السبت، مايو 17، 2008

صباح الخير

الساعة السابعة والربع
والى الآان لم أنام
!!
كانت ليلة طويلة لم تنم فيها عيون الكويت
تشرقدت هنا بمواجهة التلفزيون
أنا
ولاب توب اتجول به بين المواقع
وموبايل ينقل لي بعض الأخبار هنا وهناك
.
.
.
.
.
ننتائج الدائرة الثالثه لعبت بأعصابي
ظللت انتظرها طوال الليل....لم يكن هناك شئ مظمون
والى الآان النتائج غير رسميه
!!
سعيدة جدا بفوز أبو أنس المليفي
وفخورة جدا باكتساح المسلم
كلاهما يستحق الفرح والنجاح
أسيل العوضي حصدت رقم يستحق ان تفتخر فيه
وسقوط البعض...سبب لي صدمة وان كانت صدمه سعيده بالنسبه لي
عموما ...نتائج الثالثه ككل،نتائج بالنسبه لي جميلة جدا
وانا حرة بمشاعري طبعا
:Pp~
.
.
.
.
أجمل مافي الموضوع اني سأنام بعد قليل
وعندي أوف اليوم من الدوام
!!
بعد هذه الاجازه القصيره اعتفست نومتي احتاج اعاده ترتيب اموري اليوم
.
.
.
يوسف مصطفي ما سكر حلجة من يوم وفاة الشيخ سعد الله يرحمه وهو يتكلم
انام
اقعد
اطلع
ارد
اغير التليفزيون
وارد لنفس القناة
ويوسف مصطفى يتكلم
!!
لو نجمع كل ما قاله عن الشيخ سعد في تعليقه على العزا ممكن ان نؤلف كتاب
اتمنى يعطونه بونص قوي ويسكت اربع ايام لأنه فعلا كاسر خاطري
.
.
.
.
طول الليل وأنا أشوف أرقام
وبجانبي قلم وورقه وأحسب
!!
كثرة مناظرة الأرقام جعلني انبهر من شئ ظريف
اني اناظر عدد زائرين المدونه واقول ما شاء الله اسم الله على استكانة
رقمي مثل رقم المرشح الفلاني
لو كان بعدد هالزايارات اصوات
كنت افوز بالانتخابات
!!
عند هذه النقطة من الافكار
قررت اني بديت اخوره ولازم أنام
ولنا عوده في بوست سنع
.
.
.
.
صباحكم سكر
وكل عام والكويت ودمقراطيتها بخير
وحان وقت النوم
:D

هناك 47 تعليقًا:

الزين يقول...

صباح النتايج اللي تبرد القلب

صباح الكويت يا استكانة

صباح التفائل

وفعلا الكويت لا زالت جميلة

:***

Q8i Blogger يقول...

تمسين على خير

انا تعبت .. اذبحونا .. طولوها .. نبي انام مو قادرين

بالنسبه للثالثه كانت النتايج متوقعه الصراحه
ماعدا
الروضان
بالنسبه لي .. كان فوزه شي غريب

وانا هم عاجبتني وايد وايد نتايج الثالثه
كفو والله يا ناخبين الثالثه


بس لاتشوفين يوسف مصطفى اشكثر مستانس على فوز عاشور

انا قررت ما انام إلا لما يسكت
شكله مطول !!!

يبيله استكانه على هل سهره والله :)

تحياتي

Najmah يقول...

صبااااااح الورررد

حطمت الرقم القيااااسي
داومت 9 وتوني رديت
متخيلة مانمت ولا شي
وعندي امتحان باجر
:\
انا قلت بس بنطر دائرتنا (الثالثة) وبنام
وعلى حظي تأخرت لما الصبح
بس والله طلعت خوش نتاااايج :))
انا الحين مو قادرة اقعد على حيلي
تمسين على خييييير
:))

bin3li يقول...

كنت أشجع د. أسيل العوضي
:(
يالله هارد لك

QiYaDiYa يقول...

سهرتي كانت مع الوالد ..
و مع النتايج اكتب بحث من المقرر تسليمه اليوم ..
كنت اكتب ومادري شنو قاعدة اكتب ..
بس انسخ الكلمة عاد شنو معناة الجملة الله اعلم;p

الله يستر لا يكون حاطة اسم مرشح مني مناك ;p

ما قررت انام الا الساعة 5 عندي محاضرة 8

بس تدرين شنو صار ؟
بطلت عيوني الصبح على مسج اعتذار دكتور الساعة 9
قلت الساعة 8 ما ياخذ غياب
خل اكمل نومتي و اقعد حق محاضرة 10

انا محاضراتي ورا بعض بس ناقصني طابور الصباح ;p

و المشكلة الي يبي البحث الساعة 8
قلت لا بعدين اوديه المكتب ..

بطلت عيوني ولا الساعة 12:15

اي دوام اي بطيخ p;

ما سوت علينا هالانتخابات ..
نتايج الثالثة قعدتنا على اعصابنا ..

كللللش ما توقعت الروضان ..
من بطلت عيوني على الدنيا و انااشوفه ينزل !
و ما توقعت فوزه !!!

ضاق خلقي بالاولى ..

لكن كل شي ربي كاتبه خير ..
و الحمدلله ..

و تصبحين على خير ;**

New Bride يقول...

صباح الورد و الله هالإنتخابات صدمه و تغيير

الدائره الاولى طلعوا فيها ناس ما ابيهم

و ناس طاحوا

و الله اهم شي الكويت

و احلى شي انه عندج اوف اليوم

DanDash يقول...

آه يا أستكانة
على أمس النتائج ما كانت بدائرتي متوقعة حيل تضايق و لازلت متضايقة للأسف الظاهر احنا بالصومال نبيع صوتنا بجيس لحم .. ولا تدرين أهم أحس منا فقارى و حالتهم حالة و هم يصوتون و ملتزمين

خليني ساكتة أمس ابجي واليوم بالدوام أزفهم

قهر و الله قهر

بس الصراحة الدائرة الثالثة بيضتوهاااا بيض الله ويهكم

Kuw_Son يقول...

الحال من بعضه ..

لكن الفرق اني وراي دوام !!

نمت بعد صلاة الفجر .. لما حسيت إن التايج خلاص راح تثبت على جذي .. بس حصل تغير طفيف .. و الحمدلله في ناس طلعوا برة اللعبة في الدائرة الثالثة
:P

نوم العوافي

mtfa2el يقول...

نتايج مو حلوة كلش :(
الدائرة الثالثة زعلت منها
الثانية ..لا تعليييق ..أفشل دائرة بنظري
الرابعة و الخامسة مرفوع عنها القلم
الأولى طبيعية
و الله يستر من اللي ياي !!

esTeKaNa يقول...

الزين
~~~~~~~~~
يا صباح الهنا
يا مسا الحب كله

عندي يقين
كانت
وما زالت
وستبقى
الكويت جميلة
:)

esTeKaNa يقول...

q8i blogger
~~~~~~~~~~~~~~
ياهلا ويا مرحبا
أنا اغفي وارد
صج طولوها
!!
الروضان فوزه غريب
انا مو حاطته بحسبتي
بس مشالله عليه جم مرة ينزل لي فاز

وطبعا هذي الثالثه ولا بلاش
نتايج تبرد القلب
:)
واي يوسف مصطفى انا ابي ادز له فيمتو باااااارد
ونطالب باجاره اسبوع يسكت يسكت
مابي اسمع صوته
يحرك ايده بس بالاشاره
:))
يبيله مطاطير على ذيج السهره
:Pp~

esTeKaNa يقول...

Najmah
~~~~~~~~
يا صباح الهنا
يا هلا بالطيبه الغاليه
واي جان نمتي وقلتي لي انا اقول لج النتايج
:Pp~
يا بعد قلبي قلبج انتي
نوم العوافي يارب
وعسى الله يوفقج في امتحانج وتبشريني يارب
:)

esTeKaNa يقول...

Bin3Li
~~~~~~~
أسيل مو هينة
كانت قاعده تنافس بشكل كبير صراحة
الله يوفقها لخدمة الكويت في موقع آخر
:)

esTeKaNa يقول...

qiyadiya
~~~~~~~~~~~
يا هلا ويا مرحبا
يابعد قلبي قلبج انتي
عيل تقولين طول الليل تكتبين بالبحث
الله يستر عسى مو البحث مشاعر ليلة اقتراع
:Pp~
يعطيج العافيه
يعجبني انا الاصرار والمحاولة
حاولتي تقعدين بس ما قدرتي
بس يكفيج شرف المحاولة
نامي عساه نوم العوافي
الكويت اليوم كلها نايمة ماحد مداوم
:))
الله يوفق الجميع يارب لخير الكويت
هذا اللي نقدر نقوله
اللهم آمين

esTeKaNa يقول...

New-bride
~~~~~~~~~~~~
الأولى نتمنى فيها
بس التوقعات كلها كانت تقول الي مانبيهم بيفوزون
!!
الله يوفق الجميع يارب
وابشرج...باجر بعد أوف
هذا الدوام الزين
:)

esTeKaNa يقول...

dandash
~~~~~~~~~~~
يا بعد قلبي هالقلب المحتر
بردي على قليبج
نائب الامة ممثل عن الامة
من شمالها لي جنوبها
وبالعموم اللي طالعين فيهم الخير
الله يوفقهم جميعا لخدمة الكويت

والثالثه تونس
:)

esTeKaNa يقول...

kuw-son
~~~~~~~~~~
في احد مداوم اليوم؟
صراحة يعطيك العافية
بس النتايج المتأخرة تخليك جنك خارج منطقة الوعي ما قدرنا نحتفل
:Pp~
اي والله في ناس طلعو ما توقعتهم
وناس حطو ايدهم على قلبهم لآخر لحظة
بس الحمدلله
:)

esTeKaNa يقول...

متفااااائل
~~~~~~~~~~~~~~
افا بس افا
وين التفاؤل؟
ليش ليش زعلان كل هالزعل قولي وانا اخليهم يعيدون لك الانتخابات كلها
:pP~

Najmah يقول...

ايي استكانة
خلاص المرة الياية بقولج
عالأقل نتناوب :P
عيل هذي حالة بس اطل بالكتاب راسي يعورني :\
الله يسمع منج يااااارب

charisma يقول...

مبرووووووووووك الف مبروك فوز المليفى يا استكانه يستاهل كل خير
:)

ShLaLaT يقول...

حسافه د.سلوى الجسار طلعت

والدائره الأولى كلش مو زينه
الثالثه عجيبه
الثانيه اهي اهي

الرابعه والخامسه لا تعليق


ترا انا مو زود على الانتخابات والسياسه
بس تدرين جو الانتخابات والحجي يخليج غصب تعرفين الزين من الشين
والمدونين ما قصروا بعد

كفو يا عيال الثالثه
بيض الله ويهكم


استكانه .. يا حبج للسهر والنوم لي الظهر
بعدين تيي امج وتصرخ من اول الممر يالله قوووووووموا لوول
نوم العوافي يا الغاليه

صقر قريش يقول...

آنا الحمدلله كل من صوت له نجح
المسلم
الصرعاوي
الصانع
الشايجي

آنا كنت بمقر الصانع والشايجي قعدنا لي الساعه 9الصبح تقريبا بس باركت للشايجي والصانع والروضان كان موجود باركت له ومشيت ونمت نوم مقطع يعني أنام أصلي الظهر أرد أنام أصلي العصر وخلاص عن نفسي الحمدلله طلع في صوتي بركة :).

فريج سعود يقول...

ان شاء الله هالمجلس يطول سنتين

فريج سعود يقول...

الحال من بعضه
كلينا هوا على ما طلعت النتائج

الخيلاء يقول...

صباح الاخبار الحلوه :)

انا مثلج لي ال 7 عقبها قررت عينا التمرد و قامت اتسكر بروحها لول

خذيت نص اليوم اوف و نصه دوام

و كملتها بستقبالات المرشحين

سعيده جذا بفوز كل من اعطيته صوتي

و عسى الله يقدرهم على رفعه هالديره الطيبه


و لي الحين معتفسه نومي

انطر صلاه الفير و بنام

باجر دوام :"(

حسام بن ضرار يقول...

يوسف مصطفى

مهما كان

بس لما اشوف مذيعين هالايام من طقة اللي يجر المبتدأ و يرفع الخبر و يجزم الفعل الماضي و يفرد المثنى و يرفعه الواو و يجر الجمع بالواو ... إلخ

يكبر بعيني يوسف مصطفى وجيل

ARTFUL يقول...

قعدتي والا بعدج نايمه؟؟
;p

أهم شي بو صلوح فاز

والله يوفق الفايزين لكل خير

وانا وأم الليل تيمعنا بالبيت الساعه 12
وسهرنا على النتايج غفينا شوي وقمنا على صلاة الفجر
صلينا وطلعنا نحوس بالشوارع نشوف الفايزين ونبارك حق أهلنا لفوز نوابهم

ونعزي البعض ;p

بعدها نمنا نومة هنيه بس ما تفيد لانها نومة صبح ما منها فايده

وصباح الخير

=)

someone_q8 يقول...

السلام عليكم
نعم افضل دائرة عندي هي الثالثة بالنسبة للفائزين
والكويت اهيه اللي فازت في هذه الانتخابات

ClOuDs يقول...

صباح الظهر :P

بصراحه.. النتايج ما عجبتني !!!

شالفايده اذا ثلاثة أرباع اللي كانوا بالمجلس ردوا له مره ثانيه؟؟ ما تغير شي راح نرد حق نفس الموال و نفس المشاكل و نفس القصيص.. زيدوا الخمسين .. طيحوا القروض.. الدواوين.. البطيخ

المجلس اليديد ما يفرق عن القديم بتاتاً .. أنا كلش مو متفائلة.. و مو سعيده بالنتايج
كان ودي الدماء الجديدة ادش للمجلس بدال الديناصورات اللي تحجروا بالمجلس. ليش ما يخلون فرصه لغيرهم.. حتى رئيس أقوى دوله بالعالم يقعد دورتين بعدين يكشونا ليش عندنا ناس يعمرون 25 سنه و 17 سنه ما شبعوا؟؟
آسفه .. يمكن كلامي ما يعجبج :D
بس بطلع الحره فيج :P
و مبروك على كل حال ^_^

عبدالرحمن يقول...

الله يعطيج الف عافيه ياستكانه

ويعطي يوسف مصطفى اجازه عشان يريح المسكين :)


ملخص النتايج

هي رسالة الى الليبراليين المساكين والحدسيين بانهم اقليه لا يمثلون الكويتيين ولا يقبلونهم ممثلين لهم

اتمنى ان يستوعبوها جيدا


اكثر شي ضحكني
ان خالد الخالد الطفل الجديد لتحالف الاطفال اثبر مكانه

الف مبروك للكويت بمجلس محافظ

qesat_5ayal يقول...

مساؤك ريحان

مبروك فوزهم ومبروك على قلبك الفرحة
:)


الثالثة دائرة لعبت بالأعصاب
:)

5roofa يقول...

مبروووك حبيبتيي

لووول و امبي على النتايج معني مالي شغل و من بدايتها مادري عنها بس مادري ليش عذبت عمري و سهرت و رحت الدوام مواصله

اشتقنا لسوالفج استكانه
:D

salamz sis...

Noor يقول...

استكانه
:)
الف مبروك المليفي و لمسلم يستاهلووون كل خير

و الله كلنا تعبنا علي ماطلعت النتايج
و الله يعين الي عندهم دوامات

بس انا ضد بعض اخواني البلوقر شنو يعني الدائره الرابعه و الخامسه مرفوع عنها القلم
!!
ليش يعني مو بالكويت
ولا عشان كلها قبليه
:(
ترى حتى القبليه اتعرف منو تختار
و كله بالنهايه لمصلحة هالديره و الله يكتب الي فيه الخير لها ان شاءالله
و حبيبتي تسلمين و الحمد الله خلصنا من لويه الأنتخابات وكثرة الحجي
و نحتاج فتره راحه و الله يعين علي الأستقبالات
:))

esTeKaNa يقول...

najmah
~~~~~~~~~
يا بعد قلبي قلبج والله
واي يا كره صداع الدراسه
وخاصه اذا فيج نومه
!!
افا عليج نحن هنا
اللي تامرين عليه
:)












charissma
~~~~~~~~~~~~~
يبااااارك بحياتج يا الغاليه
ومبروك على كل من تحبين
يستاهلون الخير والله
وربج ما يضيع التعب
:)









shlalat
~~~~~~~~~
ياهلا ويا مرحبا
انا كنت اسمع الدكتورة سلوى
مادري ليش احسها تمثل المرأة الكويتيه المكافحة
الله يوفقها لخدمة الكويت من موقع آخر
وترا حتى اللي مو سياسي صار سياسي الايام اللي طافت اشوة انها مرت

شدراج اني احب السهر؟
لوول
ما خربط حياتي الا هالسهر
:)

esTeKaNa يقول...

صقر قريش
~~~~~~~~~~
يعطيك العافيه
ما شاء الله صج صوتك فيه بركة
مرة ثانيه لازم اي مرشح نبيه يفوز نقنعك تصوت له
:)
نوم العوافي يارب






فريج سعود
~~~~~~~~~~~~~
تفائل بالخير
ونتايج هالسنه ذوبت قلوبنا
:)







الخيلاء
~~~~~~~
صباح الهنا يا هلا ويا مرحبا
:)
هالسنه على ما طلعت النتايج الا ذايب قلوبنا...لا قادرين نحتفل
ولا قادرين ننام
ولا يضيق خلقنا
مادري انا على الصبح تنحت
!!
وقبلها جم يوم مع وفاه الشيخ اعتفست النومه
لي يومج
الله يهديها وترد تتسنع
:)






حسام بن ضرار
~~~~~~~~~~~~~~
يوسف مصطفى بالنسبه لي ممتاز
كافي ان يقدر يرتجل
ومخارج حروفه واضحة وصحيحه
بس وايد وايد وايد تكلم
الله يعطيه العافيه
:)

esTeKaNa يقول...

أرتفل
~~~~~~~
ياهلا ويا مرحبا
يعطيك العافيه انت وام الليل
زين والله طلعتو الفجر
انا احس افتر راسي على الصبح
مشاعري هسترت
:Pp~
مبرووووك على فوزه
مشالله عليه بدايه قويه يستاهل
الله يوفق الكل لخير هالبلد
وسلم لي على الحرم المصون
:)










Someone-q8
~~~~~~~~~~~~
اللله يوفق الجميع يارب ويجمع قلوبهم لخدمة هذا البلد
:)












cLouds
~~~~~~~~~~~
يا صباح الليل حسب توقيتي
:Pp~
وليش كلامج ما يعجبني؟
بالعكس وجهة نظر منطقيه جدا
وتستحق انها تعجب الكل
اعتقد دخول دماء شابه شي مهم جدا
لكن عودة النواب كانت رغبه شعب
فعلينا احترام هذه الرغبه مهما كان
فما زال بعض النواب هم افضل الموجود من المرشحين
:)
وحيالله المتحلطمين والله
:**










عبدالرحمن
~~~~~~~~~~
ياهلا ويا مرحبا بعبدالرحمن
:)
الله يبارك بحياتك ويعافيك يارب
نتايج تعتبر مفاجاة للجميع
اعتقد على الجميع اعاده حساباته
الناجح لكي يحافظ على نجاحة وهذا بحد ذاته اصعب من الناجح
والخاسر..يراجع عيوبه وسلبياته التي اضاعت عليه الفرص
!!
نورت نورت يا بو بدر
:)

esTeKaNa يقول...

qesat-5ayaL
~~~~~~~~~~~~~~
يا مسا الرقة كلها
:)
يبارك بحياتج
ويديم الفرح بقلبي وقلبج قولي آمين











5roofa
~~~~~~~~~
هلا بخروفه هلا
:)
الكل كان يحاتي النتايج
حتى اللي ما يدري عن الانتخابات
وضع عادي
اشوة خلصنا والحمدلله


يا بعد قلبي اللي اشتاقت للسوالف
يايتج السوالف افا عليج:)









noor
~~~~~~
هلا بالنور كله
:)
يبارك بحياتج ماقصرتي
وصاجة...انا ضد من يقول مرفوع عنها القلم
على انها دوائر قبليه
ولكن هذا لا يعني ان ما اخرجته هذه القبائل بالضرورة سئ
البعض منهم كفاءات ويستحق الفوز
!!
الله يجمع قلوبنا على حب هالديرة
وفعلا ...يبيلنا راحة
حياج الله نور

Expatriate يقول...

مبروك يا استكانة النتائج الطيبة والمفرحة

الحمدالله دائرتي النتايج كانت جيدة افضل مما توقعت .. لأني كنت خايف بصراحة من الدائرة الأولى


بالنسبة للدوائر الثانية
الحمدالله المجلس اسلامي وباذن الله راح نشوف القوانين والتشريعات التي تسر القلب

طبعا انا اكثر من 20 نائب كنت متحمس لهم والحمدالله فازوا
لكني اخص بالذكر اللي فعلا كان قلبي عليهم وفرحت لهم بقوة لما فازوا
- محمد المطير .. رجل بمعنى الكلمة
- فيصل المسلم
- جمعان الحربش
- خالد السلطان
- عبدالله الرومي

باغي الشهادة يقول...

أنا اول مرة أصير مندوب مرشح، السهر علي ليس غريب لكن أول مرة أدخل قاعة التصويت في الثامنة صباحبا وأتم فيها من دون نوم -أو استلقاء على الأقل- إلى قريب السادسة صباحا من اليوم التالي! تخللها خروج للغداء والصلاة فقط. ويا حظي.. بالثانية ما طلعت نتيجتها إلا قريب الظهر

والطامة الأكبر نتيجة مرشحي حدس
:-(

فرحك بالمليفي تجعلنا نفكر بمعرفة هويتك
;-)

مُحَسّدْ يقول...

والله النوم اريح وانفع من مجابل النتايج الباااايخة

esTeKaNa يقول...

expat.
~~~~~~~~~
يا هلا ويا مرحبا باخوي العزيز
الله يبارك بحياتك ويوفقك يارب
:)
اي والله نتايج مفرحة
وبالضبط...اللي كنت تنتظرهم كنت انتظرهم
بس تدري عاد
النتايج على ما طلعت الصبح كان ذايب قلبي..ومشاعري بللاوعي
قمت اصفق بروحي بالصاله
:))
انا متفائله خير
والله كريم

esTeKaNa يقول...

باغي الشهادة
~~~~~~~~~~~~~~~
ياهلا ويا مرحبا بالمندوب النشيط
:)
يعطيك العافية اخي العزيز
صج كان يوم متعب
!!
يعطيك العافيه يارب وفي ميزان اعمالك يارب الوقفه والتعب من اجل الكويت
!!
الله يوفق الجميع للخير
واعتقد ان حدس لابد ان تراجع نفسها مرة اخرى والله يحفظها يوفقها يارب


مممممممم
لا تفكر بمعرفه هويتي
فالبحث عن هويه البلوقر احيانا يكون سببا لتحليقه بعيدا عن مدونته
:)))
يا هلا باخي باغي الشهاده
نورت البوست

esTeKaNa يقول...

محسد
~~~~~
النوم اجمل هروب
:)

AseeL يقول...

على طاري يوسف مصطفى

ضحكتيني

شكلج من مؤيدين الاسلاميين

:)

ولد الديرة يقول...

صباح الخيرات

متأخر ادري :)

esTeKaNa يقول...

aseel
~~~~~~~
هلا وغلا بأسيل
:)
انا بتنقص حق يوسف مصطفى فيمتو بارد يشربه هالاسبوع كله
:Pp~
أنا مؤيدة لكل من فيه خير
وكلنا مسلمين
;pP~










ولد الديرة
~~~~~~~~~~~~
ياهلا ويا مرحبا
:)
شلنا الريوق
وشربنا جاي الضحى
توك تقول صباح الخير
:pP~

محمد اليتامى يقول...

مدونة راقية جدا ً من إنسانة راقية

بالتوفيج إختي