الاثنين، مايو 05، 2008

...تطّير

(1)
~~~~~~~~
الانتقال من مرحلة الى مرحلة عاده ما يكون صعب
نحتاج دائما وقت لنتأقلم مع الحياه والاشخاص الجدد
اشعر بأني طفلة تخطي خطواتها الاولى في الحياة
تكتشف
تنبهر
وتتعلم
!!
تخطيت حدود قصري الزجاجي
وتجاوزت مرحله أحلامي الوردية
لأخطو خطوات ثابته على أرض واقع جديد
أحيان اشعر بخوف من ان تخدش الدنيا احلامي
او ان يصدمني الواقع بشئ يؤلمني
!!

(2)
~~~~~
حولت لي السكرتيرة اتصال من زميلي
يطلب فيه ان اقابل شخص لحين وصوله وانظر في موضوعه
لم اتعود انا اقابل اشخاص لا اعرفهم ولكني اضظريت
!!
دخل علي رجل في منتصف الاربعينات
ساعه ونحن نتكلم بموضوع:
شنو تشرب؟
لا مشكورة
لا لازم تشرب
لا ما تقصرين
تشرب عصير؟
لا مشكورة يا بنيتي...في قهوة
اوكي قهوة؟
ها..لا لا خلينا على الماي
اوكي ماي؟
والله جان ماي وجاي اوكي
!!
:(
انتهينا من مووضوع المجاملات ليبدأ في التكلم بموضوعه
الموضوع ممكن اختصاره بعشر دقائق كأقصى مده
ولكنه من غير مبالغة قضى ساعه الا ربع وهو يشرح لي الموضوع
يتكلم عن ادق التفاصيل
ادق ادق الادق في كل موضوع مثال ذلك:
وطلعنا قبل المغرب
لا لا لا
اظنتي جذي حروة الصلاه
لا تصدقين اعتقد صلينا وطلعنا

لا شعوريا وجدت نفسي استحثه ان يكمل فغير مهم التوقيت الآان
استهلك تفكيره وذاكرته في تذكر كل التفاصيل غير المهمه
شنو ككان ماكل
منو كان معاه
وتعليقات كل شخص موجود اثناء كل حوار
على نهاية الساعه الا ربع شعرت برغبه بالبكاء
هناك ناس مملين بطريقه عظيمة
!!
ياربي تلهمنا الصبر في مواجة كل مليق

(3)
~~~~~
تصغرني بعشر سنوات
أختي الوحيده
صدى روحي واحساسي فيها
!!
كنت قد انزويت بملل
انظر للغبار من نافذتي في يوم عيدميلادي واسئلها:
معقوله يصير عاصفه غبار في يوم عيدميلادي؟
تهقين هذا دلالة على عمر مغبر مقبل علي؟
صمتت ثم ذكرتني بشئ مهم:
دايم تقولين لي ربي
عند حسن ظن العبد فيه
علينا ان نحسن الظن بالرحمن في كل لحظة
ونتفائل في كل شئ
ما يجوز الربط بين الغبار وبين ماهو قادم
!
سمعت ابوي يقول ان لا يجوز الربط بين الأمور والاعتقادات الخربوطيه
يسمونه ممممم طيران،طيور،مطايير...شي مقارب بس لا يجوز
.
.

اضحكتني ان الفكرة في داخلها وان كانت نست كلمه التطيّر
وهو ما كان يقوم به اهل الجاهليه حين كانو يقررون القيام بشئ من عدمه بناء على وجهة الطير
فاذا طار ناحية اليمين اقدمو على الموضوع
وان طار باتجاه اليسار..يتشائمون ولايقومون باي عمل
!!
اخجلني ردها من نفسي
وافرحني بها
هل تعلمون اروع شئ حصل في يوم عيدميلادي؟
تعليقاتكم التي ادمعت عيني
واخجلت كل تعابيري وكلماتي

(4)
~~~~~
قال لها يوما :
لا أريد أن اكون ابا إلا لأطفال انتي لهم أما
يحملون صفاء عينيك
وطيبة قلبك
وكل الرقة لديك
!!
قمة العشق اني اربط كل شئ جميل في حياتي بك
نجاحي
زواجي
اطفالي
حتى نظرتي لشيخوختي التي لا اريد اكون حينها الا معك وبين يديك
.
.
آمنت بصدقه
وخضعت لرقه حبه
غفت على حلمه
وصحت على جرحه
هل فقد صدقه؟
ام انها اقدار انسته حبه؟

هناك 57 تعليقًا:

Najmah يقول...

كنت فرحانة من اول البوست
لكن لما وصلت النهاية
عورني قلبي
:(
استكانة
ربي يخلي لج اختج ويخليها لج
ومشكورين انتوا الاثنين من كل قلبي
قريت اللي احتاجه بهاللحظة اشد الحاجة
الله لا يحرمني
:*
وعسى ربي يوفقج ويسهل كل امورج

mtfa2el يقول...

عيل ما مر عليج اللي يتصل الساعة ثنتين و نص الظهر و يسولف ثلث ساعة عن تفاصييل الأمس !!!!
غبرة بعيد ميلادج
امممم دقي عالنهام يمكن الحين قام يفسر الظواهر الكونية ..تدرين تطور الظاهر من الأحلام لي الواقع
و مثل ما يقول : خير إن شا الله خير
:p

الخيلاء يقول...

-1-

شعور طبيعي انحس فيه كلنا
لما ننتقل من مرحله الحلم لي مرحله التطبيق

اشياء كنا انتخيلها و ماندري اذا بتحقق او لا .. و لما اتحقق نجد صعوبه بتاقلم معها ..

لكن مع الوقت بنتاقلم و نلقى حلم يديد يعيشنا بفكره ممكن ولا مو ممكن

و ان شاء الله كل احلامنا اتكون ممكنه مهما طال الزمن :)




-2-

الله يخليلكم لبعض :)
ضحكتني على سالفه الطيور والمطاطير
ياحلوها

و ساعات انعلم الناس اشياء و ننصحهم
و بوقت انكون احنا غافلين اهما ايردون لنا النصيحه .. و ساعتها الاكيد بنفرح

ليش؟

الانه كلماتنا لقت لها صدى بنفسهم و اقتنعوا فيها و بدوا يرددونها و يقنعون الناس فيها

شرايج مو حلو الشعور انه كلمتج لها صدى بالنفس :)

و انا يوم عيد ميلادج كنت محكوره بالغبار لا وصلت دوامي ولا وصلت البيت

:/





-3-

اممم صعب السؤال
و صعب انه الواحد يعيش على امل ينهدم و الاصعب انه يتم لها الانسان اثر بحياتها ..

الله لا يحط أحد بهالموقف

Eng_Q8 يقول...

شايب وما يدقق مستحيل :)

ولد الديرة يقول...

كنت بعلق

لكن قلت حق نفسي ليش اعلق

خل اقترح

ييت بقترح

قررت اطالب

تالي قلت شلي بهالسوالف

شلون الأهل

شخباركم

وبعد شخباركم

وشلونكم






فعلا

فيه ناس مال ينصرخ فيهم

Shut the .... up تقفه


سلمي على اختج

:)

صقر قريش يقول...

(1)
شعور طبيعي أنا الآن في طريقي لإكمال الدراسة وتعويض ثمن أخطائي الماضية التي كلفتني تأخير في الدراسة في طريقي إلى مصر بإذن الله ومازلت مرعوبا رغم إني رجل!! الغربة هي التي ترعبني بكل صراحة لكن هذا شعور طبيعي لكل إنسان إن لم يكن يكن خوف كان توتر وإلى ماذلك.

(2)
أما هذه فتكلمي ولاحرج في ذلك كثيرون مثل هذا النوع لكن هكذا الدنيا وهكذا حال البشر كما يقول عبدالله الرويشد :) أعانك الله عليهم فبالعمل ستلقين الكثير منهم

(3)

لذلك قيل ليس العمر بعدد الأيام والسنين إنما العمر يقاس بالتفكير والوعي منذ الصغر شيء جميل ليتني كنت مثل أختك عندما كنت في عمرها ليتني كنت نفس تفكيرها الله يخليكم لبعض إن شاء الله.

(4)
هذا يسمونه متلاعب بالعواطف لاعاشق وهو يعلم إن الرجل يجب بعينيه والمرأة تحب من أذنيها وهذا مايفعل وبهذه الطريقة يستدرج الذئب الحمل الوديع .

رائعة كالعادة .

`~MnO YeNSa! ~` يقول...

يرهقني الانتقال الى مرحلة جديدة
و ذلك لاني اكره قفدان تفاصيل الامور و ان كانت روتينية .. و لكنها كانت جزءا لا يتجزا من حياتي ..
كما قلت يرهقني ..

لكن نفسي تريد و عقلي يريد
ولكن اله اعلم اين الفائدة العظمى من هذه المرحلة ومن المستفيد

...

فدنيانا فالواقع المر مراحل
وامسنا عن غَدٌنا بها راحل

****

صبرا جميل والله المستعان

قال الشافعي
اختر لنفسك حظها
و اصبر فان الصبر جنه
:P

***

يحلاتها ... استكانه صغيرة :* حبيها و يخليج لها ويخليها لج


***

حيل عورتي قلبي :(

اكان حلم!؟
نعم حتما كان

ARTFUL يقول...

لاااا
ما فقد صدقه
لان بالاصل عمره ما صدق
حتى لو كان اهو في باله انه صادق
صدقه الخيالي أظلم طريجه

الا اذا فعل خطوة صحيحه وما قدر لاسباب خراجه عن ارادته ورضى بالواقع

-----------------
وكان يوم ميلادج غبار وطوز وقيله وهذا يعني سنة تخوف تخررررررع ديري بالج
والله يعينج على ما بجيييج
;p
أضحك معاج بالعكس الدنيا مستانسه ترحب فيج ولصعوبة نزول الأمطار ما لقت غير الغبار
مع تمنياتي لج بسنه طيبه وعمر مديد بالخير والصحه والعافيه والسعاده
-----------------
داومتي لوووووووول شدي الحيل وبيضي الويه
مو تجابلين النت وقت الدوام نفسي
;p
----------------
جني بديت من تحت
ترا ممكن اييج طراق من الحياة عادي
لا انتي أول وحده ولا آخر وحده يحوشها راشدي من الدنيا
بالعكس الحياة لوما تقلباتها لأصبحت غثيثه مليقه ما تنبلع
بس الأكشن اللي فيها وترقب المستقبل المجهول هو ما يجعلك تعمل وتكدح وتغير واتغير وتحفر و اطنش وتكبر راسك واطوف وتلعب وتسمع وتامر وتنهي وتزعل وتبجي وتستانس
استمتعي بحايتج وعيشي الدنيا جنها فيلم وانتي البطله

وبيني وبينج ترا البطله تقدر تكلم المخرج والكاتب وتغير في بعض الأحداث

جني بديت بالمقلوب
;p
موفقه يا وخيتي

=)

فتى الجبل يقول...

للاسف احيانا الواقع يكون اقوى من الحب
واحيان ثانية نجذب وايد باسم الحب

5roofa يقول...

واااااااااي بجيتينيي استكانه

اخر مقطع مو طبيعيي

امبي على طراي الي يقولون التفاصيل الله يخليج عندي و عندج خير
اهالي البنات يقولون كلللللللل شي بحياااااااتهم


الله يخلي اهلج لج و يخليج لهم يااااااارب

salamz sis...

charisma يقول...

هههههههههههه
ياااارج الله يا استكاانه على هالنماااين طولى بالج والله يعيييييييييييينج
:))

وضحكتينى على عمر مغبر هههههههههه
شطرا علييج هههههههه
لا اسم الله عليييج من العمر المغبر
انشاءالله عمر صافى وشرح وسعييد وكل احلامج وامنياتج تكو فيه ان شاءالله
:**

والختام
ولا احلى منه

:*

Selezya يقول...

happy birthday -- sorry 4 late :)

hamdool يقول...

God bless everything U do ..

و إنشاءلله وين ما تطقينها سيده

bin3li يقول...

(1)
تخافين الدنيا تخدش!!!
هذه إذا ما توحدج فيج و لا ما هي دنيا
بس خلج قوية و تعلمي

(2)
لو طالبته صحن فول يغمس مب أحسن؟

(3)
إن مع العسر يسرا

:)

(4)
الحياة سلطة
لو ظلينا ناكل شغلة وحدة ما بنعرف طعم باقي الأكل

هذه حكمة اليوم

و مري علي باجر أعطيج حكمة يديدة
:P

فريج سعود يقول...

ليش ما قلتي لنا التفاصيل الي قالها الشايب
محتاجين ملاقة تطلعنا من جو الانتخابات

ShLaLaT يقول...

اختي الغاليه استكانه

اسمحليلي ان انقد شي

لما قلتلي عن الناس المليقين والله يعينج عليهم

رجل في الاربعينات من عمره ما تدرين يمكن ما عنده بنات او احد يتكلم معاه
يمكن ارتاح لج واستانس وقال يسولف معاج

انا معاج ان مرات البعض يكون ممل وخاصه اذي ما كنتي متهيئه حق مقابله شخص

بس ما تدرين يمكن بيوم من الايام لما تكبرين ويكبرون عيالج ودج انج تسولفين مع احد وفجأه تلقين روحج تسولفين مع موظفه ما تعرفينها

تدرين استكانه يمكن انتي اسعدتيه لما سمعتيه
بس اذا سمعج تقولين عنه ممل او مليق شنو راح يكون رده ؟
حرام انتي بديتي بخير لج لا تخربينه

آسفه اذا ضايقج الكلام بس والله انا تعلمت منج صدق الكلمه وجمالها
وحبيت فيج كلامج الحلو


اما عن اختج فالله يخليها لج ويحفظها من الشر
مشاء الله عليها عقلها كبير
والله لا يحرمج منها



اما عن القصه
هل هي حقيقيه ؟؟ ام من وحي الخيال ؟؟



بوست جميل عادتك في كتابة البوستات المميزه

اعذريني اخيتي طولتج عليج

Shaima'a Alkandari يقول...

نهايه مؤلمه للغايه

وبعدين تعالى ليش عمر مغبر عمر حلوووو وكله حلات لانه عيد ميلادج انتى وتفائلي انزين

وهذي سنة الحياه يالغاليه

~ Dreamzy ~ يقول...

ياربي تلهمنا الصبر في مواجة كل مليق



ehhehe i loved this part !!


*Btw Kil 3am wenty bkhair i've been reading ur blog since 2006 ;)* never ever commented tho... my very first comment today !

so there are Fantom Readers that you dont know about that also pray for you on ur birthday and on other days that u post on :)


:)

باغي الشهادة يقول...

على راسي.. أختك



لكني باغي الشهادة لا محمد العوضي
:-)

U-Turn يقول...

...1...
هاذي الدنيا فيها الزين والشيين
فيها الي يونس والي يضيق الخلق
ووضع نقطه والإبتداء بسطر يديد غالبا ما يكون شي صعب بس بمجرد كتابة أول كلمه تلقيين الجمله بدون إحساس تكتمل :]

نهاية مرحله وبداية أخرى غالبا ما يكون شي صعب بس بمجرد مرور وقت تلقيين روحج متأقلمه..والدنيا تجارب وحلو الواحد يجرب ويغلط ويتعب وينجرح ويتعلم :)

..2..
بحكم عمر الريال شكله كبير شوي .. وهاذي عادة الكبار لازم يقولولج التفاصيل ويعيدون ويزيدون .. بس شنو بيدج تسويين غير وإحتساب الأجر :]


..3..
مشاء الله عليها
الله يخليها لج ولا يخليكم من بعض


..4..
ما اصعب الحلــم بالســراب
وإنتظار من لا يأتــي!!
والخضوع للأقدارعلى حساب الحب والوعود !!


سامحيني أختي استكانه على الإطاله بس أحب أعلق على كل شي ببوستج
لان كل شي يستحق اوقف عنده وابدي رايي:]

لي عتب علييج ..!! من زمان ما سيرتي على مدونتي :p


يعطييج العافيه وعساج على القوة

حسافتج يا كويت يقول...

مدونتح

مثل محطة البانزين
والمستوصف
والمطبخ
وبيت يدتي
والجمعية
والدوانية
والكثير الكثير من الأمور التي لا غنى عنها في حياتنا


لازم نمرها بين فترة وفترة وإلا ما تمشي سيارتي
ولا اطيب
ولا اكل
واتحلكم يدتي إذا ما زرتها
ولا اقدر امجل
ولا اقضي ساعتين باليوم ارفة فيهم عن نفسي


مدونتج صارت مثلهم كلهم


عجيبة وحبيبة يا استكانة

someone_q8 يقول...

السلام عليكم
:))
حبيت اسلم

SolaimaN يقول...

1
لن اقلق في تلك المرحلة الجديدة،،انت اكبر منها

2
بتعيشين انشالله وبتشوفين

3
الله يحفظها انشالله

4
الافكار والقناعات ،كثيرا ما تكون عرضة للتغيير

Mr_CHoCoLaTe يقول...

خير الكلام ما قل و دل

و ان شاءالله عمر مديد و فيه كل الخير

السموحه على التأخير

مع السلامه

حلم جميل بوطن أفضل يقول...

أموت و أقرا عن هالأحلام الوردية

متى نشوف هالبوست يا ترى؟

و يا عل الدمعة بعيونك على طول يا رب

أقصد مستانسة طبعاً

Peace يقول...

احيانا يحقق الواقع احلامنا
و احيانا يأتي بعكس هذه الاحلام

لذا علينا ان نتوقع الحالتين

esTeKaNa يقول...

najmah
~~~~~~~~~
هلا بنجمة البلوقرز كلهم
:*
يا عساج دوم فرحانه ولا يعورج قلبج ابد
!!
والله يسلمج ياربي ويزاج الله كل خير على هالدعاء الطيب ما تقصرين
:**

esTeKaNa يقول...

mtfa2el
~~~~~~~~~
ثنتين ونص التليفون يصير سايلنت
لا نستقبل الا المكالمات المهمة
هذي حزة الراحة وانا اخيتك
:)
تخيل ادق على النهام
يا حليله جابر خاطر الكل كل الاحلاك تفسيرها زواج
:)

esTeKaNa يقول...

الخيلاء
~~~~~~~~
اسم الله على صديقتي
دايما تعليقها عشرة على عشره
افكار مرتبه ومعلومات متسلسله
عاشت طالبه الماستر والله
:)
تصدقين فعلا اجمل احساس احساسنا ان لنا اثر في قلوب الناس حولنا وكلماتها لها صدى بارواحهم
!!
حياج الله

mtfa2el يقول...

الغبرة = زواج
اممممم و الله شكله تفسير منطقي !!

esTeKaNa يقول...

eng-q8
~~~~~~~~~
اي والله
:)




ولد الديرة
~~~~~~~~~~~~
hehehehe
اي والله تكفا
!!
تبي الصج؟
اانا اول شي حدي متفاعله واركز
تالي افتر راسي مادري شنو قام يقول
واختي تقول الله يسلمك ما تقصر
واصل واصل
:Pp~



سقر قريش
~~~~~~~~~~~
كالعادة ..عشره على عشره تعليقك
:)
الله يهون عليك الغربه
ويوفقك
وترجع باسرع وقت ورافع راسك اهلك ومفرحهم يارب
حياك الله وشكرا على التعليق

esTeKaNa يقول...

MNO yENSA
~~~~~~~~~~~
هلا بصاحبة الاحساس الارق
!
نعم ..انا اشاركك هذه الصفة
اخاف من فقد حتى التفاصيل الصغيرة الروتينيه
:(
ضحكت يوم قلتي استكانة صغيره
!!
اصغر مني بس اسم الله عليها اطول مني تخيلي
:Pp~
اسم الله على قلبج من العوار
حلم؟
ما اقسى الاحلام احيانا

esTeKaNa يقول...

ARTFULL
~~~~~~~~~
ياهلا بالارتفل والله
:)
كلامك واقعي جدا،احيانا هو نفسه لا يعلم هل كان صادق فعلا ام لا
!!
تدري متى تكون المشكله؟
لما يكون عنده يقين بصدقه
ويقدم على خطوة وفعل
ولكن الواقع والنصيب يعانده
~~~~~~~~~
اي والله هالسنه مااكو مطر يثبت هالارض ويطيح الغبار
وانا دوامي مافيه نت
ايي من الدوام كلي شووووق بشوف شصاير بالبلوقات ومنو معلق
:))
يا زين تعليقك يا اخوي العزيز
ترا انته مطالب لو اكتب اي شي تعلق
لانه تعليقاتك دائما بالصميم
:)

esTeKaNa يقول...

فتى الجبل
~~~~~~~~~
عدل كلامك
:)









5Roofa
~~~~~~~~~
ياهلا ويا مرحبا بالخروفه
:)
واي الله يعين قلبج
يعني جم طالبه بالصف
جم وليه امر
وكلهم بيسولفون بكل التفاصيل
واي الله يعينج
:)

esTeKaNa يقول...

charissma
~~~~~~~~~~~~
هلا بجسر المحبة
:**
انتي ادرا بالنماين
هني مسويه مونتاج
بس الحجي بيكون عندج
بقولج ادق ادق الادق التفاصيل
لما تملييييييين مني
:))
يا بعد قلبي انتي..مادري شطرا علي مغبر
مو مني من الاجواء











selezyea
~~~~~~~~~~
اهليين
شكرا شكرا
:))







hamdool
~~~~~~~~~
وي عسى عمرك طويل ما قصرت
:)

esTeKaNa يقول...

bin3Li
~~~~~~~~
(1)
طبيعي اخاف
بس اذا قربت بتخدش
انقلب لبؤه لا تحاتيني
:)
(2)
يمكن لو قايله فول
قالي حمص احسن
:Pp~
(3)
:)
(4)
يا سلااااااااااااام
خوش حكمة والله
ومنكم نستفيد
:)








فريج سعود
~~~~~~~~~~~~~
لو قايله التفاصيل
جان احتجت اكتب لكم معلقه مو بوست
:)

esTeKaNa يقول...

شلالات
~~~~~~
تهقين انا راح ازعل منج؟
ابد والله ما ازعل
لان ببساطة انا افترض فيج حسن النية وانج قلتي هالكلام حرصا وحبا في صاحبة هذه الكلمات
!!
كان يفترض ان انتقد تصرف بوجة عام دون ذكر تفاصيل الموضوع
فقد كنت اريد ايصال احساسي مع الناس التي تعشق ذكر التفاصيل وهذا الامر لا يقتصر على هذا الرجل بل ان الكثيرات منا تمارسه احيانا دون قصد ولكن هناك من يقول كل التفاصيل بشكل كبير وواسع بكل موضوع
!!
الله يحفظج ويزاج الله كل خير
قد يكون نقد
ولكن فرحني الصدق باحساسك
الله يسلمج من كل شر
:)
القصه حقيقيه
تتكرر كل يوم
اعدت صياغتها بخيالي
حياج الله
:)

esTeKaNa يقول...

Shaima
~~~~~~~~
يا هلا بشيما والله
اي لابد من التفاؤل
ومن غيره ما نعيش
:)
شكرا لمرورج






Dreamzy
~~~~~~~~~
waw!
وايد وايد ونسني تعليقج
سنتين تقرين اللي خلاج تكتبين كومنت هالجمله
لو ادري كاتبتها من زمان
:Pp~
وايد فرحني تعليج اكثر من ما تتصورين
وحياج الله بلوقج ومكانج
سواء كان مرورج صامت او مع ترك تعليق
:)

esTeKaNa يقول...

باغي الشهادة
~~~~~~~~~~~~~~
يسلم راسك
يا باغي الشهادة
:)











U-TURN
~~~~~~~
(1)
فكرة وقع نقطة والابتداء بسطر جديد
ابهرتني
رغم بساطتها
:)
عدل كلامج
(2)
اي والله صاجة
بس ما تلاحظين البعض بعمرنا
تقولج كل كل التفاصيل
اوكي في تفاصيل مهمة
بس في تفاصيل جدا ممله
(3)
امين يزاج الله خير
(4)
فعلا..ما اصعب الخضوع للاقدار
:(

صديقتي الجميلة
تعليقج عشره على عشره
ساميحني على التأخر بالمرور
لا اجد وقتا كافيا حتى لبلوقي
ومقصره بشكل كبير
ساميحني وانا اختج
وضروري اسير على مدونتج اشتقت لكلماتك
:*

esTeKaNa يقول...

حسافتج ياكويت
~~~~~~~~~~~~~~~~~
انته شفت ابتسامتي وانا اقرا تعليقك؟
واي فرحت وضحكت من قلبي
لدرجة
مادري شنو اقولك
ولاقادره القى رد مقنع يرد عليك
تدري شلي يميزك؟
عفويه احساسك وصدقك في التعبير عن مشاعرك
شكرا لوجودك الجميل دائما
:)







SOmeone-q8
~~~~~~~~~~~~
وعليكم السلام
هذي الساعه المباركة
:)

esTeKaNa يقول...

solaiman
~~~~~~~~~~
ياهلا ويا مرحبا
مممم
هل كل القناعات قابله للتغير؟
ربما
!









mr-chocolate
~~~~~~~~~~~~~
حياك اللله
وشكرا ما قصرت
:)









حلم جميل بوطن أفضل
~~~~~~~~~~~~~~~~~~~~
تبي بوست الاحلام الورديه؟
اخر واحد توقعت يطالبني بهالبوست
:Pp~
وعسى دمعتك بعينك دوم





مستانس طبعا
:pP~

esTeKaNa يقول...

peace
~~~~~~~
عدل ملامج
:)








متفائل
~~~~~~~~~
هههههه
شكله زواج مغبر
:Pp~

ARTFUL يقول...

بالشوفه طال عمرج

;p

Barrak يقول...

احب الرتم اللي تمشين عليه
تاخذينا معاج من لحظه لاخرى


بتناغم راقي


سيدتي الملاقه صار من شروط المواطنه

الله يعينج

Kuw_Son يقول...

عادي في ناس تحب التفاصيل المملة .. و انتي واضح من النوع اللي يركز على الأهداف و النهايات :)

----------------------

أهم شي السنة المقبلة من عمرج مغبرة هههههههه !! شنو هالتشاؤم :P

------------------------

كلماته قوية !! لا أتخيل أبدا أن امرأة أمامه قد سمعت كلامه و لم يهتز قلبها !!

إذا أنا حسيت ان الكلمات طالعة من القلب !

Happy Birthday ,, sorry for being late :)

QiYaDiYa يقول...

1-

التغيير امر صعب ..
و في هذه الفترة بالذات من العمر ما اكثر التغيرات الي تطرأ على حياتنا ...

نخاف منها ..
لكن اكيد هي الخير لنا ..

2-

عندي وحدة من صديقاتي الله يذكرها بالخير ..
تلاقيني انا قاعدة على نار انطر شنو قاعد يصير !
و اهي لما تقول السالفة تقولها بتفاصيلها الي تخلي اعصابج تحترق اكثر..
فاول ما اشوفها ..
اقولها عطيني الزبدة و بعدين تحجي ;p

و هذي اطباع تختلف من شخص الى اخر ..
صديقتي انا مستعدة و من اعماق قلبي اني اسمعها و هذا طبعها ..
لكن انسان ما اعرفه ..
جذي التصرف يصير غير ;p


3-

نتشارك في فرق العمر بين اخواتنا !
اختي الوحيدة و بيني و بينها عشر سنوات ..
فرق العمر كبير اكيد ..
لكن الي ينسيج هالفرق هو انها تبقى اختج و تحبينها ..


عادي مواليد شهر 4 تحوشهم سرايات ..
انا بعيد ميلادي كان مطر ;p

و هالسنة اقولج شنو صار غير السرايات ؟
صرت مريضة ..
عيد ميلادي السبت ..
الاحد انا عندي امتحانين و كل واحد اصعب من الثاني !
الي خلاني اربع ايام قبل منحكرة بالبيت ادرس !!
و هم رحت الامتحان و باقيلي وايد اشياء ما درستها !! ;p


كل عام و انتي بألف خير ;*
وصلج الايميل ؟



4-

ليش عوار القلب بالنهاية ؟

mantovani يقول...

تحياتي


مانتوفاني

78o8eYa يقول...

طق
طق
..
..

في ناس واقفين عند الباب
مقصرين بحقج
بس
ولهانين

يصير يطلون
ويسلمون

:**

كل عام وانتي استكانة ... غالية وحبيبة قلب

ماكو منها ثنتين

ربي يوفقج ويسعدج
ويرزقج بأحسن من كل ما تتمنين
:)


نصيحة مجربة

قوّي قلبج
وتقبلي الواقع بصدر رحب جداً
لأن بكل بساطة
هذي الدنيا
مسرح كبير
ومدرسة
!

....

الله يعينج على الملاقه
:/
حدي حاسه بالشعور
://

....

الغبار دوخنا
ما ألومج

بس كانت له ميزة

قرّبج من أخيتج

أحب الخوات ^_^

....

نهاية البوست
تتلخص بـ

"القدر"

المبدع الناقد يقول...

http://fekrety.blogspot.com/

زر مدونتي استاذي الفاضل

~FaHaD iN MiND~ يقول...

7ayakom allah eb my blog .. this is my first post atmana ena ya3jebkom :)

DiLLi O MiLLi يقول...

شوفي حبيبتي استكانة

الدنيا مو بتخدشج ألا بتشلخج
ما أقول هالكلام عشان أخرعج
بس عشان تعرفين أن موو كل شي أيي بالساهل بهالدنيا
ولابد أن الواقع راح يصدمج بأشياء وايده
مع مر السنين راح يكبر ويقوى قلبج الصغير وراح يقدر يتحمل
تصوري الحياة سيارة تمشي على ياده
السيارة ممكن تصادف مطبات أو حفر .. الرك أهني عاد على السايق
السايق راح يطب بأول حفرة ويمكن الثانية أو الثالثة والسيارة ممكن أتعور
بس عقب السايق راح يتعلم أشلون يتحاشى هالحفر
والشغل راح يصقل شخصيتج .. ويخليج تعتمدين على روحج
أنا أول ما بديت شغل كنت كل ما أواجه مشكلة .. أرووح دبجه لأمي أو أبوي
أما عقب .. لاااا قمت أواجه مشاكلي بروحي وأحلها بدون لا يدرون أمي وأبوي

وأنااااا واثقه أنج أدهااااا وأدوود (اللي أهي الدنيا)ء
:)
وبعديين أنا موجوده .. وبرسم الخدمة
ولا أنا موو أختج الجبيرة
ما قايلة أنا كبر منو هههههه خليني أختج الجبيرة
وستري على ما ويهتي
:)

بعدين ترى الجماعة اللي يعلقون طايحن بالريال اللي كتبتي عنه
يقولون الشايب !! منتصف الأربعينااات صار شاااايب !!؟؟
مااا يصير هالحجي

على قولة سعد الفرج
أحنا نشوف الريال ليه سن الأربعين ياهل خضر غظ
ومن الأربعين ليه الخمسه وستين
يصير ريال كامل ناضج
والبقية

:)


الله يخليلج أختج الصفيرة
والكبيرة بعقلها


:)

esTeKaNa يقول...

أرتفل
~~~~~~~
هذي الساعه المباركة
:)







براك
~~~~~~~
وأنا احب مرورك
واحب كلماتك اللي تشعرني بتناغم البوست وبقيمة كلماتي
شكرا لك
:)

esTeKaNa يقول...

kuw-son
~~~~~~~~~~~
انا احب التفاصيل
ومبين من كتاباتي اني انقل تفاصيل
ولكن
وتحت اللكن عشر خطوط
التفاصيل المهمه غير الممله
:)
اي والله يا اخوي كلماته قويه
تعدمت نشرها لارى
هل انا فقط من تأثرت حين سمعت تلك الكلمات منها؟
وانته بخير
شكرا لمرورك
:))

esTeKaNa يقول...

قيادية
~~~~~~~
ياهلا ويا مرحبا بقياديةالفرح والاحساس كله
:)
كالعاده تعليقج اجاباته كامله
عشره على عشره يا شطورة
:*
في نقطة لفتي نظري فيها
صديقتج مستعده تسمعينها
بس مو الكل عندنا ذات الاستعداد لنسمعه
لان ببساطة القريبين منا نحن دائما نهتم لكل تفاصيلهم
!!
هذي ملاحظة جوهريه

صديقتي واختي العزيزه
صاحبة القلب الراقي والاحساس الجميل
قيادية الاخلاق والسنع
وصلني ايميلك
وكتبت لك ايميل طويل
ظل في الدرافت مده وحسبت اني بعثته
:(
كل العمر ونحن بخير
كل العمر وانتي دائما السباقه بالخير والسنع
ايميلك فرحني اكثر من ما تتصورين
وكنت اتمنى ان ارسل لك رد في يومه
ولكن اشتراكي مفشلني
:(
شكرا لمرورك





مانتوفاني
~~~~~~~~~~~
يا هلا بك انته وتحياتك
:)

esTeKaNa يقول...

حقوقية
~~~~~~~~
يا هلا بالطش والرش
وماي الورد بالقرش
هلا بالحبيبه الغاليه والله
:*
وانتي بخير وصحة وسلامة
مرورج
مسج منج
اتصالاتج الجميله
كلها ترد روحي
ما منج قصور يا الغاليه
.
.
.
ومنكم نستفيد
يبيلي دروس بحياتي اليديده
وانتي ادرا
:)

esTeKaNa يقول...

المبدع الناقد
~~~~~~~~~~~~~~~~
ان شاء الله
:)





fahad
~~~~~~~~~
حياك الله
ان شاااااللله
:)

esTeKaNa يقول...

dilli o milli
~~~~~~~~~~~~~~~
واي يصير المج؟
تدرين عاد انا من اشتغلت وانا لما ارد البيت ما احجي بكل شي وخامره
ماكو الا هني اتكلم وافضفض
ولا تحاتيني انا قدها قدهها
:))
وي يا زين اختي الجبيرة ويا جمالها
ااختي الجميله اللي ما وايهت منها الا الخير
:***
وصاجة
من قال ان شايب؟
منتصف الاربعينات هذا قمة الشباب والعقل والنضوج
:)