الأحد، يوليو 06، 2008

أسرار عني

أعاني من عقدة الالتزام
اكتب كل يوم بكل اريحية وانطلاق
ولكن..بمجرد احساسي بأني مجبرة على الكتابه
افقد قدرتي على التعبير وتهرب مني كل الكلمات
!!
ذاك تبرير بسيط واعتذار عن تأخري في حل هذا الواجب للصديقتين التين مررتا هذا الواجب علي وهما بصمة منارية والشيخة محمد
فهل قبلتما اعتذاري؟
:)
السؤال:
~~~~~~~~~~~
تحدث عن ست أسرار قد لا يكتشفها من يقابلك للمرة الأولى ..
~~~~~~~~~~~~~~~~~~~~~~~~~~~~~~~~~~~~
أولا:
لم ولن يكتشف من يقابلني لأول مرة بأن لي أي علاقه بالانترنت والبلوقات ولن يكتشف اني استكانة
اعشق هذا السر واستمتع باخفائه بقدر المستطاع
مرات كثيرة كنت بصحبة احداهن تتكلم عن البلوقرز وتسئلني تعرفين هالمواقع؟
واجاوب:
يعني سامعه عنهم
:Pp~
هل ما زال البعض منا يسعى لاخفاء شخصيته بقدر المستطاع
ام ان البلوق اصبح وسيله للتعارف بينا؟
ثانيا:
لا يكتشف من يقابلني لأول مرة ان لي جانب اخر مجنون
منذ صغري كل من يقابلني يعطيني شخصيه البنت العاقل والمتزنة دائما
ولكن القريبين مني من اهل وصديقات يعرفون جانب ظريف ومجنون من استكانة
نعم تلك العاقل تنقلب أحيانا لطفلة متهوره
تغني
وترقص
وتستهبل
وتفصل
وتسولف وتكركر
ولكن بالوقت المناسب ومع الاشخاص المناسبين
نعم لست انا تلك العاقل دائما
:p~
ثالثا:
من يقابلني لاول مرة يعتقد اني طيبة جدا
لست كذلك
!!
نعم انا لست طيبة للدرجة التي تثير الشفقة
اعرف متى ومع من يجب ان احتفظ بطيبتي
وفي أي وقت تخرج انيابي وآخذ حقي بهدؤ
رغم اني اخذ حقي الا اني
ماعرف اتهاوش واصارخ واعصب
!
أحيانا اشعر بأن هناك شئ يغلي في داخلي
واني اريد الانقضاض على من هو امامي وضربه
رغم كل النيران التي تشتعل في داخلي اذا غضبت
ماعرف اصارخ
ماعرف ازف
اعقد النونة ونزم الحلج....بس صوت مافي
بخاطري ازف واتهاوش
:)
رابعا:
اربع وعشرين سنة وثلاثة اشهر
!!
وما زالت خزه امي توترني
:)
أمر يضحكني
كانت وما زالت امي تربيني احيانا بعينها
انطلق بكلام وسط الناس تنظر لي نظرة اعلم بأني قلت شئ يجب ان لا يقال
اكون صامته تنظر لي...اعلم بأن لابد من ترتيب امر ما في ملابسي او مظهري
اعرف عيون امي ...غضبها ورفضها ورضاها
من عنده مثل خزة امي
فديت عيونها انا
:D~
خامسا:
من سنين وانا احاول انقاص خمس كيلوات من وزني لاصل للوزن المناسب الذي اريد
رغم كل محاولاتي المجتهده لانقاص هذه الخمس كيلوات
تأبى وترفض ان ترحل
ياالله كم هي وفيه تلك الكيلوات تقدر العشره والعمر
اعتقد انها اصبحت جزء مني لا يمكن التخلي عنه
ببساطة كأنفي وعيني واذني
من يراني لاول مرة لا يعطيني وزني ولا يعلم بهذه المعاناة
:)
سادسا:
لا يعلم من يراني بأني جبانة
!!
افقد قدرتي على السيطرة على نفسي اذا رأيت قطة
او حيوان يتحرك عزكم الله
ما زلت اذكر ذاك الصباح الجميل وانا ارتدي روب المحاماة وقلمي وامشي بكل ثقه حتى وصلت لباب المحكمة فرأيت تلك القطة التي تتمغط امامي وتخزني
فقدت قدرتي على السيطرة على نفسي وفقدت احساسي بالعالم
رفعت طرف ملابسي لاتحرك بصورة اسرع
وتلفت لاقرب شخص يمر بجانبي:
لو سمحت ممكن تكش القطوة؟
نظر لي نظرة مستهزئه واشعر بانه بداخله يقول كل هالخبه وقطوة تخليج تستخفين
!!
لا يعرف من يراني بأني جبانة لدرجة الشفقة
انتهيت من حل الواجب
:(

هناك 62 تعليقًا:

الخيلاء يقول...

الله الحين احنا عرفنا
;p

انا مثلج شنو يعني المدونات
امم يعني اهما مثل المسنجر

احب اخفي هويتي




يالهوي على الخزه
:)
انواع و اصناف على حسب المكان و الزمان تتلون و تتشكل

الله يخليهم و يخلي خزتهم ولا يحرمنا منها ليما انصير عيايز

hanoof يقول...

مساء الانوار ..
شنو احب كلامج ومواضيعج .. تصدقين انا الوحيدة اللي احس ان ما عندها اسرار بالمرة كلشي اقول واعلم بنات خالتي يسموني الفتانة.. كانوا ما يقولولي اسرارهم بصرحة افضحهم عند امهاتهم .. وحتى بالمشاعر ماعندي اسرار بسرعة تفضحني تعابيري بالفرح والحزن لازم دموعي تنزل :)) وابصراحة احسدج على تحكمج في طيبتج وسيطرتج على غضبج انا الشي الوحيد اللي ماقدر عليه اني امسك نفسي عند الغضب تلاقيني اصرخ واعصب وابجي واكسر "احيانا" بس تصدقين مع الناس اللي امون عليهم ..
لكن شاطرة في المجاملات ما فضح نفسي بالمرة اذا كنت مو حابة انسانة تصدقين استحي ابين لها :))
المهم كانت شخصيتج حلوة واسرارج احلى ..

esTeKaNa يقول...

الخيلاء
~~~~~~~~
ما اعتقد مثل المسنجر
يمكن
مممم
مثل البريد الالكتروني
يعني نوعي ماعرف ايميل عرفتي
:Pp
اخيييه يا الخزه
تدرين يا الخيلاء؟
بنكبر واذا ربي كتب لنا نصيب ويبنا عيال
بخز بنتي وبدودها
وبنعيد الزمن
:)))
اميين يارب

صبا يقول...

استكانه شخبارج

خوش بوست
وعرفنا جانب مخفي من شخصيتج الجميله

وانا بعد مثلج ما حب احد يعرفني من البلوق ومن خارج البلوق

اذا احد سألني عن عالم التدوين اضحك باستهبال وارد عليه من صجك انا ايميل ما عندي ؟؟؟

؛)))))))))

شسوي احب احتفظ بش بسيط من خصوصيتي
والبلوق جزء من شخصيتي
ومابي احد يطلع عليه
:)))

والنظره الثاقبه صج تهز هز
انا من الصغر أخاف من نظرة عيون أمي وخصوصا اذا كانت معصبه اوإذا مو عاجبها الوضع

شخصيتج مميزه يا استكانه
حلوه وفيها تلقائيه
؛))

تحياتي وتقبلي مروري الاول
وسامحيني علي القصور
وواحد شاي بالنعناع وصلحوااا

تحياتي من قلب
:****

صقر قريش يقول...

كلامك قبل الجواب نفس الحالة أنا المزاج يتحكم فيني بطريقة لاتتصورينها احيانا وأنا اكتب تدوينة جديدة افقد الإحساس بالرغبة في الكتابة فأحفظ الموضوع بالمسودة وأعود متى ماعاد المزاج.

اما عن واجبك فأنا لا احب أن يعرفني أحد لكن هناك من المدونيين وغير المدونين من يعرفني شخصيا ويعرف من هو صقر قريش خارج المدونات لكن هناك أشياء في نفسي لن يعرفها أحد حتى زوجة المستقبل طبعا لايعرفها إلا الله .

أما عن الحركات الجنونية فقد قال احد الحكماء من اراد الإستمتاع فعليه ان يجرب الجنون للحظات لكن المهم حسن اختيار الوقت :) آنا مينن أمي :)

عن نفسي أنا طيب لكني سريع الغضب لم أضرب في حياتي إلا ربما شخص واحد وكان سائق صديقي حيث كنت قد اظطررت للرجوع من الشاليه مع صديقي وكان عمري 18سنة رجعنا مع السائق صديقي وعائلته الكريمة (على نياتهم مساكين) والسائق كما يقولون مستأسد عليهم يعني اذا شاء ان لايطيعهم فعل بعد عناء وترجي من صديقي له وافق أن يوصلني الى بيتي لكنه غدر وذهب الى بيت صاحبي لأنه متعب(قواة عين)بدأ الدم يغلي عندما لم يوصلني غلى البيت وسبب لي مشكلة واحرج صديقه وكانت الساعه الثانية عشرة ليلا اتصل صديقي بأبيه لينزل ويكلم السائق ولافائدة وأنا ساكت احتراما لهما وهما يترجونه حتى اغراه والد صديقي بالمال فرفض وأنا دمي يغلي فلم أسيطر على نفسي فمسكته من صدره وجعلته يتكأ على السيارة وتوالت صفعاتي على وجهه تلثمه ذات اليمين وذات الشمال فأنقلب هذا الأسد إلى قط وبدأ يترجاني وهو يبكي (كلاس بابا آنا يودي آنا يودي ) كانت فضيحة في الحارة ذلك اليوم أتصل بي صديقي بعدها وقال(زين سويت فيه بردت جبدي فيه) قلت له إذا لم تستطيعوا السيطرة عليه فلماذا لم ترحلوه!! هذا السائق للعلم لازال موجودا أذكر إني كنت في جمعية اليرموك فلما رآني تصدد وذهب لمكان آخر كأنه لم يرني أتوقع أنه تحسس على وجهه متذكرا صفعاتي له :).

الله يخليلج امج ونظراتها بصراحة آنا خفت:)احسن طريقة للتعليم المهذب هي لغة العيون وماشاء الله تجيدها والدتك حفظها الله.

استكانة تخافين من القطوه!! شوفي آنا ذكرتها موضوعي وأنتي قريتيه آنا ما أحب القطاوه بس ياني أموت على تخويفهم آنا أمشي على البحر الصبح واشوف القطاوه قاعدين على الصخور أقرب يمهم أخرعهم بس في وحده فيهم وعندها عيال كل ما أقرب يمها تيي تتلزق فيني مادري شتبي شدعوه أواطنها بس لزقة عنزروت :).

ماقصرتي اختي استكانه حتى بطريقة حل الواجب مبدعة ماشاء الله عليج

Blog 3amty يقول...

عمتي تعرفج تقول ؟

darkness يقول...

صبحج الله بالخير

شطوووره

10 \ 10

حليتي الواجب كله

;p

JooJ o MaJooJ يقول...

9aba7 el kheir :*
heheh etha7aktene 3alla khazat elwaladh ambeeh thakartne eb khazat obooy 3aleeh khazaah wedy a9awerha ;p
asrarech etwanes bas et9adgen mahma el ensan egool anna katha o ana katha mo dayman ekoun 9a7 lana el nas ehya elle etshofna e7na manshof nafsna 3adel :)
wanna nafsech 5 killos mo rathya ath3afhom etyeen nashfe6??? :p
best regards jooj

ARTFUL يقول...

أولا
يمه منج من أولا
من تحت لي تحت أم السواهي والواهي
أخاف انتي مرتي وانا مادري
لا أشوه مرتي بعدها بالجامعه
;D

ثانيا
هذا شي مهم في البنت
لانها لازم تكون تكانه وسنعه ورزّه
(عدة التخطب ولفت النظر من قبل خالات المستقبل)
;p
وعلشان تعوض هالكبت ، لازم تكون فصله مصرقعه مع أهلها وبعض رفيجاتها

ثالثا
والله يستر من ثالثا
البنات تلقاها ذيج الرزّه والسنع والطيبه ولو وحده تطب منهاأي شي عااادي تقول لا عادي تفضلي

تدخل البيت تشوف اخوها اللي طول عمرهم نجرة وصيحه مع بعض
قاعد يلعب بأغراضها

ترااااااااااااااااااااااااااا

بنفش الشعر تنقلب العيون حمرر وأنيابها تكبر وأظافرها تطول وتصير حااده
وتنتتتتفه لما تاخذ حقها وبالأخير الوالد طال عمره يكمل عليك ويخليها ليييييييييييييييش

;p

رابعا
ذكرني بعمتي ام مرتي الله يخليها
ههههههه
لان عندها اربع بنات فأشوف فيها هالشي
فالنظرات الجانبيه الخارقة وحده بوحده

لو يوصل عمرج 60 بتبقين بنت أمج الصغيرونه بعينها
الله يخليها ويخلي أمي وجميع الامهات

=)

خامسا
الحااااااااااااااال من بعضووووو بس انا قررت اني أدش نادي عيزت من هالجم كيلوو
آآآآآآآآآآه مليت
;p

سادسا
في كلمتين يفهمهم الحيوان مكرم القاري والسامع ;p
ووجدت هالكلمتين للحيوانات اللي نشوفهم كل يوم تقريبا
القطاوه والطيور
تتت و كشش

شفتي قطوه او عتوي شكبره قوليله تتت
ما سمعج نزريه راح يروح

شفتي طير او ديايه قوليلها كشش بتقولج انشالله
وبسسس
ليش هالعباله وتجوين هدومج ودبجه بهالشوارع والا تحكرين عمرج لما العتوي يوخر
تالي تدخلين

الا قطو واحد الله يذكره بالخير سير على فريجنا سنه من السنين
يقولج كان عور ويهجع
يمر بالشارع أدق له هرن يلتفت علي ويرد يكمل مشيه
مره كان منسدح على الطوفه ومدندل ايده ويحركها يمين يسار
شفته جان أصفق الباب حيل علشان أنقزه
عمك أصمخ
أبد ما نقز وفز
رفع راسها شافني جان يرد ينسدح
مسخرنيييييييييي
أحس لسان حاله يقول
هذااا انت
شوي شوي بنام

@@

بس مادري وينه من زمان عنه

قرقت واايد تحياتي لج اخيتي صاحبة الأسرار الست

=)
مالي خلق اراجع السموحه اذا في أخطااااء

lawyer يقول...

ههههههههههههههههههههههههههه

ههههههههههههههههههههههههههههه

لي الحين اموت ضحك
لما اتذكر سالفه

هاو هذي اشلون اعرفتني !!

ههههههههههههههههههههه

تبوووووووووووون فلافل؟؟
زززززززعتر

Purgatory يقول...

link

;p

غير معرف يقول...

وأخيراً خلصت البلوق بالكامل قريته

حصلته قبل أمس بالصدفة (أو بالأصح ربنا كاتب) وما قدرت اتركه لين خلصت المواضيع كلها

استمتعت

شكراً يا اسكتانة

violinist_q8 يقول...

تضحك سالفة القطوة وقراءتج للكلام الي بقلب من كش القطوه لول :)

موشرط تكون ضحكة استهزاء لكن فعلا موقف مضحك

DanDash يقول...

استكانة الخزة هذي علامة مسجلة عندنا لوووووووووووول

بس و الله يا زين الخزة

Noor يقول...

:)

استكانه حبيبتي

تدرين اكره الواجب ولا احب اسوي واجب وكله أجأل الواجب
ومرات ودي اكتب و اهم اعيز
مرات عندي سوالف و ابي كتب مواقف بس تدرين
اكتشفت انه في ناس اتعرفني تقرا ويمكن اتعرفني من سوالفي
وانااحب اكون خفيه اكثر و اكثر
مادري من زمان كنت اقري بالمدونات و مرات احس اقري نفسي فيها
بس الحين دخلت هالعالم
وحاشتني حاله كسل ورباده مو طبيعيه
كله اسولف مع نفسي حتى مرات ارد علي كومينت و انسي اكتب ردي
:\

في سوالف براسي لا تعد ولا تحصي ودي اكتبها ودي اقولها
بس إذا قعت علي الاب انسي شنو اقول اطير كل الكلمات ومرات اكتب كلمه عربي كلمه هندي كلمه انجليزي و لازم بدليات عشـان صج الي كاتبها نـور
:pPp

وتبين الصج ترى احب شخصية استكانه
بكل حالاتها
:)
وايد هذرت عليج ولهت عليج
:*

وعفيه علي الشطوره الي خلصت الواجب

دمتـِ بحب
:)

Sn3a يقول...

يابختج خيتي استكانه
انا بنيه وحده بالجامعه درت
والقروب كله درا
بس يستعبطون

بالنسبه للجانب الثاني باستكانه
تدرين بكل بنت رزينه جانب فري
انا اغلب الناس صادو الجانبين فيني
ومرات اصير مينونه بوقت غير منااسب جداا!

بالنسبه للطيبه
احسنلج
عشان لحد يتجرأ ياكل حقج
او يفكر ان ياكل حقج لمجرد انج مسكينه وعلى نياتج ومالج حس

لوول استكانه
ضحكتيني بخزة امج
عيل تدرين امي فيها طبع اهيا نفسها ماتعرفه
لما نكون بين جمعه
وانا اتكلم
تطالعني وتبتسم جني ياهل توني ابدي اتكلم
والمشكله ان امي نفسها ماكانت تدري
وكانت تعلق على باجي الامهات لما يشوفون بناتهم ويبتسمون


اما بالنسبه لصفه الجبن
انا ما انقز من القطاوة
بس بيني وبينج
انإرف من اي كائن حي
استغفرالله احس اوس وس على نظافتهم وجذيه


خوش بوست
يعطيج الف عافيه

Najmah يقول...

1
لوووووووووووول
يتني الضحكة
أمس مريت بحالة مو طبيعية
قاعدة بالعرس بروحي اللي معاي فجاة اختفوا
قولي شسويت
اتأمل الناس واحلل شخصية كل وحدة
هذي يلوق عليها عندها بلوق
هذي مايلوق عليها
هذي احسها راح تكون فلانة
وهذي احسها راح تكتب جذي
بدعت حددددي
بس تصدقين..مر الوقت بسرعه
:Pp


2
انا اعتقد ان كل انسان مهما كان عاقل
لازم يكون في جانب الجنون
^_^


3
هذا المطلوب
طيبة لكن بحدود تحفظ نفسي
على طاري الصراخ
ماحبه ولا اتمناه بيووم
تدرين شنو اكره شي عندي الصراخ
من يوم كنت صغيرة وانا اخاف من الناس اللي تصرخ
!
تلقيني بالمدرسة اذا الابلة صرخت على بنت يتعكر مزاجي طول اليوم
ولما الحين اذا سمعت احد يصرخ ينقمت قلبي :\
مهم وايد الانسان ينفس عن انفعالاته
بس مو بالصراخ :)


4
هههههههه
الله يخليهاا لج ويخليج لها يارب
:*


5
لووووووول على قولتج تقدر العشرة
:P


6
آآآآآآآآآآآآآآآآآآه
القطوة وما ادراك ما القطوة
:(
رفيجاتي تعقدوا مني
توني ادري في ناس مثلي
اشوه يعني انا طبيعية
!!

Fahad Al Askr يقول...

أربعة وعشرين سنة ووزنج زايد خمسة كيلو وتتحلطمين

عقب الزواج واليهال لا زاد وزنج شبتسوين؟

ShLaLaT يقول...

لووووووول استكانه في اشياء ضحكتني


وعلى سالفه البلوق

احس كل وحده شكلها كتومه عندها بلوق لوول

والله استكانه مره انا قاعده بعرس
ودخلت بنت كنت شايفتها بالصالون وكانت قاعده يمي
شكلها بريئه وصغيره وتلبس عباة

دخلت العرس شكلها كان يينن مشاء الله
جان اقول يمكن هذي استكانه ؟؟

لوول مادري ليش


وايد مرات اصادف بنات اعرف اشكالهم بس ما اعرف اساميهم
اقول بقلبي يمكن هذي استكانه ؟؟ نجمه ؟؟ لوول وايد البلوقات مأثره فيني



وعلى سالفه الخزه

انا ابووووووووووي اللي يخز
وخزته تصروعني
لي درجه ان ولد عمي شكبره مره قالي تخافين من خزت ابوج ؟؟؟ لوول
قلتله شوف صج اني عايشه معاه طول عمري
بس للحين اخاف من خزته !!؟



ادري طولت بس ولهانه عليج :)

حسام بن ضرار يقول...

اعرف متى ومع من يجب ان احتفظ بطيبتي
وفي أي وقت تخرج انيابي وآخذ حقي بهدؤ
رغم اني اخذ حقي الا اني
ماعرف اتهاوش واصارخ واعصب

-------------------

للأسف البشر اللي بجتمعنا عبالهم اي واحد هادي و دبلوماسي انه ردي و طيب و مقصه

بينما الواقع يقول العكس

اثبت الناس على المصائب هم المحتفظون برباطة جأشهم

charisma يقول...

هههههههههههه
ونااسه كلهم مو اسرار عندى
هههههههههه
استكانه لا تحقدين على بليييز
:))))

وعلى طارى الخز انا عندى خاله لى يومج نخاف من خزتها
:))

احسن تربيه عندى تربيه الخز
راقيه الصراحه واحس الام صج ربت صح
:)

الله يحفظ اميمتج

وعن شخصيتى بالبلوق واايد احس متعه بحفضها وان محد يعرفنى
وايد مستمتعه باخفائها الا بالدوام
://

فى وايد يعرفونى
:(((

لؤلؤة يقول...

استكانة-مو نجمة-
زين حليت الواجب...
والخرعة هذي ماتروح لي كبرنا !!!
:)

Mamloo7a Q8ia يقول...

طلعت الاسرار طلعت
هههههههه
اكتشفنا جانب جديد من شخصيتج
:))

تصدقين الظاهر الخزه منتشره بين الامهات او صفه اساسيه في شخصيتهم
انا للحين اخاف من خزة امي
هههههههه
بس مو مثلج اذا صار عندي بنت
كلش ما راح اخزها كلش
;p

PearL يقول...

انتي مثلي بوايد ااشياء


وايد

AseeL يقول...

عقدة الالتزام وآه من عقدة الالتزام...

لو كان لنا أن نعقصها لبعض من امور ومهام...

لو كان لنا أن نفكها في بعض الأمور والهموم والقصص والحكايات ومنها يتحرر كل ما فينا..!..

!لو كان....


ما صارت اسرار خلاص :)

DiLLi O MiLLi يقول...

يا حلاتج والله
:)
تدريين أنا للحين عندي جانب مجنون
أحب أسوي مقالب بالناس
من صغري وأنا شيطانه .. وللحيين
لوووول

(((( تخرج أنيابي !! ))))
ماااا أعتقد حتى أن عندج أظافر من أساس
:)
بس تاخذين حقج .. أنا مؤمنه بهالشي .. ولا جان ما كان ميلوج للمحاماة
والحق اللي ينوخذ بصراخ ومهاوش هذا موو حق
عرفي أن اللي يصارخ هذا أنسان ما عنده حجه فيصارخ ويتهاوش
بمعنى : خذوهم بالصوت تغلبوهم

شنوووو عبالج 24 سنه يا حبيبتي
أنتي للحين صغيرة وخزة أمج راح تضليين تخافين منها حتى لاااا عيّلتي وعيالج طولج
والخوف هذا مال أحترام للأم .. هذي أمج اللي تحبج وتخاف عليج من الهوا الطاير
أمك ثم أمك ثم أمك ثم أباك
عسى ربي يحفظها ويخليها لكم



الله يحفظـــج حبيبتي


:*

esTeKaNa يقول...

hanoof
~~~~~~~~~
مسا الهنوف والله
:)
حبتج العافية قولي آمييين
لا لا تقولين عن نفسج ما عندج سر
!!
اكيد عندج سر وتحفظينه للقراب منج
بس يمكن طبعج عفويه باحساسج وواضحة وتعابيرج وملامحج تفضحج
:)
ولو سمحتي لا تحسديني على تحكمي
بنفسي
باجر اصير شرارة
hahahaha
الاحلى مرورج الجميل
حيالله الهنوف

:pP~

esTeKaNa يقول...

صبا
~~~~~~
ياا بختنا يا بختنا
زارتنا البركة يا صبا
تو ما نور البلوق
:)
عيل ما عندج ايميل؟
نفسي
انا للحين عندي صندوق بريد
:Pp~
تصدقين صبا حتى هالجانب البسيط المخفي في ناس قاعد تتدخل فيه ومو مخلينا براحتنا
مو شرط اخفائنا له لان قاعدين نسوي اي تصرف خاطئ ،بس لان ببساطة جانب من خصوصيتنا
!!
والله يحفظهم امهاتنا امهات الخزات الحلوين
:D~
حلت دنياج يا صبا
لا تشوفين ويهي الابتسامة من هني لي هني
وايد فرحت بمرورج
حياج الله لا تقاطعين
:)

Barrak يقول...

كما توقعتك

esTeKaNa يقول...

صقر قريش
~~~~~~~~~~~~
ياهلا بالصقر
:)
عندي وعندك خير
المزاج للاسف لاعب فينا لعب
!
وااي شنو هالسااااايق
هذا معزب وشيخ عند روحه مو سايق
زين سويت كسرت شوكته
:)
وحياك الله يا الصقر
استمتعت بقراءة تعليقك

esTeKaNa يقول...

blog 3mty
~~~~~~~~~~~~
تعرفني؟
انا من زمان شاكة ان عمتي عندها بلوق
يمكن عمتي اهي عمتج
:D~









darkness
~~~~~~~~~~~
صباحج سكر
:)
الف الحمدلله
ما ارضى باقل من العشره
شكرا يا ابلة
:Pp~

esTeKaNa يقول...

JOOJ o Majooj
~~~~~~~~~~~~~~~~
صباحكم ورد
:*
تخيلي نصور خزات امهاتنا وابهاتنا وننزلهم بوست
heheheheheh
وليش نشفط؟
اذا انتي يهونون عليج
انا ما يهونون علي
كافي ارتباطهم فيني وتقديرهم للعشره ومو راضين يروحون
Pp~
حياج الله

esTeKaNa يقول...

ARTFUL
~~~~~~~~~
(1)
هههههههههههههههههههههه
لا تعليق
!!
موتني من الضحك يا ارتفل
شدراك يمكن عندها بلوق بس انته ما تعرفه
تكتب فيه شكثر تحبك
بس تستحي تقولك
:Pp~
(2)
هههههه
هذاك اول هذي عدة التخطب
راحت هالموضه السنع الحين
يبون البنات المطاييير
:pP~
(3)
لا عاد حرام عليك
هذا يسمونه انفصام بالشخصية
هههههههههههه
شدعوة جذي
هذا اخيها وعليه
!!
(4)
الله يحفظ والدتهم ويبارك لها ببناتها ويرزقها برهم
واللهم امين
:)
(5)
نفس القرار بس مؤجل حاليا
:)
(6)
هني ما اقدر اعلق
غشيت من الضحك
ههههههههههههههههههههه
ههههههههههههههههههه
ماكو فايده فيني
كش
تت
كل المحاولات سويتها
اول من ينحاش انا موالقطوة
:)))
الله يحفظك ويوسع صدرك يارب

esTeKaNa يقول...

Lawyer
~~~~~~~~
هههههههههههههههههههههه
هههههههههههههههههههههه
ممممممممم
زعتر وفلافل؟
كنا بحديقة بحولي
مو بمناسبه اجتماعيه ابدا
طاح البرستيج بالقاع
:Pp~

esTeKaNa يقول...

PURG.
~~~~~~~~~
تغط تغط
وتالي تتنقص علي هالنقصات
@@
ليش صاير شرير؟
:pP

esTeKaNa يقول...

anon.
~~~~~~~
البلوق كله؟
صراحة صراحة
يعطيك العافيه :)
وشنو انطباعكم؟









violinist-q8
~~~~~~~~~~~~~~~
تبي الصج؟
كان محامي وقامت ضحكته
واللي يضحك صج
ان بمجرد ما مصدر الخرعه الا وهو القطوة تنحاش ارد حق وضعي الطبيعي
ويرد البرستيج والسمت
يعني نقدر نقول انفصام بالشخصيه
أعاني منه

:))

esTeKaNa يقول...

dandash
~~~~~~~~~~~
يا مسا الدنادش والله
هههههههههههههه
عاد اذا خزونا نتدوده نكسر الخاطر
بنات سنعات مسنعات
يهال الحين ما يخافون يكاسرونج
:)










noor
~~~~~~~
هلا بالنور كله هلا
:)
اللي تمرين فيه حاله طبيعيه صدقيني
ياما مريت فيها ولي يومج تييني حالات امل ما اقدر ارد حتى على الكومنتس ولا اكتب شي
!!
تبين نصيحتي؟
اي شي يطري في بالج كتبيه مثل ماهو من غر ترتيب
كتبي حق نور قبل كل الناس
وما راح تحسين باي احساس بالالتزام اذا كتبتي حق نور
:)
منو اللي هذر؟
افا عليج بس
هذا بلوقج ومكانج
حاطين هالاستكانة ونسولف انا وياج
:*
ولهت عليج العافيه يا الغاليه

esTeKaNa يقول...

sn3a
~~~~~~
يا مسا السنع كله
:)
انتي عبالج ماحد يعرفني؟
للاسف في بنات يعرفوني
بس ولله الحمد كلهم بنات قراب مني حيل
!!
صح ..انا بعد مرات اين بوقت كلش غير مناسب،او استحي بوقت غير مناسب
مادري شنو هالحاله
:)
واي يا زين اميمتج
يا بعد قلبي قلبها
فرحانه فيج وبكل كلمه تقولينها
الله يحفظها لج يارب
وحياج الله

esTeKaNa يقول...

najmah
~~~~~~~~~
نجمة الكل
حبيبة قلبي
اشلونج؟
تدرين فقدتج
:**
(1)
تخيلي وانتي سرحانه وتطالعين
واحده تسوي لج بيدها باي باي
نجمه شوفيني شوفيني
انا استكانة
ههههههههههههههههههه
لو كنت رايحة عرس جان شكيت
بس كنت في بيتنا
:Pp~
(2)
طبعا
للجنون لذه لا تضاهيها لذه اخرى
:(
(3)
سبحان من خلقج وخلقني
جني انا اللي كاتبه هالكلام
نفس الحاله بالضبط
!
(4)
امين واجمعين
(5)
شسوي اريد حلا:(
(6)
اذا انتي مو طبيعيه
منو اللي طبيعي
:)
طبيعيه لا تحاتين
:**

esTeKaNa يقول...

Fahad al-asker
~~~~~~~~~~~~~~~~~~
راح اكتب بوست
:Pp~







Shalalat
~~~~~~~~~~~~~
هلا بالشلالالات كلها
:)
اهم شي قولي لي
عسى البنت تدش القلب وحلوة؟
اذا اي انا
اذا لا مو انا
:Pp~
هههههههههههههههههه
وترا صج انا مريت وايد بهالحاله
بس تدرين متى؟
اول ما حطيت بلوق
مع الوقت لا قمت افصل ،احس اني عايشه عالمين عالم البلوقرز
وعالم حياتي الواقعيه
:)
الله يحفظ الوالد
اصلا هالخزه مثل ريمونت التلفزيون
تحكم عن بعد
هههههههههههههههههههههه
ولهت عليج العافيه يا بعد قلبي انتي
:*

esTeKaNa يقول...

حسام بن ضرار
~~~~~~~~~~~~~~
شكرا على هذا الرد الجميل جدا
التحكم بالنفس ميزه
افقدها احيانا
واحاول بقدر المستطاع المحافظة عليها
:)








CHARISSMA
~~~~~~~~~~~~
هههههههههههههههه
اسرار لمن يقابلني اول مرة
كلش مو انتي
انتي خلاص تعرفيني عدل عدل
:)
وايد راقيه تربيه الخز
يسمونها التربيه عن طريق التحكم عن بعد
مثل الريمونت مال التلفزيون
:pP
نحاول اخفاء الشخصيه
ولكن مرات تصير اشيا غصبن علينا وتنكشف
والكويت هالكبر
!!

esTeKaNa يقول...

لؤلؤة
~~~~~~~~
هلا باللولو
:)
اي والله ما تروح





مملوحة كويتية
~~~~~~~~~~~~~~~
هلا وغلا بالملح كله هلا
:**
الظاهر موديل الام لازم تخز
:Pp~
اكيد ما راح تخزينها؟
انزين الايام بيننا
:))

esTeKaNa يقول...

PEARL
~~~~~~~~~
عاش من شافج
!!
استانست اني مثلج باشيا وايد
انتي تقرين
وانتي ادرا
:)











Aseel
~~~~~~~~
لو كان بيدنا الامر
ما كنا نشتكي هم
!!
اكيد ما صارت اسرار
انا ويني وين الاسرار وانا مجابله هالبلوق
:)

esTeKaNa يقول...

dilli o milli
~~~~~~~~~~~~~~~
ياهلا وأمية هلا
ويا رحب وأمية رحب
:**
حلت دنياج قولي آمييين
واااااي يبيلنا بوست مقالب دلي
كيفج فكري فيها وكتبيها
وبنكون بالانتظار
:)
وشدراج ما عندي اظافر؟
هههههههههههههههههههه
ابوي عقدته اظافر طوال
من يطولون شوي حط دوبه دوب اظافري
فحفاظا على مشاعره ما اطولهم وايد
:Pp~
وانا معاج
صاحب الحجة والمنطق ما يحتاج صراخ
وبو خبة اللي بس يصارخ انسان ضعيف ويبي يغطي ضعفه
!!
دللي بس قريت انتي للحين صغيره
قلت يالله
يالله
الحين تقول زبوطة النقعه
بس ما قلتي
اشفيج
هههههههههههههههههههههه
هههههههههههههههههههههههه

وصاجة..اخاف من خزه امي
بس اقدرها
واقدس حبها
ولا عندي اغلى منها عندي
الله يحفظ امي واميمتج وكل امهاتنا يارب
:***

esTeKaNa يقول...

Barrak
~~~~~~~~~
أتمنى ان توقعاتك كانت جيدة
:)

JooJ o MaJooJ يقول...

هاهاهاها إهونون ثم يهون ثم يهوون قطيعة مايبقى مساج أو رياضة ماسويتها أو ماكو فايدة :p
مشكورة على نفسج الحلوة إنتي او باقي الأخوان امرحبين فينا دايما كونا أنا
أو ماجووج يدد عالساحة أو داشين ابقوة;D
jooj

مـــــي يقول...

انا كمان اخفي هوتي او بالاحرى ماحد يعرف انه عندي بلوق
ما اعرف ليش ممكن لانوا المشاعر الي نطلعها احيانا احسن لو تكون لاحد ما نعرفه احسن من الي نعرفه

انا نفس الشي الناس تشوفني العااااقل ورزينه لكن الجانب الثاني :o
الكل ينصدم مثل ايام المدرسه بس ممكن لانوا انا برجي ميوان و شوييييه متناقضة

ARTFUL يقول...

آآآمين

ملاحظة
آرتفل داش البلوق المسيان
;p

Kuw_Son يقول...

الله يخلي لج الوالدة ..

خوش معلومات .. :)

غير معرف يقول...

anon.
~~~~~~~
البلوق كله؟
صراحة صراحة
يعطيك العافيه :)
وشنو انطباعكم؟


حمدت الله إنك في يوم قررتي تكتبي
بإذن الله، في النية قراءة المدونة القديمة

ممكن أشكرك مرة ثانية؟
شكراً، مدونة ممتعة جداً

وجوابي للجملة اللي اضطريت أقراها بأكثر من بوست، واللي تتأسفي فيها على انك مللتينا: لا ملل ولا شي منه

يعطيكي العافية
كملي دربك
والله يوفقك

حلم جميل بوطن أفضل يقول...

قطعني يالأريحية

ما أعبر

Mok يقول...

الشق الاول اعاني منه

:) اني مجبر على الكتابة

ولد الديرة يقول...

خوش اسرار

لكن معقولة جدا ترى

ادري فيكم معظم البنات تخافون من الحيوانات

انا من كثر الحيوانات اللي حولي ما قمت اخاف

mtfa2el يقول...

خمس كيلوات ؟
دوري على المنطقة ركض
ولا دوري مكان في جلابة - عزج الله - و خل يهدونهم و انحاشي
عشر كيلوات يروحون الله وكيلج

5roofa يقول...

استكاااااااااانه اشتقتلج والله

و امبيي اشتقت لسويلفااتج سامحيني من زمان مو زيارتج

تصدقين انا الحين في قرار لوول انه اخفي نفسي كبلوقر ولا اظهرا و حدي ضايعه مرات اقول مافيها شي لي عرفو انا منو و مرات ودي اكون مختفيه محد يدري عني شي

تسلمين على البوست معنه معروفه انتي الطيب كله خيتوو

salamz sis...

Nescafé يقول...

استمتعت وانا اقرا الواجب
واعرف عنج هالشغلات :)

bernard n. shull يقول...

hi mate, this is the canadin pharmacy you asked me about: the link

على نفسها جنت براقش يقول...

سرى حبى فيك غامض
سرى حبى ما انكشف

:)


صوتى حلو؟

simploh يقول...

يازينج استكانتي العزيزه !
أحلى 6 أسرار ..
أسمحيلي على هالغيبه بس ماخليت شي
ماقريته .. كل شي قريته !
24 عشرين سنه .. وحتى 50 سنه
بتظل خزة امج تنفضج وتخرعج :p
والأردى اذا مانتبهتي لخزتها..
جاني مسج منها واحنا قاعدين بنفس المكان تأمرني فيه " أني أصك حلجي"
هههههههههههههههههههههههه !
ومسج ثاني مطرشتلي فيه "سمبل يالـ .. سكتي " وطرشته حق رقم يختلف عن رقمي .. وأشوى طلع هندي :p !
أحبج لما تكتبين بعفويه .. مب ملزومه أنج تكتبين شي غصب !
ياحلو عفويتج استكانه ..
(L)

esTeKaNa يقول...

jooj o majoj
~~~~~~~~~~~~~~
حياج الله هذي الساعه المباركة
ما سوينا شي
خوات عزيزات وغاليات
:)











مي
~~~
ياهلا بمي
:)
فعلا انا اوافقج الراي
لما نكون مجهلوين نعبر عن مشاعرنا بشكل افضل
!!
ياهلا يا مرحبا فيج
















artful
~~~~~~~~~
اكتب البوست اليديد واقول
هذا البوست ما راح ايوز حق ارتفل
بس ميخالف
بوست وترك
قدر مشاعري
ومشاعر اللي يقرون
وتحملنا شوي
:Pp~












KUW-SON
~~~~~~~~~~~
ويحفظ لك كل قلب تحبه
حياك الله
:)









ANON.
~~~~~~~
من أجمل ما قرأت من تشجيع
شكرا من القلب
وحياكم الله
:)











حلم جميل بوطن أفضل
~~~~~~~~~~~~~~~~~~~~
من وين طالعه الشمس
:pP~









mok
~~~~~~
زارتنا البركة
:)










ولد الديرة
~~~~~~~~~~~~~
بردت استكانتك
وفقدك البلوق وصاحبته
!!
من غير شر يا ولد الديرة
والله يعزك عن الحيوانات
:)

esTeKaNa يقول...

متفائل
~~~~~~~~~
ياهلا ويا مرحبا بالتفاؤل والله
!!
اركض بهالحر
ووراي جلاب
ليش هالعذاب ليش
:(









5roofa
~~~~~~~~~~~~
انتي وينج من غير شر
!!
ولهت عليييج وايد
وحياج الله ابلتنا
:)










نسكافية
~~~~~~~~~~~
يا زين النسكافيه من الصبح
:)
يا رب دوم مستمتعه
والقراب مني يعرفوني هذي اتا وهذي شخصيتي
:Pp~






على نفسها جنت براقش
~~~~~~~~~~~~~~~~~~~~~
أنتي بالدنيا قضية
ما تحملها ملف
:pP~
تسئليني انا صوت براقش حلو؟
طببببببببببعا
انا اقول تستريح نوال احسن
:PP~










simpolah
~~~~~~~~~~~~
ياهلا ويا مرحبا
الله يزين بالفرح ايامج قولي آمين
:**
وايد فاقدينج من غير شر
!!
هههههههه
ضحكتيني على الوالده العزيزه
عندي وعندج خير والله
:)
انتي مسك الختام بهالبوست
نورتي

Salah يقول...

اذا القطوة تسوي جذيه!

شلون مع المخلوقات اللي في لندن يتمشون في الحدايق؟