السبت، يونيو 21، 2008

متسولون

جوكلت بار المرينا
~~~~~~~~~~
كان في الايام الأخيرة من فصل الشتاء السابق
نجلس في البلكونه في الجزء الخلفي من جوكلت بار المرينا
نبربس في هالفوندو انا وبنات عماتي ونسولف
لم يقطع سوالفنا الا تلك التي علينا اقبلت
بالطو جلد
ولفه قوس قزحيه فيها كل الالوان:
مساء الخير بنات
!
انا ام لولد فيه الخبيث ومحتاج علاج
اذا تقدرون تساعدوني
انتو بصحة وقاعدين بهالمكان وغيركم مو قادر ياكل ولا يعالج
!!
لأانها كانت واقفه بجانبي تماما
فقد كان انبهاري اكبر من اي كلمه
مع الحاحها شعرت بأن وجهي يحمر
وكل من حولنا يناظر تلك الغريبه التي تكلمنا
كان جوابي لها غبيا:
انا ما عندي فلوس الحين
عندي بس كي نت

!!
شتبين استكانة؟
هل كنت ساضع الكي نت في فمها مثلا؟
وشيط شيط واسحب؟
لا اعلم ولكنتي توهقت تماما
لم ينقذني الا عمتي التي ردتها بطريقه ذربه
شعرت باختناق في روحي بمجرد ان تحركت
اشعرتني بتأنيب الضمير الذي سرعان ما زال بعد ان رأيتها تنتقل لطاوله الشباب بجانبنا
وتتكلم بنفس الانفه والطريقه
وتجمع
النقود من طاوله طاولة
!



جوكلت بار الأفنيوز

~~~~~~~~~~~~~

كان ذلك قبل فتره بسيطة جدا

المكان يعج بالناس وزحمة كالعاده

وكأن جوكلت بار يوزع في بلاش في الافنيوز؟

اغلب الموجودين بنات بنات بنات

وبنسوي رجيم مادري اشلون

:Pp~

المهم

كل مجموعه في طاوله وقرقتهم شايله المكان

ومراهق شكله غريب

مهتمل

وغير مهذب ابدا

!!

يقف عند الطاوله قبالنا

يكلم البنت ويطر

يطر

يطر

عندما اتقنت البنت لعبه الحقران

ضربها بوكس على كتفها بشكل حقود

لم ينقذها الا ذاك الفلبيني الذي سحب الطفل المراهق من كتفه واخرجه

وهو يسب يسب كل شئ

!!!!!


مستشفى الرازي
الساعة الخامسة عصرا
ّّ~~~~~~~~~~~~~~~~~~~~~~
نستهلك الوقت بالبحث عن موقف للسياره
في اثناء البحث يلفت نظري متسوله بين السيارات
ترتدي عباءة مخصره بالكاد تتحرك فيها
تضعها على راسها وتمشي بحركة
بطريقيه
وترتدي نقاب كبر
جف اليد
!!
ما ان اوقفنا سيارتنا حتى جاءتنا تتمخطر:
ساعديني الله يساعدك ويستر عليك
الله يخليك الله يخلي لك عيالك
والله ما عندي فلس لعيالي ولا لعلاج
وبلا بلا بلا بلا
هي تتكلم وانا اناظر حاجبيها الطايرين بالهوا
وعينيها التي لم تحرك في قلبي شي
هل انا قاسيه؟
لا اعلم ولكن....لاول مرة افكر بشئ عملي
اخرجت ورقه وقلم وقلت لها:
انا مستعده اساعدج عطيني عنوانج وانا بتوسط لج عن لجنه خيريه
ويمشي لج معاش شهري
وايد اعز لج من المشي واستعطاف هالناس؟
خزتني وسكتت
ثم بدأت شئ غريب.....تكاسرني عين بعين
لا تتكلم
ولا تغمض عينيها
للحظات طقتني البوهه،اهي تخزني وانا اخزها
لم يوقظني من تلك اللحظة الا سحبه امي لي:
يا بنيتي امشي مالج شغل فيها فكينا
هذي شكلها يخرع
!!
عندما سمعت هي امي سئلتني:
انتي تشتغلين بلجنة خيريه؟
جاوبتها:
لا بس قلت لج اقدر اتصرف عطيني عنواانج اذا تبيني اساعدج
!!
جاوبتني:
انا ما عندي سياره انا جايه بتكاسي
رديت:
انا ما قلت لج اشلون يايه
انا اقولج عطيني عنوان سكنج

!!
صرخت بوجهي:
انا ما عندي عنوااااااااااااااااااااااان
دزتني وتحركت بطريقه سريعه واختفت بين السياير
أخيه يا طقتها على جتفي عورتني

!!





اعلم...ان هناك كويتين يعيشون بيننا
في مناطقنا
وحولنا
لا يملكون قيمة الخبز
ولكن...عزة النفس والتعفف عندهم اكبر من ان يطلبوا شئ من احد
!!
هؤلاء يستحقون فعلا من يساعدهم
اما هؤلاء المتسولون
والمنتشرون بكل مكان بشكل غريب
لا يثيرون بنفسي شفقة
نعم لا ننهر
ولا نكسر قلوبهم
ولكن شئ في قلبي يستنكر حتى اسلوبهم في السؤال
وهم منتشرون بشكل غريب
مرينا
الافنيوز
المستشفيات
جمعية الشامية
واكثر من جمعية
!!
اشعر بتأنيب الضمير عندما اتجاهلهم وامشي
ارضاء لضميري اصبحت كثيرا مااتكلم معهم
حتى الاطفال منهم
شسمك؟
وين عنوانكم؟
وين اهلك؟
ليش ما تشتغل؟
فاذا كانو فعلا يستحقون المساعده
فأنا اعتقد انهم بحاجة لمساعده تبتدأ بمساعدتهم بالترفع عن هذه الطريقه بالسؤال
!

هناك 88 تعليقًا:

DanDash يقول...

أختي الغالية

حاسة فيج و أتصور كلنا مرينا بهل المواقف
ومن الي شفته الي معتاز و حالته حيل صعبة عمره ما يفكر يحط نفسه بهل الموقف و عمره مايمد إيده لحد
و حتى لما تساعدينهم تحسينهم حيل مستحين منج
هل النوعية أساعدها و ادور لها مكان تشتغل و أسعى لها
لكن الي عندها تعطي التاكسي ولا توصل للمرينا ولا الأفينوز
اهني اشك في الموضوع

الله يفك ضيقة كل محتاج

7osen يقول...

مرحبا إستكانه

صراحة هالمتسولين منتشرين بطريقة مبالغ فيها
أنا بالنسبة لي اي واحد يكلمني منهم قبل لايكمل كلمة أعطيه المقسوم وامشي بسرعة ماحب هالموقف

مرة صارلي موقف معاهم ما انساه

كنت قاعد في المكتب ويالي واحد ريال كبير شكله كويتي لكن لهجتة شكيت فيها كاشخ وشكله محترم
وقعد يقولي انا منحرج منك نسيت بوكي فالبيت وولدي في المطار وسيارتي بنجرت ومستعيل حيل أبي اخذ تاكسي ومحتاج خمس دنانير
انا والله صدقته وعلى طول عطيته
وقالي باجر او بعد شوي تكون عندك

طبعاً ما يا ولا شي
انا شكيت فيه
بعد سنه يمكن يالي ثاني مرة
وقالي نفس الموقف بالظبط وطلبي مني عشر دنانير
والله ضحكت حدي هذا شقولة
عاد شكلة كشخة ، طبعاً قلت له ماعندي وانا منحرج والله
لما راح قعدت اطالعة
والله سيارته ايدد من سيارتي
هههههه

Ducati يقول...

انا بعرف هل اهي صارت حركه يديده من المتسولين انهم يروحون يطرون بالأماكن العامه والمجمعات

يعني الكويت مو مقصره بشي موفره لهم لجان وبيت زكاة ليش اذن يسوون جذي

طبعا الجواب سهل لإنهم نصابين وبس يبون فلوس حق خرابيط

لو انهم صاجين جان ما عصبت لما طلبتي منها عنوانها

QiYaDiYa يقول...

سبحان الله في ناس من عيونهم تحسين انهم صج محتاجين !!!!

و في ناس يطلبون بحقد !
كأنه هذا حق من حقوقهم !

و في ناس يطلبون لان الدنيا اجبرتهم !!

و تحسين من عيونهم انهم مكسورين ..

و لا اردايا تعطين ..

طريقتج في سرد القصص تخلينا نعيش الوضع لحظة بلحظة !!

و موضوعج يخلينا نسأل نفسنا :

هل صحيح ان هذه الظاهرة بدت تنتشر بسبب انتشار الفقر بالكويت ؟
ام بسبب البطر ..
حيث ان الدينار حاليا بالبوك حاله حال الـ100 فلس
فمجرد ما واحد يسأل عطيناه و قام يستغل هالنقطة ..
و اذا خذا من 100 شخص دينار باليوم ..
هذا بعد سنة صار مليونير !!

bin3li يقول...

أتفق معاج جملة و تفصيلاً
أذكر مرة ما أدري قاري الخبر في الجريدة و لا حد مخبرني صايدين متسول رابط على بطنه حزمة فيها مليون درهم!!!

لو ياج يطلب ما عنده مشكلة بالكي نت ، يصرف لج على طول
:P

Najmah يقول...

انا قلبي قام يرااقع
والله خفت تسوي فيج شي
والله من كثر القصص اللي سمعتها تعقدت
تكفين خليهم مالج شغل فيهم
انا حدي اخاف منهم
واكرره اكررره هالمواقف
:(
المرة اللي طافت لما رحت دبي
كنت بمجمع مع اختي
وانا كله تلقيني فجاة اضيع واصير بروحي :\
يتني وحدة طقتني من جتفي
انا مت من الخرعه
سئلتني انتي من اهني؟
قتلها لأ
وقالت لي انها سعودية وقعدت تقول لي قصة شطولها طبعا انا مافهمت شي لأني كنت مخترعة وادور بعيوني ابي اختي
اهيا ماسكتني وانا اوخر ايدها
ومادري شقلت وركضت بسرعه بره المحل
:\
تخيلي
بعد نص ساعة
اختي واقفه تطلب من المطعم
يتني وحدة ثانية طقت جتفي
وانعادت نفس القصة
والله شوي وابجي
وخرتها وركضت حق اختي مسكت ايدها ووقفت يمها
شكلي كان عبيط
بس صج اخترعت
يمكن في ناس صج محتاجة
بس في ناس يبين انها تتسيّح وتستانس على حسابج
احيانا قلبي ينكسر اقول معقولة في ناس تذل نفسها واهيا مو محتاجة؟ اكيد محتاجين
بس للأسف صار واقع
الغنى غنى النفس
وايد تأثر فيني الآية
" لا يسألون الناس الحافا يحسبهم الجاهل اغنياء من التعفف"
من يتغن يغنه الله
ومن يستعف يعفه الله

ومرة ثانية ديري بالج على نفسج
:**

Purgatory يقول...

خلصنا من اللي يسون لج حركات في السيارة، اللحين دور المتسولون

:)

Яeema يقول...

أزيد عليهم

شارع بالجابريه إللي في عيادات
و عند ماكدونالد


+
داخل مستشفى الهادي و عند عيادة الأطفال




+

داخل مجمع الوزارات


كنت أول أحن
الحين الصراحه ما ندر نصب و إلا صج

2cool2care يقول...

ما يزال الرجل يسأل الناس ، حتى يأتي يوم القيامة وليس في وجهه مزعة لحم
اخرجة مسلم

يسأل يعني يطر بالعامية

للأسف هالأشكال بزياده ونقون الأماكن اللي يحرجونج فيها المستشفيات
البنوك
نفس ما ذكرتي

امس كنت قاعد اشتري كتب من حولي لمن طلعت ورحت السيارة ياني واحد مصري وسألني
:)

طبعا السؤال لازم يطرح علي

ان مصري
قلتله لا
انس سوري
قلتلة لا
انت من فين
قلتله امرني
جان يقول من فين اروح القهره يعني الجهره قلتله اووله
قالي مفيش باص يوديني هناك
قلتله شفت المكتبة اللي جدامك مكتبة إيلاف الولد اللي داخل من الجهرة روح قوله ويعلمك
جان يتنح علي
مفيش مواصلات
قلتله ادري روح وقول حق الولد ويمكن يوصلك معاه
تنح جان اخير شي يقولي انا عندي فلوس بس محتاق اكملهم
قلتله روح يمكن الولد ياخذك معاه
قالي ممكن تكملي الفلوس
قلتله الله يعينك جان يمشي

وغيره مره جدام مستشفى الرازي قالي صعيدي محتاج
جان اقوله الله يعطيك من فظله
جان يقولي

الله يسامحك

:)
:)
هذه كانت احلى دعوه يدعيها علي

جان اقولوله اللهم آآآآآمين

:)

على اي حال اختي ماشاءالله فكرتج لمن تقوليلهم عطوني عنوانكم وايد حلوه

ومالج شغل لا تحسين انج امقصره لأن طريقتهم ممنوعة

مره كنت اصلي بكيفان بالمسجد اللي جدام الجامعة بعد الصلاة تكلم واحد وقام يطر طبعا سوى فلم قبل الصلات ان واحد يطالبه ولمن خلصنا الصلاة قال انا ولدي بالجيش وكاشت فيني وانا بس برد ديرتي وما عندي سعر التذكرة
الله يجزيه خير الإمام قاله ممنوع تطلب داخل المسجد


بعد شهر في المنطقة اللي انا ساكن فيها شفته يوم الجمعة بعد الصلاة تكلم بنفس الموضوع بغيت اقول حق الشيخ بس سكت عاد الله يجزيه الشيخ طلع 20 وعطاه


لا تقولين يكسرون خاطرج والله في منهم يملكون اكثر مني


جزاج الله خير

ادري طولت

Selezya يقول...

:( انا دايم يعورون قلبي
ماقدر اسال ولا اقدر اقول لا
اعطيهم لله
سوا صاجين ولا جاذبين
بس جد ماقدر :( عندي هذي اهي الطريقه اللي اقدر اساعدهم فيها

حسام بن ضرار يقول...

فعلاً هالاشكال زايده بالديره

وهاللفو و الغلفج احد اثنين:

يا مقيمين بصوره غير شرعيه او غير محددي الجنسيه

او غلفج و لفو جايين بكروت زياره عن طريق اهلهم اللي يشتغلون بالكويت

اول معاش نزل لي كنت كاشخ و واقف بسيارتي الجديده عند السحب الآلي في بيت التمويل بالخالدية

توني قاعد اسحب الفلوس من دريشة السيارة، ولا وحده بدون مبالغه طولها مترين و عرض الباب لابسه اسود بأسود بوشيه و عباية راس و تطق علي جامة السيارة و تمد ايدها بالدسوس الاسود

انا تلقائيا بغيت ادوس بنزين، حسبتها شخص مسلح

طلعت طراره

بس صج خرعتني لا بارك الله فيها

حمارة قايله

حسام بن ضرار يقول...

نسيت اضيف شغله:

الله لا يحوجنا لغير وجهه الكريم

Noor يقول...

:)

يا حلوج يا اأستكانه ويا حلو سوالفج

والله ذكرتيني بنفسي لمي اتوهق مرات وايد ينقص علي تدرين

ولا احب اشوف احد يبجي
واخر شي يطلع
هالبجي فيلم سينمائي يستاهل الأوسكار بالنسبه لي
:p
اذكر وحده أذتني بالعمره و اهي اتحن ومره تمسكني بأيدي
تخيلي و انا اخليها تتكلم و اتخلص و أقول لها تبين فلوس صح
اتقولي ايه
اقولها لها بسيطه
استغفري و ربي يرزقج ان شا ءالله
أناااقول لها هالحجي و الله أني ماشفتها علي طول مشت
ولا كلمت كلامي اصلا
استغربت
و الله يهديها الصراحه

ومره موقف بعد جذي هم وحده بالبلوكات انا بالمحل و اهي تنطرني عند الباب
و تلحقني
جان اقول لها استغفري و ربي يرزقج
هم قبت ماشوف إلا اغبرتها
:)

انا و الله يكسرون خاطري و يتزايدون برمضان حتى مرات ينطرونج عند السياره

بس ماعمري شفت بالأفنيوز الصراحه
ولا ابي اشوف
واتمنى انه اتقل هالنوعيات
و اتوقع ان للجان الخيريه ماتقصر في هالموضوع و اهل الخير بعد
و تبين الصج في فئات صج محتاجه بس متعففه و ربي يرزقها من عنده
:)
والله يفرج كربهم ان شاءالله و يرزقهم

والله يعطيج العافيه علي هالموضوع
:*

مُحَسّدْ يقول...

هؤلاء ان صح التعبير مرضى وعالة على المجتمع

هناك فرق شاسع بين المحتاج فعلا ومحترف النصب

charisma يقول...

مرت على هالنمونه
تحوس فى مواقف المستوصف
رايحا ضغطى نازل وحالتى حاله تعباااااانه وهذى تلحقنى مت خرعه هاو هذا شتبى كلش استكانه ما توقعت انها طراره عباة مخصره وريحت العطر فايحه منها وما عتقت صبغ الاظافر
ونقاب وتوقفنى
جان تقول محتاجين فلوس نسفر اخوى للعلاج فيه كانسر
اهى اتكلم وانا اطالع حواجبها الطايرييين فوق
واقول بقلبى يا ربى مو شكل محتاجه هذى !!!
قتلها الله يشافيه ويعافيه بس ما عندى فلوس
جان تقولى روحى سحباى انا انطرج عند السياره
تخيليييييييييييييييي
حقرتها ودشيت المستوصف طولت !!يييت الا اهى عند السياره لالا ما اصدققققققققق
ما ابى اعطيها جان اقولها ناسيه بوكى اختى وخرى انا تعبانه
ركبت سيارتى ومشيت افكر فيها
شهالموديل بعد !!!

ray يقول...

واي استكانة ذكرتيني بسالفة صارتلي قبل سنة

كان حر وايد و رايحة مشرف آخذ بنت خالتي و راجعة بيان معزومة عالغدا

أول ما وصلت عند الجمعية جان ياهل يوقف بنص الشارع يوقفني

أنا ميت من العطش و اليوع و أخواني الاثنين توه خذوهم الشرطة و سحبوا سيارتنا و انا ما عندي حتى أرجع البيت , عندي هالكم كرتون رقي و بطيخ اذا تبينهم الله يخليج

و يقعد يبجي ... انا هني بلعومي قام يعورني جان أقول له عطني كل اللي عندك , ماكو بس عطيته الفلوس جان اتيي سيارة مرسيدس حمرا و يطلعون منها اثنين يسئلون الياهل , ها بعت كل شي ؟ حط الكراتين بسيارتي و راح وياهم

انا هني مت من الضحك , ما قدرت أعصب لأن أشكالنا أنا و بنت خالتي كانت اتضحك و احنا كل وحدة فينا تمسح عيونها من الدموع و ساكتين كاسر خاطرنا

صج مافينا حيل

عقبها خلاص توبة , قمت أسوي نفس طريقتج , الورقة و القلم و أسأل و ولا مرة لقيت جواب

5roofa يقول...

looooooool

مت من الضحك على الي تكاسرج استغفر الله صج شر البلية ما يضحك

:/

امبي ليش قامو يطقوون؟؟؟

انا تبين الصج الحريم وايد يووولي منهم نماين ماقمت اصدقهم

بس لي يالي ياهل ولا شايب ريال كبير ما اقدر الصراحه قلبي ينكسر عليهم

الحمدالله على النعمه الي احناا فيهاا

salamz sis...

violinist_q8 يقول...

هالشي انتشر من فتره طويله وللاسف تكلموا عنها قلت ورجعت انتشرت
مشكلتي توصل للسذاجه ، لما تشوفين اي شخص القلب من المره الاولى يا ترتاحين له او لا مع هذا حتى لو اشوف واحد او وحده مو مرتاح لهم هم اعطيهم
برمضان قبل سنتين شفت ايراني يمشي مثل المعاقين جسديا و يتكلم مثل المعاق عقليا ..من اول ماشفته قلت هذا ممثل مع هذا عطيته وبعدها باسبوع او اكثر بشوي كاتبين عنه بالجريده طلع صج ممثل .

والاطفال منهم هذول مستحيل اردهم مره كنت بالمباركيه اتمشى جان اشوف واحد واخته الصغيره يبون فلوس بس مايتكلمون يوقفون جدامك و يطالعونك والله يكسرون الخاطر عطيتهم اثنينهم ... وبعدها بجم ساعه وانا طالع من السوق هم يولي مره ثانيه وو عطيتهم !

ومره واحد بالاشاره يبيع مرشات و بخاخ عطر مادري شنو اسمه كسر خاطري وشريت منه ..تشجيعهم على البيع حلو احسن من ان يطلبون من الناس كان سعر العطر دينار عطيته مبلغ اكثر وكان بيعطيني العطورات كلهم لكن ماخذيتهم كانت نفسه عزيزه احسده عليها الله يوفقه لدرجه بيدخل الجيس غصب بالسياره لول رفعت الجام و سكرت على ايده بالغلط مسكين لول

** طريقتج بطلب العنوان وايد حلوه وذكيه بس والله قهرتني الي بالرازي والي بتشوكليت بار الافنيوز لو معطينج العنوان مال تبلغين عنهم والله

الحافظ الله

Lonsome يقول...

ضحكتيني اضحك الله سنك يا استكانه على الكي نت هههههه

والله يا عزيزتي منتشرين بشكل مقزز بالكويت

مره من المرات وحده حنت لين قالت بس فوق راسي عن ظروفها و حالتها و زوجها المريض المقعد في البيت و عيالها الخمسه و ام زوجها التعبانه

قتلها ما يجوز لج تمشين و تسالين الناس و انتي حرمه و قادره و بصحه ماشاء الله
اشتغلي و مهما كان شغلج بيكون حلال و الحلال ربج يبارك فيه و بيغنيج رب العالمين
مع دمعتين كان ردها بان الشغل ماكو الحين و من بيشغلها و اهيه لا شهاده و لا واسطه و الموال المعتاد
قتلها خلاص انا اشغلج و لا انج تطرين و عطيني بياناتج و رقمج
ردت لا جزاج الله خير انا بس ابي الحين مساعده ابي ادفع الاجار و اييب الدوا
قتلها اذا على الدوا باجر ادزج حق ناس عطيهم التقارير الطبيه و بيتكفلون ان شاء الله بكامل العلاج
و انتي ما يصير اسبوع ان شاء الله الا متوظفه

قالت يعني انا بالله لو بتوظف جم بيعطوني 100 200
و بيوظفوني وظيفه كد حمير !!!

قالها احسن لج من الطراره !

كان ردها : اووووووووووووووه و عطتنا مقفاها و مشت

ARTFUL يقول...

زييين رد يشتغل

انا مثلج ما ا‘طيهم وأجسي قلبي

لأن وااايد منهم خذوها عاده أكثر من الحاجه

وايد من البنغاليه يأجرون لبس البلدية علشان يطرون فيه

واايد ناس حراميه

وبالنهاية هذي ظاهره سلبية بالمجتمع المتحضر يجب أن يقضى عليها
ما أقصد نقضي عليهم ونذبحهم لاااا

أقصد التبرعات لها لجان تجمعها وتوزعها على من يستحق مع توفير الكرامه لهذه النفس الانسانية

شلون الويك ان من غير غبار؟

الشمس حنانية!! الغبار أرحم؟
;p

عسى السل راح والهم انزاح وزالت كل الجراح ومسحنا الحزن مساح واللي بالقلب طاح والحاسد من القهر صاااح؟

;D

|:| DUBAI |:| يقول...

س س س السلام عليكوووو

: P

بعد جبدي .. نفس الاحساس

هاي الفئة لابد ان تحارب

يقولج كنا نعطي واحد دوم حذال بيتنا

صدقات .. و ريال عود شايب

و لا شفتيه اتقولين صدق عوار قلب

بعدين اكتشفنا ان عنده بنايات و عمارات

:S

تخيلي انتي بس

!!

lawyer يقول...

انا اخاف منهم..
قطيييييييعه اشكالهم تخرع ,,

بس كلا اذكر و اما السائل فلا تنهر..

بس ما يحن قلبي عليهم كلش ..

مرااااا وحده منقبه .. طقت الباب .. قالت حق ابوي انا جارتكم .. المدام موجوده .. دخلها ابوي مايدري..

انا بالصاله

يييييت طايره قالي ابوي تعالي في حرمه زايرتكم..
قلت له هووووب هوووب وين داشه

قالت انتو جذي تعاملوون الجيران !!
قلت لها ايييييه تعالي طلعي برا عند الباب تفاهمي !..

قلت لها انا اعرف كل جيرانه انتي منو
قالت اانا سعوديه ماجره يمكم

قلت لها وين اماجره ؟؟

و عند منو هذااااا الفريج كله اهلي ..
و حققت وياها .. ولافه على الفريج كله قاصخ عليهم..

قلت لها لوسمحتاي انتي مبين عليج يايه في كرت زياره ,, و تلفين و جذي انا بدق على 777 الحين ..
اشووف شنو قصتج..

ممكن بطاقتج المدنيه
خوووووو ماجرين اكيد في اثباات..


المراااااااااا قظبت الباب و اهي تسسسسسب و تدعي علي..

ماوطوطت الفريج مرا ثانيه


لازم احنا نحد منهم .. في ان نكون حازمين و حذرين وياهم

بسسسسسسسسسسسنا غباء و تعااطف

Blog 3amty يقول...

لا حول ولا قوة إلا بالله، أهي كل المشكلة أن الواحد يخاف يظم واحد محتاج بجريرة الطرارين اللي مو حتاجين، يالله الواحد يطلع صدقاته وزكاته على ناس يدري أنهم محتاجين، واذا ياج من هالأشكال، قوليهم الله يعطيج

:S

SNOW يقول...

حاولنا مرة مع مجموعة من الشباب انحلل مثل هالحالات ( الطرارة ) لقينا اغلبها مو كويتين مع احترامنا لكل الجناسي بس اغلبهم ينتمون الى دولتين ( سوريين ومو اي سوريين بدو سوريا وميزتهم اللهجة سهلة يسون نفسهم بدو الكويت ويلبسون نقاب مثلهم عشان ماتعرفهم لأنك بتصادفهم بكل مكان جمعية مجمع مسجد الخ.... والجنسية الثانية يمنين يا امه مسوي حادث وعليه دية يا يبي يسوي عملية في مرض يعني شيئ يفشل قمنه نشوفه بعد كل صلاة واحد يطر صار عادي واليوم اللي ما يطلع فيه احد يطر صار مستغرب لا وبعد الحين ياي شهر رمضان يعني بيزيدون لأنه اييون بكرت زيارة يجمعون الفلوس من الناس اللي بحسن نية يعطونهم ويسافرون بعدها وفي واحد يقولي انه قعدت وحده من هالمنقبات اللي يطرون وماعطاها ويه قالتله انزين اشرايك ......( لاتعليق ) الله يستر عليها وعلينا

6MASHAH يقول...

عدت والعود احمد

استكانه مشتاااقه لبوستراتج منزمان ماقريتهم

لويه امتحانات الفاينال وبارجيلي تخرجت ودعنا الدراسه

تصدقين استكانه اني اتابعج من كنت برابعه متوسط

ايام بلوقج القديم ياحلوه
ولاا ردودي تنعد على الاصابع هههههههههه

استكانه عندي لج خوش فكره ليش ماتكتبين ع يوم تخرجج من الثنوي وايام رابعه ثنوي "مستانسه بعمري"

المهم
الطراره صارت فن بالديره ذكرتيني بمصر
رحت ويا عمتي واخوي وكنت غشيمه اول مره اطبها و ماعرف سوالف الطراره عندهم

عند وحده من الاشارات اتذكر كانت تحت الكوبري...الدقه مطلوبه

يانا ياهل جنه طقه عيالنا حزت القايله واهم رادين من ملعب الكره اجلح املح و كنا مبطلين الدرايش نبي هوا ولا ينط من صوبي لزقت بعمتي قالي والنبي اديني اي حاجه جان عمتي تقوله ناد ربعك واعطيك اميه جنيه قال ماعنديش احد يا حجه شبت الاشاؤه خضره

بلا مبالغه يا استكانه تعلق بالدريشه التكسي يزفه ومسك شيلتي قمت اصارخ
قاعده اقوله والله ماعندي فلوس وعمتي واخوي غشوا من الظحك وماهد الدريشه يود فيها والسياره تمشي لين وقف التاكسي ويا بينزله جان ينحاش

هاذا موقف من مواقف الطراره وجم مره ازفيت والسبه اني كريمه او غشيمه
هاذا بمصر بس بالكويت

مره رايحين للرابيه لخوالي هاذي السالفه يوم كنت بالابتدائي عاد عليج الحسبه
ولا فيه شايب واقف على الرصيف عند اشاره مقبره صليبيخات وشكله يعور القلب ،ابوي وقف له ووصلناه على طريجنا

ومن هالسالفه انطبعت بعقلي فاحب اساعد الناس

وقمت كل ما اشوف احد يبي توصيل اقول لامي خل نوصله على دربنا
واتدقر بمكاني هههههههه

هذرتي ماتخلص

الله يكون بعون كل محتاج
ويفك كربه كل عاني

6MASHAH

ARTFUL يقول...

اخيتي
آخر جملة أتوقع في شي غلط

تبتدأ أتوقع غلط
المفروض تبدأ

مو متأكد انتي قولبيها وشوفي

المهم لا تنزلين هالتعليق شطبيه

=)

ClOuDs يقول...

استكانة

ذكرتيني بموقف صار حق أبوي الله يحفظه: يقول مره و عقب ما انتهى من الصلاة بالمسجد قرب يمه شخص من جنسية عربيه قال حق ابوي انه عينه وايد تعبانه و يحتاج يسوي عمليه بس العملية تكلف وايد و هو ما عنده فلوس لإجراءهالعملية فانكسر خاطر ابوي عليه و قاله عطني اسمك و انا راح اقول حق صديقي و هو طبيب عيون انه يجري لك العملية مجاناً و كان أبوي جاد بالموضوع و قاله تعال اليوم الفلاني بالمكان الفلاني عشان يسويلك العملية و ترتاح و قام أبوي و كلم صديقه و قاله راح اييك فلان اليون الفلاني عشان تسويله العملية المهم يوم صار اليوم الموعود انطروه وايد بس ما يه المهم بعدها بجم شهر كان ابوي يصلي اليمعه في مسجد غير عن ذاك ما وعى الا هاللي نط بويهه الا منو.. الطرار نفسه أبوي طل بويهه قال بقلبه هذا هو النصاب نفسه التفت عليه ابوي قال له خير جان يعيد نفس الاسطوانه اللي قالها قبل جم شهر .. المشكله ان ابوي ذكره بس اهوا ما تذكر ابوي.. المهم قاله ابوي تذكر ذاك اليوم يوم قلت لك عطني اسمك و انا اتصرف جان يطالعه و يقول لا ما اذكر و يوخر...!!
من عقب ما قال ابوي هالسالفه و انا ما اصدق اي شخص من هالنمونه.. حتى اللي يسوون روحهم طرمان و يعطونج كتاب ادعيه و غصب دفعيله فلوس.. هذيله -استغفر الله- احس انهم نصابين من قلب.. و على قولتج اللي محتاج فعلا عنده الجمعيات الخيريه تارسه الديره.. و وايد سمعنا عن اللي ايون بكروت زيارة حق الطراره يطرون و يمشون و شوفي جم يحوشون.. كله نصب و كذب عالناس

ما أقول الا لا حول و لا قوة الا بالله و الله يرزق كل محتاج و يديم علينا نعمته يا رب ...

~FaHaD iN MiND~ يقول...

fe ba3ath'hom y3awron il gulb o fe ba3ath'hom tkhafeen menhom o ybayen enhom chathabeen .. bs 9a7 ana waid yalfton nathari el me7tajeen bs ma yes'loon wala y6roon t7esen seej fehom 3ezat nafs o hathela eli yest7qoon ena il wa7ed ya36ehom sadaqa .. o ham asta'3reb men eli etha ma 3a6etehom o ysbon o ysarkhon o yad3oon !! kho mo elzamii hatha mo farth etha il wa7ed bya36i bya36i men nafsa bs mala da3i yad3on 3aleh o madri shno

Sn3a يقول...

استكانه
انتي قلبج ابيض وشفاف
مو قاسي ابد

لان الناس اللي ياو يطرون
غالبا عندهم
او خلصو اللي عندهم بخرابيط

اما المساكين
اهم متعففين ببيوتهم
مايروحون اماكن مايقدرون على مصرفها مثل جوكليت بار المرينا ولا الافنيوز
والدليل مع اني ماحبه ..فيديو خالد عبدالجليل عن الطراره ام اللكزس

اليهال اوكي يسكرون الخاطر
اما الكبار
سوري مايدشون عقلي



وبالنهايه ربي يرزق كل من محتاج
الحمدلله على كل حال

darkness يقول...

مساج الله بالخير يا استكانه

انا دايما اقول ان هالديره فيها خير

و اهلها يحبون الخير و يحبون يساعدون

و اهل الديره اولى من غيرهم

بس في ناس نصابه

و يبين انهم نصابين

الله يحفظج و يحميج و يقدرج على فعل الخير

Shaima'a Alkandari يقول...

اى في اللى يبطون الجبد

مروا على وايد من هالنمونه

بس تدرين ساعات مايكسرون خاطرج بس اهم شي نيتج واهم عند ربهم يتحاسبون

لاحول ولاقوة الابالله

ياما في ناس محتاجين مايطرون قاعدين وناطرين الفرج من ربهم

esTeKaNa يقول...

dandash
~~~~~~~~
هلا بالدندنش والله
:)
صاجة والله عدل كلامج
بعضهم من عزه نفسهم يعورون قلبج
وبعضهم سبحان الله نفسهم دنية
الله يعافينا مما ابتلاهم فيه يارب
واللهم امين

esTeKaNa يقول...

7osen
~~~~~~~~~~
ياهلا ومرحبا حسين
:)
انا مثلك ماحب هالموقف
وكنت اتحاشى حتى النظر في عينهم
مادري شنو صاير فيني هاليومين
!!
واي من صجك حسين؟
اول مرة راح اسامحك
بس ثاني مرة ما اسامحك
ليش ما بلغت؟
واي سيارته ايدد من سيارتك وانته معطيه عشره
مو حراااام يا حسين
عشره هذي اقل شي حق كشخته
!!

esTeKaNa يقول...

Ducati
~~~~~~~~~
عدل والله كلامج
!!
تدرين ترا ايا كان الانسان وحاجته صعب جدا تكون نفسه رخيصه بهالطريقه هالشي منتشر ومستجد بشكل كبير
الله يهديهم يارب
ويقضي حاجة كل محتاج يارب

esTeKaNa يقول...

قيادية
~~~~~~~~~~
ياهلا ومرحبا بالقيادية والله
:*
اسم الله عليج الرحمن الرحيم
صاااااجة يا قياديه
يبين من العين
!
في عين من المها ما تقدرين تطالعينها
وفي عين تستنكرين وقاحتها وحتى طريقة سؤالها
!!
انا مو قادره اقتنع ان السبب الفقر بالكويت
ولاني قادره القى سبب مقنع
عندنا بيت زكاة
وعندنا لجان خيرية وايد
ليش يحطون روحهم بهالموقف والشي ما كان منتشر من قبل بهالطريقة
!!

esTeKaNa يقول...

bin3Li
~~~~~~~~
كل هذا بالحزمة
!!
والله ممممم جنها خوش شغله
:pP~

esTeKaNa يقول...

najmah
~~~~~~~~
هلا بالنجمة الغالية
ما شفتي ويهي يوم شفت تعليقج
واي طار قلبي
!
كنت قاعده اقول بخلص وبكتب لج ايميل اطمن عليج اشوة اني شفت تعليقج الحمدلله
:**
واي اسم اله عليج الرحمن الرحيم
صج يخرعون
الله يحفظج يارب
ومرة ثانيه انتي ديري بالج على نفسج
:)

esTeKaNa يقول...

purg.
~~~~~~~
بسم الله
!!
انته من وين طلعت
بس حق الشماته
:Pp~

esTeKaNa يقول...

Reema
~~~~~~~~
اوه اماكن يديده
صج اماكن ام
:Pp~
اي والله ريما ما ندري من صجهم ولا لا
الله يرزقهم على قد نيتهم
!

lwatan-ajmal يقول...

طيبه القلب مو لازم كل مره ترا ديري بالج النماين هذي وايد عندنا

reema يقول...

والله ما أدري شقول أظحك والا أتحسر على حالة الي جذي وتفكيرهم

والله اني أعرف ناس محتاجين لأبعد الحدود سبحان الله لكن متعففين لدرجه مو طبيعيه
وسبحان الله يقدون ويشتغلون وربج رازقهم
ومره واحد تبرعلهم ب 200 دينار
سبحان الله شنو عصبوا وازعلوا وما رضوا قالوا الحمد لله ربي رازقنا
واهما محتاجين حييل

بس صج عزة النفس شي ضروري

الحمد لله يارب على النعمه


إستكانه
أحب أقولج انتي وحده طيبه
ما أدري معني اول ما قريت نك نيم مدونتج دشيت عبط وأقول بنفسي بشوف هالبنت مثلا شنو بكون مدونتها فراغه بس
لكن صج ما أدري شقولج لكن صج حبيتج
^_^
موفقه
آسفه على الإطاله

L. يقول...

استكانه,
اللي بالشارع، بالمجمع و لا بالجمعيه او بأي مكان عام يهونون... اللي يدخلون البيت اهم اللي تخافين منهم.. هابين لج هالايام يدورون عالبيوت و خدمنا من تييهم وحده تقولهم انا صديقة ماما دخلوها و ضيفوها

الله يعطيهم على قد نيتهم
و لا يحوجنا للسؤال مثلهم
:)

Flowera يقول...

الموقف اللي قلتيلها عطيني عنوانج تصرفج عين الصواب لان بعضهم قام يسوي هالحركه واهوا مو محتاج

وصاروا يطقون الباب ويطرون

مره كنا طالعين نتمشى عالبحر ووحده قاعده عالكرسي يم يدتي وتقولها انا فقيره وحالتي حاله
والمره معاها سايقها وخدامتها
وشلون فقيره !!
الله يغنينا يارب ويبعد عنا وعنكم السؤال ويبعد عنا وعنكم هالاشكال

ولد الديرة يقول...

اول شيء

الحمد لله الذي جلعنا نُسأل ولا نَسأل

يعني انا عندي فكرة حق هيئة الشباب والرياضة

وينكم عن هذول اللي طايحله تبقس بالعالم

سووا لهم فريق ملاكمة وصرفوا لهم معاشات

بس تبين الصج

ترى مهنة الطرارة تكسب ذهب

بس فيها سلبية وحدة

انها تخلي اللي يمتهنها يحتقر نفسه

من جذيه تشوفين الحريم والبنات اغلبهم مغطين ويووهم

فعلاً اغلب هذول نصابين ولكن ما اظم من الجائز نهرهم او التقول عليهم

يزاج الله خير وماقصرتي وبعدي عن الفوندو

شنو الفوندو اصلا
!!

الخيلاء يقول...

مساء الخير
ولهانه علييج

و مستانسه بتعليقج عندي
من زمان مو مارتنا
ترى غيرت المنيو
قمت اقدم

الاسكا كيك و عصائر طازجه

لا تقاطعين ترى لج فريه شكبرها :)


و بالنسبه للموضوع

هذيل ينطبق عليهم
ان لم تستحي ففعل ما تشتهي
و بعد طرار و يتشرط

و الصراحه ما احس بالذنب اتجاهم
الانه احسهم يستغلون طيبتنا
و يعتبرونها غباء

اللجان ما تقصر

:)

esTeKaNa يقول...

2cool2care
~~~~~~~~~~~~~~
يا هلا ويا مرحبا باخوي العزيز
يزاك الله خير على الاضافه المثريه
والحمدلله قالك الله يسامحك
في واحد بمصر يطر
ابوي حقره
قاله رووح ربنا يفتح لك عجل
تصدق مشينا خطوتين ولا تاير السياره يبنجر
:)
ويزاه الله خير الامام
احنا مو ضد المساعده
احنا ضد اسلوب الطلب والاحراج في هذه الاماكن في من طريقه نقدر نساعدهم
!!
ما طولت
هذي الساعه المباركة

esTeKaNa يقول...

selezeya
~~~~~~~~~~~
ياهلا ويا مرحبا
اي اهم شي النيه
تعطينهم ونيتج رضا رب العالمين
واهم حسابهم مع ربهم
!
يزاج الله كل خير

esTeKaNa يقول...

حسام بن ضرار
~~~~~~~~~~~~~
تحليك منطقي جدا
والدليل حسام كل ما اقولهم عطوني العنوان يتنحشون
!!
واي حسام
لو انا مكانك وهالطراره تطل بويهي
يمكن اعطيها الكرت اهي تسحب
وعلى راحتها اذا ودها تعطيني اهي المقسوم
:Pp~
اللهم آمين

esTeKaNa يقول...

noor
~~~~~~~
هلا بالنوركله
حلت دنياج قولي آمين
:)
اسم الله عليج الرحمن الرحيم
خوش ردود صراحة
رد ما يتوقعونه عشان جذي يمشون بسرعه لان ماكو رد يردونه
!!
انا بعد اتمنى نقدر نسيطر على هالظاهره
صراحة يعز عليج تشوفين ناس توصل بهم الحاله لهدرجة من الانكسار والطلب
:(

esTeKaNa يقول...

محسد
~~~~~
أوافقك الراي
:)

esTeKaNa يقول...

charissma
~~~~~~~~~~~
واااااااااي
تقولج سحبي ورجعي لي
@@
ترا هذي مو طراره
هذي وقاحة
!!
اسم الله عليج من الشر يا بعد قلبي انتي
وصج انا يلفت نظري شكل اللي يطر
في ناس ما تكسر الخاطر كلش والله

esTeKaNa يقول...

ray
~~~~
اهلا وسهلا
:)
وااااي يا بعد قلبي قلبج انتي وبنت خالتج
اتخيل اشكالكم والدميعات تصب صب
!!
بس زين لازم ننقرص عشان نتعلم من اخطائنا

esTeKaNa يقول...

5roofa
~~~~~~~~
اي والله الحمدلله على النعمة
!!
لا خروفه مرة ثانيه واحده تحوشني بكس
برفسها على طول
:Pp~
عاد انتي يا بعد قلبي ماكو قلب كلش
اكيد ينكسر خاطرج

فريج سعود يقول...

مسكتني وحدة عند الاميري مرة تقول لي تطر بالشعر والنثر قطيت القير قري ولا جنها موجودة
لا تعورين راسج وياهم

ShLaLaT يقول...

اخيتي استكانه


انا كنت مثلج
بس ابوي منعني من اني اكلمهم
وارد عليهم

قالي في اماكن وايد يقدرون يطلبون منها المساعده اذا كانوا فعلا محتاجين

طبعا المفروض انهم يدورون لهم على شغل
لان مذله النفس عيب
وعمر بن الخطاب رضي الله عنه منع هالظاهره بعهده

بس اذا كانوا مثلا كبار بالسن هني يطلبون المساعده من اللجان الخيريه
ومشاء الله هاللجان ترس الديره

والمفروض يكون التعامل بالسر
عشان الواحد تكون عنده عزه النفس
وما ينزل روحه لأحد

الأغرب من هذا
المتسولين يزيدون بالرمضان مادري ليش


اذكر الرمضان اللي طاف قبل الفطور بشوي .. دقت جرسنا وحده منقبه
واحنا عندنا كاميره عند الباب نشوف اللي واقف بره

رديت عليها قالتلي منو ؟؟
قلتلها انتي تبين بيت منو
قالت ابي صاحبة البيت
قلتلها آمري في شي ؟؟
قالت فتحي الباب

قلتلها آسفه بس منو معاي ؟؟
قالتلي انتي وين امج ؟
قلتلها مو موجوده
قالتلي انزين طلعيلي
قلتلها آمري ؟؟الصراحه خرعتني حسيتها بتتهاوش
قالتلي عندكم ولا لا ؟؟
قلتلها آسفه اختي ما عندنا !!؟
جان تسبني خوش سبه :) لوول
وراحت تدوس على الورد !!؟

شفيها الحبيبه !!؟

صقر قريش يقول...

ياكثر الطرارين للأسف الرسول عليه الصلاة والسلام قال بما معناه(لأن يأخذ احدكم حطبا ويعمل به خير له من أ، يسأل الناس أعطوه أو منعوه) طبعا هذا ليس نص الحديث بالظبط لكن يؤدي إلى المعنى المطلوب هؤلاء يذلون أنفسهم يشمتون الناس فيهم ولايهمهم هذا الشيء لكن في المقام الأول يغضبون الله وهم أيضا لايهمهم هذا.

سامحيني اختي إستكانة مارديت عليج بالبوست الي طاف وتأخرت بالرد بهالبوست بعد بدت اللوية مع التعليم العالي (إلي أشوفهم يتدللون هالأيام:) ) لكن موضوع قيم لج جزيل الشكر وبالتوفيق لج أديبتنا.

esTeKaNa يقول...

Violinist-q8
~~~~~~~~~~~~~~
ياهلا ويا مرحبا
:)
طيبة القلب مو مشكله
انته نيتك سليمة
وهم ربهم حسيبهم
!!
واي عورني قلبي على اليهال
اي في يهال تحس بعيونهم كسرة ما يهنا لك قلبهم تردهم
غير اللي ينظر لك بحقد ويراددك جنك مجبور فيه ومغصوب تسوي له شي
الله لا يحوجنا لاحد
الحاجة ذل الله يغنينا من فضله
:)

Kuw_Son يقول...

ما بقى إلا يحطون مكاين
Knet wireless
في جناطهم و يتمشون .. و اللي يرد عليهم م ثل ردج و يقول ما عندي كاش .. يردون عليه :

بسيــــــــــــطة .. نقبل
Knet !!!

فعلا في أشكال عينهم قوية .. فوق شينهم قواية عينهم ..

أحسن شي تمر على عمال النظافة اللي يلويون بهالقايلة و تعطينه نص و لا دينار .. و اسأليه أول شي .. انت مسلم؟

حتى لو كان مو مسلم .. بس راح يعرف ان المسلم له قيمة ..

و عطيه المقسوم :)

esTeKaNa يقول...

lonsome
~~~~~~~~~~
ياهلا ويا مرحبا
عسى الضحكة دوم يارب
:)
والله صج جذي رديتو عليها وقالت اووه
!!
يعني شوف العيز
اي اشتغلي وتعبي كلنا نتعب عشان نعيش بوضع يناسبنا
صراحة عفيه عفيه على هالرد
اي جذي نبي ردود ومساعدات قويه تبرد القلب لا يستغفلونا
!!
بهالطريقه نساعدهم اكثر من مساعدتنا لهم بجم دينار وبس

esTeKaNa يقول...

artful
~~~~~~~~~~~
ياهلا ويا مرحبا بأرتفل
:)
والله عدل كلامك
لازم هالظاهره تختفي ونحلها بطريقه احسن من هالجم دينارين اللي نعطيهم اياها وبس
!!
والله الغبار طلع ارحم فينا من هالشمس اللي تخترق الجلد وتدخل لي العظم
الحمدلله على كل حال
ومامن هم والله
انا بخير يا عساك انته وكل من تحب بخير

esTeKaNa يقول...

dubai
~~~~~~
هلا بدبي
:)
بنايات وعماير؟
يا سلام عليه
جنج قاعده تقنعيني بمهنه غير مهنتي
:Pp~

esTeKaNa يقول...

Lawyer
~~~~~~~~~
اي لوير
انا كله اتذكر اما السائل فلا تنهر
مالاداعي نستاثم فيهم
!!
واي بس هذي اللي يت بيتكم تخرع صج
اشوة انج سويتي جذي
جان للحين تحوس
انا عندي اساعد بكاامل ارادتي ما عندي مشكله
بس اكره شي اني احس اني مستغفلة

esTeKaNa يقول...

blog 3mty
~~~~~~~~~~~~~~
اي والله عدل كلامج
!!
الله يحسن نيتنا بس
وحياج الله

esTeKaNa يقول...

snow
~~~~~~
صراحة
اسم الله عليكم تحليل سليم
!!
ذكرتني بواحد بالاوقاف جابلني يقصد
مادري شيقول
شعر شعر
بس اللي فهمته من الشعر انه عليه ديه
والحين يجمعون فلوس هالدية
ولازم اعطيه
وبس قلت له انته من وين وبديت اسئله
اختفي
!!
بس صراحة اللي قالت حق رفيجك...هذي مو طبيعيه ،اخيه بس ماخذين عنوانها ومبلغين عنها
:(

esTeKaNa يقول...

6amashah
~~~~~~~~~~
ياهلا ويا مرحبا
الف الف الف مبرووووك التخرج
ومنها لاعلى ان شاء الله
عسى ربي يوفقج وييسر دربج
راحت مرحلة حلوة وان شاء الله الياي احلى
:)
وسالفة مصر ذكرتيني فيهم
صاجة كله جذي
الله لا يحوجنا حق احد
وحياج الله اختي
:)

esTeKaNa يقول...

clouds
~~~~~~~~~~
ياهلا وأمية هلا
:*
الله يحفظ الوالد
ويزاج الله كل خير
فعلا هذي اهي الطريقة السليمة حق المساعده
الله يرزقه على قد نيته يارب
وحياج الله
:)

esTeKaNa يقول...

fahad in my mind
~~~~~~~~~~~~~~~~~~
ياهلا ويا مرحبا
وااي صاجة
انا وايد اخاف من اللي يدعون
اخاف تكون لهم حوبة
!!
الله لا يحوجنا حق احد
ويغني الكل من فضله
:)

esTeKaNa يقول...

sn3a
~~~~~
هلا بالسنع كله
:*
واي شكرا على الاجابه على سؤالي
خفت يكون قلبي قاسي تصدقين
!!
وصاجة..المحتاج نادر ما يرضى على نفسه
المتعففين اهم الاحق بالمساعده
الله يرزق الجميع يارب
:)

esTeKaNa يقول...

darkness
~~~~~~~~~~
مساج الله بالنور
هلا بالداركنس والله
:*
اي والله ديرتنا ديرة خير
وربي حفظنا بخير اهلها
الله يدوم علينا نعمته
ولا يعوزنا حق احد يارب
:)

esTeKaNa يقول...

shaima alkndry
~~~~~~~~~~~~~~~~~~
اي والله عدل
الله يرزق الجميع على قد نيته
حياج الله
:)

esTeKaNa يقول...

lewatan-ajmel
~~~~~~~~~~~~~~~
شكرا على النصيحة
:)

esTeKaNa يقول...

reema
~~~~~~~
اهلين ريما
!!
ترا في ريما ثانيه بعد
ضيعتوني
:)
سبحان اللله
تلقينهم صج محتاجين وتعز عليهم نفسهم
هذيله صج ودج تساعدينهم



يا بعد قلبي انتي
حبتج العافيه
وياهلا ويا مرحبا فيج ببلوقي وبين قلبي بعد
الساعه المباركة
:)

esTeKaNa يقول...

L.
ّ~~~~~
اللهم آمين
صاجة ..خوفج من هاللي يدشون البيت
جرأة مو طبيعية
!!

esTeKaNa يقول...

flowera
~~~~~~~~~
الله امين
!!
صج وضع غريب
تعودو بعضهم يستغفلونا
وهالشي غلط
انا اساعد من نفسي وكامل اراداتي
بس ما اساعد وانا مغفلة
!!

esTeKaNa يقول...

ولد الديرة
~~~~~~~~~~~~~
أول شي:
اللهم آمين
:)
ثاني شي:
بققت عيوني وانا اقرا هيئة الشباب والرياضه اقول بقلبي اشفيه ولد الديرة
!!
بس يوم قريت اقتراحك صج ضحكت
خف الطينة نعمه من رب العالمين
عسى الله يحفظك
:)
ثالث شي:
يعني بس السلبيه يحتقر نفسه؟
ممممممم
اشوة قلت لي
لاني حسيتك قاعد تحاول تقنعني
:Pp~
ثالث شي:
اخيه يا الفوندو
شي لذيذ
:)

esTeKaNa يقول...

الخيلاء
~~~~~~~
يا مسا الخيلاء
يا مسا الوله كله
:)
يا بعد قلبي انتي
سامحيني يا الغاليه
والله اني مقصرة بحقج وحق الجميع
بس ماكو وقت
حتى الكومنتس مو لاقيه وقت اكتبهم
:(
عساج ما تفقدين عزيز ولا غالي
انا اتنطع بكلامج
فلا تقدمين لي اغراءات اخرى ما يحتاي
:**

esTeKaNa يقول...

فريج سعود
~~~~~~~~~~~
مشالله عليك
اييي انا اسوي هالحركات مرات
جني ما اشوف
:)

esTeKaNa يقول...

ShaLaLat
~~~~~~~~~~~
ياهلا ويا مرحبا بشلالات
الله يحفظ الوالد والله كلامه عين العقل
وصراحة
هالي يايه البيت الراهيه
بددددعت
تبين الصج؟
شر البلية ما يضحك
ضحكتيني
:)

esTeKaNa يقول...

صقرقريش
~~~~~~~~~
ياهلا ويا مرحبا بالصقر
:)
اللهم صلي وسلم على محمد والة وصحبه اجمعين ،يزاك الله خير على الرد الطيب والاضافه في مكانها
ولا تتعذرافا عليك بس
الله يوفقك وييسر لك كل امورك

esTeKaNa يقول...

kuw-son
~~~~~~~~~
hahahahahahahaha
:)
واي ما اصدق
تخيل تقولي نقبل كي نت
وتحط الكرت
ونقعد شوي وتقولي الخطوط مشغوله
واواقع على ورقه
طراره اخر زمن
:Pp~
ويا سلام عليك
عجبتني سالفه مسلم
والهدف منها
صراحةفكرة حلوة
يزاك الله خير
:)

غير معرف يقول...

دمبقي

قال تعالى : ( واما السائل فلا تنهر ) صدق الله العظيم

اذا كان بودج تعطينهم يزاج الله خير واذا لا رديهم بس باسلوب ذرب مثل الله يرزقك

الشيخة محمد يقول...

في البدء ، ادراج رائع كعادة ادراجاتك
كما أود دعوتك لمشاركتنا واجب الست أسرار ، لعلك تزورين مدونتي لاستلام الواجب و حله

موفقة لكل خير

Barrak يقول...

هالبوست وايد فيه بوكسات


بس عجبني الشيط شيط


شرقت من الضحك ماادري ليش تخيلت شكلها


عموما بيت الزكاة واللجان الخيريه افضل مكان للصدقه

وترى يطلعون ذهب

انتي لو رايحه المسيد اللي بالفحيحيل يم المقبره تقولين قاعدين بغينيا

بـنـت بـطنـهـا يقول...

استكانه

اول شي يعطيج الف الف الف عافيةانج تكلمتي بهالموضوع .. لان ياما وياما قلت وجهة نظري ومو عاجبه أحد وياما صادفت مواقف من هالقبيل وصارت حق ناس أعرفهم وبلاوي .. اللي تترزز بالمستشفيات الخاصه وتقعد تقص قصة حياتها وآخر شي تطلع يايه مع شله بنات وكلهم يسوون نفس الفلم .. واللي تطق بيبان الشركات الخاصه وتطر وآخر شي تنزل تركب سيارة آخر موديل وسايق يسوق فيها .. واللي واللي واللي لا حول ولا قوة إلا بالله والمشكلة ان في ناس وضعها اردى من وضعهم بس تعففهم يمنعهم يتسولون .. وفي ناس تخليج تستحين من نفسج من كثر ما اهما مستحين منج. يا رب ترزق الجميع وتعطي كل واحد على قد نيته يا رب العالمين.

مدونة رائعة يا استكانه
سجلي متابعتي :)

esTeKaNa يقول...

دمبقي
~~~~~~~
يزاك الله خير على النصيحة
:)













الشيخة محمد
~~~~~~~~~~~~~
شكرا على المرور
ولكن عفوا
كيف يمكن لي الوصول للمدونه المقصوده؟












براك
~~~~~~~
ما مسا الشيط شيط
:)
يا عسى دوم تضحك
بس من غير شرقات
اسم الله عليك الرحمن الرحيم
!!
على قوله kuw-son
يمكن يكون معاها وايرلس
تفكيره منطقي ما فكرت فيه
انا عبالي بسوي شيط شيط بحلجها
وبتطلع لي ورقه اوقع عليها
:Pp~
اي عرفت المسيد
الله لا يعوزنا حق احد












بنت بطنها
~~~~~~~~~~~~~~
حيالله بنت بطنها
تو ما نور البلوق
!!
ولله صاجة
انا اشهد كل كلامج صج والله
الله يستر عليهم ويرزقهم
ولا يعوزنا حق احد يارب

Purgatory يقول...

انا أتشمت، أنا

;)

تراب الكويت يقول...

صدقيني ماهي قسوة ابدا
في هـ الوقت كل شي تغير

وفكرة اعطيني عنوانج وانا اساعدج
اعتبرها قمة الذكاء

...

الله يسعد اوقاتج بالخير

:)

الشيخة محمد يقول...

مرحبا عزيزتي استكانة
صباح / مساء الخير

رابط المدونة هو
http://alsheekha.maktoobblog.com/

الادراج الذي يحمل الواجب مثبت بالمدنة و يحمل عنوان ( 6) أسرار عني

في انتظار حلك للواجب
حدي متشوقة ،،

عساك على القوة