الاثنين، أغسطس 11، 2008

لولا الملامة






لولا الملامة يا هوى لولا الملامة


















لافرد جناحي علهوى زي اليمامة



واطير وارفرف بالفضاااااا



وهرب من الدنيا الفضااااا



وكفاية عمري اللي انقضى وانا بخاف الملامة



.




.




.




هذا بالضبط احساسي في ذاك االصباح المشرق



وانا اناظر نور الشمس المخترق لغيوم ذاك النهار الجبلي الجميل البارد



احساس بالانطلاق



ورغبه مجنونة بالطيران



!!



نحن من نخلق السعادة



نحن من نمنح الايام دمعاتها وابتساماتها



ما يحدث لنا احيانا كثيره...يكون انعكاس لشئ في قلوبنا



.




.




.



اوقظني ابي الساعه الثامنه صباحا...تأثرت كثيرا لرؤيته مستيقظ قلبي



مرتب اموره ليقضي يومه معي وحدي



يتحمل حنتي،يسمع خرابيطي،ويؤمن دائما بي



هل انلام ان قلت بأن ابي اقرب قلب لي؟



اخيييه دمعت عيني عند كتاباتي لهذه الجملة



وبعدين ويا مشاعري السبيكر اللي تتكلم بروحها؟



!!



بعد شربنا للقهوة في البلكونه،تعنينا لمريم نور




!!




اسميتها مريم نور لانها تذكرني فيها



عليها مناقيش زعتر لذيذه



قررت اكلها في ذاك الصباح عل ذكائي يزيد



لانه ذكائي احيانا كيره يخوني بالوقت غير المناسب




:Pp






اكلنا مناقيشنا بالسياره وانطلقنا اتجاه بعبدا



لنصل لانطوان في الموعد المحدد



ركب معانا السياره ليقودنا في الطريق



لم نتعرف عليه لدرجة ان يرافقنا بالسيارة



فكان الوضع في بدايته غريب



!!



ولكن كان مشوار لابد منه



ركب بجانب ابي وجلست في المقعد الخلفي



ودخلنا في زحمة بيروت



لا يوجد نقاط مشتركة بين انطوان وابي ليتحدثو فيها



وكلاهما قادم من عالم اخر



وكالعاده...حملت هم السكوت واصبحت افتح مواضيع لنتحدث فيها جميعا



من القانون الى السياسة الى جمال لبنان وروعه ديرتي



انطوان متابع جيد لسياسه الكويت ويعتقد ان هناك الكثير من الامور المشتركة بينا وبينهم



ويعتقد ان الغزو العراقي جرأنا على الكثير من الامور..كجرأتنا مثلا على حكوماتنا



!!



الجميل بالموضوع ان بعد ما اشتط انطوان بالموضوع وتكلم



رد عليه ابي بكل برود وثقه



لا ما تعرفنا...احنا من زمان جريئين على كل شي من قبل الغزو



بس ما ننكر الغزو غير امور كثيرة فينا



هل تم تهجيرنا في الكويت؟



استغربت حين قال انطوان بأن كل مشكله لها جانب ايجابي



فتهجير ابناء الجبل من الجبل الى بيروت جعلهم يتعلمون ويندمجون في حياه المدينه



وتهجير الكويتين في فترة الغزو جعلهم يشعرون بقيمة ارضهم وتلاحمهم



فهل نحن فعلا شعرنا بقيمة ارضنا وتلاحمنا؟



وعلى طاري التلاحم والوحده الوطنية



الجيش اللبناني زينه في شوارع لبنان...لا اجد له اي اثر فعلي



لا يتدخل في كل امر خوفا من الطائفيه كأن يكون مسيحي



والمشكله بين مسيحي ومسلم



سيفقد حياديته ويميل للمسيحي



لذا فهو لا يتدخل بين لبناني مسلم ومسيحي



شيعي وسني



!!



فهل سنصل يوما في الكويت لهذه الحالة؟



وصلنا لنقابة المحامين...او بيت المحامي كما يسمى هناك



المبنى يقع في وسط حديقه جميلة.....الدور الاول قهوة وبار



والدور الثاني مكتبه عجيبه ...نسيت نفسي فيها



المضحك بالموضوع ان الاستاذ جورج اتصل على انطوان ونحن في المكتبه ليكلم والدي



ودعا والدي لشرب القهوة في الطابق الارضي



وتركي مع انطوان ونزيه مع كتب القانون الممله




كان جورج مشتط وابي يهز راسه هزه اللي مافي باذنه ماي:



ماأمل ما أمل



اقعد وياها ما امل



!!



وازين الحجاره والله



ما يبي يخليني بروحي عشتو



:pP






قضيت ساعتين ...انا اقرا



ومابين الحين والاخر يمر علي محاميه



قاضي



او طالب قانون:



بونجووور



وانا ارد بكل سنع:



بونجور ياهلا ومرحبا



جنها مكتبه ابوي والناس مسيرين علي




:))






اللغه ثقافه



عدم تمكني من اللغه الفرنسيه وانا في وسط لبنانين جعلني اشعر بأني اميه



ما غير اهز براسي جني سعد الفرج



ولا فاهمه ولا شي



احاول افهم الموضوع من تعابير الوجه





!!



وبعد ان استهلكت مخيخي وانا اقرا وارتب افكاري واوراقي واحاول الفهم



خرجنا من النقابه بحصيله ممتازه وجيده جدا



الحمدلله







لا اعرف كيف امشي سريعا



!!




دائما انعت بالبرود رغم حراره قلبي على شغلي ودراستي



الشاهد.. عندما نزلنا



.كان ابي الاول،امشي ورائه ويمشي بجانبي انطوان نتناقش ببعض الامور القانوني



فجأة تعبر كل وجهه وقال:



سامحيني استازي






خرعني:



ليييش شصار؟



ابتسم:



سامحيني عم خطي قبلك



والليديز فيرست مثل ما بتعرفي



!!



يا الله يا ذرابته



بمجرد ان قال تلك الكلمه.....عادت بي الذاكره هناك



بين اروقه المحكمة وفي بعض الاماكن التي مريت فيها



صوت ربابه حزينه باك راوند



واستكانه تتذكر بعض عديمين الذرابة اللي مرو علي



تمشي ورائه ...يمسك الباب الثقيل ويتركه فجأة



وطاخ في ويه البنت الللطيفه الظريفه الواقفه ورائه



!!




او النوع الاخر الذي يشعرني بأني كائن مخفي ينتظر الاصنصير



اكون واقفه انتظر



يأتي بعدي



يركب الاصنصير قبلي ويسكر الباب



هل كنت ارتدي حزتها طاقية الاخفاء؟

!!









اييييه .....نعود لموضوعنا افضل



بعد النقابة توجهنا لبعض المكتبات المتخصصه في بيروت



نسيت نفسي.....شنطتي تعاني من تلك الكتب المفرطة السمنه



كتب ممكن استعمالها استعمالات متعدده...مسند،مخده،وطاوله



اشعر بأن بين يدي ثروة




.



.



في طريق العوده انطوان طيح الميانه



دخلك يا ابو استكانة وين بتسهر؟



حاولت بقدر المستطاع كتم ضحكتي وابوي يجاوبه:




لا انا والله ماحب السهر



احط راسي على المخده مبجر وانام



واذا سهرت بالبيت




:))



فجأة انطوان يغني:



ليش مقصر تنورة



ليش مقصر تنورة



تلحقهاا عيون الشبااااااااااااب



اييييييييييييييييييييه




ويضرب كتف ابوي



عاااااااش بو راهي



:pP~



هو يسئل ابي وانا اكركر في المقعد الخلفي



خزياه بس خزياه



يوم انك غنيت حق ابوي تغني له ليش مقصر تنورة؟



شعرت برغبه ان اصور وجه ابوي المبتهر وانطوان يغني:



شو رايك بهاي الغنيه؟



كتييير حلوة ما هيك؟



يرد عليه ابوي:



لا والله مو سامعها تصدق




!




وما زلت اكركر في قراره قلبي



لم يقطع ضحكتي الا سؤاله



ايه استازي مانك مرتبطة؟



جاوبته بكل براءه:



لا انا مو متزوجه



!!




ابتسم:



لا ما بقصد هيك




وقبل لا يشرح هيك ولا هيك



سئله ابوي بسرعه:



اقولك انطوان الحين وين اروح؟




هيك ولا هين؟




مع بدليه ابوي هيك ولا هين مت من الضحك



وعرفت ان وصلنا لنقطة لابد ان نوصل فيها انطوان باسرع وقت لمكتبه



قبل لا يخوره زود




:Pp~







لأنه مرتبط بالغدا مع خطيبته لم يقبل دعوة الغداء




واكتفينا بشرب القهوة معا وتوصله لمقر عمله




والرجوع لحمانا في عصر ذاك اليوم




فرصه سعيده يا انطوان




وانتهى ذاك المشوار





ورجعنا لقواعدنا سالمين....بعد يوم ممتع وجميل

هناك 49 تعليقًا:

غير معرف يقول...

دمعت عيني على بوستج تصدقين حسستينا إنه هذا أبونا نحن بعد الله يحفظه ويبارج فعمره ويبلغه فيج عروس ومو أي عروس اختنا الغاليه استكانه ربي يحفظج لهلج إن شاء الله
أحبج في الله

bin3li يقول...

شب بخير :)

أهوال جيتوري؟
خيلي خومبم؟

اشرايج بفرنسيتي؟
:P
يعني إذا احتجتي مترجم ترانا في الشوفة

خدا حافظ

فريج سعود يقول...

حسيت ان انطوان لو مصخها شوي زود جان حصل له يمع على افاه من الوالد مو ؟




اليوم وانا طالع من السينما حاولت اني ادز الباب علشان لا يرد على البنية الي وراي بغيت اصير ذرب حسب قاموسج للذرابة

بس الاخت الي وراي موراضية تستلم الباب مني وتبيني اظل ماسكة مع اننا قاعدين نمشي

بالله هذي شسوي لها ؟
عطيتها خزة " يلا عاد عن المصاخة " يالله فهمت ومسكت الباب
مع انها كانت تسوى ان الواحد يمسك لها الباب ويحصل له حش لين قبل من السعلوات الي حوالينا

lipstic80 يقول...

يا حلوج يا استكانة و يا حلو سوالفج

MO3ATH يقول...

لوووووووول هالانطوان وايد خفيف

الحين تبي تطيح الميانه تغني تنوره لووووول والله انا لو مكانج جان كاااااك بالسياره واهم شي يطقه على جتفه

والله لو ابوي جان نام فيه :p

سالفه الذرابه وطايفج بخطوه كان شاطر فيها وكلامج صحيح بسالفه الاصنصير والناس الي ماتهتم

بالعافيه عليج السفره والوالد الله يخليه لكم يحليله حبيته :)

مايسهر معانا لوووول :)

DiLLi O MiLLi يقول...

الله على لبنان وعلى اهل لبنان وجو لبنان
بما أني من مواليد لبنان فهي ديرتي الثانية

الله على حمانا
وبحمدون
وعاليه
وظهور العباديه
وبرمانا



ههههههههه
أأأأأي والله نسخه من مريم نور
عييييزززنا نبلع من هالزعتر عشااان الذكاء
وماااكوووو فايدة
الله يا قبل وأحنا بالمتوسط .. علبوا كنا في مدارس خاصه انا وخواتي .. فكنا جم كويتية والباجي فلسطينين
وطبعا كانواااا فلته وكان معروف انهم كله ياكلون زعتر الصبح
كل وحدة وقت الفرصه منأوشتها بيدها
فالناس أربطت المنقوشه بالذكاء ...ههههههههه
شــكووووو ؟؟؟!! الجماعه يصمون الكتاب ويووون دارسين .. طبعا بيطلعوون الأوائل
بما أني أكسل وحده بالعايله .. طاحوااا فيني دح بهالزعتر
وأنا أكل زعتر ولاااا أدرس هههههههههه
والدواويح (ما ادري لحقتوا على الدواويح؟)ترس شهادتي
هههههههههههه
وألحيييين أعاني من الحارج نتيجه أكل هالمناقيش وأنا صغيرة
:)
ترى أنا اللي كسرت قاعدة الزعتر يزيد ذكاء الأنسان
يعني خبرج عتيج
نظرية : الزعتر يزيد الذكاء كانت موجودة قبل لا أدخل المتوسط
:)
أي معروف أن جيشهم "سمنديقه" منظر .. لا بيهش ولا بينش
لأن الجيش عبارة عن خليط من الطوائف المتناحرة
المسيحي
المسلم السني
المسلم الشيعي
الدرزي
والعقيدة عندهم أهم من الوطن
ورااااح أيييناااا يووم راح تشوفين جيشنااا جذيه .. دااام هذول نوابنا


ههههههههههههههههه
مكتبة أبوي والناس مسيرة علينا
لووووووول
بعدين سلامج طوووويل
بنجور ردي بونجور
ياهلا ومرحبا .. أشووووله ؟؟؟
:)

هههههههههههه
يعني الله يهداه أنطوان خلاااااا أغاني فيروز ووديع الصافي
ماااا لقاااا ألا .. اللي بتأصر تنورة !!!! ههههههههههه
جان رديتوا عليه بسامرية : قومي وقفي لي وأرفعي البوشيه
:)


الله يحفظ أبوج وأمج
ولا يحرمكم من بعض
أأأأميييين يارب


:**

محـــــارة يقول...

الله يخلي لج وهوه الصاج يأختج يخورونها أبوج يذكرني بأخوي .. بس يمكن اخوي يعطيه نظره سنعه ولو زودها يقولها ماتعرف تكرمنا بسكوتك

ياختج مايدرون أن أحنا حظر تجول عندنا ممنوع الإقتراب أبار نفط مو بنات

شويه خل نتساير نتحاكى ويمرق ونمرق لعندهم

يالله ربي كتبنا كويتين وقبلها مسلمين حجرين :)

Kuwait يقول...

الله يخليلج ابوج يارب ويرزقه طولت العمر يارب :)
اي والله تصدقين استكانه الشرطي مادري الجندي عندهم بالشارع حاله حال عامود النور الي يمه لا يهش ولا ينش :|
أما بالنسبه لأبوج وما يهدج هالشي أحسه بالغالبيه العظمى من أبهاتنا واذا هدج فأكيد بالسوق ومعاج امج لوووووول كلش كلش اختج ولا اخوج معاج والا غيره مفيش نهائيا ;P

ولد الديرة يقول...

يصير احبكم كلكم في الله انتي وابوج وجورج؟

الله يحفظج ويحفظلج الوالد في الحل والترحال

:)

Enter-Q8 يقول...

ابي اعرف والدك الله يطول بعمره اشلون صبر عليه
هههههههههههههه

ARTFUL يقول...

أول شي قل أعوذ برب الفلق
---------------------
انا بعلق على مقتطفات من البوست

الغزو صج صحى بعض الناس من سباتهم
بس عشق الكويتيين للكويت وتمسكهم بأرضهم ما صار خلال 9 أشهر

فهذا نتاج أكثر من 300 سنه قضاها أجدادنا في ربوع هذه الصحراء وهذا البحر الجميل

وعلى جرأتنا على حكومتنا
اللي ما يعرفه انطوان
ان حكومتنا اذا غلطوا أو أصابوا فهم بالنهاية أهلنا وربعنا وخلانا

الجرأة على الحكومه ما يعني الشتم والسب
بسلما نسمع ان هناك وفود شعبيه تكونت
من أبناء الكويت المخلصين يروحون يزورون الشيخ وينصحونه والشيخ ياخذ بشورهم نعرف شلون الجرأة

والكل يعرف شصار بعهد أحمد الجابر الله يرحمه
والكل يعرف اللي صار بعهد جابر الأحمد الله يرحمه لما انحل المجلس
وغيره وغيره من الامور

------------------------
وبعيدا عن هالسوالف

شوفي اخيتي
بلا ذرابه بلا خرابيط
أيام الجامعه الواحد ما يدري شسوي علشان يوخر عن الحجي

ان طوف البنت قالت ايي يبي يشوفني والا معجب
وان طاف جدامها قالت جليل حيا

فـــ من اليوم ورايح
ومن باب المساواة والعدل اللي الحريم والبنات انهد حيلهم على ما حصلوا هالحقوق

فأنا بمشي بكل حرية وماني مستعد أمسك الباب عشر دقايق لأني لجحت بنت يايه بتدخل وراي ومن الذرابة والأدب والأتيكيت اني أمسك الباب لها
أنا أمسك الباب على سرعة مشيتي يعني ثواني وأدزه زياده اذا الحقت خير وبركه ما الحقت على راحتها
ماني ناطور لحضرة سعادة جنابها

خير يا طير لا أعرفها ولا تعرفني
شماله أمسك لك وتمسك لي
لو محروله الله يكافينا الشر جان قلنا
مره جبيره هم قلنا ما يخالف
بس بنت رشيقه رياضيه دبجه من سوق لي سوق عيزانه تمسك باب

ولا مستعد أنطر الأصنصير 10 دقايق تالي تيي بنت مستانسه ويوصل الأصنصير بوقت وصولها وما أركب لأنها بتركب بروحها

يعني ما يصير جذي استكانه
تلحلحي وصل الأصنصير وتبين تركبين دخلي ركبي
تنطرين أحد يعزمج

الله يهداج بس

آآآآسفين زدنا الجيله
;D

على طاري ليدز فيرست تعرفين قصتها

مادري اذا صج أو لا بس دازينها بالايميل
باختصار واحد يحب وحده
ولكن الأهل رافضين ان يتزوجون
وبعد عدة محاولات من كلا الطرفين
اللي باؤو بالفشل على قولتهم
قرروا ينتحرون
راحوا على قمة جبل بقطون روحهم
من يقط روحه أول؟؟!!
مادري مادري
الرجــــــــل
قال حق حبيبته انا بنط أول لأني ما أبي أشوفج وانتي تموتين
قلبي ما يطاوعني
نط
عقب
المـــــــرأة
هونت وردت بكلامها
وراحت تزوجت واحد ثاني ونست الريـــــال اللي قط روحه علشانها

ومن ذاك اليوم علشان الريال يحترس من كيد الخائنين
قال ليدز فيرست

تحياتي
;D

غير معرف يقول...

حلو البوست
احلى مافيه انج حاطة سبيكر على مشاعرج ...
تحياتي:
ViPyah

lawyer يقول...

لوووووووووووووووول
مت ضحك على البوست

لووووووون صباحي
وشرح قلبي


هذا انطوان كلش ما يطبق وياااااا ابووووج بالمرااااااا

بس الي ضحكني هزة الراس و التصمييم ما امل ما امل

يختي حسسسسسني انه ابووووووو صج

مو بس يحبج مو بس يغليييييج ولكن التصرف هذا دليل تسخيرررر وقته لج شي كبير


الله يخلييييييييييييه لج يارب

و يفررررح بالدكتوراه

قولي اميييين

الزين يقول...

تعالي لميني

:(

Kuw_Son يقول...

قصة زظريفة ما هييييييك؟
:P

بدع اتطوان ههههههه

Selezya يقول...

لوول شهالانطوان
يحليلهم

:)

موووفقة يالغاليه :)

غير معرف يقول...

loooooooool tha7ktenii allah y5aleh lekom ya rab ;)

fara7

mtfa2el يقول...

ذكرني بالتاكسي اليمني اللي ركبت معاه
كل ما سهى شوي ألقاه يغني
يا بنات المكلا ..يا دوا كل علة
.
.
أول صورة وآخر صورة خوش تصوير
بس السيارات مسوية زحمة جان دزيتيهم

darkness يقول...

يا الله يا ربي يخلي لج هالابي
و يطول لج بعمره بموفور الصحه
و كثير من العمل الصالح
و يرزقج رضاه

و انتي من صجج تقارنين ذرابتهم بدفاشة اهني

يبه اهناك مزوئين و هني و الا ماني معلقه

هههههههههه

و لا سالفة مرتبطه

هاهاهاها

عمي بدع فيها

:)

بنت الشامية يقول...

ههههههههههههه

وانا اقرا بس اتخيل ويه ابوج
يحمر ويصفر...... ويطوف كلام انطوان كله عشانج ...الله لايحرمج منه ويطول بعمره ويخليه لكم هذا ابو السعاده
اشوه مر اليوم على خير....مساكين اللبنانين ابتلشوا فينا ...حسبالهم احنا مثلهم .......بس استكانه
ما تاكلى هم .......ولا تحاتين انطوان مرة ثانيه....لووووووول
عاد الحين لازم تبدين تدرسين فرنسى
ونقول استكانتنا احسن منهم ترطن فرنسي لبلب

امتعتينا مع انطوان
ما عنده مدونه....؟؟؟؟؟؟؟؟
هههههههههههه

نون النساء يقول...

يئبر ئلبي هالإنطوان شو مزوء

:P~~


الله يتكووون
اختيار حلو للإغنية
بلي باك طبعا صار بمخي ههههههههه



الله يخليلج الوالد ويطول بعمره
+
صداقة جديدة ودائمة مع انطوان

تعتقدين لو ان ابوج ما قط البدلية
شنو راح يصير بإنطوان

هههههههههه لاني حدي ضحكت



:*

ARTFUL يقول...

ايي على فكرة الليله خسوف القمر
الله يقدرنا نصليلنا ركعتين

عسى الله يغفر لنا فيهم

----------------------
مر ظبي سباني ، كبدر شعبان بادي
حوري من الجنة ، خرج لأسر العبادي

..
ألا لي شفت سيدي عبر ،، وسط الشبيكه يتمخطر ،، يا طلعته كالقمر ،، ليلة بدا نصف شعبان ،، وأنا المسيجين أنا

اقتربت ليلة النصف من شعبان التي ضربوا بها العشاق أو جه الشبه بين أحبابهم وجمال تلك الليله
وجمال قمرتها وسحر طلته ونوره الذي ينير ليلي المحبين والعشاق

-------
وطبعا ما ننسى عادات أهلنا الأوليين في ذيج الليله
حيث يسمونها ليلة السهر
ويتيمعون البنات والحريم وكل وحده تييب أكلها ويسوون شرووكه
وسويلفات وضحك لي الصبح

وهم الصبيان يتيمعون

وفي ناس يحيون هذي الليله بالذكر والصلاة

وعسى الله يبلغنا رمضان
ويعنا على صيامه وقيامه

=)

molok يقول...

بصراحة كل شي بصوب ..
وابوج الله يحفظه بصوب ..
أنا صج استانس لما اشوف الابو يكون رفيج عياله .. :)

زيارة ممتعة والله يهنيج

SolaimaN يقول...

استكانه الصور عيشتنا الطلعه معاكم:) خطوه خطوه
اما مريم نور....10/10 بالضبط
يبتيها والله
،
جلم قلبها والله الي استهلكت مخيخها
:)
،،
وشلوووووون سمحتيله وهوي عم بيخطي اوديميك؟؟
فشر والله لا لا لا ماهيك الاصول يا مودموزيل
خنت حيلي عليه ،، ماشاف هنيه هالاوادم شلون
يتفننون بقلة الادب!!!!!؟
تلقينه يدوس على ريولج ويفركها ويخزج بعد مايتأسف؟
،
،
لوووول هيك والا هين .!.!

بدع الله لايخليج منه

واخيرا انتوا الي مرئتو على الشب انطواين..!؟

U-Turn يقول...

يا حلوج :]

الله يخليه لج ويخلييج له

رحله ممتعه وتونس الصراحه

سامحيني مقصر والله أدري :d
قطعت شوي عنج :)

بس شكله خوووش مشوار ... منيح مش هييك :]

qesat_5ayal يقول...

استمتعت باستمال هذه الجولة معك
:)

esTeKaNa يقول...

Anon.
~~~~~~~
يا عل عينج ما تدمع الا من فرح
ويزاج الله كل الخير ماقصرتي
عسى ربي يحفظج ويسعد قلبج
احبك الذي احببتني فيه
:)





بن علي
~~~~~~~~~
الحين هذا فرنسي؟
لا بلله افتر راسي
!!
اشهالترجمه هذي
:)
متعدد المواهب يا بن علي










فريج سعود
~~~~~~~~~~~~~
مو
:)
انطوان كان خوش واحد
بس يوم طيح الميانه خاره
:Pp~


وبعدين يا فريجنا الذرب
الاخت اللي مو راضيه تستلم الباب
المفروض بهذه الحاله تتحلل من واجب الذرابه
وتهد الباب
بس شكلك انته مستانس
وحبيت تمسك الباب
:))

esTeKaNa يقول...

lipstic80
~~~~~~~~~~~~
حلت دنياج قولي آمين
:)






mo3ath
~~~~~~~~
ياهلا ويا مرحبا بمعاذ
الله يعافيك ماقصرت
وبيني وبينك انا مادري اشلون مسكت نفسي وما كركرت بصوت عالي
حاولت قدر المستطاع امسك نفسي
بس يوم غنى
لااااااا
مت من الضحك
:)))

esTeKaNa يقول...

Dilli o Milli
~~~~~~~~~~~~~~~~
هلا هلاااا بفيروز
اوبس
قصدي بدللي
:Pp~
يا زين لبنان ويا زين مواليدها والله
:**
نظرية الزعتر يزيد الذكاء
اعدمتيها في بالي مرة واحده
ههههههههههههههههههه
ههههههههههههههههههههههه
شوفي انتي مصدر رئيسي حق اهم معلوماتي فديري بالج
!!
وقلاص الجاي مال المصرين؟
كله اشوفهم يشربون قلاصات هالجاي
ويطلع الاول
ووانا حيل زعتر وجاي لعل وعسى
اثااااري ماكو فايده
هههههههههههههههههههه
احلى شي فيج انج فخورة وانتي تكتبين دواويح الله يا زين ام الدواويح والله
:Pp~




والله يستر يا دللي على ديرتنا
عسانا ما نوصل هالحاله
وتبقى الكويت اهم شي يجمعنا قولي آمين





لاحظتي الشطة؟
ذابحني السنع
اي والله ردي بونجور
انتي بعد ما شفتي ويهي
هههههههههههههههههه
الضحكة من هني لي هني فرحانه فرحانه
:))



واي دلللي
لو شايفه ويه ابوي وانطوان يغني
لا ويغني ويهز راسه منطرب فرحان بالاغنيه
وابوي يا عوينتي طايره بوهته
هههههههههههههههههههههههههه
واهم شي انج منقيه قومي ارقصي لي وارفعي البوشيه
اغنيتين يدعون للفسق ترا
هههههههههه
:PP~

اميييييييييين
ولا يحرمج من كل غالي تحبينه
يا بعد قلبي انتي
:***

esTeKaNa يقول...

محارة
~~~~~~~~
هلا هلا
هههههههههههههههه
هههههههههههههههههه
واي موتيني من الضحك على ابار نفط مو بنات
اي والله
:)))
ها عسى زاهبه حق القرقيعان؟
:Pp~

esTeKaNa يقول...

Kuwait
~~~~~~~~~
ياهلا بالكويت يا هلا
اللهم امين ماقصرتي يزاج الله خير
:)
الله لا يحرمنا من ابهاتنا ويعينا على برهم قولي امين








ولد الديرة
~~~~~~~~~~~~~
مممممممممممم
اذا في الله يصير
وبشرط
من غير جورج
:Pp~


أحبك الذي احبتتنا من اجله
يزاك اله كل خير
:)

esTeKaNa يقول...

enter-q8
~~~~~~~~~~
تصدق مادري
!!
انا كل ما اشوف ويهه بالمنظرة اضحك
حاجب نازل وحاجب صاعد
ههههههههههههههههه










artfull
~~~~~~~~~~
هلا والله ارتفل
:)

أولا:
اوافقك بفكره الغزو واثره
ومعنى الجرأه الصحيح
ثانيا:
بالنسبه لموضوع الباب والاصنصير
:)
انا ما قلت تنطر عشر دقايق تمسك الباب بس قلت لو البنت وراك بخطوة امسك لها الباب
!!
بالنسبه لي اا واحده افترض حسن النيه
مافكر والله هذا بيطالع ولا فيه شي
النقطة ابسط من جذي بوايد
وبالنسبه للاصنصير
انا اتكلم بالنسبه لي
لو انا واقفه وواحد يمي
استحي اجدم
اوقف اذا اهو وقف امشي
بس مو بدزه وامشي
ويبقى الموضوع متغير من موقف لي موقف
:))
ثالثا:
شكرا على قصه الليدز فيرست
:)

esTeKaNa يقول...

Vipyah
~~~~~~~
حلت دنياج قولي امين
:)







Lawyer
~~~~~~~~
ياهلا ويا مرحبا باللي تتضحك من الصبح
عساج دوم فرحانه ومنشرح قلبج قولي آمين
:)


يا بعد قلبي انتي
اللهم امييين ماقصرتي
بس صج ما شفتيه وهو يقول ما امل
يهز راسه يمين يسار
يسار يمين
يعني مافي باذنه ماي
هههههههههههه

esTeKaNa يقول...

الزين
~~~~~~~
هلا بزينه قلبي
عسى ربي يحفظج ويشرح قلبج
:*





kuw son
~~~~~~~~~
هيك ولا هون
;Pp
هههههههههه
كتير ظريفه
:)

esTeKaNa يقول...

Selezya
~~~~~~~~~~~
هلا بسليزيه هلا
:)
امين واجمعين يارب










anon.
~~~~~~~
اهلييين فرح
عساج دوم تضحكين ومستانسه
امين ماقصرتي
:)










mtfa2el
~~~~~~~~~~
ههههههههههه
بنات المكلا
احسن من اغنيه :
ليش مقصر تنورة؟
واخزياااااه
:)
شكرا على الاطراء متفائل
وزين مني اعرف اصور
:)

esTeKaNa يقول...

darkness
~~~~~~~~~~
يا بعد قلبي انتي
اللهم اميييييييين
واي عورتي قلبي بهالدعاء
ماقصرتي يا الغاليه
:*
تصدقين انا كنت مشتطة بسولف يوم قال مرتبطة
بشرح له شنو يصير وما يصير
بس شفت خزه ناريه من ابوي بالمنظرة
جان اخمر مرة واحده
هههههههههههههه

esTeKaNa يقول...

بنت الشامية
~~~~~~~~~~~~~~
ياهلا بشيخة الشامية كلها
يصفر ويحمر بصوب
والخزه بصوب
هههههههههههههههههههههه
يعني تلقيني مشتطة توني بسولف
يخزني ابوي
ترد الحجوة مكانها
:)
ترا اللبنانين طيبين
يسئلون عن هذي الامور بحسن نيه
لان عندهم هذا شي مفروغ منه وهذي حياتهم فعلى بالهم كل الناس مثلهم
!!
تهقين انطوان عنده مدونه
هههههههههههههههههه
ههههههههههههههههههههه
كافي انا احط الصوور واقول عسى ما انطوان يعرف بلوقي
:))

esTeKaNa يقول...

نون النساء
~~~~~~~~~~~~~~~
هلا بالنوووون هلااااااااااا
ياربي ينشرح قلبي اذا شفت تعليقج
:**
اللهم امين ماقصرتي
ابوي من الشطة قط البدليه
قطها وخزني بالمنظرة
هههههههههههه
:))
حياج الله

esTeKaNa يقول...

ارتفل
~~~~~~~~
اللهم امين
يزاك الله خير على هالاضافه الحلوة
:)









molok
~~~~~~~~
هذي فايده الزواج المبكر
:)
اللهم امين ماقصرت

terkwaz يقول...

استكانه
ظحكي وصل اخر الفريج
يحليل ذرابته:) انتوان
حتى اسمه ذرب

قلت الاغاني مقصر تنوره
ويه لو ابوي جان حذفه من الدريشه ههههههههههههههههه

esTeKaNa يقول...

Solaiman
~~~~~~~~~~~
ياهلا ويا مرحبا بسليمان
شفتها؟
ما تشبه مريم نور
ههههههههههههههه
:)
وبعدين هني يدابجون وياك
وعلى قولتك يدوس ريلك ولا يلتفت اصلا
:PP~
اي بعد قلبي
ابوي من الشطة قط البدليه
وما سوت عليه
ههههههههههههههه
اي واله مرئناه
راعين واجب احنا
الله يحفظنا
;Pp~

esTeKaNa يقول...

U-tairn
~~~~~~~~~~
حلت دنياج
:)
افا عليج يا الغاليه
ما منج قصور
كافي مرورج بكل مرة يسعدني
ومسموح ياللي تعذر
واي كان خوش مشوار
هيك ولا هين
:pp~

esTeKaNa يقول...

qesat-5aYal
~~~~~~~~~~~~~~
وانا استمتعت بمروركم واستمتاعكم
:)







trekwaz
~~~~~~~~~~~
اهم شي سمعيني انا لي قلت انطوان
اصير ذرررررربه
يعني انطوان غير حمود وفهود
:Pp~
وههههههههههههههه
لا مو بس يغني تركواز
يغني بعدين يقول ايييييييييييه
ويطق جتف ابوي
راهي راهي
:))

قلب طفله يقول...

لوووووووووول

امحق اغنيه اللي غناها هالانطوان

يا حليله زين ما زودها اكثر

جان انزنط :P

الله يحفظ ابيج و يطول عمره

من ذكرج له و طريقة تعامله

احسه يشابه ابوي :)

yellowaholic يقول...

الله يخليلج الوالد ان شاءالله =)

يحليله انطوان راااهي اهم شي يغني و يطق ابوج على جتفه ! واحد من الربع ;p

عجبني ابوج يوم سكته لما سألج مرتبطة والا لأ ! ;p

احس لو مو مسكته جان صار مالايحمد عقباه :p

lawyer يقول...

اليوم الفير

برووووووووحي اضحك اضحك

ابي اسسسسسكت ماني قادره

تكفين على شنو؟؟

يوم طلب ايميلج و قلتاي استكانه

يقوووووولج الله ماشاء الله عليج من السكووووون و البلا بلا

ههههههههههههههههههههه



اورع مافي الصور
اشعه الشمس اشلون كاسره بالصورة

esTeKaNa يقول...

قلب طفلة
~~~~~~~~~~~
ياهلا ويا مرحبا
للله يحفظ لنا ابهاتنا ويعينا على برهم قولي آمين
:)
واهو بغى ينزند ربج حفظه
:))







yellowaholic
~~~~~~~~~~~~~~~~~
اي لاحظتي اشلون طيح الميانه
:))
بس ابوي لما سئلني
سكته
وعطاني خزه ناريه خلتني اسكت مرة واحده
!!
حياااج الله
:))















Lawyer
~~~~~~~~~~~~~
ههههههههههههههههههههههه
وازين اللي يكركرون الفجر والله
:**
واي مو تزوق الصورة؟
نفس ملاحظتي
اشعه الشمس وايد عاجبتني

ayoosh يقول...

استكانه
قولي لابوج اني احبه
هيك من الله
وا فديته يذكرني بأبيي الله يخليهم لنا ولا يحرمنا منهم :')
اللي موتني ضحك سالفة مانك مرتبطة
حيل خارها الريال مذهبه وسيع ووده يخنبج بعد
زين تقهويتو معه ما طَشرتوه لشغلة بسرعه قبل لا يزيد الخنبقه
ههههههههههههههههههههههههههههه

وه اشتهيت خبز زعتر
همين ذاكرتي وذكائي وايد خونه هاليومين مع الاجازه يمكن

واحليلاتها مريم نور شكل شغلها مزبوط :Pp

واللي بتأصر تنوره
اللي بتأصر تنوره

وهيييييييييييييييييييييييييييه
:Pp

لؤلؤة يقول...

عيني يا استكانة
كتاباتج حلوة..وذربة :)
مرسي بوكو