الأربعاء، مايو 28، 2008

...عدنا

إرهاق نفسي
وتوتر انتظار
وقرارات مهمة تنتظر اختيار
!!
انزوي على نفسي
واتعايش مع قلقي
وحده كان يعلم ...بأن ابنته ليست على ما يرام
.
.
.
يفاجئني أبي باتصال صبيحة الأحد وانا في الدوام
يخيرني مابين القاهره او الذهاب للعمرة عدة أيام
كنت أفكر بحسبه الأيام عندما فاجئتني باتصال ثاني:
يالله طيارة جدةفاضيه ردي البيت زهبي اغراضج والساعه واحدة بالمطار
!!
بحركة سريعه رجعت البيت رتبت اغراضي والساعه 11 بالمطار
يناظر أبي حقيبه سفري ويرفع حاجبيه ويتحلطم:
من صجج هذي جنطة 3 ايام؟
وضعت كل ما رأيت أمام عيني ومع هذا ...نسيت الكثير من الأغراض
بينما تبارك الرحمن ابي بحقيبته الصغيره المرتبة لم ينسى اي من اغراضه
.
.
.
.
بسيارة صغيرة بقيادة أبي نتجه لمكة
احساس عجيب بانشراح نفسي رهيب مع كل خطوة تقربنا من مكة
دخلنا الحرم مع صلاة المغرب وابتدأنا بالطواف
سهالات رغم الازدحام من الاتراك والايرانين
لا اعرف ما سبب الثواله التي تنتابني في كل عمرة
!!
امسك احرام ابي كطفله صغيره
واكون بقمة تركيزي لاتجنب الاصطدام مع احد
واسئل ابي سبع مرات عن ذات الدعاء
وكأني...من المسلمين الجددفي لجنة التعريف بالاسلام
الساعه التاسعه والنصف كنت بقمة الانهاك مع نهايه عمرتي
سبقت ابي للفندق بينما توجه هو للحلاق ومن ثم لشراء عشاء
عسى عمرك طويل يا بعد حياتي يا ابوي
.
.
.
.
كنا قد خططنا لقضاء يومين في مكة..ويومين في جده
!!أريد اكتشاف في جدة الاسواق
كنت اغط في نوم عميق في صبيحة الاثنين
صحيت على هزات هاتفي المتكرره:
مرحبا استكانة
ادارة............ندعوك لمقابله العمل في يوم الاربعا صباحا
الاربعاء؟
!!
لا اعرف كيف وقفت على رجلي فجأة
اركض لأبي الذي ضحك على خرعتي
وتصرف سريعا لنعود لجدة في ذات المساء
:(
.
.
.
!!جدة غير
عباءات على الكتف
سفور وشيلات تكشف اكثر من ما تستر
قهاوي وقعدات
نوعيه أخرى من السعودين لم اعتد ان اراهم
اجمل مافي جده الاسواق....لو كنت سمعت من احد ان لجده سوق مميز ما صدقت
ولكن ما رأيته في عيني شي من الخيال
كل شئ متوافر وبعض الاشياء لم تنزل في الكويت الى الآان
تم اعتماد سوق جدة لقربه
!!
يضحكني من يناديني بحضور أبي يا مدام
يتبوسم اابي واتحرش فيه:
مسكينه انا
!!
اللي يشوفني يقول اكيد غصبوها على ريال كبر ابوها وعلية
:Pp~
.
.
.
.
يوم الثلاثاء مساء عدت للكويت
انشغلت بقراءة بعض الامور استعدادا لمقابله اليوم
بشكل عام كانت المقابله جيدة رغم صعوبتها
ولو اني عانيت من موضوع غريب
!!ما اسمع
كل ما تكلم رئيس اللجنة ابتسمت:
عفوا ما اسمع؟
شنو؟
نعم؟
ثم زادت الحاله لحركة العيايز
الف ويهي واعطي اذن واحده للمتحدث
ترا انا ما اسمعكم
وابتسم ابتسامة غبية
!!
ليش جذي صار؟
!!
مشكلتي في المقابلة الشخصيه اني اسولف بشكل طبيعي
بمعنى...اعبر عن مشاعري بانسيابيه:
ترا انا متوتره
مممم ....انا اعرف المعلومه بس شوي خايفه
شوي وبذكر
وفعلا اتذكر
!!
سبيكر على افكاري ومشاعري
لا اعرف اذا كان هذا ضعف او شئ ايجابي فيني
!!
هذا غير السوالف
جني مسيرة على ناس ما جني بمقابله شخصيه
الله يستر
.
.
فعلا......ساكون سعيده اذا تم قبولي
ذلك من افضل الاماكن التي رغبت بالعمل فيها
الله يسهل يارب وانقبل
.
.
.
.
لاعرف كيف مر هذا الاسبوع.....
مكة
جدة
الكويت
مقابله عمل
وبنتظار خبر
الحمدللة
!!

هناك 92 تعليقًا:

Najmah يقول...

استكاااااااانة
والله انج يومين على بالي
واقول وينهاااا
توني الحين الحين داشة بلوقج بكتب لج انتي ويييييينج :((

الحمدلله على سلاااامتج وتقبل الله طاعتج يالغاليه
دعيتيلي؟ :))

عسى ربي يوفقج وتنقبليين يااااارب

ShLaLaT يقول...

الحمدالله على سلامتج يا الغاليه


اسبوع مزدحم والله
بس وناسه
كله اشياء حلوه


سفره قصيره مع حبيب القلب الوالد الله يخليه لكم

مقابله بمكان حلم حياتج


الله يونسج بالعافيه
ويكتب لج الخير بدربج

الله يسهل عليج ويقبلونج ان شاء الله



شوفي استكانه

انتي خوش بنيه .. والشركات يتخامطونج
الكل يبيج عنده

وان شاء الله تنقبلين بالمكان اللي انتي اخترتيه

الله يحفظج استكانتنا

bin3li يقول...

الحمدلله على السلامة
:)

charisma يقول...

يحلوج والله انتى
:**

تقبل الله طاعتج والحمدالله على السلالامه
عمره مقبوله يا احلى استكاانه

وجده غيير
:)))
اى والله جده غير
بس على كثر ما سمعت عنها ما شفتها جده
وصج الى ودى اشوفها المدينه الصراحه
الله يكتبها لى ان شاءالله

بالتوفييج بالمقابله
:)

والحمدالله على السلامه
:*

QiYaDiYa يقول...

تقبل الله طاااعتج

و الحمدلله على السلامة ;**

فقدنااااااج ..

و ربي ييسر امورج و تنقبلين المكان الي تبين ;D


اما سالفة مدام لما تكونين مع ابوج ..
فعندنا و عندج خير ;p

انا ما عندي مشاكل فيها !
و بعدين في اغلب الاحيان حتى لو من غير ابوي ينادوني مدام !

بس الكلام الي تقولينه ابوي اهو الي يقوله !!

لما اطلع مع ابوي و المكان زحمة امسك اييده ..
يقولي ابوي الحين الناس تقول شنو هالمسكينة الي انقردت و خذت واحد شايب !! ;p

اقوله يبين اني بنتك شدعوة !!

و بعض المرات اذا قالولي مدام ابوي يزفهم !!

يقولهم هذي بنتي شنو مدام !! ;p

يزفهم عشاني و انا مو هامني ! ;p

اقعد اضحك عليه ;p

و صارت مواقف لا تعد ولا تحصى من هالموضوع ;p



ضحكتيني على سالفة السبيكر !!
;p

طبيعي جدا لا تحاتين ;p

Zabo0o6a يقول...

tegabal allah 7abeebty o el7mdella 3ala salamtej ;)
tawej yaya men bait allah akeed btengableen bel moukan eli tabeenah ;)

someone_q8 يقول...

السلام عليكم

تقبل الله طاعتج ان شاء الله
واللي الله كاتبه وامقدره لج راح تاخذينه بدون واسطة
لكن ادعي ربج على طول انه يوفقج لهذه الوظيفة اللي تبينها , وتوكلي عليه
موفقه اختي ان شاء الله

غير معرف يقول...

تقبل الله طاعتج
اشحقاااااااااااااااااا بالله ما يقبلوووووووووووونج

مالت عليهم المنه علييييييييييييهم

خيولوووووووووووووووووووووون
انشاء الله بيقبلووووووووووووووووووووونج قولي انشاء الله




ترا جده سووووووووووووووقها فظييييييييييع
عجيييييييييييييب اصلا احنا وايد انتسوق بجده و صاحبااتي السعودياااااات عادي عادي في الويك اند يطقون طريج من الرياض بس عشان السوووووووووق

ياحبيبتي ديره تعدادها 30 مليووووون اكيد سوووووووووقها شي


اهم شي بسسسسسسسسسسس استااااااانستاااااااااااااااي غيرتاي جوو

ياززين الرفرش

غير معرف يقول...

اووووووه نسيت ترا انا لوووووووووير

حسافتج يا كويت يقول...

الخبر عندي يا إستكانة


تبين تعرفينة؟؟

نزلي شوي






















بعد نزلي























هم نزلي


















اخر مرة نزلي






















عليج واحد هم نزلي









































الخبر هو أنج وحدة قلبها طيب واللة ما يخيب ضنها وتعبها ودعاءها

الخبر انج انسانة رائعة بطبيعتك يا إستكانة

violinist_q8 يقول...

تقبل الله منج
عمره مقبوله ان شاءالله
والله يخلي الوالد لكم

بالنسبه لسبيكر الافكار ( عجبني التعبير ) اشوفه شي ايجابي جدا اهم شي بمقابلات العمل التلقائيه صج ان التوتر ممكن يأثر لكن التلقائيه الافضل ولو لا سمح الله ماقبولج فاهما الخسرانين

الخيلاء يقول...

اول شي فقدتج من غير شر :)

الله يتقبل منج و يكتبها لنا يارب

مكه تجديد ايماني و روحي

كل ما توهقت بموضوع او حسيت ودي بشي ايتحقق اتمنى العمر

اتهقين انروح جده..

امي حبيبتي اعيزت منا بالربيع خل انروح الدمام الخبر جده .. بس ياربي مو متقبله فكره السياحه بالسعوديه
احسها بس للعمره

و ان شاء الله تنقبلين .. ترى العفويه تسوي شغل .. عبالهم ثقه مايدرون انه من التدوده :p

و ان شاء الله اتبشرينا بالخبر الي يفرحج و يفرحنا

يارب حقق لستكانه كل ما اتمنى و اكثر
دمتي بسعاده ان شاء الله اتزيد بالايام اليايه :)

5roofa يقول...

هااااااااااااااي

حمدلله على السلاااااااامة

الله يخلي لج و يطول بعمره يااارب والله يبيله جذي سفره فجاة بدون مقدماات تغير و كسر روتين

من صج اللوية الي صايرة هالايام عفييييييييسة

لوول

و امبي صج جده حلو سوقه؟
عمري مو رايحة السعودية الا مرة وحده العمرة

يبيله اقول حق بنت خالتي نروح مدامها بتمر خبر تقول سوالفهم هناك حلوة بعد

على الوظيفه
انا رفيجتي بعد نادوها حق المقابله موفقه حبيتي
و ينكتبلج الي في الخير يااااااااارب


صج صج صج اشتقنااالج استكانه

salamz sis...

2cool2care يقول...

الحمد لله على السلامة والله لا يحرمج من الشايب الحلو اللي معاج


سمعيها مني وروحي المره الثانية الرياض راح تستقربين من الماركات اللي موجوده هناك الأسعار نقصي اللي موجود بالصالحية 80 أو 90 دينار

الله يسهلج المكان اللي تبينا

وبالمقابلة خليج دايما شديده واثقة من نفسج لأنهم يشوفون ردة الفعل عندج


والله يوفجج آمين


ويرحمج الله على آخر الحمدلله
;)

joy يقول...

الله يوفقج ويسهل دربج ياعسل
نبيج اتبشرينا بالبوست الياي بقبولج ان شالله


والله لا يخليج من أبيج الغالي الله يحفظه

صقر قريش يقول...

أول شي تقبل الله طاعتج والله يخليج ويحفظج لأبيج ويحفظه ويخليه لج ولإخوانج .

وإذا كان هالشغل فيه خير لج فإن شاء الله تنقبلين وتتوفقين فيه بإذن واحد أحد والله يعطيج على قد نيتج موفقة إختي استكانة.

ادعي لأخيج أنه يتوفق بمصر وتنفتحله ابواب مسكره :).

قلب طفله يقول...

الحمدلله ع السلامه

و تقبل الله طاعتج حبيبتي ^_^

صج اسبوع مزدحم بس ان شاء الله

ان تكون اثاره حلوه عليج و خير

و ان شاء الله تتوفقين و تنقبلين

بالمكان اللي تبينه صدقيني

التلقائيه تكسب ^_*

دمتي بحب

ClOuDs يقول...

الحمد لله على السلامه مدام :P

عمره مقبوله و تقبل الله طاعتكم

شوقتيني.. ادعيلي اروح العمره :)

بالنسبه للمقابلة أعتقد أن التلقائية هي أسهل الطرق للوصول إلى الوظيفة.. سئليني :D

ان شاء الله تنقبلين يا رب و ان شا الله يكون مكان زين و تلقين فيه صحبه حلوه:)

و تصبحين على خير :)

فراوله يقول...

مساالورد والجوري
غاليتي الحبيبه
عمره مقبوله
وتقبل الله طاعتكم
:))
وقولي آمين الله يعطيج علي قد نيتج
ويخليلج ابوج
آمين
:**

New Bride يقول...

الحمدالله على سلامتج و تقبل الله طاعتج

يا رب تتوفقين بكل خطوه يا رب

Fahad Al Askr يقول...

تقبل الله طاعتج

وبالمبارك مقدما، حشا سيدة، رحتي العمرة دقوا عليج تعالي مقابلة

المهم ليش ما قلتي جان وصيتج على درزن قواطي ومساوييج

فريج سعود يقول...

الحمد لله على السلامة
تقبل الله
مافيج خير
ولا تروحين العمرة وما تيبين لنا التلفزيون الصغير الاخضر

kazmawy يقول...

حمدالله على السلامة والله يخلي لج الوالد العزيز وتروحين معاه الحج والعمرة برمضان بعد..واما المقابلات سالينى
العام كان عندى مقابلة فى الجامعة ..نرفزنى واحد من الى يقابلونى ..نفيييسة على شنو ماادرى..بس الحمدلله عدت على خير
والله يوفقج وتشتغلين بالمكان الى تبينه:)

عبدالرحمن يقول...

تقبل الله منج

اتوقع رغم هل توتر وسرعه الاحداث الا انها جميله

اتمنالج كل خير

وانشالله كل خير دام كنتي في بيت القادر الكريم قبل المقابله


بوست مريح بعد ماغبتي شوي :)

ARTFUL يقول...

الحمدالله على السلامه وتقبل الله طاعتكم أدري ما دعيتيلنا بس ما يخالف الحين ادعيلنا

حتى انا ناطر خبر

الله يسهل ويستر يا رب

الله يوفقج ويسمح دربج

حسبالنا داومتي أثاريج ليلحين ناطره المقابله

موفقه وعسى الله ينولج مرادج

=)

Barrak يقول...

اولا تقبل الله طاعتكم

دعيتيلي والا لا

اذا لا مو مشكله
واذا ايه جزاك الله خير


بالنسبه لموضوع المقابله

نصيحة اخو

حطي ببالك وانتي بالمقابله ان كل اللي حولج موفاهمين وانتي الوحيده اللي فاهمه
وخلي هالكلمه بلبج تتردد

المنه عليكم مو علي

اول معاش لي انزين؟
والثاني حق خشيم الفار
انزين

shakshaka يقول...

ana agool wainich ghaaa6a athaareeeech ray7a il3omraa yalla taqabal allah inshalla winshallla tinqablaaaaainnnnnn e7aselehum ohomm! :P

Kuw_Son يقول...

تقبل الله طاعتج و الحمدلله على السلامة ..

و عسى الله يوفقج و تنقبلين :)

حسام بن ضرار يقول...

تقبل الله طاعتج و الحمدلله على السلامه

عسى بس دعيتي بالعمره ان تنقبلين بالمكان اللي تبينه

و مقابلات العمل في النهايه الهدف منها معرفة شخصية المتقدم ... فقط لا اكثر

اما القدرات... فالاختبارات كفيله بها

من ثمان سنين عمل و ما لا يقل عن 8 مقابلات عمل

اكتشفت ان السالفه = تحضير نفسي + حضور و كاريزما + واااااااااااسطه

*************

سهالات رغم الازدحام من الاتراك والايرانين

------------------

عاد الاتراك من اكثر الحجاج و المعتمرين تنظيماً و ترتيباً و نظافة و التزاما ... ما يحسسون الواحد بالزحمه او الفوضى كلش ...على عكس الايرانيين و الباكستانيين و الافارقه

و تقبل الله طاعتكم

حسام بن ضرار يقول...

على طاري جده

الحين الخبر و الدمام مولاتها تضاهي مولات جده

و اسعارها طبعاً ارخص من الكويت

و بضايعها اكثر تنوعاً

Noor يقول...

استكانه

حبيبتي

:**

حمدالله علي السلامه و تقبل الله طاعتج
فقدناج يالغاليـه
:)

وجده فعلا غيــر بكل شي حتى بالرطوبه
و جان رايحه مقهي لاندلسيه لاحمد الشقيري يقولون انه حلو بس انا ماشفته
واهم شي انج غيري جو ويعطيج دافع غير و بدايه غير
:)
وعن المقابله ماتدرين الخيره وين ربج كاتبها لج

وربي يوفقج حبيبتي
:*

`~MnO YeNSa! ~` يقول...

تقبل الله
طاعتج
:*

تدرين
على
كلامنا
امس
والله ودي
نكون قراب يمه
لانه مقصريـــــــن

وايد
:*

احلى شعور
...

و انشالله
يقبلونج
لا تحاتين
محصلين وحدة
zoooqa
نفسج :*

-mate يقول...

اي جدة صايرة حدها "فلللللة" وتقبل الله عمرتج :)

Mamloo7a Q8ia يقول...

اولا الحمدلله على السلامه
وعمره مقبوله
وعسى الله يتقبل طاعتكم
هههههههه
بدعتي في الوالد الله يحفظه ويخليه لكم

وفعلا جده تغيرت واااايد واسواقها حلوه

وان شاء الله يتحقق لج كل اللي تتمنينه
وهم الخسرانين اذا ما قبلوج وين بيلاقون مثلج ؟؟؟

ولهانيييين
:**

حمودي يقول...

موفقه انشاله وحمدالله على السلامه
:)

Expatriate يقول...

تقبل الله طاعتج

المقابلات الوظيفية فن وعلم خاص
ولكن افضل الطرق هو التحدث بثقة وبدون ارتباك ورسمية زيادة عن اللزوم
تكلمي بصراحة .. ولكن بحدود

واذا الوظيفة مكتوبة لج .. لو تسبينهم بالمقابلة راح تنقبلين
واذا الوظيفة مو مكتوبة لج .. لو شتسوين ما راح تنقبلين

غير معرف يقول...

اكسباااااتريت

اشلووووووووووووووووونك

ميسسسسسسسسد يو ويييييييينك م زماااااااااااااااااان


تراااااااااااا لك فريه

من زمان ماداحرتك

:Ppp


اكيد عرفتني

انا لووووووووووووووير

U-Turn يقول...

الغاليه إستكانه :)

الحمد الله على سلامتكم
وعمره مقبوله إن شاء الله :]



والله يخليلج الوالد ويطولج عمره


عاد جان قلتيلنا أقولج تدعيلي :)
بس يالله اليايات أكثر إن شاء الله

عاد تصدقيين حدي فاقدتج !!
من زمان عنج :)


وترى الحلو الواحد يكون بطبيعته :]
حتى لو تحسيين إن سولفتي وايد ... بس حلو والله أصلا المفروض يقبلونج بسرعه :]
لان انتي وسوالفج غير


وإن شاء الله ربي يوفقج وتنقبليين بالمكان الي تبينه
والأهم انج تكونين مرتاحه فيه :]

والله لا يخلينا منج :)
ولا من سوالفج الحلو

يعطييج العافيه
وعساج على القوة يارب

mtfa2el يقول...

تقبل الله طاعتج..جدة غير
زحمة و حوسة و هرنات و مشاوير كل مكان و الثاني ساعة من الزحمة !!!
و كل مكان و الثاني يا بليلة يا مثلوثة يا معصوبة يا فول و تميس لما الواحد يزهق حياته
ان شا الله تتوفقين و نبارك لج و تصيرين بمكان واحد مع موضي الحمود و نورية الصبيح !!

مُحَسّدْ يقول...

الحمدلله عالسلامة وتقبل الله طاعتج

ga6oo6a يقول...

تقبل الله طاعتج
و بالتوفيق انشالله

3ateeja يقول...

يا حي الله المدام
اهم هناك ما يقولون مغصوبه
لأن وايد مثلاتج
عاد صج جدة غير
ولا مره تسوقت فيها
لأني من الحرم لي الكويت سيدة
الله يوفقج ان شا الله
والطبيعه حلوه
ويرزقج ان شا الله الريال الصالح قولي آمين

Expatriate يقول...

Lawyer
جانج تبين تعرفين اخباري
دشي بلوقي

ويالله يالله انا زعلان
تسكرين بلوقج ولا تسوين لي انفايت

Aldenya يقول...

الحمدلله على السلامة

أيامج كثيرة الحركة
وان شاءالله يقبلونج بالمكان اللى تبينه
واذا ما أقبلوج أهما الخسرانين
مو انتي

بس سالفة حركة العياير موتتني ضحك
يالعيوزة
ليش صار فيج جذي
:>

Sn3a يقول...

فرج الله ضيقتج
وتقبل الله طاعتج
وعسى يارب يطول لج بعمر الوالد والوالده ويخليهم لج ويربون عيال عيالج

وانشالله ربي يكتبلج نصيب بهالوظيفه الييديده وتسمعين الخبر اللي يسرج
تستاهلين الخير استكانه

esTeKaNa يقول...

najmah
~~~~~~~~
ياهلا ويا مرحبا بنجمة البلوقرز كلهم
:)
الله يسلمج من كل شر
ويشهد علي الله دعيت حق من احبه في الله
واكيد انتي منهم من غير شر
شلون التقديم؟
وطمنيني متى تخلصين وتبشرينا؟


اميين يا بعد قلبي انتي
ويوفقج الرحمن ويرزقج احلى من كل ما تتمنين يارب

esTeKaNa يقول...

shaLaLat
~~~~~~~~~~
ياهلا بشلالات السنع والذوق
:)
الله يسلمج من الشر ما قصرتي
تصدقين كنت حاسه اني مستانسه
بس تعليقج خلاني اشوف كل الجوانب المشرقه بصورة اجمل واستانس اكثر
شكرا من اقصى قلبي
وجودج دايما محل ترحيب يا الغاليه
:*

esTeKaNa يقول...

bin3Li
~~~~~~~~~
الله يسلمك من الشر
ما قصرت
:)

esTeKaNa يقول...

charissma
~~~~~~~~~~~~~~
يا مسا الدارسين والله
يا حيالله مطاطير الزنجبيل والزعتر
:Pp~
حلت دنياج قولي آمين
عسى بس وصلج سلامي؟
منا ومنج صالح الأعمال
انا بعد ما شفت المدينه
وبخاطري اروح لها
:(
جده حق السوق يا كريزما
شي ما تتخيلينه
!!
خوووش سوق
:)

esTeKaNa يقول...

qiyadiya
~~~~~~~~~~~
ياهلا بقياديه الاخلاق واللله
:)
منا ومنج
والله يسلمج من كل شر
عساج ما تفقدين عزيز ولا غالي
شخبارج؟
واشلون همم؟


واي انا ابوي يطفرني
يموت من الضحك علي
عادي امسك المضيفه
اقولها لو سمحتي
انا مو مدام
:))
الله يحفظ لج ابوج
ويطول بعمره
ويبلغه فيج قولي آمين
ابتشلو فينا هالأبهات
انا ابوي هالعمره بدع
صاير يدعي بصوت عالي
ياربي ترزق بنتي الزوج الصالح
الظاهر مل مني
ههههههه
:)

esTeKaNa يقول...

zaboOo6a
~~~~~~~~~~~
حيالله الزبابيط
:Pp~
الله يسلمج من الشر
ومنا ومنج صالح الأعمال
تهقين انقبل عشان توني يايه من بيت الله؟
الله كريم جان زين والله
:)

esTeKaNa يقول...

SOMeone-q8
~~~~~~~~~~~~~
وعليكم السلام ورحمه الله وبركاته
:)
منا ومنك صالح الأعمال
انا واسطتي رب العالمين
وكل يوم ادعي اذا بهالمكان خير ربي يسهله وييسره واذامافيه خير ربي يعوضني بالي احسن منه
الله كريم

esTeKaNa يقول...

لوير
~~~~~~~
وهل يخفى القمر؟
يا بعد قلبي قلبج انتي
ليت اللجنة يشوفوني مثل ما انتي تشوفيني
:))
وصج جده سوقها غير
على الاقل قريبه
اذا صكت بويهي عندي مناسبه
شكلي مالي الا جده
اقرب سوق
وكل شي فيه

esTeKaNa يقول...

حسافتج يا كويت
~~~~~~~~~~~~~~~~
واي ليتني احط نقل مباشر وحي حق تعبيرات ويهي وانا اقرا الكومنتس؟
تدري انا شصار فيني
اقرا تعليقك وانزل السهم
وبعد انزله
ومرة ثانيه انزله
لي وصلت لي الخبر ابتسامة من هني لي هني
والكشرة وصلت لي الخفجي
:D~
يزاك الله كل خير
هذا من طيبك ورقي اخلاقك والله
الحين شنو لازم اقول؟
خجلتني
:)
عسى ربي يجبر بخاطرك ويسعدك مثل ما انته اسعدت قلب اختك استكانة
:)

esTeKaNa يقول...

violinist-q8
~~~~~~~~~~~~~~~
منا ومنك صالح الأعمال
ويزاك الله خير ما قصرت
:)
انا اعتقد اني في بدايه المقابله كنت متوتره..خاصه انهم اعطوني خمس دقائق للتكلم عن نفسي واهم طموحي واحلامي
!!
بعدها انطلقت
:)
تهقه اهم الخسرانين؟
لازم افكر جذي عشان ما يضيق خلقي اذا ما قبلوني
:)

esTeKaNa يقول...

الخيلاء
~~~~~~~
عساج ما تفقدين عزيز ولا غالي
قولي آمين
:)
فعلا العمره تجديد ايماني وروحي
تدرين؟
انا مرات كنت من كثر ما احاتي امور
وافكر باشيا كثيرة
اوصل مرحله قمة احلامي وامنياتي
اني اقضي الليل في الحرم
ادعي
واصلي
وانطر الشروق
وايقين ان رب العالمين معاي
ويستجيب دعائي
واسلم قلبي وكل مافيه حق ربي
عرفتي الشعور؟
الله يكتب لج عمره يارب بالقريب العاجل
ويرزقج كل ما تتمنين يا صديقتي
.
.
وسمعي كلام اميمتج
مو كل مرة تحصلين سفره سريعه
والسعوديه كاهي
مو سالفه سياحة
سالفه مرات تلقين بسوقهم شي ما تلقينه هني..روحي بيومين
ثلاث ايام بالكثير
انا وايد اروح الخبر
بس الحين اكتشفت ان جده سوقها عجيب فعلا
:))

بشريني عنج
ان شاء الله كل امورج تمام؟

esTeKaNa يقول...

5roofa
~~~~~~~~
ياهلا ويا مرحبا بالخروفه الجميله
:)
الله يسلمج من الشر اللهم آمين ويحفظ لج كل غالي تحبينه
!!
جده سوقها حلو
بس ترا بعيده وايد عن الخبر
:)
اشسوت رفيجتج بالمقابله؟
انا هاليومين كل شوي مقابله بمكان
والله يستر
احسن شي ان المدرسات ما يسون لهم مقابلات
:)

esTeKaNa يقول...

2cool2care
~~~~~~~~~~~~
الله يسلمك من الشر
اهو صج حلو
بس ترا مو شايب
:p~
صج والله سوق الرياض حلو؟
انا احب اكتشف اي مكان
بس اللي عندي ما يحبون الرياض
يقولون قمته
:)
بس يبيلنا روحه
!!
والله انا كنت طبيعيه
وقلت كل اللي اعرفه
والله كريم
شكرا على المرور والنصيحة
ويهدينا ويهديك الله
:pP

esTeKaNa يقول...

joy
~~~~~
هلا بالطيبه
:)
اجمعين ياربي ماقصرتي
وطبعا..اي خبر حلو بحياتي
لابد ابشركم فيه
:)

esTeKaNa يقول...

صقرقريش
~~~~~~~~~
ياهلا ويا مرحبا بالصقر
اللهم امين واجمعين يزاك الله كل خير
الله يوفقك بكل مكان
وعسى الرحمن الفتاح يفتحها عليك في كل مكان ياربي ويرزقك احلى من كل ما تتمنى وتبشرنا بالخير دايم يارب
:)

esTeKaNa يقول...

قلب طفلة
~~~~~~~~~~~
يا مسا التلقائيه
عجبتني حكمتج
التلقائيه تكسب
:)
امين واجميعين يارب
ماقصرتي

esTeKaNa يقول...

clouds
~~~~~~~~
ياهلا ويا مرحبا باختي الغاليه
شخبارج؟
كله اقول ابي اسئلج وانسى
اشلون بنيتج؟
اتذكر مرة من زمان كتبتي عن بوست قرقيعان حقها
وبعدها دايم اقول بسئل عنها
:))
يارب تروحين العمره
وتنكتب لج
وتتسهل كل امورج
وماقصرتي على الدعاء الطيب
فعلا..الصحبة شي مهم جدا

وانتي من اهل الخير يارب
:*

Najmah يقول...

حبيييييبتي والله
:**
قدمت امتحانين والحمدلله تمام :)
وبقالي 4
اخلص ان شاء الله 8-6
لازم انا آخر يوم بالجامعه اخلص :P
ان شاء الله ابشرج بالنتايج الحلوة
مشكورة استكانة :*

الخيلاء يقول...

انا طيبه طاب حالج ان شاء الله
و ابشرج دبدت اجازتي ماني راده لي نص رمضان
:p

و شعور العمره اعرفه ياحلوه
خاصه الشروق و انتي قاعده على
الدري و الكعبه جبالج

عسى ربي يتقبل منج و يوفقج

:)

5roofa يقول...

loool

تصدقين كانو يسوون مقابلات بس لمة انا تعينت كنسلو القرار
:P

و لا ما نجحت مسكينه لوول و توه قبل جم يوم قابلينها في مكان بس اهي ما تبي

و ناطرة مسكينه

تصدقين كله اقولها تبادليني لوول مستعده اصير عاطلة عن العمل فتره من الوقت

salamz sis.....

esTeKaNa يقول...

فراولة
~~~~~~~~
يا مسا الفراوله اللذيذه
اللهم آمين واجمعين يارب
:)







new bride
~~~~~~~~~~~
منا ومنج يزاج الله خير واجمعين يارب
:)

esTeKaNa يقول...

فهد العسكر
~~~~~~~~~~~~~
منا ومنك ماقصرت
اقول بو عسكر عسى بس عينك مو حاره؟
لا تستعيل على مبروك انا بدعت بالمقابله
:Pp~
درزن قواطي؟
هاو قواطي شنو
يا حب الكويتين حق التوصي
:pP~
ان شاء الله اليايات اكثر
:)

esTeKaNa يقول...

فريج سعود
~~~~~~~~~~~
الله يسلمك من الشر
واي انته وفهد ربع؟
شياب صايرين
يا حبكم للتشره
بس صج قنوع
بس هذي الكاميرا تبيها؟
تامر امر اسوي لك طلبيه
:Pp~

esTeKaNa يقول...

Kazmawy
~~~~~~~~~~
الله يسلمك ماقصرت اخوي
:)
واي ليش ينفس بمقابله شخصيه؟
عبالهم نطر منهم
:(
اجمعين يارب

esTeKaNa يقول...

عبدالرحمن
~~~~~~~~~~
ياهلا وامية هلا يا بوبدر
:)
كل الاحداث في حياتنا ممكن ان تكون جميلة
اذا اردنا نحن فعلا ان نراها جميلة
اتمنى لك كل الخير والتوفيق في كل خطوة
والله يريحك دنيا وآخرة قول آمين
:)

esTeKaNa يقول...

أرتفل
~~~~~~
الله يسلمك من كل شر وييسر لك كل امورك يارب
:)
انا فعلا اشتغل
بس شغلي مؤقت
بخاطري مكان ثاني
عسى ربي يجبر خواطرنا ويحقق لنا كل اللي نبيه

esTeKaNa يقول...

barrak
~~~~~~~~
ياهلا ويا مرحبا
اكيددعيت لك
مع المسلمين والمسلمات
:Pp~
براك بالضبط هذا اللي سويته
جني ابله وقاعده اشرح
وانطلق بعدين اقولهم شي وارد اقولهم قولو ليش؟
انا اقولكم ليش
واكمل
:))
اخيييه يا خشيم الفار
ممكن ارضا ترا
بس في ترتيب
انا قايله اول معاش حق ابوي
بعده خشيم الفار
بعده براك..وواسطة براك خشيم الفار ترا
:pP~

esTeKaNa يقول...

shakshaka
~~~~~~~~~~~~
حبيبتي والله
!!
منا ومنج يارب
ويزاج الله خير الله يسمع منج
ولهانه عليج صج
:**










kuw-son
~~~~~~~~~
منا ومنك ويزاك الله خير
:)

esTeKaNa يقول...

حسام بن ضرار
~~~~~~~~~~~~~~
منا ومنك صالح الأعمال يزاك الله خير
صراحة
انا راغبه بالمكان بشكل كبير عشان جذي دعيت ربي اذا فيه خير انقبل واذا ماهو خير ربي يصرفني عنه ويعوضني بالخير ويرضيني
مابي انصدم
!!
واعتقد هذي المقابله من اصعب المقابلات اللي مريت فيها نشفو ريجي
سئلوني بكل شي
من الثانويه
لي نشاطي بالجامعه
ليش تخصصت هالتخصص
غير اسئله متخصصه حيل بدراستي
:)
والله الاتراك المشكله معاهم عدم قدرتك على التفاهم وياهم باي طريقه
:(
والايرانين والفارقه انته ادرا
الواحد يتصدد كثر ما يقدر ما يبي يضيع اجره
!!

وعلى طاري السوق
انا فعلا هبيت بالخبر والدمام
بس جنه سوق جده ياز لي اكثر
:)

esTeKaNa يقول...

NOOR
~~~~~~~
هلا بالنور كله
:)
الله يسلمج من الشر
ومنا ومنج صالح الأعمال يارب
وعساج ما تفقدين غالي يا الغاليه
:*
صج ما سمعت عن هالكافيه
ان شاء الله المرة اليايه اروح
وتصدقين انا بعد كل ما تميت قلت حق نفسي
انا مادري الخيرة وين بتكون
الله كريم ان شاء الله
وشكرا يا نور على احلى مرور
:)

esTeKaNa يقول...

MNO YENSA
~~~~~~~~~~~~
ياهلا ويا مرحبا بالغاليه
اي والله كلنا ودنا
الله كريم
الله يهدينا ويثبتنا قولي آمين
:*
ويا بعد قلبي قلبج انتي
والله انتي الزوقه ما تقصرين
:)

esTeKaNa يقول...

MATE
~~~~~
منا ومنك
حياك الله
:)










MAMLO7A Q8IA
~~~~~~~~~~~~~~~
هلا وغلا بالملح كله
منا ومنج صالح الأعمال
عسى وصلج سلامي عبر مرسول المحبه بس؟
:**
اي والله مشتاقين
مالي سوالف وياج هني
ناطرتج
بس مادري ليش مو قاعدين نتصادف هاليومين
:(

esTeKaNa يقول...

حمودي
~~~~~~~
عاش من شافك
!
اجمعين يارب
والله يسلمك من الشر
:)






اكسباتريت
~~~~~~~~~~
منا ومنك
:)
يزاك الله خير على النصيحة
وفعلا
طول ما انا احاتي وافكر
لابد اذكر نفسي بهالشي
اللي كاتبه ربي بيصير
مهما سويت وحاولت
سواة ربك ابرك
واسطتي رب العالمين
:)

esTeKaNa يقول...

لوير
~~~~~~
:)






U-TAIRN
~~~~~~~~~~
ياهلا ويا مرحبا
الله يسلمج من الشر يا ام لسان حلو
:)
افا عليج بس الدعاء مو بس بالعمرة
اذا القلوب عند بعض
الدعاء دايما يكون مستمر بالغيب
ولا شرايج؟
ماقصرتي يزاج الله خير على هالمرور والدعاء
الله يسعدج دنيا وآخره يارب

esTeKaNa يقول...

متفائل
~~~~~~~~~
ياهلا بالتفاؤل كله
:)
منا ومنك صالح الأعمال
اي والله زحمة
بس تعال شوف المطاعم اكثر من الاوادم
هذاك اول معصوبه
ومظبي
ومادري شنو
:pP~
تهقه اصير ويا موضي الحمود بمكان واحد؟
انا ناقشت نفسي البارحة شقولهم اذا عرضو علي الوزاره
قررت اني راح ارفضها
:Pp~

esTeKaNa يقول...

محسد
~~~~~
الله يسلمك
ومنا ومنك صالح الأعمال
:)






GA6OO6A
~~~~~~~~~
منا ومنج
واجمعين قولي أمين
:)

esTeKaNa يقول...

3ateeja
~~~~~~~~~~
ياهلا ويا مرحبا بالعتيجة
:**
هذاك اول المغصوبات وايد
الحين مافي واحده تنغصب الا ما ندر
!!
قال ايه
قال المدام
تصدقين صايره اعصب من الحجوة مادري ليش
:Pp~
ويوفجج الرحمن قولي آمين
:)

esTeKaNa يقول...

Expat
~~~~~~~~
:)









aldenya
~~~~~~~~~~~~
عاش من شافج
!
يارب الله يسمع منج
وصج ليش صار فيني جذي
هذي علامات سن اليأس
لول
:)

esTeKaNa يقول...

sn3a
~~~~~~
يا مسا السنع
والدعاء السنع
:)
اللهم امين واجمعين
سنعه...دعائج يطيب الخاطر ويفرحة
يزاج الله كل الخير
:*

esTeKaNa يقول...

najmah
~~~~~~~
ما شاء الله هانت هانت ما بقى شي
بس اهم شي استغلي كل بريك هاليومين وكتبي بوست جديد
ترا الالهام ما ينزل كل يوم
:Pp~
موفقه يا الغاليه
عسى ربي يحفظج ويوفقج بكل خطوة تخطينها يارب
:**

esTeKaNa يقول...

الخيلاء
~~~~~~~
لي نص رمضان؟
مممممممم
امومه؟
اعترفي
:Pp~
زين تسوين
الله يحفظج ويريح بالج
راحة البال نعمه وانا اخيتج
:)
اجمعييين يارب

esTeKaNa يقول...

5Roofa
~~~~~~~~
اهم شي كنسلوه
واي تقعدين جدام ناس يقيمونج وانتي تتكلمين
ترا شعور مرعب
!!
وصديقتج نفس حالتي
اللي نبيه ما يبينا
واللي يبونا ما نبيهم
شهالحاله
:)

banootah يقول...

عمره مقبوله وذنب مغفور بإذن الله

وطمنينا على نتيجة المقابلة ^_^

Najmah يقول...

صباح الورد وودهن العود
يا احلى استكانة بالوجوود
شلووونج استكااااااانة؟
تخييلي قاعدة من النوم طاااايرة على بلوقج
أدور خبر قبولج ! حدي قاعدة انطر
حتى الفير لما قمت اصلي دخلت ادور
ياربي مادري شفيني! والله المحاتاة تموت فيني
صار سجع بعد :P
اول مايقولون لج انا اول وحدة تقولين لي مو تنسيين
:P
يالله ياااااااارب افرح فيج بالمكان اللي فيه الخير لج
والله حدددج ونستييييييييني
والله احبج حددي فاهمتني وفاهمة ابداعات الدراسه
:P
اصلا انا قاعدة امشي على كلامج والبلوق فضاء مشاعري
وابداعاتي مالي شغل بأحد .. كل ماحسيت بشي بكتبه
افاااا عليج لا توصين :P
وآميين اجمعييين ياارب
ليش انا وايد اسولف عندج
مادري
:)

الخيلاء يقول...

لوووول
استكانه الله يقطع بليسج
اكيد لا
بس راحه و استجمام
تجديد للنشاط

esTeKaNa يقول...

banootah
~~~~~~~~~~~
منا ومنج
شكرا يا بنوته
نورتي البلوق
:)












najmah
~~~~~~~~
يا مسا الورد كله
يا مسا الهنا
:**
ياربي هالبنت حتى تعليقها شعر
علميني اكتب مثلج علميني
:)
تو الناس على خبر قبولي
وباذن الله اي خبر حلو وبشاره راح ابشرج لا توصين حريص
!!
وليش قاعده مع صلاه الفجر؟
اذا قاعده تدرسين زين تسوين
انا كنت انام واقعد مع صلاه الفجر
اصلي
واسوي قهوتي
وتوستتي
واشبك شوي اتفرر
واقول بس نص ساعه
وفجأة اشوف نفسي قاعده ساعه
وتالي ايب كتبي وادرس
واللي ادرسه الفجر يا نجمه ما انساه كلش
:))
موفقه يا بعد قلبي
ومدونه استكانة اهي مدونتج
كتبي كل ما يطري في بالج باي وقت
:*














الخيلاء
~~~~~~~~
يا سلام عليج
!!
زين تسوين
فتره جميله تتصالحين فيها مع الخيلاء
تحبينها
وتدللينها
وتريحينها
وتردين بروح اجمل وانشط يارب
:)

|:| DUBAI |:| يقول...

بعد جبدي استكانة عمرة مقبولة ان شاء الله

ما درينا ..و لا كان دزيتلج مسج

عسب تدعيلي

: D

ان شاء الله فال خير

في كل محطة يديدة مقبلة عليها

!!