الخميس، يوليو 17، 2008

رضا ...وسعادة

(الرضا)
~~~~~~~~~~
قناعه تنبع من الروح
تضئ لك كل الأمور
تريك الجوانب المشرقه في كل شئ
وتتركك براحة رغم صعوبة بعض الظروف
أحيان ترغب بشئ بشده
ترتبط سعادتك بتحقيقه
!!ولا يتحقق
وترضى....لانك رغم حزنك مقتنع
بأنه لم يتحقق الا لسبب عجز عقلك عن استيعابه
الرحمن ابصر ...ابعده عنك لخير اراده بك
لأنك لا تستحقه...بل الأكيد انك تستحق الافضل
الافضل في كل شئ
الرضا بالقليل...يبعث لك الكثير
!!
اللهم ارزقنا الرضا في كل شئ


(السعادة)
~~~~~~~~
أحيانا اتخيل السعادة
كعكه
!!
لنا يد في صنعها
جمالها من جمال اختياراتنا ودقة مقاديرنا
شئ لنا يد في خلقه واستمراره
نحن فقط القادرين على اسعاد انفسنا
.
.

خيالية الفرح انا
اعشق الاحلام
لي عين تحلم بغد آخر
تتحقق به كل الاحلام

دائما عندي احساس...بأن هناك شئ سعيد ينتظرني
وهناك امل بغد مشرق يشتاق لي
كلي امل..ولي قلب
لم يفقد في حياته الامل
!!



(بشارة)
~~~~~~~
عندما كنت أسئل:
استكانة شنو واسطتج؟
كنت واثقه من اجابتي:
واسطتي رب العالمين
وثقتي باستكانة
كلمت فلان وفلان ولكنهم سبب
وقلبي معلق بمسبب الاسباب سبحانة
!!
عندما كان هناك من يهمس بأذني:
عبالج احنا بديرة تقدر الكفاءات والشهادات؟
اشتغلي واسطات قبل لا تصدمج الدنيا
كنت استنكر تلك الاصوات المحبطه:
ما زال هناك خير
واستكانة دائما متفائله بالخير
!!
ولم يخب ظني
انقبلت في المكان الذي حلمت بالعمل به منذ تخرجي
وقبلت في الماجستير في احد الجامعات
رَبّ إِنِّي لِمَا أَنْزَلْت إِلَيَّ مِنْ خَيْر فَقِير
(إجازة)
~~~~~~
هل سيفتقدني الليل؟
وهل ستشتاق لي كل تلك الزوايا والأماكن؟
هل هناك من يفتقد صوتي
وجودي
واحساس قلبي
هل هناك من يتحرا قدومي
ويملأ قلبه احساس وجودي؟
تساؤلات فاضت بها روحي في ليلي
وابتسمت لانها باتت تسكني
!!
غدا ساسافر لايام معدودة مع اسرتي
وارجع قبلهم لابتدأ العمل في مكاني الجديد
الله يرزقكم الرضا والسعادة
اي شخص ضايقته دون قصد...فليحللني ويتمنى لي الخير
لاني من قلبي اتمنى لكم كل خير

هناك 54 تعليقًا:

الخيلاء يقول...

اتروحين و تردين بسلامه بنفقدج وااايد:)

تستاهلين كل خير و الله يعطيج على قد نيتج

فرحت لج من قلب عسا الفرح و السعاده دوم فالج .. :*

جامعتج بالكويت ولا بره
ودج معاي بيكون من حسن حظي اكيد
:D

الخيلاء يقول...

صج
يايبه طاريج في بوستي بالحير اكيد
و كان عندي حساس انه في بوست لج

:)

مُحَسّدْ يقول...

نحن من يصنع السعادة

وهي نتيجة للرضا

تروحين وتردين بالسلامة

qesat_5ayal يقول...

مبروك القبول بكلا المكانين
:)

وبالسلامة يارب

why me يقول...

مشالله مشالله


الله يوفقج ويرزقنا الرضا والسعاده


:)

QiYaDiYa يقول...

وصلت الى قمة سعادتي و انا اقرا البوست !!

ربي يوفقج و يتمم عليج يا رب ..
ربي ارزقج على قد نيتج ..
الحمدلله ;D


تروحين و تردين بالسلامة ..
استمتعي بكل لحظاتج ;*

فريج سعود يقول...

ونعم الواسطة
تستاهلين كل خير
وبالتوفيج
وبالسلامه
وشنو بعد
ومع السلامه

kuwaitawy يقول...

والله بوست عجيب

مشكوووووووره من قلب

امتعتينا بالكلام الجميل من القلب

الرضا والسعاده

يالله ... يالله






تروحين وترجعين بالسلامه انشاءلله يااااااااااارب

Fskra يقول...

a7bch waaaaaaaaaaaaaayd o mbrooooooooooook O aLah yewafgch ya rb O yktb lich eli feh eL5eer lich enshalah o tro7een o trdeen besaLAma :D na6reench ;)

Najmah يقول...

الرضا اوسع ابواب السعاده
:)
عسى ربي ييسر كل امورج
ويوفقج بكل خطواتج
تستاهلين كل خير والله
:**

تروحين وتردين بالسلامة يااااارب
اوقات سعيدة صديقتي :))
راح افقدج وافقد مدونتج المريحة
ردي بسرعه :))

ShLaLaT يقول...

مبروووووووووك
الحمدالله :) الله ما يضيع التعب

استكانه .. اهم شي في الشغل ان الواحد يكون واثق من نفسه
ويعطي كل طاقته عشان يثبت نفسه

وانتي الحمدالله طلعتي من شغلج اللي طاف بارادتج
وانتي تاركه بصمه حلوه وراج
الكل كان يحبج وللحين يحبونج
وسمعتج بين الشركات احلى سمعه

في احلى من هالشي ؟؟
وزين سويتي على الماجستير

انا مفكره اكمل دراستي قبل ما اقدم على وظيفه والله يسهل الامور

راح ترجعين لايام الدراسه
ترجعين حق التحلطم الحلو :)


وهم زين تسوين بتسافرين
عشان تغيرين جو وتردين بطاقه اكبر

ومحلله يا وخيتي

الله يوفقج بكل خطوه تخطينها
ويسعدج ويسهل امورج كلها
ويسهل دربج وين ما رحتي

تستاهلين كل خير يا الغاليه

terkwaz يقول...

الخيره فيما اختاره الله
ماكنت راضيه وضايقه
بس الحين تغيرت

بوستر يحتار الوصف فيه
قمه السكينه والهدوء والراحه النفسيه
الحمدالله كلمه على اللسان تذكر

مبروك
وفرحه من القلب

تروحين وتردين بالسلامه
اخذي وياج اللاب توب
عشان تكتبين :)

lawyer يقول...

الرضا راحه

و السعاده غايه


والثقه برب العالمين والتوكل من قوى ايمان المؤمن

الثقه برب العالمين تزرع بالنفس امل لا يعرفه الا صاحب الثقه

يتسغرب كل من حوله
الا هو عينه على الامل



تروحين و تردين بالسلامه

:***

ARTFUL يقول...

برد بعدين
بس قلت سلم عليج قبل لا تسافرين

استانسي وغيري جو
وزين ما سويتي

الله يسمح دربج وويسر امورج

مشالله توظفتي
وين أو شنهي طبيعة عملج؟

الله ايسر امورج

غيري جو
ترا مافي اجازة الا عقب 3 أشهر

لا تبطين

=)

اليوم عيد ميلاد لويلو الغاليه
صار عمرها 21

اذا سوت جريمة تدش طلحة اسم لله عليها

;p

Salah يقول...

شكرا على رفع المعنويات

:)

أحب التفاؤل

:)

موفقة
وترجعين بالسلامة

kazmawy يقول...

عينى عليج باردة يالحكيمة
صج لى قالوا استكانة التكانة
روحى عسى اجازتج عافية ووناسه انتى والى معاج والى يمكم والسامعين قلوا امين
لا تطولين عاد:)

SolaimaN يقول...

كلام يبعث في القلب الطمأنينه ،،، من طأ طأ ،،الى سلام عليكم

we r already miss you now

تروحين وترجعين بالسلامه انشالله

حسام بن ضرار يقول...

الله يرزقنا الرضا و القناعه

محلله و ما شفنا منج إلا كل خير

ترويح و ترجعين بالسلامه

فراوله يقول...

مساالورد والجوري
غاليتي الحبيبه
اول شي مليون مبروك علي المكان اليديد
والله يجعله فال خير وسعاده
لج
آمين
وثاني شي تروحين وترجعين بمليون سلامه
وانت اللي عند قلب ابيض مثلج
مااعتقد احد بشيل بقلبه عليه
روح يالغاليه
ورديلنا بالسلامه
بتوحشينييييي
:**

حلم جميل بوطن أفضل يقول...

الصراحة

كل مقالة تخليني أحلق في عالم جديد من عوالم السعادة

شهالإبداع

ClOuDs يقول...

الله يرزقج الرضا و السعاده و راحة البال و ان شاء الله تروحين و تردين بالسلامه، و ألف مبروك عالوظيفه

فارس هوى الكويت يقول...

السلام عليكم اختي

الله يسر امرج ويسمح دربج
ويحفظج من كل شر
بحفظ الله ورعايته اختي



تحياتي ودامت لنا استكانتج :)

ولد الديرة يقول...

و من يتق الله يجعل له مخرجا ويرزقه من حيث لا يحتسب



هذا عهدنا فيج

اذا على بالج ضايقتينا الله يخليج عيل كثري الجيلة شوي :)

بالسلامة و مانبي حجي بس

نبي حلوى شويطر والا المروج :p

Expatriate يقول...

هناك ثلاث محاور رئيسية شادة اهتمامي بقوة في الإسلام بشكل عام وفي القرآن بشكل خاص .. هي:

1- قضية الاحتمالية وترتيب وتسلسل الأحداث في الدنيا وقدر الخلق على مدى تاريخ خلقه .. وابرزها الاحداث اللي تدور في حياة الإنسان التي تمثل سيناريو معين من اصل عدد لا نهائي من السيناريهات المحتملة !!!!

2- قضية سبب اختيار هذه الأحداث وعلاقتها بإيمان العبد او قرارته في حياته .. وفكرة القدر وربطه بتخطيط وقرارات الإنسان .. والرسائل الموجودة في القرآن

3- قضية تأكيد الإيمان بسيطرة الله تعالى وألوهيته لقدر ولخلق هذه الحياة واحداثها وربطها بدين الإسلام .. وحكمة الخلق والمعجزات العلمية في القرآن .. لتثبت بأن نظرية الاحتمال في الحياة هي بحد ذاتها معجزة الهية ودليل على وجود الله تعالى

وهذه المحاور الثلاثة جميعها تلبي قولها تعالى
" إن في ذلك لآيات لقوم يتفكرون"
و الرضا بماضي وحاضر ومستقبل المؤمن مو شي سهل .. ولا يأتي الا من ايمان قوي من القلب

mtfa2el يقول...

عسى الله يوفقج دنيا و اخرة
ان شا الله هالمكان يكون مناسب لج و تروحين و تردين بالسلامة

7osen يقول...

تروحين وتردين بالسلامه


راح نفقد طيبة قلبج
وكلامج الشفاف


بالتوفيق إن شاءالله

U-Turn يقول...

وااااااااي ميته من الوله علييج
ما يصير جذي انا أرد وإنتي تروحيين :)

تروحيين وترديين لنا بالسلامه يا رب
والله يهنييج ويوفقج ويسعدج

الرضا ...
صفه قليل من يتصف بها بهذا الوقت
وصدقيني الراضي سعيد بكل شي حتى لو كان يضره :)
والله يرزقنا الرضى إن شاء الله


السعاده... كنز لا يفنى :p
والله صاجه الواحد بيده يكون سعيد وبيده يشيل هموم الدنيا كلها !!


الواسظه @@...
لو الله يفكنا منها جان الديره بخير :)

وألف مبروووك إن شاء الله عقبال ما تتفوقيين وتآخذين الدكتوراه :)


الإجازه ... نترقب وصولج وراح نفقدج ونفقد إستكانة الجاي من إييدج :)

darkness يقول...

الله الله الله

شهالبوست المتروووس

اول شي بوووسة الوظيفه

الف الف مبروك

و ان شاء الله ترتاحين فيها هالمره

و وين؟؟

;p

هههههههههه

و الله يرزقنا الرضا و السعاده

و صحيح السعاده هي من صنع الانسان و هبه من الرحمن


:)


و ترى بفقدج لا تطولين

تروحين و تردين بالسلامه

:)

JooJ o MaJooJ يقول...

tro7een oo terj3ein bel salmaah inshallah waalah ywafgech bel new work nefra7 feich 3aroos gool ameeen :D
bone voyage :**
jooj & majooj

simploh يقول...

:(
والله بتوحشينا يا استكانه ..
أخبار حلوه ..
وخوش بشاره .. سبحان الله ..
خليتي واسطتج رب العالمين والله عطاج
على قد نيتج ..
D:
موفقه دوم يا استكانه ..
استمتعي ع الأخرررررررر ..

Kuw_Son يقول...

مبروك الوظيفة الجديدة .. عسى الله يوفقج ..

و مبروك القبول في برنامج الماجستير
و عقبالي ..

تروحين و تردين بالسلامة

`~MnO YeNSa! ~` يقول...

etro7eeen bslama :**

eb9ra7a fgdnaaaaach :*

الله
الرضا
القناعة
السعادة
الحب
الفرح
الدموع
الابتسامة
الراحة

كل هذا ذكرته
و انا قاعدة اقرا

Miss you already :*

اجار الدين كشمش يقول...

بوست فلسفي رائع

ممزوج بواقع الحياة والقدر

الرضا,السعاده,الثقه ,


واتمنى وانا المتابع لج

ان يكون تخصص الماجستير

له علاقه بأبداعج النتي !!!!1


"""""""""""
طبعا محلله ؟ روحي ولا تحاتين احد

عيزنا واحنا نشرب من استكانتج البوستات المميز
المخدره
والحين تبينا انتعنفق عليج
بالسسسسسسسسسلامه

لا تنسين قفشتج معاج

حتى لا تقاطعينا
فمالله

Sn3a يقول...

اول شي الف مبروووك على الدوام والماستر
تستاهلين كل خير
وتروحين وترجعين بالف سلامه
enjoy

لؤلؤة يقول...

موفقة استكانة
تردين بالسلامة
:)

someone_q8 يقول...

السلام عليكم
اختي استكانه
اولا مبروك الوظيفة اللي تمنيتيها
ثانيا ايضا مبروك قبولج للماستر وعقبال الدكتوراة
ثالثا مدام هناك رب يرعانا فلا تخافي من هذه الدنيا

5roofa يقول...

بالسلااااامة يااارب

راح نشتاااقلج وااايد

:D

salamz 7elwa....

feelingstalk يقول...

اول ماقريت " الرضا" حسيت انج قاريه افكاري .. امس كنت اكلم روحي عن الرضا .. ما كنت قادره انام .. ماكنت قادره افسر اللي صاير لي .. بس بالاخير قلت ربي خاش لي شي زين

مبروك لكل خبر حلو سمعتيه وصار لج عسى ايامج كلها فرح

العجوز يقول...

تروحين وتردين بالسلامه يا بنيتي ومحلله ولو ان ما ظنتي اذيتي او ضايقتي احد اسم الله عليج
عسى الله يحفظج ان شاء الله

shakshaka يقول...

Walhaaan ana bil 7aaail walhaaaan! itroo7eeeen witrideeen bisalamaa inshalllaaa im7aleleeeenich ya bint il 7alaaaal ... ana sarli shahar barrra il deeeera ma7ad 7alalny?>:P

SHAHAD يقول...

الرضا أساس السعادة : )
الله يملي قلوبنا رضا يااارب

تروحين وتردين بالسلامة يااارب
وإن شااء الله تستمتعين بوقتج مع أهلج : ))
راح نشتااقلج : )

قلب طفله يقول...

الله يتمم علينا و عليج

الرضا و القناعه

والف مبروك قبولج بالوظيفه و الماستر

ربي يعطيج على قد نيتج :))

تروحين و تردين بالسلامه يا الغاليه

r7alh يقول...

سلام عليكم


مروري الأول هنا ،،

استكانة // صوت حرفك هنا كان مريح يبعث الأمل /الفرح
ما أعرف شو أقول بس بأمانة، تعبت وأنا أقرأ وكنت بعد أبي أكمل قراءتك
وما كان عندي مانع أرجع أتلمس حرفك من جديد



الله يحفظك يارب
ويرجعك بالسلامة لأحبابك /آمين آمين

ARTFUL يقول...

الرضا والأمل

الحمدالله على كل حال

يالله تسهل امورنا يا كريم

وانا بعد حاس ان في شي بيي راح يونسني

والله مع الصابرين

ARTFUL يقول...

ايي نسيت أقولج مبروك ,الف مبروك على القبول

تستاهلين كل خير محاميتنا م

;p

Noor يقول...

:)

الرضـا راحه ومسبب رئيسي للسعاده
فعلا
بوست رائع

الله يرزقج علي قد نيتج ان شاءالله

مبروك الوظيفه
الله يعطيج خيرها ويكفيج شرها ان شاءالله

:**

وتروحين واتردين بالسلامه

تراب الكويت يقول...

خيالية الفرح انا
اعشق الاحلام
لي عين تحلم بغد آخر
تتحقق به كل الاحلام
دائما عندي احساس...بأن هناك شئ سعيد ينتظرني
وهناك امل بغد مشرق يشتاق لي
كلي امل..ولي قلب
لم يفقد في حياته الامل
!!
...


من هنا تأتي البداية

موفقة
دعواتي الصادقة

:)

bin3li يقول...

يالله متى بتغنين أنا رديت لعيونج أنا رديت؟

قاعدين و ناطرين
:)

AseeL يقول...

خيالية الفرح انا
اعشق الاحلام
لي عين تحلم بغد آخر
تتحقق به كل الاحلام
دائما عندي احساس...بأن هناك شئ سعيد ينتظرني
وهناك امل بغد مشرق يشتاق لي
كلي امل..ولي قلب
لم يفقد في حياته الامل

.......

أحببت هذه الكلمات
أشبهها وتشبهني

.......

تروحين وتردين بالسلامة ومبروك قبولك للماجستير

darkness يقول...

مساج الله بالخير

مطلوبه بتاق عندي

و من غير شر فاقدتج حييييييييييييل

Najmah يقول...

yalllllllllah rdaaaaaaaay
حدي ولهت عليييج

Blog 3amty يقول...

تروحين وتردين بالسلامة، ولا تكتبين جزقزاق جذي أفتر راسي وانا أقرة :P

LonDonY يقول...

محللــــــــه

وعسى الخير ملفاج وين ما كنتي

بالســـــلامه :)

esTeKaNa يقول...

Baaaaaaaaaaaaack
:)
الله يسلمكم جميعا من الشر
كل كلمة انكتبت فرحت قلبي
شكرا من القلب للجمييييع
:D~