الجمعة، يوليو 11، 2008

لا تكدر يا هوى روحي

(1)
~~~~~~
هناك فرق...بين شخص يشاورك بقرار يفكر به
وبين آخر يخبرك بقرار قد اتخذه
!!
في الحاله الأولى لك الحق بالتعبير عن رأيك
عن سلبيات هذا القرار وايجابياته
فهناك متسع من الوقت وفسحة من التفكير ما زالت متوافره عند من يشاورك
فهو ما زال يراجع نفسه ويشاورها
..ولكن
في حالة ان صاحبك (متويه)وقد اتخذ قراره وانتهى
فمالادعي تغرد برايك وتذكر سلبيات قراره وهو في كل الاحوال مجدم عليه وعلى بعد خطوات منه
ادعي له
بارك له
طيب خاطره
وبس
!!
(2)
~~~~~~~
نفس الأشخاص
ذات الظروف
نفس الأحداث
ولكنك انت من تغير
!!
تلتفت للماضي وتستغرب:
انا اشلون سويت جذي؟
(3)
~~~~~~~~
هناك علاقة طردية...بين سعادتهم واحساسك بالراحة
عندما تكون مرتاح هم في قمة سعادتهم
عندما تتعسر قليلا...تتضايق قلوبهم
!!
أحيان يكون هناك ما يعكر صفو سعادتك
ولكنك...تحرص على ابتسامتك خوفا عليهم
أمر متعب
ولكنهم يستحقون هذا التعب
(4)
~~~~~
أمر بحاله غريبه
!!
رغم توافر كل عوامل السعادة
رغم روعة الاحداث التي امر فيها حاليا
الا اني متعسرة
ممكن اي كلمة وان كانت بسيطة تقلب مزاجي فوق حدر
لذا...صار لي يومين اتجنب الدخول باي موضوع قد يكون حصادي فيه كلمة تكدرني
والعدوى انتقلت لمدونتي
تلك التعليقات المجهولة التي تصلني قبل ان انزلها في المدونه تضايقني
غريب..كيف يتنقص شخص لآخر كلمة تكدره
!!
(5)
~~~~~~~~~~
أنام أول الليل او قبل الفجر بساعه
ثم من بعد الفجر اعيش حاله من الارق الى ساعات الضحى الأولى
ارق اول الليل للعشاق
وارق ما بعد الفجر ...
لمن بلله
:)

هناك 49 تعليقًا:

صقر قريش يقول...

بصراحة اكون سعيدا عندما أرى لكِ تدوينة جديدة اختي الكريمة استكانة:

1
كلامك صحيح فالأول مازال يشاورك ومازال محتارا أما الآخر فقد قرر لكن لامنع هذا من تنبيهه وجعله يتأكد من قراره هذا لأن الرجوع عن القرار ممكن عن نفسي قلت لأحد أقربائي عن دراستي في الخارج قال لي أين ستدرس قلت له:جامعة الأزهر فقال لي بالكويتي اقولها:من صجك حدها صعبة!! قلت له: هل درست فيها؟ هي صعبة على ملايرغب بالدراسة فيها وسهلة على من يريدها أنا أريدها فلماذا تحطيم الآمال وتثبيط الهمم!! لكن مع هذا المثل لكن إذا رأيته يقرر شيئا خاطئا اذكره حتى ينتبه لكن بعد النصيحة ادعو له بالتوفيق.

2
السؤال اختي الكريمة إذا كان الكل يستطيع أن يتغير الأشخاص الظروف فكيف بك وبي حتى أنتِ تتغيرين هذه الدنيا لكن يحس بها اكثر الشيء اقرب الناس لكِ.

3-
وهذه حالتي كثيرا فأنا همي في قلبي لايزال ولم يذهب رغم ما أنا عليه من ضحك وحب لإضحاك غيري لكن مافي القلب في القلب لا أحب أن أكدر امي علي خصوصا وهي فرحه باختي ولكني اشكو همي وحزني الى الله

4-
ليس شرطا ان يكون سعيدا من لديه اسباب السعادة فالسعادة في الداخل لا الخارج جعل الله ايامك سعادة في سعادة.
5-
مشكلة النوم مشكلة كبيرة حتى بالنسبة لي فأنا أنام صباحا واكمل نومي بعد الظهر وكفى وهذه مشكلة كبيرة لايحلها إلا العمل:)

شكرا لك اختي الكريمة ومن زمان على شاي بلنعناع لايكون خلص :)

Najmah يقول...

صبااح الفل والجوري
:*
1
صح .. صح
طيب خاطره .. ياسهالتها من كلمة
وياهي صعبه عند بعض الناس
!!


2
قد تكون الظروف الخارجية نفسها
لكن الظروف الداخليه تختلف
لما أسأل شلون سويت جذي؟
اكتشف ان شي في داخل نفسي يكبر
:)


3
ابتسمت حق هالجزء
:)
احب الانسان اللي يفكر بأحبابه قبل نفسه
يعرف شلون يقدر وقفاتهم
يحافظ على راحتهم
وحتى لما يشكي
يختار الوقت المناسب
الله يخلي لج كل غالي
:*



4
منهو مثلك ياسما روحي
فرحتك تسمو على افراحي
لاااااا تكدر ياهوى روحي
:)


5
لاستكانة وربعها :)
انا محترة من روحي
من اول الاسبوع وانا انطر الويكند
ولما ايي نومتي تتلخبط
انام ساعتين واقعد الفير
بعدين اتييني حالة مادري شنو اسميها
لاحظت انها ما اتييني الا الفير
افكر بكل الناس اللي اعرفهم بهالدنيا
وحتى اللي مااعرفهم
وكل شي يخطر على بالج ومايخطر
تعرفين اللي امسك راسي واقول خلااااااااااااااااااااص ابي اناااااام
الحين لما امي وابوي يقعدون انا توني نايمة .. وايي ابوي يالله قومي تريقي واقول له مابي بنااام
وآخر شي اقوم الظهر وانا موشبعانة نوم
:(
يالله تصبحين على راحة بال وفرحة
:)

Mamloo7a Q8ia يقول...

هلا والله في الاستكانه الناطعه
شخبارج؟؟

(1)
صاجه يا كره اللي يهبط عزومج
ويدرون فيج معزمه على الشي


(2)

احسن شي ما نفكر لاننا احنا اللي بنتعب ... صدقيني؟!؟


(3)
اللي يحبونا فعلا يستحقون التعب لاجلهم


(4)
بعد عمري شهالحاله؟؟؟
طلعي بسرعه من هالمود
منتي حلوه وانتي مستعسره
يا استكانه التكانه
:p


(5)

رجعنا حق لخبطة النوووم
يبيلج دوام يشكمج
:))
بسوي بحث عن ارق ما بعد الفجر
واعلمج لمن؟؟؟
;D

ShLaLaT يقول...

انا اقول اذا ما تبين تسمعين رايهم لا تقولين لهم اصلا !!؟

الا اذا كانوا اهلج او معنيين بالموضوع


شوفي استكانه
اقولج خبرتي بالحياة لوول دقامه

لا تعطين كل الناس ويه
بس القراب منج حييييييل

وبعدين الباجي امشي عليهم وقولي طاف طاف طاف طاف

:) يعني سمعيهم بس لا تسمعينهم :)
عاد انتي فسريها وفهميها :)

وبعدين ليش مزاجج يتعكر ؟؟
انا اقول ذكري ربج وتعوذي من بليس وروحي تسبحي بالبحر :)
لوول صدقيني يروح كل اللي فيج



عندي سؤال صغير !!؟
تحبين احد يدلعج ؟ ولا تحبين انتي تتدلعين ؟؟

جاوبيني بصراحه

لووووووول

الخيلاء يقول...

-1-

الشخص الي يجدم على شي من غير شور
يتحمل .. ماعلينا الا ندعيلهم ربي يوفقهم

اما الي يبون شور .. يحطونا بموضع مسوؤوليه و تنتقل عدوى التفكير منهم لنا الانه بنشاركم بالقرار

:)



-2-
اتصير باحسن العائلات
:p


-3-
ستاهلون السعاده
و الله يقدرنا على سعادتهم
الي اهي سعادتنا
بس اتهقين لو رسمنا ضحكه مو من القلب
ماراح يحسون فيها ؟


-4-
عادي العساره فتره اعتياديه اتزورنا بين الفنيه و الاخرى من دون سبب

و اعداء النجاح وايد
ماعليج الا انج اتجاهلينهم
مايستاهلون تشغلين بالج فيهم



-5-
يصير ترى فجر العشاق
او فجر التفكير

اي فجر تختارين

;p

charisma يقول...

تدرين شنو المشكله
المشكله ان احنا بسرعه انتأثر بالكلام الى ينقال لنا

الى يتخذ قرار ويجدم عليه لا يتلدد ولا يخلى احد يأثر عليه
يتوكل على الله والله المسهل

سكرى اذونج عن اى كلمه اتكدرج ولا اتشكك بقرارج

يا حلو الكلمه الطيبه
بس مع الاسف فى ناس كثيره تجهل اثرها بالنفس


من يقدر يضايق انسانه مثلج
عاد انتى بلسم المدونات وعمرج ما ضايقتى احد
حبييبتى انتى ما تستاهلين
اشهالسلالاطه
://

بالج مشغوول وااضح
عدى الخرفان يروح الارق
;P

:***

mtfa2el يقول...

متعسرة ؟؟ مالج الا المرقدوش ..يوخر كل العسارة :p
العسارة و التكدر ..دوري عن الأسباب في الغالب ما تكون الكلمة من ذاك الشخص صاحب التكدير ..أسباب ثانية متراكمة تساعد على العسارة
لا تتعسرين يا سيدتي ولا تتكدرين من أي شي ..الكلمة البسيطة اللي تكدرج ما تضايقج إلا لأنج تسمحين لها بهالشي ..عقولنا و نفسياتنا و أيامنا ووقتنا احنا اللي نملكها نحتاج فقط نملئها بالأشياء الجميلة فتكون بقدرة قادر ..جميلة
أرق ؟؟ مرقدووووش

حلم جميل بوطن أفضل يقول...

الصراحة بوستك هذا

رجعني نفس ذلك الإنسان المتحلطم اللي ما عنده شغل و يحارش

لا بل جعلني أسوأ من السابق بكثير

مرة أخرى

ينطيك العافية أُس 2

و لا تصدقين كل ما يكتب

:)

mantovani يقول...

استكانه

عندما كتبتي :
"
تلك التعليقات المجهولة التي تصلني قبل ان انزلها في المدونه تضايقني
غريب..كيف يتنقص شخص لآخر كلمة تكدره
"

ايقنت ان لديك دليلا على النجاح

مانتوفاني

feelingstalk يقول...

الارق ياحبيبتي ايي من التفكير او من حاله عدم الرضا اب شي اب حياتج
او ممكن تكون سحابه صيف
ايام و تروح
عسى ايامج كلها سعاده

MO3ATH يقول...

1
شنو الحل في الي يشاور ومايقتنع وبعدين يخبرك ويسوي الي براسه ؟

عيل ليش مشاورني من الاول ولا تحصيل حاصل ؟

2
مايمنع
القناعات تتغير مع الوقت

3
إذا كانوا يستاهلون التعب ماله داعي الواحد يذكر نفسه بأنه تعبان وان هالشيء مجبر عليه ، يتأقلم مع الوضع اريح للجمبع

4
باعتقادي مرحله التعسر حاله نفسيه في فتره معينه ، فتره وتعدي والله يعين

5
بندول نايت ممكن يحل المشكله :p

فريج سعود يقول...

الي اتخذ قراره ويشاور
ينقال له مثل ما ينقال

5roofa يقول...

استكااانه امبي تدري اني اقره مواضيعج و اقول ياربي انا علقت و بعدين اكتشف اني دايخه ولا علقت ولا شي امبي مخي احسه خلاص بس خرف لوول

ولا صار فيني زهايمر واحد منهم

النوووم انا صليت و الحين الساعه 4 و للحيني مو ناايمة من امس معنه ميته من التعب

شكله سالفت الارق موووضه يديده

الله يعينااا

موفقه يالغالية بالشغل ربي يفتحها علييج

و يوفقج بكل خطوة
salamz sis....

kuwaitawy يقول...

الاخت استكانه



(1)

فعلا كلامج عدل

الاول محتاج للاستشاره
الثاني مو محتاجها

لكن بالحاله الثانية لي الحق ان احاول ان اوقفه وان ارده عن قراره اذا كان مخطئ بالقرار

(2)

اعتبريه ماضي وانتهى

وكل انسان يتعجب من مواقف بالماضي


(3)

فعلا انه امر متعب

لكنهم يستحقون هذا التعب

وعلى فكره ترى الشعور الاجمل عندما يكون صاحبك متضايق ويبتسم خايف انه يضايقك


(4)

السبب هو انج حساسه حيييل

تتأثرين بكل الكلام

:)


(5)

ارق مابعد الفجر من كثر التفكير

هناك شئ يدور براسج وتفكرين فيه وايد وهو اللي شاغل بالج









تقبلي مروري وتحياتي العميقه

تراب الكويت يقول...

خارج حدود النص

ماهو برجك ؟

:)

Fskra يقول...

MLkt eLe7sas entay ..

1- ythaygni ethaa 9ar feni hal mawqf eni akon mt5tha el qarar o bs qa9di eni a3rthaa 3La EL sh59
yfaj2ni eb kLaam thedaa ! enzain 5La9 y3ni tra 9ar eli 9ar ! :S

a5eer shay eL nom ra7a O kil ma ynaam eL wa7ed 9j enaa yfota wayed mn eL deniya bs sa3at eLnom ma wdi a97aa mnaa bs 3shan ansa eli ana feh .. O 7aLty nfs 7altch :D anam b3d el 9laat o ag3d 3gb 9lat el fyr eb 4 hours ! :S

lawyer يقول...

اقولج حبي حبي حبي

ما اطاوعيني

ارق الضحى هذااااا ماودي اضيق خلقج بس مااااال عياييز ترا

اسمعهم يشتكووووون

عقب صلاه الفير بعد ما اييني نووووووم

هههههههههههههههه


سامحيني على السؤال
انتي عيوزة..؟؟


وااااااااااااي ترا انا اتعسر اذا شفتج متعسره

فبلييييييز كلش لا تتعسريييييييين

انطلقي
عيشششششششششي

طلعااااااااااي

استانسااااااي
غصصب

مو شرط تنااامين
قوماي روحاي الافنيوووووو
تريقاااي في شوكلت بار
و دبييييييه كاكاو لذيذ عقب

تسوقاااااااااي

خووووووو انتي يعني عندج هوايه تشرين كل شي

اشمعنا الحين تعسرتااااااي

روووووحاي تسويقاي

طلعاي سينما

قصي شعرج
صبغييييه

سوااي مسااااج


دليلي رووووووووووووحج
و تروح العساره

:))

:************************

ARTFUL يقول...

أهلين وسهلين
رقم واحد شكله نقزه حق ناس سندروا راسج

;p

2
اي والله شلون
بس الحمدالله على كل حال
خيره انشالله
=)

3
طبعا يستحقون
بس مو الكل

4
قربي من الله
قد يكون حل ماهو منطقي عند بعض الناس
بس عندي حل يريحني فمهما قست الأيام وانت قريب من ربك
تحس باحساس مريح وغريب
يقولك ان ربك سبحانه ماراح يخليك
=)

5
هذا الأرق للعاشقين على كبر
;p

تحياتي لج خيتووو

SHAHAD يقول...

تصدقين استكانه
حالة التكدر حايشتني
وحالة الأرق من أسبوع مافارقتني !!
حدي متأزمة !!
وحدي حاااسة فييج
الله يعينج
ويارب الليلة تنامين نومة ولا ع البال
وكلها أحلام وردية ومريحة : )

أتمنالج كل خير والله : ))

elq87obi يقول...

آآآآآآآآآآآخ سألوني انا و الله صارلي اكثر من شهر مو نايم عدل

حاس فيج و الله

المشكلة عيوني مبققة و ماييني النوم و لا غصبت روحي انام عشان الدوام و الحوسة ما اقوم تقولين بغيبوبه فقمت اواصل و لما ارد انام يعني الدنيا
عندي منحاسه و معتفسه

اللي يضحك بالسالفه اني لا عاشق و لا حاب شاللي مسهرني و مطير النوم من عيني ما ادري :) لوووول

الله يعينج و الله

DanDash يقول...

امم
اول علاج لح أكلي كاكاو لاو الله جد عشان يعدل الحالة المزاجية
بس ما وصيج و انا اخيتج كاكاو من الي البك يحبو و أكليه العافيه بس استمتعي فيه و شوفي مزاجج شلون بيتغير

و لي عودة

فراوله يقول...

مساالورد والجوري
غاليتي الحبيبه
الارق قد يؤدي بنا
الي شي لا نحبه
يتعب اعصابنا
ويرهق كل جزء بجسدنا
ولكن اتوقع هي فترة قد تمر علينا
جميعا نتيجة لما نتعرض له
من ضغوطات بهذه الحياة
...
امنياتي القلبيه لك بحياة مليئة
بالسعاده والتوفيق
فانت تستحقين
كل خير
وحشتيني
:**

terkwaz يقول...

(1)
انا اتخذ قرارتي بدون مشاورات احد
وفيه حاله عزمت اقول بس ابي اعطيهم خبر
اشوف الكل يبدع بالنظريات اللي يقولها><
ودي اقول ستوب انا بس ابي اعطيكم خبر مابي رايكم بس لا حول ولا قوه
بس تدرين شنو المشكله في حاله احد يتاثر بالكلام وتهبط عزيمته

وياوخيتي نصيحه مجربه عزمتي على شغله سكاتي الى ان ينصدمون ههههههههه

(2)
هاذي الدنيا
لا تندم على ما مضى اندم

(3)
التعومس والمزاجيه آه منهم
الله يريح بالج ونفسج

(4)
يمكن تعزيج هالجمله
لكن مو انتي الوحيده تمرين بهالحاله
طالعي حواليج تلقين وايد شاركونج بالصفه
والانسان لي صار بجماعه يقدر يتجاوز اي شي


(5)
ياليت بس مشكله الارق المشكله ارق واذا ماعندج شي تسوينه تاكلين ههههههههههه

Sn3a يقول...

شلونج خيتي
طيب خاطره
وبس
!!
بالضبط هذا اللي المفروض يصير

ارق مابعد الفجر ان عرفتي لمنو عطيني خبر


يعطيج العافيه
احب بوستاتج حتى لو كانو حرف

Mok يقول...

اول زيارة ومدونتك رائعة

محـــــارة يقول...

الأرق مزعج ومتعب وعلاجه محاولت التقليل من الكافيين والمنبهات لساعات طويله قبل الليل وكثر الدعاء وذكر المعوذات تساعد على النوم .. بس البلا إذا الكور مو راضي

فعلا لما يكون السؤال بعد إخذ القرار يكون تأييد للفكره أو محاولة تقويم وتسليط افضل جوانبها لكن قبل العطى فيه أسهل

ومرسي كثر على كل شيء يطلع منج يالغاليه وعساج سعيده دوم

الزين يقول...

منتي عاجبتني صار لج مدة

اسم الله عليج

تعالي خل ارقيج

واقرا لج في ماي

عين ما صلت على النبي

وبعدين صاج اخوي متفائل
شربي مرقدوش

آنا عندي حل
بس لما اشوفج اقول لج شتسوين

:**

إلى ان نلتقى اعزائي المشاهدين

نترككم بحفظ الله ورعايته

:)

اصلح مذيعه صح؟؟

esTeKaNa يقول...

صقر قريش
~~~~~~~~~~~~~
يا عساك دوم بفرح وسعاده
:)
1:
عدل كلامك
عسى ربي يفتح عليك ويوفقك يا صقر
2:
فعلا
كل شئ يا صقر يتغير
3:
جزاك الله كل خير
كافي هالنية باسعاد امك
راح تفتح لك كل بيبان السعاده والتوفيق باذن الله
4:
اجمعين يارب
5:
انا اشهد
:)




والشاي موجود
تامر امر عليه
وحياك الله

esTeKaNa يقول...

najmah
~~~~~~~~~~
صباح المزاج الرايق والسعاده
:**
وينها صديقتي المتعسره؟
عاديتج ولا شنو
ابتسمي بويهي اشوف
:))
1:
صعبه..مع انها ما تسوا فرحتنا فيها
!!
2:
اشياء في داخل النفس تتغير
لا يعلم بها الا نحن وربنا سبحانه
3:
ويخلي لك كل حبيب وغالي تحبينه
:*
4:
....
معاي اونلاين هالبنت
انلام لاحبيتها
:**
5:
الحين تأكدت ان لاستكانة وربعها
:Pp~
الله يحفظج يارب
وناظرتج تطمنيني عليج

esTeKaNa يقول...

Mamloo7a-q8tya
~~~~~~~~~~~~~~~~~
هلا بملح الجزيره كلها وملح الخليج
:**
واي مملوحه كنت متقلقصه وداشه القوري
بس انا كاني كاني
تسلقت وطالعه بقوة
:))
حبيبتي الله لا يخليني يارب
:*

esTeKaNa يقول...

shaLaLat
~~~~~~~~~~~
هلا وغلا
:)
مرات نقولهم من باب ان نعطيهم خبر
او نبلغهم بخبر بالنسبه لنا مفرح
!!
وااااختي وازين الخبره بالحياه
زوقه زوقه
:**
مزاجي تعكر
وسنعته
وكل اموري بتتسنع
يعن يعلى كيفه المزاج يعسرني؟
لا طبعا
:))
بصراحة:
احب احد يدلعني
وهذا راح يخليني اتدلع
بس شطاري عليج
hehehehe

esTeKaNa يقول...

الخيلاء
~~~~~~~
-1-
الخيلاء احيان نشاور الناس الاهم في حياتنا ونتوكل على الله
كثرة مشاوره الاخيرين احيانا تضيع
!!
قصدي اذا شخص استشار الناس الاهم عنده
واقدم على موضوع
واقترب منك ليعطيك خبر
فهو غير محتاج لمن يشكك بقراره ويهبط من عزومه
-2-
أنا اشهد
-3-
اكيد يحسون فيها
ومن غيرهم يحس
وصدقيني...احساسهم بانا نداري عن خاطرهم حزن يخليهم يحاولن بكل الطرق اسعادنا
هذا نوع من انواع الحب الصادق يا الخيلا
-4-
يا بعد قلبي
شكرا
:*
-5-
الله
كلا الاسمين عجبني
:)

esTeKaNa يقول...

charissma
~~~~~~~~~~~~
بالضبط
!!
الكلمة توصلنا السما
وكلمه تنزلنا الارض
وهذا الغلط

يا بعد قلبي انتي
وللله انتي اللي بلسم على القلب وكلامج يرد الروح

لا خلا ولا عدم
وبيني وبينج
فعلا بالي مشغول شوي
:)

esTeKaNa يقول...

mtfa2el
~~~~~~~~~~~
يامسا المرقدوش والله
:)
وااااي نصيحة شياب على هاالمرقدوش
بس صاجة..طعمه ظيم بس مفعوله سحري
:PP~

تصدق وايد فكرت بكلامك
فعلا...احنا من يسمح بكل تلك الاسباب تتراكم وتعسرنا
لا للعساره بعد اليوم
ياهلا بالمرقدوش والله

esTeKaNa يقول...

حلم جميل بوطن أفضل
~~~~~~~~~~~~~~~~~~~
بل جعلني اسوأ من السابق بكثير
!!
يا حسرة قلبي
لا لا
خطر عليك تقرا اي بوست من بوستاتي
قاعد تأثر عليك سلبيا
:Pp~
الله يعافيك
وحياك الله

esTeKaNa يقول...

mantovani
~~~~~~~~~~~~
دائما تضئ لي الجانب الايجابي من كل موضوع
شكرا لك
:)








feelingsalk
~~~~~~~~~~~~~~
أتمنى تكون سحابة صيف
شكرا لك صديقتي
وعسى ربي يسعدج دوم
:)

esTeKaNa يقول...

Mo3ath
~~~~~~~~
-1-
يشاورك ولا يقتنع
!!
شي راجع له
المهم انك ارضيت ضميرك وقلت له رايك
-2-
صحيح
-3-
فعلا
نقطة جميلة
لابد من ان لا نتذكر ذاك التعب ونخفي مشاعرنا بطيب خاطر
-4-
الله المستعان
يارب تعدي عاجلا غير آجلا
:)
-5-
اقتراح جيد



زيارتك الاولى محل ترحيب
نورتنا يا معاذ
:)

esTeKaNa يقول...

فريج سعود
~~~~~~~~~~~
ينقال له مثل ما ينقال؟
!!!
ممممم
اوكي
:)







5roofa
~~~~~~~~
حسافة عليج خروفه
تو الناس على النسيان
لول
:)
الارق مو خوش موضعه يا خروفه
انشالله تروح هالموضه

esTeKaNa يقول...

kuwaitawy
~~~~~~~~~~~~~
ياهلا ويامرحبا فيك
-1-
(1)
تقوله رايك
بس ما تقدر تمنعه اذا كان خلاص ناوي
فادعي له
طيب خاطره
بس ما تضيق خلقه
(2)
طبعا ماضي ومنتهي
!!
بس احيان تستغرب من تصرفاتك في امور كثيرة في الماضي
(3)
ما اجمله من احساس
قمة الصدق بالحب
!
(4)
اي والله
الله يهديني عن هالشي اللي مو زين فيني
:(
(5)
يمة خرعتني
لا تعليق
!!





تقبل ترحيبنا
ولا طاب لك المكان عاود
:)

esTeKaNa يقول...

تراب الكويت
~~~~~~~~~~~~~~
شطاري عليج
:)
برج الثور
:Pp~






FASKARA
~~~~~~~~~~
ياهلا بالطيب كله
:)
بالضبط
اللي صار صار
طيبه خاطر وكلمة حلوة تسوا الدنيا
ما يسوا يغثونا

يا عسى ربي يحفظج وبالفرح يزين دنيتج قولي آمين
:*

esTeKaNa يقول...

Lawyer
~~~~~~~~~
ههههههههههههههه
هههههههههههههههههه
انا عيوزه؟
والله هاليومين اشك في ذلك
:Pp~
والله خووووووووش نصايح
الاسبوع الياي ماكو ضحى بقعد بالبيت
من تروح النومه
بطق السياره سلف
وتعالو عاد دوروني
:**

esTeKaNa يقول...

ARTFUL
~~~~~~~~
شكرا على الرد الجميل
ساقف عند نقطة اربعه
تقول قد لا يكون مقنع عند الكثير
بس تدري يا ارتفل
انا مقتنعه جداااا فيه
شكرا على التذكير
ماقصرت
:))
وحياك الله

esTeKaNa يقول...

SHAHAD
~~~~~~~~~
الظاهر في فايروس كآبه وارق بالجو
!!
انا اليوم وايد احسن
واتمنى من قلبي تكونين انتي اليوم بخير
:)







elq87obi
~~~~~~~~~~~
مو هذا اللي يحر
لو عشاق كان بها
بس مو عشاق ولا صوبه
هههههههههه
اتمنى لك نومه هنيه
نومه الغزلان بالبرية
:Pp~







Dandash
~~~~~~~~~~
واي لا توصيني على الكاكو
انا مستهبله عليه
رايحة راده اكل كاكو
:Pp~

esTeKaNa يقول...

فراولة
~~~~~~~~~~
مسا الفراولة يا فراولة
عاش من شافج يا الغاليه
:)
شكرا على مرورك
وشكرا على دعواتك الرقيقه
ولك بمثله ان شاء الله
نورتي بلوقي










Terkwaz
~~~~~~~~~
(1)
هذا الشي قاعده اعلمه نفسي
اقضو حوائكم بالكتمان
بس مرات عقب ما تخلصين وتعزمين لابد تتكلمين
!!
ليش يهبطون من عزومج؟



(5)
هذا مربط الفرس
!!
انا الفجر لا يبقى قهوة
جاي اخضر
كيك
على ابو ريوق
هههههههههههههه
مو خوش حاله

Najmah يقول...

:)))))
شرايج بالابتسامة؟
:)
من قلبي والله
انا بخير الحمدلله
واليوم حدي تمااام الحمدلله
لا تحاتيني
اشتط حزتها
وارد بعدين طبيعيه :))
الله لا يحرمني منج
:*

esTeKaNa يقول...

sn3a
~~~~~~
حبتج العافية
وبس اعرف
اعطيج خبر
:Pp~







moK
~~~~~~
زارتنا البركة
:)






محارة
~~~~~~~
بالضبط
الكور مو راضي
وانتي يا بعد قلبي يزاج الله خير نبهتيني على سالفه المنبهات
احد يشرب قهوة مع صلاه الفجر
شربت بابونج ترا
ونمت
:))
عساج يا الغاليه بسعادة وحب دوم
:*










الزين
~~~~~~~~
واي وانا اقرا تعليقج
حسيت بلبق عندج
وابيج تقرين علي
:**
وعين على شنو يسلمج؟
:))
حبيبتي انتي الله لا يخليني منج

تصلحين مذيعه
ابله
ام
حبيبة
كل شي حلو تصلحين له
:))

Яeema يقول...

بكل بساطه قاعده اتعيشين للغير
قعدي ويا نفس يوم واحد
وراح تعرفين أنتي شنو بالضبط اللي تبينه

يمكن كلامي فيه شي من الغموض
و أدري إن كان يومج كله مزحوم

بس يمكن مو هذا الشي اللي ودج تعيشينه



العسارة موجودة مع الروتين
مرتبطه وياها ارتباط أزلي



كسروا روتينج و شوفي شيصير فيج


أمبيه تو الناس على هذه الظاهرة
هاهاهاهاهاها


تفكير أول الضحي معناها قلبج يحجي وايد


لا تفكرين وايد
و عيشي حياتج

;)

ShLaLaT يقول...

بس جذي خطر على بالي أسألج

:)

esTeKaNa يقول...

Najmah
~~~~~~~~
يا زين هالابتسامة وراعيتها
عندي وعندج خير
اشتط شوي
ونرد طبيعين
هذا كله ترا من طيبة القلب
:)
عسى عمرج دوم سعيد
:**












reeema
~~~~~~~~
هلا وغلا
تدرين ريما
يمكن لاني بديت اسوي الاشيا اللي انا ابيها...هالشي موتر وايد ناس حولي
حلو تسوين اشيا للناس اللي حولج
!!
بس لازم وشي مهم تعرفين انتي شنو تبين
وهذا اللي قاعد اسويه
ومنكم نستفيد
:Pp~



تفكير أول الضحي معناها قلبج يحجي وايد


لا تفكرين وايد
و عيشي حياتج


!!
هني الغمنده
لازم اعطي قلبي وعقلي اوف
:))
الله لا يحرمني يا ريما








ShalaLat
~~~~~~~~~~~~
انا قلت عقبها بتدلعوني
طلع بس جذي
:Pp~
HEHEHE
حياج الله