الأربعاء، يوليو 09، 2008

...محتاج لها

(1):
اشتقت لأيام الهوى في جنابك
يوم الشموع بليل الأحباب ضون
واشتقت أٌول لهاتفك مرحبا بك
واشتقت لغيوم الصحاري تكون
~~~~~~~~~~~~~~
على مفرق ذاك الطريق
مابين تقاطع منطقتين
بجانب هذه الإشاره بالذات يذكرها:
تذكر يا فلان وانته بهالمكان
مهما خذلتك الدنيا وضاقت فيك دروبها
انا قلبي لك بالحب عامر
وبالشوق مشرع لك البيبان
!!
تذكر ابتسامته:
واشمعنى بهالمكان؟
عشان لا دارت الدنيا تتذكرني
ان لي بقلبك ذكرى بكل مكان
تذكر هالتوقيت
واحفظ المكان وتذكر
لحظة أمنت لك فيها قلبي
ولحظة...انا اهديتك شي مني
ولحظة....علمتك فيها اشلون تذكرني
.
.
.
!!في لحظتها ما كنت أظن هالدنيا تدور
ولا كنت ادري بترحلين وبينطفي في حياتي النور
ضحكت حزتها ونسيت
ودارت الدنيا وهقيت اني سليت
وبلحظة وبهالمكان...تذكرت حسج
وصدق احساسج وقلبج
ليتج يوم رحلتي
ما تركتج
!!
.
.
.
(2)
محتاج لها ،تروي حياتي بهمسها
اهيا الحياة بالنسبة لي ..بحلوها وبمرها
محتاج لها
!!
~~~~~~~~~~~~~~~~~~~
تدرين؟
يوم سفرج سافرمعاج احساس قلبي وروحي
!واختنقت
ما عاد لي مكان يسليني
ولا هالدنيا كلها تسوا شي بعيني
!وولهت
وله مجنون يسكن كل ذره فيني
تدرين؟
أنا طول وقتي بالبيت
حتى الدوانية ما اروح
!!
متى بتردين؟
انتي علي ما تولهين؟
انا مو ولهان انا..أنا دنيا من الوله
!محتاجك أبيك
ليش ارد وانا اشوف السفر نطّق احساسك وقلبك؟
!وليش ما اسمع هالكلام وانا يمك
والليش الأهم...شنو علاقة الدوانية بغيابي
:)
أحبك...وكلها أيام وبرد لك
(3)
لا تجافيني ..ولا تنسى هواي
اذكر أيام الصبا وأنته معاي
كان ما يطري على بالك سواي
بس أشوفك ليه بالتالي نسيت
آه يا قاسي آه...آه ياقاسي أنا فيك ابتليت
~~~~~~~~~~~~~~~~~~~~
لصوتها دفئ يسرقه من الدنيا
مبعثر لا يلملم شتاته الا حضنها
يغيب..ويرحل..وتبعده الدنيا
ويرجع هنا ...يدفن تعبه في مستقر قلبها
! أحيانا يعتقد انه قاسي على حبيبة صباه وعمره
ولكن مؤمن...بانه وان قسا وجفا...تبقى هي في عينه كل الدنيا
HapPY Week End

هناك 41 تعليقًا:

غير معرف يقول...

صباحك الخير استكانة

من كثر ماني متلهفة مادري شاقرا شاخللي وعيوني تطامر بين السطور فوق تحت وارجع فوق مرة ثانية هههههه

باين الاحساس الصادق، عن نفسي صدقته. جمبل وايد وايـــــــــــد ان اسلم بوجود هالناس بديرتي اللي يفكرون ويتواصلون ويتحاورون بهالطريقة الراقية الجميلة

مشكورة استكانة
=)

الزين يقول...

هو ..... أكيد توارد خواطر

أمس وآنا راجعة من الدوام كنت افكر في بوست يحمل نفس المعنى
وياخذ نفس الشكل

@@

إنتي يا بنيه
أخاف انج بس كنتي قاعده معاي


بس تدرين
ماكان راح يكون بهالروعه لو كتبته

احساسج واختيارج للأغاني طاغي

:**

نهاية اسبوع مفعمة بالحب

LaDY RaiN يقول...

" مثل البكا،
حبيبتي تحتاجني تحت الظلام
ومثل الفرح..
حبيبتي أحتاجها وسط الزحام ! "

نصك يا سيدتي ممتليء بالأحاسيس المرهفة والأغنيات الجميلة، سافر بي هذا الصباح لأكثر من مكان، وقرأته بـ حزن عميق.. وتنهيدة تختنق !

دمتِ بـ فرح..

JooJ o MaJooJ يقول...

صباح الإحساس الراقي..بوست كلهأحاسيس خاصة رقم 1 كأنج تصفين حالتي هل الأيام :(
جووج

ARTFUL يقول...

انا أحب الشعر
وشعر الغزل والحب والهوى
بس ما أحب هالطريقة اللي وايد ناس يعتمدونها وخاصة من البنات
ما تيوز لي وماهو شرط تيوز لي
=)
مع اعترافي بعدم قدرتي على كتابة شي مشابه لما تكتبين من جمال
صج شي وايد حلو

المهم عدنا وزدنا بهالحجي

ما أقول إلا الله يعين المتيمين
;p
يوم أمنتك في قلبي الله الله بالأمانه حافظ حافظ على قليبي الله الله بالأمانه
كل أمر سهل من غير الوداع كيف أنا بودعك

الللللله
;p

المولع قام يلعب شايلن فنه وشيله:: لا تلومن المولع في هوى حب البنات

وما سمعتي اللي يقول

خدعوها بقولهم حسناء :: والغواني يغرهن الثناء
قاتقوا الله في قلوب العذارى:: فالعذارى قلوبهم هواء

وعطله نهاية الاسبوع سعيده

ترا دشينا نادي وبنخليج بروحج اللي زايده جم كيلو
;p

الخيلاء يقول...

الله

حلو الحب الراقي الي يجمع القلوب
حلو كلام القلوب للقلوب بدون تصنع و مجامله بدون مصلحه ولا سلطه الا سلطه المشاعر..

عجيب بوستج
.
.
.

تخيلي انه بسياره بدون غتره و عقال لول
و اهي اتمشى بشوارع ايطاليا مادري ليش مرتبطه عندي المشاعر بايطاليا و اتذكره بكل مكان

.
.
.

خيالي شتغل بروحه من تاثير الكلمات
:)

DanDash يقول...

صباح الفل

ايه ده ايه ده

عيل شوفي مسفر الدوسري شيقول



مِثِلْ هاللحظه ..
قبل اسبوع
كان قلب الفَرَح يُوْقِد..
لقلبي.. اِشْموع!
وانتي كنتي .. في حضني
وكان يَحْضِن مِزِن وَصْلِك..
ظامي لهْفِتي ..وضْلوع
ونُوْرك كان..
يمسَحْ عن سما عمري..
كل ما شَافته قَبْلك
من ليل..
وشتا..
ودموع
وايْديْنك مثل نهرين
وانا كنت..بين نهرين..
مثل نَبْتَةْ عَطَش خرسا
كان حَبْل الرِّجا
ما بينها .. وبين الحياه..
مقطوع
مثل هاللحظه ..
قبل اسبوع!
كان عطرك..
يسافر في شراييني
واشجار الحكي تُوْرِق
وتتْناسَل لُغَه خضرا ..
وتَسْري في عروق الليل
نجمة حب..
وفي بَرّْ الوَنـَس.. ينبوع!
عطرك كان..
غريب ويشْبهِك بالحيْل..
فاتن..
حالم..
ودافي..
وصوته هادي ومسموع
و انفاسِك..
كانت لاهيه تْعَلِّمْ
فاتحْة الشَّذى.. للورد!
وتْعَلِّمْ زَهْرَة الليمون..
تتْهَجا كلام الحب
وكيف تْحَاور الممنوع!
وكانت بَسْمِتِك تهْدِيْ
لعْيون القمر.. شبَّاك
ولْمُوج التَّعَب.. ميْنا
وعيْدِيَّات للأطفال
وسَنَابِل من رضا.. للجوع!
مثل هاللحظه..
قبل اسبوع!
قبل ماتْجيْن..
كنت اذْبَل..
ويشْرَبْني الجفاف..وكان..
في قلبي الفَرَح مَوْجوع
وجيْتيني
معَاك الصّبْح..
مَليْتي دنْيتي بالنور
غَسَلْتيني مثل هَـتَّان
فتَحْتي للأمل بيْبَان
وطَمَّنْتي..
حَمَامٍ في ذَرى قلبي
حزين
وخايف..
ومفجوع!
غَمَرْتيني بحَنانك ليْن..
خَلّيْتي الفَرَح يشْعِل
لقلبي شْموع
مثل هاللحظه..
قَبْل اسبوع.


مسفر الدوسري،

Mamloo7a Q8ia يقول...

تسلم الايادي يا استكانه
:)
البوست عجيب
وتداخل كلمات الاغاني
مع كلماتج عجيييب

استمتعت في قراءة هالبوست
:**

why me يقول...

عجييييييييييييييييب




واااااااااااااااي زاغ قلبي


ابي احب

:(

Najmah يقول...

انا مو ولهان انا دنيا من الوله

هالايام اعيش حالة وله مو طبيعيه

اقوم الصبح ولهانه
اداوم وانا ولهانه
اطلع وانا ولهانه
وانام وانا ولهانه

.

.

السفر طوّل..ولا ادري..كيف؟..وش آخر مداه؟!
والسؤال اللي ذبحني: من بيمسح لي الدموع؟!
ليت يدري في غيابه مدمعي يا ما بكاه
أظلم الليل بغيابه..وأظلمت كل الشموع

:(

ShLaLaT يقول...

قمت ما اروح الديوانيه

لووووووووووووووول ضحكني هالمقطع

بس مسكين حاسه فيه

مرات لما امي تكون موجوده اتأخر بالجامعه
واخلص كل شغلي وما ارد الا العصر

بس من تسافر
اكره اقعد بالجامعه وبكل بريك ارجع البيت


مادري ليش !!؟ والمشكله ارد البيت ويضيق خلقي ماكو شي اسويه !!؟




هذا طبع فينا :)




bonne weekend

:)

lawyer يقول...

آآآآآآه يا جاسي انا فيك ابتليت

هذا حظي و الطريج الي مشيت


هو : محتاج لها
هي : الف مرة

حلم جميل بوطن أفضل يقول...

الصراحة وايد إستفدت من هالبوست

ما تتصوربن شلون حسيت إني إنسان ثاني ليمن خلصت من قرايته

ينطيك العافية

Purgatory يقول...

هابي ويك أند كو يو طو

ما في قطاوة في قصيدتج، لماذا؟

;p

لؤلؤة يقول...

Wayed 7elo :)...

You 2 :)

Q8i Blogger يقول...

لحظة أمنت لك فيها قلبي
ولحظة...انا اهديتك شي مني
ولحظة....علمتك فيها اشلون تذكرني



استكانه

تصدقين ولهت على مدونتج !!

ابداع مستمر
يعطيج الف عافيه

ARTFUL يقول...

why me

تبين تحبين حبي
عادي
بس ترا مو وناسه اذا ما كان على اصول وحب عفيف

ونادر ما تحصلين هالشي هالأيام

تبين تحصلين نفس هالشي سئلي استكانه يمكن تعرف
;p

سوري استكانه أتغشمر
;p

terkwaz يقول...

مادري احب اقرا المقالات او البوسترات
اللي من هالنمونه
بوقت الشتا

واليوم قريت بوسترج
حسيت انه الوقت شتاء

والشتاء احلى الفصول عندي


عيني عليج بارده
ونستني سالفه الديوانيه ههههههه

واممم مادري شقول بس قريت بوستج مره وحده وللحين ماتكونت ببالي صوره غير اني بفصل الشتا

لي طلع لي كلام ثاني
لايهمج بحط لج رد

""طماشه سابقا**

joy يقول...

اللله
علييك
الله

DiLLi O MiLLi يقول...

قالوا حبيبك مسافر
قلت ليت السفر لم كان
يجعل طريقه زمرد
والحصا مرجان

قالوا لي وانته؟
قلت اي والله وانا
قالوا بتصبر؟
قلت اي بالله سنه

قالوا بيتركك وحدك؟
قلت قلبو ما يطيعوا
يترك معاي الشوق والحرمان

قالوا لي الشوق ظالم
قلت سيدي ما درى

قالوا يجرح عيونك
ويحرمك نوم الكرى
قلت يا طيف سيدي
لاكرمك في غيابه
ولو بتجرحني اجرح
كلي فدوه لشبابه


http://www.youtube.com/watch?v=2R3CD6eu9Ng






مواضيعك ٣ ورود 
جميله وعطره
ولكنها مليئه بالشوك

آه يالســفر .. وفـــراق الأحبـــه


:*

Fskra يقول...

e7sasch 7elo :) 7bait kalematch .. thanks 3La eL blog eL 7eLo O eL post eL a7la ;)

simploh يقول...

شنو هذا يا استكانه !
آه ياقلبي والله ..
عيشتيني الجو :"C
أنتي تطلعين كل اللي بخاطري
بدون ما أتكلم أو أعبر !
أنتي غير..
:)
يسعد لي صباح أحلى إنسانه

dreams يقول...

ان قسا و جفا
تبقى هي في عينه كل الدنيا

حلو هالمقطع
بس نصيحه بعدي عن الحب
يقولون ماوراه إلا عوار القلب



:)

بنت الشامية يقول...

استكانه سويتى فينى

صج احساس صادق نابع من القلب
=====
جنى ودي احب مرة ثانيه واعيش هالاحاسيس مرة اخرى.....لووووول
عسى ما يشوف هالتعليق ابو العيال واروح فيها.....عاد ابلشج وياي

دايما تعيشين احاسيسنا وتعبرين عنها باصدق الكلمات

ولد الديرة يقول...

سياستي

اجرح وداوي

لو مكمل سياستي جان الحين انا مضمد بمستوصف الإحقاقي

يسلموا :)

Kitty يقول...
أزال أحد مشرفي المدونة هذا التعليق.
tweety يقول...

مرحبا
اشلون القمر؟ عساكم ما نسيتوني عساكم

تذكر هالتوقيت
واحفظ المكان وتذكر
لحظة أمنت لك فيها قلبي
ولحظة...انا اهديتك شي مني
ولحظة....علمتك فيها اشلون تذكرني

يا مجرمة على هالكلام اللي يعور القلب


ملاحظة : البوست قبل الاخير واللي كاتبة في عن نفسج اكتشفت فيه امور واااايد مشتركة بيني وبينج ما تتخيلين حتى موضوع ال5 كيلوات
عاشوا بنات 30 نيسان :)

esTeKaNa يقول...

ANON.
~~~~~~~
صباحك سكر
:)
هههههه
ليش مستعيله عاد
البلوق موجود والبوست موجود
:pP~
الجمال انعكاس لرقي روحك وقلبج
شكرا لمرورج العذب
شكرا لك يا صاحبة التعليق الاول
وحياج الله
:)

esTeKaNa يقول...

الزين
~~~~~~~
هلا بالزين كله
!!
راجعت نفسي يوم قريت الكومنت
اقول يمكن سولفنا وكان وحي البوست من سوالفنا
بس ما تذكرت شي
:)
ناطرة بوست يحمل ذات الفكرة باحساس الزين
اكيد بيكون بوست كله زين
:**

esTeKaNa يقول...

Lady rain
~~~~~~~~~~~~
ياهلا ويا مرحبا
:)
تمنيت ان تقرأين كلماتي بقلب ينبض بفرح
وبتنهيده كلها شوق وحب

الله يبعد عن قلبك كل حزن
وهنيئا لي بزيارتك الاولى

قلب طفله يقول...

الشوق يكسر الادمي

و يخليه محتاج له او لها

بوست روووعه بروعت استكانه

تسلم ايدج :)

esTeKaNa يقول...

jooj o majooj
~~~~~~~~~~~~~~~~
صباح التواصل الجميل
:)
تلك حالة كل من ارتبط بذكرى يا جوج
عسانا ما نذكر الا ما يفرحنا









artful
~~~~~~~~
واي ارتفل
!!
انا سرحانه ويا هالله هالله بالامانة
جان تكسر المود كله بالمولع قام يلعب
:Pp~
شكرا على التواصل الجميل
وعطله نهاية اسبوع رشيقه
:)








الخيلاء
~~~~~~~~
يا صباح سلطة المشاعر
سلطة بسكون السين
وليس بفتحة على السين
:)
اهم شي من غير غتره وعقال
خيالج مفرع
لوووووول
زوقه ياربي هالبنت حتى خيالها اينن
:**

esTeKaNa يقول...

Dandash
~~~~~~~~~~~~
صباح الذوق كله
:)
دندش شنو هالقصيدة؟
تينن تينن
مالنا حجي عقب مسفر
انا سرحت بكل كلمة
صج عجيبه القصيده
مشكورة..هذي احلى نقصة صراحة
:**






mamlo7a-q8tya
~~~~~~~~~~~~~~~~
هلا بالملح كله
هلا بحبيبة قلبي انا
:**
يا عساج دوم مستمتعه مستانسه
:)














why me
~~~~~~~~
وي اسم الله على قلبج
!!
انا بعد ابي
مالنا الا مريم نور
ودي ادق اشاورها قبل لا احب
بس اخاف ادق تقولي :
حبج القرادة
بس باللبناني
لووول

esTeKaNa يقول...

najmah
~~~~~~~~~
يا صباح الوله
:**
صرت اكتب البوست لاهداف
واحد اهدافه اشوف رقه احساسج بتعليقاتج
انتي ثروة يا نجمه
تعليقج اجمل من البوست
:*








shaLaLat
~~~~~~~~~~~~
ياهلا بشلالات
!!
بالضبط انا نفس حالتج
وامي موجوده طول الوقت ويا رفيجاتي
بس تسافر
شي يخليني انربط بالبيت
حاله طبيعيه
:Pp~










lawyer
~~~~~~~~~
أنا اشهد
:)

esTeKaNa يقول...

حلم جميل بوطن أفضل
~~~~~~~~~~~~~~~~~~~
الله يعافيك
لا تشكرني على واجب
هذي عادتي ...احب الناس تستفيد من الدروس اللي اعطيها
:Pp~









PURG.
~~~~~~~~
اسم الله عليك
اي قصيدة؟
بعدين ماحط قطاوة انا
انطرهم ايوني نقصه منك
:Pp~










لؤلؤة
~~~~~~~~
حلت دنياج
:)












q8i blogger
~~~~~~~~~~~~~~
واللله لك فرية
!!
وينك من غير شر؟
صج البلوق وكل البوستات فقدوك
:)

esTeKaNa يقول...

artful
~~~~~~~~~
انا اقول كلامك عدل وفوق العدل
والحب الشريف العفيف هذا اصعب شي بالدنيا الحين
وبعدين ليش تسئلني انا
اسم الله عليك انته افهم مني بهالسوالف
:Pp~












Terkwaz
~~~~~~~~~~~
يا سلام
شنو هالكشخة
شنو هالاسم اليديد
:)
الله يا زين الشتا
انا ولهت على الشتا واحبه
واستانست ان البوست عطاج هالانطباع
حياج الله











joy
~~~~~
هلا هلا
اشهالتان شنو هالحركات؟
:Pp~










DILLI O MILLI
~~~~~~~~~~~~~~~~
اسم الله عليج من الشوك
:*
السفر واقع
بس تذكري
البعد هو بعد القلوب
لا ما تباعدنا الدروب
الدنيا ما تغير وفي
مهما فيها نتوه
:)
الله يحفظ لج كل غالي تحبينه

esTeKaNa يقول...

FSKARA
~~~~~~~~~
يا هلا ويا مرحبا
هذي الساعه المباركة
وحلت دنياج قولي امين
:)










Simpolah
~~~~~~~~~~~~
اسم الله على قلبج
!!
يا عسى قلبج بالفرح دوم متهني
شكرا على تعليقج
ونسني
:)












dreams
~~~~~~~~~
حلت دنياج
!!
لا توصين حريص
انا فعلا..حيل بعيده
:)

esTeKaNa يقول...
أزال المؤلف هذا التعليق.
esTeKaNa يقول...
أزال المؤلف هذا التعليق.
esTeKaNa يقول...

بنت الشامية
~~~~~~~~~~~~~
ياهلا بشيخة الشامية هلا
عبري عن مشاعرج واذا قرا ابو العيال ارقع لج افا عليج
ابسطها نقول:
اهي قصدها تحبك انته مرة ثانيه
بس
:Pp~
ما تتخيلين شكثر استانس اذا شفت ردج
شكرا من قلبي يا صديقتي العزيزه
:*







ولد الديرة
~~~~~~~~~~~~
LOL
!!
حياك الله









TWEETY
~~~~~~~~~~
ما ينساك أبد قلبي
وهو يا حبيّبي بيتك
:pP~
عاش من شافج
من وين طالعه الشمس اليوم
:)
مجرمه مرة واحده؟
قليل من اجرامكم يا تويتي
:pP~

صج في اشيا مشتركة غير عيدميلادنا؟
وي يا بختي يا بختي
حسيت بالعنصريه وانا اقرا عاشو بنات ثلاثين نيسان
الظاهر يبيلنا رابطة
وبعدين نطالب بكادر

شكو كادر مادري
hehehehe





قلب طفلة
~~~~~~~~~~~~
يا هلا ويا مرحبا
:)
انا اشهد ان يكسر الادمي
صراحة...تعبير يعور القلب
!!
الله يسلمج من الشر
وحياج الله
:)

charisma يقول...

:**