السبت، مايو 31، 2008

مشوار العمر

لأنه مشوار العمر
لأنه بداية لحياة أخرى وعمر آخر
لأنه نقطة تحول في حياة كل منا
لابد ان نتثبت
نفكر بعمق
نسئل
نستشير
نستخير
ويبقى هناك أمر آخر أكبر....
وهو النصيب
.
.
.
لأنه ليس تسيورة مؤقته
ممكن ان تتحملين فيه ثجاله دم احد الموجودين
او تتحمل انت فيه سخافة تفكير احدى الموجدات
لانة ليس مؤقت لابد من تفكير
لابد من لقاء
واكثر من سؤال
.
.
.
.
قد يكون موضوع الزواج في عمر ما كان مرعب
!!
فكرة الارتباط الابدي بمجهول لا نعرفه
مهما سئلنا مهما استخبرنا يبقى هناك شئ نحن لا نعرفه
وجانب آخر...يتكفل به النصيب
الم نحفظ ذاك المثال المتكرر والمستمر:
الزواج مثل الرقيه؟
ويا تصيب يا تخيب
.
.
.
.
على حسب شخصياتنا والبيئه التي نشأنا فيه تختلف نظرتنا للأمور
قد يكون هناك أمر بالنسبه لي شئ مصيري وكبير
بينما بالنسبه لآخر شي بسيط هناك ماهو أهم منه
!!المعيار يختلف من شخص لآخر
كثيرا ما أسئل عن فلانه،ورأيك بعلانه لزواج
احاول التنصل وسحب روحي من تلك المواضيع ولكني للأسف غالبا ما اكون في وسطها
وأشعربالاحراج لوضعي بموضع تقيم لاي انسانه عاشت معي عمر وتربطني بها عشره
فكلما زاد القرب بينك وبين شخص عرفت عيوبه ومميزاته
عرفت كل اخطائه والتجارب التي مرت في حياته
هناك تجارب يمر بها الانسان دون تخطيط منه
لظروف مرت به
او ربما لان القدر اراد ذلك
قد يكون في حينها باقصى حالات صدقه
قد يكون اعتقد لوهله ان تلك العلاقه والتجربه هي حب عمره
ولكن....لا تسير الامور مثلما نريد دوما
كم منا مر بمثل هذه الامور؟
!!
هناك من يتجاوز تجاربه (السلبيه) ويشعر بنوع من الألم لمروره فيه ويطوي صفحتها ويسير
وهناك من يستمتع باي تجربه او علاقه مرت فيه ولا يشعر ولا بهاجس تأنيب الضمير بالعكس
يستره الرحمن في الليل ويفضح نفسه في النهار
بل يتمادي ويتمادى ولا يقف فقط لحد العلاقه
!!
قد اكون محاطة بهاتين النوعيتين من البنات
احداهما مرت بتجربه ...طوتها وستر عليها الرحمن ومضت بحياتها
اما لان تلك التجربه لسبب ما لم يقدر لها ان ترى النور لظرف خارج عن ارداتها
او لانها قد تكون اسااءت الاختيار
...
وأخرى..مرت بتجربه ولكن لا اعرف اين وصل مداها
تجربه اوطى من ان تكون مشاعر
احساس
او تحمل رقي من اي نوع
....
الموضوع بالنسبه لي مصيري
قد يكون له موضوع بسيط
!!
.
.
ما زلت في داخلي احمل نظرة أمي،وبقايا من تأثيرات جدتي
ما زلت احترم البنت التي مهما كبرت ومهما استقلت في حياتها وحققت نجاحها
تظل مرتبطة باهلها
تشاورهم
ترد لهم الراي
وتعيش في محيطهم
امثال تلك الفتيات يكن مرنات نوعا ما بعض زواجهن
فهي اعتادت ان تشاور احدا قبل اخذ اي قرار
اعتادت ان تسمع كلمة لا مثلما سمعت نعم
اعتادت ان تعيش بصحبة آخر يكون له نوع من التأثير عليها
لذا فهي عندما تتزوج (تلبق)مع رجل يقول لها لا
ونعم
ومتى بتروحين
ومتى بتردين
!!
على عكس البنات المستقلات اللاتي لا يرد لهن طلب
ولا تشاور احد وليس لاحد عليهن كلمه
اول كلمه قد يسمعها الرجل منها:
ما ردني ابوي عشان تردني انته
!!
.
.
.
.
كان ابن خالتي قريب مني قرب الاخ من اخته،عندما قرر الزواج ظل يحوم حول صديقاتي
ربما لانهن صديقاتي
او ربما لاني قد اكون صادقت نصف بنات الكويت
:Pp~
المهم..طوال فتره بحثه عن عروسه واقتراحات بنات خالتي واقتراحاتي
كنت صامته ،افضل ان اسئل له عن بنت
ولكن..لا اقترح له انا اي بنت
كانت لي صديقه قريبه من العائله بشكل كبيرة
تقترح هي الأخرى
وتبحث معنا
كنت كثيرا ما اردد اسمها..فلانه تقول شرايك بهذي؟
وفلانه تقول ما تصلح هالبنت
كثر ترديد اسم فلانه انطبع في عقله فسئلني:
شرايج بفلانه اللي قاعد تدور لي؟
شفيها؟
رغم انها صديقتي انا قبل ان تكون صديقه العائله الا انها لم تخطر في بالي
هل فعلا هناك اعجاب بالسمع؟
وهل فعلا نحن قادرين على لفت نظرشخص ما لآخر من خلال الكلام؟
المهم
قررت ابنه خالتي ان نحيك خطة ليراها ومن ثم يقرر دون علمها
طوال فتره التخطيط واستكانة تغرق في حالة صمت
اتفقنا على ان نشرب قهوتنا في ذااك الصباح في ستاربكس
انتهيت من محاضرتي وخذيتها معي وذهبنا بينما تنتظر ابنه خالتي هناك
كنت متوتره
قلقه
انظر مابين الحين والآخر للباب
واشعر بدقات قلبي تفضحني كلما قرأت منه مسج
انا قريب وينكم؟
الحين انا ليش متدوده؟
اهو ياي يشوف البنت انا (كوجا مرحبا )متدوده
ولما اشتعل وجهي بقلق وخجل فضحهم وعفس الخطة فوق تحت؟
:D~
الشاهد ..تعبيرات وجهي فضحت خطتهم
وفطنة صديقتي كانت اكبر من خطتنا
تقدم لها رسمي ..في مرحلة السؤال كانت تتصل علي والده صديقتي كثيرا
وكثيرا ما قالت لي :
يكفي يا استكانة ان ابن خالتك
!!
وكنت اشعر بالقلق،هو ابن خالتي ولكن هذا لا يعني ان يكون قمة
بل هو عصبي
واقشر اذا استعسر
كيف اوصل كل تلك المعلومات؟
هي مدللله
لا يرد لها طلب
هو حديث التخرج من الجامعه
لم يكون نفسه بعد
ولا يملك شئ غير عمله البسيط
هي بجر امها
الفتاة التي لا يرد لها طلب
!!
كيف اقول كل هذا؟
لمحت لبعض تلك المعلومات،واكدت لكلا الطرفين الموضوع لا يعنيني من بعيد ولا قريب
يستخيران....يقضيان وقتهما معا
وايا كان النصيب...ستظل هي صديقتي ويظل هو ابن لخالتي
الموضوع لا يحتمل مجاملات
!!
مرت الامور بشكل سليم
تزوجا الاثنين ...ولها اليوم طفلين
:))
.
.
.
رغم محاولاتي المتكررة للبعد عن هذه المواضيع
ثلاثه من ابناء خالاتي اليوم تزوجو ثلاثه من صديقاتي
دون اي تخطيط ورغبه مني
!!
.
.
.
.
اليوم اتصلت فيني اخت صديقتي تسئلني عن قريب لأمي
تقدم لخطبة فتاة تعرفها
اعرف عن هذا الشخص ان صلاته قطاعي
!!
بمعنى ان يصلي أحيانا
وأحيان أخرى يجمع الصلوات كلها
هذا اذا صلاها
لما اعرف هذه المعلومه جيدا؟
لأنه شاليه ابوه بالقرب من شاليه جدي
كان يقضي الوقت مع اخواني وأهلي
وحين يحين وقت الصلاه ويذهب الجميع يصلي
كان يذهب أحيانا..وأحيانا اخرى نجده الوحيد الموجود
في وقت كل من فيه يصلي
وهذا الموضوع تكرر لمده طويله كفيله بأن تطبع الفكرة في ذهني
!!
شعرت بالاحراج لنقل مثل هذه المعلومه
اتصلت على أخي وخالي..تأكدت من المعلومه
الولد ما يصلي
شاورت أبي امس...قال لي هذه الشهاده
تخيلي لو كنتي انتي مكان البنت المتقدم لها
طوال الليل وانا افكر بكيفيه نقل هذه المعلومه
مع التأكيد ان شخص محترم وصاحب شهاده عليا ومنصب جيد جدا لمن هم في مثل عمره
اتصلت علي اليوم في الساعه الحاديه عشر صباحا:
بشري استكانة ؟
رغم ان المعلومه محرجة بالنسبه لي الا انتي انتقيت اجمل الفاظي وغلفت الحقيقه بشرائط من حرير لتصل لها الفكرة برقه
ولكنها فاجئتني:
اي ميخالف
اهي اساسا مو دينه
اذا ما يصلي الحين يصلي بعدين
بس المهم اهو صج عنده محل غير شغله صح؟
!!!!!!!!
منذ متى كان مصدر الدخل اهم من الصلاة
من يخاف الله ويصلي
يخاف الله في ابنتكم
!!
الموضوع ليس موضوع التزام وديانه فقط
الصلاة
عماد لحياة يفترض ان تكون مستقره
ومؤشر على خلق شخص ان أحبك دللك
وان لم يحبك..خاف الله فيك ولم يظلمك
!!
عندما يكون فلان يصلي
هذا لا يعني بأنه شخص متدين ومطوع
هذا اقل المفروض في الدين
عفوا....شصاير ؟
لما انقلبت في عين البعض اهم الموازين؟
انا بمرحلة صدمة
!!
تذكرت قول لآخر:
هذاك اول الاخلاق اهم من الجمال
الحين...الجمال والشكل قادر على تحسين كل اخلاقها بعيني
مجنون
!

هناك 70 تعليقًا:

Najmah يقول...

استكااانة
تخييلي
اقرا البوست وانا طايره
بسرعه بسرعه
ادور خبر فرحة بالنهاية
عبالي عنج
امبيه قوليلي شفيني صايره مصرقعه
!!!
برد اعلق
بعد ما اقراه عدل :)

فريج سعود يقول...

ما ادري ليش مستصعبة الامر
السؤال عن الشريك واجب
والجواب ضرورة وقول الحقيقة لا حرام ولاعيب بالعكس واجب
ان شاء الله يرزقج الي يسأل عنج
:)

esTeKaNa يقول...

najmah
~~~~~~~
Looooooooooooooooooooool!!
واي نجمة
موتيني من الضحك
لو الخبر عني جان خمرت
بتدوريني ما تلقيني
ماعرف اكتب اذا المناسبه حقي
:Pp~
ابيه ترا قاعده اضحك من صجي بدعتي نجمة
:))

Najmah يقول...

باك
احم احم
ماحب ماحب اصير بهالموقف
لما دشيت الجامعة
فجأة حسيت اني صرت كبيرة
صارت غالب السوالف اللي حواليني عن الزواج
وفجأة ايوون لي بنات اعرفهم ومااعرفهم يسئلوني
مادري ليش اخاف ..كله اقولهم انا اللي اعرفه جذي وجذي بس سئلوا بعد

لوووووووووول ضحكتيني يوم فضحتيهم
ترى صج لو انا مكانج جان نفسج
:P
لا لا حدي ما اصلح حق هالمواقف يدرون فيني
اذكر يوم خالي كان رايح يشوف وحدة اعرفها لا تشوفين شصار فيني
قلبي يراقع ورايحة ورادة مو قادرة اقعد على حيلي لما دق وقال لي ان كل شي تمام ارتحت :)
..
الموقف الاخير صدمني
وايد صدمني مو شوية
حرام عليهم
:"((

esTeKaNa يقول...

فريج سعود
~~~~~~~~~~~
ياهلا ومرحبا بفريج سعود كله
:)
تهقه اني مصعبه الامر؟
انا وياك ان السؤال عن الشريك واجب
وقول الحقيقه ماهي حرام ولا عيب
بس الفكرة اللي قصدته:
1-ما عندي مشكله اسئل عن شخص بس اقترح شخص مادري وايد استصعبها
!!
2-واذا سئلت في امر بالنسبه لي يكون كبيرومصيري،وناس تعتبره امور بسيطة جدا قاعده انصدم من نظرة البعض للامور
ولا شرايك؟
3-وبالنهايه انا ما درست وتعبت وبالاخير اصير خطابه
Hehehehehehe
:)))

Najmah يقول...

لووووووووووول
انا ذاك اليوم يوم فجاة اختفيتي
قلت اخاف تزوجت
اخاف مادري شنو
اخاف مادري شنو
وفكاار مالها اول ولا تالي
:P

Sn3a يقول...

وللييه راح الرد
في وحده تكتب وتالي تسكر الوندو بدال ماتدز الرد
ايي انا

المهم
استكانه اهم واثقين بقرارج لانهم عارفين تربيتج وعارفين اخلاقج والمثل يقول الصاحب ساحب مو
يعني طبيعي اغلب رفيجاتج يكونون مثلج
صج ان الشي محرج مرات ومربك مرات
لكن اهم واثقين بقرارج

هذا شي
والشي الثاني
جد انصدمت من سالفه اللي تسأل عن المحل ومو هامتها الصلاة
اللي مايخاف ربه بالصلاة اللي ماتاخذ 6 دقايق
بيخاف ربه بالبنت؟
هذا ان كان خايف ربه

الصلاة مو معناته التدين
معناة الدين واساسه


شي ثاني
صحيح ان الاخلاق والدين شي رأيسي
لكن انا وايد اتخالف ويا امي على هالنقط
يعني اهم عندهم تربيه الانسان واخلاقه ومحافظته على الدين هذا معيار الكفاءه للخاطب
شخصيا لي اعتبارات وشروط ثانيه
جايز هالشروط سخيفه او عاديه عند البعض
لكن مو من حقي اختار الشخص اللي بعيش وياه باجي عمري ويكون على الاقل 85 بالاميه موافقه عليه
اهم يخالفوني بالراي
امي تقول تتعودين
او تحبين الاشيا اللي موعاجبتج حاليا


لكن
مادري
احس ليش اوهق نفسي
وفيه شي او عائق كان مخليني ارفض

جد هالقرار وايد صعب
وايد يخوفني شخصيا من هالخطوة
اللي اشوفها جد حياة جديده ماندري شنو فيها

Shaima'a Alkandari يقول...

اي والله الصدف عجيبه

ماتكونين متوقعه وحاطه في بالج وبالاخير النصيب يلعب بالحسبه
الله يهنيهم ويسعدهم يارب

اهم شي عندي بزوج المستقبل انه يصلي وبار بامه وابوه عشان اضمن انى اعيش حياه حلوه وياه

وشهالحجي الحين الفلوس اهم من الصلاه

لاحول ولاقوه الا بالله

ومثل هالامور لازم يسألون عدل

فراوله يقول...

مساالورد والجوري
غاليتي الحبيبه
الموضوع كثير حساسه ومهم حده
بس المشكله ان المفاهيم حدها تغيرت وانقلبت فوق تحت
اول الناس اتدور اللي عنده اخلاق وصلاة
واخر شي يفكرون فيه الماده
بس اللحين والعياذ بالله
الفلوس وما يملك اولا
والباجي لاحقين عليه
الله يعفي عنا من هالاوادم
لانهم صج من القواعد الشاذه
بالمجتمع
مع احترامي للجميع
...
ودمت بدفء وعذوبه
ابدا
:**

someone_q8 يقول...

السلام عليكم
اختي استكانه , الشهادة لأي شخص ليست شهادة مرحلية فقط , بل هي شهادة لله سبحانه لان الشهادة في هذه الامور مهمة لحياة فردين سوف يرتبطون مع بعض ويكون من ضمن قرارات الزواج سواء بالقبول او بالرفض بعد طبعا الاستخارة بينهم
قولي اللي اتعرفينه بدون تجميل او حتى لتوصيل المعلومة بشكل خفيف , لانج بالنهاية راخ ترتاحين بالقول المباشر وهو الافضل

قولي اللي عليج وبالاول وبالآخر لابد من الاستخارة لان هي الفيصل في هذه الامور


وبقولج اختي قصة صارت معاي شخصيا عندما تقدمت لأحد العائلات للزواج في المرة الاولى استخرت ربي وكانت نتيجة الاستخارة سلبية فابتعدت عن هذه البنت , اما بالمره الثانية تقدمت لاحدى العائلات فاستخرت فوجدت ان النتيجة ايجابية والحمدالله كانت افضل زوجة ولدي 3 بنات والحمدالله على هذه النعمة

للزواج او اي امر : الاستخارة ثم الاستخارة ثم الاستخارة

ريحي قلبج قولي اللي اتعرفينه بشكل صريح والباقي على الله

:: زمــــــــن :: يقول...

جميلة
أحسست بأنك تتكلمين بلسان حالي
تقبلي مروري
وإعجابي
زمن

QiYaDiYa يقول...

موضوع صعب !
لان فيه اختيار مصير !!
لا كلية بدخلها ..
لا وظيفة بتشغل فيها !
ولا حتى مجرد انسان عادي بيدخل حياتي!!

بالنسبة الى ما ردني ابوي عشان انت تردني ..
مو حلوة صراحة !
و فيها اهانة للزوج ..

الحياة اصلا مشاركة ..
حتى لو مع اهلي ..
حلو تقولين وين رحتي و وين ييتي !
مو من باب التسلط !
من باب المشاركة ..

لكن ليش ما نقول العكس !

لما واحد ياخذ وحدة عارف شنو اهي ..
و وقت الخطبة كل شي موافق عليه و يحطلها الشمس باييد و القمر باييد ..
و هالامور الي وافق عليها لا تخالف دين ولا شرع بالعكس ممكن تكون امور خير ..
لكن مجرد ما ياخذها ..
كل الي كان موافق عليه ينقلب و يكون رفض ..

هني نقول ..
انت خذيتها و اهي جذي ؟
تغصبها على شي ليش ؟
يعني اذا كنت من اول شي رافض قول ..
مو عشان تبي تبين لها انك خوش واحد تكون متناقض ..

و قيسي عليها وايد امور !
و البنت على بو انها بتحافظ على بيتها تتنازل وايد !
و بعدين تتحسف !

فاما انها تعيش حياتها و اهي من داخل مو متقبلتها بس ساكتة ..
و اما انها تتطلق ..

وياما بنات ..
اعمارهم ما تعدت 25 ارجعوا بيت اهلهم و بسبة هالشي !!

و اكيد الحياة فيها تنازلات ..
لكن في امور اسمها مبادئ لا يمكن التخلي عنها ..
يعني السالفة مو سالفة بس طلعة او روحة !

ادري ان هذي نقطة ثانية !
لكن مو كل من قالت ابوي ما ردني انت تردني تكون غلطانة !

غلطانة اذا كانت بأمور تافهة ممكن الاستغناء عنها و ليست امور مصيرية!


و بالنسبة الى من قدمت المال على الصلاة!
فلا حول ولا قوة الله بالله!
شفايدة الفلوس اذا ما خاف الله فيها !!

في اشياء وايد ممكن نتنازل عنها !
لكن الصلاة !
صدمة الصراحة !!


و الله يرزقج الزوج الصالح الي يعينج على طاعته ..
و يوفقج و ييسر امرج بكل خطوة يا رب ;**

بصمة منـــارية (: يقول...

السلام عليكم ورحمة الله وبركاته ..

الغالية (( استكانه )) استمتعت بحق و انا اقرا ما كتب و لاول مره لا اشعر بأن حيائي خٌدش و انا اقرأ موضوع كهذا عن الزواج (:

أعجبني ما ذكرتي في البداية من أن البيئة التي تعيش فيها الفتاة او تلك التي يعيش فيها الفتى لها تأثير بعيد المدى على الحياة الزوجية ففعلا الاسر المحافظة و التي تحكمها قوانين الاباء و الامهات تكون حياة الابناء بعد الزواج اكثر استقرارا من تلك الاسر التي ينعم ابناؤها بالدلال الخاطئ و الترف الزائد .. و هذا احد اسباب الطلاق المنتشرة بشكل مخيف في الكويت .. !

أعجبني كذلك محاولاتك المتكررة لايجاد الاسلوب المناسب لايصال فكرة عن الخاطب او المخطوبة هي ليست معلومة بسيطة بل لها دور في استقرار او انهدام الحياة بعد الزواج .. !

أما ما يتعلق بالجزء الاخير .. فللاسف هذا ديدن الكثير من الاسر هذه الايام .. ماذا يملك الرجل و أين سيقيم و هل لديه اعمل حرة غير وظيفته و غيرها من الماديات التي لا دور لها في استقرار الحياة الزوجية بتاتا و تلك المعايير الباطلة التي لا تقدم و لا تؤخر ..

استغرب كيف يبنى بيت بأركان مهدومه ؟؟ زوج لا يصلي و زوجة لا تحافظ على الصلاة كذلك ؟؟ كيف ستستمر حياة هذين الاثنين ؟؟ بل و كيف ستكون الاجيال التي ستتخرج من اسرة مهدومة العواميد .. ؟؟

مممممم .. حقا استغرب و صدمتك في محلها .. و الله يهديهم الى سواء السبيل

شكرا لك .. رائعة بحق (:

2cool2care يقول...

نسأل الله السلامة والعافية

هذه المشكلة للأسف دايره الحين إلا من رحم الله

والله ما اقدر اقول إلا البعد عن طلب الآخرة والتمسك بالدنيا اهو اللي يخلي هالأشكال تدور شنو عنده

وفقاره ما يدرون ان الله إذا اراد ان يقول كن

المحل والشهادة والمعاش كلهم يروحون

الله يصلح الأمور

حسام بن ضرار يقول...

الله يوفق شباب و بنات المسلمين

هالسنين انواع و اشكال

سواء الشباب ولا البنات

الولد ما يتحمل مسؤوليه و البنت ما تعرف حتى تطبخ بيضة مقليه

الدين و الاخلاق بروحهم ما عادوا ينفعون في استمرار المشروع إذا الولد دلخ و مو مال مسؤوليه و البنت دلوعه و يا دهينه لا تنكتين

و الخراب الاولي و التالي من تربية الاهل بمعظم الاحيان،، اهم اللي يخربون عيالهم

الخيلاء يقول...

@@
ابيه ترى انتي ساحره
توني قاعده اسولف مع رفيجتي
عن الزواج
فتحت بلوقج ولا كاتبه عن الزواج

للاسف استكانه انقلاب معايير الزواج
ادى الي انه الزواج صار تبربس
و لعب يهال

يعني الصلاه عماد الدين
و الي مايراعي حق ربه
لاتهقين بيوم بيخاف الله فيج

و الحين للاسف حتى بعض الرياييل صايرين مادين و مايبون الا منكانات
مو مهم الاخلاق المهم منكان
لو الويه ما يتشاهد
و عندها استعداد تصرف على البيت


شوفي زواج هالايام
هذا زواج هذا خرابيط
اهي هايته مع الرفيجات
و سفرات مع اهلها

و اهو هايت مع ربعه
و سفرات و محد يدري عن الثاني

مسوين بيتهم فندق

عشان جذي الزواج الي اهو رابط مقدس يهتز له عرش الرحمن فقد قيمته و فقد هيبته

و بعدين توقعت في خبر حلو عنج
بس ان شاء الله البوست الياي يكون لج

:)

مُحَسّدْ يقول...

الأخلاق والسمعة الطيبة في المرتبة الأولى ولكن هذا لا يعني إهمال الجمالين الروحي والحسي

الزواج ليس مثل الرقية كما ذكرت والانسان لا يعذر بترك البحث والتمحيص عمن يريد الارتباط به طوال حياته
والكمال لله سبحانه

5roofa يقول...

واااااااااي تدرين لي اخر شي و نزلت قلت امبي اكيد بتزوج
استكانه بتعرس لوووووووول

ربي يرزقج يارب الرجل السنع و الذهبه الي يستاهل قلبج الذهبه

و امبي منصج استكانه تخيلي بما اني في عمر طحنت الزواج اجباري تكون موجوده في حياتي
الي يسالون و يستفسرون ما يهمهم الدين الاخلاق

يهمهم المعاش و اني مدرسة
:/

احس وين راحو الي يدوروون البنت باخلاقها و عفتها اختفوو؟؟؟

يارب يرزقج بالي يستاهلج ياااااااارب

salamz sis...

حسافتج يا كويت يقول...

يا استكانة ما شفتي شي


ناس يقطون بناتهم حق واحد يشرب وزير نساء والسبب عندة خير وفلوس


الناس تغيرت ولكن تبقى مقولة لو خليت خربت

darkness يقول...

@@

استكانه حلفي؟؟


امبيه لا ياني صداع


من صجهم؟

صقر قريش يقول...

شؤونٌ صغيرهْ


تمرُّ بها أنتَ دونَ التفاتِ

تُساوي لديَّ حياتي

جميعَ حياتي ..

حوادثُ .. قد لا تثيرُ اهتمامَكْ

أُعَمِّرُ منها قصورْ

وأحيا عليها شهورْ ..

وأغزلُ منها حكايا كثيرهْ

وألفَ سماءْ .

وألفَ جزيرهْ
هذا كلام أحد اصدقائي القدامى الكبار نعم ليس شرطا مايكون مهم عندك مهم عندي والعكس صحيح .

هذا لأن كلامك عن معياد الأهمية للناس يختلف فتكلمت عن هذه النقطة.

نعم سبحان الله الزواج قسمة ونصيب وكان من نصيب ابن خالتك أن يتزوج صديقتك اسأل الله لهما التوفيق وأن يصلح أبنائهما وعن هذا الشيء أختي التي تكبرني كانت تتشكى وتقول رغم إنها مؤمنة بالنصيب بكن كانت تقول صيدقاتي وقريباتي القريبات من عمري تزوجن وأنا لم أتزوج بعد فقالت لها امي أنتظري واصبري فالرزق إن كان مكتوبا لكِ سيأتي إليكِ إلى بابكِ وفعلا بداية هذا الشهر اختي انخطبت :) هو سعيد لها أما أنا فأعانني الله على حنة الوالد التي ستزداد ضراوة لكي أتزوج ولا ادري بمن أتعذر الآن :) .

أما عن الذي تعرفينه وانه لايصلي إلا مقطع أولا لنتفق إن الصلاة واجبة عليه لايمن بها على الله لأن في هذا الزمن إن سألت شخصا مارأيك بفلان قال:زين يصلي !! هو واجب عليه الصلاة يصليها رغما عن أنفه لكن بعض الناس يهمهم دخله وعمله دون دينه وخلقه وهذه مصيبة.

رزقك الله اختي الكريمة استكانة بمن يخاف الله فيكِ وتستاهلين كل خير .

ShLaLaT يقول...

شكلج محتررررره

وانا احتريت وياج

راح ارجع اعلق بعدين
بقلبي كلام وااااايد ودي افضفض عن هالموضوع !!

لي عوده ان شاء الله

هنوفي يقول...

هلا وغلا

هنوفي يقول...

هلا والله ..دايما متميزة بمزاضيعج وذزاقة باختيار كلماتج ..انا ودي ادلي برايي حلوة ادلي صح؟؟ المهم انا عن نفسي لازم اكون صادقة بشهادتي حق اي انسان مهما كان هذا الانسان لان مسالة الزواج مصيرية وبعدين لازم الاختيارات تكون على اساس التقارب والتشابه بين العادات والتقاليد والتربية والبيئة بعدين نفكر بالسؤال عن الشخص لان صدقيني حتى لو كان الشخص ممتاز واخلاقه عالية بس بيئته غير عن بيئتنا واطباعهم غير ساعات صعب على الواحد انه يتاقلم مثلا اعرف وحده من اهلي خذت واحد تحبه والنعم فيه وباخلاقه بس انصدمت باهله مثلا تقول يتلفظون بالفاظ عمري ما سمعتها في بيتنا والابو يسب والام تلعن عااادي جدام بعض تقول طقتني البوهة وبعدين ماعندهم ترابط مثلنا ماكو زوارة كل اسبوع ولا مواجيب والاغرب ان الكل يبوس الكل الحمى ومرت الاخو عادي يسلومون ويبوسون الزبدة ان صعب انها تتاقلم معاهم بارغم من الحب وشلون تراح تقدر تربي عيالها على اي طؤيقة ؟؟الابو وال طريقتهم ؟؟؟

2cool2care يقول...

بنزل بوست وذكر اسمج إذا تسمحيلي.

|:| DUBAI |:| يقول...

أول السطور

شقيت الحلج

أتحرى بتعرسين

: (

ع العموم يا خطابة

ان شاء الله نصيبج حلو

من بعد أعمالج هاي الطيبة

ان شاء الله

!!

تولهت عليج

charisma يقول...

لا تنصدمين وانا امج
اليوم موديل الام كيفى
:)))

مروا على اشكال وارناق يا استكانه
هالناس الى يختارون على هالاساس وهالمبدأ الى ذكرتيه
ما يكونون سعيدين بحياتهم
صدقييينيييي
الجمال والشكل بروح
وكثره الفلوس مع البعد عن الله
مأسااااة
الحياة مو موريحه

والهادى الله
ودايما اقول الزواج قسمه ونصيب

والفااااااال يا ربى حق الى فى باااليييييييييييي قولى اميييييييييين

;)

الله يوفق ان شاءالله حبايبج
والجميييييييييع

عثماني يقول...

اخيتي استكانة

اللي تفضلتي فيه دلالة على المستوى اللي وصلنالة

اللي حتى الصلاة و الاخلاق ما صار لها اهمية بموضوع مصيري مثل الزواج

الله يستر بسترة

DanDash يقول...

يا استكانة آه يا استكانة

شقووول بس شقووول

قاعده أعاني من هل الموضوع لي بيغنا نسأل سواء لبت ولا لبنت يلفون و يدورون
محد فاهم ليش احنا نسأل

الله كريم الله يعطينا على قد نيتنا

Lonsome يقول...

زمن اقشر اسود اللي المحل اهم من الصلاة

بين الريال و الكفر الصلاة و هذي تقول ميخالف صج عنده محل

الله يوفق الجميع

عاد يا استكانة شكلج هابة رييييح ذكرتيني بمريم الغضبان في سليمان الطيب ;)

ShLaLaT يقول...

عدت والعود أحمد



بقلبي كلاااااام وفضفضه على هالموضوع


بحكم ان امي مشاء الله ربعها وايد
ومعارفها وايد .. وتثبت فلانه بنت منو
السالفه مو سالفه انا ادرس عشان اصير خطابه

مو خطابه .. بالعكس لانج صريحه
مثلا امي مشاء الله عليها كانت تذكر بنات حق عيال عماتي
ولا رفيجاتها
لانها صريحه ولانهم يثقون بكلامها
فانتي كل اللي عليج انج تقولين الصج والواقع !!

مهمه صعبه وااايد وايد
وخاصه اذا من النوع اللي ما تمسكين روحج

انا من دخلت الجامعه حسيت اني تحت هالمسؤوليه
صاروا يسئلوني عن بنات معانا .. يطلبون صورهم
يعني اشياء صعبه


ثاني شي

لا يقولون لج قعدي معاها والصبي يقعد جدامكم .. ما استحمل !!
اقعد على اعصابي


ثالث شي

استغرب من البعض اللي يهتم بالكماليات
يهتم بالشكل .. بالماده
وآخر شي الاخلاق

وين قاعدين ؟؟؟ لي هالدرجه بنتكم رخيصه عندكم ؟؟
ومرات البنت اهي اللي تفكر جذي

انا افكر اذا عشت وياه .. شلون يعاملني
شلون يحترمني ويصوني .. شلون يغار علي ويحبني

شالفايده الريال عنده ملايين ويخوني جدام عيني ؟؟
شدراني باجر اذا سافر فيني شسوي ؟؟
محد معاي .. بغربه .. يمكن سكير ؟؟
بالله صار خلاف واسهل شي عليه يطردني ؟؟
بالله رد الديره وخلاني بروحي ؟؟

شهبب شسوي ؟؟

واذا يبت منه عيال !!
ومعاشهم بالشهر 100 دينار .. ولا يدري عنهم ولا عن هوى دارهم
وانا اللي آكلها

يومها شبقول ؟؟ ردني بيت اهلي ؟؟
مو انا اللي اعرف سوالفه ورضيت فيه ؟؟

واهلي شنو ردة فعلهم ؟؟ راح اكون ثقيله عليهم ؟؟



مشكله اللي يفكرون السطحي

انزين عنده خير وما يعرف ربه

وبيوم احترق محله وراحت ملايينه
شسوي فيه ؟؟


حالي حال كل بنت احاتي نصيبي
ادري ما يه ليلحين بس من الحين افكر
شلون ومتى ومنو

بس اللي يرحني صج
كلمتين

لكل امرئ ما نوى
و
الطيبون للطيبات والخبيثون للخبيثات

صدق الله العظيم


وصدقيني
الكل ياخذ نصيبه
والله يرزقنا على قد نيتنا ان شاء الله


هذا جزء من الفضفضه
لو بكتب فضفضتي ما اخلص


اعذريني على شطتي

esTeKaNa يقول...

najmah
~~~~~~~
وايد اتفهم احساسج
امي كانت ما تتكلم عن موضوع الزواج قبل الجامعه
تعتيم اعلامي تماما
!!
اسمع هالسوالف بزواير اهلي
واذا سولفت قالت امي يمة يا هالبنات كل شي يعرفون
انا امي لي قبل سنه عندها تعتيم اعلامي
بس الحين فتحت على الآخر
فجأة صا رالزواج مووضع مهم ويومي
:Pp~

أنا مثلج
احاتي
ووايد اخاف من هالمواضيع
بس بعد هالسنين
صرت خبرة
HEHEHEHEHE
:)

esTeKaNa يقول...

Sn3a
~~~~~~
مساء السنع كله
الله يسامح الوندوز كله
مسيحها بويهي ميخالف
تحصل في احسن العائلات
:)
أولا:
شكرا لتوضيح الجانب المشرق بالموضوع
كلمه نثق فيج تحملج مسؤليه كبيرة
اللهم اجعلني خير مما يظنون واغفر لي ما يعلمون وما لا يعلمون
ثانيا:
الصلاة مو معناتها التدين
معناتها الدين واساسه
هذي اهم نقطة كنت ابي ااكد عليها في البوست
!!
للأمانة
البنت قالت ويييي ما يصلي
ممممم
انزين سمعيني المهم
صج عنده محل
:Pp~
ثالثا:
انا اوافقج الراي
ومع هذا اوافق والدتج
!!
بتقولين لي اشلون؟
اقولج من حق اي انسانه انها تشترط امور لشخص بيشاركها كل لحظات عمرها
وبيكون بالقرب منها بكل شي
قد تكون امور سخيفه بالنسبه للبعض
ولكن بالنسبه لنا شئ مهم
اذن انا اتفق معاج
!!
اتفق مع والدتج لان في نصيب مكتوب
اذا اقترب منك النصيب ستكونين اخر من يتكلم ،هذا اذا تكلمتي
:)
احساس بالقبول قد يجعلك تتقبلين الشخص بكل ميزاته وسلبياته التي كنتي لا تردينيها
وبعدها
ستتأقلمين وتحبين كل شي معاه

الى ان يأتي ذاك النصيب المسكت لكل كلامنا
اتمنى لك حياه سعيده
واتمنى ان يوفقك الرحمن بسنع يفرحك ويفرح قلب والدتك الطيبة
:)

esTeKaNa يقول...

Shaima
~~~~~~~~
هلا بالشيما
هلا بشيخة الكنادره كلهم
:)
اي والله النصيب دائما يكون غير متوقع يا صديقتي
!
عجبتني نقطة البر
فعلا ..من يبر باهله قادر على البر بزوجته وربي سبحانه يرضيه ويسعده


الله يرزقج رجل بار بأهله
محب لك
قادر على اسعادك يا الشيما
:)

esTeKaNa يقول...

فراولة
~~~~~~~
مساءك جميل
بجمال روحك الرقيقه
:)
اتمنى ان يبقو من القاعده شواذ
وااتمنى ان يكثر صاحبي المفاهيم المقلوبه


نورتي

esTeKaNa يقول...

someone-q8
~~~~~~~~~~~~
وعليكم السلام ورحمة الله وبركاته
ياهلا ويا مرحبا باخي العزيز
:)
انا عندي يقين بالرحمن
واعتقد ان الاستخاره افضل طريق للاختيار في القرارات الصعبه
والصحابه رضوان الله عليهم كانو يستخيرون بكل أمر
!!
قصتك جميلةجدا
عسى ريب يحفظ لك زوجتك
ويحفظ لك الجواهر بناتك
ويتمم عليكم سعادته يارب


حياك الله

esTeKaNa يقول...

زمن
~~~~
مرحبا بالزمن
بالزمن الجميل
نورتي البلوق
وهذي الساعه المباركة
:)

esTeKaNa يقول...

QiYaDiYa
~~~~~~~~~~~~~
أنا أشهد ان موضوع صعب يا قياديتنا
بس ربج من عنده يسهل
واذا ربج كاتب نصيب
سبحان الله كل شي يتسهل رضينا ولا ما رضينا
:)
اسم الله عليج تبارك الرحمن
والله كلامج عين العقل
وجودج يضيف لبوستي بعد آخر
عسى ربي لا يحرمني من وجودج
اوافقج الراي تماما

وأجمعين يارب قولي آمين
:*

esTeKaNa يقول...

بصمة منارية
~~~~~~~~~~~~~
وعليكم السلام ورحمة الله وبركاته
يا هلا بالبصمة المناريه والله
أنرتي بمرورك بلوق استكانة كله
:)
اعجابك يشرف استكانة
ويسعد قلبها ويعينها على كتابه كل ما يخطر في بالها
شكرا لوجودك
لمرورك القيم
ولمنطق ردك المميز
:)

esTeKaNa يقول...

2cool2care
~~~~~~~~~~~~~
اللهم آمين
سبحانه من أمره بين الكاف والنون
يغير من حال الى حال
!!
الله يهدي الجميع

esTeKaNa يقول...

حسام بن ضرار
~~~~~~~~~~~~~
اللهم آمين
وانا معاك
انجاح مشروع الزواج يتطلب الكثير من الامور وهي امور مختلفه نسبيه من شخص الى آخر
ولكن
يبقى هناك في اساسيات مشتركة بين الجميع
واهمها الدين
تربيه الاهل
والاخلاق
!!
الساعه المباركة يا حسام
حياك الله

esTeKaNa يقول...

الخيلاء
~~~~~~~
تهقين انا ساحرة؟
hehehehe
يا زين سوالف الرفيجات والله
الله يحفظكم حق بعض
!
عدل كلامج والله يا الخيلاء
انقلبت المعاييربشكل مو طبيعي
والزواج صار تبربس
غايه..لتحقيقها ممكن استعمال اي وسيله
وعند الوصول اليها لا يهم شئ بعدها
الحياه صايره ماديه
والمعاير منقلبه فوق تحت
ويبقى هناك فكرة ويقين
لو خليت لخربت
والطيبون للطيبات



توقعتي البوست عني؟
hehehehe
ترا استحيت
:Pp~
قلت حق نجمه وارد اقولج
اتوقع لو كان في شي خاص فيني
ما راح القى كلمه بوقتها
لما تشوفين بوست فاضي
عرفي ان صار شي
:)))

الخيلاء
الناس تكتب كومنت وترد بكومنت
يختج انا احب اسولف وياج
:pP~

esTeKaNa يقول...

محسد
~~~~~
حيالله المحسد والله
!!
هل هناك من يبخص أثر وأهميه الجمال الروحي والحسي؟
بالنسبه لي
اعتقد انه امر ذا اهميه كبيرة
مشوار العمر كله
يحتاج ويه صبوحي نطل فيه
مو الا جمال
بس على الاقل
وجه يدخل القلب
:Pp~
حياك الله

esTeKaNa يقول...

5roofa
~~~~~~~~~
حيالله الخروفه
لا لا
هذا البوست سبب لي مشاكل
الكل يسئلني
ترا استحيت
لوول
وارد اقول لو في خبر عني راح انزلكم بوست فاضي
:Pp~
ضحكني عمر طحنة الزواج
حدي حاسه فيج
وازيدج من الشعر بيت
انا سامعه واحد يسئل:
عندها سيارة؟
حجت؟
تخرجت وعندها معاش؟
هذي اهم شروطة
يبي شي زاهب حتى الحج ما يبي يوديها يبيها خالصه كل امورها
:pP~

esTeKaNa يقول...

حسافتج يا كويت
~~~~~~~~~~~~~~~~
حيالله ابو الزين والله
اي والله الناس تغيرت
:(
يالله السلامة يارب

esTeKaNa يقول...

darkness
~~~~~~~~~~~
اسم الله عليج من الصداع
ياربي ماحب اكتب بوست ايب صداع
:Pp

esTeKaNa يقول...

صقر قريش
~~~~~~~~~~
أعتقد اني سأدون تلك الكلمات
وأحفظها عندي
عجيبه ومناسبه جدا لما اردت توصيله
ماهو مهم عندي قد لا يكون ذا اهميه عند الآخر
!!
اللهم آمين وجزاك الله كل خير يا صقر
فرحني خبر خطبة أختك
الف الف الف مبروك
اللهم بارك لها وعليها واجمع بينهم بالخير
والله يديم الفرح عندكم يارب
والفال لك يارب
:)
شكرا على مرورك
ودعائك الطيب
حياك الله

esTeKaNa يقول...

Shalalat
~~~~~~~~~~
اسم الله عليج من الحرة
وحياج الله باي وقت
:)

esTeKaNa يقول...

هنوفي
~~~~~~
ياهلا ومرحبا بالهنوفي والله
فاقدتج وفاقده تعليقاتج
وعلى فكرة
في سؤال سائلته من يوم عيدميلادي ولا وصلني جوابه
!!
شدراج متى كان عيدميلادي؟
شغلتي لي بالي
:))))




ادلي ادلي
الزم ما عليج اند تدلين برايج بالموضوع
:pP~
تصدقين كلامج واااااايد منطقي
البيئه وايد مهمة اكثر من ما نتصور
لأن علاقة الزواج راح تنشأ وتنولد من خلال هالبيئه وتتأثر فيها
ومهما كان الزوج طيب
ما راح تقدرين تربين عيالج بمعزل عن اهل الزوج
!!
الله يوفق بنيتكم ويرزقهها الزوج الصالح يارب
حياج الله
:)

esTeKaNa يقول...

2cool2care
~~~~~~~~~~~~
أكيد اسمح لك
افا عليك بس
اخو عزيز وغالي
:)

esTeKaNa يقول...

dubai
~~~~~~~
هلا في دبي دانة الحي
حتى انتي؟
lol!
انتي عجبه
مرة تقولين حامل
مرة تقولين لي معرسه
وبعدين وياج يا دبي
:Pp~
اي والله انا بعد تولهت عليج
:**

esTeKaNa يقول...

Charissma
~~~~~~~~~~~~
وي يا زين أميمتي والله
:Pp~
أي والله كثرة المال مع البعد عن الله مأساه
راح تصير الفلوس هني نقمة مو نعمه
!!!
لما اعرف منو في بالج
بقول آمين
:pP~

esTeKaNa يقول...

عثماني
~~~~~~~
اي والله الله يستر بستره
وعقب البوست اللي حضرتك كاتبه
جنه للعزوبيه فوائد ولا شرايك؟
:Pp~
:)

esTeKaNa يقول...

Dandash
~~~~~~~~~
عاد تصدقين
قبل الريايل ما يتكلمون وايد
الحين (بعض)الريايل يفصفصون الحجي اكثر من الحريم
صج مو خوش طبع
بس مفيد
:Pp~
الله يرزقج على قد نيتج يارب
قولي آمين
:)

sologa-bologa يقول...

يعني الريال لازم يصلي علشان يكون زوج ناجح؟؟

بس اكتفي بهذا السؤال
لأن اذا قلت اكثر يمكن انطق

esTeKaNa يقول...

lonsome
~~~~~~~~~
كل الكومنت بصوب
واني اذكرج في مريم الغضبان شي ثاني
@@
مممممم
انتي قصدج بهبابه الريح ها
مو بشي ثاني طبعا
:Pp~
هذي الساعه المباركة اللي اشوفج فيها في مدونتي
حياج الله
:)

esTeKaNa يقول...

ShaLaLAT
~~~~~~~~~~~
ياهلا فيج وبالعود الأحمدي
:)
فضفضي وحياج الله
هذي الساعه المباركة يا شلالات
أولا:
الله يحفظ لج الوالده
وصج وريتني الجانب الايجابي من الموضوع
يزاها الله كل خير الوالده الله يحفظها ياربي ويزاها الله كل خير
ثانيا:
عندي وعندج خير
اهو ياي يشوفها
وانا اللي متوترة
حمدلله والشكر
!!
ثالثا:
والله عدل كلاامج
وهذا قلق طبيعي عند كل بنت


الله يحفظج ياربي ويرزقج الزوج الصالح اللي يفرح قلب أميمتج فيج
قولي آمين
:**

esTeKaNa يقول...

ملاحظة لأصدقائي المعلقين
هناك اربع تعليقات قرأتها
ونزلتها في البوست بس ماني لاقيتها
:)
راح اظطر اعيد كلامكم في التعليق ومن ثم الرد عليكم


نأسف للخلل الفني
وعفوا..خداي استكانة الموسمي
:Pp~

esTeKaNa يقول...

Penguin
~~~~~~~~~

استكانه

من فتحت البلوق و انا مبتسمه و كلما نزلت بالبلوق زادت بسمتي (زين ما انشق حلجي) بس يوم قريت آخر شي طلعت عيوني من مكانها :|

ماقدر أعلق الصراحه





ESTEKANA:
كان بخاطري ابتسامتج تبقى لي آخر البوست
هذي الحياه
وياما..بنعيش ونشوف وأنا اخيتج
حياج الله
وهذي الساعه المباركة ياصاحبة الابتسامة الشقاقيه
:)

esTeKaNa يقول...

Kuw_Son
ّّّّّ~~~~~~~~~~
للأمانة
البنت لللي مكلمتني مكلمتني من طرف البنت نفسها
فأعتقد هذا تفكير البنت
واله أعلم بتفكير أهلها
!!
الله يحفظك من النسرات
ويرزقك زوجة وديعه قول آمين
:)

esTeKaNa يقول...

lawyer
~~~~~~~~~
عزيزتي استكانه

للاسف الحين حتى الي يصلي ما يخاف الله في البنت

قبل كنا نقول فلان يصلي يعني زين و الي يخاف الله ماراح يظلم و يخاف الله في البنت

رفيجاتي 2 وحده ريلها يصلي صلاه عاده
ظااااااالم ظلم مو طبيعي

الصلاه بريه منه

و الثاني ما يصلي ولا يصوم

بس اخلاق

صدقيني انا اهني مو قاعده اقول ان الي يصلي مو زين

ولكن المفاهيم من كثر ماهي تغيرت

و الناس تغيررت حتى الزين ماندرين اذا صج زين او ديكوور


انتي متردده بالصلاه !


انا دقت علي ام رفيجتي تسألني عن واحد اسمعت انه يدرس بمصر

قلت لها والله خالتي ما اعرفه كلش بس اشوفه كنت في الفيرست موول يشرب !!

اشردت علي تكفين هذي الام لاحظااي

قالت لألألألألأ احنا سألنا عنه قالو يشرب بيره بسسسس!!!


اشحقا تسألوووووون اذا كل شي عندكم عادي اصلا!





ESTEKANA:
ياهلا وأمية هلا بلوير والله
:)
انا معاج ان كثير من الناس صلاتهم لا نهتهم عن فحشاء ولا منكر
ولا سنعت بأخلاقهم شي
يأدونها كعادة ماهي ابد عبادة
لكن يظل في فكرة وقاعده مهمه
العيب هني في الشخص
مو في الصلاه
والفرضه ان الشخص المصلي الخائف من ربه يكون أفضل بكثير من شخص غير مصلي
!!



سالفتج تعور القلب
هذي الام
عيل البنت اشلون
بس مالج شغل اهي سائله
اهم شي بس يشرب بيرة
صح مافيها شي
:pP~

esTeKaNa يقول...

الزين
~~~~~~~
اختلفت الموازين يا استكانه
واختلت

واصبحت المقاييس شيئا آخر

يدورون على الراحه من الأعباء المادية
وينسون راحه البال ورضا رب العالمين

الصلاة عماد الدين
فمن صلحت صلاته صلح عمله

مافي ادراك لقيمة الصلاة بالنسبة لهم كبشر

يفلسفون الأمور حسب هواهم
ويفصلون الدين بالطريقه اللي تناسبهم

نسوا ان الصلاة تنهى عن الفحشاء والمنكر

الموضوع هذا مأزمني
ولا تسئليني ليش

سالفة السؤال فهذي شهادة تسألين عنها يوم الحساب
ولا تملكين الا انج تقولين الصج

وبعدين هذي الكويت
تنسألين ويسئلون عنج

عادي

تصدقين وانا اقرا البوست
اقول البارحه شايفتها ما قالت لي انها انخطبت
@@

شفيني؟؟؟
يمكن قلبي مكسور وابي خبر يفرحه

عاد قلت ازوج استكانه احسن شي

هههههههه

الله يرزقج بولد الحلال ويرزق اللي في بالي يارب
:**




estekana:
يا مسا الزين كله
يا مسا الشوق اللي مقطع بعضه
:)
فعلا الموضوع يأزم
لأن في ناس كثيرة تحاول تسفه الموضوع في عيونا ويعطونا أهميه اكبر لمواضيع أخرى
!!
زيون
انا ما اقول الصلاه وبس
ما اقول يصلي واقطع
اكيد في اشيا ثانيه مهمه
بس هذا شرط اهم من كل شرط لا يمكن التنازل عنه
دام في يدها الاختيار
فتجيد الاختيارد بقدر المستطاع


زيووووووووووووون
من اللي كسر قلب الحبيبه؟
اسم الله على قلبج من الكسر
وتهقين
يعني انتي تهقين
ولا ايي في بالج
يكون عندي خبر افرحج ولا ابشرج؟
ياربي انا استحيت منكم ترا
هههههههههههههههههههه
قلت لكم
راح انزل بوست فاضي
وانتو فهمو
:Pp~
يا عسى ربي يحفظج ويرزقج كل الفرح انتي وكل من تحبين يارب
:**

esTeKaNa يقول...

ASeel
~~~~~~~~

استكانة صاير خطابة؟ :p

ماخذة فكرة غلط عن البنات المستقلات.. فقبل ان يكونوا مستقلات لهم عقل وقلب!!

وبعدين ياما بنات تابعات اختربت بيوتهم بسبب ام او خالة او اخت!!.. وياما بنات مستقلات محد قدر يخرب بيوتهم لانهم مستقلات.. والعكس صحيح

!ترى الموضوع نسبي

وبعدين المدللات يطلع منهم ربات بيوت ترى لسبب بسيط.. انهم تعودوا على السنع

مجتمعنا وايد ماخذ فكرة غلط عن البنت المستقلة!!

...و

أحد النواب السلفيين "المصلين بالمسايد" السابقين اللي صار الحين وزير ترى كان حارق ويه مرته اللي تزوج عليها بـ تيزاب!!

وفي ناس يحطون الكاس بعد ما يطلعون من المسيد ...
عمرها ما كانت قاعدة استكانة لاستقرار الزواج في ظل ازدواجية معظم الرجال الكويتيين.. انا من أشد المؤيدين للرجل الملتزم.. بس الحيادية والمصداقية في الطرح واجبة

!وهالموضوع بعد نسبي

والمعذرة اذ طولت عليج








estekana:
~~~~~~~~~~~~
مو حسافه علي أخر تعبي ودراستي اصير خطابه؟
ادعي ياربي يقبلوني بسرعه
واعتزل شغل الخطابات
وبيني وبينج افكر آخذ نسبه
شرايج؟
شي اربح من شغل المعارض
:Pp~
الحين عاد بتربع وبجابل تعليقج
ونفججة واحده واحده
اوكي؟




أولا:
تقولين اني ماخذه فكرة غلط عن البنات المستقلات؟
واقولج:
الاستقلاليه كلمه مرنه لها اكثر من تعبير ومعيار
وقبل ان اذكر كلمه مرنة في البوست انا ذكرت قبلها عن نوعيه من البنات المستقلات اهي بالنهايه اللي تاخذ قرارها ولكن
تشاور
ترد لاهلها الراي
ولهم نوع من التأثير عليها
واعتقد هذي الامور ما راح تخليها تابعه او انسانه مالها شخصيه
صح؟
وما بعده من كلام :
المستقله لها عقل وقلب
وكثير من التابعات خربو بيوتهم لاكثر من سبب
والمدلالات يكن ناجحات
أنا أوافقك في الراي امية بالامية
:)
لو قلت شي عن البنت المدلله
فأنا اعيب نفسي
لأني اعتبر نفسي بنت مدللة
:pP~




ثانيا:
لست محامية عن السلف
لست انتمي الا لدين بلا حزب
ولكن ليكون للحق كلمه لابد ان نكون حيادين ومجردين
اتفق معك:
هناك ازودواجية في الرجل
هناك لكل قاعده شواذ
وأكيده انا انك من مؤيدين الرجل الملتزم ولكن
وعند لكن نقف

هل تعرفين من ضربتي به المثال شخصيا؟
هل تعرفين شخصياتلك الزوجه التي حرق وجهها؟
هل أنتي أكيده من تفاصيل القضية ومجرياتها وما حصل بعدها؟
هل أنتي متيقنه ما انتهى عليه هذا
الموضوع ولما حدث وكيف ومتى؟
وان كان عندك علم
والمعروف ان الكل عنده علم
فماهي ادلتك فيها واثباتك عليها
!!
على فكرة
انا اتفهم انك ضربتي لي مثال لتوضحي لي ان هناك ازدواجيه
ولكن اعتقد ان لا يجوز التشهير باي شخص كان وهذا موضوع شخصي يمسه شخصيا ويمس عائلته الكريمة وعائله زوجته السابقه التي لن ترضى هي شخصيا بتناقل هذا الكلام ولو كان على سبيل المثال


لم تطيلي علي
هذي مدونتك
وتعلمين انك محل ترحيب في قلبي قبل مدونتي
واتمنى ما تتضايقين من كلامي ابد
:))

esTeKaNa يقول...

sloga-bloga
~~~~~~~~~~~~~
منو يقدر يطق وانا موجوده؟
افا عليك بس
ترا احنا قلوبنا رحبه
ونستقبل كل الافكار والآراء
:)
إجابة السؤال:

الصلاة عماد الدين
من صلحت صلاته صلحت سائر أعماله
هذه القاعده طبعا
ولكل قاعده شواذ
والشواذ يمثلون ذاتهم ولا يقللون من قدر القاعده وأهميتها
قاعده ما ألفتها أنا
ولا غيري
قاعده ربانيه متفق عليها عند الجميع
مع التذكير
بحديث الرسول عليه الصلاه والسلام
بأن من ترضون دينه وخلقه زوجوه
والصلاه ممكن نقول اكبر واهم دليل على الدين
!

مع ملاحظة
احنا ما نقول الصلاة واقطع
والصلاة ولا تسئل عن شي
لا
!
نقول الصلاة اهي اهم نقطة بعدها ننطلق لامور ثانيه مهمه جدا ليكون الرجل زوج ناجح
يعني نسئل عن الاهم
فالمهم
فالاقل اهميه
والأهم..ان يكون الشخص مصلي
:))



عندك اي اعتراض؟
نورنا
:)

AseeL يقول...

انصح بالنسبة.. هالايام الغلاء زايد والبيزنس اهو اللي ماشي.. الوظيفة ما توكل عيش :p

بالنسبة للبنيّات... استشارة الاسرة في الامور المصيرية شيء واجب فنحن لسنا في امريكا.. لا زالت الاسرة هي عمود المجتمع

اما بالنسبة للموضوع الاخر.. فعلى فكرة انا ما ذكرت اسم :)
وليس من عادتي نقل الاحاديث من هنا وهناك بل من مصادر مقربة جدا وذكري لها كما فهمتي هو لضرب مثال لا للتشهير

ومشكورة على رحابة مدونتك
والنعناع صعب يتقاوم.. صورتك شهية :)

Najmah يقول...

عقب ماقريت كل التعليقات
قاعدة ادعي
ان البوست الياي يكون فاضي
:*

هنوفي يقول...

أبيييي ليلحين ذااااكرة انزين بقولج بس اشوه انج ماتعرفيني عشان ماتطقيني !! الله يسلمج انا رفيجتي اواختي بيالة مهيلة مادري حليبة مهيلة المهم هبت هبه بالبلوقات وانا وقتها مادري شنو يعني وذبحتني عفيا دخلي على سالفة قلب دخلي على استكانة على مادري منو ومرة دخلت قلتلها ابيييه اي شي صج سخاافة المهم ماطول عليج مرة دخلت عليج واندمجت حددده مع موضوعج مادري شكان عنه خ وتجاوبت معاج ورديت عليج وعقب فترة قلت خل اقرى مواضيعها القديمة ووصلت لي العام شهر ابريل وصادف ان يوم عيدميلادج نفس اليوم اللي كنت قاعده اقرى في يعني بقى ساعة عليه عشان جذي كنت اول من يهنيج وبصراحة كنت متوهقة خفت ان غلط وانا ماعرف حق البلوقات عشان جذي سالتج!!!!
ملاااااقة صح ؟ ادري ماكنتي متوقعة هالرد بس شوقتج وخليتج ماتنسيني !!!

ARTFUL يقول...

ما يمدي أكتب
بس ودي أقول إني قريت

=)

esTeKaNa يقول...

ASeel
~~~~~~~
مممم
اعتقد بعد ان سمعت رأيك
سافكر بالموضوع جديا
ولك نسبه من الربح طبعا
:Pp~
على فكرة
انا جدا استمتعت بالحوار معك
وان كنت اعتقد اني هالمرة كتبت الكومنتس اطول من البوست بكبره مليون مرة
:)))
نورتي يا اسيل










Najmah
~~~~~~~~~
يييييه
جذي تبون الفكة مني؟
:Pp~
ياربي وين اروح
كل ما اروح عند احد يدعي لي
نجمه
عمه ابوي الكبيرة تقولي بالزواره الله لا يطول شده
لوووووووووووووووووول
وانتي تدعين يارب ينزل بوست فاضي
لا تحسسوني اني عاله على المجتمع بليز
:pP~











هنوفي
~~~~~~~
ياهلا وامية هلا بالهنوفي
اانا من الاساس اتحرى تعليقاتج
وهالمرة تطلع الغاليه اختج؟
تصدقين ماعرفها
بس احبها من ذكرها وتعليقاتها الناطعه اللي كانت توصلني
:)
حياج الله
وهذي الساعه المباركة
وصج صج صج
تعليقج واااااااااااااايد ونسني
:*










أرتفل
~~~~~~~~
كل يوم الساعه 11 اتحراك
قلت اكيد هاليومين لوود وشغل وايد
بس خلاص
دامك قريت
الحين اقدر انزل بوست يديد
:Pp~
حياك الله

ARTFUL يقول...

يحيييج
ومشكورة على النطره

لووول

=)