الثلاثاء، يونيو 03، 2008

كندر سبرايز

(1)
~~~~
على قارعة الحياة تنتظر
وتتحرى من الدنيا خبر
متى تجد لروحك حبيب
يحتضنك ومعك للفرح يطير
!!
متى يجد قلبك صديق
يكن دائما معك وقت الضيق؟
متى نجد الأرواح التي معها نتآالف
تغرقك بدلالها
وتنسيك أرق ليالي بعادها
تتحرى وتنتظر
وينهكك في الانتظار سراب أمل
أكسر قيد الانتظار
وحلق بروحك وتمتع بكل لحظات العمر
أحب نفسك
دللها
احتضنها في كل ليلة
لا تنعي فقد صديق
ولا تشتكي غدر حبيب
ولا تضيع بالانتظار سنين
عيش جنونك.
.دلل قلبك وروحك
تلك دعوة جديدة لأجمل للجنون
(2)
~~~~~~~
طلبتني مرافقتها لمحل الورد
فكان لها ما تريد وكنت لها الرفيق
أختارت من بين الورد ما يزين حفلتها
بينما سرحت أنا في عالم آخر أتأمل الورد في لحظتها
يملكني ذاك العبير المنبعث بصمت
يلفني برقه
ويحرك بي حنيني لكل شئ جميل
!!
أجمل ما يمكن ان يهدى لقلبي ورده
وكلمه صادقه تنبض رقة
لما انتظر من يذكرني في هذه اللحظة؟
قررت إهداء نفسي أجمل الورود
انتقيت أجمل تلك الزهور المرتوية
جمعها بباقة مجنونه تحمل من كل لون وردة
كتبت له عنواني...وسط ضحك صديقاتي
وطلبت منه كرتا،توقفت أمامه لوهله
ماذا عساي ان أكتب لنفسي؟
تأملت الفراغ بالكرت لدقائق
كاد الوحي ان يصلني
لم يقطع طريقه إالي الا صوت طنازتها:
اتفهم ان تبعثي وردا لنفسك
ولكني غير قادرة على فهمك استكانة
ساعه تفكرين ماذا تكتبين في الكرت لنفسك؟
كنت أشك بجنونك ولكن اليوم..انا كلي يقين به
!!
لأكن مجنونه لا يهم
المهم أني في لحظتها كنت سعيدة
(3)
~~~~~~~~
أعتق احساس قلبك
واطلق لجنوك العنان
ابحث عن الطفل في نفسك
واترك له حريه القفز والخروج من بين القضبان
أحيانا...تفضحني الطفلة في داخلي
تتعدى على كل حواجزي
تنطق بما يجب ان لا يقال
وتضحك في غير المناسب من الأوقات
أحبها طفلة نفسي
!!
اتخيلها بحجم السيدة ملعقه
لا أحد يراها غيري
تخرج مني و(تصفق )الباب في وجهي
معلنه حالة عصيان على كل مايقيد
ابتداء من ذاك الكعب في رجلي
وصولا لابتسامتي في وجه شخص غير مرحب به في عمق نفسي
!
كنت امشي من سيارتي لمحل عملي
سرقتني تلك الطفله من نفسي
وقفت بمقابل بقالة صغيره..فسال لعاب أحلامها الصغيره
نست ذاك المكتب الذي ينتظر
والزملاء
والمسؤلين
كل ما ارادته في لحظتها بيضة
مممم....
كندر سبرايز هو غايه الحلم في لحظتها
لكندر سبرايز قصة في طفولتها
أحبت رهافه ذاك الكاكو الغارق بالحليب
وعشقت فكرة المفاجأة في قلب كاكوها الحبيب
ولكنها لا تنسى حقيقة اضحكت أمها في حينها:
يمة تصدقين كندر سبرايز يظهر عكس ما يبطن
داخله ابيض
وهو كاكوي
وايد ناس مثله يا يمه تصدقين
!!
كانت حين تشتريه
تقضي لحظات في تأمله
تريد ان تشتاق له لتأكله
كالعادة...تريد ان تتلذذ في كل شئ حتى في لحظة ذوبان ذاك الكاكو اللذيذ
!
في أول ظهور للكندر بحجم كبير
اهداني عمي علبه كبيرة وجدتها على سريري
ولأني كنت طفلة تعبيريه بشكل كبير
شكرته ومن ثم همست لأبي بفكرة من نوع آخر:
تدري شنو الفرق بينه وبين الكندر البيضه؟
الكندر الصغير الكاكو فيه شويه
عشان جذي تحس بقيمته
بس الكاكو الكبير كبير
وايد
ما تحس بقيمته
الاحساس بقيمة الشئ اهم من حبه
!
شريت لي بيضتين من كندر
وشريت جريدة تمويه
:Pp~
لم اكد اخرج من الباب حتى تفاجئت بمسؤلي يناظرني باستغراب:
استكانة ليش داشه هني
جان طرشتي الفراش يشترين لج شنو تبين
واساسا كل الجرايد بتكون في مكتبج متى ما تبين
!!
شعرت بخجل من نفسي
ولكني لم استطع كتم ابتسامةسعادتي على وجهي
غير مهم ما يقول....المهم أني سعيدة
والله يهني سعيد بسعيده
:Pp~
(4)
~~~~~~~~~~~~
من كلمااتهم نسجت أفكاري
وباحساسهم عاشت كلماتي
بعثت لي احداهن بكلمه
والأخرى بكلمات
وعدتهن بالتعبير عن احساسهن بقصة
فما رأي أحباب استكانة اللي طايحين له جاي ونعناع ويقرون؟
:pP~
هل نختار يوم معين لكتابه قصه كل اسبوع؟
هل ننزل اي قصه كبوست واحد طويل
او نجزأ القصص مثلما نريد؟
بانتظار ارائكم
أعجبك في كل شئ...إالا الزعل
قلبي طول العمر عايش في سلام
لو تخاصمني ..أخاصمك بغزل
لو تراضيني
أجاذبك الغرام
!

هناك 63 تعليقًا:

Najmah يقول...

مساء الغلاا
مساء الجنون اللذيذ
شلونج استكانة
1
تدرين
مافي احلى من صحبة النفس
دايما اقول
محد يفهمني كثر نفسي
ولا احد يحس بمشاعري عدل كثر روحي
:*

2
اللــــــــه
ياحلاة الورد
اقولج شي
سويتهاا مرة
وكان شعور لا يوصف
تستاهلين روح استكانة احلى باقة ورد
:*

3
هالمقطع احلى مقطع
يمكن لأن كلماته تلامسني عدل
كندر سبرايز
احببببه كثر ما اخوي يحببه
كل مايزعل
نروح انا معاه الجمعية
نشتري كندر سبرايز
وبعدين نتناجر على اللعبة اللي داخل
:P

4
الللله
لاا نبي الفصة كاملة ببسوت طويل رجاء
:*


شي خارج الموضوع
اليوم رفيجتي سئلتني
عطيني البلوق اللي كنا نقراه بالحاسوب
عطيتها:
www.estekana.blogspot.com
الله يسلمج
الكورس اللي طاف كنا ماخذين مادة حاسوب
وكان الدكتور يشرح اشياء ماندري شسالفتها
فكنا نجابل بلوق استكانة ونستمتع بالسوالف :))
ولهت عليج ذيج الايام :*
مادري ليش احس شعور اني قاعدة بيت يدتي واسولف على كيفي
ملاحظة اني لازم انط واسولف بره البوست
آآآآآسفة

Najmah يقول...

estekaaanaa
wnaaaaaasaaaa
ثالث بوست انا الاولى
كلش مو مرابطة عند بلوقج :P
ابي هدية
افضل المتابعين للبوستات الاستكانية
بس مابي استكانة جاي
ابي وردة بيضااا
:pP

bin3li يقول...

نزلي القصة يوم الجمعة الصبح
و جزئيها







بقى شي من الكندر؟
:/

mantovani يقول...

كلمات رائعه

انا من ناحيتي و بدون مجاملة
كان واضح لي صدق الشعور
و انعكاسة اوضح في الكلمات

و في التسلسل
استكانة شاي مخدر

====

بخصوص بيضة كندر

هذا المنتج معاي من كنت صغير

لي اليوم و انا اشتريه




مانتوفاني

مُحَسّدْ يقول...

لست وحدك استكانة

فكل واحد منا يخفي في داخله طفلا لن يكبر ابدا

وصدقيني لن تجدي افضل من نفسك لتصاحبيها فالصداقة كعنقاء مغرب

غير معرف يقول...

حلوة سالفة الجريدة التمويه

انا الحين صاير اموه ببطل ماي صحه

سيارتي انترست بطول ماي والمشكله

بعد ثواني يصير حار ويطيح بجبدي

:)

الخيلاء يقول...

مساء الانتظار
مساء الورد
مساء الطفوله
مساء كل شي حلو بهالبوست
:)

-1-

الانتظار احيانا يكون جميل
بل ممتع عندما نكون سبه واثقين
من نتائج هذا الانتظار

و هناك انتظار مؤلم مرهق
تتخبط فيه خطواتنا
تئن به قلوبنا
لا لشيئ سوى اننا لا نعلم
هل هناك نهايه للانتظار
و نقول كما قالت نوال
" يانتظاري خلاص انساني "

هالاغنيه صار لها جم يوم في بالي
و الحين قاعده اسمعهاو اعلق على نقطه الانتظار

عن نفسي مدللتها و احبها
و مازلت بالانتظار
:p



-2-

احب الورد
احس فيه رقه و حيويه و نظاره
و عجبتني الطريقه
شكلي بهدي روحي ورد
و بخليهم يوصلونه
و انا مو بالبيت
عشان اتفاجا
لول




-3-

اممم
ما اقاوم الحلاو
اموت عليه
سكيتليز غرامي
لما اروح الجمعيه
و اشتريه
امي ولا اي احد معاي
لازم ايعلق
ماكبرتي على الحلاو
:p
ساعات اتصرف تصرفات طفوليه
تعجبني و احبها
و كندر كاكاوي المفضل
الي ايحبني ايتنقصه لي
خاصه كندر بوينو
:)

ههه مديرج بيقول هذي شتسوي بالبقاله من صباح الله خير .. ما اتوقع حق الجريده

ودج سال راعي الدكان
شنو شرت
لول




-4-

منج نبي كل يوم قصه
لول
كل اسبوع ول بي نايس
عشان انتابع
و كل وحده سالفه بروحها
احلى و يصير تنوع




-5-
لك حق تزعل
ثم لك حق نرضيك
مقوى زعل
حبيب قلبي و عيني



استكانه استمتع برد على بوستاتج
و انطر ردودج على نار

:)

ShLaLaT يقول...

اهلييييييين وسهلييييين استكانه النااااطعه


اول شي

المفروض هالبوست يكون اسمه جنون لوول


عاد تصدقين استكانه يتني فتره ايمع السيارات اللي يطلعون من كندر سبرايز

استمتع وانا اركبهم

ثاني شي

حدي متشوقه على القصص
يالله ناااااااطره


وعلى الورد

انا قايله بسويها
بس انطر استقلاليتي وان شاء الله بدلل روحي

قولي آمين
ان شاء الله احصل على استقلاليتي قريب

:)

فراوله يقول...

مساالورد والجوري
غاليتي الحبيبه
للانتظار لغة غريبه
وصعب استيعابها
ومكروها لدي
فانا لا احب ان انتظر لمده طويله شي
اتمناه
ولكن اذا كان شي جميل واسعي ان انال منه
فانا اسيرت الانتظار وبقوة
:*
وانا من عشاق بجنون عذوبة الورد الجميله
....
دمت بدفء وعذوبه
ابدا
:*

5roofa يقول...

امبي تدين شنو كنا ادمان كندر البيض و نيمع الالعاب و نركبهم
لوول والله ايااام

و الورد وااي اموت بالورد عندي اغلى هدية احصلها الورد تكون غالية على قلبي وااي

و عادي تره انا مرة شريت حق نفسي وردة ولا طرشتها البيت في يوم عيدملادي

امانه استكانه اذا ما بندلع عمرنا منو بيدلعها
لوول

:p

و القصص مو مهم طول ما انج تكتبينها و نقراهاا حتى لو كل يوم كل دقيقده كل ثانيه قصه بنكوون في قمة وناستنااا

salamz sis...

Zabo0o6a يقول...

وانا ماشريتييلي بيضة؟ :p

هنوفي يقول...

مساء الخير يا احلى "وردة" بالبلوقات
تصدقين انا مرة مع رفيجتي فاعدين نحوس بالفروانية ندور العربيد عادي كل مرة نروح لازم نضيع المهم ولا نشوف محل ورد توه فاتح ويبي اي احد يشتري منه جان اقولها اوقفي اوقفي ..قلتله ابي اسوي معاك اشتراك لمدة شهر كل يوم ابي بوكيه ورد احمر يوصل حق هالعنوان ومعاه كرت مكتوب عليه "صباح الخير ياحلى من الورد" المهم جان تقولي رفيجتي ها منو هذا اللي احلى من الورد ؟؟ "الوردة اللي يمج رديت عليها ..حقي !! انا باجازة ومشتهية كل يوم اقعد على ورد ..تدرين استكانة شنو احساس يهبل كنت افزع من الفير عشان الورد ،لا وسويت جاي الضحى انا ورفيجتي عشان الورد وعزمت خالاتي على الريوق وشرطت عليهم يوصلون قبل ال 9 عشان يشوفون الورد واهو يايني !!!
مو تقولين دللوا نفسكم ؟؟

وبالنسبة للقصة يلا ياريت احنا في انتظار القصة
تحياتي

فريج سعود يقول...

بس عرفنا مهرج

ARTFUL يقول...

معروف عن البنات الحساسية الزايده اتجاه المحبوب وحتى الصديق والصديقه
البنات تلاقينهم قروبات بس داخل القروب كل بنتين مسوين لهم قروب خاص تلاقينهم ما يتفارقون 24 ساعه مع بعض ما يملون بعض.. توصل الامور لدرجة الغيرة .. ليش طلعتي معاها وما قلتيلي .. قبل لا تطلعين مع أحد قوليلي يمكن انا أبي أطلع معاج .. شمعنى تختارينها تلعب معاج .. ليش تقعدين يمها ما تقعدين يمي...صار في حب التملك ((لي ولي وحدي فقط)) عنبو دارج لو ريلج ما سويتي جذي!!!

المهم مع الأسف انتقلت هذه العدوى إلى طوال الشوارب ((الرجال))..وأشوفه بكثير من مجاميع الشباب.. وللأسف صار الاهتمام بالنفس قليل.. محد يبي يطلع معاك لا يضيق خلقك اشتر لك فيلم واقعد وسو لك عشى واستانس .. امسك كتاب وروح قهوه اقرا .. بطل النت ورد على مواضيع استكانه
;p
في ألف شغله وشغله.. تقدر من خلالها تكسب نفسك اللي نسيتها ويمكن ازعلت منك لدرجه ما تعرف شنهو اللي يونسها.. هذا بالنسبه للأمر الأول

كثير منا ما يكافئ نفسه .. وتبون الصج انا واحد منهم .. أبخل على نفسي بس ما ابخل على أهلي واخواني وربعي وخلاني..حتى الشغلات البسيطه وايد أقول ما تسوى بس حق غيري تسوى
مادري شي زين أو لا بس اذا كان الشي لي دايما أحسبها حسبة ثانيه هل هو مفيد أو لا.. بس الصج الطلعات والسفرات ما أبخل بنفسي عليها
;p

اليهال وما أدراك ما اليهال انا أطلع اليهال اللي فيني لما أجابل اليهال.. وآخذ راحتي لما ما يكون يمي أحد .. المهم لازم ما بين لحظه ولحظه تطلع الياهل اللي داخلك وتخليه ياخذ راحته.. مثال انسدح بحضن امك .. مو بكبرك جنك عيل قاعد عليها تهد حيلها .. لا حط راسك ولمها وقولها يمه أحبج..

انا مادري انتي متحجبه والا لا.. بس أحس انج متحجبه .. المهم ما تحسين ان الحجاب يعيقج لما تبين تطلعين كل ينونج والمصرقعين اللي داخلج واليهال !!

علشان جذي احب السفر
;p

أقول أثاريج فيلسوفه من يوم ما كنتي زعطوطه؟؟
;p

.
بسجل موقف من خلال النقطه اللي فوق وأقولج صياغتج للموضوع وايد حلوه

تحياتي لج
اخيج آآآآآآرتفل

الزين يقول...

اقول لج شي

ما احب اهادي ورد ولا احب انهدي ورد

ما احب الهدية اللي تذبل وتموت آخر شي
تاخذ معاها فرحتها

مدري هذي انا
:)

حلق بروحك
احب نفسك
دللها
احتضنها
اعتق قلبك

كل هذا يذكرني بحوار دار بينا اول ما عرفتج

تذكرين؟؟

وهذي الفطرة الصحيحة اللي ربنا جبلنا عليها
وعطانا ارواحنا امانة
ونسينا مع تعب الحياة ان اول شخص جدير بالحب والأهتمام والرحمة هو نحن
روحنا

دعوة الجنون هذي ماني محتاجتها
لأني مجنونه بالسليقه
بس ارتدي قناع العقل
تمويه يعني

:))


من منا لا يحمل طفل صغير بين اوداج نفسه
آنا اكثر وحده تطلع لي زيون النزغه وتناشبني على شغلة صغييييرة

تلاقيني اقول هاااو هذي وين كانت منحشه
ولا بسالفة العناد والشطانة

اقلب 180 درجه واصير ام 6 سنين


عاد تدرين انا مو شي مع الكاكاو ولا اطيقه ولا احب ريحته

بس اللعبه اللي داخل البيضا تخليني اقول نياهاهاهاهاها

متعه تركيبها
متعه

انا ابي قصه كل ثلاثاء

عشان نكسر الإسبوع

وجزئي جزئي

لزوم التشويق

خووووووووش بوست

:**

ARTFUL يقول...

اي تعالي على القص لا اتجزئين ولا شي

حطي قصه كامله ترا اخوانج وربعج نسايين يالله نذكرك البارحه شتغدينا.. بس ليش تذكر البارحه شكليت!!!
;p

والشي الثاني لا تغصبين عمرج بيوم محدد.. متى ما كتبتي قصه واعجبتج وتبينا نقراها نزليها

tigaa??

Najmah يقول...

ابييييه
شهالرد اللي كله بدليات
:\

تستاهلين = تستاهل

الفصة = القصة

بسوت = بوست

عليج = على

مطيورة حدي :\

Noor يقول...

استكانه

ونسي عمرج حبيبتي
:)
تدرين ذكرتني بنفسي مرات وايد اهدي نفسي ورده بس اكثر شي ادز لعمري كيك يوصل بيتنا اونس نفسي حتى لو كان سبب عادي و مرات ايام الدراسه اخلص امتحاني حتى لو تقديمي يفشل اروح اهدي نفسي شي
بس
تبين الصج مليت من هالشعور
يعني ادمنته خلاص و صار عادي عندي مابي اقص علي عمري
ابي انسان يحسسني بهالشعور
:)
عن الكاكاوو انا مدمنة كاكاوو بس ماكنت احب كندر لاني ماحب الحليب
بس كنت اخذ الألعاب
:p


حلوه فكرة القصه
:)
و حلوه روح الطفله عندج
و سيده ملعقه لمي اتكون معصبه
:*

ShLaLaT يقول...

انا اقول كل دقيقه قصه

شرايج ؟؟

7osen يقول...

مرحبا إستكانة

شلونج

أنا اقترح قصة كل أسبوع

بس تكون كاملة
ما أحب الأشياء المجزأة

:)

صج القصة إذا كانت قصيرة من جزء واحد وايد احسن


تحياتي حق سيدة ملعقة
إللي بداخلج

:)

darkness يقول...

مساج الله بالخير

تدرين استكانه

قبل تقريبا سنتين

كنت راضيه عن نفسي و مرضيتها

و عشان جذي كنت فخوره بنفسي لابعد الحدود

و لازلت

ولكن فقدت طرق التعبير عن حبي لنفسي

يجذب من يقول انه ما يحب نفسه

فهذا الشعور هو غريزه

و لكن من الصعب التعبير عن هذا الحب

لكل منا جوانب كثيره و عديده

و زوايه فريده نستفرد بها و نتمتع بها

و الاحلى من كل هذا اهو الانطلاق نحو الفرح و السعاده

كوني سعيده

لانكي تستحقين السعاده

و البوستات خليها مثل ما انتي تحسينها

لا تربطين نفسج بمواعيد

الله يوفقج و يحميج و يرحم والدينج

ولد الديرة يقول...

ما لحقتي على كاكاو بو شمسية؟

كاكاو بو بقرة؟

:p

كالعادة اقرأ وعلى وجهي ابتسامه :)

DiLLi O MiLLi يقول...

أطلب منج طلب ؟
:)

ممكن تقوليلي أشكنتي بتكتبين على الكرت ؟

:)

قلب طفله يقول...

مساء الورد

لاحلى استكانه

و الله زين سويتي الورد يستاهل الورد

و دللي عمرج وخيتي مالج الا روحج

:)

احس كلنا يا استكانه فينا طفل
يسكن اعماقنا و ابدا ما يكبر
او يترك طبعه مثل الكندر سبرايز ^_*

و بالنسبه للقصص كل شي منج حلو
و بالوقت اللي تحطينه بتلاقينا
متابعين لروائعج

ربي يحفظج

محـــــارة يقول...

شلونج يالغاليه مشتاقتلج مووووووووت ياني أحبج وأحب سوالفج وطريقة كلامج

تدرين شهادتي فيج مجروحه من رجاحة عقلج لي أسلوبج ونوصل لي هظامتج على قولتهم

غاليه وحبيبه عندي غيررررر الكل

كتبي واهمسي وناقزي .. كلامج أقراه حتى لو حزاية ليلى والذيب باللسانج راح تصير ليلة سندريلا مع الأمير

QiYaDiYa يقول...

1-

هناك مكان للصديق ..
لتحتوينه و يحتويك !

و هناك مكان خاص للنفس !
اقضي احلى اوقاتي بصحبتها ..
و اعيش معها جنونها !

2-

الورد !
غرفتي لا تخلو منه !
و ابسط هدية ممكن ان تهدينها لنفسك او لغيرك !
فبين طياتها تحمل من المعاني الكثير ..

استمتع بشراءها ..
برؤيتها ..
باستنشاق عبيرها !
و بالتأكيد ..
بتصويرها ..

http://www.flickr.com/photos/qiyadiya/sets/72157603088266073/


3-

مقتنعة تماما بنظرية الطفل الذي بداخلك !

و هذا الطفل لا يخرج ..
الا مع نفسي ..
او مع المقربين مني !


و بالعافية كندر سبرايز ;p
الصراحة لا يقاوم !

لما كنت صغيرة امي دايما تشتري العلبة الي فيها ثلاثة حقي و حق اخواني !

الصراحة شوقتيني ;p
بعد شوي بطلع ان شاء الله و بشتري ;p

4-
احب قصصج ..
و ماامل منها ابد !

اجزاء ما نبي لو سمحتي نتعب نفسيا ;p
لكن ممكن نحدد يوم بالاسبوع يكون هو الموعد ;p

و قابل للاستثاء خلال ايام الاسبوع اذا فبالج قصة و ما تنطر ;p

قرار مناسب؟
نوقعه و ننشره بالجرائد الرسمية ؟ ;p


مادري ليش ردي عندج بوست كامل ;p

عذرا على الاطالة اختي الكريمة ;p ;p ;p

Kuw_Son يقول...

أحلى شي الجنون .. صراحة قريت الموضوع في المكتب و ابتسمت :)

الله يهنيج بلحظات الجنون :)

charisma يقول...

أحب نفسك
دللها
احتضنها في كل ليلة
لا تنعي فقد صديق
ولا تشتكي غدر حبيب
ولا تضيع بالانتظار سنين
عيش جنونك.
.دلل قلبك وروحك
تلك دعوة جديدة لأجمل للجنون

سرحت بنفسى
ونصحتينى واايد بهالنصيحه بس هم القى نفسى ذاكره كل الناس وتعبانه من الناس وافكر فيهم وناسيه نفسى
:/

متى استوعب هالشى متى
:(


ان شاااءالله دوووم بسعاده وفرح ودوم راضيه على نفسج
:**

تخيلت الورد معاج
صج يشرح الصدر

وعلى سالفة كل واحد داخله طفل
فهذى شخصيتى الثانيه الى استاانس والقى نفسى فيها
الينوون والطفوله بس ما تطلع الا مع فئه معينه من الى حوالى
ههههههه

وشخصيه الواقع احسها مو انا
://

وعلى موضوع القصص اذا كانت طويله وايد
خليها جزئين
ولا تعلقينا واايد بليييز
ومن الحيين شوقتينى
ناطرين
:**

2cool2care يقول...

1-
حبل الأمل وايد طويل...... وحبل الرضى وايد قصير

يعلم ربي ان فرحتي ببتسامة حبيب أو فرحة صديق

وماراح اتكلم عن بريق عين الحبيب إذا فرح

2-
ليش ما كتبتي
إلى الغالية estekana انتي احلى شي في عمري

3-
دايمن انصح اللي تشتكي من رجلها.. الرجل طفل كبير تقدرين اتشكلينا على كيفج بس مو باللعناد هو كالطفل
والله يسامحج أبي كندر الحين.... وياستكانا إذا اقتنعتي بسي تبين تسوينا لا يهمج كلام الناس إذا هالشي مايخالف الدين أو العادات



سألتي والرد من وجهة نظري تطرحين كل قصه بروحها أحسن

حلم جميل بوطن أفضل يقول...

بيض

صقر قريش يقول...

اختي الكريمة غستكانة ارحمينا لم تتركي لنا مجال للإبداع ماشاء الله :)

(1)

خلق الله سبحانه الناس لتتعارف وتتآلف وهذه سنة الحياة فلذلك الإنسان يقوده قلبه لإيجاد الصاحب والصديق والحبيب الذي يرتاح إليه لكن فعلا لايفهم الإنسان أكثر من نفسه فلذلك إذا أراد اخطا الإنسان قال يجب ان يكون لي وقفة مع نفسي.

(2)
نعم المهم أن تكوني سعيدة ولايهمك احد لو كنت مكانك وأرسلت إلى نفسي وردا ساكتب فيها إليك يا أحسن إنسان في هذه الدنيا هذا أنا ارسل هذا الشيء لنفسي فلا أُلام على كلامي هذا فكما إني أعاقب نفسي أحيانا إن اخطات اكرمها إن أصبت وهكذا فلم تفعلي شيئا خاطئا بالنسبة لي هذا الكلام.



(3)

ياما اطلقت لطفل نفسي (كما تقولين وتعبير جميل صراحة) لكني الآن ملزم أن أربطه لكن ليس في كل الأحيان للتو فرغت من مشاهدة كبمارو فتى النينجا وكان كان كارتوني المفضل في بداية التسعينات ياااه يالها من ايام لازلت أذكر كيف إني كنت اقلده بل وأأكل المكرونة واتخيلها كالشومن واحاول أن أأكل مثله طبعا هذا وأنا طفل الآن لا مستحيل فقط أشاهده وانا ساكت لكن يالها من ذكريات ليتني اعود طفلا مرةً اخرى :(

وكما قلتي الله يهني سعيد بسعيده :).

(4)
الي يرحج سويه أختي استكانة وحنا راح نتابع إبداعاتج إن شاء الله:).

بعيد عن الموضوع:

الله يبارك فيج على مباركتج على خطبة أختي وجزاج الله خير على هالشعور الطيب :).

someone_q8 يقول...

السلام عليكم
اختي استكانة , اللي ما يونس عمره بهالزمن يعتبر انسان نكدي ومايشوف الدنيا صح , وحتى لو ما نلقى احد يهتم فينا سواء بالكلمة او بالتعبير لازم نثق في انفسنا ونتعايش مع اللي انحبهم

ضحكت لما قلتي بالبوست انج طفلة تعبيرية , وتذكرت بيوم من الايام قلتلج تره انتي انسانة تعبيرية , ورديتي علي وقلتي انج راح اتراجعين موضوع الانماط الاجتماعية عشان تتأكدين :)
اللهم ارزق استكانة صاحبة هذا البوست السعادة وارزقها من حيث لا تحتسب وابعد عنها كل هم وحزن يا اكرم الاكرمين
لكي مني كل تحية واحترام

esTeKaNa يقول...

najmah
~~~~~~~~~
يا مسا النجوم بالسما
يا مسا الاحساس كله
انا بخير يا عساج دوم بخير وبمزاج رايق قولي آمين
:)
عدل..ماحديحس بمشاعرنا كثرنا
وتستاهلين ارق الورد دايما صدقيني
اهدي نفسج الورد
وباجر بيكون لج من يهديج


الله يا نجمة ذكرتيني بروحة الجمعيه
يا زينه من مشوار
ويا زين الكتكوت في داخل الكندر
:Pp~
الله يحفظ لج اخوج ولا يحرمج منه
ويديم عليج السعاده
يامن تسعدني كلماتها دايما
ويسعدني تواجدها في بدايه كل بوست
وجودج مهم
الله لا يحرمني يارب
:*

وسلمي لي على رفيجتج
واي يعني انا الحين وبلوقي سبب لتشتيت انتباهكم في المحاضرة
!!
ترا ما يصير ما يصير
:pP~
موفقين يارب
عسى ربي ما يضيع تعبكم ابد

esTeKaNa يقول...

bin3li
~~~~~~~
اهي كلها بيضه
اشلون يبقى منها شي
:Pp~
وشكرا على الراي
جاري تجميع الاراء
:)

esTeKaNa يقول...

مانتوفاني
~~~~~~~~~~~
اخي العزيز
هناك من نيقن انه يدمن كلمات المجامله
وهناك من يكون لتعليقه بعد آخر للصدق والصراحة
وبما اني اراك من النوع الثاني
فيسعدني ان اقول لك اني سعدت جدا بنظرتك الرائعه لكلماتي
:)
وعليك بالعافيه على الكندر
ترا كاكو مفيد كله حليب
:pP

esTeKaNa يقول...

محسد
~~~~~
عدل
لا يوجد اصدق من نفسي لاصادقها
:)
شكرا لمرورك انته
والطفل الجميل بداخلك
:pp~

esTeKaNa يقول...

ANON
~~~~~~
شنو الشي اللي تخشه ببطل الماي؟
حلاو؟
حبيت اعرف ومنكم نستفيد
:pP~

esTeKaNa يقول...

الخيلاء
~~~~~~~
مساء رقة الاحساس
مساء ما يليق الا بالخيلاء
:)
(1)
صديقتي يا من فهمت نبضه احسستها بين سطوري
!!
نعم هناك انتظار يلوح لنا بالامل
يقول لنا انه قادم
وان كل شئ سيكون على ما يرام
هذا الانتظار الجميل يستحق عمر آخر من اجله
!!
ما الانتظار غير المرتبط بزمن
دون بارق امل
يذبل معه كل شئ جميل وقد يشتتنا
كوني دائما بالانتظار
وعيشي لحظات اجمل دام انتظارك باذن الله جميل
:)
(2)
الغمنده كلها لما تتفاجئين
لازم اكتب لج بوست اشلون اتفاجئ واخلي كل البيت يصدق اني مادري
رغم اني انا اللي اهديته نفسي
لول
!
(3)
صج هلبنت ذوق
!
وانا بعد احب هالحلاو
تدرين ليش؟
في تنوع
كل ما كليتي خضرا تحسين بحموضه
الحمرا فيها حلاة غير نمونه
وكل ما كليتيهم مع بعض يطلع شي
مثل الدنيا
مرات حامضه ومرات حلوة ومرات ومرات
:Pp~
بعدين تهقين سئل وراي؟
لووول خرعتيني

(4)
خوش راي
ما قصرتي
:)


(5)
الله الله
تدرين شكثر احب هالبيت؟
ادلل فيه كل من يزعل علي
ويتدلل
:)


وانا اتحرى بكل بوست ردج
تبردين قلبي
وتحسسيني بقيمة كل كلمه اكتبها
لا خلا ولا عدم
:*

esTeKaNa يقول...

Shalalat
~~~~~~~~~~~
يا مسا الشلالات الحلوة كلها
:)
اي والله ريتني مسميته جنون
يختج احتار على ما اسمي البوست
جنه ولدي مو بوست
لول
!
وياااااارب تحصلين استقلاليتج وربج ما يحرمج من اهلج قول يآمين

esTeKaNa يقول...

فراولة
~~~~~~~~
فراولتي الجميلة
انا كذلك
اكره الانتظار الذي تئن معه روحي وتذبل من قسوته مشاعري
!!
الله لا يطيل انتظارنا لشئ نحبه
شكرا لرقه وفراولة مرورك
:)

esTeKaNa يقول...

5roofa
~~~~~~~~~
يا هلا ويا مرحبا بأبله خروفه شيخة الأبلات
;Pp~
وزييييييييييين تسوين
صاجة
اذا ما دلعنا عمرنا
منو بيدلعها
!!
يا بعد قلبي انتي
رايج على عيني وقلبي
بس تهقين اكتب كل يوم
لووول

esTeKaNa يقول...

ZaboOoO6a
~~~~~~~~~~~
يوجد بيضه كندر سبرايز مع كل كومنت
:Pp~





هنوفي
~~~~~~~
يا مسا الهنوفي والله
واي تدرين انج زوقه؟
اولا لانج شجعتي محل واعليه توه فاتح
ضحكتيني
!!
الشي الثاني
الاحتفاء بالورد وجاي ضحى وعزيمة
لا صراحة
انتي تفوقتي علي بدلالج حق نفسج
الله يحفظج ويسعدج دوم
وبس خوش طريقه
انا لازم اسوي اشتراك
واحتمال اخلي اللي يبيع ورد يكتب لي اي حجوة عشان اتفاجئ
لو يكتب لي السعر وصباح الخير
انا راضيه
لول
:)
والقصه بشري بالخير
من عيوني ذي قبل ذي
:pP~

esTeKaNa يقول...

فريج سعود
~~~~~~~~~~~
...تخيل
بيضه
وورده
واي صج كسرت خاطر روحي
:Pp~








ARTFULL
~~~~~~~~~~~
يا حيالله ارتفل والله
:)
(1)
اكره ما علي صداقة التملك
!!
انته لا تملك الا نفسك
اشلون تبي تملك صديق ولا حتى حبيب؟
الصديق اذا ما يالك من نفسه
ولا تنقص لك الفرح
ليش تشره عليه
شفايده الشي يسويه مغصوب؟
وليش الحب بيكون بالقرب المادي بس
مرات يكون صديقك بعيييد تشغله دنيا وناس وبس يرد لك يفز قلبك وتلمه بروحك
المهم يكون بخير معاك او مع غيرك
!!
وحتى المتزوجات
مهم يكون موجود..حواليها وحولها
بس مو بطريقه الزام تخليه يكره اليوم اللي تزوج فيه صح؟
وصاج يا ارتفل
اقعد بالبيت وجابل بلوق استكانة وشوف حجياتها
تروالي وناسة
pP~

(2)
من طيبتك
وصدق مشاعرك اتجاه الناس اللي تحبهم
تبديهم على نفسك
بس دير بالك ان هالشي يخليك تنسى نفسك
دايما حبها وونسها وزين تسوي سافر وافرح ومتع نفسك

(3)
الله يحفظك ويحفظ اليهال اللي داخلك ويرزقك اليهال اللي ياخذون احلى ما فيك واحلى مافي ام الليل
:Pp~
الحجاب يعيقني؟
ابد والله
الحجاب زينه البنت
قد يكون قيد
بس قيد من حرير
يخليني اعرف وين ومتى بطلع ينوني
طبعا مو جدام كل الناس ولا شرايك؟
:)
اي والله ثاريني فيلسوفه
ليتهم بس موثقين كلامي
:pP~
حياك الله ارتفل
وشكرا على مرورك وكلماتك اللي تبرد القلب

esTeKaNa يقول...

الزين
~~~~~~~
صديقة الجنون
رفيقه تلك السوالف الخاثره
وشريكة الاحساس والذوق
!!
منك تعلمت
ومنك استفدت
ومنك اخذت اجمل وارق المعاني
كثير تلك الامور التي كانت مخزته في داخلي
لك دور في سبر اغوارها وتركها تحلق في سمائي من جديد
شكرا لوجودك بقربي
شكرا لانك وحي لكثير من افكاري
:**
والقصه بعضها يحتمل تجزئ
وبعضها شئ بسيط لا يحتمل

esTeKaNa يقول...

ارتفل
~~~~~
tiga:)
مع هزه راس خفيفه
:pP~
فعلا المهم ما ارتبط بيوم معين
عشان ما احس بالالزام وما اكتب
اعرف روحي دعله من احس اني ملزومه بشي







najmah
~~~~~~~~
وي يا زينج ويا زين بدلياتج
افا عليج
افهمج انا بالاشاره
حتى لو في بدليات
منتي بعيده عني
:*

esTeKaNa يقول...

noor
~~~~~~
ياهلا بالنور
يمسيها ربي دايم بالسرور
:)
انا وايد كنت اكافئ نفسي ايام الدراسه
اليوم اللي ادرس وايد اطلع بليل
الي اقدم زين اشتري كيك
ااذا هلكت روحي عقب الامتحانات
اسافر بو يومين
وهكذا
!!
يا بعد قلبي قلبج يا النور
خلي النور يسكن نفسج ولا تقولين قاعده اقص على نفسي ومصيرة سعيد الحظ بيقرب ويكتشف هالنور
:)
وحيااااج الله

esTeKaNa يقول...

شلالات
~~~~~~
واي يمة
احس انا راح امل من نفسي
انتو اشلون
:)










حسين
~~~~~
عاش من شافك
!!
عسى بس مو ماخذ بخاطرك على استكانة
صار لنا فتره ما عاد شفناك فيها
:(
وخوووش راي
شكرا

عــــاشــــه يقول...

تولهت عليج

واي من زمان

ماأحلى خربشاتك وحكاياك ياإستكانه

esTeKaNa يقول...

darkness
~~~~~~~~~~~
من اروع التعليقات
!!
احببت ردك لدرجة
اني اخاف ان اعقب باي كلمه
تفقده قيمته وروعته
الله يحفظج يارب ولا يحرمني من صدق وحكمة تواصلك
:)













ولد الديرة
~~~~~~~~~~~~~
كل واحد وجيله
:pP~
كاكو بو بقره اكتشاف الطفوله تحط القرطاس على عينك وتشوف الدنيا حمرا
!!
وبو شمسيه
وذاك العود اللي يدش لي البلاعيم
:pP~
وي عسى ربي ما يحرمنا ذيج الابتسامة ويديمها قول امين
:)







دلللي ومللي
~~~~~~~~~~~~~~
قد اكون قسيت عليك
حملتك يا نفسي فوق ما تستحملين
انتي تستحقين يا استكانة الفرح
كوني فخورة بنفسك
وكوني سعيدة
:)

كنت استحي اقول شنو كنت ابي اكتب
بس انتي ما تطلبين
انتي تامرين امر












قلب طفلة
~~~~~~~~~~
حيالله قلب الطفله
يا هلا وامية هلا
:)
فعلا كل واحد في داخله طفل
واحسنتي باختيارك اسمك في المدونه
اسم معبر وجميل جدا

شكرا لعرضك هالراي
وحياج الله









محارة
~~~~~~~
أنا بخير يا عساج انتي يا الغاليه بخير
انا بخير باحساسج الصادق حولي
بنظرتك الرائعه لروحي
بشهادتج التي تخجلني
!!
افرحني هذا التعليق
وطيرني لي ساااابع سما
يارب تكونين بخير
:***

esTeKaNa يقول...

قيادية
~~~~~~~~~
لا تتعذرين على الاطاله
ترا يا ويلكم مني انتي ونجمة ان قلتو ترا عليج يا استكانة طولنا
!!
هذا بلوقكم
ومن غيركم والله
والله
والله
البوست ما يسوا
:)
وعدل كلامج كله
صور الورد تينن صج
موهوبه صديقتي قياديه
وخوووووش راي
تصدقين من احس اني ملتزمه بوقت وشي ماعرف اكتب
!!
بس كان مهم عندي افكر اجزأ ولا لا
شكرا قياديه الفرح كله
:*

bin3li يقول...

ألحين صارت بيضة وحدة!!
شارية بيضتين بس شكلج لاحسة القرطاس و معضعضته و البلاستيك و اللعبة
:P

esTeKaNa يقول...

kuw-son
~~~~~~~~~
ياهلا ويا مرحبا
يعطيك العافيه
احتسب الاجر وانته بالمكتب
والله يهنيك يارب بلحظات الفرح دوم
:)









charissma
~~~~~~~~~~~~
هلا بجسر المحبه
هلا بالطيبه المحبه
:)
كريزما خلينا نتفق على شي؟
طبيعي ..يبقى لهم اثر في ذاكرتنا
نفكر فيهم
ونراجع في روحنا ذكرياتهم
بس المهم
ما نربط احساسنا وراحتنا بوجودهم
ولا ناخذ من الفرح لحظة الم نفكر فيها بالقلوب اللي نستنا
!!
يا زين الطفله اللي داخلج
هذي تطلع بالمناسبات الرسميه
:Pp~
وحياج الله يا حبيبه قلبي انتي
:**

esTeKaNa يقول...

2COOL2CARE
~~~~~~~~~~~~
1:
توقفت عند كلمه بريق عين الحبيب
!!
اشهد انها فرحة
خصوصا اذا كنت انته سببها
الله لا يحرمك من سعاده كل قلب تحبه
2:
الله خوش كلمه
ان شاءالله بكتبها لهدية ثانيه
:)
3:
فعلا..الرجل لا يمكن التفاهم وياه بالعناد
بالمرونه
وتطيب الخاطر كل شي يصير


وافا عليك
مع كل تعليق لابد من بيضه كندر سبرايز
:)

شكرا على الرد

صقر قريش يقول...

توني شفت رادي وحدي مفتشل!! البدلية بروحه مو حلوه شلون لما تكون بالإسم الظاهر إني فعلا شيبت وقمت أخرف :(.
غستكانة =إستكانة

مع الإعتذار الشديد

esTeKaNa يقول...

حلم جميل بوطن أفضل
~~~~~~~~~~~~~~~~~~~
Yes
:Pp~









صقر قريش
~~~~~~~~~~~
ياهلا ويا مرحبا بالصقر
الابداع قليل مما عندكم
:)
(1)
بالفعل
لابد من وقفه مع النفس دائما
(2)
شكرا على كلامك المشجع جدا
:)
(3)
لووووووووووووووول
ضحكتني
!!
اهم شي الشومن
فعلا كان مسوي شغل في فتره معينه من العمر ومرتبط بكمبارو
(4)
حياك الله
وشكرا على رقي ردك وتواصلك الجميل
وما سوينا شي
اختك اهي اختنا
عسى ربي يحفظها يوفقها يارب
:)











Someone-q8
~~~~~~~~~~~~
وعليكم السلام ورحمة الله وبركاته
:)
لازم نثق بأنفسنا
تلك فكرة مهمة ومقنعه جدا اخي العزيز
ما شاء الله ذاكرتك قويه تبارك الرحمن
ومنكم نستفيد
احيانا نكتشف انفسنا من خلال من يعيشون حولنا
:)
اللهم امين واجمعين
وعسى الرحمن يحفظك ويحفظ لك المزاين بناتك وحرمكم المصون ويرزقكم السعاده دوم








عاشه
~~~~~~~~~
ياهلا بالعوش والله
يا بعد قلبي قلبج
يشهد اللله اني ولهانه عليج واااااايد
لابد تتفرغين لنا بيوم ونسولف
:**










بن علي
~~~~~~~~
hehehehehe
مداخيل العافيه على قلبي
:Pp~

3eZZoW يقول...

CUTE hal estekaaaana !!!!

mashalla .. 7asait belly dakhlech :P .. kakaw aqal ! alath ! coz tabeen ba3ad ? :P hehehe .. mashala 3alaich .. tara el ma3looma w9alat :P

See Yaw

DiLLi O MiLLi يقول...

مشــــكورة حبيبتي
ما يامر عليج عدو


:)

ShLaLaT يقول...

لووووووووووووول شكلج فهمتي استقلاليتي غلط


لا تروحين بعيد

قصدي غرفتي اليديده ان شاء الله لوول

وعن القصص
انتي لو كل لحظه تكتبين شي راح تلقين الجماهير شكثرها
ومحد يمل من استكانه الناطعه :)

استحيتي ؟
لوول

الخيلاء يقول...

اشتهي سكيتلز بهالليل
انا كل مره
لازم الخمس الوان
مع بعض احب طعمهم
مع بعض

و الليون الاخضر الخامض ماحبيته
جنه تعذيب ماجنه لازم نستمتع بكل طعم

ستكانه اكو نوع قرطاسه بنفسجي
بس موجود بمركز سلطان و بعد مو دايما
يدووخ اينن

ترة هذا و صف بيبي خيلاء
:p

5roofa يقول...

انزين خلاص نتنازل و شرايج تكتبين على الاقل بالاسبوع قصه

لوول

SALAMZ sis...

AseeL يقول...

ما عندج سالفة!!. انا لو منج اعطي مديري بيضة من البيضتين والايتسامة شاقة الويه :)

ClOuDs يقول...

استكاااااااااااااااااانه

وجدت نفسي هنا. في هذا البوست.. تتقافز من سطر إلى آخر و هي تبتسم :)

كاكو كندر ارتبط بطفولتي ارتباط وثيق.. كانت أمي تشتري العلبة المحتوية على ثلاث بيضات و توزعها علينا نحن الثلاثه: أنا و أخي و اختي، كانت بالنسبة لنا كنز ثمين.. اختي ما شا الله عليها كانت تأكل نصف و تخبئ النصف الآخر في الثلاجة لتأكله في اليوم التالي أما أنا فلم أكن أقاوم البيضه أكلها على طول بدون تفكير.. و لا زلت حتى اليوم اذا صارت البيضه بين يدي التهمها سريعا لاستمتع بطعمها :)

و بالنسبة للطفلة الصغيرة .. فهذه الطفلة لاعبه فيني لعب :P


بوست جميل. شكراً لروعتك :)

esTeKaNa يقول...

3ezzaw
~~~~~~~~~
ياهلا ويا مرحبا
اييي بالضبط هذا اللي اقصده
كل ما قل كل ما قلت ابي بعد
مشالله مشالله فطين هالعزو
;Pp~
حياك الله









دللي ومللي
~~~~~~~~~~~~
واختي وازين الذرابه
مشكورة على شنو
ترا انتي دلي
:**







شلالات
~~~~~~~~
لووووول
:)
يارب تاخذين دارج بروحج
وتسوين استقبال لنا فيها
ومشكورة يا شلالات ما قصرتي
:pP~










الخيلاء
~~~~~~
بيبي خيلاء
اشوفج باجر الصبح بمركز سلطان
لوووووول
قريت الكومنت مالج دقيت علي امي
يمة اذا يمكم مركز سلطان ابي جم شغله تيبون لي؟
بس استحيت اقول شنو الشغلات
شكلي انا بكبري بروح
:)








خروفه
~~~~~~~
واي تصدقين خروفه
من قلت بكتب قصه وانا متعيزه
ما حلاتي اصرح
لووول
:)









أسيل
~~~~~~
تصدقين من زود اليهاله اللي فيني
غلت البيضه بعيني
دعستها بالجنطة
لووول
:)












clouds
~~~~~~~~
يا هلا وامية هلا
بصديقتي وطفله قلبها الجميلة
:)
اسم الله على اخيتج
!!
تدرين؟
انا كنت اخش نص الكاكو بالثلاجة
نص اليل اقوم جني حلمانه اطلعه وآكله
ما اصير لي ثاني يوم
لوووول