامور
ادعي لي ادعي لي
:**

esTeKaNa يقول...

Blog-3mty
~~~~~~~~~~~~
مجبورين
:pp~
بنسوي
وما قلنا محنا مسوين
وبنكشخ
وبندور احلى شي
بس ما نكسر روس اهلنا ونكلفهم فوق طاقتهم
بالمعقول يا عمته بالمعقول
:))

esTeKaNa يقول...

Najmah
~~~~~~~~~
مادري
!!
وبعدين شسالفه العين
لو واحده داعمه الطوفه
تقول ناضيليني
هاو انتي اللي ما شفتي الطوفه
شكو ناضلينج
:Pp~

esTeKaNa يقول...

RAWAN
~~~~~~~~
يا مرحبا بالروان
:)
هذي الساعه المباركة
وحياج الله
تنورين بلوقي

esTeKaNa يقول...

MTFA2El
~~~~~~~~~~
ياهلا ويا مرحبا بمتفائل
ارد واقول كلامي لبلوق عمته
الموضوع مو معناته ماراح نسوي
ما راح نكشخ
ما راح نسعى يكون شغلنا الافضل
بس المقصود ان ما نكلف روحنا فوق طاقتها
ما نقتل احساسنا بتكلفنا
!!
بدلة العيد بالنسبه لي كانت تمثل هم
ولابد تكون شي مميز
مو متكرر
وقبل لا اشتري لازم اعرف جم قطعه فيه
ومنو اللي خذاها
بس تصدق يا متفائل انا احس روحي تغيرت
!!
هالسنه روحة واحده خذيت شي بسيط ونازك وكان اللله غفورا رحيما
في اثر صدقني
وشوف محارة مثلا وخواتها
قررو مقاطعه القرقيعان
في اثر
:)

esTeKaNa يقول...

ضاد
~~~~~~
أوافقج الراي
وهذا حال الدنيا
كل شي يتغير
بس امنيتنا يتغير للاحسن
ما يتغيربطريقه تتعبنا
:)
عجبني طريقه نقرقع واحنا بالبيت
هذا بيكون باشهر الصيف الحاره


حياج الله

esTeKaNa يقول...

safeed
~~~~~~~~~~~
توقفت كثيرا امام تعليقك
!!
تعليق عاقل
مفسر
حكيم
:)
اخاف ان اكدر صفو تعقيبك باي كلمه
اوافقك الراي تماما
وحياك الله دااائما

esTeKaNa يقول...

anon.
~~~~~~~~
ياهلا ويا مرحبا بفلان المتحطلم
اسم الله عليك الرحمن الرحيم
كل هذا بقلبك؟
:)
والله للاسف عدل كلامك
صاير تهمنا القشور
ونتناسى لب الموضوع بكل الامور
!!
انا باعتقادي حلو الانسان يفرح
ويحتفل
ويسوي
ويتمنى لنفسه وابنائه الافضل بكل شي
بس الموضوع كله يخضع لموازنه بين ماهو مهم وماهو اهم
ايهما اهم
تتكلم الناس بكشخة العيال وقرقيعانهم؟
ولا نحسر على روحنا ونكلف على ابو العيال ونخليه على الحديده شهور وايام؟
!!
زميلتي حبيبة
وطيبة
بس كثرة جلوسي معها
وطول الدوام
قاعد يحسسني يا انا مو طبيعيه
يا اهي مو طبيعيه
في شخص مو طبيعي بالمموضوع
:Pp~
حياك الله نورت البلوق ولو اني ماني عارفه منو حضرتك
مع هذا
اتمنى لك ليله سعيده
ونومه هانئه
:)

esTeKaNa يقول...

Simple
~~~~~~~~~
يا مرحبا يا مرحبا
مسائج سكر
وصباحج فل وياسمين
:)
والله يا حلاه البنات الصغار
لو شنو تلبسينهم
يطلعون عسل
ويا ربي من كبرهم
كبر ايدج ويخيطون لها دراعه
اخذو باجي خام امها بعد ولبسوها
:pP~
وانتي بخير وصحة وسلامة يارب
:*

esTeKaNa يقول...

qesat-5aYal
~~~~~~~~~~~~~
ياهلا ويا مرحبا بقصه الخيال الجميلة
:))
صراحة زييين تسوين
ما تمريني وياكم
:Pp~

esTeKaNa يقول...

ShaHaD
~~~~~~~~~~~
يا مرحبا بالشهد
:)
وصاجة
مرات تروحين مناسبات تحسين بجو من الالفه والحميمية وبفرحة غير عادية تطغى على قلوب الكل
!!
ومرات تحسين جنج قاعده تمثلين مشهد بمسلسل
:)

esTeKaNa يقول...

حسام بن ضرار
~~~~~~~~~~~~~~~
السؤال اللي يطرح نفسه
هل اليهال ملتزمين بالحظر؟
:Pp~
اي والله صاج يا حسام
تصدق انا عندي احلى شي يمعه القرقيعان وايد تونس
حتى يدتي تلبس لها ثوب تور
احتفالا بالمناسبه
:)

esTeKaNa يقول...

ShaLaLat
~~~~~~~~~~
ياهلا ويا مرحبا بشلالات
صاجة
الرسميات قتلت فرحتنا مرة واحده
!!
الله يهدينا وما نصير احنا بعد جذي
:)

esTeKaNa يقول...

sn3a
~~~~~~~
اي والله
الياهل صار جنطة نكشخ فيها
:Pp~
اهم شي مثالي الخربوطي
بس انتي سنعه
نفهميني
:)))

esTeKaNa يقول...

فارس هوى الكويت
~~~~~~~~~~~~~~~~
وعليكم السلام ورحمة الله وبركاته
!!
واي يا فارس
ضحكتني
اهم شي الجريمبه وسنون على الويه
لوووووووول
والله يا خف طينة هالتعليق
ضحكتني
وتأسفت على حالنا الحين
الله المستعان

esTeKaNa يقول...

قيادية
~~~~~~~~~~
البساطة لا تعني شي قبيح
بل قمة الجمال
!!
يا سلام عليج
هذي الحكمة ولا بلاش
:)
منو اللي قرقت وايد؟
انتي لو شايفه ويهي وانا اقرا تعليقج
حسيت ابي اصفق لج
صراحة
تعليقج اضافه حق الموضوع
انا ابي الكل يقراه
الله لا يخليني من قياديه قولي آميييييييين
وعسى ربي يهنيج بعقلج وسنعج يارب
:))

esTeKaNa يقول...

kAZMAWY
~~~~~~~~~
عدل كلامك
واجمعين يا كظماوي باشا
:)













AK-47
~~~~~~~~~
عسى ربي يبرد عليك دنيا وآخره
قول امين
:)

esTeKaNa يقول...

artful
~~~~~~~~~~
hahahahahahaha
:)))
ياربي اموت من الضحك لما تتحطلم
!!
انا اطالب زوجتك بتعليق
ابيها تقولي
شعرفك بكل هالسوالف
وفلات
وسهره
واستقبال
صراحة بدعت بدعت
:Pp~
الله يعينك يارب ويسخر لك اموره
ويبلغنا بوليدك
عاد صوره نبي نشوفه بقرقيعانه صج بتسوي جذي ولا لا
:))
واخزياه في بنات كبر يقرقعون؟
علامهم اهلي بس طلت شبر خشوني بالبيت حسافه علي
:pP~
وانته بس طرش اخوانك
وابشر بالخير

esTeKaNa يقول...

cat
~~~~
عاااشو حزب البساطة
:)

esTeKaNa يقول...

حسافتج يا كويت
~~~~~~~~~~~~~~~~
ياهلا وامية هللا
من غير شر يا حسافتج
من زمان مالنا خبر فيك
يارب تكون بخير
:)
عدل كلامك
بس ها
لا تقول ماكو شي حلو بهالديرة
تفائل
وشوف اهلك
وشوف البلوقرز الطيبين
وبتعرف...باقي اشيا حلوة بهالديرة
:)

esTeKaNa يقول...

dubai
~~~~~~~~
اي والله
كلامج خلاني افكر باشيا وايده
!!
فعلا نحلم وايد
بس مرات يصير شي ينبهنا
ويذكرنا
الله يهدينا بس
:)
وحياللله دبي

Fskra يقول...

hheheeh estkana tethkrt shay o ana adwer eL rd malich 3la el comment mali ;p

chena ayam el mdrsa gbl adwer esmi ashof el gpa mali :P

eftr rase o ana adwer esmi been el comments reply loool

lawyer يقول...

وحده قرقيعان ولدها مكلف 3000 دينار
لي الحين من غير الحلاو الوكاكاو


علب بس

انا عيااااااااااااااااالي مالهم الا زبيييييييييل من المباركيه


ووووووووووووو حلاو صيداوي محززززززر

ههههههههههههههههههههههههههه




كل شي فقد جماله بالتصنع

غير معرف يقول...

Esteekanaaaaaaa eyelee marat e7saaas ena wede a3arfech 3ashan ayee athbe7eech , laish met7aazraa 3alenaa eb hal postaat ala ehadech ala e5alech ramadan karem o0 e7na nestaheel . 3ad ana kent emsawyatlech mo;3a6a3aa le2aanee za3lana bas estanast lama fachet el blog elyoom o0 sheft 2 new posts. Thank you:*

عتيج الصوف يقول...

حيالله إستكانه

كسرتي خاطري بسالفتج مع الكي نت

عاد انا فيني نفس الطبع ما أحب أشيل معاي فلوس كاش....الكروت شفايدتها بالبوك عيل ؟
بس بصراحة ديرتنا تفشل مافيها شي سنع

حتى لو تشيلين كاش هم الكاشير يقولج ما عندي خرده او على قولت المحاسب ممدوح يقولج مماعيش فكه

و هابي قرقيعان