الخميس، يونيو 19، 2008

لوية

انا ما شبعت نوم

!!

هذا احساسي في كل صباح جديد
اشعر بالشفقه على نفسي
هذا اول صيف أداوم فيه فيه
حتى الصيفي بالجامعة ما خذيت
الحياة كفاح

!

كفاح...ماحب اسم كفاح
غبار
وتراب يكفخ الويه والأفكار
أفكار...تعصف فيني يمين وشمال
وقرار لابد له من اتخاذ
انا جبانة امام الامور المصيرية في حياتي
لابد من التضحية بشئ ما
!!

الحياه كسباق التتابع

خذ الجله ممن سبقك واكمل من حيث انتهى الآخرون

البحث العلمي ليس عمل ابداعي

وليس مجال فرد عضلاتك الادبية

هو عمل علمي تجميع لافكار السابقين

هو نسيج تنسجة بحرفيتك وذكائك

!!

كن جادا

صبورا

وفكر ...هل انت قادر على المضي قدما
على الصبر
على تقديم تضحيات؟
ابسط مثال ستضحي بحياتك الاجتماعيه في الكثير من الاحيان

.

.

.

حياة اجتماعية
استقبال ابنة خالتي العروس
وابنة خاله اخرى تنتظر ضيوف
وابن عمي...يخطب عروس
وامي تشتكي...ابنتي بروحها تحوس
انا احوس؟
انا مشغولة

!!

ينكسر خاطرها مني

تزعل على عدم مشاركتي لها

على عدم وقوفي الى جنبها في كل المناسبات
هناك مهم
هناك اهم
خاطرك عندي يا امي يساوي هالدنيا

تحمليني

!!

يوم اذهب

وعشرة اعتذر

ولكني موجودة

صدقيني...انا هنا بقربك موجودة

وأحبج كثر ماكو بعد
:*

.

.

.

غبار

افكار

انتظار

وتتسرب أخبار

في المكان الذي قدمتي فيه وانتظرتيه كنتي الاولى

الاولى؟

نعم من مصادر موثوقه انتي الاولى على مئات المتقدمين
اكتمي الخبرلحين ان يصبح كل شئ رسمي
!!

كيف لي ان اكتم فرحة عن اقرب من لي؟
افرح لحظة
واخاف لحظات
قد تلعب بها الواسطات
ويسقط اسمي سهوا من بين الاسماء؟
لا اريد ان اصاب بصدمة
سأقبل....بيميني
بيقيني
ولكن....الى متى انتظر الاخبار؟
ويقلتني الانتظار
نعم انا اعمل الاآان
ولكن...لا يوجد استقرار
والاهم في كل امر الاستقرار

.

.

.

هل فكرت يوما بالاستقرار؟
هناك ما اهو اهم من الاستقرار مع شخص آخر
مهم جدا ان تستقر مع نفسك وتتفاهم معها
استقرار
وخوف مني يتقن الفرار

!!
افند آراء امي
اناقش ابي
اقنعهم بالنهايه بأن من يأتي نصيبها
سيسكتها الرحمن عن الكلام
وأنا ما سكت الى الآان
ماهو نصيبي
!!
تضحك امي...يعقد النونه ابوي
وفي يوم آخر تضحكني امي وهي تعترف بخبر آخر:
اهي شاريتج وشاريتنا احنا اهلج
من اللي سمعته اهي تبي تشوفج وتقرر لاي من اولادها الثلاثه تكونين له عروس؟

اصمت
اناظر عيني امي بصمت:
انتي من صجج يمه؟
وتضحكني عياره اختي الصغيره:
من العداله ان تختار استكانة اي من الاولاد الثلاثه له تكون؟
بعدين...اذا يت الام بيكونون معاها العيال كلهم

!!
قد يحدث هذا في كل بيت
ولكن من السذاجة ان تفكر الام بصوت عالي وتفصح عن خططها بهذا الشكل لام البنت

غبااء

يباغتني الغباء احيانا
انسى اهم مواعيدي
انسى الناس المهمين
في اهم الاحداث في حياتهم
هذا الشئ غير مناسب لي تماما
تشره جدتي
وافتقد عمامي
واقرأ مدونتي كغريبه

!!
غريبه....لم اكن قادره على الرد على التعليقات

التعليقات عندي متعة
اقرأها باحساسي
ارد بقلبي
اذا شعرت بأني غير قادره على التفاعل
من الافضل الابتعاد

.

.

.

.

ابتعاد وتفاعل
غبار....لا يهم
المهم
اني احب هالأغنيه المغبره

!!

وفدوة لج عمري وكل اللي تبينه
عين خلج ما تشوف الا انتي زينة
ولا يا زينة...لا يا زينه الزعل جايد علينا
شتمنى
شتمنى غير وصلج يا حياتي؟
واتعنى..واتعنى لج واحاتي

.
.
.
تسدل الستائر
نطفأ الاضواء
ننصت لحنة السنترال
ويلفنا سكون الدار
نندعس داخل السرير
نقتل في هاتفنا الرنين
وننام
!!
ويك اند كسول
ساتلذذ بالكسل
وحتما..ساعود
:)

هناك 46 تعليقًا:

mtfa2el يقول...

الحين في تعليق ولا ما في ؟؟
لوية ..الدنيا كلها لوية ما تخلص ..بس كل هالمشاغل سحابة صيف ..تدوده شوي كلنا نمر فيه بعدين يصير الوضع حلو و طبيعي و تمام
كفاح ؟ شكله معاكم بالدوام وحدة يديدة اسمها كفاح ..تلقين امها مصرية مسميتها على حرب 73 ..
تلعب بها الواسطات ؟؟
يقول المثل الفرنسي
If you cant beat them....join them!
ييبيلهم واسطة أقوى !! هيك ديرة بدها هيك واسطات

Яeema يقول...

قلنالج من قبل شبعي نوووووووووووووم

هاهاهاهاها

join the club


أول تشتكبن من كثرة النوم

:p

2cool2care يقول...

أول شي انا عادتا اوقت المنبه قبل قومتي بساهة او نص ساعة

علشان لا اقول ودي انام اكثر اوقته مره ثانية وقوم على توقيتي اللي ابي اقوم فيه

لا بد من التظحيات لا بد ان ينشلع قلبج مره او مرات علشان تعيشين مع الآخرين

صقوط السهو يعلم ربي ان حياتي انعفست من هالشي 180 درجة وللأسف صقطة سهوا


وأخيرا اللي بالجدر يطلعه الملاس

DanDash يقول...

:)

بعدين أرد

ويك اند استانسي

و نامي نومة الهنية نومة الغزلان في البرية

غير معرف يقول...

ARTFUL
مو راضي يدخل مادري شفيييه

المهم .. حستينا بحوستج يا استكانه

دامج ما شبعتي نوم جان نمتي لما تحصلين الشغل اللي تبينه

وترا الحياة كفاح بس عاد مو تذبحين عمرج هذا رايي

انا بالنسبه لي الشغل وكسب المال والنجاح وسيلة للسعاده ..

تيمع فلوس وما تستانس فيهم شالفايده

وعلى الواسطه لا تضيقين خلقج هذا ربي كاتبه

ما سمعتي اللي يقول ويسأل رفيجه .. راح ينقص أو يزيد عمرك عن اللي الله كاتبه قاله لا ... قال راح ينقص رزقك شي الله كاتبه قال لااا!!! ... قال بصير فيك شي غير اللي الله كاتبه قال لا ؟؟؟ رد عليه علام الهم!!!
سوي اللي عليج وتوكلي على الله وانا اخوج..

والزوج .. نصيبج يصيبج والله يكتب لج ولد الحلال اللي يسرج ويسعدج

كل هالتدوده اللي فيج من الزواج p;

وترا لما نقولج ما تزوجتي ما يعني ما نبيج!!! لا نبي نفرح لج .. وعموما الزواج مو شرط عادي لا يعفسج خلي الوضع طبيعي،، قد يكون هم اذا استعيلتي.. واذا الزواج بياخذج منا مانبيج اتزوجين p;

استانسين بالويك اند وريحي بالج بهالغناوي الحلوه واليمعات الغير رسمية وشوية مباريات يورو2008

وما فيج الا العافيه

=)

اخوج
ARTFUL

Kuw_Son يقول...

ماشاء الله .. تكلمتي عن مواضيع وايد .. بس كلهم مربوطين في بعض بكلمة تكون مفتاح للموضوع اللي وراه ..

الله يوفقج

الزين يقول...

تعليقي ماله شغل بالبوست

كلمة بغيت اهمسها باذونج

اليوم كنتي لي الصخرة اللي تسندت عليها وانا ضعيفه

ومهمومة ودموعي اربع اربع

انت كنتي صوت العقل بالنسبة لي

كنتي الصدر الحنون

كنتي الدنيا اللي احتوتني بحالة زغللة واختلاط الكثير من الأمور

حضنتيني من غير ما تحضنيني

وعطيتيني امان احتجته بلحظتها

وعلمتيني وين الدرس باللي قاعد يصير

استكانتي

شلون بوفيج هذا كله

ما عندي غير قلب يحبج

وروح تآلفت مع روحج

وصدر يشيل همج مثل ما شلتي همي

قلبي متروس حجي

وشفايفي ترجف من كثر ما انا مفعمة بالمشاعر وملخبطه حدي

شكله تعليقي رسالة غرام

بس يحق لي احب استكانه

صاحبتي وحبيبتي

والشباك الصغير اللي لقيته بعد ما تسكرت ابوابي

مشكوووره من اقصى اقصى زوايا القلب

تدرين شكثر احبج

صح

Najmah يقول...

آآآآآآآآآآآآخ
تنهيدة طويييلة طويييلة
بعد اول جملة قلتيها
حدي ماشبعت نوم :(
اتييني البجية الصبح
بعدين اتعوذ من ابليس واقنع نفسي بيوم حلو وهمة عاليه
صج اني ارد تعبانة
بس بيني وبينج
الدوام ينظم يومي
ويحسسني بقيمة الوقت وقيمة الطموح :)
..
استكانة
كل هدف نسعى له
يحتاج منا ترتيب وقت واولويات وتضحية
المشاغل اكثر من طاقتنا اليومية
والاشياء اللي ودنا نسويها وايد
لازم يكون عندنا حكمة في الاختيار
والله يسهل :)
..
ريحي بالج
كل شي مقدر ومكتوب
وربي كاتب لج الخير والمسرة ان شاء الله
لا تحاتيين
وان غدا لناظره قريب :)
..
عسى ربي يوفقج بكل امورج
ويسعدج دنيا وآخرة
..
سؤااااال
ليش اول ما اطفي الليتات
واندعس بفراشي
وتوها غافية عيووني
لازم يرن التلفون؟
:\
ويك اند سعيد ومريييح ياصديقتي
:*

~FaHaD iN MiND~ يقول...

il noum sel6aan ya estekana :D 3ad ams seej 7aset eb 6a3m il noum kan 3ndi sha'3la fa ga3da men il sa3a 5:30 am !! il sa3a 10 blail ela ana kerja nemt 3ala 6ol o sej 7aset ena il noum a7la shay bel dinya :D

wish u a very nice weekend o 3awthay noumtch o noum il 3awafi :)

bin3li يقول...

حتى الجو عندنا غبار
تأثيرج ما شاء الله عابر للحدود
:P

يالله مبروك المركز الأول و إن شاء الله تبشرينا بالأخبار الطيبة

تصبحين على خير :)

ShLaLaT يقول...

بوست معفوس
افكارج معفوسه


شفيج ؟؟ كل هذا لانج انخطبتي ؟؟

:)

الله يوفقج ويسعدج
ويكتبلج اللي فيه الخير والصالح

وبسج سهر انتي مو عافسج اللي السهر والتفكير


ارتاحي
انا اقول روحي سبا :) لوول

esTeKaNa يقول...

mtfa2el
~~~~~~~~~
حيالله التفاؤل والله
اكيد في تعليق اكيد
هذا بلوقك ومكانك يا متفاؤل
:)
ضحكتني على كفاح
عاد صج مادري شطاري علي الاسم
!!
وعلى طاري الواسطة
للاسف واقع لابد منه
:(








reema
~~~~~~~
شفتي اشلون
اللي ما يطيع يضيع
:Pp~









2Cool2care
~~~~~~~~~~~~~~
اي انا هابه اسوي هالحركة
احط منبهين
ويالله اقوم
!!
الله يسهل يارب وما تسقط اسامينا سهوا
وكل شي طبعا خيرة
عسى ربي يسهل امورك ويوفقك
:)














dandash
~~~~~~~~~~
ادري البوست خربوطي
بس بنطرج تردين
:p~
اي والله يا زين النومه الهنية
نومه الغزلان بالبريه
:)










ARTFUL
~~~~~~~~~
اسم الله عليك الرحمن الرحيم
!!
كتبت البوست وانا اقول
يمدي يقراه ويقرا ردي بالبوست السابق
صراحة...تونسني متابعتك بشكل كبير
:)
اي والله حوسه
مممممم
عندي مشكله
ماحب الكسل والفراغ الكامل
ماعرف اعيش من غير انجاز ولا شغل
قلت اشتغل شغل مؤقت واتعلم
وهذا انا اتعلم كل يوم
واحب دوامي وايد مادري اشلون بطلع
بس قومة الصبح تشلع قلبي كل يوم
:(
وانا معاك
اقولك كل شي وسيلة لاحساسنا بالسعاده
حتى تعبنا بالدراسه وسيله لاحساسنا النهائي بالانجاز
وعلى الزواج
لا تعليق
استحي اناقش هالمواضيع من صجي
:pP~
كل الموضوع ان اذا حسيت بخطر
اتدوده شوي
بس عادي
الامور ماشيه طبيعيه
عندي يقين بربي بكل شي
:)
حياك الله وما قصرت على التعليق الحلو جدا
وهابي ويك اند












kuw-son
~~~~~~~~~~
عسى ما افتر راسك وياي؟
اعتذر عن اللويه
ويوفق الجميع يارب
:)









الزين
~~~~~~~
تدرين اني نزلت التعليق قبل لا اقراه؟
ولما قريته
دمعت عيني
استحيت اني انزل مثل هالتعليق
هني
!!
صديقتي
واختي
وحبيبة قلب استكانة
كل منا يمر بظرف
بوضع
بحدث
اكيد يكون للرحمن فيه حكمة
وحكمته واضحة بس احيان تغيب عنا
كل اللي سويته اني خذيت شمعه
ونورت لج شي كان بلحظتها غايب
بس انا عندي يقين انه موجود
وانج يا حبيبة قلبي تعرفينه
:*
انا مو ناطرة شكر
!!
ما سويت شي والله العظيم
كل اللي ابيه ترتاحين
ومع روحج تتفاهمين
وتعرفين انج في الموضوع كله اهم الموجودين
استقرارج
وعقلج
وردة فعلج
راح تريح ناس كثيرين

طمنيني عليج
:**










najmah
~~~~~~~~
انا اشهد
للوقت قيمة
ويا زين الطموح
:)
تمتعي وانتي تزرعين الورد
وباجر عقب تعبج وانتي تزرعينه
صدقيني ...راح تحصدينه
وتخيلي احساسج وفرحتج فيه
:*
اي والله يا نجمتي
انا لازم اريح بالي
:)
واللي يدقون اول ما نطفي الليت
اشك انهم حاطين كاميرات في غرفنا ويراقبونا
:Pp~









Fahad in mm mind
~~~~~~~~~~~~~~~~~~
نوم العوافي
يا زين هالنومه اللي تصير عقب تعب
وتقومين من ثاني يوم مرتااااااحة
وقايمة برغبتج مو مغصوبه
:)
حياج الله













bin3Li
~~~~~~~~
يعني بتقنعني ان الغبار عندكم مني؟
شهالحاله
:Pp~
استانست على الخبر
بس خاشه وناستي
لي يصير كل شي رسمي
وانت من اهل الخير
:))












shaLaLat
~~~~~~~~~~~~
تصدقين هالبوست المعفوس ريحني
!!
شدعوة عشان جذي
حسستيني اني ام تعش
ومستانسه بروحي
hehehehehe

اجمعين يارب
!

Sn3a يقول...

ايي والله
نبي ننام
والنوم صاير متقولب
امس نمت 8 وقمت 12 ونص
قعدت لين 4 الفير ونمت قعدت 8
مادري شسوي!


الحياه الاجتماعيه شخصيا ماتناسبني
فما كانت عندي مشاكل اني اتغيب عن الحفلات او الجمعات لاني ماكنت اروحلها قبل الجامعه
لكن الجامعه اكسبتني اعذار يتقبلونها الناس
وامي للحين كل ماتشوف بطاقه عرس وتشوف كلمه كريمتها
يضيق خلقها
وين هالكريمه;p
اما عن العائله
فتدرين اني لما ازور بيت يدي او بيت يدتي
اتفاجئ بالاطفال الجدد
وانسى اسامي ازواج بنات خالتي او بنات اعمامي وعماتي
وكذلك الامر بالنسبه لاسامي زوجات عيال العم وعيال الخال




انشالله بتكونين الاولى بالاختيار
والاولى بالتميز بعد الدوام لاتحاتين



كلمه استقرار متعبه
نبي نوصلها
ومانبي نقطع اللي وصلناله او اللي نبي نوصله من علم على سبيل المثال
حياتي ملخبطه
مزاجي متلعوز
مو بس اهلي ماقامو يعرفولي
انا ماقمت اعرفلي!


احب احبب هالاغنيه -فدوة لج- احسها عذبه نظيفه


الويك اند
المفروض
ان ننام
انا مثل العناد للحين صاحيه معني دايخه!


استكانه
جايز انتي قاعده تكتبين عن حياتج
مشاعرج
مزاجج
لكنج بنفس الوقت تعبرين عن حياتنا ومشاعرنا بطريقه افضل من تعبيرنا شخصيا!

ManalQ8 يقول...

استكانة

انتي بس لا تكثرين من الشاي
:)

وقللي الكافيين
:)

حبيبتي

الحياه اخذ وعطا
والله يوفقج
وتنالين كل ما تتمنين

ولا تحاتين سوالف الواسطة وتحطين في بالج
توكلي على الله الواحد الاحد

اتمنى لج التوفيق اخيتي
والله يحفظ لج الوالد والوالدة

5roofa يقول...

الله يعيييينج

عيل انا هذا اول صيف فاضيه ماعندي لا شغل ولا مشغله

نومي اعتفس
دنيتي صبحي صار ليل و ليلي صار صبح
مووووو حابه الوضع كللللللش
---

و على الزوارات تصدقين اول ماتبلشين دوام تحسين انه دنيتج معفوسه لدرجه حتى لو في وقت لج تقولين ماكو وقت

يضحكون عليى المدرسات يقولون هذا وانتي متزوجه كله تقولين ماكو وقت اذا تزوجتي

ياربي شسوي اذا انا وايد عففففففسه

لووول

---

تصدقين استاكنه ضحكتينيي لانه امبي انا اقول حق امي نفس الشي

لمه تزفني اي شوفيهم قعدي معاهم

كله اقولها يماا يقولون البنت اذا يالها نصيبها يفز قلبها و يقولها هذاا نصيبي و ينربط لسانها لووول

و انا ما انربط لساني للحين

لووول

الله يوفقج يااااااااارب

slamz sis...

مُحَسّدْ يقول...

بصراحة الله يعينج

القرارات المصيرية تحتاج الى التفكير الاستراتيجي

`~MnO YeNSa! ~` يقول...

ولا انا شبعت :(

تراب
غبار

و الله حتى انا القرارات المصيـرية
تعبني
....

اما لويتج مع الاستقبال مو
صج

zooqa
شطتج :*


الاولى
خل يصير عندج يقين
TRA YOU ARE the FIRST


لووووووول
يحلوها العروسه
yest7oon <<< 3ala wazn ya7lmoon :P

tra bz3al mn meta mo zayratnii :"(

`~MnO YeNSa! ~` يقول...

ولا انا شبعت :(

تراب
غبار

و الله حتى انا القرارات المصيـرية
تعبني
....

اما لويتج مع الاستقبال مو
صج

zooqa
شطتج :*


الاولى
خل يصير عندج يقين
TRA YOU ARE the FIRST


لووووووول
يحلوها العروسه
yest7oon <<< 3ala wazn ya7lmoon :P

tra bz3al mn meta mo zayratnii :"(

Zabo0o6a يقول...

اخخ بس يالصيف اربع سنين مرت بدون ولا صيفي والحين اخت زبوطة بطالية حاطة ريل على ريل ولا فرارة مع الوالدة من سوق لي سوق ، خوش صيف مو؟
وااي اختج الصغيرة فديتها تضحك احس مرات تذكرني باختي مع انه العكس اختي اكبر مني بعشر سنين وانا الصغيرة ، الله يخليها لج :)
بس والله ضحكتني هذي المرة خوش منطق وفاهمة كلام امج نفس الحالة الحين مع الوالدة مانقدر نلومهم يبون يفرحون
enjoy Ur Weekend ;)

عبدالرحمن يقول...

دعواتي لج بالتوفيق

بصمة منـــارية (: يقول...

الله يسامحج استكانه عاد انا اليوم مادري اشيايني شابكة عقب صلاة الفير .. و لما قريت بوستج راسي قام يفتر و يفتر ويفتر ..

ليش حسيت اني بدوامة ؟؟

lOoOoOoOol

any way

بس ترى ما فهمت شي ..يعني هل هذا الكلام حلم ولا علم و لا مجرد خواطر و خيالات ولا جزء من الحقيقة و الواقع ان البحر ما في قواقع !!

وييي اشقاعده اقول .. !!

المهم ..

الله يوفقج وين ما كنتي و على طاري النومة الله يعينج الصراحة .. عاد اب هالغبار النومة تحلى ;P

__________________________________

على الهامش : أنتي مدعوة أو بالاصح مرشحة لحل (( واجب )) تجدينة في مدونتي اخر بوست تم تمريره لي من قبل احدى الزميلات و أحببت أن أمرره لك (:

أتمنى لا يكون فيه ازعاج أو كلافة

تحياتي الحارة

AseeL يقول...

Lol
صاجة أمهات المعاريس يسون اشياء غبية :D

وحدة من معارفنا كل ما تشوفني تدلل على ولدها بس ولدها يبي يعرف البنت الاول فتحاول مسكينة تلبقنا مع بعض بزيارة...
!!تقولين نفنوف وشباصة

وحدة ثانية طاقة الدرب لى دوامي من جم يوم وسائله عني بالاسم الثلاثي تبي تشوفني
اشكره عاد الثلاثي؟!

مجتمعنا لا زال يعاني من تخلف وملاقة حريم ومعاريس

موفقة بالوظيفة الجديدة

charisma يقول...

صباااح الخير يا ويه الخيييييييييير

:**

المواجييييييييب وما ادراك ما المواجييب وعندى وعندج خييير من حنه الامهات والتزعل

ما اتوجبون ما تقدرون
ما فيكم سنع بلا بلا بلا
وجبوا الى يوجبكم ولوما يحبونكم ما عزموكم
باااااااااااااااااااس
والنهايه تكسر خاطرج امج وتروحين ودج اتكفخين الاوادم
لول
حاله
والله انا يايتنى حاله مالى خلق مواجيب ولا حفلات ولا عروس صيف وحر واووفر الوضع عندنا

سورى ستكانه ما ادرى شفينى استنيت
://

من ادش عندج القى نفسى افرغ
:/

نرجع لبوستج
الله يوفقج وترى الحياة العمليه والشغل
حلو بتحسين بتوتر اول ما تبدين بس تستمرين بتغير الامور
:)

الله يكتب لج كل خير وصالح
:*

esTeKaNa يقول...

sn3a
ّ~~~~~~~
شنو هالنومه الخربوطيه؟
يا اهلا بالصيف ونوماته الخربوطية
:Pp~
تصدقين
ما توقعت ان الحياة الاجتماعيه ما تناسبج
!!
انتي عكسي تماما
انا احب الناس
ولي علاقات خاصه ومميزه جدا مع الكثير من افراد عايلتي
مشكلتي اني احمل نفسي فوق طاقتها احيانا من اجلهم
!!
ولما حاولت احرر نفسي من اي تكلف في علاقتي مع الناس سواء من عائلتي او اصدقائي اشوف الكل يتشره
ويعتب..والعتب اللي كله وله يحرجني ويحسسني بتأنيب الضمير
:(

الله يسمع منج
ويارب نكون من اصحاب المراتب العليا بالدنيا والآخرة قولي آمين
:)




فاجئتيني بهالتعبير
كلمه استقرار متعبه
!!
فعلا متعبه



وفدوة لج
الجمال فيه بنقاء الحب وعفوية اللهجة
بالضبط اغنيه عذبه




سنعه
انتي من القله اللي ممكن انهم فهموني بين سطور هالبوست
شكرا من قلبي لج
:*

esTeKaNa يقول...

manalq8
~~~~~~~~~
ياهلا بمنال كل قلب
:)
اقدر اتخلى عن الشاي
مشكلتي مع القهوة
اعشقها بشكل غريب
ساعديني
:(
الله يرزقنا صدق التوكل يا منال
هذا اقصى ما اتمناه حاليا
!!
يزاج الله خير وما قصرتي

esTeKaNa يقول...

5roofa
~~~~~~~~~
ياهلا بالخروفه
:)
اي هذي لويه الصيف
واحلى ماعند المدرسات هالاجازه
الله يهنيكم يارب


اي والله كله لوية
لوووول
وييي استكانة لها ولايف
!!
انا كله اقولها نطري يفز قلبي
وامي تسئل
ها بشري فز القلب
اقولها بعد
وتموت من الضحك اذا صار شي
وقلت ابيه يمه
ترا فز فز
تقولي ياحسرتي مو وقته يفز غلط غلط
يننت امي
لوووووول

esTeKaNa يقول...

محسد
~~~~~
وماهو التفكير الاستراتيجي؟
اعتقد احتاج نبذه
!

esTeKaNa يقول...

mno yensa
~~~~~~~~~~~
يا مسا صديقتي الزوقه
:*
يا بعد قلبي انتي
والله اني مقصره بزياره الكل
هذا وانتي تعرفين الوضع كله
يفترض تسامحين صديقتج الخربوطيه
:(
انا من شوي مريت
وانبهرت بالاشيا الحلوة اللي كاتبها
يعطيج العافيه
!!

esTeKaNa يقول...

zaboOoO6a
~~~~~~~~~~~~
اي والله خوش صيف
!!
شفتي اختي الزبوطة
اصغر مني بعشر سنين
بس تعالي قعدي معاها
تبارك الرحمن تبهرني
عااااااااااااااااقل
وخفيفه طينه
طبعا مو مبعده على اختها
:Pp~
والله ودنا نفرح هالامهات
بس شنسوي
هذي مو تسيورة نروح ونرد
هذا عمر ومستقبل
لازم يتحملونا

:pP~

esTeKaNa يقول...

عبدالرحمن
~~~~~~~~~~
يزاك الله خير
ويوفقك الرحمن يا عبدالرحمن
:)

esTeKaNa يقول...

بصمة منارية
~~~~~~~~~~~~~~
وي وي اسم الله عليج الرحمن الرحيم
بعد قلبي
انا افتر راسي
اشلون انتي
اكيد افتر راسج يا عوينتي
:)
نأسف لهذا الخلل الفكري
كل الموضوع لويه
عباره عن شريط لاهم الافكار اللي مرت بهالاسبوع وكل شي صار فيه
:)
وان شاء الله
بس اخلص الكومنتس وبيي اخذ الواجب واحله
من أواني طالبه شاطرة
:Pp~

esTeKaNa يقول...

aseel
~~~~~~~~
lol!
صراحة ولدها اوبن مايند
وزين تدلل على ولدها شي يديد
انا بالمسيد برمضان كان في حرمة صادف كل يوم تصلي يمي
من بدينا تراويح لي خلصنا جيام وهي
كله تطب بولدها
مايصلي
ما يروح المسيد
مايصوم
من مخيم لي مخيم
وفعلته
وتركته
وقاطع قلبها
!
اخر رمضان يت بتاخذ رقم امي
قلت لها مخطوبه
استغفر الله
:(
شسوي اسيل؟
هاوطول الشهر طابه فيه واخر شي الله يسامحج بتكلمين امي
ليييييييييييييش
ادعي له
انا شسوي له
تقولي ابيه يصلي
هاو انا سياده ولا شنو
!!!
هذي احدى الحركات الغبيه
:Pp~
حياج الله
:*

esTeKaNa يقول...

Charissma
~~~~~~~~~~
ياهلا بالطيب كله
:*
واي على قوله امي
الناس تسئل يوم
يومين
تفقدج
بعدين خلاص تتعود على غيابج
باجر بفرحج حتى ماحد يذكرج
!!
نفس الاسطوانه
ارهقنا نفسنا بالتكلف العلاقات الاجتماعيه
:(
ويوفقج يا حياتي
يزاج الله كل خير

QiYaDiYa يقول...

ايي والله صدقتي كفاح ;p

لكنني مستمتعة بكفاحي لأقصى درجة ;p

بالنسبة الى الحياة الاجتماعية ..

عندي قوانين خاصة بشكل غريب جدا ..

امي تطفر مني في بعض الاحيان لكن تقبلت الواقع المرير ..

بما اني البجر ..
كلمة كريمتها بالبطاقة تنكتب سواء يعرفوني ولا ما يعرفوني ..

اقولها يما البنت ما تعرفني ..
بهمها اذا رحت ولا ما رحت ؟

استقبال الولادة و خاصة الي بالبيت ..
بنت عمي اكبر مني بوااايد و هذا الثالث رحت لها المستشفى اول ما ولدت ..
و اذا في مجال رحتلها البيت ..

سوت استقبال ..
امي تقول بنت عمج لازم تروحين..
اقولها بنت عمي على عيني و راسي بس رحت لها و فرحت لها و الاستقبال حق الي ما راحوا ..
ليش اروح ؟


عندج اليوم ..
بنت خالتي عمرها 14 سنة
مسوية حفلة نجاح ..

امي تقولي روحي خالتج قايلة لازم تيين ..

اقولها يمة انتي من صجج اروح اناقز مع بنات بيني و بينهم اكثر من 7 سنين بس عشان خالتي ما تزعل ؟

اقولها وقتي مهم ما اضيعه على مجاملات ;p


اذا احد قالي تعالي وناسة !
اقولهم امة تنهدم و انا اروح ارقص !!

في مناسبات لها معنى و تفرحين من قلب !
و خاصة الناس القراب ..
بس في اشياء نهائيا مالها معنى و تضييع وقت !

و انا شخصيا ما تونسني !!
فليش التعب ..

اقولج سر ..
اذا اشتد الموضوع بيني و بين امي ..
و هذا قليل ما يحدث لان امي تعودت ;p

اروح عند ابوي مع دمعتين ..

يبا انا مابي اروح قولي انت مو راضي ..
يقول خلاص مو راضي ..


اروح عند امي ..
ابوي ما رضا ;p ;p


المشكلة ان عندي ابو مطاوعني بالسوالف هذي ;p


ربي يوفقج بوظيفتج اليديدة ..
و تذكري كلمتج الي قلتيها ببوست سابق ..
واسطتج رب العالمين..
و اذا ربي كاتبلج الخير بالمكان هذا فراح تشتغلين فيه حتى لو تدخلت واسطات الدنيا كلها ..

;**

طمنينا شنو يصير معاج ;)

Blog 3amty يقول...

ما أدري شقولج !

تصبحين على خير راح يكون خير تعليق :(

ray يقول...

:)

أمس قريت هاللوية و رحت نمت :P

لا تشوفين أحلامي , يبيلهم يوم كامل عشان افك العربكة اللي فيهم

على طاري الحياة الاجتماعية , أمس قاعدة أشوف كبتي , هالاسابيع في على الاقل عرسين كل اسبوع , و انا ما مهنتي غير اطلع الهدوم و أعلقهم على باب الكبت و أرد انام ما أروح

أمس قاعدة أقيس ... كم نفنوف راح يتحمل الباب زيادة ؟

المواجيب زايدة هالايام

5roofa يقول...

لوووووووووول

موتيني من الضحك

شكلي بسويها باميي خوش فكره

:P

ابلغج بالنتايج انشالله لوول

salamz sis...

darkness يقول...

ببداية العمل تحسين انج ضايعه

و كله دايخه

و ماكو وقت

بس مع الوقت تتعودين و تتنظم حياتج

و تدخلين بالروتين الممل


:)

همسه بيني و بينج

لا تعصلقين الاور لانه مع الوقت الامور تتصعب اكثر و اكثر

و المجتمع يستحقر معاج على اشياء مالج اي دخل فيها


اتمنى انج فهمتيني؟

DiLLi O MiLLi يقول...

شبعتي نــوم اليوم ؟
:)

ولا تفكرين بالزواج ... توج صغيرة
ذكرتيني بحجوة عمتي لاسمعت أن فلانه مخطوبة
تقــول : يـاك الشـــقى يا مـــدلل
وهـــي صـــــاجه
:)

خليج مدلله عند أهلج
لاحقه على الشــقى


:)

مُحَسّدْ يقول...

التفكير الاستراتيجي

التفكير بعيد المدى يعني مثل ما نقول خطة خمسية او عشرية وهلم جرا

esTeKaNa يقول...

قيادية
~~~~~~~~~~
صديقتي القيادية
اهم مافي الكفاح احساسنا بالاستمتاع
الله يتمم عليج استمتاعج ويفرحج بكل انجازاتج يارب
:)
والله عدل كلامج
!!
في مناسبات مالها داعي
انا مقتنعه بكلامج
بس وايد مرات اروح بس جبرا لخاطر امي
ما تسوا وناستها والضحكة اللي تشقها من هني لي هني اذا انا معاها
:)
بس تبين الصج؟
خوش حركة اللي تسوينها
جني ابي اسويها بالمرات اليايه
:pP~
شكرا على تذكيري يا الغاليه
يارب ابشركم وتبشروني دوم بالخير
:*

esTeKaNa يقول...

blog 3mty
~~~~~~~~~~~
وي
!
يا بعد قلبي قلبج
ما دشيتي بلوقي الا يوم كان عندي لوية
واخزياه
:(
وانتي من اهل الخير ما قصرتي

esTeKaNa يقول...

ray
~~~~~
ahleeeeeeeeeeeeeeeeeeeen:D~
اهم شي تسنعت نومتج
احلى انجاز بالدنيا
:)
اي والله زايده المواجيب
دايما هالحزة من السنه
نجاح
تخرج
ملجة
وعرس
واحنا تسريحة
مكياج
ومحيين الميد وياين
:)
عساها على خير يارب

esTeKaNa يقول...

5roofa
~~~~~~~~~~
لا تاخذين مني نصايح
انا مو مسؤله عن النتائج
لول
:)
















darkness
~~~~~~~~~~~
داركنس
فهمتج لدرجة
دمعت عيني
مابي اعصقل الامور
بس اهي مرات غصبن علي تتعقل
:(
ادعي لي
:*

esTeKaNa يقول...

dilli o milli
~~~~~~~~~~~~~~~
تعرفين لما تفتحين عيونج واااايد مبجر
وكل ما يتي تقومين تقولين لا
بشبع من فراشي
هذا اللي صاير فيني هالويك اند
:Pp~
الحمدلله شبعت نوم
!
واي يا زينج دللي
من زمان مااحد قالي جذي
انا اليوم بو اربع وعشرين ساعه مو قاعد يكفيني
!!
وايد اشيا قاعده اسويها
وطموحي يبيله وقت بعد
بس تعالي سمعي الحجي حولي
جنه ماكو انجاز بالدنيا الا الزواج
وهو نصيب
صار ولا ما صار
نصيب
!!
ولاحقين على الشقا
:pP~









محسد
~~~~~~
شكرا على التوضيح
:)

تراب الكويت يقول...

هل فكرت يوما بالاستقرار؟

هناك ما اهو اهم من الاستقرار مع شخص آخر

مهم جدا ان تستقر مع نفسك وتتفاهم معها

استقرار

وخوف مني يتقن الفرار

...........
تشبهيني
في خوفي وطيشي وقسوتي وحنيني
تشبهيني
تعرفيني
تقدرين توصليني
باحساسج
بافكارج

صدقيني

ودي القى الجواب عشان استقر
اصعب شي ..الضياع
خصوصا الضياع اللي توصلين له بسبب اللي حواليج
....

صدقيني تفهميني

كوني بخير
درس تعلمته اليوم بفضل مروري هني

مشكوووووووووووووووووره

:)