الجمعة، أغسطس 08، 2008

امرق لعندك؟

كانت رحلتي الأخيرة للبنان ممتعة
تلذذت بكل لحظة فيها
لا اعرف لما
هل ازدادات لبنان جمال وفتنه؟
ام ان استكانة سافرت بمزاج رايق؟

كنت اقوم ببحث بسيط قبل ذهابي للبنان
وبحثي يحتاج بعض المعلومات من مصادر فرنسية وبعض الأحكام القضائية
زودني زميلي السابق برقم تليفون احد المحامين في لبنان لاتعرف عليه ويساعدني في هذه المهمة
اسم المحامي جورج....اعتقد انه قيادي في احد اكبر الاحزاب السياسيه في لبنان
ولكن لا اعرف اي حزب
!!
بعد وصولي باسبوع اتصلت على مسيو جورج
التليفون يدق يدق يدق ...فجأة صوت رجل يقولي:
وي
!
وانا ساكته واتسائل :علامه التليفون ما يدق
ويرد جورج على الخط:الووو وي
اكتشفت ان يقول وي يعني نعم
وانا اقول منو هالي يوي وي علي
:D~
بعد ان عرفته بنفسي وبعد ترحيب مميز منه شرحت له المطلوب
وواتفقنا على ان ارسل له ايميل ونتفق على موعد لعمل اجتمااع سريع
من ذرابه هالجورج قبل الانتهاء من المكالمه سئلني:
عندك سياره ولا امرق لا عندك؟
!!
واستكانة تتبوسم :
لا يا جورج لا تمرقني ولا امرقك ماقصرت عسى عمرك طويل
بعد ان انهيت الاتصال اعطيت ابي العنوان وسئلته وانا اعرف الاجابه:
يبه جورج يقول يمرق لعندي
شرايك ولا عنوتك يا بعد قلبي انته
اقوله يمرق لعندي واروح وياه؟
كنت اكتم ضحكتي وانا انتظر رد ابي وخزته الناريه؟
اشوف يا بنيتي صاير مذهبج وسيع
بتروحين ويا جورج اشوف؟
لالا
ما عندنا بنات يتمرقون يا استكانة
خليمرق ونخليه مروق
يالله عاد يالله
:pP~
اتفقنا على اللقاء يوم الثلاثاء صباحا في مكتب الاستاذ جورج في بعبدا في بيروت
بعد ذلك الاتصال ضحكت على نفسي كثيرا
كلمته ...لبناني...مصري...قطيت كم كلمه جني بدو سوريا
وبالنهايه تكلمت فصحى
المهم انه فهمني
:(
.
.
بعد ان افتر راسي انا وابوي ونحن نبحث عن المكتب
اتصلت بسكرتيرة المكتب التي لم افهم منها شئ:
امشي على الأوتستراد
رو سيس
بعدو المفرق
اوتيل لوكونكراد
!!
ما فهمت منها شئ
الحمدلله ان ابي معي ...يقود السياره ويفهم في طرقات لبنان بشكل كبير
وصلنا للمكتب في الوقت المحدد للاجتماع
انتظرنا دقيقه قبل ان يدخل المحامي انطوان المحامي المعاون لمسيو جورج
مد يده بحماس بمجرد دخوله بغرض مصافحتي:
اهلا اهلا بالزميله
كنت محرجة جدا فانا لا اصافح
!!
بحركه لطيفه تعذرت منه على عدم مصافحتي له
وتقبل المووضوع بروح مرحة وبشكل عادي
وتكرر هذا الموقف ثلاث مرات...مع جورج
انطوان
ونزيه
الغريب ليس بعدم مصافحتي
الغريب ااننا بمجرد ما بدأنا الحديث تعذر لي انطوان بانه مد يده وبانه لا يعلم باني لا اصافح
وانه رغم اختلافه عني دينا وفكرا
الا انه يحترمني كثيرا لاني ببساطة احترم ما اؤمن به
!!
هذا الموقف رغم بساطته في لحظته الا انه ذكرني ببعض المواقف التي مريت فيها اثناء عملي السابق
من اشخاص لهم ذات ديني ومذهبي
ومع هذا ينعتون من يختلف عنهم بالمعقده والرجعيه
لمجرد انك...لا تتفق معهم براي او فكره
!!
شرحت ما اريد واتفقت معهم على المطلوب عبر الايميل
لذا فكان الكل مستعد للموضوع في الاجتماع
المضحك سؤال نزيه لي عن اسم ايميلي:
كتير مزوق اسم استكانة
شو هي من السكون والسكينه قصدك
!!
بصراحة فشلت،واستوعبت ضروروة ان يكون لي ايميل رسمي لهذه الغراض
واخزياه ...بنت ومرتزه انا واوراقي وخبتي وهذا ايميلي
!!
قبل ان نتكلم بالمطلوب تكلمنا بشكل كبير عن لبنان والكويت ونظرة كل منا للآخر
جورج كان قد زار الكويت قبل مده بسيطة ...يشرح لنا انبهاره بمشهد الشباب في كل الكافيهاات في كل مكان
والكل معاه لاب توب
لهدرجة كتير عندن شغل؟
وتكلم عن سلبيات الشباب والدلع وهذه الامور
اكتشفت شئ فطري فيني.....عادي اتكلم عن ديرتي وانتقد
ولكن ان تكلم شخص غير كويتي حتى لو كان يحمل كلامه جزء من الصدق
ما ارضى وادافع بضراوره حتى اسكته
يكون احساسي بان كل ما يحصل في ديرتي مشاكل عائليه
لا يجب ان تخرج خارج حدودها رغم ااننا في حقيقه الامر شعب وديرة مفضوحه
ولكن..الا يساوركم احيانا هذا الشعور؟
!!
تكلمنا في الكثير من المواضيع الممتعه
ووجدت نفسي لا شعوري اتكلم عن فخري بديرتي ودستورها الذي كفل الصحة والسكن والتعليم المجاني للكل كويتي
رغم اننا ككويتين كثيرين التحطلم والنظر بسلبيات كل امر
ولكن...لو كنتم رأيتم انبهارهم بهذه الحقوق التي نتمتع فيها ولا نشعر بها لعرفتم قيمتها

قولو الحمدلله لا يخسف فينا ربي

!!
حتى قانون التأمينات الجتماعيه وذالك الراتب البسيط الذي يعود على كل متقاعد
قانون غير مطبق في الكثير من الدول العربيه...بل ان كثير من الدول القريبه منا اخذت هذا النظام منا
.....
سئلوني عن فرص العمل المتاحة امامي
عن طموحي
عن افكاري
عن كثير من الامور
وتكلمت بشكل موسع
وكان في داخلي احساس جميل.....وكأني سفيرة لديرتي احمل هم نقل صورة جميلة عنها
!!
في عز الاجتماع تكسر امي تليفوني باتصلاتها
ارد بسرعه واهمس لها بصوت خافت:
يمة انا بالاجتماع بالمكتب
ترد بصوت اعلى
استكانة يا حافظ ما وديتو وياكم كيكة ولا شي
شيقووولون عنا الحين؟
شوفي قولي لهم ندز لهم مجبوس دياي باجر؟
ضحكت...وعرفت حينها اني سفيره الكويت وبنت السفيره بعد
:Pp~
اتفقا على الذهاب لنقابه المحامين
ومن ثم مكتبه خاصه للمحامين
ساكمل بالبوست القادم سوالف الاجتماع ومشواري في نقابه محامين لبنان





:على الهامش

!مكانك الخالي...ماحد ملاه
كنت اتمنى ان تكونا معي دائما في لحظاتي الاولى
افتقدكم...واستاحشت من غيركم
الله يردكم بالسلامة يا نور دنيتي كلها

هناك 64 تعليقًا:

Anastácio Soberbo يقول...

私は私の英国の弁解をひどく書くように頼む。 私はそれをblogue好んだ。 私は読むために知っているが書くことはより悪いのeheh。 私がポルトガル以来抱き締める1つ

lawyer يقول...

حياااااااااااااااااتي


امج بالظبط نفس امي

بس الفرق جان امي يت ويااااااااااي

و كلمته و فهمته اني يااااااهل و غشيمه
و كل من يقص علي

و تعالووووووووووو تغدو عندنااااااااااااااا

عشان تستغرض عضلااتها بالسسسسنع

ههههههههههههههههههه


الصور تشوووووووووووووق

البيت هذا بيتكم ؟؟

7osen يقول...

ههههههه

هذي ضحكة على التعليق الاول


استكانة البوست واايد حلو
واهم الشي الوالدة الله يخليها راعية واجب الصراحة

:)

ناطرين نعرف شنو صار في الاجتماع مع مسيو جورج

صج
حلوة امرق لعندك
ههههه
راهي الريال

هههه

----

الله يوفقج
تستاهلين كل الخير

عثماني يقول...

ببساطة .. جعلتي من القراء مرافقين لك لعند المسيو

بانتظار الجزء الثاني

Kuwait يقول...

لووووووووووووووول ..
والله لبنان عليهم أسامي مناطق اتذكر مرينا بعبدات بس بعبدا مادري ما اذكرها لوووووووووووول :D
يحليلج استكانه الله يوفقج ان شاء الله :)
بس عاد جان صورتي لنا مسيوو جورج ;p
انا لما رحت لبنان شفت مسيوات وايديين بس جورج ما شفته لوووول

kuwaitawy يقول...

لوووووووووووووووول


والله عندج اصدقاء من اليابان لووووول






私は私の英国の弁解をひどく書くように頼む。 私はそれをblogue好んだ。 私は読むために知っているが書くことはより悪いのeheh。 私がポルトガル以来抱き締める1つ



هذا معناته



ان البوست جميل

مع انني لم افهم شي من اللغة اللتي تكتبين بها

الا انه واضح من الصور ان البوست جميل





:))

MO3ATH يقول...

جان مرقج مايقصر بدال الحوسه :)

الموضوع وايد خفيف ويونس واهم شي ناطرين الجزء الثاني

واهم شي حلال علي وحرام على غيري يتكلم عن الكويت واهلها ، عفيه عليج :)

اي والله ان احنا بنعمه وياريت ربي يتمم علينا وتتسنع هالنعم للاحسن

يحليله طلع وايد جنتل وتأسف لأنه مد ايده ، سؤال يطرح نفسه اشلون صرفتي عمرح بهالموقف ؟

محـــــارة يقول...

هلا بالغلا كله استكانه حياتي شلونج شخبارج وشعلومج ابيه ولهانه حدي عليج أنتي وزيون مادري شعلامنا صرنا مانشوف بعض :(

ابيه مت ضحك ذكرت سوالف الصبار والمعبوج ياحلوج وياحلو أهلج والله

وبسالفة ان نتكلم ونقول كل الي بجبدنا عن الكويت وبرا دمنا يغلي ونصبب عرق لو أحد قال كلمه بالكويت يخيتي هذا طبيعي وربي ما ابالغ لو قلت بأغلب الكويتيين هالخصله

تصدقين ندبر شنو ربي منحنا إياه بس نطلع عنها وبالكويت عبالنا ابيت واحد نتساسر ومابقى حجوه ولا تحلطم مانقولها

ترى هالشغله حتى المو كويتي يعرفها مايدري بكم التحلطم الي داخل :)

يختج ذربين مانحب نطلع هواشنا برا سكيتي جم قناة بس تنقل هواشنا ونجراتنا مو أكثر :)

وناطره بوستاتج من عمو جورج وصديقه وإذا بعده مامرق خليه يمرأ عليج بالكويت وبلغيني عشان نقرقع له أهوه وصاحبه ماغيره

لوووووول

ولهانه عليج وربي .. سلام وانتبهي لنفسج

حمودي يقول...

شنو هالتعليق الي اول شي تعرفين ياباني ؟
;p
------------
يقولون وايد كويتيين هالسنه بزوده صج ؟

someone_q8 يقول...

السلام عليكم
مجبوس الدياي بره الكويت له طعم ثاني مادري ليش ؟ :)

عالعموم اختي اغلبنا جذيه نتحلطم على ديرتنا داخل الديرة و من نطلع بره انهاجم اي واحد يتكلم عن الديرة وما نرضى عليها بأي كلمة
موفقه اختي والله يسر دربج

As YoU LiKE يقول...

جورج وياكل مجبوس

حده مو لايق :P

ayoosh يقول...

تصَدقين كل ما جا العصر وقالت امي شوفي الشغاله حطت "استكاين" الجاي تذكرتك :)

<< ماله دخل بالموضوع

موقفك من المُصافحه اعجبني جدا
فديت الوالده تشبه امي بمجابيس الدياي
اي احد يسير على ابوي ترزله مجبوس دياي
على ان السعوديين صارو يعرفونه ويسمونه كبسه على ما اضن :D

يالله بالتوفيق يا رب
بانتظار بقية البوست

وخليهون يمرأو لعندك شدعوه *_^
<< راهية البنت خخخخخخخخخ

قلب طفله يقول...

ههههههههههههه

يا حليله اي و الله امرق لعندك :P

ردة فعل ابوج فطستني ضحك و

اميمتج بعد قلبي راعية واجب

الله يخليهم لج :))

و بالنسبه لغيرتي على ديرتي لما غير

الكويتي يتحجى عنها و الله اناقش و

اتحجى لما ابين الزييين اللي فينا ياربي

تحسين لو قالوا الصج ما ارضى اشوف

عيوبنا بعيون الغريب :(


و البوست اينن مثل روحج

ناطرين التكمله ^_^

موفقه

QiYaDiYa يقول...

مو اي سفيرة ..
احلى سفيرة للكويت ..
و فخورين فيج ;*

تصدقين ..
كل الي بالمخيم من خارج الكويت !
كانوا يقولون كنا نتوقع نشوف الكويت مثل المسلسلات !
ناس تافهة و مليقة !
و خصوصا البنت الكويتية ..
ما يهمها الا الموضة و دلووووعة و ما يعجبها العجب !!

يقولون استغربنا ان الي شفناه بالمسلسلات ما شفناه بالواقع !!
طلعت الكويت شي و مسلسلاتكم شي ثاني !!

انا اسمع هالكلام شنو تتوقين اقول ؟
رفعت الكويت فوق !
و خليتها المدينة الفاضلة ! ;p

و بينت لهم ان شباب الكويت سواء شباب او بنات ..
متميزين جدا ..
و ان الكويت بيئة خصيبة لمثل هذه الامور !

لو تفكرين فيها !
حتى لو عندنا الجانب السلبي !
لكن الايجابي موجود !

و العيب مو بالشعب !
العيب بالاعلام الي قاعد بين للناس الجانب السلبي و بعض الامور اللاواقعية بالكويت ..


انا مو زين اشتط ;p

الحمدلله على السلاااامة ..
ناطرين البوست القادم ..
لا تطوليييييييييييييييييين

;*

bin3li يقول...

الله يردهم بالسلامة و تقر عينج فيهم:)


استكانة شو السالفة صايرة عميل سري؟!!
تحوسين في المكاتب تصورين يمين و يسار قبل لا حد يجكج
و ناس قاعدة تكتب ردود مشفرة

الاخت مقاومة؟
:P

Purgatory يقول...

ما صارت لج مقالب للحين

;)

صقر قريش يقول...

ههههههه بصراحه حبيت ابوج يصير ارافجه ولاممنوع أنا بصراحه نفس حالة ابوج الله يخليه لج ويخليج له أنا لو كلمت المسيو جورج وانا ويه اهلي ويقولي امروء لعندك اقوله انا الي اسويك مروء :)

ههههههه ذكرني بغانم الصالح لما قال حق باسمه حماده والله مذهبكم وسيع:)
أنا اساميهم تفقدني من الضحك شدعوه اسامي بعض مناطقنا.

هههههه ماعليه تنويع باللهجات بس ادى ذلك الى نتيجة حسنة الكلام بالفصحى:)

شرايج انا لبنانية مره حاجتني بالفرنسي وأنا اقول لها وي وي (وموفاهم!!)

بالعكس إذا فعلتي ماتؤمنين به يحترمك الذي أمامك اكثر أنا عندما كنت في لندن كنت في بهو الفندق(حلوه بهو استانست عليها:)) فواحد معاه اوراق يسوي دعايه حق بار واجود انواع الخمور فعرض علي ان اروح البار قتله:لا أنا مسلم وهي عندنا حرام بعد مده كان معي في المصعد وكان يذكرني(الخمره الظاهر مانسته :))
وقال لي بصراحه لما قتلي هالكلام احترمتك اكثر لأنك تحترم ماتؤمن به انا ابتسمت وشكرته وماتصدقين شكثر فرحت بعد كلامه

اما انطوان وجورج فهم بصراحة عقلاء ومحترمين على الي قالوه لج اياه هذا اما عن الي قلتي عنهم فحدثي ولاحرج آنا نفسج ما أصافح اسلم من بعيد وإذا وحده مدت ايدها اتعذر لها واقول لها ما أصافح وفي ناس نعتوني بالرجعية و(قاصين عليك المطاوعه)
وفي ناس للأماة احترموني على هالشي

ههههه فعلا لازم يكون لج ايميل رسمي حق هالأمور بس ترى اسم استكانة هم حلو يعني قولي له تفرد واسم خاص فيني:)

اما كلام جورج يعني بصراحه ناسي مشاكل شباب بلده وتكلم عن مشاكل شبابنا!! يعني مثل ماعندنا ناس فاضيين هم اهم ومثل ماعندنا ناس يتسلفون عشان يتكشخون هم عندهم مثل كله يقولونه(عم يتدين مشان يتزين)
ونعم دايما ايينني ىنا هالإحساس تخيلي مره دافعت عن واحد كويتي مع إني ما إحبه بس لأنه الي انتقده مصري سبحان الله احساس غريب بس مثل ماقلتي مشكلة عائلية المفروض ماتطلع.

كل من يروح بره يمثل ديرته ودامج رحتي مكان عمل وانتي كويتيه فانتي قاعد تمثلين الكويت

ههههههه الأمهات بالكويت يشبهون بعض نفس الحاله إذا رحت مكان بره الكويت هذا وآنا مع ربعي بروح نقابل ناس نعرفهم بره تلقين امي متصلة وتقولي موتنسى تاخذ شي وياك الأأمهات فيهم كرم حاتمي ماشاء الله الله يخليهم لنا

بانتظار بوستج القادم اختي استكانه ضحكتيني وآنا محتاج للضحك:).

على الهامش:

الله يرجعهم لج بالسلامة ولايفرقكم عن بعض يارب يجمعكم في الدنيا وفي جنة الفردوس في الآخرة اللهم آمين

غير معرف يقول...

تصدقين إني أحبج :) لله في الله

أختج

Яeema يقول...

japanes ....

I ask that I write the excuse of my U.K. awfully. I liked it blogue. I am eheh of more bad to write although I know to read. I enfold it since Portugal 1 piece



---- hathy el tarjama heheheheh



عن التجربه فعلا تستحق الذكر
تستاهلين كل خير

فارس هوى الكويت يقول...

السلام عليكم اختي

الله يحفظهم و يردهم سالمين غانمين بحيل الي ماتنام عينه

دامت لنا استكانتج سعادة السفيره
:)

ARTFUL يقول...

مادري شقول بس مسااااتنس واايد وانا اقرا

الله يوفقج دنيا وآخره ويكتب لج السعاده والخير يا رب

تصدقين مع اني مو من الشاغولين والمعروفين بالقعده لمدة ساعات بعد الدوام لانجاز الشغل بأسرع وقت ممكن

بس حتى بشهر العسل كنت أتقصى وأدور على أكبر الشركات الاستثمارية
اللي ممكن نحصل عندها فرص وطرق استثمارية يديده

ضروري تغيرين ايميلج لأنها صارت معاي وتسوين لج ايميل رسمي
وعرفت انا الايميلات الرسمي و التكانه يا استكانه اتكون من الرحوف الأولى من اسمج واسم ابوج والعايله
أو
أول حرف من اسمج وتلحقينه بالعايله من غير مسافات ولا شي

تحيات اخوج الحاره

والله حتى انا فاقد الوالد والوالده عسى الله يطول بعمرهم ويسعدهم بسفرتهم مع اخواني الأعزاء
والله فاقد زوارتنا ويمعتنا
=)

mtfa2el يقول...

عاد اول ما قريت كلمة ايميل قلت لا يكون اسم الإيميل استكانة بعد
الحين سؤال أدري داش عرض بس من شفت الكتاب القانوني طرى عليي
ليش كتب القانون و الحقوق كله كبار؟؟ يعني تطق فيه واحد يموت ..كله الف صفحة و انت رايح
يالله ناطرين سوالف جورج و حزبه

`~MnO YeNSa! ~` يقول...

الله
الله

اول شى
وايد ولهانه عليج
و فاقدتج
:**

و Then

البوست
وايد وايد
حلو
حبيــــــــــــته

مشالله
تبارك الرحمن
:*

وحلوها امج
تينن
يا ربي سنع

Miss you tra :*

darkness يقول...

:)

مساج الله بالخير يا استكانة الخير

اهو لو مرق ابوج بيمرق راسه بالتراب قبل لا يكره


هههههههههههه

:)


تدرين ودي اشوف ويهج انتي لما قال لج امرق

ههههههههههه

:)

AK-47 يقول...

خوش بوست وشلون تشرحين لهم الاستكانة :)

White Wings يقول...

سعادتك بزيارة هذه الأرض الجميلة بعد طول غياب أكيد
لبنان الحين احلى بعد انتهاء المشاكل...حالياً
وفقك الله في اجتماعاتك
كأنها صكة راس
:)
أنا احترم ايمانياتك والتزامك بها وان اختلفت معك بالرأي
ما في أنبل من انسان يؤمن ويعيش ما يؤمن به
مودتي

لؤلؤة يقول...

عجبتبى امرق لعندك
ذرابة..:)
كلامج صح انا مايعجبنا الغير ينتقد بلدنا لكنا ننتقد مو مشكلة
كلمن ياكل خبزه على قولتهم
ايه مادموزيل استكانة..يبالج ايميل بروفيسينال
متابعة :)

Zabo0o6a يقول...

واااااااااي استكانة ، جنج قاعدة تقرين اللي في بالي ..
شوفي يا طويلة العمر باجر عندي مقابلة عمل وحدي متوهقة مو مشكلتي اني ما اصافح ومو عارفة شلون اتصرف اذا احد مد ايده ، في شغلي القديم ابتسمت وقلت اني ما اصافح قامت علي الدنيا وقعدت واخر شي طلعت من شغلي الحين خايفة اواجه نفس هالمشكلة ؟ ابي شورج يا استكانة .. ضاقت فيني الوسيعة

DanDash يقول...

الغالية استكانة
قولي آمين
ان شاء الله يا رب اشوفج و دكتورة بالقانون

بس دخلك لي ما خليتي المسيو يمرق لعندكن ؟ مجبوس الدياي فرصة لا تعوض

charisma يقول...

:))))))))
هههههههههههههههههه

موتينى ضحك استكاانه
اهم شى الى بيمرق صج مزوئيين يختج كلهم ذووق هاللبنانيين

وزوووغه زوووغه هالى دقت بنص الاجتمااع هههههههههه
اهى من زمان ماخذه قلبى والحيين مع مجبوس االدياي تربعت خلالاص
:)))))

الله يحفظها لكم
يختج شسوون ذاابحهم السنع امهاتناا
:)))
عندج وعندى خيير



موضوع الغير كويتيين لما ينقدون اى شى عندنا حتى لو كان معاهم حق صج اضايق لما تطلع من غريب ما تتقبليين

://
انا معاج وايد يضايقنى الموضوع


وسعتى صدرى بهالليل
ناطرين الجزء الثانى
:**

فريج سعود يقول...

يا حلو بوستج
ويا زينج وخصوصا لما كسرتي فيه وما سلمتي على المسيو
بس صج عاد امج بتسوي لهم مجبوس دياي ولا تتغشمرين
لاني ماني قادر اتخيل جورج ونزيه وانطوان قاعدين على الارض ولابسين مكسر وفانيلة علاق
وقاعدين يدبونه بالايد
اشلون بتشرحين لهم معنى الاجار ماني عارف
:)

بـنـت بـطنـهـا يقول...

لوووووووول غشيت غشيت من الضحك على كلمة لا يمرق لا نسويه مروق لوووووووووووول

اول شي اتمنى انها كانت رحلة سعيدة ..

ترى احساس طبيعي انج تدافعين عن ديرتج حتى لو كان كلام اللي جدامج صحيح وحتى لو ما تعارضين كلامه لكن تبقى بداخلنا نزعه دفاعيه وكأننا نقول لهم " ندري واحنا مستانسين جذيه ورجاءا كل واحد وشه للحيط لا تتليقبون باللي مالكم فيه "

لووول صارت معاي وايد حتى لو اهز راسي بدبلوماسية ان كلامه عدل لكن تبقى ايماءات خارجة عن ارادتي توضح ان هذي ديرتي وانا احبها بعيوبها ولو سمحت لا تتدخل بشؤون ديرتي

بس تبين الصج ؟؟

لو يايه اجتماع عندنا بالبحرين وامج مطرشتلي انا المجبوس مو احسن ؟؟؟

الحين هديت السالفه كلها وتنحت عالمجبوس لووووووول

على نفسها جنت براقش يقول...

لوووووول

جنى اقرا مسلسل مدبلج على هالاسامى


وانتى معطيتهم ايميل استكانه

لوووووووووووووووووووووووووووووووووول

الله يقطع ابليسك لازم عندك ايميل رسمى

هههههه

اهم شئ الاوتوستراد

كله شارع واحد رايح راد

يلا بانتظار الباقى

و زين سويتى ما صافحتى

لوووووووووووووووووووول

مسيو

يوميات مغتربة يقول...

الله يوفقج يا استكانه :)
و ضحكت على مجبوس الدياي و على ايميلج هههههه

الله يوفقج دنيا و اخرة و بانتظار التكمله

ViPyah يقول...

عجيييييييييييييب
وناسة جان سير سرت وياج

qesat_5ayal يقول...

مرحبا

بوست رائع

ونقطة أنك ما ترضين على الكويت ، هذا شي لاحظته

الغارية الوطنية
;)


بانتظار الجزء الثاني

JooJ o MaJooJ يقول...

وااي على ذرابة هاللبنانيين تعلمو ياكوتيين:P
انا عندي المصاحفة لسبب لقاء رسمي مافيه شيء وتكون مو كل الإيد..مادري؟؟
او يالله ناطرين الباجي
اوو خليه يمرق هل مرة يا حافظ لوول
جووج

why me يقول...

عجيب البوست


:))

najmah يقول...

مسا الشووق
انا حتى وانا مسافره ماقدر على بوستاتج
:)
في تفاصيل وايد ودي اقولها بس الوقت والوضع مايسمح لي

اهم شي بقولج ان بوستج خلاني انتبه لنقطة وايد مهمة كانت شاغلتني
وريحني بوستج اشكرج من كل قلبي
:*

على طاري المصافحة قبل جم سنة كان ابوي موديني المستشفى جان يشوف واحد يعرفه ويسلم عليه جان ايي ويمد ايده بيسلم عليي :\ انا انحرجت واايد وااايد ماذكر شلون تصرفت بالضبط بس بغيت ابجي من الاحراج
:"\

فعلا الانسان اللي يمشي على مبادئ معينة ويبي يستمر ويحافظ عليها
لازم يكون مستعد لمواجهة اشياء وايد او حتى التنازل عن بعض الامور عشان يحفظ هالمبادئ

ترى انا بوسط ازعاج واكتب بسرعه بسرعه قبل لا امشي فالله يستر من المكتوب :P

اييي تذكرت شي اخير امج ذكرتني بأمي يوم رحنا لندن يايبة معاها من الكويت رطب من نخلتنا حق الدكتور اللي سوالها العملية ومن صجها سوت له فطاير وودت له
:Pp

يالله الى اللقاااء
:*

الحارث بن همّام يقول...

شوفي هلّأ .. انا يوم طلعت عالمغرب .. أدّمولي استكانة ساي مغربية كتير حلوة

ويوم طلعت عالقاهرة .. صلحولي شاي الوزة .. كتير رايئ

أما في لبناين .. مابعرف اي نوع ساي بيشربوا

جاوبينا يا استكانة

حلم جميل بوطن أفضل يقول...

الله بسلمك. أدري مكاني خالي لكن شسوي

أمر على الأبواب من غير حاجة علي أراهم أو أرى من يراهم

molok يقول...

شوفي انا عندي تعليقين صغار ..

الاول ان انا نفسج بالضبط اذا احد تكلم عن ديرتي وهو مو كويتي .. اشق ويهه .. ويحس ان الكويت احسن مكان بالعالم ..

الشغله الثانية قضية المصافحة وتقبلهم لهذا الراي .. ياريت اللي عندنا يفهمون ..

مشكوره وايد ..

. . . ساخر كويتي يقول...

الاخت العزيز استكانة
اتفق معاج في موضوع الدفاع عن الكويت امام الأجنبي الغير كويتي خارج الكويت

حصلت معي اكثر من مرة
والادهى اني اندهش لدهشة الشخص اللي امامي من قوانيننا الرائعة مقارنة بقوانين بلده سواء كانت دولة عربية او اوروبية امريكية

فالحمد لله على المميزات التي لدينا
ولكننا نريد ان تكون ديرتنا احسن ديرة

تحياتي

esTeKaNa يقول...

anastacio soberbo
~~~~~~~~~~~~~~~~~~~~~~
حياللله اناستاكيو
تو ما نور البلوق
!!
صج مادري شنو قلت
بس لا طاب لك المكان
عاود
:pP~

esTeKaNa يقول...

Lawyer
~~~~~~~~~~~
امهاتنا عبالهم الناس يواعه ناطرين اكلنا
:)
هههههههههههههههه
هذا مو بيتنا
وي جان بخت
هذا في برمانه
بس وايد وايد عجبني
ذكريني اوريج المطل حق هذا البيت عجيب
كله ورد
مصوره فيه جني هنديه اموت على الورد

esTeKaNa يقول...

7osen
~~~~~~~~
عسى مو سابني وانا مادري يا حسين
وانا بعد معاك اقول
ههههههههه
:))
حلت دنياك يا حسين
ضحكتك تفرح استكانة
حياااك الله












عثماني
~~~~~~~~~
حياك الله انته والقراء
:)








kuwait
~~~~~~~~~~
وي افا عليج مصورته
بس اخاف احط صورته يصير مخامط
اهو عباره عن واحد جميل دار عليه الزمن
:pP~

esTeKaNa يقول...

kuwaitawy
~~~~~~~~~~~~~
اخييييييييييرا
وصلت للعالمية
كويتاوي تبي اوقع لك ولا شي
استغل الفرصه ترا بعدين الهى مع المعجبين
:Pp~
اشوة يعني مادحني المسيو اللي فوق
:)










MO3ath
~~~~~~~~
اي والله انا بعد اقول شدعوة
لو مارقنا احسن
وهذا جورج مو غريب
ولدنا
:Pp~

عادة اذا انحطيت بهالموقف
احط ايدي على قلبي
واسوي ويه اللي يكسر الخاطر
واقول :
عفوا اخوي
اسفه سامحنيييي
بس ما اصافح
:pP~









محارة
~~~~~~~
هلا بالطيب كله هلا
اي والله لاني قادره اتصادف ويا زيون ولا وياج
!!
لازم نرتب مواعيدنا ويا بعض
;Pp~
وصاجة والله
عدل كلامج
بس صج للحين ناويه على القرقيعان
لووووووووووول
اشوة قلتي لي
عشان اكشخ حق القرقيعان
:**

esTeKaNa يقول...

ّّّحمودي
~~~~~~
هالسنة غزو كويتي
اذا احد تكلم لبناني تلفتنا
جنه متطفل علينا
:pP~
وهذا الياباني صديقي اللي مادري شنو قال...تهقه سابني؟
:)









someone-q8
~~~~~~~~~~~~
وعليكم السلام ورحمة الله وبركاته
اي والله المجبوس برا الكويت يصير عجيب
يغلى بعينا
:)
اجمعين يارب ماقصرت









as you like
~~~~~~~~~~~~~~
اي والله جورج مال مناقيش
كلش ما يرهم
:Pp~

esTeKaNa يقول...

Ayoosh
~~~~~~~~~~
يا بختي يا بخت قلبي
معناته كل عصريه بتذكريني
وهذا المطلوب
:)
الظاهر هذا موديلات الامهات
كلهن نفس الشي
وصاجة اشفيها
خليمرق
عمره ماحد مرقنا
ههههه
:)






قلب طفلة
~~~~~~~~~~
والله اللي اينن تعليقج يا قلب الطفلة الجميلة
حيااج الله
:)










قيادية
~~~~~~~~~~
هلابقيادية الاخلاق والجمال والسنع كله
:**
حلت دنياج يا بعد قلبي انتي
وصااجة
انا وايد الاحظ هالشي واااايد يا قيادية
في فكرة جدا سلبيه عنا حتى عند الدول الخليجية اللي حولنا
ودورنا نغير هالفكرة وهذا واجبنا كلنا
:)
الله يسلمج
نورتي البلوق

esTeKaNa يقول...

بن علي
~~~~~~~~~~
طحت علي؟
ياربي ماحد يطيح علي الا بن علي
هههههههههههههههه
اي لاحظت اني اصور
بعد في صور بخاطري انزلهم بس طالعه فيها انا وانطوان ففشلة
:Pp~
بن علي لاحظت صديقي الياباني
يسولف وياي ياباني
نسى ان انا ثقافتي فرنسية
:)













PURG.
~~~~~~~~
ابشر بالخير
:)











صقر قريش
~~~~~~~~~~~~
ياهلا مرحبا بالصقر
حبتك العافية هذي الساعه المباركة
:)
عدل يا صقر كل من يمثل ديرته بالخارج
وهذا واجب على الجميع
حياك الله
والله يسلمك ما قصرت على الدعاء

esTeKaNa يقول...

ANON.
~~~~~~~~
أحبك الذي احببتني فيه
فرحني هذا التعليق
وتمنيت ان اعرف من منو
:)








REEMA
~~~~~~~~~~
ياهلا بريما والله
شكرا شكرا على الترجمة
:)))









فارس هوى الكويت
~~~~~~~~~~~~~~~~~~~
وعليكم السلام ورحمة الله وبركاته
الله اميييين ما قصرت
:)

esTeKaNa يقول...

ARTFUL
~~~~~~~~~
ياهلا ويا مرحبا
عساك دوم مستانس انته وكل من تحب يارب
:)
ما شاء الله عليك
عاد انا احس اللي بشهر العسل ينسى روحة
;pP~
وفعلا ناويه اسوي ايميل يوايه شوي
والله يرد اهلك بالسلامة
من غير شر الله لا يخلينا منهم يارب












mtfa2el
~~~~~~~~~~
كتاب القانون متعدد الاغراض
يصير طاوله
مسند
مخده
عشان جذي وايد متين
:Pp~

esTeKaNa يقول...

Mno YenSa
~~~~~~~~~~~
ياهلا وامية هلا بالانجليزيه
:**
ولهت عليج العافية
انا بعد حدي فاقدتج من غير شر
حلت دنياج يارب
:)











darkness
~~~~~~~~~~~~~
مسااائج سكر
ياربي هالابهاات حجرين
اي حلوهم يمرقون يا حافظ
ههههههههههه
:))))
ويهي بالضبط
علامة تعجب
!!












AK-47
~~~~~~~~~
شكرا شكرا
ما يحتاي شرح
اصب لهم بياله جاي
:)

esTeKaNa يقول...

White Wings
~~~~~~~~~~~~~
ياهلا يا هلا
زارتنا البركة اليوم
:)
والله صكة راس
بس بالنسبه لي ممتعه
ويا ليت كل الناس مثلج
نختلف
ونظل نحترم اختلافاتنا
:)
حياج الله








لؤلؤة
~~~~~~~~
يختج اهم احلى ما فيهم ذرابتهم
:)
تسعدني متابعتج يا اللولو












zaboOoO6a
~~~~~~~~~~~~
يا بعد قلبي يا زبوطة
كتبت لج كومنت بحزتها في بلوقج
بشريني ؟
قلبي عندج
ان شاء الله كل شي اوكي؟











DanDash
~~~~~~~~~~~
حيالله الدناااادش والله
:*

امييييييييييين يزاج الله كل خير
والله بغيناه يمرق
بس ابوي بغى يسويه مرق
:Pp~

esTeKaNa يقول...

charissma
~~~~~~~~~~~
ياهلا وامية هلا
يا زين هاللي تكركر بتالي اللليل
:**
حبتج العافية يا بعد قلبي انتي
والله امي عبالها كل الناس يواعه
لازم مجبوس دياي
وكيك كاكو
هذا منيو السنع عندنا
:))
عسى قليبج دوم مرتاح وفرحان يا الغاليه
:**









فريج سعود
~~~~~~~~~~~~~
ياهلا بفريج سعود هلا
الله يحلي كل ايامك ويزينها
وتصدق ماحب اكسر بالناس
بس ايدي ماقدرت امدها
لا شعوري ما قدرت
!
هذيله ملوت مناقيش
مشاوي
كبه وكفته
مو مجبوس واجار
بس امي حبت تعفس ثقافاتهم
:))











بنت بطنها
~~~~~~~~~~~~
حيالله بنت بطنها
وحيالله ضحكتها والله
:)
وصاجة ماحد يرضى على ديرته
وافاعليج
بس مجبوس؟
تامرين امر اسويه بيدي
بس انا غير مسؤله عن النتايج عقب
:Pp~

RoOra يقول...

LOOL!
الله يخليلج الوالد و الوالده ما بدعوا ;pP~
أللل يمرووق أبوج بيخليه مرقوقه ;D

تدرين مع العرب احب اتكلم كويتي كويتي قح ;p
عشان تعلمون منا مو بس احنا نتعلم حجيهم

esTeKaNa يقول...

على نفسها جنت براقش
~~~~~~~~~~~~~~~~~~~~~
اي والله مسلسل مدبلج
ليتني مغيره اسمي
بدل استكانة ماريا
:pP~
ههههههههههههههههههه
واي والله ليش التخمبق
قولي لنا الخط السريع
الشارع
الاوتوستراد دودهتني
ههههههههههههههه










يوميات مغتربة
~~~~~~~~~~~~~~
يا هلا ويا مرحبا
الله يرد المغتربه بالسلامة
وعساج دوم فرحانه ومستانسة
:)))








vipyah
~~~~~~~~~~
وي ليتج سايرة وياي
جان تونسنا
:)

esTeKaNa يقول...

qesat 5aYal
~~~~~~~~~~~~~~
يامرحبا يا مرحبا
هالغاريه فطرة كويتيه فينا كلنا
:)
حياااج الله












jooj o majooj
~~~~~~~~~~~~~~~~~
وجهة نظر
عن نفسي ما اصافح
:)
ويختج ذرابه اللبنانين غير نمونه
بعدج ما شفتي شي
اكملج بالبوست الياي











why me
~~~~~~~~
حااااضرين
شكرا شكرا
:)

esTeKaNa يقول...

حلم جميل بوطن أفضل
~~~~~~~~~~~~~~~~~~~~
اي شغلتك الدنيا يا حلم
:p~
صح لسانك يا حلم
:)










MOLOK
~~~~~~~~~
تعليقك في محله
:)
ولا تشكرني افا عليك
ما سويت شي










ساخر كويتي
~~~~~~~~~~~~~
اخي العزيز ساخر كويتي
ياهلا ويا مرحبا فيك بزيارتك الاولى اللي نورت مدونتي
:)
اي والله الحمدلله على النعمه
الله لا يغير علينا الا لللافضل يارب
وحياك الله

ولد الديرة يقول...

اقول لج نقطة ضعفي انتي تقولين لا :>

كفو والله

نحتاج سفيرات مثلج

متفتحات بدون افراط

ذكرتيني بأيام الشباب

كنا في مدينة بنص بريطانيا

كنت ساكن في بيت شباب مسيحيين يعني يلقطون الطلبة الأجانب بهدف تنصيرهم

المهم

كل بين فترة وفترة فرشت سيادتي بالصالة وصليت

فواحد قال لي بعد فترة مثل ما قال لج مسيو جورج

قال لي يا اخي انا احترم طريقتك

وقلت له انا ايضاً احترم طريقتكم بس يا ليت تدفعون عني الأجار دام هدفكم تبشيري :p

طبعا انسي

موفقة ابوي :)

ARTFUL يقول...

هلا بخيتي بطيتي علينا

تبين الحجي الصج اللي يشق القحفيه

والله نستني الدنيا وما فيها

الله يخليها لي لويلو

عؤبال ما تنسين ريل المستقبل
;p

بس اللي يشوف عماير نيويورك
ويصعدها ويشوف أسامي الشركات والبنوك ينثول

;p
على فكرة أثول كلمه عربية فصيحه

يت من الثول واهو مرض يصيب الدبش ويخليها مصرقعه
وانتقل مسمى المرض من الحيوان مكرم القاري الى الانسان في اللهجه الكويتيه

تحياتي

=)

esTeKaNa يقول...

ولد الديرة
~~~~~~~~~~~~~
حيالله ولد ديرتي
لا تقول جذي وايد
ترا اتدوده بعدين ماعرف ارد
:))
شكرا على هالحجيات الحلوة
خجلتني
وزين سويت
كفو يا ولد ديرتي
الله يكثر من امثالك
في ناس اذا سافرو يستحون يصلون جدام اجانب مع اني اشوفها فخر
!!







ارتفل
~~~~~~~~
ما شاء الله تبارك الرحمن
يا ارتفل لا تتكلم عنها
باجر الناس تنضلك اسم الله عليك وعليها
:))
الله يحفظك ويدوم سعادته عليكم

terkwaz يقول...

ويي حدي متاخره :S

كفو باستكانتنا
بيضتيها
خوش سفيره

يحليله متخيله شكلج لما يعلق على ايميلج هههههههههههه

جان طرشتي له استكانه منقطه "استكانات اول :) عرفتيهم "

بوست يهبل
مارحت للبنان بس يوم قريت بوستج جني رايحه لها

ناطره شنو يصير بالبوست الياي

Broke يقول...

توني أقرا هالبوست الممتع

أبيه مت من الضحك على هالأسطر:

كلمته ...لبناني...مصري...قطيت كم كلمه جني بدو سوريا

وبالنهايه تكلمت فصحى

المهم انه فهمني

::

آنا هذي حالتي بالدوام كل يوم لأني أتعامل مع ما يقارب الخمس لهجات و لازم أكلمهم كلهم بشكل رسمي و مفهوم

و على قولتج ..آخر شي أنتع بالفصحي

LOL